MuhurtaNow

4.2 - ವಿಷ್ಣೋಃ ಕ್ರಮೋಸ್ಯಭಿಮಾತಿಹಾ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ

Kanda 4 - Krishna Yajurveda Taittiriya Samhita · ಸಾಂಪ್ರದಾಯಿಕ ಭಕ್ತಿ ಪಠ್ಯ

krishna yajurvedeeya taittireeya samhitaayaa-nchaturthakaande dveeteeyah prashnah - devayajanagrahaabhidhaanam

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

vishno̠h kramo̎-'syabhimaati̠haa gaa̍ya̠tra-nchhanda̠ aa ro̍ha prithi̠veemanu̠ vikra̍masva̠ nirbha̍kta̠-ssa ya-ndvi̠shmo vishno̠h kramo̎-'syabhishasti̠haa traishtu̍bha̠-nchhanda̠ aa ro̍haa̠ntari̍ksha̠manu̠ vikra̍masva̠ nirbha̍kta̠-ssa ya-ndvi̠shmo vishno̠h kramo̎-'syaraateeya̠to ha̠ntaa jaaga̍ta̠-nchhanda̠ aa ro̍ha̠ diva̠manu̠ vikra̍masva̠ nirbha̍kta̠-ssa ya-ndvi̠shmo vishno̠h [vishno̎h, kramo̍-'si shatrooya̠to] 1

kramo̍-'si shatrooya̠to ha̠ntaa-'nu̍shtubha̠-nchhanda̠ aa ro̍ha̠ disho-'nu̠ vikra̍masva̠ nirbha̍kta̠-ssa ya-ndvi̠shmah ॥ akra̍ndada̠gni-ssta̠naya̍nniva̠ dyauh, kshaamaa̠ reri̍ha-dvee̠rudha̍-ssama̠njann । sa̠dyo ja̍jnaa̠no vi heemi̠ddho akhya̠daa roda̍see bhaa̠nunaa̍ bhaatya̠ntah ॥ agne̎-'bhyaavartinna̠bhi na̠ aa va̍rta̠svaa-''yu̍shaa̠ varcha̍sa sa̠nyaa me̠dhayaa̎ pra̠jayaa̠ dhane̍na ॥ agne̍ [agne̎, a̠ngi̠ra̠-shsha̠ta-nte̍] 2

angira-shsha̠ta-nte̍ santvaa̠vrita̍-ssa̠hasra̍-nta upaa̠vrita̍h । taasaa̠-mposha̍sya̠ poshe̍na̠ puna̍rno na̠shtamaa kri̍dhi̠ puna̍rno ra̠yimaa kri̍dhi ॥ puna̍roo̠rjaa niva̍rtasva̠ puna̍ragna i̠shaa-''yu̍shaa । puna̍rnah paahi vi̠shvata̍h ॥ sa̠ha ra̠yyaa ni va̍rta̠svaagne̠ pinva̍sva̠ dhaara̍yaa । vi̠shvaphsni̍yaa vi̠shva ta̠spari̍ ॥ udu̍tta̠mam va̍runa̠ paasha̍ ma̠smadavaa̍-'dha̠mam- [-'dha̠mam, vi ma̍ddhya̠magg shra̍thaaya ।] 3

-mvi ma̍ddhya̠magg shra̍thaaya । athaa̍ va̠yamaa̍ditya vra̠te tavaanaa̍gaso̠ adi̍taye syaama ॥ aa tvaa̍-'haarsha-ma̠ntara̍bhoordhru̠vasti̠shthaa 'vi̍chachalih । visha̍stvaa̠ sarvaa̍ vaanchhantva̠smi-nraa̠shtramadhi̍ shraya ॥agre̍ bri̠hannu̠shasaa̍moo̠rdhvo a̍sthaannirjagmi̠vaan-tama̍so̠ jyoti̠shaa-''gaa̎t । a̠gnirbhaa̠nunaa̠ rusha̍taa̠ svanga̠ aa jaa̠to vishvaa̠ sadmaa̎nyapraah ॥ seeda̠ tva-mmaa̠tura̠syaa [seeda̠ tva-mmaa̠tura̠syaa̎h, u̠pasthe̠ vishvaa̎nyagne] 4

u̠pasthe̠ vishvaa̎nyagne va̠yunaa̍ni vi̠dvaan । mainaa̍ma̠rchishaa̠ maa tapa̍saa̠-'bhi shoo̍shucho̠-'ntara̍syaagm shu̠krajyo̍ti̠rvi bhaa̍hi ॥ a̠ntara̍gne ru̠chaa tvamu̠khaayai̠ sada̍ne̠ sve । tasyaa̠stvagm hara̍saa̠ tapa̠njaata̍veda-shshi̠vo bha̍va ॥ shi̠vo bhoo̠tvaa mahya̍ma̠gne-'tho̍ seeda shi̠vastvam । shi̠vaah kri̠tvaa disha̠-ssarvaa̠-ssvaam yoni̍mi̠haa-'' sa̍dah ॥ ha̠gm̠sa-shshu̍chi̠sha dvasu̍rantariksha̠-saddhotaa̍ vedi̠shadati̍thi rdurona̠sat । nri̠shadva̍ra̠sa-dri̍ta̠sa-dvyo̍ma̠sa-da̠bjaa go̠jaa ri̍ta̠jaa a̍dri̠jaa ri̠ta-mbri̠hat ॥ 5 ॥ (diva̠manu̠ vi kra̍masva̠ nirbha̍kta̠-ssa ya-ndvi̠shmo vishno̠ - rdhane̠naagne̍ - 'dha̠ma - ma̠syaah - shu̍chi̠shath - shoda̍sha cha) (a. 1)

di̠vaspari̍ pratha̠ma-nja̍jne a̠gnira̠sma-ddvi̠teeya̠-mpari̍ jaa̠tave̍daah । tri̠teeya̍ma̠phsu nri̠manaa̠ aja̍sra̠mindhaa̍na ena-njarate svaa̠dheeh ॥ vi̠dmaa te̍ agne tre̠dhaa tra̠yaani̍ vi̠dmaa te̠ sadma̠ vibhri̍ta-mpuru̠traa । vi̠dmaa te̠ naama̍ para̠ma-nguhaa̠ yadvi̠dmaa tamuthsa̠m yata̍ aaja̠gantha̍ ॥ sa̠mu̠dre tvaa̍ nri̠manaa̍ a̠phsva̍ntarnri̠chakshaa̍ eedhe di̠vo a̍gna̠ oodhann̍ । tri̠teeye̎ tvaa̠ [tri̠teeye̎ tvaa, raja̍si tasthi̠vaagm sa̍mri̠tasya̠] 6

raja̍si tasthi̠vaagm sa̍mri̠tasya̠ yonau̍ mahi̠shaa a̍hinvann ॥ akra̍ndada̠gni-ssta̠naya̍nniva̠ dyauh, kshaamaa̠ reri̍ha-dvee̠rudha̍-ssama̠njann । sa̠dyo ja̍jnaa̠no vi heemi̠ddho akhya̠daa roda̍see bhaa̠nunaa̍ bhaatya̠ntah ॥ u̠shi-kpaa̍va̠ko a̍ra̠ti-ssu̍me̠dhaa marte̎shva̠gnira̠mrito̠ nidhaa̍yi । iya̍rti dhoo̠mama̍ru̠sha-mbhari̍bhra̠duchchhu̠krena̍ sho̠chishaa̠ dyaamina̍kshat ॥ vishva̍sya ke̠turbhuva̍nasya̠ garbha̠ aa [ ] 7

roda̍see aprinaa̠jjaaya̍maanah । vee̠du-nchi̠dadri̍mabhina-tparaa̠yan janaa̠ yada̠gnimaya̍janta̠ pancha̍ ॥ shree̠naamu̍daa̠ro dha̠runo̍ rayee̠naa-mma̍nee̠shaanaa̠-mpraarpa̍na̠-ssoma̍gopaah । vaso̎-ssoo̠nu-ssaha̍so a̠phsu raajaa̠ vi bhaa̠tyagra̍ u̠shasaa̍midhaa̠nah ॥ yaste̍ a̠dya kri̠nava̍-dbhadrashoche-'poo̠pa-nde̍va ghri̠tava̍ntamagne । prata-nna̍ya prata̠raam vasyo̠ achchhaa̠bhi dyu̠mna-nde̠vabha̍ktam yavishtha ॥ aa [ ] 8

ta-mbha̍ja saushrava̠seshva̍gna u̠ktha-u̍ktha̠ aa bha̍ja sha̠syamaa̍ne । pri̠ya-ssoorye̎ pri̠yo a̠gnaa bha̍vaa̠tyujjaa̠tena̍ bhi̠nada̠dujjani̍tvaih ॥ tvaama̍gne̠ yaja̍maanaa̠ anu̠ dyoon. vishvaa̠ vasoo̍ni dadhire̠ vaaryaa̍ni । tvayaa̍ sa̠ha dravi̍nami̠chchhamaa̍naa vra̠ja-ngoma̍ntamu̠shijo̠ vi va̍vruh ॥ dri̠shaa̠no ru̠kma u̠rvyaa vya̍dyau-ddu̠rmarsha̠maayu̍-shshri̠ye ru̍chaa̠nah । a̠gnira̠mrito̍ abhava̠-dvayo̍bhi̠ryade̍- -na̠-ndyauraja̍naya-thsu̠retaa̎h ॥ 9 ॥ (tritiye̎ tvaa̠ - garbha̠ aa - ya̍vi̠shthaa-'' - ya - chcha̠tvaari̍ cha) (a. 2)

anna̍pa̠te-'nna̍sya no dehyanamee̠vasya̍ shu̠shmina̍h । pra pra̍daa̠taara̍-ntaarisha̠ oorja̍-nno dhehi dvi̠pade̠ chatu̍shpade ॥ udu̍ tvaa̠ vishve̍ de̠vaa agne̠ bhara̍ntu̠ chitti̍bhih । sa no̍ bhava shi̠vata̍ma-ssu̠pratee̍ko vi̠bhaava̍suh ॥ preda̍gne̠ jyoti̍shmaan. yaahi shi̠vebhi̍ra̠rchibhi̠stvam । bri̠hadbhi̍-rbhaa̠nubhi̠-rbhaasa̠-nmaa higm̍see sta̠nuvaa̎ pra̠jaah ॥ sa̠midhaa̠-'gni-ndu̍vasyata ghri̠tairbo̍dhaya̠taati̍thim । aa- [aa, a̠smi̠n̠. ha̠vyaa ju̍hotana ।] 10

-'smi̍n. ha̠vyaa ju̍hotana ॥ prapraa̠yama̠gnirbha̍ra̠tasya̍ shrinve̠ vi ya-thsooryo̠ na rocha̍te bri̠hadbhaah । a̠bhi yah poo̠ru-mprita̍naasu ta̠sthau dee̠daaya̠ daivyo̠ ati̍thi-shshi̠vo na̍h ॥ aapo̍ devee̠h prati̍ grihneeta̠ bhasmai̠ta-thsyo̠ne kri̍nuddhvagm sura̠bhaavu̍ lo̠ke । tasmai̍ namantaa̠-njana̍ya-ssu̠patnee̎rmaa̠teva̍ pu̠tra-mbi̍bhri̠taa sve̍nam ॥ a̠phsva̍gne̠ sadhi̠shtava̠- [a̠phsva̍gne̠ sadhi̠shtava̍, sausha̍dhee̠ranu̍ ruddhyase ।] 11

sausha̍dhee̠ranu̍ ruddhyase । garbhe̠ sanjaa̍yase̠ puna̍h ॥ garbho̍ a̠syosha̍dheenaa̠-ngarbho̠ vana̠spatee̍naam । garbho̠ vishva̍sya bhoo̠tasyaagne̠ garbho̍ a̠paama̍si ॥ pra̠sadya̠ bhasma̍naa̠ yoni̍ma̠pashcha̍ prithi̠veema̍gne । sa̠gm̠srijya̍ maa̠tribhi̠stva-njyoti̍shmaa̠-npuna̠raa-'sa̍dah ॥ puna̍raa̠sadya̠ sada̍nama̠pashcha̍ prithi̠veema̍gne । sheshe̍ maa̠turyatho̠pasthe̠ 'ntara̠syaagm shi̠vata̍mah ॥ puna̍roo̠rjaa [ ] 12

-ni va̍rtasva̠ puna̍ragna i̠shaa ''yu̍shaa । puna̍rnah paahi vi̠shvata̍h ॥ sa̠ha ra̠yyaa ni va̍rta̠svaagne̠ pinva̍sva̠ dhaara̍yaa । vi̠shvaphsni̍yaa vi̠shvata̠spari̍ ॥ puna̍stvaa ''di̠tyaa ru̠draa vasa̍va̠-ssami̍ndhataa̠-mpuna̍rbra̠hmaano̍ vasuneetha ya̠jnaih । ghri̠tena̠ tva-nta̠nuvo̍ vardhayasva sa̠tyaa-ssa̍ntu̠ yaja̍maanasya̠ kaamaa̎h ॥ bodhaa̍ no a̠sya vacha̍so yavishtha̠ magmhi̍shthasya̠ prabhri̍tasya svadhaavah । peeya̍ti tvo̠ anu̍ tvo grinaati va̠ndaaru̍ste ta̠nuva̍m vande agne ॥ sa bo̍dhi soo̠rirma̠ghavaa̍ vasu̠daavaa̠ vasu̍patih । yu̠yo̠ddhya̍sma-ddveshaagm̍si ॥ 13 ॥ (aa - tavo̠ - rjaa-' - nu̠ - shoda̍sha cha) (a. 3)

ape̍ta̠ veeta̠ vi cha̍ sarpa̠taato̠ ye-'tra̠ stha pu̍raa̠naa ye cha̠ noota̍naah । adaa̍di̠dam ya̠mo̍-'va̠saana̍-mprithi̠vyaa akra̍nni̠ma-mpi̠taro̍ lo̠kama̍smai ॥ a̠gnerbhasmaa̎sya̠gneh puree̍shamasi sa̠jnaanna̍masi kaama̠dhara̍na̠-mmayi̍ te kaama̠dhara̍na-mbhooyaat ॥ sam yaa va̍h pri̠yaasta̠nuva̠-ssa-mpri̠yaa hrida̍yaani vah । aa̠tmaa vo̍ astu̠ [astu, sampri̍ya̠] 14

sampri̍ya̠-ssampri̍yaasta̠nuvo̠ mama̍ ॥ a̠yagm so a̠gniryasmi̠n-thsoma̠mindra̍-ssu̠ta-nda̠dhe ja̠thare̍ vaavashaa̠nah । sa̠ha̠sriya̠m vaaja̠matya̠-nna saptigm̍ sasa̠vaan-thsan-thstoo̍yase jaatavedah ॥ agne̍ di̠vo arna̠machchhaa̍ jigaa̠syachchhaa̍ de̠vaagm oo̍chishe̠ dhishni̍yaa̠ ye । yaah pa̠rastaa̎-drocha̠ne soorya̍sya̠ yaashchaa̠ vastaa̍-dupa̠tishtha̍nta̠ aapa̍h ॥ agne̠ ya-tte̍ di̠vi varcha̍h prithi̠vyaam yadosha̍dhee- [prithi̠vyaam yadosha̍dheeshu, a̠phsu vaa̍ yajatra ।] 15

-shva̠phsu vaa̍ yajatra । yenaa̠ntari̍ksha-mu̠rvaa̍ta̠tantha̍ tve̠sha-ssa bhaa̠nura̍rna̠vo nri̠chakshaa̎h ॥ pu̠ree̠shyaa̍so a̠gnaya̍h praava̠nebhi̍-ssa̠josha̍sah । ju̠shantaagm̍ ha̠vyamaahu̍tamanamee̠vaa isho̍ ma̠heeh ॥ idaa̍magne puru̠dagm sagm̍ sa̠ni-ngo-shsha̍shvatta̠magm hava̍maanaaya saadha । syaanna̍-ssoo̠nustana̍yo vi̠jaavaa-'gne̠ saa te̍ suma̠tirbhoo̎tva̠sme ॥ a̠ya-nte̠ yoni̍r-ri̠tviyo̠ yato̍ jaa̠to aro̍chathaah । ta-njaa̠na- [ta-njaa̠nann, a̠gna̠ aa ro̠haathaa̍ no] 16

-nna̍gna̠ aa ro̠haathaa̍ no vardhayaa ra̠yim ॥ chida̍si̠ tayaa̍ de̠vata̍yaa-'ngira̠sva-ddhru̠vaa see̍da pari̠chida̍si̠ tayaa̍ de̠vata̍yaa-'ngira̠sva-ddhru̠vaa see̍da lo̠ka-mpri̍na chhi̠dra-mpri̠naatho̍ seeda shi̠vaa tvam । i̠ndraa̠gnee tvaa̠ briha̠spati̍ra̠smin. yonaa̍vaseeshadann ॥ taa a̍sya̠ sooda̍dohasa̠-ssomagg̍ shreenanti̠ prishna̍yah । janma̍-nde̠vaanaa̠m visha̍stri̠shvaa ro̍cha̠ne di̠vah ॥ 17 ॥ (a̠stvo - sha̍dheeshu - jaa̠na - nna̠shtaacha̍tvaarigmshachcha) (a. 4)

sami̍ta̠gm̠ sanka̍lpethaa̠gm̠ sampri̍yau rochi̠shnoo su̍mana̠syamaa̍nau । isha̠moorja̍ma̠bhi sa̠mvasaa̍nau̠ sam vaa̠-mmanaagm̍si̠ sam vra̠taa samu̍ chi̠ttaanyaa-'ka̍ram ॥ agne̍ pureeshyaadhi̠paa bha̍vaa̠ tva-nna̍h । isha̠moorja̠m yaja̍maanaaya dhehi ॥ pu̠ree̠shya̍stvama̍gne rayi̠maa-npu̍shti̠maagm a̍si । shi̠vaah kri̠tvaa disha̠-ssarvaa̠-ssvaam yoni̍mi̠haa-'sa̍dah ॥ bhava̍ta-nna̠-ssama̍nasau̠ samo̍kasaa [samo̍kasau, a̠re̠pasau̎ ।] 18

-vare̠pasau̎ । maa ya̠jnagm higm̍sishta̠-mmaa ya̠jnapa̍ti-njaatavedasau shi̠vau bha̍vatama̠dya na̍h ॥ maa̠teva̍ pu̠tra-mpri̍thi̠vee pu̍ree̠shya̍ma̠gnigg sve yonaa̍vabhaaru̠khaa । taam vishvai̎rde̠vair-ri̠tubhi̍-ssamvidaa̠nah pra̠jaapa̍tirvi̠shvaka̍rmaa̠ vi mu̍nchatu ॥ yada̠sya paa̠re raja̍sa-shshu̠kra-njyoti̠rajaa̍yata । ta-nna̍h parsha̠dati̠ dvisho-'gne̍ vaishvaanara̠ svaahaa̎ ॥ nama̠-ssu te̍ nir-rite vishvaroope- [vishvaroope, a̠ya̠smaya̠m vi chri̍taa] 19

-'ya̠smaya̠m vi chri̍taa ba̠ndhame̠tam । ya̠mena̠ tvam ya̠myaa̍ sam vidaa̠notta̠ma-nnaaka̠madhi̍ rohaye̠mam ॥ yatte̍ de̠vee nir-ri̍tiraaba̠bandha̠ daama̍ gree̠vaasva̍ vicha̠rtyam । i̠da-nte̠ ta-dvishyaa̠m yaayu̍sho̠ na maddhyaa̠dathaa̍ jee̠vah pi̠tuma̍ddhi̠ pramu̍ktah ॥ yasyaa̎ste a̠syaah kroo̠ra aa̠sanju̠homye̠shaa-mba̠ndhaanaa̍mava̠sarja̍naaya । bhoomi̠riti̍ tvaa̠ janaa̍ vi̠durnir-ri̍ti̠- [vi̠durnir-ri̍tih, iti̍ tvaa̠ 'ha-mpari̍] 20

-riti̍ tvaa̠ 'ha-mpari̍ veda vi̠shvata̍h ॥ asu̍nvanta̠ma ya̍jamaanamichchha ste̠nasye̠tyaan-taska̍ra̠syaan ve̍shi । a̠nya ma̠sma-di̍chchha̠ saa ta̍ i̠tyaa namo̍ devi nir-rite̠ tubhya̍mastu ॥ de̠veema̠ha-nnir-ri̍ti̠m vanda̍maanah pi̠teva̍ pu̠tra-nda̍saye̠ vacho̍bhih । vishva̍sya̠ yaa jaaya̍maanasya̠ veda̠ shira̍-shshira̠h prati̍ soo̠ree vi cha̍shte ॥ ni̠vesha̍na-ssa̠ngama̍no̠ vasoo̍naa̠m vishvaa̍ roo̠paa-'bhi cha̍shte̠ [roo̠paa-'bhi cha̍shte, shachee̍bhih ।] 21

shachee̍bhih । de̠va i̍va savi̠taa sa̠tyadha̠rmendro̠ na ta̍sthau sama̠re pa̍thee̠naam ॥ sam va̍ra̠traa da̍dhaatana̠ niraa̍haa̠vaan kri̍notana । si̠nchaama̍haa ava̠tamu̠drina̍m va̠yam vishvaa-'haa-'da̍sta̠makshi̍tam ॥ nishkri̍taahaa-vamava̠tagm su̍vara̠tragm su̍shecha̠nam । u̠drinagm̍ sinche̠ akshi̍tam ॥ seeraa̍ yunjanti ka̠vayo̍ yu̠gaa vi ta̍nvate̠ pritha̍k । dheeraa̍ de̠veshu̍ sumna̠yaa ॥ yu̠nakta̠ seeraa̠ vi yu̠gaa ta̍nota kri̠te yonau̍ vapate̠ha [ ] 22

beeja̎m । gi̠raa cha̍ shru̠shti-ssabha̍raa̠ asa̍nno̠ nedee̍ya̠ i-thsri̠nyaa̍ pa̠kvamaa 'ya̍t ॥ laanga̍la̠-mpavee̍ravagm su̠shevagm̍ suma̠tithsa̍ru । udi-tkri̍shati̠ gaamavi̍-mprapha̠rvya̍-ncha̠ peeva̍reem । pra̠sthaava̍-dratha̠vaaha̍nam ॥ shu̠na-nna̠h phaalaa̠ vi tu̍dantu̠ bhoomigm̍ shu̠na-nkee̠naashaa̍ a̠bhi ya̍ntu vaa̠haan । shu̠na-mpa̠rjanyo̠ madhu̍naa̠ payo̍bhi̠-shshunaa̍seeraa shu̠nama̠smaasu̍ dhattam ॥ kaama̍-nkaamadughe dhukshva mi̠traaya̠ varu̍naaya cha । indraa̍yaa̠gnaye̍ poo̠shna osha̍dheebhyah pra̠jaabhya̍h ॥ghri̠tena̠ seetaa̠ madhu̍naa̠ sama̍ktaa̠ vishvai̎rde̠vairanu̍mataa ma̠rudbhi̍h । oorja̍svatee̠ paya̍saa̠ pinva̍maanaa̠-'smaan-thsee̍te̠ paya̍saa̠-'bhyaa-va̍vrithsva ॥ 23 ॥ (samo̍kasau-vishvaroope-vi̠durnir-ri̍ti-ra̠bhi cha̍shta-i̠ha-mi̠traaya̠-dvaavigm̍shatishcha) (a. 5)

yaa jaa̠taa osha̍dhayo de̠vebhya̍striyu̠ga-mpu̠raa । mandaa̍mi ba̠bhroonaa̍ma̠hagm sha̠ta-ndhaamaa̍ni sa̠pta cha̍ ॥ sha̠tam vo̍ aba̠-ndhaamaa̍ni sa̠hasra̍mu̠ta vo̠ ruha̍h । athaa̍ shatakratvo yoo̠yami̠ma-mme̍ aga̠da-nkri̍ta ॥ pushpaa̍vateeh pra̠soova̍teeh pha̠linee̍rapha̠laa u̠ta । ashvaa̍ iva sa̠jitva̍ree-rvee̠rudha̍h paarayi̠shnava̍h ॥ osha̍dhee̠riti̍ maatara̠-stadvo̍ devee̠-rupa̍ bruve । rapaagm̍si vighna̠teeri̍ta̠ rapa̍- [vighna̠teeri̍ta̠ rapa̍h, chaa̠taya̍maanaah ।] 24

-shchaa̠taya̍maanaah ॥ a̠shva̠tthe vo̍ ni̠shada̍na-mpa̠rne vo̍ vasa̠tih kri̠taa । go̠bhaaja̠ i-tkilaa̍satha̠ ya-thsa̠nava̍tha̠ pooru̍sham ॥ yada̠ham vaa̠jaya̍-nni̠maa osha̍dhee̠r̠hasta̍ aada̠dhe । aa̠tmaa yakshma̍sya nashyati pu̠raa jee̍va̠gribho̍ yathaa ॥ yadosha̍dhaya-ssa̠ngachchha̍nte̠ raajaa̍na̠-ssami̍taa viva । vipra̠-ssa u̍chyate bhi̠shag-ra̍ksho̠haa 'mee̍va̠ chaata̍nah ॥ nishkri̍ti̠-rnaama̍vo maa̠taa-'thaa̍ yoo̠yaggstha̠ sankri̍teeh । sa̠raah pa̍ta̠trinee̎- [sa̠raah pa̍ta̠trinee̎h, stha̠na̠ yadaa̠ maya̍ti̠] 25

-sthana̠ yadaa̠ maya̍ti̠ nishkri̍ta ॥ a̠nyaa vo̍ a̠nyaama̍va-tva̠nyaa-'nyasyaa̠ upaa̍vata । taa-ssarvaa̠ osha̍dhaya-ssamvidaa̠naa i̠da-mme̠ praava̍taa̠ vacha̍h ॥ uchchhushmaa̠ osha̍dheenaa̠-ngaavo̍ go̠shthaa di̍verate । dhanagm̍ sani̠shyantee̍ naamaa̠tmaana̠-ntava̍ poorusha ॥ ati̠ vishvaa̎h pari̠shthaa̍-sste̠na i̍va vra̠jama̍kramuh । osha̍dhaya̠h praachu̍chyavu̠ rya-tki-ncha̍ ta̠nuvaa̠gm̠ rapa̍h ॥ yaa- [yaah, ta̠ aa̠ta̠sthu-raa̠tmaana̠m yaa] 26

-sta̍ aata̠sthu-raa̠tmaana̠m yaa aa̍vivi̠shuh paru̍h paruh । taaste̠ yakshma̠m vibaa̍dhantaa mu̠gro ma̍ddhyama̠sheeri̍va ॥ saa̠kam ya̍kshma̠ pra pa̍ta shye̠nena̍ kikidee̠vinaa̎ । saa̠kam vaata̍sya̠-dhraajyaa̍ saa̠ka-nna̍shya ni̠haaka̍yaa ॥ a̠shvaa̠va̠teegm so̍mava̠tee moo̠rjaya̍ntee̠ mudo̍jasam । aa vi̍thsi̠ sarvaa̠ osha̍dheera̠smaa a̍ri̠shtataa̍taye ॥ yaah pha̠linee̠ryaa a̍pha̠laa a̍pu̠shpaa yaashcha̍ pu̠shpinee̎h । briha̠spati̍ prasootaa̠ staano̍ muncha̠ntvagm ha̍sah ॥ yaa [yaah, osha̍dhaya̠-ssoma̍raajnee̠h] 27

osha̍dhaya̠-ssoma̍raajnee̠h pravi̍shtaah prithi̠veemanu̍ । taasaa̠-ntvama̍syutta̠maa prano̍ jee̠vaata̍ve-suva ॥ a̠va̠pata̍nteeravada-ndi̠va osha̍dhaya̠h pari̍ । ya-njee̠va ma̠shnavaa̍ mahai̠ na sa ri̍shyaati̠ pooru̍shah ॥ yaashche̠da mu̍pa-shri̠nvanti̠ yaashcha̍ doo̠ra-mparaa̍gataah । i̠ha sa̠ngatya̠ taa-ssarvaa̍ a̠smai sa-nda̍tta bhesha̠jam ॥ maa vo̍ risha-tkhani̠taa yasmai̍ chaa̠ha-nkhanaa̍mi vah । dvi̠pa-chchatu̍shpa-da̠smaaka̠gm̠ sarva̍-ma̠stvanaa̍turam ॥ osha̍dhaya̠-ssam va̍dante̠ some̍na sa̠ha raajnaa̎ । yasmai̍ ka̠roti̍ braahma̠nastagm raa̍ja-npaarayaamasi ॥ 28 ॥ (rapa̍h - pata̠trinee̠- ryaa - agmha̍so̠ yaah - khanaa̍mi vo̠ - 'shtaada̍sha cha) (a. 6)

maa no̍ higmseejjani̠taa yah pri̍thi̠vyaa yo vaa̠ divagm̍ sa̠tyadha̍rmaa ja̠jaana̍ । yashchaa̠pashcha̠ndraa bri̍ha̠teerja̠jaana̠ kasmai̍ de̠vaaya̍ ha̠vishaa̍ vidhema ॥ a̠bhyaava̍rtasva prithivi ya̠jnena̠ paya̍saa sa̠ha । va̠paa-nte̍ a̠gniri̍shi̠to-'va̍ sarpatu ॥ agne̠ ya-tte̍ shu̠kram yachcha̠ndram ya-tpoo̠tam ya-dya̠jniya̎m । ta-dde̠vebhyo̍ bharaamasi ॥ isha̠moorja̍ma̠hami̠ta aa [aa, da̠da̠ ri̠tasya̠ dhaamno̍] 29

da̍da ri̠tasya̠ dhaamno̍ a̠mrita̍sya̠ yone̎h । aa no̠ goshu̍ visha̠tvausha̍dheeshu̠ jahaa̍mi se̠dimani̍raa̠mamee̍vaam ॥ agne̠ tava̠ shravo̠ vayo̠ mahi̍ bhraajantya̠rchayo̍ vibhaavaso । briha̍-dbhaano̠ shava̍saa̠ vaaja̍mu̠kthya̍-ndadhaa̍si daa̠shushe̍ kave ॥ i̠ra̠jyanna̍gne prathayasva ja̠ntubhi̍ra̠sme raayo̍ amartya । sa da̍rsha̠tasya̠ vapu̍sho̠ vi raa̍jasi pri̠nakshi̍ saana̠sigm ra̠yim ॥ oorjo̍ napaa̠jjaata̍veda-ssusha̠stibhi̠-rmanda̍sva [ ] 30

dhee̠tibhi̍rhi̠tah । tve isha̠-ssa-nda̍dhu̠-rbhoori̍retasa-shchi̠tro ta̍yo vaa̠majaa̍taah ॥ paa̠va̠kava̍rchaa-shshu̠krava̍rchaa̠ anoo̍navarchaa̠ udi̍yarshi bhaa̠nunaa̎ । pu̠trah pi̠taraa̍ vi̠chara̠nnupaa̍vasyu̠bhe pri̍nakshi̠ roda̍see ॥ ri̠taavaa̍na-mmahi̠sham vi̠shvacha̍rshanima̠gnigm su̠mnaaya̍ dadhire pu̠ro janaa̎h । shrutka̍rnagm sa̠pratha̍stama-ntvaa gi̠raa daivya̠-mmaanu̍shaa yu̠gaa ॥ ni̠shka̠rtaara̍-maddhva̠rasya̠ prache̍tasa̠-nkshaya̍nta̠gm̠ raadha̍se ma̠he । raa̠ti-mbhrigoo̍naamu̠shija̍-nka̠vikra̍tu-mpri̠nakshi̍ saana̠sigm - [saana̠sim, ra̠yim ।] 31

ra̠yim ॥ chita̍-sstha pari̠chita̍ oordhva̠chita̍-shshrayaddhva̠-ntayaa̍ de̠vata̍yaa-'ngira̠sva-ddhru̠vaa-ssee̍data ॥ aa pyaa̍yasva̠ same̍tu te vi̠shvata̍-ssoma̠ vrishni̍yam । bhavaa̠ vaaja̍sya sanga̠the ॥ sa-nte̠ payaagm̍si̠ samu̍ yantu̠ vaajaa̠-ssam vrishni̍yaa-nyabhimaati̠shaaha̍h । aa̠pyaaya̍maano a̠mritaa̍ya soma di̠vi shravaag̍syutta̠maani̍ dhishva ॥ 32 ॥ (aa - manda̍sva - saana̠si - mekaa̠nnacha̍tvaari̠gm̠shachcha̍) (a. 7)

a̠bhya̍sthaa̠-dvishvaa̠h prita̍naa̠ araa̍tee̠stada̠gniraa̍ha̠ tadu̠ soma̍ aaha । briha̠spati̍-ssavi̠taa tanma̍ aaha poo̠shaa maa̍-'dhaa-thsukri̠tasya̍ lo̠ke ॥ yadakra̍ndah pratha̠ma-njaaya̍maana u̠dyan-thsa̍mu̠draadu̠ta vaa̠ puree̍shaat । shye̠nasya̍ pa̠kshaa ha̍ri̠nasya̍ baa̠hoo upa̍stuta̠-njani̍ma̠ ta-tte̍ arvann ॥ a̠paa-mpri̠shthama̍si̠ yoni̍ra̠gne-ssa̍mu̠drama̠bhita̠h pinva̍maanam । vardha̍maana-mma̠ha [vardha̍maana-mma̠hah, aa cha̠ pushka̍ra-ndi̠vo] 33

aa cha̠ pushka̍ra-ndi̠vo maatra̍yaa vari̠naa pra̍thasva ॥ brahma̍ jajnaa̠na-mpra̍tha̠ma-mpu̠rastaa̠dvi see̍ma̠ta-ssu̠rucho̍ ve̠na aa̍vah । sa bu̠ddhniyaa̍ upa̠maa a̍sya vi̠shthaa-ssa̠tashcha̠ yoni̠masa̍tashcha̠ viva̍h ॥ hi̠ra̠nya̠ga̠rbha-ssama̍varta̠taagre̍ bhoo̠tasya̍ jaa̠tah pati̠reka̍ aaseet । sa daa̍dhaara prithi̠vee-ndyaamu̠temaa-nkasmai̍ de̠vaaya̍ ha̠vishaa̍ vidhema ॥ dra̠phsashcha̍skanda prithi̠veemanu̠- [prithi̠veemanu̍, dyaami̠ma-ncha̠] 34

-dyaami̠ma-ncha̠ yoni̠manu̠ yashcha̠ poorva̍h । tri̠teeya̠m yoni̠manu̍ sa̠nchara̍nta-ndra̠phsa-nju̍ho̠myanu̍ sa̠pta hotraa̎h ॥ namo̍ astu sa̠rpebhyo̠ ye ke cha̍ prithi̠veemanu̍ । ye a̠ntari̍kshe̠ ye di̠vi tebhya̍-ssa̠rpebhyo̠ nama̍h ॥ ye̍-'do ro̍cha̠ne di̠vo ye vaa̠ soorya̍sya ra̠shmishu̍ । yeshaa̍ma̠phsu sada̍h kri̠ta-ntebhya̍-ssa̠rpebhyo̠ nama̍h ॥ yaa isha̍vo yaatu̠ dhaanaa̍naa̠m mye vaa̠ vana̠spatee̠gm̠ranu̍ । ye vaa̍-'va̠teshu̠ shera̍te̠ tebhya̍-ssa̠rpebhyo̠ nama̍h ॥ 35 ॥ (ma̠ho - 'nu̍ - yaatu̠dhaanaa̍naa̠ - mekaa̍dasha cha) (a. 8)

dhru̠vaa-'si̍ dha̠runaa-'stri̍taa vi̠shvaka̍rmanaa̠ sukri̍taa । maa tvaa̍ samu̠dra udva̍dhee̠nmaa su̍pa̠rno vya̍thamaanaa prithi̠vee-ndrigm̍ha ॥ pra̠jaapa̍tistvaa saadayatu prithi̠vyaah pri̠shthe vyacha̍svatee̠-mpratha̍svatee̠-mpratho̍-'si prithi̠vya̍si̠ bhoora̍si̠ bhoomi̍ra̠syadi̍tirasi vi̠shvadhaa̍yaa̠ vishva̍sya̠ bhuva̍nasya dha̠rtree pri̍thi̠veem ya̍chchha prithi̠vee-ndrigm̍ha prithi̠vee-mmaa higm̍see̠rvishva̍smai praa̠naayaa̍paa̠naaya̍ vyaa̠naayo̍daa̠naaya̍ prati̠shthaayai̍ [prati̠shthaayai̎, cha̠ritraa̍yaa̠-] 36

cha̠ritraa̍yaa̠-'gnistvaa̠-'bhi paa̍tu ma̠hyaa sva̠styaa chha̠rdishaa̠ shanta̍mena̠ tayaa̍ de̠vata̍yaa-'ngira̠sva-ddhru̠vaa see̍da ॥ kaandaa̎-tkaandaa-tpra̠roha̍ntee̠ paru̍shahparusha̠h pari̍ । e̠vaa no̍ doorve̠ pra ta̍nu sa̠hasre̍na sha̠tena̍ cha ॥ yaa sha̠tena̍ prata̠noshi̍ sa̠hasre̍na vi̠roha̍si । tasyaa̎ste deveeshtake vi̠dhema̍ ha̠vishaa̍ va̠yam ॥ ashaa̍dhaa-'si̠ saha̍maanaa̠ saha̠svaaraa̍tee̠-ssaha̍svaaraateeya̠ta-ssaha̍sva̠ prita̍naa̠-ssaha̍sva pritanya̠tah । sa̠hasra̍veeryaa- [sa̠hasra̍veeryaa, a̠si̠ saa maa̍ jinva ।] 37

-'si̠ saa maa̍ jinva ॥ madhu̠ vaataa̍ ritaaya̠te madhu̍ ksharanti̠ sindha̍vah । maaddhvee̎rna-ssa̠ntvosha̍dheeh ॥ madhu̠ nakta̍mu̠toshasi̠ madhu̍ma̠-tpaarthi̍va̠gm̠ raja̍h । madhu̠ dyaura̍stu nah pi̠taa ॥ madhu̍maa-nno̠ vana̠spati̠-rmadhu̍maagm astu̠ soorya̍h । maaddhvee̠rgaavo̍ bhavantu nah ॥ ma̠hee dyauh pri̍thi̠vee cha̍ na i̠mam ya̠jna-mmi̍mikshataam । pi̠pri̠taa-nno̠ bharee̍mabhih ॥ ta-dvishno̎h para̠ma- [para̠mam, pa̠dagm sadaa̍ pashyanti] 38

-mpa̠dagm sadaa̍ pashyanti soo̠raya̍h । di̠veeva̠ chakshu̠raata̍tam ॥ dhru̠vaa-'si̍ prithivi̠ saha̍sva pritanya̠tah । syoo̠taa de̠vebhi̍ra̠mrite̠naa ''gaa̎h ॥ yaaste̍ agne̠ soorye̠ rucha̍ udya̠to diva̍maata̠nvanti̍ ra̠shmibhi̍h । taabhi̠-ssarvaa̍bhee ru̠che janaa̍ya naskridhi ॥ yaa vo̍ devaa̠-ssoorye̠ rucho̠ goshvashve̍shu̠ yaa rucha̍h । indraa̎gnee̠ taabhi̠-ssarvaa̍bhee̠ rucha̍-nno dhatta brihaspate ॥ vi̠raa- [vi̠raat, jyoti̍radhaaraya-] 39

-djyoti̍radhaaraya-thsa̠mraa-djyoti̍radhaaraya-thsva̠raa-djyoti̍radhaarayat ॥ agne̍ yu̠kshvaa hi ye tavaashvaa̍so deva saa̠dhava̍h । ara̠m vaha̍ntyaa̠shava̍h ॥ yu̠kshvaa hi de̍va̠hoota̍maa̠gm̠ ashvaagm̍ agne ra̠theeri̍va । ni hotaa̍ poo̠rvya-ssa̍dah ॥ dra̠phsashcha̍skanda prithi̠veemanu̠ dyaami̠ma-ncha̠ yoni̠manu̠ yashcha̠ poorva̍h । tri̠teeya̠m yoni̠manu̍ sa̠nchara̍nta-ndra̠phsa-nju̍ho̠myanu̍ sa̠pta [ ] 40

hotraa̎h ॥ abhoo̍di̠dam vishva̍sya̠ bhuva̍nasya̠ vaaji̍nama̠gne-rvai̎shvaana̠rasya̍ cha । a̠gnirjyoti̍shaa̠ jyoti̍shmaa-nru̠kmo varcha̍saa̠ varcha̍svaan ॥ ri̠che tvaa̍ ru̠che tvaa̠ sami-thsra̍vanti sa̠rito̠ na dhenaa̎h । a̠ntarhri̠daa mana̍saa poo̠yamaa̍naah ॥ ghri̠tasya̠ dhaaraa̍ a̠bhi chaa̍kasheemi । hi̠ra̠nyayo̍ veta̠so maddhya̍ aasaam ॥ tasmin̎thsupa̠rno ma̍dhu̠kri-tku̍laa̠yee bhaja̍nnaaste̠ madhu̍ de̠vataa̎bhyah । tasyaa̍ sa te̠ hara̍ya-ssa̠pta teere̎ sva̠dhaa-nduhaa̍naa a̠mrita̍sya̠ dhaaraa̎m ॥ 41 ॥ (pra̠ti̠shthaayai̍ - sa̠hasra̍veeryaa - para̠mam - mvi̠raatth - sa̠pta - teere̍ - cha̠tvaari̍ cha) (a. 9)

aa̠di̠tya-ngarbha̠-mpaya̍saa sama̠njan-thsa̠hasra̍sya prati̠maam vi̠shvaroo̍pam । pari̍ vringdhi̠ hara̍saa̠ maa-'bhi mri̍ksha-shsha̠taayu̍sha-nkrinuhi chee̠yamaa̍nah ॥ i̠ma-mmaa higm̍seerdvi̠paada̍-mpashoo̠naagm saha̍sraaksha̠ medha̠ aa chee̠yamaa̍nah । ma̠yumaa̍ra̠nyamanu̍ te dishaami̠ tena̍ chinvaa̠nasta̠nuvo̠ ni shee̍da ॥ vaata̍sya̠ dhraaji̠m varu̍nasya̠ naabhi̠mashva̍-njajnaa̠nagm sa̍ri̠rasya̠ maddhye̎ । shishu̍-nna̠deenaa̠gm̠ hari̠madri̍buddha̠magne̠ maa higm̍seeh [maa higm̍seeh, pa̠ra̠me vyo̍mann ।] 42

para̠me vyo̍mann ॥ i̠ma-mmaa higm̍see̠reka̍shapha-mpashoo̠naa-nka̍nikra̠dam vaa̠jina̠m vaaji̍neshu । gau̠ramaa̍ra̠nyamanu̍ te dishaami̠ tena̍ chinvaa̠nasta̠nuvo̠ ni shee̍da ॥ aja̍sra̠mindu̍maru̠sha-mbhu̍ra̠nyuma̠gnimee̍de poo̠rvachi̍ttau̠ namo̍bhih । sa parva̍bhir-ritu̠shah kalpa̍maano̠ gaa-mmaa higm̍see̠radi̍tim vi̠raaja̎m ॥ i̠magm sa̍mu̠dragm sha̠tadhaa̍ra̠mu-thsa̍m vya̠chyamaa̍na̠-mbhuva̍nasya̠ maddhye̎ । ghri̠ta-nduhaa̍naa̠-madi̍ti̠-njanaa̠yaagne̠ maa [-madi̍ti̠-njanaa̠yaagne̠ maa, hi̠gm̠see̠h pa̠ra̠me vyo̍mann ।] 43

higm̍seeh para̠me vyo̍mann । ga̠va̠yamaa̍ra̠nyamanu̍ te dishaami̠ tena̍ chinvaa̠nasta̠nuvo̠ ni shee̍da ॥ varoo̎tri̠-ntvashtu̠rvaru̍nasya̠ naabhi̠mavi̍-njajnaa̠naagm raja̍sa̠h para̍smaat । ma̠heegm saa̍ha̠sreemasu̍rasya maa̠yaamagne̠ maa higm̍seeh para̠me vyo̍mann ॥ i̠maamoo̎rnaa̠yum varu̍nasya maa̠yaa-ntvacha̍-mpashoo̠naa-ndvi̠padaa̠-nchatu̍shpadaam । tvashtu̍h pra̠jaanaa̎-mpratha̠ma-nja̠nitra̠magne̠ maa higm̍seeh para̠me vyo̍mann । ushtra̍maara̠nyamanu̍ [ushtra̍maara̠nyamanu̍, te̠ di̠shaa̠mi̠ tena̍] 44

te dishaami̠ tena̍ chinvaa̠nasta̠nuvo̠ ni shee̍da ॥ yo a̠gnira̠gnesta-pa̠so-'dhi̍ jaa̠ta-shshochaa̎-tprithi̠vyaa u̠ta vaa̍ di̠vaspari̍ । yena̍ pra̠jaa vi̠shvaka̍rmaa̠ vyaana̠-ttama̍gne̠ heda̠h pari̍ te vrinaktu ॥ a̠jaa hya̍gneraja̍nishta̠ garbhaa̠-thsaa vaa a̍pashyajjani̠taara̠magre̎ । tayaa̠ roha̍maaya̠nnupa̠ meddhyaa̍sa̠stayaa̍ de̠vaa de̠vataa̠magra̍ aayann । sha̠ra̠bha-( )-maa̍ra̠nyamanu̍ te dishaami̠ tena̍ chinvaa̠nasta̠nuvo̠ nishee̍da ॥ 45 ॥ (agne̠ maa higm̍see̠ - ragne̠ moshtra̍maa - ra̠nyamanu̍ - shara̠bhan - nava̍ cha) (a. 10)

(aa̠di̠tya mi̠mandvi̠paade̍ ma̠yum vaata̠syaa 'shva̍ mi̠ma meka̍shapha ngau̠rama ja̍srangava̠yam varoo̎tri̠ mavi̍ mi̠maamoo̎rnaa̠ryu mushtra̠m yo a̠gni-shsha̍ra̠bham )

indraa̎gnee rocha̠naa di̠vah pari̠ vaaje̍shu bhooshathah । tadvaa̎-ncheti̠ pravee̠rya̎m ॥ shnatha̍-dvri̠tramu̠ta sa̍noti̠ vaaja̠mindraa̠ yo a̠gnee sahu̍ree sapa̠ryaat । i̠ra̠jyantaa̍ vasa̠vya̍sya̠ bhoore̠-ssaha̍stamaa̠ saha̍saa vaaja̠yantaa̎ ॥ pra cha̍rsha̠nibhya̍h pritanaa̠ have̍shu̠ pra pri̍thi̠vyaa ri̍richaathe di̠vashcha̍ । pra sindhu̍bhya̠h pragi̠ribhyo̍ mahi̠tvaa prendraa̎gnee̠ vishvaa̠ bhuva̠naa-'tya̠nyaa ॥ maru̍to̠ yasya̠ hi [ ] 46

kshaye̍ paa̠thaa di̠vo vi̍mahasah । sa su̍go̠paata̍mo̠ jana̍h ॥ ya̠jnairvaa̍ yajnavaahaso̠ vipra̍sya vaa matee̠naam । maru̍ta-shshrinu̠taa hava̎m ॥ shri̠yase̠ ka-mbhaa̠nubhi̠-ssa-mmi̍mikshire̠ te ra̠shmibhi̠sta rikva̍bhi-ssukhaa̠daya̍h । te vaashee̍manta i̠shmino̠ abhee̍ravo vi̠dre pri̠yasya̠ maaru̍tasya̠ dhaamna̍h ॥ ava̍ te̠ heda̠, udu̍tta̠mam ॥ kayaa̍ nashchi̠tra aa bhu̍vadoo̠tee sa̠daa vri̍dha̠-ssakhaa̎ । kayaa̠ shachi̍shthayaa vri̠taa ॥ 47 ॥

ko a̠dya yu̍nkte dhu̠ri gaa ri̠tasya̠ shimee̍vato bhaa̠mino̍ durhrinaa̠yoon । aa̠sanni̍shoon. hri̠thsvaso̍ mayo̠bhoon. ya e̍shaa-mbhri̠tyaamri̠nadha̠-thsa jee̍vaat ॥ agne̠ nayaa, ''de̠vaanaa̠gm̠ shanno̍ bhavantu̠, vaaje̍vaaje। a̠phsva̍gne̠ sadhi̠shtava̠ sausha̍dhee̠ranu̍ ruddhyase । garbhe̠ sanjaa̍yase̠ puna̍h ॥ vrishaa̍ soma dyu̠maagm a̍si̠ vrishaa̍ deva̠ vrisha̍vratah । vrishaa̠ dharmaa̍ni dadhishe ॥ i̠ma-mme̍ varuna̠ , tattvaa̍ yaami̠tva-nno̍ agne̠sa tva-nno̍ agne ॥ 48 ॥ (hi - vri̠taa - ma̠ - ekaa̍dasha cha ) (a. 11)

(vishno̠h kramo̍-'si - di̠vaspa - ryanna̍pa̠te - 'pe̍ta̠ - sami̍ta̠m - myaa jaa̠taa - maa no̍ higmsee - da̠bhya̍sthaa-d- dhru̠vaa - 'syaa̍di̠tyangarbha̠ - mindraa̎gnee rocha̠ - naikaa̍dasha )

(vishno̍ - rasmin. ha̠vye - ti̍ tvaa̠-'ham - dhee̠tibhi̠ - rhotraa̍ - a̠shtaacha̍tvaarigmshat)

(vishno̠h kramo̍-'si̠, tvanno̍ agne̠ sa tvanno̍ agne)

॥ hari̍h om ॥

॥ krishna yajurvedeeya taittireeya samhitaayaa-nchaturtha kaande dviteeyah prashna-ssamaaptah ॥

4.2 - ವಿಷ್ಣೋಃ ಕ್ರಮೋಸ್ಯಭಿಮಾತಿಹಾ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ ಬಗ್ಗೆ

ಇದು ಕೃಷ್ಣಯಜುರ್ವೇದ ತೈತ್ತಿರೀಯ ಸಂಹಿತೆಯ ನಾಲ್ಕನೇ ಕಾಂಡದ ಎರಡನೇ ಪ್ರಶ್ನ; ಮಹಾ ಅಗ್ನಿವೇದಿ ನಿರ್ಮಾಣ ಅಗ್ನಿಚಯನದ ಮಂತ್ರಗಳನ್ನು ಮುಂದುವರಿಸುತ್ತದೆ. ವಿಷ್ಣುಕ್ರಮಗಳಿಂದ ಆರಂಭ: "ನೀನು ವಿಷ್ಣುವಿನ ಹೆಜ್ಜೆ, ಅಭಿಮಾತಿಹ (ಶತ್ರುನಾಶಕ)"; ಲೋಕಗಳ ಮೇಲಿನ ವಿಷ್ಣುವಿನ ತ್ರಿವಿಕ್ರಮವನ್ನು ಅನುಕರಿಸಿ ಯಜಮಾನ ಹೆಜ್ಜೆ ಇಡುವಾಗ ಹೇಳುವುದು. ನಂತರ ಯಜ್ಞಭೂಮಿ ಸಿದ್ಧತೆ, ವೇದಿಸ್ಥಳ ಉಳುವುದು ಬಿತ್ತುವುದು, ಮೊದಲ ಪದರದ ಇಟ್ಟಿಗೆ ಇಡುವ ಮಂತ್ರಗಳು.

ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೪.೨

ಯಾವಾಗ ಪಠಿಸಬೇಕು: ವೇದಪಠಣದಲ್ಲಿ ಮತ್ತು ತೈತ್ತಿರೀಯ ಸಂಹಿತೆಯ ಸಾಂಪ್ರದಾಯಿಕ ಅಧ್ಯಯನದಲ್ಲಿ.

ನಿಮಗೆ ಗೊತ್ತೇ?

  • ವಿಷ್ಣುಕ್ರಮಗಳು ಋಗ್ವೇದದಲ್ಲಿ ಹೇಳಿದ ಭೂಮಿ, ಅಂತರಿಕ್ಷ, ದ್ಯುಲೋಕಗಳ ಮೇಲಿನ ವಿಷ್ಣುವಿನ ಮೂರು ಹೆಜ್ಜೆಗಳನ್ನು ನೆನಪಿಸುತ್ತವೆ.
  • ವೇದಿಭೂಮಿಯನ್ನು ಉಳುವುದು ಬಿತ್ತುವುದು ಯಜ್ಞ ಮತ್ತು ಭೂಮಿಯ ಫಲವತ್ತತೆಯ ವೈದಿಕ ಸಂಬಂಧ ತೋರುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ವಿಷ್ಣುಕ್ರಮಗಳು ಎಂದರೇನು?

ವಿಷ್ಣುವಿನ ಮೂರು ಹೆಜ್ಜೆಗಳನ್ನು ಅನುಕರಿಸಿ ಯಜಮಾನ ಇಡುವ ಹೆಜ್ಜೆಗಳು.

ಈ ಪ್ರಶ್ನ ಹೇಗೆ ಆರಂಭವಾಗುತ್ತದೆ?

"ವಿಷ್ಣೋಃ ಕ್ರಮೋಽಸಿ".

ಇದು ಯಾವ ವೇದದಿಂದ?

ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೪.೨.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.