MuhurtaNow

2.1 - ವಾಯವ್ಯಗ್ಗ್ ಶ್ವೇತ ಮಾ ಲಭೇತ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

Kanda 2 - Krishna Yajurveda Taittiriya Samhita · ಸಾಂಪ್ರದಾಯಿಕ ಭಕ್ತಿ ಪಠ್ಯ

krishna yajurvedeeya taittireeya samhitaayaa-ndviteeyakaande prathamah prashnah - pashuvidhaanam

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

vaa̠ya̠vyagg̍ shve̠tamaa la̍bheta̠ bhooti̍kaamo vaa̠yurvai kshepi̍shthaa de̠vataa̍vaa̠yume̠va svena̍ bhaaga̠dheye̠nopa̍ dhaavati̠ sa e̠vaina̠-mbhooti̍-ngamayati̠ bhava̍tye̠vaa-ti̍kshipraa de̠vatetyaa̍hu̠-ssaina̍meeshva̠raa pra̠daha̠ itye̠tame̠va santa̍m vaa̠yave̍ ni̠yutva̍ta̠ aa la̍bheta ni̠yudvaa a̍sya̠ dhriti̍rdhri̠ta e̠va bhooti̠mupai̠tya pra̍daahaaya̠ bhava̍tye̠va [ ] 1

vaa̠yave̍ ni̠yutva̍ta̠ aa la̍bheta̠ graama̍kaamo vaa̠yurvaa i̠maah pra̠jaa na̍syo̠taa ne̍neeyate vaa̠yume̠va ni̠yutva̍nta̠gg̠ svena̍ bhaaga̠dheye̠nopa̍ dhaavati̠ sa e̠vaasmai̎ pra̠jaa na̍syo̠taa niya̍chchhati graa̠mye̍va bha̍vati ni̠yutva̍te bhavati dhru̠vaa e̠vaasmaa̠ ana̍pagaah karoti vaa̠yave̍ ni̠yutva̍ta̠ aa la̍bheta pra̠jaakaa̍mah praa̠no vai vaa̠yura̍paa̠no ni̠yu-tpraa̍naapaa̠nau khalu̠ vaa e̠tasya̍ pra̠jaayaa̠ [pra̠jaayaa̎h, apa̍] 2

apa̍ kraamato̠ yo-'la̍-mpra̠jaayai̠ sa-npra̠jaa-nna vi̠ndate̍ vaa̠yume̠va ni̠yutva̍nta̠gg̠ svena̍ bhaaga̠dheye̠nopa̍ dhaavati̠ sa e̠vaasmai̎ praanaapaa̠naabhyaa̎-mpra̠jaa-mpra ja̍nayati vi̠ndate̎ pra̠jaam vaa̠yave̍ ni̠yutva̍ta̠ aa la̍bheta̠ jyogaa̍mayaavee praa̠no vai vaa̠yura̍paa̠no ni̠yu-tpraa̍naapaa̠nau khalu̠ vaa e̠tasmaa̠ dapa̍kraamato̠ yasya̠ jyogaa̠maya̍ti vaa̠yume̠va ni̠yutva̍nta̠gg̠ svena̍ bhaaga̠dheye̠nopa̍ - [bhaaga̠dheye̠nopa̍, dhaa̠va̠ti̠ sa] 3

dhaavati̠ sa e̠vaa-'smi̍-npraanaapaa̠nau da̍dhaatyu̠ta yadee̠taasu̠rbhava̍ti̠ jeeva̍tye̠va pra̠jaapa̍ti̠rvaa i̠dameka̍ aasee̠-thso̍-'kaamayata pra̠jaah pa̠shoon-thsri̍je̠yeti̠ sa aa̠tmano̍ va̠paamuda̍kkhida̠-ttaama̠gnau praagri̍hnaa̠-ttato̠-'jastoo̍pa̠ra-ssama̍bhava̠-ttagg svaayai̍ de̠vataa̍yaa̠ aa 'la̍bhata̠ tato̠ vai sa pra̠jaah pa̠shoona̍srijata̠ yah pra̠jaakaa̍mah [ ] 4

pa̠shukaa̍ma̠-ssyaa-thsa e̠ta-mpraa̍jaapa̠tyama̠ja-ntoo̍pa̠ramaa la̍bheta pra̠jaapa̍time̠va svena̍ bhaaga̠dheye̠nopa̍ dhaavati̠ sa e̠vaasmai̎ pra̠jaa-mpa̠shoo-npraja̍nayati̠ yachchhma̍shru̠nasta-tpuru̍shaanaagm roo̠pam ya-ttoo̍pa̠rastadashvaa̍naa̠m yada̠nyato̍da̠-nta-dgavaa̠m yadavyaa̍ iva sha̠phaastadavee̍naa̠m yada̠jasta-da̠jaanaa̍-me̠taava̍nto̠ vai graa̠myaah pa̠shava̠staa- [pa̠shava̠staan, roo̠penai̠vaava̍ rundhe] 5

-nroo̠penai̠vaava̍ rundhe somaapau̠shna-ntrai̠tamaa la̍bheta pa̠shukaa̍mo̠dvau vaa a̠jaayai̠ stanau̠ naanai̠va dvaava̠bhi jaaye̍te̠ oorja̠-mpushti̍-ntri̠teeya̍ssomaapoo̠shanaa̍ve̠va svena̍ bhaaga̠dheye̠nopa̍ dhaavati̠ taave̠vaasmai̍ pa̠shoo-npraja̍nayata̠-ssomo̠ vai re̍to̠dhaah poo̠shaa pa̍shoo̠naa-mpra̍janayi̠taa soma̍ e̠vaasmai̠ reto̠ dadhaa̍ti poo̠shaa pa̠shoo-npra ja̍naya̠tyaudu̍mbaro̠ yoopo̍ bhava̠tyoorgvaa u̍du̠mbara̠ oorkpa̠shava̍ oo̠rjaivaasmaa̠ oorja̍-mpa̠shoonava̍ rundhe ॥ 6 ॥ (apra̍daahaaya̠ bhava̍tye̠va - pra̠jaayaa̍ - aa̠maya̍ti vaa̠yume̠va ni̠yutva̍ta̠gg̠ svena̍ bhaaga̠dheye̠nopa̍ - pra̠jaaka̍ma̠ - staan - yoopa̠ - strayo̍dasha cha ) (a. 1)

pra̠jaapa̍tih pra̠jaa a̍srijata̠ taa a̍smaa-thsri̠shtaah paraa̍cheeraaya̠-ntaa varu̍namagachchha̠-ntaa anvai̠-ttaah puna̍rayaachata̠ taa a̍smai̠ na puna̍radadaa̠-thso̎-'bravee̠-dvara̍m vrinee̠shvaatha̍ me̠ puna̍rde̠heeti̠ taasaa̠m vara̠maa 'la̍bhata̠ sa kri̠shna eka̍shitipaada-bhava̠dyo varu̍na griheeta̠-ssyaa-thsa e̠tam vaa̍ru̠na-nkri̠shna-meka̍shitipaada̠maa-la̍bheta̠ varu̍na- [varu̍nam, e̠va svena̍] 7

-me̠va svena̍ bhaaga̠dheye̠nopa̍ dhaavati̠ sa e̠vaina̍m varunapaa̠shaa-nmu̍nchati kri̠shna eka̍shitipaa-dbhavati vaaru̠no hye̍sha de̠vata̍yaa̠ samri̍ddhyai̠ suva̍rbhaanuraasu̠ra-ssoorya̠-ntama̍saa-'viddhya̠ta tasmai̍de̠vaah praaya̍shchitti-maichchha̠-ntasya̠ ya-tpra̍tha̠ma-ntamo̠-'paaghna̠n-thsaa kri̠shnaa-'vi̍rabhava̠-dya-ddvi̠teeya̠gm̠ saa phalgu̍nee̠ yata tri̠teeya̠gm̠ saa ba̍la̠kshee yada̍ddhya̠sthaa-da̠paakri̍nta̠n-thsaa 'vi̍rva̠shaa [ ] 8

sama̍bhava̠-tte de̠vaa a̍bruva-ndevapa̠shurvaa a̠yagm sama̍bhoo̠-tkasmaa̍ i̠mamaa la̍phsyaamaha̠ ityatha̠ vai tarhyalpaa̍ prithi̠vyaasee̠-dajaa̍taa̠ osha̍dhaya̠staamavi̍m va̠shaamaa̍di̠tyebhya̠h kaamaa̠yaa-'la̍bhanta̠ tato̠ vaa apra̍thata prithi̠vya-jaa̍ya̠ntausha̍dhayo̠ yah kaa̠maye̍ta̠ prathe̍ya pa̠shubhi̠h pra pra̠jayaa̍ jaaye̠yeti̠ sa e̠taamavi̍m va̠shaamaa̍di̠tyebhya̠h kaamaa̠yaa- [kaamaa̍ya, aala̍bhetaa ''di̠tyaane̠va] 9

-''la̍bhetaa ''di̠tyaane̠va kaama̠gg̠ svena̍ bhaaga̠dheye̠nopa̍ dhaavati̠ ta e̠vaina̍-mpra̠thaya̍nti pa̠shubhi̠h pra pra̠jayaa̍ janayantya̠-saavaa̍di̠tyo na vya̍rochata̠ tasmai̍ de̠vaah praaya̍shchittimaichchha̠-ntasmaa̍ e̠taa ma̠l̠haa aala̍bhantaa-''gne̠yee-nkri̍shnagree̠veegm sagm̍hi̠taamai̠ndreeg shve̠taa-mbaa̍rhaspa̠tyaa-ntaabhi̍re̠vaasmi̠-nrucha̍madadhu̠ryo bra̍hmavarcha̠sa-kaa̍ma̠-ssyaa-ttasmaa̍ e̠taa ma̠l̠haa aa la̍bhetaa- [aa la̍bheta, aa̠gne̠yee-nkri̍shnagree̠veegm] 10 (shikhandi panchati)

-''gne̠yee-nkri̍shnagree̠veegm sagm̍hi̠taamai̠ndreeg shve̠taa-mbaa̍rhaspa̠tyaame̠taa e̠va de̠vataa̠-ssvena̍ bhaaga̠dheye̠nopa̍ dhaavati̠ taa e̠vaasmi̍-nbrahmavarcha̠sa-nda̍dhati brahmavarcha̠sye̍va bha̍vati va̠santaa̎ praa̠taraa̎gne̠yee-nkri̍shna gree̠veemaa la̍bheta gree̠shme ma̠ddhyandi̍ne sagmhi̠taamai̠ndreegm sha̠radya̍paraa̠hne shve̠taa-mbaa̍rhaspa̠tyaa-ntreeni̠ vaa aa̍di̠tyasya̠ tejaagm̍si va̠santaa̎ praa̠targree̠shme ma̠ddhyandi̍ne sha̠radya̍paraa̠hne yaava̍ntye̠va tejaagm̍si̠ taanye̠vaa- [taanye̠va, ava̍ rundhe] 11

-'va̍ rundhe samvathsa̠ra-mpa̠ryaala̍bhyante samvathsa̠ro vai bra̍hmavarcha̠sasya̍ pradaa̠taa sa̍mvathsa̠ra e̠vaasmai̎ brahmavarcha̠sa-mpra ya̍chchhati brahmavarcha̠sye̍va bha̍vati ga̠rbhina̍yo bhavanteendri̠yam vai garbha̍ indri̠yame̠vaasmi̍-ndadhati saarasva̠tee-mme̠sheemaa la̍bheta̠ ya ee̎shva̠ro vaa̠cho vadi̍to̠-ssan vaacha̠-nna vade̠-dvaagvai sara̍svatee̠ sara̍svateeme̠va svena̍ bhaaga̠dheye̠nopa̍ dhaavati̠ saivaasmi̠- [saivaasminn̍, vaacha̍-ndadhaati] 12

-nvaacha̍-ndadhaati pravadi̠taa vaa̠cho bha̍va̠tyapa̍nnadatee bhavati̠ tasmaa̎-nmanu̠shyaa̎-ssarvaa̠m vaacha̍m vadantyaagne̠ya-nkri̠shnagree̍va̠maa la̍bheta sau̠mya-mba̠bhru-njyogaa̍mayaavya̠gnim vaa e̠tasya̠ sharee̍ra-ngachchhati̠ soma̠gm̠ raso̠ yasya̠ jyogaa̠maya̍tya̠gnere̠vaasya̠ sharee̍ra-nnishkree̠naati̠ somaa̠-drasa̍mu̠ta yadee̠taasu̠rbhava̍ti̠ jeeva̍tye̠va sau̠mya-mba̠bhrumaa la̍bhetaa-''gne̠ya-nkri̠shnagree̍va-mpra̠jaakaa̍ma̠-ssomo̠ [soma̍h, vai re̍to̠dhaa] 13

vai re̍to̠dhaa a̠gnih pra̠jaanaa̎-mprajanayi̠taa soma̍ e̠vaasmai̠ reto̠ dadhaa̎tya̠gnih pra̠jaa-mpraja̍nayati vi̠ndate̎ pra̠jaamaa̎gne̠ya-nkri̠shnagree̍va̠maa la̍bheta sau̠mya-mba̠bhrum yo braa̎hma̠no vi̠dyaama̠noochya̠ na vi̠roche̍ta̠ yadaa̎gne̠yo bhava̍ti̠ teja̍ e̠vaasmi̠-ntena̍ dadhaati̠ ya-thsau̠myo bra̍hmavarcha̠sa-ntena̍ kri̠shnagree̍va aagne̠yo bha̍vati̠ tama̍ e̠vaasmaa̠dapa̍ hanti shve̠to bha̍vati̠ [bha̍vati, rucha̍me̠vaasmi̍-ndadhaati] 14

rucha̍me̠vaasmi̍-ndadhaati ba̠bhru-ssau̠myo bha̍vati brahmavarcha̠same̠vaasmi̠-ntvishi̍-ndadhaatyaa-gne̠ya-nkri̠shnagree̍va̠maa la̍bheta sau̠mya-mba̠bhrumaa̎gne̠ya-nkri̠shnagree̍va-mpuro̠dhaayaa̠g̠ spardha̍maana aagne̠yo vai braa̎hma̠na-ssau̠myo raa̍ja̠nyo̍-'bhita̍-ssau̠myamaa̎gne̠yau bha̍vata̠-steja̍sai̠va brahma̍nobha̠yato̍ raa̠shtra-mpari̍ grihnaatyeka̠dhaa sa̠maa vri̍nkte pu̠ra e̍na-ndadhate ॥ 15 ॥ (la̠bhe̠ta̠ varu̍nam - mva̠shai - taamavi̍m va̠shaamaa̍di̠tyebhya̠h kaamaa̍ya - ma̠lhaa aa la̍bheta̠ - taanye̠va - saivaasmi̠nth - soma̍h - sve̠to bha̍vati̠ - tricha̍tvaarigmshachcha ) (a. 2)

de̠vaa̠su̠raa e̠shu lo̠keshva̍spardhanta̠ sa e̠tam vishnu̍-rvaama̠nama̍pashya̠-ttagg svaayai̍ de̠vataa̍yaa̠ aa-'la̍bhata̠ tato̠ vai sa i̠maam lo̠kaana̠bhya̍jayad- vaishna̠vam vaa̍ma̠namaa la̍bheta̠ spardha̍maano̠ vishnu̍re̠va bhoo̠tvemaan mlo̠kaana̠bhi ja̍yati̠ visha̍ma̠ aa la̍bheta̠ visha̍maa iva̠ heeme lo̠kaa-ssamri̍ddhyaa̠ indraa̍ya manyu̠mate̠ mana̍svate la̠laama̍-mpraashri̠ngamaa la̍bheta sangraa̠me [ ] 16

samya̍tta indri̠yena̠ vai ma̠nyunaa̠ mana̍saa sangraa̠ma-nja̍ya̠teendra̍me̠va ma̍nyu̠manta̠-mmana̍svanta̠gg̠ svena̍ bhaaga̠dheye̠nopa̍ dhaavati̠ sa e̠vaasmi̍nnindri̠ya-mma̠nyu-mmano̍ dadhaati̠ jaya̍ti̠ tagm sa̍graa̠mmamindraa̍ya ma̠rutva̍te prishnisa̠kthamaa la̍bheta̠ graama̍kaama̠ indra̍me̠va ma̠rutva̍nta̠gg̠ svena̍ bhaaga̠dheye̠nopa̍ dhaavati̠ sa e̠vaasmai̍ sa jaa̠taa-npraya̍chchhati graa̠mye̍va bha̍vati̠ yadri̍sha̠bhastenai̠- [yadri̍sha̠bhastena̍, ai̠ndro ya-tprishni̠stena̍] 17

-ndro ya-tprishni̠stena̍ maaru̠ta-ssamri̍ddhyai pa̠shchaa-tpri̍shnisa̠ktho bha̍vati pashchaadanva-vasaa̠yinee̍me̠vaasmai̠ visha̍-nkaroti sau̠mya-mba̠bhrumaa la̍bhe̠taanna̍kaama-ssau̠myam vaa anna̠gm̠ soma̍me̠va svena̍ bhaaga̠dheye̠nopa̍ dhaavati̠ sa e̠vaasmaa̠ anna̠-mpraya̍̍chchhatyannaa̠da e̠va bha̍vati ba̠bhrurbha̍vatye̠tadvaa anna̍sya roo̠pagm samri̍ddhyai sau̠mya-mba̠bhrumaa la̍bheta̠ yamalagm̍ [yamala̎m, raa̠jyaaya̠] 18

raa̠jyaaya̠ santagm̍ raa̠jya-nnopa̠name̎-thsau̠myam vai raa̠jyagm soma̍me̠va svena̍ bhaaga̠dheye̠nopa̍ dhaavati̠ sa e̠vaasmai̍ raa̠jya-mpraya̍chchha̠tyupai̍nagm raa̠jya-nna̍mati ba̠bhrurbha̍vatye̠ta-dvai soma̍sya roo̠pagm samri̍ddhyaa̠ indraa̍ya vritra̠ture̍ la̠laama̍-mpraashri̠ngamaa la̍bheta ga̠tashree̎h prati̠shthaakaa̍mah paa̠pmaana̍me̠va vri̠tra-ntee̠rtvaa pra̍ti̠shthaa-nga̍chchha̠teendraa̍yaabhimaati̠ghne la̠laama̍-mpraashri̠ngamaa [la̠laama̍-mpraashri̠ngamaa, la̠bhe̠ta̠ yah paa̠pmanaa̍] 19

la̍bheta̠ yah paa̠pmanaa̍ grihee̠ta-ssyaa-tpaa̠pmaa vaa a̠bhimaa̍ti̠rindra̍me̠vaa- bhi̍maati̠hana̠gg̠ svena̍ bhaaga̠dheye̠nopa̍ dhaavati̠ sa e̠vaasmaa̎-tpaa̠pmaana̍ma̠bhimaa̍ti̠-mpranu̍data̠ indraa̍ya va̠jrine̍ la̠laama̍-mpraashri̠ngamaa la̍bheta̠ yamalagm̍ raa̠jyaaya̠ santagm̍ raa̠jya-nnopa̠name̠dindra̍me̠va va̠jrina̠gg̠ svena̍ bhaaga̠dheye̠nopa̍ dhaavati̠ sa e̠vaasmai̠ vajra̠-mpra ya̍chchhati̠ sa e̍na̠m mvajro̠ bhootyaa̍ indha̠ upai̍nagm raa̠jya-nna̍mati la̠laama̍h praashri̠ngo bha̍vatye̠tadvai vajra̍sya roo̠pagm samri̍ddhyai ॥ 20 (sa̠graa̠mme - tenaa - la̍ - mabhimaati̠ghne la̠laama̍-mpraashri̠ngamai - na̠m - pancha̍dasha cha ) (a. 3)

a̠saavaa̍di̠tyo na vya̍rochata̠ tasmai̍ de̠vaah praaya̍shchittimaichchha̠-ntasmaa̍ e̠taa-ndasha̍rshabhaa̠maa-'la̍bhanta̠ tayai̠vaasmi̠-nrucha̍madadhu̠ryo bra̍hmavarcha̠sakaa̍ma̠-ssyaa-ttasmaa̍ e̠taa-ndasha̍rshabhaa̠maa la̍bhetaa̠-mume̠vaa-''di̠tyagg svena̍ bhaaga̠dheye̠nopa̍ dhaavati̠ sa e̠vaasmi̍-nbrahmavarcha̠sa-nda̍dhaati brahmavarcha̠sye̍va bha̍vati va̠santaa̎ praa̠tastreen mla̠laamaa̠naa la̍bheta gree̠shme ma̠ddhyandi̍ne̠ - [ma̠ddhyandi̍ne, treenchhi̍ti pri̠shthaanchha̠radya̍paraa̠hne] 21

treenchhi̍ti pri̠shthaanchha̠radya̍paraa̠hne treenchhi̍ti̠vaaraa̠-ntreeni̠ vaa aa̍di̠tyasya̠ tejaagm̍si va̠santaa̎ praa̠targree̠shme ma̠ddhyandi̍ne sha̠radya̍paraa̠hne yaava̍ntye̠va tejaagm̍si̠ taanye̠vaava̍ rundhe̠ traya̍straya̠ aa la̍bhyante-'bhi poo̠rvame̠vaasmi̠-ntejo̍ dadhaati samvathsa̠ra-mpa̠ryaala̍bhyante samvathsa̠ro vai bra̍hmavarcha̠sasya̍ pradaa̠taa sa̍mvathsa̠ra e̠vaasmai̎ brahmavarcha̠sa-mpra ya̍chchhati brahmavarcha̠sye̍va bha̍vati samvathsa̠rasya̍ pa̠rastaa̎-tpraajaapa̠tya-nkadru̠- [ praajaapa̠tya-nkadru̎m, aa la̍bheta] 22

-maa la̍bheta pra̠jaapa̍ti̠-ssarvaa̍ de̠vataa̍ de̠vataa̎sve̠va prati̍tishthati̠ yadi̍ bibhee̠yaa-ddu̠shcharmaa̍ bhavishyaa̠meeti̍ somaapau̠shnagg shyaa̠mamaa la̍bheta sau̠myo vai de̠vata̍yaa̠ puru̍shah pau̠shnaah pa̠shava̠-ssvayai̠vaasmai̍ de̠vata̍yaa pa̠shubhi̠stvacha̍-nkaroti̠ na du̠shcharmaa̍ bhavati de̠vaashcha̠ vai ya̠mashchaa̠smin mlo̠ke̎-'spardhanta̠ sa ya̠mo de̠vaanaa̍mindri̠yam vee̠rya̍mayuvata̠ tadya̠masya̍ [tadya̠masya̍, ya̠ma̠tva-nte] 23

yama̠tva-nte de̠vaa a̍manyanta ya̠mo vaa i̠dama̍bhoo̠-dya-dva̠yagg sma iti̠ te pra̠jaapa̍ti̠mupaa̍dhaava̠n-thsa e̠tau pra̠jaapa̍tiraa̠tmana̍ ukshava̠shau nira̍mimeeta̠ te de̠vaa vai̎shnaavaru̠neem va̠shaamaa-'la̍bhantai̠ndramu̠kshaana̠ntam varu̍nenai̠va graa̍hayi̠tvaa vishnu̍naa ya̠jnena̠ praanu̍dantai̠ndrenai̠-vaasye̎mdri̠yama̍-vrinjata̠ yo bhraatri̍vyavaa̠n-thsyaa-thsa spardha̍maano vaishnaavaru̠neem- [vaishnaavaru̠neem, va̠shaamaa] 24

-mva̠shaamaa la̍bhetai̠ndramu̠kshaana̠m varu̍nenai̠va bhraatri̍vya-ngraahayi̠tvaa vishnu̍naa ya̠jnena̠ pranu̍data ai̠ndrenai̠vaasye̎mdri̠yam vri̍nkte̠ bhava̍tyaa̠tmanaa̠ paraa̎sya̠ bhraatri̍vyo bhava̠teendro̍ vri̠trama̍ha̠-ntam vri̠tro ha̠ta-shsho̍da̠shabhi̍-rbho̠gaira̍sinaa̠-ttasya̍ vri̠trasya̍ sheersha̠to gaava̠ udaa̍ya̠-ntaa vai̍de̠hyo̍-'bhava̠-ntaasaa̍mrisha̠bho ja̠ghane-'noodai̠-ttamindro̍- [ja̠ghane-'noodai̠-ttamindra̍h, a̠chaa̠ya̠thso̍-'manyata̠] 25

-'chaaya̠thso̍-'manyata̠ yo vaa i̠mamaa̠labhe̍ta̠ muchye̍taa̠smaa-tpaa̠pmana̠ iti̠ sa aa̎gne̠ya-nkri̠shnagree̍va̠maa la̍bhatai̠ndramri̍sha̠bha-ntasyaa̠gnire̠va svena̍ bhaaga̠dheye̠nopa̍ srita-shshodasha̠dhaa vri̠trasya̍ bho̠gaanapya̍dahadai̠ndrene̎mdri̠ya- maa̠tmanna̍dhatta̠ yah paa̠pmanaa̍ grihee̠ta-ssyaa-thsa aa̎gne̠ya-nkri̠shnagree̍va̠maa la̍bhetai̠ndramri̍sha̠bha-ma̠gnire̠vaasya̠ svena̍ bhaaga̠dheye̠nopa̍sritah [ ] 26

paa̠pmaana̠mapi̍ dahatyai̠ndrene̎mdri̠yamaa̠tma-ndha̍tte̠ muchya̍te paa̠pmano̠ bhava̍tye̠va dyaa̍vaaprithi̠vyaa̎-ndhe̠numaa la̍bheta̠ jyoga̍paruddho̠ 'nayo̠r̠hi vaa e̠sho-'pra̍tishthi̠to-'thai̠sha jyogapa̍ruddho̠ dyaavaa̍prithi̠vee e̠va svena̍ bhaaga̠dheye̠nopa̍ dhaavati̠ te e̠vaina̍-mprati̠shthaa-nga̍mayata̠h pratye̠va ti̍shthati paryaa̠rinee̍ bhavati paryaa̠reeva̠ hye̍tasya̍ raa̠shtram yo jyoga̍paruddha̠-ssamri̍ddhyai vaaya̠vya̍m- [vaaya̠vya̎m, va̠thsamaa] 27

-mva̠thsamaa la̍bheta vaa̠yurvaa a̠nayo̎rva̠thsa i̠me vaa e̠tasmai̍ lo̠kaa apa̍shushkaa̠ vidapa̍shu̠shkaa-'thai̠sha jyogapa̍ruddho vaa̠yume̠va svena̍ bhaaga̠dheye̠nopa̍ dhaavati̠ sa e̠vaasmaa̍ i̠maam lo̠kaan. visha̠-mpradaa̍payati̠ praasmaa̍ i̠me lo̠kaa-ssnu̍vantibhunja̠tye̍na̠m vidupa̍tishthate ॥ 28 ॥ (ma̠dhyandi̍ne̠ - kadru̍m - mya̠masya̠ - spardha̍maano vaishnaavaru̠neem -tamindro̎ - 'sya̠ svena̍ bhaaga̠dheye̠nopa̍srito - vaaya̠vya̍m - dvicha̍tvaarigmshachcha) (a. 4)

indro̍ va̠lasya̠ bila̠mapau̎rno̠-thsa ya u̍tta̠mah pa̠shuraasee̠-tta-mpri̠shtha-mprati̍ sa̠grimhyoda̍kkhida̠-ttagm sa̠hasra̍-mpa̠shavo-'noodaa̍ya̠n-thsa u̍nna̠to̍-'bhava̠dyah pa̠shukaa̍ma̠-ssyaa-thsa e̠tamai̠ndramu̍nna̠tamaa la̍bhe̠tendra̍me̠va svena̍ bhaaga̠dheye̠nopa̍ dhaavati̠ sa e̠vaasmai̍ pa̠shoo-npraya̍chchhati pashu̠maane̠va bha̍vatyunna̠to [bha̍vatyunna̠tah, bha̠va̠ti̠ saa̠ha̠sree] 29

bha̍vati saaha̠sree vaa e̠shaa la̠kshmee yadu̍nna̠to la̠kshmiyai̠ va pa̠shoonava̍ rundhe ya̠daa sa̠hasra̍-mpa̠shoo-npraa̎pnu̠yaadatha̍ vaishna̠vam vaa̍ ma̠namaa la̍bhetai̠tasmi̠n. vai ta-thsa̠hasra̠maddhya̍tishtha̠-ttasmaa̍de̠sha vaa̍ma̠na-ssamee̍shitah pa̠shubhya̍ e̠va prajaa̍tebhyah prati̠shthaa-nda̍dhaati̠ ko̍-'rhati sa̠hasra̍-mpa̠shoo-npraaptu̠mityaa̍hu-rahoraa̠traanye̠va sa̠hasragm̍ sa̠mpaadyaa-''la̍bheta pa̠shavo̠ [pa̠shava̍h, vaa a̍horaa̠traani̍] 30

vaa a̍horaa̠traani̍ pa̠shoone̠va prajaa̍taa-nprati̠shthaa-nga̍maya̠-tyosha̍dheebhyo ve̠hata̠maa la̍bheta pra̠jaakaa̍ma̠ osha̍dhayo̠ vaa e̠ta-mpra̠jaayai̠ pari̍baadhante̠ yo-'la̍-mpra̠jaayai̠ sa-npra̠jaa-nna vi̠ndata̠ osha̍dhaya̠h khalu̠ vaa e̠tasyai̠ sootu̠mapi̍ ghnanti̠ yaa ve̠ha-dbhava̠tyosha̍dheere̠va svena̍ bhaaga̠dheye̠nopa̍ dhaavati̠ taa e̠vaasmai̠ svaadyone̎h pra̠jaa-mpra ja̍nayanti vi̠ndate̎ [ ] 31

pra̠jaamaapo̠ vaa osha̍dha̠yo-'sa̠-tpuru̍sha̠ aapa̍ e̠vaasmaa̠ asa̍ta̠-ssadda̍dati̠ tasmaa̍daahu̠ryashchai̠vam veda̠ yashcha̠ naapa̠stvaavaasa̍ta̠-ssadda̍da̠tee-tyai̠ndreegm soo̠tava̍shaa̠maa la̍bheta̠ bhooti̍kaa̠mo-'jaa̍to̠ vaa e̠sha yo-'la̠-mbhootyai̠ sa-nbhooti̠-nna praa̠pnoteendra̠-nkhalu̠ vaa e̠shaa soo̠tvaa va̠shaa-'bha̍va̠- [va̠shaa-'bha̍vat, indra̍me̠va] 32

-dindra̍me̠va svena̍ bhaaga̠dheye̠nopa̍ dhaavati̠ sa e̠vaina̠-mbhooti̍-ngamayati̠ bhava̍tye̠va yagm soo̠tvaa va̠shaa syaa-ttamai̠ndrame̠vaa-'' la̍bhetai̠tadvaava tadi̍ndri̠yagm saa̠kshaade̠vendri̠yamava̍ rundha aindraa̠gna-mpu̍naru-thsri̠shtamaa la̍bheta̠ ya aa tri̠teeyaa̠-tpuru̍shaa̠-thsoma̠-nna pibe̠-dvichchhi̍nno̠ vaa e̠tasya̍ somapee̠tho yo braa̎hma̠na-ssannaa [ ] 33

tri̠teeyaa̠-tpuru̍shaa̠-thsoma̠-nna piba̍teendraa̠gnee e̠va svena̍ bhaaga̠dheye̠nopa̍ dhaavati̠ taave̠vaasmai̍ somapee̠tha-mpraya̍chchhata̠ upai̍nagm somapee̠tho na̍mati̠ yadai̠ndro bhava̍teendri̠yam vai so̍mapee̠tha i̍ndri̠yame̠va so̍mapee̠thamava̍ rundhe̠ yadaa̎gne̠yo bhava̍tyaagne̠yo vai braa̎hma̠na-ssvaame̠va de̠vataa̠manu̠ santa̍noti punaruthsri̠shto bha̍vati punaruthsri̠shta i̍va̠ hye̍tasya̍ [hye̍tasya̍, so̠ma̠pee̠tha-ssamri̍ddhyai] 34

somapee̠tha-ssamri̍ddhyai braahmanaspa̠tya-ntoo̍pa̠ramaa la̍bhetaa-bhi̠chara̠-nbrahma̍na̠spati̍me̠va svena̍ bhaaga̠dheye̠nopa̍ dhaavati̠ tasmaa̍ e̠vaina̠maa vri̍shchati taa̠jagaarti̠-maarchchha̍ti toopa̠ro bha̍vati kshu̠rapa̍vi̠rvaa e̠shaa la̠kshmee ya-ttoo̍pa̠ra-ssamri̍ddhyai̠ sphyo yoopo̍ bhavati̠ vajro̠ vai sphyo vajra̍me̠vaasmai̠ praha̍rati shara̠maya̍-mba̠r̠hi-shshri̠naatye̠vaina̠m vaibhee̍daka i̠ddhmo bhi̠nattye̠vaina̎m ॥ 35 ॥ (bha̠va̠tyu̠nna̠tah - pa̠shavo̍ - janayanti vi̠ndate̍ - 'bhava̠th - sannai - tasye̠ - dhma - streeni̍ cha) (a. 5)

baa̠r̠ha̠spa̠tyagm shi̍tipri̠shthamaa la̍bheta̠ graama̍kaamo̠ yah kaa̠maye̍ta pri̠shthagm sa̍maa̠naanaag̍ syaa̠miti̠ briha̠spati̍me̠va svena̍ bhaaga̠dheye̠nopa̍ dhaavati̠ sa e̠vaina̍-mpri̠shthagm sa̍maa̠naanaa̎-nkaroti graa̠mye̍va bha̍vati shitipri̠shtho bha̍vati baarhaspa̠tyo hye̍sha de̠vata̍yaa̠ samri̍ddhyai pau̠shnagg shyaa̠mamaa la̍bhe̠taanna̍kaa̠mo-'nna̠m vai poo̠shaa poo̠shana̍me̠va svena̍ bhaaga̠dheye̠nopa̍ dhaavati̠ sa e̠vaasmaa̠ [e̠vaasmai̎, anna̠-mpra] 36

anna̠-mpra ya̍chchhatyannaa̠da e̠va bha̍vati shyaa̠mo bha̍vatye̠tadvaa anna̍sya roo̠pagm samri̍ddhyai maaru̠ta-mprishni̠maa la̍bhe̠taa-'nna̍-kaa̠mo-'nna̠m vai ma̠ruto̍ma̠ruta̍ e̠va svena̍ bhaaga̠dheye̠nopa̍ dhaavati̠ ta e̠vaasmaa̠ anna̠-mpraya̍chchhantyannaa̠dae̠va bha̍vati̠ prishni̍ rbhavatye̠tadvaa anna̍sya roo̠pagm samri̍ddhyaa ai̠ndrama̍ru̠namaa la̍bhetendri̠yakaa̍ma̠ indra̍me̠va [ ] 37

svena̍ bhaaga̠dheye̠nopa̍ dhaavati̠ sa e̠vaasmi̍nnindri̠ya-nda̍dhaateendriyaa̠vye̍va bha̍vatyaru̠no bhroomaa̎-nbhavatye̠tadvaa indra̍sya roo̠pagm samri̍ddhyai saavi̠tramu̍paddhva̠stamaa la̍bheta sa̠nikaa̍ma-ssavi̠taa vai pra̍sa̠vaanaa̍meeshe savi̠taara̍me̠va svena̍ bhaaga̠dheye̠nopa̍ dhaavati̠ sa e̠vaasmai̍ sa̠ni-mprasu̍vati̠ daana̍kaamaa asmai pra̠jaa bha̍vantyupaddhva̠sto bha̍vati saavi̠tro hye̍sha [saavi̠tro hye̍shah, de̠vata̍yaa̠ samri̍ddhyai] 38

de̠vata̍yaa̠ samri̍ddhyai vaishvade̠va-mba̍huroo̠pamaa la̍bhe̠taa-'nna̍kaamovaishvade̠vam vaa anna̠m vishvaa̍ne̠va de̠vaan-thsvena̍ bhaaga̠dheye̠nopa̍ dhaavati̠ta e̠vaasmaa̠ anna̠-mpraya̍chchhantyannaa̠da e̠va bha̍vati bahuroo̠po bha̍vatibahuroo̠pagg hyanna̠gm̠ samri̍ddhyai vaishvade̠va-mba̍huroo̠pamaa la̍bheta̠ graama̍kaamo vaishvade̠vaa vai sa̍jaa̠taa vishvaa̍ne̠va de̠vaan-thsvena̍ bhaaga̠dheye̠nopa̍ dhaavati̠ ta e̠vaa-'smai̍ [e̠vaa-'smai̎, sa̠jaa̠taa-npra ya̍chchhanti] 39

sajaa̠taa-npra ya̍chchhanti graa̠mye̍va bha̍vati bahuroo̠po bha̍vati bahudeva̠tyo̎(1̠) hye̍sha samri̍ddhyai praajaapa̠tya-ntoo̍pa̠ramaa la̍bheta̠ yasyaanaa̎jnaatamiva̠ jyogaa̠maye̎-tpraajaapa̠tyo vai puru̍shah pra̠jaapa̍ti̠h khalu̠ vai tasya̍ veda̠ yasyaanaa̎jnaatamiva̠ jyogaa̠maya̍ti pra̠jaapa̍time̠va svena̍ bhaaga̠dheye̠nopa̍ dhaavati̠ sa e̠vaina̠-ntasmaa̠-thsraamaa̎-nmunchati toopa̠ro bha̍vati praajaapa̠tyo hye̍ -sha de̠vata̍yaa̠ samri̍ddhyai ॥ 40 ॥ (a̠smaa̠ - indra̍me̠vai - sha - sa̍jaa̠taa vishvaa̍ne̠va de̠vaan-thsvena̍ bhaaga̠dheye̠nopa̍ dhaavati̠ ta e̠vaasmai̎ - praajaapa̠tyo hi - treeni̍ cha) (a. 11)

va̠sha̠tkaa̠ro vai gaa̍yatri̠yai shiro̎-'chchhina̠-ttasyai̠ rasa̠h paraa̍pata̠-tta-mbriha̠spati̠ rupaa̍-'grihnaa̠thsaa shi̍tipri̠shthaa va̠shaa-'bha̍va̠dyo dvi̠teeya̍h pa̠raa-'pa̍ta̠-tta-mmi̠traavaru̍naa̠-vupaa̍grihneetaa̠gm̠ saa dvi̍roo̠paa va̠shaa-'bha̍va̠-dyastri̠teeya̍h pa̠raapa̍ta̠-ttam vishve̍ de̠vaa upaa̍grihna̠n-thsaa ba̍huroo̠paa va̠shaa bha̍va̠dya-shcha̍tu̠rthah pa̠raapa̍ta̠-thsa pri̍thi̠vee-mpraa-'vi̍sha̠-tta-mbriha̠spati̍ra̠- [briha̠spati̍ra̠bhi, a̠gri̠hnaa̠-dastve̠vaa-'yam-] 41

-bhya̍grihnaa̠-dastve̠vaa-'ya-mbhogaa̠yeti̠ sa u̍kshava̠sha-ssama̍bhava̠-dyallohi̍ta-mpa̠raapa̍ta̠-tta-dru̠dra upaa̍-'grihnaa̠-thsaa rau̠dree rohi̍nee va̠shaa-'bha̍va-dbaarhaspa̠tyaagm shi̍tipri̠shthaamaa la̍bheta brahmavarcha̠sakaa̍mo̠ briha̠spati̍me̠va svena̍ bhaaga̠dheye̠nopa̍ dhaavati̠ sa e̠vaasmi̍-nbrahmavarcha̠sa-nda̍dhaati brahmavarcha̠sye̍va bha̍vati̠ chhanda̍saa̠m vaa e̠sha raso̠ yadva̠shaa rasa̍ iva̠ khalu̠ [khalu̍, vai] 42

vai bra̍hmavarcha̠sa-nchhanda̍saame̠va rase̍na̠ rasa̍-mbrahmavarcha̠samava̍ rundhe maitraavaru̠nee-ndvi̍roo̠paamaa la̍bheta̠ vrishti̍kaamo mai̠tram vaa aha̍rvaaru̠nee raatri̍rahoraa̠traabhyaa̠-nkhalu̠ vai pa̠rjanyo̍ varshati mi̠traavaru̍naave̠va svena̍ bhaaga̠dheye̠nopa̍ dhaavati̠ taave̠vaasmaa̍ ahoraa̠traabhyaa̎-mpa̠rjanya̍m varshayata̠-shchhanda̍saa̠m vaa e̠sha raso̠ yadva̠shaa rasa̍ iva̠ khalu̠ vai vrishti̠-shchhanda̍saame̠va rase̍na̠ [rase̍na, rasa̠m vrishti̠mava̍ rundhe] 43

rasa̠m vrishti̠mava̍ rundhe maitraavaru̠nee-ndvi̍roo̠paamaa la̍bheta pra̠jaakaa̍mo mai̠tram vaa aha̍rvaaru̠nee raatri̍rahoraa̠traabhyaa̠-nkhalu̠ vai pra̠jaah prajaa̍yante mi̠traavaru̍naave̠va svena̍ bhaaga̠dheye̠nopa̍ dhaavati̠ taave̠vaasmaa̍ ahoraa̠traabhyaa̎-mpra̠jaa-mpraja̍nayata̠-shchhanda̍saa̠m vaa e̠sha raso̠ yadva̠shaa rasa̍ iva̠ khalu̠ vai pra̠jaa chhanda̍saame̠va rase̍na̠ rasa̍-mpra̠jaamava̍- [rasa̍-mpra̠jaamava̍, ru̠ndhe̠ vai̠shva̠de̠veem-] 44

-rundhe vaishvade̠vee-mba̍huroo̠paamaa la̍bhe̠taanna̍kaamo vaishvade̠vam vaa anna̠m vishvaa̍ne̠va de̠vaan-thsvena̍ bhaaga̠dheye̠nopa̍ dhaavati̠ ta e̠vaasmaa̠ anna̠m praya̍chchhantyannaa̠da e̠va bha̍vati̠ chhanda̍saa̠m vaa e̠sha raso̠ yadva̠shaa rasa̍ iva̠ khalu̠ vaa anna̠-nchhanda̍saame̠va rase̍na̠ rasa̠manna̠mava̍ rundhe vaishvade̠vee-mba̍huroo̠paamaa la̍bheta̠ graama̍kaamo vaishvade̠vaa vai [vai, sa̠jaa̠taa vishvaa̍ne̠va] 45

sa̍jaa̠taa vishvaa̍ne̠va de̠vaan-thsvena̍ bhaaga̠dheye̠nopa̍ dhaavati̠ ta e̠vaasmai̍ sajaa̠taa-npra ya̍chchhanti graa̠mye̍va bha̍vati̠ chhanda̍saa̠m vaa e̠sha raso̠ yadva̠shaa rasa̍ iva̠ khalu̠ vai sa̍jaa̠taa-shchhanda̍saame̠va rase̍na̠ rasagm̍ sajaa̠taanava̍ rundhe baarhaspa̠tya- mu̍kshava̠shamaa la̍bheta brahmavarcha̠sakaa̍mo̠ briha̠spati̍me̠va svena̍ bhaaga̠dheye̠nopa̍ dhaavati̠ sa e̠vaa-'smi̍-nbrahmavarcha̠sam- [e̠vaa-'smi̍-nbrahmavarcha̠sam, da̠dhaa̠ti̠ bra̠hma̠va̠rcha̠sye̍va] 46

-da̍dhaati brahmavarcha̠sye̍va bha̍vati̠ vasha̠m vaa e̠sha cha̍rati̠ yadu̠kshaavasha̍ iva̠ khalu̠ vai bra̍hmavarcha̠sam vashe̍nai̠va vasha̍-mbrahmavarcha̠samava̍ rundherau̠dreegmrohi̍nee̠maa la̍bhetaabhi̠chara̍-nru̠drame̠va svena̍ bhaaga̠dheye̠nopa̍ dhaavati̠ tasmaa̍ e̠vaina̠maa vri̍shchati taa̠jagaarti̠maarchchha̍ti̠ rohi̍nee bhavati rau̠dree hye̍shaa de̠vata̍yaa̠ samri̍ddhyai̠ sphyo yoopo̍ bhavati̠ vajro̠ vai sphyo vajra̍me̠vaasmai̠ pra ha̍rati shara̠maya̍-mba̠r̠hi-shshri̠naatye̠vaina̠m vaibhee̍daka i̠ddhmo bhi̠nattye̠vaina̎m ॥ 47 ॥ (a̠bhi - khalu̠ - vrishti̠-shchhanda̍saame̠va rase̍na - pra̠jaamava̍ - vaishvade̠vaa vai - bra̍hmavarcha̠sam - myoopa̠ - ekaa̠nnavigm̍sha̠tishcha̍) (a. 7)

a̠saavaa̍di̠tyo na vya̍rochata̠ tasmai̍ de̠vaah praaya̍shchittimaichchha̠-ntasmaa̍ e̠taagm sau̠reeg shve̠taam va̠shaamaa-'la̍bhanta̠ tayai̠vaasmi̠-nrucha̍madadhu̠ryo bra̍hmavarcha̠sakaa̍ma̠-ssyaa-ttasmaa̍ e̠taagm sau̠reeg shve̠taam va̠shaamaa la̍bhetaa̠mume̠vaa ''di̠tyagg svena̍ bhaaga̠dheye̠nopa̍ dhaavati̠ sa e̠vaasmi̍-nbrahmavarcha̠sa-nda̍dhaati brahmavarcha̠sye̍va bha̍vati bai̠l̠vo yoopo̍ bhavatya̠sau [ ] 48

vaa aa̍di̠tyo yato-'jaa̍yata̠ tato̍ bi̠lva̍ uda̍tishtha̠-thsayo̎nye̠va bra̍hmavarcha̠samava̍ rundhe braahmanaspa̠tyaa-mba̍bhruka̠rneemaa la̍bhetaa-bhi̠chara̍n-vaaru̠na-ndasha̍kapaala-mpu̠rastaa̠-nnirva̍pe̠-dvaru̍nenai̠va bhraatri̍vya-ngraahayi̠tvaa brahma̍naa strinute babhruka̠rnee bha̍vatye̠tadvai brahma̍no roo̠pagm samri̍ddhyai̠ sphyo yoopo̍ bhavati̠ vajro̠ vai sphyo vajra̍me̠vaasmai̠ pra ha̍rati shara̠maya̍-mba̠r̠hi-shshri̠naa- [-ba̠r̠hi-shshri̠naati̍, e̠vaina̠m vaibhee̍daka] 49

-tye̠vaina̠m vaibhee̍daka i̠ddhmo bhi̠nattye̠vaina̍m vaishna̠vam vaa̍ma̠namaa la̍bheta̠ yam ya̠jno nopa̠name̠-dvishnu̠rvai ya̠jno vishnu̍me̠va svena̍ bhaaga̠dheye̠nopa̍ dhaavati̠ sa e̠vaasmai̍ ya̠jna-mpra ya̍chchha̠tyupai̍nam ya̠jno na̍mati vaama̠no bha̍vati vaishna̠vo hye̍sha de̠vata̍yaa̠ samri̍ddhyai tvaa̠shtram va̍da̠ba maa la̍bheta pa̠shukaa̍ma̠stvashtaa̠ vai pa̍shoo̠naa-mmi̍thu̠naanaa̎m- [vai pa̍shoo̠naa-mmi̍thu̠naanaa̎m, pra̠ja̠na̠yi̠taa] 50

prajanayi̠taa tvashtaa̍rame̠va svena̍ bhaaga̠dheye̠nopa̍ dhaavati̠ sa e̠vaasmai̍ pa̠shoo-nmi̍thu̠naa-npra ja̍nayati pra̠jaa hi vaa e̠tasmi̍-npa̠shava̠h pravi̍shtaa̠ athai̠sha pumaa̠nthsan va̍da̠ba-ssaa̠kshaade̠va pra̠jaa-mpa̠shoonava̍ rundhe mai̠tragg shve̠tamaa la̍bheta sangraa̠me samya̍tte sama̠yakaa̍mo mi̠trame̠va svena̍ bhaaga̠dheye̠nopa̍ dhaavati̠ sa e̠vaina̍-mmi̠trena̠ sa-nna̍yati - [a-nna̍yati, vi̠shaa̠lo bha̍vati̠] 51

vishaa̠lo bha̍vati̠ vyava̍saayayatye̠vaina̍-mpraajaapa̠tya-nkri̠shnamaa la̍bheta̠ vrishti̍kaamah pra̠jaapa̍ti̠rvai vrishtyaa̍ eeshe pra̠jaapa̍time̠va svena̍ bhaaga̠dheye̠nopa̍ dhaavati̠ sa e̠vaasmai̍ pa̠rjanya̍m varshayati kri̠shno bha̍vatye̠tadvai vrishtyai̍ roo̠pagm roo̠penai̠va vrishti̠mava̍ rundhe sha̠balo̍ bhavati vi̠dyuta̍me̠vaasmai̍ janayi̠tvaa va̍rshayatyavaashri̠ngo bha̍vati̠ vrishti̍me̠vaasmai̠ ni ya̍chchhati ॥ 52 ॥ (a̠sau - shri̠naati̍ - mithu̠naanaa̎m - nayati - yachchhati) (a. 8)

varu̍nagm sushuvaa̠nama̠nnaadya̠-nnopaa̍nama̠-thsa e̠taam vaa̍ru̠nee-nkri̠shnaam va̠shaama̍pashya̠-ttaag svaayai̍ de̠vataa̍yaa̠ aala̍bhata̠ tato̠ vai tama̠nnaa-dya̠mupaa̍-'nama̠-dyamala̍-ma̠nnaadyaa̍ya̠ santa̍ma̠nnaadya̠-nnopa̠name̠-thsa e̠taam mvaa̍ru̠nee-nkri̠shnaam va̠shaamaa la̍bheta̠ varu̍name̠va svena̍ bhaaga̠dheye̠nopa̍ dhaavati̠ sa e̠vaasmaa̠ anna̠-mpra ya̍chchhatyannaa̠da [anna̠-mpra ya̍chchhatyannaa̠dah, e̠va bha̍vati] 53

e̠va bha̍vati kri̠shnaa bha̍vati vaaru̠nee hye̍shaa de̠vata̍yaa̠ samri̍ddhyai mai̠tragg shve̠tamaa la̍bheta vaaru̠na-nkri̠shnama̠paa-nchausha̍dheenaa-ncha sa̠dhaamvanna̍kaamo mai̠treervaa osha̍dhayo vaaru̠neeraapo̠-'paa-ncha̠ khalu̠ vaa osha̍dheenaa-ncha̠ rasa̠mupa̍ jeevaamo mi̠traavaru̍naave̠va svena̍ bhaaga̠dheye̠nopa̍ dhaavati̠ taave̠vaasmaa̠ anna̠-mpraya̍chchhato-'nnaa̠da e̠va bha̍va- [e̠va bha̍vati, a̠paa-nchausha̍dheenaa-ncha] 54 (shikhandi prachatih)

-tya̠paa-nchausha̍dheenaa-ncha sa̠dhaamvaa la̍bhata u̠bhaya̠syaa-va̍ruddhyai̠vishaa̍kho̠ yoopo̍ bhavati̠ dve hye̍te de̠vate̠ samri̍ddhyai mai̠tragg shve̠tamaa la̍bheta vaaru̠na-nkri̠shna-njyogaa̍mayaavee̠-ya-nmai̠tro bhava̍ti mi̠trenai̠vaa-'smai̠ varu̍nagm shamayati̠ ya-dvaa̍ru̠na-ssaa̠kshaade̠vaina̍m varunapaa̠shaa-nmu̍nchatyu̠ta yadee̠taasu̠rbhava̍ti̠ jeeva̍tye̠va de̠vaa vai pushti̠-nnaa-'vi̍nda̠n- [naa-'vi̍ndann, taa-mmi̍thu̠ne̍] 55

-taa-mmi̍thu̠ne̍ 'pashya̠-ntasyaa̠-nna sama̍raadhaya̠ntaa-va̠shvinaa̍-vabrootaa-maa̠vayo̠rvaa e̠shaa maitasyaam̎ mvadaddhva̠miti̠ saashvino̍re̠vaabha̍va̠dyah pushti̍kaama̠-ssyaa-thsa e̠taamaa̎shvi̠neem ya̠meem va̠shaamaa la̍bhetaa̠-'shvinaa̍ve̠va svena̍ bhaaga̠dheye̠nopa̍ dhaavati̠ taave̠vaasmi̠-npushti̍-ndhatta̠h pushya̍ti pra̠jayaa̍ pa̠shubhi̍h ॥ 56 ॥ (a̠nnaa̠do̎ - 'nnaa̠da e̠va bha̍vatya - vinda̠n - pancha̍chatvaarigmshachcha) (a. 9)

aa̠shvi̠na-ndhoo̠mrala̍laama̠ maa la̍bheta̠ yo durbraa̎hmana̠-ssoma̠-mpipaa̍se-da̠shvinau̠ vai de̠vaanaa̠-maso̍mapaavaastaa̠-ntau pa̠shchaa so̍mapee̠tha-mpraapnu̍taa-ma̠shvinaa̍-ve̠tasya̍ de̠vataa̠ yo durbraa̎hmana̠-ssoma̠-mpipaa̍satya̠shvinaa̍ve̠va svena̍ bhaaga̠dheye̠nopa̍ dhaavati̠-taa-ve̠vaa-'smai̍ somapee̠tha-mpra ya̍chchhata̠ upai̍nagm somapee̠tho na̍mati̠ ya-ddhoo̠mro bhava̍ti dhoomri̠maana̍-me̠vaa-'smaa̠-dapa̍ hanti la̠laamo̍ [la̠laama̍h, bha̠va̠ti mu̠kha̠ta] 57

bhavati mukha̠ta e̠vaasmi̠-ntejo̍ dadhaati vaaya̠vya̍-ngomri̠gamaa la̍bheta̠ yamaja̍ghnivaagm samabhi̠shagm se̍yu̠rapoo̍taa̠ vaa e̠tam vaagri̍chchhati̠ yamaja̍ghnivaagm samabhi̠shagm sa̍nti̠ naisha graa̠myah pa̠shurnaara̠nyo ya-dgo̍mri̠go nevai̠sha graame̠ naara̍nye̠ yamaja̍ghnivaagm samabhi̠shagm sa̍nti vaa̠yurvai de̠vaanaa̎-mpa̠vitra̍m vaa̠yume̠va svena̍ bhaaga̠dheye̠nopa̍ dhaavati̠ sa e̠vai- [sa e̠va, e̠na̠-mpa̠va̠ya̠ti̠ paraa̍chee̠] 58

-na̍-mpavayati̠ paraa̍chee̠ vaa e̠tasmai̎ vyu̠chchhantee̠ vyu̍chchhati̠ tama̍h paa̠pmaana̠-mpravi̍shati̠ yasyaa̎-''shvi̠ne sha̠syamaa̍ne̠ sooryo̠ naa-''virbhava̍ti sau̠rya-mba̍huroo̠pamaa la̍bhetaa̠-'mu-me̠vaa-''di̠tyagg svena̍ bhaaga̠dheye̠nopa̍ dhaavati̠ sa e̠vaasmaa̠-ttama̍h paa̠pmaana̠mapa̍ hanti pra̠teechya̍smai vyu̠chchhantee̠ vyu̍chchha̠tyapa̠ tama̍h paa̠pmaanagm̍ hate ॥ 59 ॥ (la̠laama̠h - sa e̠va - shatcha̍tvaarigmshachcha) (a. 10)

indra̍m vo vi̠shvata̠sparee, ndra̠-nnaro̠, maru̍to̠ yaddha̍ vo di̠vo, yaa va̠-shsharma̍ ॥ bhare̠shvindragm̍ su̠havagm̍ havaamahe 'gmho̠muchagm̍ su̠krita̠-ndaivya̠-njana̎m । a̠gni-mmi̠tram varu̍nagm saa̠taye̠ bhaga̠-ndyaavaa̍prithi̠vee ma̠ruta̍-ssva̠staye̎ ॥ ma̠mattu̍ na̠h pari̍jmaa vasa̠r̠haa ma̠mattu̠ vaato̍ a̠paam vrisha̍nvaann । shi̠shee̠tami̍ndraaparvataa yu̠va-nna̠stanno̠ vishve̍ varivasyantu de̠vaah ॥ pri̠yaa vo̠ naama̍ - [pri̠yaa vo̠ naama̍, hu̠ve̠ tu̠raanaa̎m ।] 60

huve tu̠raanaa̎m । aa ya-ttri̠panma̍ruto vaavashaa̠naah ॥ shri̠yase̠ ka-mbhaa̠nubhi̠-ssa-mmi̍mikshire̠ te ra̠shmibhi̠sta rikva̍bhi-ssukhaa̠daya̍h । te vaashee̍manta i̠shmino̠ abhee̍ravo vi̠dre pri̠yasya̠ maaru̍tasya̠ dhaamna̍h ॥ a̠gnih pra̍tha̠mo vasu̍bhirno avyaa̠-thsomo̍ ru̠drebhi̍ra̠bhi ra̍kshata̠ tmanaa̎ । indro̍ ma̠rudbhi̍r-ritu̠dhaa kri̍notvaadi̠tyairno̠ varu̍na̠-ssagm shi̍shaatu ॥ sa-nno̍ de̠vo vasu̍bhira̠gni-ssagm [vasu̍bhira̠gni-ssam, soma̍sta̠noobhee̍ ru̠driyaa̍bhih ।] 61

soma̍sta̠noobhee̍ ru̠driyaa̍bhih । samindro̍ ma̠rudbhi̍ rya̠jniyai̠-ssamaa̍di̠tyairno̠ varu̍no ajijnipat ॥ yathaa̍-''di̠tyaa vasu̍bhi-ssambabhoo̠vu-rma̠rudbhee̍ ru̠draa-ssa̠majaa̍nataa̠bhi । e̠vaa tri̍naama̠nna-hri̍neeyamaanaa̠ vishve̍ de̠vaa-ssama̍naso bhavantu ॥ kutraa̍ chi̠dyasya̠ samri̍tau ra̠nvaa naro̍ nri̠shada̍ne । arha̍ntashchi̠-dyami̍ndha̠te sa̍nja̠naya̍nti ja̠ntava̍h ॥ sam yadi̠sho vanaa̍mahe̠ sagm ha̠vyaa maanu̍shaanaam । u̠ta dyu̠mnasya̠ shava̍sa [shava̍sah, ri̠tasya̍ ra̠shmimaa da̍de ।] 62

ri̠tasya̍ ra̠shmimaa da̍de ॥ ya̠jno de̠vaanaa̠-mpratye̍ti su̠mnamaadi̍tyaaso̠ bhava̍taa mrida̠yanta̍h । aa vo̠-'rvaachee̍ suma̠tirva̍vrityaada̠gm̠ hoshchi̠dyaa va̍rivo̠vitta̠raa-'sa̍t ॥ shuchi̍ra̠pa-ssoo̠yava̍saa ada̍bdha̠ upa̍ ksheti vri̠ddhava̍yaa-ssu̠veera̍h । naki̠shtam(2) ghna̠ntyanti̍to̠ na doo̠raadya aa̍di̠tyaanaa̠-mbhava̍ti̠ pranee̍tau ॥ dhaa̠raya̍nta aadi̠tyaaso̠ jaga̠thsthaa de̠vaa vishva̍sya̠ bhuva̍nasya go̠paah । dee̠rghaadhi̍yo̠ raksha̍maanaa [raksha̍maanaah, a̠su̠rya̍mri̠taavaa̍na̠-] 63

asu̠rya̍mri̠taavaa̍na̠-shchaya̍maanaa ri̠naani̍ ॥ ti̠sro bhoomee̎rdhaaraya̠-ntreegm ru̠ta dyoo-ntreeni̍ vra̠taa vi̠dathe̍ a̠ntare̍shaam । ri̠tenaa̍-''dityaa̠ mahi̍ vo mahi̠tva-ntada̍ryaman varuna mitra̠ chaaru̍ ॥ tyaannu ksha̠triyaa̠gm̠ ava̍ aadi̠tyaan. yaa̍chishaamahe । su̠mri̠dee̠kaagm a̠bhishta̍ye ॥ na da̍kshi̠naa vichi̍kite̠ na sa̠vyaa na praa̠cheena̍maadityaa̠ nota pa̠shchaa । paa̠kyaa̍ chidvasavo dhee̠ryaa̍ chi- [dhee̠ryaa̍ chit, yu̠shmaanee̍to̠] 64

-dyu̠shmaanee̍to̠ abha̍ya̠-njyoti̍rashyaam ॥ aa̠di̠tyaanaa̠mava̍saa̠ noota̍nena sakshee̠mahi̠ sharma̍naa̠ shanta̍mena । a̠naa̠gaa̠stve a̍diti̠tve tu̠raasa̍ i̠mam ya̠jna-nda̍dhatu̠ shrosha̍maanaah ॥ i̠ma-mme̍ varuna shrudhee̠ hava̍ma̠dyaa cha̍ mridaya । tvaama̍va̠syuraa cha̍ke ॥ tattvaa̍ yaami̠ brahma̍naa̠ vanda̍maana̠-stadaa shaa̎ste̠ yaja̍maano ha̠virbhi̍h । ahe̍damaano varune̠ha bo̠ddhyuru̍shagmsa̠ maa na̠ aayu̠h pramo̍sheeh ॥ 65 ॥ (naamaa̠ - 'gni-ssagm - shava̍so̠ - raksha̍maanaa - dhee̠ryaa̍-nchi̠de - kaa̠nna pa̍nchaa̠shachcha̍) (a. 11)

(vaa̠ya̠vya̍m - praa̠japa̍ti̠staa varu̍nam - devaasu̠raa e̠shva̍ - saavaa̍di̠tyo dasha̍rshabhaa̠-mindro̍ va̠lasya̍ - baarhaspa̠tyam - mva̍shatkaa̠ro̍ - 'sausau̠ree̠m - mva̍runa -maashvi̠na - mindra̍m vo̠ nara̠ - ekaada̍sha)

(vaa̠ya̠vya̍ - maagne̠yee-nkri̍shnagree̠vee - ma̠saavaa̍di̠tyo - vaa a̍horaa̠traani̍ - vashatkaa̠rah - pra̍janayi̠taa - hu̍ve tu̠raanaa̠m - pancha̍shashtih )

(vaa̠ya̠vya̍m, pramo̍sheeh)

॥ hari̍h om ॥

॥ krishna yajurvedeeya taittireeya samhitaayaa-ndviteeyakaande prathamah prashna-ssamaaptah ॥

2.1 - ವಾಯವ್ಯಗ್ಗ್ ಶ್ವೇತ ಮಾ ಲಭೇತ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ ಬಗ್ಗೆ

ಇದು ಕೃಷ್ಣಯಜುರ್ವೇದ ತೈತ್ತಿರೀಯ ಸಂಹಿತೆಯ ೨ನೇ ಕಾಂಡದ ೧ನೇ ಪ್ರಶ್ನೆ, ಸಂಹಿತಾಪಾಠದಲ್ಲಿ, ಅಂದರೆ ನಿರಂತರ ಸರಳ ಪಠಣದಲ್ಲಿ. ಅದರ ಶೀರ್ಷಿಕೆ ಇದನ್ನು "ಪಶುವಿಧಾನ", ನಿರ್ದಿಷ್ಟ ಇಷ್ಟಾರ್ಥಗಳಿಗಾಗಿ ಮಾಡುವ ಪಶು ಅರ್ಪಣೆಗಳ ನಿಯಮಗಳು ಎನ್ನುತ್ತದೆ. "ವಾಯವ್ಯಂ ಶ್ವೇತಮಾ ಲಭೇತ ಭೂತಿಕಾಮಃ" ಎಂದು ಆರಂಭ: ಏಳಿಗೆ ಬಯಸುವವನು ವಾಯುವಿಗೆ ಬಿಳಿಯ ಪಶುವನ್ನು ಅರ್ಪಿಸಬೇಕು, ವಾಯು ಅತಿ ವೇಗದ ದೇವತೆ, ಬೇಗನೆ ಏಳಿಗೆಗೆ ಒಯ್ಯುತ್ತಾನೆ.

ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೨.೧

ಯಾವಾಗ ಪಠಿಸಬೇಕು: ದಿನನಿತ್ಯದ ವೇದಪಠಣದಲ್ಲಿ, ವೇದಪಾಠಶಾಲೆಗಳಲ್ಲಿ ಮತ್ತು ಯಜುರ್ವೇದಾಧ್ಯಯನದಲ್ಲಿ.

ನಿಮಗೆ ಗೊತ್ತೇ?

  • ನಿರ್ದಿಷ್ಟ ಇಷ್ಟಾರ್ಥಕ್ಕಾಗಿ ಮಾಡುವ ಅರ್ಪಣೆಗಳನ್ನು ಕಾಮ್ಯ ಎನ್ನುತ್ತಾರೆ; ನಿತ್ಯ ಕರ್ಮಗಳಿಂದ ಭಿನ್ನ.
  • ಸಂಹಿತಾಪಾಠ ಪಠ್ಯದ ನಿರಂತರ ರೂಪ; ಪದ, ಕ್ರಮ, ಜಟಾ, ಘನ ಪಠಣಗಳನ್ನು ಇದರ ಮೇಲೆ ಕಟ್ಟಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಶೀರ್ಷಿಕೆ ಈ ಪ್ರಶ್ನೆಯನ್ನು ಏನೆನ್ನುತ್ತದೆ?

"ಪಶುವಿಧಾನ", ಪಶು ಅರ್ಪಣೆಗಳ ನಿಯಮಗಳು.

ಸಂಹಿತಾಪಾಠ ಎಂದರೇನು?

ವೈದಿಕ ಪಠ್ಯದ ಸರಳ, ನಿರಂತರ ಪಠಣ.

ಇದು ತೈತ್ತಿರೀಯ ಸಂಹಿತೆಯ ಯಾವ ಭಾಗ?

೨ನೇ ಕಾಂಡ, ೧ನೇ ಪ್ರಶ್ನೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.