7.4 - ಬೃಹಸ್ಪತಿ ರಕಾಮಯತ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ
Kanda 7 - Krishna Yajurveda Taittiriya Samhita · ಸಾಂಪ್ರದಾಯಿಕ ಭಕ್ತಿ ಪಠ್ಯ
krishna yajurvedeeya taittireeya samhitaayaam saptamakaande chaturthah prashnah - satrakarmaniroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
briha̠spati̍rakaamayata̠ shranme̍ de̠vaa dadhee̍ra̠-ngachchhe̍ya-mpuro̠dhaamiti̠ sa e̠ta-ncha̍turvigmshatiraa̠tra-ma̍pashya̠-ttamaa-'ha̍ra̠-ttenaa̍yajata̠ tato̠ vai tasmai̠ shradde̠vaa ada̍dha̠taaga̍chchha-tpuro̠dhaam ya e̠vam vi̠dvaagmsa̍-shchaturvigmshatiraa̠tra-maasa̍te̠ shrade̎bhyo manu̠shyaa̍ dadhate̠ gachchha̍nti puro̠dhaa-njyoti̠rgauraayu̠riti̍ trya̠haa bha̍vantee̠yam vaava jyoti̍ra̠ntari̍ksha̠-ngaura̠saa-vaayu̍- [-vaayu̍h, i̠maane̠va] 1
-ri̠maane̠va lo̠kaana̠bhyaaro̍hantyabhi poo̠rva-ntrya̠haa bha̍vantyabhipoo̠rvame̠va su̍va̠rgam lo̠kama̠bhyaaro̍ha̠ntyasa̍tra̠m vaa e̠ta-dyada̍chhando̠mam yachchha̍ndo̠maa bhava̍nti̠ tena̍ sa̠tra-nde̠vataa̍ e̠va pri̠shthairava̍ rundhate pa̠shoonchha̍ndo̠mairojo̠ vai vee̠rya̍-mpri̠shthaani̍ pa̠shava̍-shchhando̠maa oja̍sye̠va vee̠rye̍ pa̠shushu̠ prati̍ tishthanti briha-drathanta̠raabhyaa̎m yantee̠yam vaava ra̍thanta̠rama̠sau bri̠hadaa̠bhyaame̠va [ ] 2
ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va su̍va̠rgam lo̠kam ya̍nti chaturvigmshatiraa̠tro bha̍vati̠ chatu̍rvigmshatirardhamaa̠saa-ssa̍mvathsa̠ra-ssa̍mvathsa̠ra-ssu̍va̠rgo lo̠ka-ssa̍mvathsa̠ra e̠va su̍va̠rge lo̠ke prati̍ tishtha̠ntyatho̠ chatu̍rvigmshatyaksharaa gaaya̠tree gaa̍ya̠tree bra̍hmavarcha̠sa-ngaa̍yatri̠yaiva bra̍hmavarcha̠samava̍ rundhate 'tiraa̠traava̠bhito̍ bhavato brahmavarcha̠sasya̠ pari̍griheetyai ॥ 3 ॥ (a̠saavaayu̍ - raa̠bhyaame̠va - pancha̍chatvaarigmshachcha) (a. 1)
yathaa̠ vai ma̍nu̠shyaa̍ e̠va-nde̠vaa agra̍ aasa̠-nte̍-'kaamaya̠ntaa-'va̍rti-mpaa̠pmaana̍-mmri̠tyu-ma̍pa̠hatya̠ daiveegm̍ sa̠gm̠sada̍-ngachchhe̠meti̠ ta e̠ta-ncha̍turvigmshatiraa̠tra-ma̍pashya̠-ntamaa-'ha̍ra̠-ntenaa̍yajanta̠ tato̠ vai te-'va̍rti-mpaa̠pmaana̍-mmri̠tyu-ma̍pa̠hatya̠ daiveegm̍ sa̠gm̠sada̍magachchha̠n̠. ya e̠vam vi̠dvaagmsa̍-shchaturvigmshatiraa̠tra-maasa̠te-'va̍rtime̠va paa̠pmaana̍-mapa̠hatya̠ shriya̍-ngachchhanti̠ shreerhi ma̍nu̠shya̍sya̠ [shreerhi ma̍nu̠shya̍sya, daivee̍ sa̠gm̠sa-jjyoti̍-] 4
daivee̍ sa̠gm̠sa-jjyoti̍-ratiraa̠tro bha̍vati suva̠rgasya̍ lo̠kasyaanu̍khyaatyai̠ prishthya̍-shshada̠ho bha̍vati̠ sha-dvaa ri̠tava̍-ssamvathsa̠rasta-mmaasaa̍ ardhamaa̠saa ri̠tava̍h pra̠vishya̠ daiveegm̍ sa̠gm̠sada̍magachchha̠n̠. ya e̠vam vi̠dvaagmsa̍-shchaturvigmshatiraa̠tramaasa̍te samvathsa̠rame̠va pra̠vishya̠ vasya̍seegm sa̠gm̠sada̍-ngachchhanti̠ traya̍strayastri̠gm̠shaa a̠vastaa̎-dbhavanti̠ traya̍strayastri̠gm̠shaah pa̠rastaa̎-ttrayastri̠gm̠shaire̠vobha̠yato 'va̍rti-mpaa̠pmaana̍mapa̠hatya̠ daiveegm̍ sa̠gm̠sada̍-mmaddhya̠to [sa̠gm̠sada̍-mmaddhya̠tah, ga̠chchha̠nti̠ pri̠shthaani̠ hi] 5
ga̍chchhanti pri̠shthaani̠ hi daivee̍ sa̠gm̠sajjaa̠mi vaa e̠ta-tku̍rvanti̠ ya-ttraya̍strayastri̠gm̠shaa a̠nvancho̠ maddhye-'ni̍rukto bhavati̠ tenaajaa̎myoo̠rdhvaani̍ pri̠shthaani̍ bhavantyoo̠rdhvaa-shchha̍ndo̠maa u̠bhaabhyaagm̍ roo̠paabhyaagm̍ suva̠rgam lo̠kam ya̠ntyasa̍tra̠m vaa e̠ta-dyada̍chhando̠mam yachchha̍ndo̠maa bhava̍nti̠ tena̍ sa̠tra-nde̠vataa̍ e̠va pri̠shthairava̍ rundhate pa̠shoonchha̍ndo̠mairojo̠ vai vee̠rya̍-mpri̠shthaani̍ pa̠shava̍- [pa̠shava̍h, chha̠ndo̠maa oja̍sye̠va] 6
-shchhando̠maa oja̍sye̠va vee̠rye̍ pa̠shushu̠ prati̍ tishthanti̠ traya̍strayastri̠gm̠shaa a̠vastaa̎-dbhavanti̠ traya̍strayastri̠gm̠shaah pa̠rastaa̠nmaddhye̍ pri̠shthaanyuro̠ vai tra̍yastri̠gm̠shaa aa̠tmaa pri̠shthaanyaa̠tmana̍ e̠va ta-dyaja̍maanaa̠-shsharma̍ nahya̠nte-'naa̎rtyai briha-drathanta̠raabhyaa̎m yantee̠yam vaava ra̍thanta̠rama̠sau bri̠hadaa̠bhyaame̠va ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va [taabhyaa̍me̠va, su̠va̠rgam lo̠kam ya̍nti̠] 7
su̍va̠rgam lo̠kam ya̍nti̠ paraa̎mcho̠ vaa e̠te su̍va̠rgam lo̠kama̠bhyaaro̍hanti̠ ye pa̍raa̠cheenaa̍ni pri̠shthaanyu̍pa̠yanti̍ pra̠tyam sha̍da̠ho bha̍vati pra̠tyava̍roodhyaa̠ atho̠ prati̍shthityaa u̠bhayo̎rlo̠kayora̍ ri̠ddhvo-tti̍shthanti tri̠vrito-'dhi̍ tri̠vrita̠mupa̍ yanti̠ stomaa̍naa̠gm̠ sampa̍ttyai prabha̠vaaya̠ jyoti̍ragnishto̠mo bha̍vatya̠yam vaava sa kshayo̠-'smaade̠va tena̠ kshayaa̠nna ya̍nti chaturvigmshatiraa̠tro bha̍vati̠ chatu̍rvigmshatirardhamaa̠saa-ssa̍mvathsa̠ra-ssa̍mvathsa̠ra-ssu̍va̠rgo lo̠ka-ssa̍mvathsa̠ra e̠va su̍va̠rge lo̠ke prati̍ tishtha̠ntyatho̠ chatu̍rvigmshatyaksharaa gaaya̠tree gaa̍ya̠tree bra̍hmavarcha̠sa-ngaa̍yatri̠yaiva bra̍hmavarcha̠samava̍ rundhate 'tiraa̠traava̠bhito̍ bhavato brahmavarcha̠sasya̠ pari̍griheetyai ॥ 8 ॥ (ma̠nu̠shya̍sya - madhya̠tah - pa̠shava̠ - staabhyaa̍me̠va - sa̍mvathsa̠ra - shchatu̍rvigmshatishcha) (a. 2)
ri̠kshaa vaa i̠yama̍lo̠makaa̍-''see̠-thsaa-'kaa̍maya̠tausha̍dheebhi̠-rvana̠spati̍bhi̠h pra jaa̍ye̠yeti̠ saitaastri̠gm̠shata̠gm̠ raatree̍rapashya̠-ttato̠ vaa i̠yamosha̍dheebhi̠-rvana̠spati̍bhi̠h praajaa̍yata̠ ye pra̠jaakaa̍maah pa̠shukaa̍maa̠-ssyusta e̠taa aa̍seera̠-npraiva jaa̍yante pra̠jayaa̍ pa̠shubhi̍ri̠yam vaa a̍kshuddhya̠-thsaitaam vi̠raaja̍mapashya̠-ttaamaa̠tma-ndhi̠tvaa-'nnaadya̠mavaa̍ 'ru̠ndhausha̍dhee̠- [-'ru̠ndhausha̍dheeh, vana̠spatee̎-npra̠jaa-] 9
-rvana̠spatee̎-npra̠jaa-mpa̠shoo-ntenaa̍vardhata̠ saa je̠maana̍-mmahi̠maana̍-magachchha̠dya e̠vam vi̠dvaagmsa̍ e̠taa aasa̍te vi̠raaja̍me̠vaa-''tma-ndhi̠tvaa-'nnaadya̠mava̍ rundhate̠ vardha̍nte pra̠jayaa̍ pa̠shubhi̍rje̠maana̍-mmahi̠maana̍-ngachchhanti̠ jyoti̍ratiraa̠tro bha̍vati suva̠rgasya̍ lo̠kasyaanu̍khyaatyai̠ prishthya̍-shshada̠ho bha̍vati̠ sha-dvaa ri̠tava̠-shshat pri̠shthaani̍ pri̠shthaire̠vartoona̠nvaa-ro̍hantyri̠tubhi̍-ssamvathsa̠ra-nte sa̍mvathsa̠ra e̠va [ ] 10
prati̍ tishthanti trayastri̠gm̠shaa-ttra̍yastri̠gm̠shamupa̍ yanti ya̠jnasya̠ santa̍tyaa̠ atho̎ pra̠jaapa̍ti̠rvai tra̍yastri̠gm̠shah pra̠jaapa̍time̠vaa-''ra̍bhante̠ prati̍shthityai trina̠vo bha̍vati̠ viji̍tyaa ekavi̠gm̠sho bha̍vati̠ prati̍shthityaa̠ atho̠ rucha̍me̠vaa-''tma-nda̍dhate tri̠vrida̍gni̠shtu-dbha̍vati paa̠pmaana̍me̠va tena̠ nirda̍ha̠nte-'tho̠ tejo̠ vai tri̠vri-tteja̍ e̠vaa-''tma-nda̍dhate panchada̠sha i̍ndrasto̠mo bha̍vateendri̠ya-me̠vaa-'va̍ [bha̍vateendri̠ya-me̠vaa-'va̍, ru̠ndha̠te̠ sa̠pta̠da̠sho bha̍vatya̠nnaadya̠syaa] 11
rundhate saptada̠sho bha̍vatya̠nnaadya̠syaa va̍ruddhyaa̠ atho̠ praiva tena̍ jaayanta ekavi̠gm̠sho bha̍vati̠ prati̍shthityaa̠ atho̠ rucha̍me̠vaa-''tma-nda̍dhate chaturvi̠gm̠sho bha̍vati̠ atu̍rvigmshatirardhamaa̠saa-ssa̍mvathsa̠ra-ssa̍mvathsa̠ra-ssu̍va̠rgo lo̠ka-ssa̍mvathsa̠ra e̠va su̍va̠rge lo̠ke prati̍ tishtha̠ntyatho̍ e̠sha vai vi̍shoo̠vaan vi̍shoo̠vanto̍ bhavanti̠ ya e̠vam vi̠dvaagmsa̍ e̠taa aasa̍te chaturvi̠gm̠shaa-tpri̠shthaanyupa̍ yanti samvathsa̠ra e̠va pra̍ti̠shthaaya̍ [ ] 12
de̠vataa̍ a̠bhyaaro̍hanti trayastri̠gm̠shaa-ttra̍yastri̠gm̠shamupa̍ yanti̠ traya̍strigmsha̠dvai de̠vataa̍ de̠vataa̎sve̠va prati̍ tishthanti trina̠vo bha̍vatee̠me vai lo̠kaastri̍na̠va e̠shve̍va lo̠keshu̠ prati̍ tishthanti̠ dvaave̍kavi̠gm̠shau bha̍vata̠h prati̍shthityaa̠ atho̠ rucha̍me̠vaa-''tma-nda̍dhate ba̠hava̍-shshoda̠shino̍ bhavanti̠ tasmaa̎-dba̠hava̍h pra̠jaasu̠ vrishaa̍no̠ yade̠te stomaa̠ vyati̍shaktaa̠ bhava̍nti̠ tasmaa̍di̠ya -mosha̍dheebhi̠-rvana̠spati̍bhi̠-rvyati̍shaktaa̠ [-rvyati̍shaktaa, vyati̍shajyante] 13
vyati̍shajyante pra̠jayaa̍ pa̠shubhi̠rya e̠vam vi̠dvaagmsa̍ e̠taa aasa̠te 'kLi̍ptaa̠ vaa e̠te su̍va̠rgam lo̠kam ya̍ntyuchchaava̠chaan hi stomaa̍nupa̠yanti̠ yade̠ta oo̠rdhvaah kLi̠ptaa-sstomaa̠ bhava̍nti kLi̠ptaa e̠va su̍va̠rgam lo̠kam ya̍ntyu̠bhayo̍re̠bhyo lo̠kayo̎h kalpate tri̠gm̠shade̠taastri̠gm̠shada̍ksharaa vi̠raadanna̍m vi̠raa-dvi̠raajai̠vaannaadya̠mava̍ rundhate 'tiraa̠traava̠bhito̍ bhavato̠ 'nnaadya̍sya̠ pari̍griheetyai ॥ 14 ॥ (osha̍dheeh - samvathsa̠ra e̠vaa - 'va̍ - prati̠shthaaya̠ - vyati̍sha̠ktyai - kaa̠nnapa̍nchaa̠shachcha̍) (a. 3)
pra̠jaapa̍ti-ssuva̠rgam lo̠kamai̠-tta-nde̠vaa yena̍yena̠ chhanda̠saa-'nu̠ praayu̍njata̠ tena̠ naa-''pnu̍va̠-nta e̠taa dvaatrigm̍shata̠gm̠ raatree̍rapashya̠-ndvaatrigm̍shadaksharaa 'nu̠shtugaa-nu̍shtubhah pra̠jaapa̍ti̠-ssvenai̠va chhanda̍saa pra̠jaapa̍ti-maa̠ptvaa 'bhyaa̠ruhya̍ suva̠rgam lo̠kamaa̍ya̠n̠. ya e̠vam vi̠dvaagmsa̍ e̠taa aasa̍te̠ dvaatrigm̍shade̠taa dvaatrigm̍shadaksharaa 'nu̠shtugaa-nu̍shtubhah pra̠jaapa̍ti̠-ssvenai̠va chhanda̍saa pra̠jaapa̍timaa̠ptvaa shriya̍-ngachchhanti̠ [shriya̍-ngachchhanti, shreerhi] 15
shreerhi ma̍nu̠shya̍sya suva̠rgo lo̠ko dvaatrigm̍shade̠taa dvaatrigm̍shadaksharaa-'nu̠shtug-vaaga̍nu̠shtu-phsarvaa̍me̠va vaacha̍maapnuvanti̠ sarve̍ vaa̠cho va̍di̠taaro̍ bhavanti̠ sarve̠ hi shriya̠-ngachchha̍nti̠ jyoti̠rgauraayu̠riti̍ trya̠haa bha̍vantee̠yam vaava jyoti̍ra̠ntari̍ksha̠-ngaura̠saavaayu̍ri̠maane̠va lo̠kaana̠bhyaaro̍hantyabhipoo̠rva-ntrya̠haa bha̍vantyabhipoo̠rvame̠va su̍va̠rgam lo̠kama̠bhyaaro̍hanti briha-drathanta̠raabhyaa̎m yantee̠- [-myanti, i̠yam vaava] 16
-yam vaava ra̍thanta̠rama̠sau bri̠hadaa̠bhyaame̠va ya̠ntyatho̍ a̠nayo̍re̠va prati̍ tishthantye̠te vai ya̠jnasyaa̎mja̠saaya̍nee sru̠tee taabhyaa̍me̠va su̍va̠rgam lo̠kam ya̍nti̠ paraa̎mcho̠ vaa e̠te su̍va̠rgam lo̠kama̠bhyaaro̍hanti̠ ye paraa̍chastrya̠haanu̍pa̠yanti̍ pra̠tya-ntrya̠ho bha̍vati pra̠tyava̍roodhyaa̠ atho̠ prati̍shthityaa u̠bhayo̎rlo̠kayor̍. ri̠ddhvo-tti̍shthanti̠ dvaatrigm̍shade̠taastaasaa̠m yaa stri̠gm̠sha-ttri̠gm̠shada̍ksharaa vi̠raadanna̍m vi̠raa-dvi̠raajai̠vaa-'nnaadya̠mava̍ rundhate̠ ye dve a̍horaa̠tre e̠va te u̠bhaabhyaagm̍ roo̠paabhyaagm̍ suva̠rgam lo̠kam ya̍ntyatiraa̠traava̠bhito̍ bhavata̠h pari̍griheetyai ॥ 17 ॥ (ga̠chchha̠nti̠ - ya̠nti̠ - tri̠gm̠shada̍ksharaa̠ - dvaavigm̍shatishcha) (a. 4)
dve vaava de̍vasa̠tre dvaa̍dashaa̠hashchai̠va tra̍yastrigmshada̠hashcha̠ ya e̠vam vi̠dvaagmsa̍strayastrigmshada̠hamaasa̍te saa̠kshaade̠va de̠vataa̍ a̠bhyaaro̍hanti̠ yathaa̠ khalu̠ vai shreyaa̍na̠bhyaaroo̍dhah kaa̠maya̍te̠ tathaa̍ karoti̠ yadya̍va̠viddhya̍ti̠ paapee̍yaa-nbhavati̠ yadi̠ naava̠viddhya̍ti sa̠drim ya e̠vam vi̠dvaagmsa̍strayastrigm- shada̠hamaasa̍te̠ vi paa̠pmanaa̠ bhraatri̍vye̠naa-'' va̍rtante 'ha̠rbhaajo̠ vaa e̠taa de̠vaa agra̠ aa-'ha̍ra̠- [aa-'ha̍rann, aha̠reko 'bha̍ja̠taa-] 18
-nnaha̠reko 'bha̍ja̠taa-ha̠reka̠staabhi̠rvaite pra̠baahu̍gaardhnuva̠n̠. ya e̠vam vi̠dvaagmsa̍strayastrigmshada̠hamaasa̍te̠ sarva̍ e̠va pra̠baahu̍griddhnuvanti̠ sarve̠ graama̍neeya̠-mpraapnu̍vanti panchaa̠haa bha̍vanti̠ pancha̠ vaa ri̠tava̍-ssamvathsa̠ra ri̠tushve̠va sa̍mvathsa̠re prati̍ tishtha̠ntyatho̠ panchaa̎ksharaa pa̠nktih paankto̍ ya̠jno ya̠jname̠vaava̍ rundhate̠ treenyaa̎shvi̠naani̍ bhavanti̠ traya̍ i̠me lo̠kaa e̠- [i̠me lo̠kaa e̠shu, e̠va lo̠keshu̠ prati̍] 19
-shve̍va lo̠keshu̠ prati̍ tishtha̠ntyatho̠ treeni̠ vai ya̠jnasye̎mdri̠yaani̠ taanye̠vaava̍ rundhate vishva̠ji-dbha̍vatya̠nnaadya̠syaa va̍ruddhyai̠ sarva̍prishtho bhavati̠ sarva̍syaa̠bhiji̍tyai̠ vaagvai dvaa̍dashaa̠ho ya-tpu̠rastaa̎-ddvaadashaa̠ha-mu̍pe̠yuranaa̎ptaa̠m vaacha̠-mupe̍yu-rupa̠daasu̍kaishaa̠m vaa-khsyaa̍-du̠pari̍shtaa-ddvaadashaa̠hamupa̍ yantyaa̠ptaame̠va vaacha̠mupa̍ yanti̠ tasmaa̍-du̠pari̍shtaa-dvaa̠chaa va̍daamo 'vaanta̠ram- [va̍daamo 'vaanta̠ram, vai da̍sharaa̠trena̍] 20
-mvai da̍sharaa̠trena̍ pra̠jaapa̍tih pra̠jaa a̍srijata̠ ya-dda̍sharaa̠tro bhava̍ti pra̠jaa e̠va ta-dyaja̍maanaa-ssrijanta e̠taagm ha̠ vaa u̍da̠nka-shshau̎lbaaya̠na-ssa̠trasyardhi̍muvaacha̠ ya-dda̍sharaa̠tro ya-dda̍sharaa̠tro bhava̍ti sa̠trasyardhyaa̠ atho̠ yade̠va poorve̠shvaha̍ssu̠ vilo̍ma kri̠yate̠ tasyai̠vaishaa shaanti̍drvyanee̠kaa vaa e̠taa raatra̍yo̠ yaja̍maanaa vishva̠ji-thsa̠haati̍raa̠trena̠ poorvaa̠-shshoda̍sha sa̠haa ti̍raa̠trenotta̍raa̠-shshoda̍sha̠ ya e̠vam vi̠dvaagmsa̍strayastrigmshada̠hamaasa̍ta̠ aishaa̎-ndvyanee̠kaa pra̠jaa jaa̍yate 'tiraa̠traava̠bhito̍ bhavata̠h pari̍griheetyai ॥ 21 ॥ (a̠ha̠ra̠- nne̠shva̍ - vaanta̠ragm - shoda̍sha sa̠ha - sa̠ptada̍sha cha) (a. 5)
aa̠di̠tyaa a̍kaamayanta suva̠rgam lo̠kami̍yaa̠meti̠ te su̍va̠rgam lo̠ka-nna praajaa̍na̠nna su̍va̠rgam lo̠kamaa̍ya̠-nta e̠tagm sha̍ttrigmshadraa̠tra-ma̍pashya̠-ntamaa-'ha̍ra̠-ntenaa̍yajanta̠ tato̠ vai te su̍va̠rgam lo̠ka-mpraajaa̍nan-thsuva̠rgam lo̠kamaa̍ya̠n̠. ya e̠vam vi̠dvaagmsa̍-shshattrigmsha-draa̠tramaasa̍te suva̠rgame̠va loka-mpra jaa̍nanti suva̠rgam lo̠kam ya̍nti̠ jyoti̍-ratiraa̠tro [jyoti̍-ratiraa̠trah, bha̠va̠ti̠ jyoti̍re̠va] 22
bha̍vati̠ jyoti̍re̠va pu̠rastaa̎-ddadhate suva̠rgasya̍ lo̠kasyaanu̍khyaatyai shada̠haa bha̍vanti̠ sha-dvaa ri̠tava̍ ri̠tushve̠va prati̍ tishthanti cha̠tvaaro̍ bhavanti̠ chata̍sro̠ disho̍ di̠kshve̍va prati̍ tishtha̠ntyasa̍tra̠m vaa e̠ta-dyada̍chhando̠mam yachchha̍ndo̠maa bhava̍nti̠ tena̍ sa̠tra-nde̠vataa̍ e̠va pri̠shthairava̍ rundhate pa̠shoonchha̍ndo̠mairojo̠ vai vee̠rya̍-mpri̠shthaani̍ pa̠shava̍-shchhando̠maa oja̍sye̠va [ ] 23
vee̠rye̍ pa̠shushu̠ prati̍ tishthanti shat-trigmsha-draa̠tro bha̍vati̠ shattrigm̍shadaksharaa briha̠tee baarha̍taah pa̠shavo̍ briha̠tyaiva pa̠shoonava̍ rundhate briha̠tee chhanda̍saa̠g̠ svaaraa̎jyamaashnutaa-shnu̠vate̠ svaaraa̎jya̠m ya e̠vam vi̠dvaagmsa̍-shshattrigmsha-draa̠tramaasa̍te suva̠rgame̠va lo̠kam ya̍ntyatiraa̠traava̠bhito̍ bhavata-ssuva̠rgasya̍ lo̠kasya̠ pari̍griheetyai ॥ 24 ॥ (a̠ti̠raa̠tra - oja̍sye̠va - shattrigm̍shachcha) (a. 6)
vasi̍shtho ha̠tapu̍tro-'kaamayata vi̠ndeya̍ pra̠jaama̠bhi saa̍daa̠saa-nbha̍veya̠miti̠ sa e̠tame̍kasmaa-nnapanchaa̠sha-ma̍pashya̠-ttamaa-'ha̍ra̠-ttenaa̍yajata̠ tato̠ vai so-'vi̍ndata pra̠jaama̠bhi sau̍daa̠saana̍bhava̠dya e̠vam vi̠dvaagmsa̍ ekasmaa-nnapanchaa̠shamaasa̍te vi̠ndante̎ pra̠jaama̠bhi bhraatri̍vyaa-nbhavanti̠ traya̍stri̠vrito̎-'gnishto̠maa bha̍vanti̠ vajra̍syai̠va mukha̠gm̠ sagg shya̍nti̠ dasha̍ panchada̠shaa bha̍vanti panchada̠sho vajro̠ [vajra̍h, vajra̍me̠va] 25
vajra̍me̠va bhraatri̍vyebhya̠h pra ha̍ranti shodashi̠ma̍-ddasha̠mamaha̍-rbhavati̠ vajra̍ e̠va vee̠rya̍-ndadhati̠ dvaada̍sha saptada̠shaa bha̍vantya̠nnaadya̠syaa va̍ruddhyaa̠ atho̠ praiva tairjaa̍yante̠ prishthya̍-shshada̠ho bha̍vati̠ shadvaa ri̠tava̠-shshat pri̠shthaani̍ pri̠shthaire̠vartoona̠nvaaro̍hantyri̠tribhi̍-ssamvathsa̠ra-nte sa̍mvathsa̠ra e̠va prati̍ tishthanti̠ dvaada̍shaikavi̠gm̠shaa bha̍vanti̠ prati̍shthityaa̠ atho̠ rucha̍me̠vaa-''tma- [rucha̍me̠vaa-''tmann, da̠dha̠te̠ ba̠hava̍-shshoda̠shino̍] 26
-nda̍dhate ba̠hava̍-shshoda̠shino̍ bhavanti̠ viji̍tyai̠ shadaa̎shvi̠naani̍ bhavanti̠ shadvaa ri̠tava̍ ri̠tushve̠va prati̍ tishthantyoonaatiri̠ktaa vaa e̠taa raatra̍ya oo̠naasta-dyadeka̍syai̠ na pa̍nchaa̠shada-ti̍riktaa̠sta-dya-dbhooya̍see-ra̠shtaacha̍tvaarigmshata oo̠naachcha̠ khalu̠ vaa ati̍riktaachcha pra̠jaapa̍ti̠h praajaa̍yata̠ ye pra̠jaakaa̍maah pa̠shukaa̍maa̠-ssyusta e̠taa aa̍seera̠-npraiva jaa̍yante pra̠jayaa̍ pa̠shubhi̍rvairaa̠jo vaa e̠sha ya̠jno yade̍kasmaa-nnapanchaa̠sho ya e̠vam vi̠dvaagmsa̍ ekasmaa-nnapanchaa̠shamaasa̍te vi̠raaja̍me̠va ga̍chchhantyannaa̠daa bha̍vantyati-raa̠traava̠bhito̍ bhavato̠-'nnaadya̍sya̠ pari̍griheetyai ॥ 27 ॥ (vajra̍ - aa̠tman - pra̠jayaa̠ - dvaavigm̍shatishcha) (a. 7)
sa̠mva̠thsa̠raaya̍ deekshi̠shyamaa̍naa ekaashta̠kaayaa̎-ndeeksheranne̠shaa vai sa̍mvathsa̠rasya̠ patnee̠ yade̍kaashta̠kaitasyaa̠m vaa e̠sha e̠taagm raatri̍m vasati saa̠kshaade̠va sa̍mvathsa̠ramaa̠rabhya̍ deekshanta̠ aarta̠m vaa e̠te sa̍mvathsa̠rasyaa̠bhi dee̎kshante̠ ya e̍kaashta̠kaayaa̠-ndeeksha̠nte 'nta̍naamaanaavri̠too bha̍vato̠ vya̍sta̠m vaa e̠te sa̍mvathsa̠rasyaa̠-'bhi dee̎kshante̠ ya e̍kaashta̠kaayaa̠-ndeeksha̠nte-'nta̍naamaanaavri̠too bha̍vatah phalgunee poornamaa̠se dee̎kshera̠-nmukha̠m vaa e̠ta- [e̠tat, sa̠mva̠thsa̠rasya̠ ya-tpha̍lgunee-] 28
-thsa̍mvathsa̠rasya̠ ya-tpha̍lgunee-poornamaa̠so mu̍kha̠ta e̠va sa̍mvathsa̠ramaa̠rabhya̍ deekshante̠ tasyaikai̠va ni̠ryaa ya-thsaamme̎ghye vishoo̠vaan-thsa̠mpadya̍te chitraapoornamaa̠se dee̎kshera̠-nmukha̠m vaa e̠ta-thsa̍mvathsa̠rasya̠ yachchi̍traapoornamaa̠so mu̍kha̠ta e̠va sa̍mvathsa̠ramaa̠rabhya̍ deekshante̠ tasya̠ na kaa cha̠na ni̠ryaa bha̍vati chatura̠he pu̠rastaa̎-tpaurnamaa̠syai dee̎kshera̠-nteshaa̍mekaashta̠kaayaa̎-nkra̠ya-ssa-mpa̍dyate̠ tenai̍kaashta̠kaa-nna chha̠mba-tku̍rvanti̠ teshaa̎- [teshaa̎m, poo̠rva̠pa̠kshe su̠tyaa] 29
-mpoorvapa̠kshe su̠tyaa sa-mpa̍dyate poorvapa̠ksha-mmaasaa̍ a̠bhi sa-mpa̍dyante̠ te poo̎rvapa̠ksha u-tti̍shthanti̠ taanu̠ttishtha̍ta̠ osha̍dhayo̠ vana̠spata̠yo-'noo-tti̍shthanti̠ taan ka̍lyaa̠nee kee̠rtiranoo-tti̍shtha̠tyaraa̎-thsuri̠me yaja̍maanaa̠ iti̠ tadanu̠ sarve̍ raaddhnuvanti ॥ 30 ॥ (e̠ta - chchha̠bantku̍rvanti̠ teshaa̠m - chatu̍strigmshachcha) (a. 8)
su̠va̠rgam vaa e̠te lo̠kam ya̍nti̠ ye sa̠tramu̍pa̠yantya̠bheendha̍ta e̠va dee̠kshaabhi̍raa̠tmaanagg̍ shrapayanta upa̠sadbhi̠-rdvaabhyaa̠m lomaava̍ dyanti̠ dvaabhyaa̠-ntvacha̠-ndvaabhyaa̠masri̠-ddvaabhyaa̎-mmaa̠gm̠sa-ndvaabhyaa̠masthi̠ dvaabhyaa̎-mma̠jjaana̍maa̠tmada̍kshina̠m vai sa̠tramaa̠tmaana̍me̠va dakshi̍naa-nnee̠tvaa su̍va̠rgam lo̠kam ya̍nti̠ shikhaa̠manu̠ pra va̍panta̠ riddhyaa̠ atho̠ raghee̍yaagmsa-ssuva̠rgam lo̠kama̍yaa̠meti̍ ॥ 31 ॥ (su̠va̠rgam - pa̍nchaa̠shat) (a. 9)
bra̠hma̠vaa̠dino̍ vadantyatiraa̠trah pa̍ra̠mo ya̍jnakratoo̠naa-nkasmaa̠-tta-mpra̍tha̠mamupa̍ ya̠nteetye̠tadvaa a̍gnishto̠ma-mpra̍tha̠mamupa̍ ya̠ntyatho̠kthya̍matha̍ shoda̠shina̠-mathaa̍tiraa̠tra-ma̍nupoo̠rvame̠vaita-dya̍jnakra̠toonu̠petya̠ taanaa̠labhya̍ pari̠grihya̠ soma̍me̠vaita-tpiba̍nta aasate̠ jyoti̍shtoma-mpratha̠mamupa̍ yanti̠ jyoti̍shtomo̠ vai stomaa̍naa̠-mmukha̍-mmukha̠ta e̠va stomaa̠-npra yu̍njate̠ te [ ] 32
saggstu̍taa vi̠raaja̍ma̠bhi sa-mpa̍dyante̠ dve charchaa̠vati̍ richyete̠ eka̍yaa̠ gaurati̍rikta̠ eka̠yaa-''yu̍roo̠na-ssu̍va̠rgo vai lo̠ko jyoti̠roorg-vi̠raat-thsu̍va̠rgame̠va tena̍ lo̠kam ya̍nti rathanta̠ra-ndivaa̠ bhava̍ti rathanta̠ra-nnakta̠mityaa̍hu-rbrahmavaa̠dina̠h kena̠ tadajaa̠meeti̍ saubha̠ra-ntri̍teeyasava̠ne bra̍hmasaa̠ma-mbri̠ha-ttanma̍ddhya̠to da̍dhati̠ vidhri̍tyai̠ tenaajaa̍mi ॥ 33 ॥ (ta - ekaa̠nnapa̍nchaa̠shachcha̍) (a. 10)
jyoti̍shtoma-mpratha̠mamupa̍ yantya̠sminne̠va tena̍ lo̠ke prati̍ tishthanti̠ goshto̍ma-ndvi̠teeya̠mupa̍ yantya̠ntari̍ksha e̠va tena̠ prati̍ tishtha̠ntyaayu̍shtoma-ntri̠teeya̠mupa̍ yantya̠mushmi̍nne̠va tena̍ lo̠ke prati̍ tishthantee̠yam vaava jyoti̍ra̠ntari̍ksha̠-ngaura̠saavaayu̠-ryade̠taan-thstomaa̍-nupa̠yantye̠shve̍va tallo̠keshu̍ sa̠trina̍h prati̠ tishtha̍nto yanti̠ te saggstu̍taa vi̠raaja̍- [vi̠raaja̎m, a̠bhi sampa̍dyante̠ dve] 34
-ma̠bhi sampa̍dyante̠ dve charchaa̠vati̍ richyete̠ eka̍yaa̠ gaurati̍rikta̠ eka̠yaa-''yu̍roo̠na-ssu̍va̠rgo vai lo̠ko jyoti̠roorg-vi̠raadoorja̍-me̠vaava̍ rundhate̠ te na kshu̠dhaa ''rti̠maarchchha̠ntyaksho̍dhukaa bhavanti̠ kshu-thsa̍baandhaa iva̠ hi sa̠trino̎ 'gnishto̠maava̠bhita̍h pra̠dhee taavu̠kthyaa̍ maddhye̠ nabhya̠-nta-ttade̠ta-tpa̍ri̠ya-dde̍vacha̠kram yade̠tena̍ [-myade̠tena̍, sha̠da̠hena̠ yanti̍] 35
shada̠hena̠ yanti̍ devacha̠krame̠va sa̠maaro̍ha̠ntyari̍shtyai̠ te sva̠sti sama̍shnuvate shada̠hena̍ yanti̠ shadvaa ri̠tava̍ ri̠tushve̠va prati̍ tishthantyubha̠yato̎ jyotishaa yantyubha̠yata̍ e̠va su̍va̠rge lo̠ke pra̍ti̠tishtha̍nto yanti̠ dvau sha̍da̠hau bha̍vata̠staani̠ dvaada̠shaahaa̍ni̠ sa-mpa̍dyante dvaada̠sho vai puru̍sho̠ dve sa̠kthyau̎ dvau baa̠hoo aa̠tmaa cha̠ shira̍shcha cha̠tvaaryangaa̍ni̠ stanau̎ dvaada̠shau [ ] 36
ta-tpuru̍sha̠manu̍ pa̠ryaava̍rtante̠ traya̍-shshada̠haa bha̍vanti̠ taanya̠shtaada̠shaahaa̍ni̠ sa-mpa̍dyante̠ navaa̠nyaani̠ navaa̠nyaani̠ nava̠ vai puru̍she praa̠naasta-tpraa̠naananu̍ pa̠ryaava̍rtante cha̠tvaara̍-shshada̠haa bha̍vanti̠ taani̠ chatu̍rvigmshati̠rahaa̍ni̠ sa-mpa̍dyante̠ chatu̍rvigmshatirardhamaa̠saa-ssa̍mvathsa̠rasta-thsa̍mvathsa̠ramanu̍ pa̠ryaava̍rta̠nte 'pra̍tishthita-ssamvathsa̠ra iti̠ khalu̠ vaa aa̍hu̠rvarshee̍yaa-nprati̠shthaayaa̠ itye̠taava̠dvai sa̍mvathsa̠rasya̠ braahma̍na̠m yaava̍nmaa̠so maa̠simaa̎sye̠va pra̍ti̠tishtha̍nto yanti ॥ 37 ॥ (vi̠raaja̍ - me̠tena̍ - dvaada̠shaa - ve̠taava̠dvaa - a̠shtau cha̍) (a. 11)
me̠shastvaa̍ pacha̠taira̍vatu̠ lohi̍tagreeva̠-shchhaagai̎-shshalma̠lirvriddhyaa̍ pa̠rno brahma̍naa pla̠ksho medhe̍na nya̠grodha̍shchama̠sairu̍du̠bamra̍ oo̠rjaa gaa̍ya̠tree chhando̍bhistri̠vri-thstomai̠rava̍ntee̠-ssthaava̍nteestvaa-'vantu pri̠ya-ntvaa̎ pri̠yaanaa̠m varshi̍shtha̠maapyaa̍naa-nnidhee̠naa-ntvaa̍ nidhi̠patigm̍ havaamahe vaso mama ॥ 38 ॥ (me̠shah - sha-ttrigm̍shat) (a. 12)
koopyaa̎bhya̠-ssvaahaa̠ koolyaa̎bhya̠-ssvaahaa̍ vika̠ryaa̎bhya̠-ssvaahaa̍ 'va̠tyaa̎bhya̠-ssvaahaa̠ khanyaa̎bhya̠-ssvaahaa̠ hradyaa̎bhya̠-ssvaahaa̠ soodyaa̎bhya̠-ssvaahaa̍ sara̠syaa̎bhya̠-ssvaahaa̍ vaisha̠nteebhya̠-ssvaahaa̍ palva̠lyaa̎bhya̠-ssvaahaa̠ varshyaa̎bhya̠-ssvaahaa̍ 'va̠rshyaabhya̠-ssvaahaa̎ hraa̠dunee̎bhya̠-ssvaahaa̠ prishvaa̎bhya̠-ssvaahaa̠ syanda̍maanaabhya̠-ssvaahaa̎ sthaava̠raabhya̠-ssvaahaa̍ naade̠yeebhya̠-ssvaahaa̍ saindha̠veebhya̠-ssvaahaa̍ samu̠driyaa̎bhya̠-ssvaahaa̠ sarvaa̎bhya̠-ssvaahaa̎ ॥ 39 ॥ (koopyaa̎bhya - shchatvaari̠gm̠shat) (a. 13)
a̠dbhya-ssvaahaa̠ vaha̍nteebhya̠-ssvaahaa̍ pari̠vaha̍nteebhya̠-ssvaahaa̍ sama̠ntam vaha̍nteebhya̠-ssvaahaa̠ sheeghra̠m vaha̍nteebhya̠-ssvaahaa̠ sheebha̠m vaha̍nteebhya̠-ssvaaho̠gram vaha̍nteebhya̠-ssvaahaa̍ bhee̠mam vaha̍nteebhya̠-ssvaahaa-'mbho̎bhya̠-ssvaahaa̠ nabho̎bhya̠-ssvaahaa̠ maho̎bhya̠-ssvaahaa̠ sarva̍smai̠ svaahaa̎ ॥ 40 ॥ (a̠dbhya - ekaa̠nnatri̠gm̠shat) (a. 14)
yo arva̍nta̠-njighaagm̍sati̠ tama̠bhya̍meeti̠ varu̍nah ॥ pa̠ro marta̍h pa̠ra-shshvaa ॥ a̠ha-ncha̠ tva-ncha̍ vritraha̠nthsa-mba̍bhoova sa̠nibhya̠ aa । a̠raa̠tee̠vaa chi̍dadri̠vo-'nu̍ nau shoora magmsatai bha̠draa indra̍sya raa̠taya̍h ॥ a̠bhi kratve̎mdra bhoo̠radha̠ jmanna te̍ vivyammahi̠maana̠gm̠ rajaagm̍si । svenaa̠ hi vri̠tragm shava̍saa ja̠ghantha̠ na shatru̠ranta̍m vivida-dyu̠dhaa te̎ ॥ 41 ॥ (vi̠vi̠da̠-d- dve cha̍) (a. 15)
namo̠ raajne̠ namo̠ varu̍naaya̠ namo-'shvaa̍ya̠ nama̍h pra̠jaapa̍taye̠ namo-'dhi̍pata̠ye 'dhi̍patira̠syadhi̍pati-mmaa ku̠rvadhi̍patira̠ha-mpra̠jaanaa̎-mbhooyaasa̠-mmaa-ndhe̍hi̠ mayi̍ dhehyu̠paakri̍taaya̠ svaahaa ''la̍bdhaaya̠ svaahaa̍ hu̠taaya̠ svaahaa̎ ॥ 42 ॥ (nama̠ - ekaa̠nna tri̠gm̠shat) (a. 16)
ma̠yo̠bhoorvaato̍ a̠bhi vaa̍too̠sraa oorja̍svatee̠rosha̍dhee̠raa ri̍shantaam । peeva̍svateerjee̠vadha̍nyaah pibantvava̠saaya̍ pa̠dvate̍ rudra mrida ॥ yaa-ssaroo̍paa̠ viroo̍paa̠ eka̍roopaa̠ yaasaa̍ma̠gnirishtyaa̠ naamaa̍ni̠ veda̍ । yaa angi̍rasa̠stapa̍se̠ha cha̠krustaabhya̍h parjanya̠ mahi̠ sharma̍ yachchha ॥ yaa de̠veshu̍ ta̠nuva̠maira̍yanta̠ yaasaa̠gm̠ somo̠ vishvaa̍ roo̠paani̠ veda̍ । taa a̠smabhya̠-mpaya̍saa̠ pinva̍maanaah pra̠jaava̍teerindra [ ] 43
go̠shthe ri̍reehi ॥ pra̠jaapa̍ti̠rmahya̍me̠taa raraa̍no̠ vishvai̎rde̠vaih pi̠tribhi̍-ssamvidaa̠nah । shi̠vaa-ssa̠teerupa̍ no go̠shthamaa-'ka̠staasaa̎m va̠ya-mpra̠jayaa̠ sagm sa̍dema ॥ i̠ha dhriti̠-ssvaahe̠ha vidhri̍ti̠-ssvaahe̠ha ranti̠-ssvaahe̠ha rama̍ti̠-ssvaahaa̍ ma̠heemoo̠ shu1 su̠traamaa̍nam2 ॥ 44 ॥ (i̠ndraa̠ - shtaatrigm̍shachcha) (a. 17)
kigg svi̍daasee-tpoo̠rvachi̍tti̠h kigg svi̍daasee-dbri̠hadvaya̍h । kigg svi̍daasee-tpishangi̠laa kigg svi̍daasee-tpilippi̠laa ॥ dyauraa̍see-tpoo̠rvachi̍tti̠rashva̍ aasee-dbri̠hadvaya̍h । raatri̍raasee-tpishangi̠laa 'vi̍raasee-tpilippi̠laa ॥ ka-ssvi̍dekaa̠kee cha̍rati̠ ka u̍ svijjaayate̠ puna̍h । kigg svi̍ddhi̠masya̍ bhesha̠ja-nkigg svi̍daa̠vapa̍na-mma̠hat ॥ soorya̍ ekaa̠kee cha̍rati [ ] 45
cha̠ndramaa̍ jaayate̠ puna̍h । a̠gnir-hi̠masya̍ bhesha̠ja-mbhoomi̍raa̠vapa̍na-mma̠hat ॥ pri̠chchhaami̍ tvaa̠ para̠manta̍-mprithi̠vyaah pri̠chchhaami̍ tvaa̠ bhuva̍nasya̠ naabhi̎m । pri̠chchhaami̍ tvaa̠ vrishno̠ ashva̍sya̠ reta̍h pri̠chchhaami̍ vaa̠chah pa̍ra̠mam vyo̍ma ॥ vedi̍maahu̠h para̠manta̍-mprithi̠vyaa ya̠jnamaa̍hu̠ rbhuva̍nasya̠ naabhi̎m । soma̍maahu̠rvrishno̠ ashva̍sya̠ reto̠ brahmai̠va vaa̠chah pa̍ra̠mam vyo̍ma ॥ 46 ॥ (soorya̍ ekaa̠kee cha̍rati̠ - shatcha̍tvaarigmshachcha) (a. 18)
abem̠ abaam̠lyambi̍ke̠ na maa̍ nayati̠ kashcha̠na । sa̠sastya̍shva̠kah ॥ subha̍ge̠ kaampee̍lavaasini suva̠rge lo̠ke sa-mprornvaa̍thaam । aa-'hama̍jaani garbha̠dhamaa tvama̍jaasi garbha̠dham ॥ tau sa̠ha cha̠tura̍h pa̠da-ssa-mpra saa̍rayaavahai ॥ vrishaa̍ vaagm reto̠dhaa reto̍ dadhaa̠too-thsa̠kthyo̎rgri̠da-ndhe̎hya̠njimuda̍nji̠manva̍ja । ya-sstree̠naa-njee̍va̠bhoja̍no̠ ya aa̍saa- [ya aa̍saam, bi̠la̠dhaava̍nah ।] 47
-mbila̠dhaava̍nah । pri̠ya-sstree̠naama̍pee̠chya̍h ॥ ya aa̍saa-nkri̠shne lakshma̍ni̠ sardi̍gridi-mpa̠raava̍dheet ॥ abem̠ abaam̠lyambi̍ke̠ na maa̍ yabhati̠ kashcha̠na । sa̠sastya̍shva̠kah ॥ oo̠rdhvaa-me̍naa̠muchchhra̍yataa-dvenubhaa̠ra-ngi̠raavi̍va । athaa̎syaa̠ maddhya̍medhataagm shee̠te vaate̍ pu̠nanni̍va ॥ abem̠ abaam̠lyambi̍ke̠ na maa̍ yabhati̠ kashcha̠na । sa̠sastya̍shva̠kah ॥ yaddha̍ri̠nee yava̠matti̠ na [ ] 48
pu̠shta-mpa̠shu ma̍nyate । shoo̠draa yadarya̍jaaraa̠ na poshaa̍ya dhanaayati ॥ abem̠ abaam̠lyambi̍ke̠ na maa̍ yabhati̠ kashcha̠na । sa̠sastya̍shva̠kah ॥ i̠yam ya̠kaa sha̍kunti̠kaa ''hala̠miti̠ sarpa̍ti । aaha̍ta-nga̠bhe paso̠ ni ja̍lguleeti̠ dhaani̍kaa ॥ abem̠ abaam̠lyambi̍ke̠ na maa̍ yabhati̠ kashcha̠na । sa̠sastya̍shva̠kah ॥ maa̠taa cha̍ te pi̠taa cha̠ te-'gra̍m vri̠kshasya̍ rohatah । 49
pra su̍laa̠meeti̍ te pi̠taa ga̠bhe mu̠shtima̍tagmsayat ॥ da̠dhi̠kraav.nno̍ akaarisha-nji̠shnorashva̍sya vaa̠jina̍h । sura̠bhi no̠ mukhaa̍ kara̠-tprana̠ aayoogm̍shi taarishat ॥ aapo̠ hi shthaa ma̍yo̠bhuva̠staa na̍ oo̠rje da̍dhaatana । ma̠heranaa̍ya̠ chaksha̍se ॥ yo va̍-shshi̠vata̍mo̠ rasa̠stasya̍ bhaajayate̠ha na̍h । u̠sha̠teeri̍va maa̠tara̍h ॥ tasmaa̠ ara̍-ngamaama vo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah ॥ 50 ॥ (aa̠saa̠ - matti̠ na - ro̍hato̠ - jinva̍tha - cha̠tvaari̍ cha) (a. 19)
bhoorbhuva̠-ssuva̠rvasa̍vastvaa 'njantu gaaya̠trena̠ chhanda̍saa ru̠draastvaa̎ 'njantu̠ traishtu̍bhena̠ chhanda̍saa, ''di̠tyaastvaa̎-'njantu̠ jaaga̍tena̠ chhanda̍saa̠ ya-dvaato̍ a̠po aga̍ma̠dindra̍sya ta̠nuva̍-mpri̠yaam । e̠tagg sto̍tare̠tena̍ pa̠thaa puna̠rashva̠maa va̍rtayaasi nah ॥ laajee(3)-nchhaachee(3)n yasho̍ ma̠maam(4) । ya̠vyaayai̍ ga̠vyaayaa̍ e̠ta-dde̍vaa̠ anna̍mattai̠tadanna̍maddhi prajaapate ॥ yu̠njanti̍ bra̠ddhna-ma̍ru̠sha-nchara̍nta̠-mpari̍ ta̠sthusha̍h । rocha̍nte rocha̠naa di̠vi ॥ yu̠njantya̍sya̠ kaamyaa̠ haree̠ vipa̍kshasaa̠ rathe̎ । shonaa̍ dhri̠shnoo nri̠vaaha̍saa ॥ ke̠tu-nkri̠nvanna̍ke̠tave̠ pesho̍ maryaa ape̠shase̎ । samu̠shadbhi̍rajaayathaah ॥ 51 ॥ (bra̠ddhnam - pancha̍vigmshatishcha) (a. 20)
praa̠naaya̠ svaahaa̎ vyaa̠naaya̠ svaahaa̍ 'paa̠naaya̠ svaahaa̠ snaava̍bhya̠-ssvaahaa̍ santaa̠nebhya̠-ssvaahaa̠ pari̍santaanebhya̠-ssvaahaa̠ parva̍bhya̠-ssvaahaa̍ sa̠dhaanne̎bhya̠-ssvaahaa̠ sharee̍rebhya̠-ssvaahaa̍ ya̠jnaaya̠ svaahaa̠ dakshi̍naabhya̠-ssvaahaa̍ suva̠rgaaya̠ svaahaa̍ lo̠kaaya̠ svaahaa̠ sarva̍smai̠ svaahaa̎ ॥ 52 ॥ (praa̠naayaa̠ - shtaavigm̍shatih) (a. 21)
si̠taaya̠ svaahaa 'si̍taaya̠ svaahaa̠ 'bhihi̍taaya̠ svaahaa 'na̍bhihitaaya̠ svaahaa̍ yu̠ktaaya̠ svaahaa 'yu̍ktaaya̠ svaahaa̠ suyu̍ktaaya̠ svaaho -dyu̍ktaaya̠ svaahaa̠ vimu̍ktaaya̠ svaahaa̠ pramu̍ktaaya̠ svaahaa̠ vancha̍te̠ svaahaa̍ pari̠vancha̍te̠ svaahaa̍ sa̠mvancha̍te̠ svaahaa̍ 'nu̠vancha̍te̠ svaaho̠--dvancha̍te̠ svaahaa̍ ya̠te svaahaa̠ dhaava̍te̠ svaahaa̠ tishtha̍te̠ svaahaa̠ sarva̍smai̠ svaahaa̎ ॥ 53 ॥ (si̠taayaa̠ - shtaatrigm̍shat) (a. 22)
(briha̠spati̠-shshra--dya̠thaa vaa - ri̠kshaa vai - pra̠jaapa̍ti̠ryena̍yena̠ - dve vaava de̍vasa̠tre - aa̍di̠tyaa a̍kaamayanta suva̠rgam - mvasi̍shthah - samvathsa̠raaya̍ -surva̠rgam ye sa̠tram - bra̍hmavaa̠dino̍-'tiraa̠tro - jyoti̍shtomam - me̠shah - koopyaa̎bhyo̠ - 'dbhyo - yo - namo̍ - mayo̠bhooh - kigg svi̠da - mbe̠ - bhooh - praa̠naaya̍ - si̠taaya̠ - dvaavigm̍shatih)
(briha̠spati̠h - prati̍ tishthanti̠ - vai da̍sharaa̠trena̍ - suva̠rgam - myo arva̍nta̠m - bhoo - stripa̍nchaa̠shat)
(briha̠spati̠, ssarva̍smai̠ svaahaa̎)
॥ hari̍h om ॥
॥ krishna yajurvedeeya taittireeya samhitaayaam saptamakaande chaturthah prashna-ssamaaptah ॥
7.4 - ಬೃಹಸ್ಪತಿ ರಕಾಮಯತ - ಕೃಷ್ಣ ಯಜುರ್ವೇದ ತೈತ್ತಿರೀಯ ಸಂಹಿತಾ ಪಾಠಃ ಬಗ್ಗೆ
ಇದು ಕೃಷ್ಣಯಜುರ್ವೇದ ತೈತ್ತಿರೀಯ ಸಂಹಿತೆಯ ಏಳನೇ ಕಾಂಡದ ನಾಲ್ಕನೇ ಪ್ರಶ್ನ; ಅನೇಕ ರಾತ್ರಿಗಳ ದೀರ್ಘ ಯಜ್ಞಸತ್ರಗಳ ಕುರಿತದ್ದು. ಕಥೆಯಿಂದ ಆರಂಭ: "ಬೃಹಸ್ಪತಿ ಬಯಸಿದ, 'ದೇವತೆಗಳು ನನ್ನನ್ನು ನಂಬಲಿ, ಅವರ ಪುರೋಹಿತ ಸ್ಥಾನ ಪಡೆಯಲಿ'; ಅವನು ಈ ಇಪ್ಪತ್ನಾಲ್ಕು ರಾತ್ರಿಗಳ ಕರ್ಮ ಕಂಡು ಆಚರಿಸಿದ, ದೇವತೆಗಳು ಅವನನ್ನು ನಂಬಿದರು." ಹೀಗೆ ಮೂವತ್ತು, ಮೂವತ್ತಮೂರು ಮತ್ತು ಹೆಚ್ಚು ರಾತ್ರಿಗಳ ಪ್ರತಿ ಕರ್ಮದ ಮೂಲ ಮತ್ತು ಉದ್ದೇಶವನ್ನು ವಿವರಿಸುತ್ತದೆ.
ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೭.೪
ಯಾವಾಗ ಪಠಿಸಬೇಕು: ವೇದಪಠಣದಲ್ಲಿ ಮತ್ತು ತೈತ್ತಿರೀಯ ಸಂಹಿತೆಯ ಸಾಂಪ್ರದಾಯಿಕ ಅಧ್ಯಯನದಲ್ಲಿ.
ನಿಮಗೆ ಗೊತ್ತೇ?
- ವೈದಿಕ ಸಂಪ್ರದಾಯದಲ್ಲಿ ಬೃಹಸ್ಪತಿ ದೇವತೆಗಳ ಪುರೋಹಿತ.
- ಸತ್ರಗಳು ಭಾಗವಹಿಸುವವರೆಲ್ಲರೂ ಸ್ವತಃ ಯಜಮಾನರಾಗಿರುವ ದೀರ್ಘ ಯಜ್ಞಸತ್ರಗಳು.
ಪದೇ ಪದೇ ಕೇಳುವ ಪ್ರಶ್ನೆಗಳು
ಸತ್ರ ಎಂದರೇನು?
ಅನೇಕ ರಾತ್ರಿಗಳ ದೀರ್ಘ ವೈದಿಕ ಯಜ್ಞಸತ್ರ.
ಬೃಹಸ್ಪತಿ ಏನನ್ನು ಬಯಸಿದ?
ದೇವತೆಗಳ ಪುರೋಹಿತನಾಗಿ ಅವರ ನಂಬಿಕೆ ಗಳಿಸಲು.
ಇದು ಯಾವ ವೇದದಿಂದ?
ಕೃಷ್ಣಯಜುರ್ವೇದ, ತೈತ್ತಿರೀಯ ಸಂಹಿತೆ ೭.೪.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು