ಮಹಾನಾರಾಯಣ ಉಪನಿಷದ್
Vedic · ಸಾಂಪ್ರದಾಯಿಕ ಭಕ್ತಿ ಪಠ್ಯ
taittireeya aranyaka - chaturthah prashnah
om sa̠ha naa̍ vavatu । sa̠ha nau̍ bhunaktu । sa̠ha vee̠rya̍-nkaravaavahai । te̠ja̠svinaa̠ vadhee̍tamastu̠ maa vi̍dvishaa̠vahai̎ ॥ om shaanti̠-shshaanti̠-shshaanti̍h ॥
ambhasyapaare (4.1) ambha̍sya paa̠re bhuva̍nasya̠ maddhye̠ naaka̍sya pri̠shthe ma̍ha̠to mahee̍yaan । shu̠krena̠ jyoteegm̍shi samanu̠pravi̍shtah pra̠jaapa̍tishcharati̠ garbhe̍ a̠ntah । yasmi̍nni̠dagm sancha̠ vichaiti̠ sarva̠m yasmi̍-nde̠vaa adhi̠ vishve̍ nishe̠duh । tade̠va bhoo̠ta-ntadu̠ bhavya̍maa i̠da-ntada̠kshare̍ para̠me vyo̍mann । yenaa̍ vri̠ta-nkhancha̠ diva̍-mma̠heencha̠ yenaa̍di̠tya-stapa̍ti̠ teja̍saa̠ bhraaja̍saa cha । yama̠nta-ssa̍mu̠dre ka̠vayo̠ vaya̍nti̠ yada̠kshare̍ para̠me pra̠jaah । yata̍h prasoo̠taa ja̠gata̍h prasootee̠ toye̍na jee̠vaan vyacha̍sarja̠ (vyasa̍sarja̠) bhoomyaa̎m । yadosha̍dheebhih pu̠rushaa̎-npa̠shoogshcha̠ vive̍sha bhoo̠taani̍ charaacha̠raani̍ । ata̍h para̠-nnaanya̠-danee̍yasahi̠ paraa̎-tpara̠m ya-nmaha̍to ma̠haanta̎m । yade̍ka-ma̠vyakta̠-mana̍ntaroopa̠m vishva̍-mpuraa̠na-ntama̍sa̠h para̍staat ॥ 1.5 (tai. ara. 6.1.1)
tade̠varta-ntadu̍ sa̠tyamaa̍hu̠-stade̠va brahma̍ para̠ma-nka̍vee̠naam । i̠shtaa̠poo̠rta-mba̍hu̠dhaa jaa̠ta-njaaya̍maanam vi̠shva-mbi̍bharti̠ bhuva̍nasya̠ naabhi̍h । tade̠vaagni-stadvaa̠yu-stathsoorya̠stadu̍ cha̠ndramaa̎h । tade̠va shu̠krama̠mrita̠-ntadbrahma̠ tadaapa̠-ssa pra̠jaapa̍tih । sarve̍ nime̠shaa ja̠jnire̍ vi̠dyuta̠h puru̍shaa̠dadhi̍ । ka̠laa mu̍hoo̠rtaah kaashthaa̎shchaaho-raa̠traashcha̍ sarva̠shah । a̠rdha̠maa̠saa maasaa̍ ri̠tava̍-ssamvathsa̠rashcha̍ kalpantaam । sa aapa̍h pradu̠ghe u̠bhe i̠me a̠ntari̍ksha̠-matho̠ suva̍h । naina̍-moo̠rdhva-nna ti̠rya-ncha̠ na maddhye̠ pari̍jagrabhat । na tasye̍she̠ kashcha̠na tasya̍ naama ma̠hadyasha̍h ॥ 1.10 (tai. ara. 6.1.2)
na sa̠drimshe̍ tishthati̠ roopa̍masya̠ na chakshu̍shaa pashyati̠ kashcha̠naina̎m । hri̠daa ma̍nee̠shaa mana̍saa̠-'bhi klri̍pto̠ ya e̍nam vi̠du-ramri̍taa̠ste bha̍vanti । a̠dbhya-ssambhoo̍to hiranyaga̠rbha itya̠shtau । e̠sha hi de̠vah pra̠disho-'nu̠ sarvaa̠h poorvo̍ hi jaa̠ta-ssa u̠ garbhe̍ a̠ntah । sa vi̠jaaya̍maana-ssajani̠shyamaa̍nah pra̠tyam-mukhaa̎ stishthati vi̠shvato̍mukhah । vi̠shvata̍shcha-kshuru̠ta vi̠shvato̍ mukho vi̠shvato̍ hasta u̠ta vi̠shvata̍spaat । sa-mbaa̠hubhyaa̠-nnama̍ti̠ sa-mpata̍trai̠-rdyaavaa̍ prithi̠vee ja̠naya̍-nde̠va eka̍h । ve̠nasta-tpashya̠n. vishvaa̠ bhuva̍naani vi̠dvaan. yatra̠ vishva̠-mbhava̠tyeka̍-neelam । yasmi̍nni̠dagm sancha̠ vichaika̠gm̠ sa ota̠h prota̍shcha vi̠bhuh pra̠jaasu̍ । pratadvo̍che a̠mrita̠nnu vi̠dvaa-nga̍ndha̠rvo naama̠ nihi̍ta̠-nguhaa̍su ॥ 1.15 (tai. ara. 6.1.3)
treeni̍ pa̠daa nihi̍taa̠ guhaa̍su̠ yastadveda̍ savi̠tuh pi̠taa-'sa̍t । sa no̠ bandhu̍-rjani̠taa sa vi̍dhaa̠taa dhaamaa̍ni̠ veda̠ bhuva̍naani̠ vishvaa̎ । yatra̍ de̠vaa a̠mrita̍maana-shaa̠naastri̠teeye̠ dhaamaa̎nya̠-bhyaira̍yanta । pari̠ dyaavaa̍prithi̠vee ya̍nti sa̠dyah pari̍ lo̠kaa-npari̠ disha̠h pari̠ suva̍h । ri̠tasya̠ tantu̍m vitatam vi̠chritya̠ tada̍pashya̠-ttada̍bhava-tpra̠jaasu̍ । pa̠reetya̍ lo̠kaa-npa̠reetya̍ bhoo̠taani̍ pa̠reetya̠ sarvaa̎h pra̠disho̠ disha̍shcha । pra̠jaapa̍tih prathama̠jaa ri̠tasyaa̠tmanaa̠-''tmaana̍-ma̠bhi-samba̍bhoova । sada̍sa̠spati̠-madbhu̍ta-mpri̠yamindra̍sya̠ kaamya̎m । sani̍-mme̠dhaa ma̍yaasisham । uddee̎pyasva jaatavedo 'pa̠ghnannir-ri̍ti̠-mmama̍ ॥ 1.19 (tai. ara. 6.1.4)
pa̠shoogshcha̠ mahya̠maava̍ha̠ jeeva̍nancha̠ disho̍ disha । maano̍ higmsee jjaatavedo̠ gaamashva̠-mpuru̍sha̠-njaga̍t । abi̍bhra̠dagna̠ aaga̍hi shri̠yaa maa̠ pari̍paataya ॥ 1.21 (tai. ara. 6.1.5)
gaayatree mantraah (4.2) puru̍shasya vidma sahasraa̠kshasya̍ mahaade̠vasya̍ dheemahi । tanno̍ rudrah pracho̠dayaa̎t ॥ tatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥ tatpuru̍shaaya vi̠dmahe̍ vakratu̠ndaaya̍ dheemahi । tanno̍ dantih pracho̠dayaa̎t ॥ tatpuru̍shaaya vi̠dmahe̍ chakratu̠ndaaya̍ dheemahi । tanno̍ nandih pracho̠dayaa̎t ॥ tatpuru̍shaaya vi̠dmahe̍ mahaase̠naaya̍ dheemahi । tanna̍-shshanmukhah pracho̠dayaa̎t ॥ tatpuru̍shaaya vi̠dmahe̍ suvarnapa̠kshaaya̍ dheemahi । tanno̍ garudah pracho̠dayaa̎t ॥ ve̠daa̠tma̠naaya̍ vi̠dmahe̍ hiranyaga̠rbhaaya̍ dheemahi । tanno̎ brahma pracho̠dayaa̎t ॥ naa̠raa̠ya̠naaya̍ vi̠dmahe̍ vaasude̠vaaya̍ dheemahi । tanno̍ vishnuh pracho̠dayaa̎t ॥ va̠jra̠na̠khaaya̍ vi̠dmahe̍ teekshna-da̠gg̠shtraaya̍ dheemahi । tanno̍ naarasigmhah pracho̠dayaa̎t ॥ bhaa̠ska̠raaya̍ vi̠dmahe̍ mahaddyutika̠raaya̍ dheemahi । tanno̍ aadityah pracho̠dayaa̎t ॥ vai̠shvaa̠na̠raaya̍ vi̠dmahe̍ laalee̠laaya̍ dheemahi । tanno̍ agnih pracho̠dayaa̎t ॥ kaa̠tyaa̠ya̠naaya̍ vi̠dmahe̍ kanyaku̠maari̍ dheemahi । tanno̍ durgih pracho̠dayaa̎t ॥ 1.33 (tai. ara. 6.1.5-7)
doorvaa sooktam (4.3) sa̠ha̠sra̠para̍maa de̠vee̠ sha̠tamoo̍laa sha̠taanku̍raa । sarvagm̍ haratu̍ me paa̠pa̠-ndoo̠rvaa du̍ssvapna̠ naasha̍nee । kaandaa̎-tkaandaa-tpra̠roha̍ntee̠ paru̍shah parusha̠h pari̍ ।
e̠vaa no̍ doorve̠ prata̍nu sa̠hasre̍na sha̠tena̍ cha । yaa sha̠tena̍ prata̠noshi̍ sa̠hasre̍na vi̠roha̍si । tasyaa̎ste deveeshtake vi̠dhema̍ ha̠vishaa̍ va̠yam । ashva̍kraa̠nte ra̍thakraa̠nte̠ vi̠shnukraa̎mte va̠sundha̍raa । shirasaa̍ dhaara̍yishyaa̠mi̠ ra̠ksha̠sva maa̎-mpade̠ pade ॥ 1.37 (tai. ara. 6.1.8)
mrittikaa sooktam (4.4) bhoomi-rdhenu-rdharanee lo̍kadhaa̠rinee । u̠dhritaa̍-'si va̍raahe̠na̠ kri̠shne̠na sha̍ta baa̠hunaa । mri̠ttike̍ hana̍ me paa̠pa̠m ya̠nma̠yaa du̍shkrita̠-nkritam । mri̠ttike̎ brahma̍dattaa̠-'si̠ kaa̠shyape̍naabhi̠mantri̍taa । mri̠ttike̍ dehi̍ me pu̠shti̠-ntva̠yi sa̍rva-mpra̠tishthi̍tam ॥ 1.39
mri̠ttike̎ pratishthi̍te sa̠rva̠-nta̠nme ni̍rnuda̠ mritti̍ke । tayaa̍ ha̠tena̍ paape̠na̠ ga̠chchhaa̠mi pa̍ramaa̠-ngatim ॥ 1.40 (tai. ara. 6.1.9)
shatrujaya mantraah (4.5) yata̍ indra̠ bhayaa̍mahe̠ tato̍ no̠ abha̍ya-nkridhi । magha̍van chha̠gdhi tava̠ tanna̍ oo̠taye̠ vidvisho̠ vimridho̍ jahi । sva̠sti̠daa vi̠shaspati̍-rvritra̠haa vimridho̍ va̠shee । vrishendra̍h pu̠ra e̍tu na-ssvasti̠daa a̍bhayanka̠rah । sva̠sti na̠ indro̍ vri̠ddhashra̍vaa-ssva̠sti na̍h poo̠shaa vi̠shvave̍daah । sva̠sti na̠staarkshyo̠ ari̍shtanemi-ssva̠sti no̠ briha̠spati̍-rdadhaatu । aapaa̎mta-manyustri̠pala̍prabharmaa̠ dhuni̠-shshimee̍vaa̠m-chharu̍maagm rijee̠shee । somo̠ vishvaa̎nyata̠saa vanaa̍ni̠ naarvaagindra̍-mprati̠maanaa̍ni debhuh ॥ 1.44
brahma̍ jajnaa̠na-mpra̍tha̠ma-mpu̠rastaa̠-dvisee̍ma̠ta-ssu̠rucho̍ ve̠na aa̍vah । sa bu̠dhniyaa̍ upa̠maa a̍sya vi̠shthaa-ssa̠tashcha̠ yoni̠-masa̍tashcha̠ viva̍h । syo̠naa pri̍thivi̠ bhavaa̍ nriksha̠raa ni̠vesha̍nee । yachchhaa̍ na̠-shsharma̍ sa̠prathaa̎h । ga̠ndha̠dvaa̠raa-ndu̍raadha̠rshaa̠-nni̠tyapu̍shtaa-nkaree̠shinee̎m । ee̠shvareegm̍ sarva̍bhootaa̠naa̠-ntaami̠hopa̍hvaye̠ shriyam । shree̎rme bha̠jatu । alakshmee̎rme na̠shyatu । vishnu̍mukhaa̠ vai de̠vaa-shchhando̍-bhiri̠maamllo̠kaa-na̍napaja̠yya-ma̠bhya̍jayann । ma̠haagm indro̠ vajra̍baahu-shshoda̠shee sharma̍ yachchhatu ॥ 1.48 (tai. ara. 6.1.10)
sva̠sti no̍ ma̠ghavaa̍ karotu̠ hantu̍ paa̠pmaana̠m yo̎-'smaa-ndveshti̍ । so̠maana̠gg̠ svara̍na-nkrinu̠hi bra̍hmanaspate । ka̠ksheeva̍nta̠m ya au̍shi̠jam । sharee̍ram yajnashama̠la-nkusee̍da̠-ntasmi̎-nthseedatu̠ yo̎-'smaa-ndveshti̍ । chara̍na-mpa̠vitra̠m vita̍ta-mpuraa̠nam yena̍ poo̠ta-stara̍ti dushkri̠taani̍ । tena̍ pa̠vitre̍na shu̠ddhena̍ poo̠taa ati̍ paa̠pmaana̠-maraa̍ti-ntarema । sa̠joshaa̍ indra̠ saga̍no ma̠rudbhi̠-ssoma̍-mpiba vritrahanchhoora vi̠dvaan । ja̠hi shatroo̠gm̠ rapa̠ mridho̍ nuda̠svaathaabha̍ya-nkrinuhi vi̠shvato̍ nah । su̠mi̠traa na̠ aapa̠ osha̍dhaya-ssantu durmi̠traastasmai̍ bhooyaasu̠-ryaa̎-'smaa-ndveshti̠ yancha̍ va̠ya-ndvi̠shmah । 1.53 (tai. ara. 6.1.11)
aapo̠ hishthaa ma̍yo̠ bhuva̠staa na̍ oo̠rje da̍dhaatana । ma̠heranaa̍ya̠ chaksha̍se । yo va̍-shshi̠vata̍mo̠ rasa̠-stasya̍ bhaajayate̠ ha na̍h । u̠sha̠tee-ri̍va maa̠tara̍h । tasmaa̠ ara̍ngamaamavo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah ॥ 1.54 (tai. ara. 6.1.12)
aghamarshana sooktam (4.6) hira̍nyashringa̠m varu̍na̠-mprapa̍dye tee̠rtha-mme̍ dehi̠ yaachi̍tah । ya̠nmayaa̍ bhu̠kta-ma̠saadhoo̍naa-mpaa̠pebhya̍shcha pra̠tigra̍hah । yanme̠ mana̍saa vaa̠chaa̠ ka̠rma̠naa vaa du̍shkrita̠-nkritam । tanna̠ indro̠ varu̍no̠ briha̠spati̍-ssavi̠taa cha̍ punantu̠ puna̍h punah । namo̠-'gnaye̎-'phsu̠mate̠ nama̠ indraa̍ya̠ namo̠ varu̍naaya̠ namo vaarunyai̍ namo̠-'dbhyah ॥ 1.57
yada̠paa-nkroo̠ram yada̍me̠ddhyam yada̍shaa̠nta-ntadapa̍gachchhataat । a̠tyaa̠sha̠naa-da̍teepaa̠naa̠-dya̠chcha u̠graa-tpra̍ti̠grahaa̎t । tanno̠ varu̍no raa̠jaa̠ paa̠ninaa̎ hyava̠marsha̍tu । so̍-'hama̍paa̠po vi̠rajo̠ nirmu̠kto mu̍ktaki̠lbishah । naaka̍sya pri̠shthamaaru̍hya̠ gachchhe̠-dbrahma̍salo̠kataam । yashchaa̠̍phsu varu̍na̠-ssa pu̠naatva̍ghamarsha̠nah । i̠ma-mme̍ gange yamune sarasvati̠ shutu̍dri̠ stomagm̍ sachataa̠ paru̠shniyaa । a̠si̠kni̠yaa ma̍rudvridhe vi̠tasta̠yaa-''rjee̍keeye shrinu̠hyaa su̠shoma̍yaa । ri̠tancha̍ sa̠tyanchaa̠-bhee̎ddhaa̠ ttapa̠so-'ddhya̍jaayata । tato̠ raatri̍-rajaayata̠ tata̍-ssamu̠dro a̍rna̠vah ॥ 1.63 (tai. ara. 6.1.13)
sa̠mu̠draa-da̍rna̠vaa-dadhi̍ samvathsa̠ro a̍jaayata । a̠ho̠raa̠traani̍ vi̠dadha̠-d(mi̠dadha̠d) vishva̍sya misha̠to va̠shee । oo̠ryaa̠cha̠ndra̠masau̍ dhaa̠taa ya̍thaa poo̠rva ma̍kalpayat । diva̍ncha prithi̠vee-nchaa̠ntari̍ksha̠ matho̠ suva̍h । ya-tpri̍thi̠vyaagm raja̍ssva̠ maantari̍kshe vi̠roda̍see । i̠maag stadaa̠po va̍runah pu̠naatva̍ghamarsha̠nah । pu̠nantu̠ vasa̍vah pu̠naatu̠ varu̍nah pu̠naatva̍ghamarsha̠nah । e̠sha bhoo̠tasya̍ ma̠ddhye bhuva̍nasya go̠ptaa । e̠sha pu̠nyakri̍taam lo̠kaa̠ne̠sha mri̠tyor-hi̍ra̠nmaya̎m । dyaavaa̍prithi̠vyor-hi̍ra̠nmaya̠gm̠ saggshri̍ta̠gm̠ suva̍h । 1.66 (tai. ara. 6.1.14)
sa na̠-ssuva̠-ssagm shi̍shaadhi । aardra̠-njvala̍ti̠ jyoti̍-ra̠hama̍smi । jyoti̠-rjvala̍ti̠ brahmaa̠hama̍smi । yo̍-'hama̍smi̠ brahmaa̠hama̍smi । a̠hama̍smi̠ brahmaa̠hama̍smi । a̠hame̠vaaha-mmaa-nju̍homi̠ svaahaa̎ । a̠kaa̠rya̠-kaa̠rya̍va kee̠rnee ste̠no bhroo̍na̠haa gu̍ruta̠lpagah । varu̍no̠-'paama̍ghamarsha̠na-stasmaa̎-tpaa̠paa-tpramu̍chyate । ra̠jobhoomi̍stva̠maagm roda̍yasva̠ prava̍danti̠ dheeraa̎h । aakraa̎m-thsamu̠drah pra̍tha̠me vidha̍rma-nja̠naya̍-npra̠jaa bhuva̍nasya̠ raajaa̎ । vrishaa̍ pa̠vitre̠ adhi̠saano̠ avye̍ bri̠ha-thsomo̍ vaavridhe suvaa̠na indu̍h ॥ 1.70
(pura̍staa̠--dyasho̠ - guhaa̍su̠ - mama̍ - chakratu̠ndaaya̍ dheemahi - teekshada̠gg̠shthraaya̍ dheemahi̠ - pari̍ - pra̠tishthi̍tam - debhu--r yachchhatu - dadhaatanaa̠- dbhyo̎ - 'rna̠vah - suvo̠ - raajaika̍-ncha) (aa1)
durgaa sooktam (4.7) jaa̠tave̍dase sunavaama̠ soma̍-maraateeya̠to nida̍haati̠ veda̍h । sa na̍h parsha̠dati̍ du̠rgaani̠ vishvaa̍ naa̠veva̠ sindhu̍-nduri̠taa-'tya̠gnih । taama̠gniva̍rnaa̠-ntapa̍saa jvala̠nteem vai̍rocha̠nee-nka̍rmapha̠leshu̠ jushtaa̎m । du̠rgaa-nde̠veegm shara̍nama̠ha-mprapa̍dye su̠tara̍si tarase̠ nama̍h । agne̠ tva-mpaa̍rayaa̠ navyo̍ a̠smaan-thsva̠sti-bhi̠rati̍ du̠rgaani̠ vishvaa̎ । pooshcha̍ pri̠thvee ba̍hu̠laa na̍ u̠rvee bhavaa̍ to̠kaaya̠ tana̍yaaya̠ shamyoh । vishvaa̍ni no du̠rgahaa̍ jaataveda̠-ssindhu̠-nna naa̠vaa du̍ri̠taa-'ti̍parshi । agne̍ atri̠va-nmana̍saa grinaa̠no̎-'smaaka̍-mboddhyavi̠taa ta̠noonaa̎m । pri̠ta̠naa̠jita̠gm̠ saha̍maana-mu̠grama̠gnigm hu̍vema para̠maa-thsa̠dhasthaa̎t । sa na̍h parsha̠dati̍ du̠rgaani̠ vishvaa̠ kshaama̍dde̠vo ati̍ duri̠taa-'tya̠gnih । pra̠tnoshi̍-ka̠meedyo̍ addhva̠reshu̍ sa̠naachcha̠ hotaa̠ navya̍shcha̠ sathsi̍ । svaanchaa̎gne ta̠nuva̍-mpi̠praya̍svaa̠smabhya̍ncha̠ saubha̍ga̠maaya̍jasva । gobhi̠-rjushta̍ma̠yujo̠ nishi̍kta̠-ntave̎mdra vishno̠-ranu̠sancha̍rema । naaka̍sya pri̠shthama̠bhi sa̠mvasaa̍no̠ vaishna̍veem lo̠ka i̠ha maa̍dayantaam ॥ 2.7 (du̠ri̠taa-'tya̠gnishcha̠tvaari̍ cha) (tai. ara. 6.2.1) [ o-nkaa̠tyaa̠ya̠naaya̍ vi̠dmahe̍ kanyaku̠maari̍ dheemahi । tanno̍ durgih pracho̠dayaa̎t ॥ ]
vyaahriti homa mantraah (4.8) bhoo-ranna̍-ma̠gnaye̍ prithi̠vyai svaahaa̠, bhuvo-'nna̍m vaa̠yave̠-'ntari̍kshaaya̠ svaahaa̠, suva̠ranna̍-maadi̠tyaaya̍ di̠ve svaahaa̠, bhoorbhuva̠ssuva̠-ranna̍-ncha̠ndrama̍se di̠gbhya-ssvaahaa̠, namo̍ de̠vebhya̍-ssva̠dhaa pi̠tribhyo̠ bhoorbhuva̠ssuva̠-ranna̠mom ॥ 3.1 (tai. ara. 6.3.1)
bhoo-ra̠gnaye̍ prithi̠vyai svaahaa̠, bhuvo̍ vaa̠yave̠-'ntari̍kshaaya̠ svaahaa̠ , suva̍raadi̠tyaaya̍ di̠ve svaahaa̠, bhoo-rbhuva̠ssuva̍-shcha̠ndrama̍se di̠gbhya-ssvaahaa̠, namo̍ de̠vebhya̍-ssva̠dhaa pi̠tribhyo̠ bhoorbhuva̠ssuva̠-ragna̠ om ॥ 4.1
bhoo-ra̠gnaye̍ cha prithi̠vyai cha̍ maha̠te cha̠ svaahaa̠, bhuvo̍ vaa̠yave̍ chaa̠ntari̍kshaaya cha maha̠te cha̠ svaahaa̠, suva̍raadi̠tyaaya̍ cha di̠ve cha̍ maha̠te cha̠ svaahaa̠, bhoo-rbhuva̠ssuva̍-shcha̠ndrama̍se cha̠ naksha̍trebhyashcha di̠gbhyashcha̍ maha̠te cha̠ svaahaa̠, namo̍ de̠vebhya̍-ssva̠dhaa pi̠tribhyo̠ bhoorbhuva̠ssuva̠-rmaha̠rom ॥ 5.1 (tai. ara. 6.4.1)
jnaanapraaptyarthaa homamantraah (4.9) paahi no agna ena̍se svaa̠haa । paahi no vishvaveda̍se svaa̠haa । yajna-mpaahi vibhaava̍so svaa̠haa । sarva-mpaahi shatakra̍to svaa̠haa ॥ 6.1 (tai. ara. 6.7.1)
paa̠hi no̍ agna̠ eka̍yaa । paa̠hyu̍ta dvi̠teeya̍yaa । paa̠hyoorja̍-ntri̠teeya̍yaa । paa̠hi gee̠rbhi-shcha̍ta̠sribhi̍-rvaso̠ svaahaa̎ ॥ 7.1 (tai. ara. 6.6.1)
vedaavismaranaaya japamantraah (4.10) ya-shchhanda̍saa-mrisha̠bho vi̠shvaroo̍pa̠-shchhando̎bhya̠-shchhandaag̍syaa vi̠vesha̍ । sachaagm shikyah puro vaacho̍pani̠sha-dindro̎ jye̠shtha i̍ndri̠yaaya̠ rishi̍bhyo̠ namo̍ de̠vebhya̍-ssva̠dhaa pi̠tribhyo̠ bhoorbhuva̠ssuva̠-shchhanda̠ om ॥ 8.1 (tai. ara. 6.8.1)
namo̠ brahma̍ne dhaa̠rana̍-mme a̠stva-ni̍raakaranam-dhaa̠rayi̍taa bhooyaasa̠-nkarna̍yo-shshru̠ta-mmaachyo̎dhva̠-mmamaa̠mushya̠ om ॥ 9.1 (tai. ara. 6.9.1)
tapah prashamsaa (4.11) ri̠ta-ntapa̍-ssa̠tya-ntapa̍-shshru̠ta-ntapa̍-shshaa̠nta-ntapo̠ dama̠ stapa̠-shshama̠stapo̠ daana̠-ntapo̠ yajna̠-ntapo̠ bhoorbhuva̠ssuva̠-rbrahmai̠-tadupaa̎syai̠-tattapa̍h ॥ 10.1 (tai. ara. 6.10.1)
vihitaacharana prashamsaa nishiddhaacharana nindaa cha (4.12) yathaa̍ vri̠kshasya̍ sa̠pumshpi̍tasya doo̠raa-dga̠ndho vaa̎tye̠va-mpunya̍sya ka̠rmano̍ doo̠raa-dga̠ndho vaa̍ti̠ yathaa̍-'sidhaa̠raa-nka̠rte-'va̍hitaa-mava̠kraame̠ yadyuve̠ yuve̠ havaa̍ vi̠hvayi̍shyaami ka̠rta-mpa̍tishyaa̠meetye̠va-ma̠mritaa̍-daa̠tmaana̍-nju̠guphse̎t ॥ 11.1 (tai. ara. 6.11.1)
dahara vidyaa (4.13) a̠no-ranee̍yaa-nmaha̠to mahee̍yaa-naa̠tmaa guhaa̍yaa̠-nnihi̍to-'sya ja̠ntoh । tama̍kratu-mpashyati veetasho̠ko dhaa̠tuh pra̠saadaa̎-nmahi̠maana̍meesham । sa̠pta praa̠naah pra̠bhava̍nti̠ tasmaa̎-thsa̠ptaarchisha̍-ssa̠midha̍-ssa̠pta ji̠hvaah । sa̠pta i̠me lo̠kaa yeshu̠ chara̍nti praa̠naa gu̠haasha̍yaa̠-nnihi̍taa-ssa̠pta sa̍pta । ata̍-ssamu̠draa gi̠raya̍shcha̠ sarve̠-'smaa-thsyanda̍nte̠ sindha̍va̠-ssarva̍roopaah । ata̍shcha̠ vishvaa̠ osha̍dhayo̠ rasaa̎chcha̠ yenai̍sha bhoo̠ta-sti̍shthatyantaraa̠tmaa । bra̠hmaa de̠vaanaa̎-mpada̠veeh ka̍vee̠naa-mrishi̠-rvipraa̍naa-mmahi̠sho mri̠gaanaa̎m । shye̠no gridhraa̍naa̠g̠ svadhi̍ti̠-rvanaa̍naa̠gm̠ soma̍h pa̠vitra̠ matye̍ti̠ rebhann̍ । a̠jaa mekaa̠m lohi̍ta-shukla-kri̠shnaa-mba̠hvee-mpra̠jaa-nja̠naya̍ntee̠gm̠ saroo̍paam । a̠jo hyeko̍ ju̠shamaa̍no-'nu̠shete̠ jahaa̎tyenaa-mbhu̠kta-bho̍gaa̠majo̎-'nyah ॥ 12.5 (tai. ara. 6.12.1)
ha̠gm̠sa-shshu̍chi̠sha-dvasu̍-rantariksha̠-saddhotaa̍ vedi̠sha-dati̍thi-rdurona̠sat । nri̠sha-dva̍ra̠sa-dri̍ta̠sa-dvyo̍ma̠sa-da̠bjaa go̠jaa ri̍ta̠jaa a̍dri̠jaa ri̠ta-mbri̠hat । ghri̠ta-mmi̍mikshire ghri̠tama̍sya̠ yoni̍-rghri̠te shri̠to ghri̠tamu̍vasya̠ dhaama̍ । a̠nu̠shva̠dhamaava̍ha maa̠daya̍sva̠ svaahaa̍ kritam vrishabha vakshi ha̠vyam । sa̠mu̠draa doo̠rmi-rmadhu̍maa̠gm̠ udaa̍ra-dupaa̠gm̠shunaa̠ sama̍mrita̠tva maa̍nat । ghri̠tasya̠ naama̠ guhya̠m yadasti̍ ji̠hvaa de̠vaanaa̍-ma̠mrita̍sya̠ naabhi̍h । va̠ya-nnaama̠ prabra̍vaamaa ghri̠tenaa̠smin. ya̠jne dhaa̍rayaamaa̠ namo̍bhih । upa̍ bra̠hmaa shri̍navachchha̠syamaa̍na̠-nchatu̍-shshringo 'vamee-dgau̠ra e̠tat । cha̠tvaari̠ shringaa̠ trayo̍ asya̠ paadaa̠ dve shee̠ra̠.she sa̠pta hastaa̍so a̠sya । tridhaa̍ ba̠ddho vri̍sha̠bho ro̍raveeti ma̠ho de̠vo martyaa̠gm̠ aavi̍vesha ॥ 12.10 (tai. ara. 6.12.2)
tridhaa̍ hi̠ta-mpa̠nibhi̍-rgu̠hyamaa̍na̠-ngavi̍-de̠vaaso̍ ghri̠tamanva̍vindann । indra̠ eka̠gm̠ soorya̠ eka̍-njajaana ve̠naa dekagg̍ sva̠dhayaa̠ nishta̍takshuh । yo de̠vaanaa̎-mpratha̠ma-mpu̠rastaa̠-dvishvaa̠dhiyo̍ ru̠dro ma̠harshi̍h । hi̠ra̠nya̠ga̠rbha-mpa̍shyata̠ jaaya̍maana̠gm̠ sano̍ de̠va-shshu̠bhayaa̠ smrityaa̠ samyu̍naktu । yasmaa̠tpara̠-nnaapa̍ra̠ masti̠ kinchi̠dyasmaa̠-nnaanee̍yo̠ na jyaayo̎-'sti̠ kashchi̍t । vri̠ksha i̍va stabdho di̠vi ti̍shtha̠-tyeka̠stene̠da-mpoo̠rna-mpuru̍shena̠ sarva̎m ॥ 12.13
(sanyaasa sooktam) na karma̍naa na pra̠jayaa̠ dhane̍na̠ tyaage̍naike amrita̠tva-maa̍na̠shuh । pare̍na̠ naaka̠-nnihi̍ta̠-nguhaa̍yaam vi̠bhraaja̍de̠ta-dyata̍yo vi̠shanti̍ ॥ ve̠daa̠nta̠ vi̠jnaana̠-suni̍shchitaa̠rthaa-ssanyaa̍sa yo̠gaadyata̍ya-shshuddha̠ sattvaa̎h । te bra̍hmalo̠ke tu̠ paraa̎mtakaale̠ paraa̍mritaa̠-tpari̍muchyanti̠ sarve̎ । da̠hra̠m vi̠paa̠pa-mpa̠rame̎shma bhoota̠m ya-tpu̍ndaree̠ka-mpu̠rama̍ddhya sa̠gg̠stham । ta̠traa̠pi̠ da̠hra-nga̠gana̍m vishoka̠-stasmi̍n. yada̠ntasta-dupaa̍sita̠vyam ॥ yo vedaadau sva̍rah pro̠kto̠ ve̠daante̍ cha pra̠tishthi̍tah । tasya̍ pra̠kriti̍-leena̠sya̠ ya̠h para̍-ssa̠ ma̠heshva̍rah ॥ 12.17 (tai. ara. 6.12.3)
(ajo̎-'nya̠ - aavi̍vesha̠ - sarve̍ cha̠tvaari̍ cha)
naaraayana sooktam (4.14)
sa̠ha̠sra̠sheersha̍-nde̠va̠m vi̠shvaaksha̍m vi̠shva sha̍-mbhuvam । vishva̍-nnaa̠raaya̍na-nde̠va̠ma̠kshara̍-mpara̠ma-mpa̠dam । vi̠shvata̠h para̍maanni̠tya̠m vi̠shva-nnaa̍raaya̠nagm ha̍rim । vishva̍me̠veda-mpuru̍sha̠-sta-dvishva̠mupa̍jeevati । pati̠m vishva̍syaa̠tmeshva̍ra̠gm̠ shaashva̍tagm shi̠vama̍chyutam । naa̠raaya̠na-mma̍haajne̠ya̠m vi̠shvaatmaa̍na-mpa̠raaya̍nam । naa̠raaya̠na pa̍ro jyo̠ti̠raa̠tmaa naa̍raya̠nah pa̍rah । naa̠raaya̠na pa̍ra-mbra̠hma̠ ta̠ttva-nnaa̍raaya̠nah pa̍rah । naa̠raaya̠na pa̍ro dhyaa̠taa̠ dhyaa̠na-nnaa̍raaya̠nah pa̍rah । yachcha̍ ki̠nchij-ja̍ga-thsa̠rva̠-ndri̠shyate̎ shrooya̠te-'pi̍ vaa । 13.4 (tai. ara. 6.13.1)
anta̍-rba̠hishcha̍ ta-thsa̠rva̠m vyaa̠pya naa̍raaya̠na-ssthi̍tah । ana̍nta̠ mavya̍ya-nka̠vigm sa̍mu̠dre-'nta̍m vi̠shva sha̍bhumvam । pa̠dma̠ko̠sha-pra̍teekaa̠sha̠gm̠ hri̠daya̍-nchaapya̠dhomu̍kham । adho̍ ni̠shtyaa vi̍tastyaa̠nte̠ naa̠bhyaamu̍pari̠ tishtha̍ti । jvaa̠la̠maa̠laa ku̍la-mbhaa̠tee̠ vi̠shvasyaa̍yata̠na-mma̍hat । santa̍tagm shi̠laabhi̍stu̠ lamba̍tyaa kosha̠sanni̍bham । tasyaante̍ sushi̠ragm soo̠kshma-ntasmi̎m-thsa̠rva-mprati̍shthitam । tasya̠ maddhye̍ ma̠haana̍gni-rvi̠shvaarchi̍-rvi̠shvato̍ mukhah । so-'gra̍bhu̠g vibha̍ja-nti̠shtha̠-nnaahaa̍ra-maja̠rah ka̠vih । ti̠rya̠goo̠rdhva ma̍dha-shshaa̠yee̠ ra̠shmaya̍stasya̠ santa̍taa । sa̠ntaa̠paya̍ti sva-nde̠hamaapaa̍datala̠ masta̍kah । tasya̠ maddhye̠ vahni̍shikhaa a̠neeyo̎rdhvaa vya̠vasthi̍tah । nee̠lato̍ yada̍ maddhya̠sthaa̠-dvi̠dyulle̍kheva̠ bhaasva̍raa । nee̠vaara̠ shooka̍vatta̠nvee̠ pee̠taa bhaa̎svatya̠noopa̍maa । tasyaa̎-shshikhaa̠yaa ma̍ddhye pa̠ramaa̎tmaa vya̠vasthi̍tah । sa brahma̠ sa shiva̠-ssa hari̠-ssendra̠-sso-'ksha̍rah para̠ma-ssva̠raat ॥ 13.12 (tai. ara. 6.13.2)
(api̍ vaa̠ - santa̍taa̠ shat cha̍)
aaditya mandale parabrahmopaasanam (4.15) aa̠di̠tyo vaa e̠sha e̠ta-nma̠ndala̠-ntapa̍ti̠ tatra̠ taa richa̠stadri̠chaa ma̍ndala̠gm̠ sa ri̠chaam lo̠ko-'tha̠ya e̠sha e̠tasmi̍-nma̠ndale̠-'rchi-rdee̠pyate̠ taani̠ saamaa̍ni̠ sa saa̠mnaam lo̠ko-'tha̠ ya e̠sha e̠tasmi̍-nma̠ndale̠-'rchishi̠ puru̍sha̠staani̠ yajoogm̍shi̠ sa yaju̍shaa mandala̠gm̠ sa yaju̍shaam lo̠ka-ssaishaa tra̠yyeva̍ vi̠dyaa ta̍pati̠ ya e̠sho̎-'nta-raa̍di̠tye hi̍ra̠nmaya̠h puru̍shah ॥ 14.1 (tai. ara. 6.14.1)
aadityapurushasya sarvaatmakatva pradarshanam (4.16) aa̠di̠tyo vai teja̠ ojo̠ bala̠m yasha̠-shchakshu̠-shshrotra̍maa̠tmaa mano̍ ma̠nyu-rmanu̍-rmri̠tyu-ssa̠tyo mi̠tro vaa̠yuraa̍kaa̠shah praa̠no lo̍kapaa̠lah kah ki-nka-nta-thsa̠tyamanna̍-ma̠mritaa̍ jee̠vo vishva̍h kata̠ma-ssva̍ya̠bhu-mbrahmai̠ tadamri̍ta e̠sha puru̍sha e̠sha bhoo̠taanaa̠-madhi̍pati̠-rbrahma̍na̠-ssaayu̍jyagm salo̠kataa̍-maapno-tye̠taasaa̍me̠va de̠vataa̍naa̠gm̠ saayu̍jyagm saa̠rshtitaagm̍ samaana lo̠kataa̍-maapnoti̠ ya e̠vam vede̎tyupa̠nishat ॥ 15.1 (tai. ara. 6.15.1)
shivopaasana mantraah (4.17) nidha̍napataye̠ namah । nidha̍napataantikaaya̠ namah । oordhvaaya̠ namah । oordhvalingaaya̠ namah । hiranyaaya̠ namah । hiranyalingaaya̠ namah । suvarnaaya̠ namah । suvarnalingaaya̠ namah । divyaaya̠ namah । divyalingaaya̠ namah । 16.1 (tai. ara. 6.16.1)
bhavaaya̠ namah । bhavalingaaya̠ namah । sharvaaya̠ namah । sharvalingaaya̠ namah । shivaaya̠ namah । shivalingaaya̠ namah । jvalaaya̠ namah । jvalalingaaya̠ namah । aatmaaya̠ namah । aatmalingaaya̠ namah । paramaaya̠ namah । paramalingaaya̠ namah । etathsomasya̍ soorya̠sya̠ sarvalingagg̍ sthaapa̠ya̠ti̠ paanimantra̍-mpavi̠tram ॥ 16.1 (tai. ara. 6.16.2)
pashchimavaktra pratipaadaka mantrah (4.18) tai. ara. 6.17.1 sa̠dyojaa̠ta-mpra̍padyaa̠mi̠ sa̠dyojaa̠taaya̠ vai namo̠ nama̍h । bha̠ve bha̍ve̠ naati̍bhave bhavasva̠ maam । bha̠vodbha̍vaaya̠ nama̍h ॥ 17.1
uttara vaktra pratipaadaka mantrah (4.19) vaa̠ma̠de̠vaaya̠ namo̎ jye̠shthaaya̠ nama̍-shshre̠shthaaya̠ namo̍ ru̠draaya̠ nama̠h kaalaa̍ya̠ nama̠h kala̍vikaranaaya̠ namo̠ bala̍vikaranaaya̠ namo̠ balaa̍ya̠ namo̠ bala̍pramathanaaya̠ nama̠-ssarva̍bhootadamanaaya̠ namo̍ ma̠nonma̍naaya̠ nama̍h ॥ 18.1 (tai. ara. 6.18.1)
dakshina vaktra pratipaadaka mantrah (4.20) a̠ghore̎bhyo-'tha̠ ghore̎bhyo̠ ghora̠ghora̍tarebhyah । sarve̎bhya-ssarva̠ sharve̎bhyo̠ nama̍ste astu ru̠draroo̍pebhyah ॥ 19.1 (tai. ara. 6.19.1)
praagvaktra pratipaadaka mantrah (4.21) tatpuru̍shaaya vi̠dmahe̍ mahaade̠vaaya̍ dheemahi । tanno̍ rudrah pracho̠dayaa̎t ॥ 20.1 (tai. ara. 6.20.1)
oordhva vaktra pratipaadaka mantrah (4.22) eeshaana-ssarva̍vidyaa̠naa̠- meeshvara-ssarva̍bhootaa̠naa̠-mbrahmaadhi̍pati̠-rbrahma̠no-'dhi̍pati̠-rbrahmaa̍ shi̠vo me̍ astu sadaashi̠vom ॥ 21.1 (tai. ara. 6.21.1)
namaskaaraartha mantraah (4.23) namo hiranyabaahave hiranyavarnaaya hiranyaroopaaya hiranyapataye 'binkaapataya umaapataye pashupataye̍ namo̠ namah ॥ 22.1 (tai. ara. 6.22.1)
ri̠tagm sa̠tya-mpa̍ra-mbra̠hma̠ pu̠rusha̍-nkrishna̠pinga̍lam । oo̠rdhvare̍tam vi̍roopaa̠ksha̠m vi̠shvaroo̍paaya̠ vai namo̠ nama̍h ॥ 23.1 (tai. ara. 6.23.1)
sarvo̠ vai ru̠drastasmai̍ ru̠draaya̠ namo̍ astu । puru̍sho̠ vai ru̠dra-ssanma̠ho namo̠ nama̍h । vishva̍-mbhoo̠ta-mbhuva̍na-nchi̠tra-mba̍hu̠dhaa jaa̠ta-njaaya̍maana-ncha̠ yat । sarvo̠ hye̍sha ru̠drastasmai̍ ru̠draaya̠ namo̍ astu ॥ 24.1 (tai. ara. 6.24.1)
kadru̠draaya̠ prache̍tase mee̠dhushta̍maaya̠ tavya̍se । vo̠chema̠ shanta̍magm hri̠de ॥ sarvo̠hye̍sha ru̠drastasmai̍ ru̠draaya̠ namo̍ astu ॥ 25.1 (tai. ara. 6.25.1)
agnihotra havanyaah upayuktasya vriksha vishesha-syaabhidhaanam (4.24-25) yasya̠ vai ka̍nkatyagni-hotra̠hava̍nee bhavati̠ pratye̠vaa-syaahu̍taya-stishtha̠ntyatho̠ prati̍shthityai ॥ 26.1 (tai. ara. 6.26.1)
bhoodevataaka mantrah (4.26) kri̠nu̠shva paaja̠ iti̠ pancha̍ । adi̍ti-rde̠vaa ga̍ndha̠rvaa ma̍nu̠shyaa̎h pi̠taro-'su̍raa̠-steshaagm̍ sarva bhoo̠taanaa̎-mmaa̠taa me̠dinee̍ maha̠taa ma̠hee saa̍vi̠tree gaa̍ya̠tree jaga̍tyu̠rvee pri̠thvee ba̍hu̠laa vishvaa̍ bhoo̠taa ka̍ta̠maa kaayaa saa sa̠tye-tya̠mriteti̍ vasi̠shthah ॥ 28.1 (tai. ara. 6.28.1)
sarvaa devataa aapah (4.27) aapo̠ vaa i̠dagm sarva̠m vishvaa̍ bhoo̠taanyaapa̍h praa̠naa vaa aapa̍h pa̠shava̠ aapo-'nna̠maapo -'mri̍ta̠maapa̍-ssa̠mraadaapo̍ vi̠raadaapa̍-ssva̠raadaapa̠h chhandaa̠g̠syaapo̠ jyotee̠g̠shyaapo̠ yajoo̠g̠shyaapa̍-ssa̠tyamaapa̠-ssarvaa̍ de̠vataa̠ aapo̠ bhoorbhuva̠ssuva̠raapa̠ om ॥ 29.1 (tai. ara. 6.29.1)
sandhyaavandana mantraah (4.28) aapa̍h punantu prithi̠vee-mpri̍thi̠vee poo̠taa pu̍naatu̠ maam । pu̠nantu̠ brahma̍na̠spati̠-rbrahma̍ poo̠taa pu̍naatu̠ maam । yaduchchhi̍shta̠-mabho̎jya̠m yadvaa̍ du̠shchari̍ta̠-mmama̍ । sarva̍-mpunantu̠ maamaapo̍-'sa̠taancha̍ prati̠graha̠gg̠ svaahaa̎ ॥ 30.2 (tai. ara. 6.30.1)
agnishcha maa manyushcha manyupatayashcha manyu̍krite̠bhyah । paapebhyo̍ raksha̠ntaam । yadahnaa paapa̍makaa̠r̠sham । manasaa vaachaa̍ hastaa̠bhyaam । padbhyaa-mudare̍na shi̠shnaa । aha̠stada̍valu̠pantu । yatkincha̍ duri̠ta-mmayi̍ । idamaha-maamamri̍ta yo̠nau । satye jyotishi juho̍mi svaa̠haa ॥ 31.1 (tai. ara. 6.31.1)
sooryashcha maa manyushcha manyupatayashcha manyu̍krite̠bhyah । paapebhyo̍ raksha̠ntaam । yadraatriyaa paapa̍makaa̠r̠sham । manasaa vaachaa̍ hastaa̠bhyaam । padbhyaa-mudare̍na shi̠shnaa । raatri̠-stada̍valu̠pantu । yatkincha̍ duri̠ta-mmayi̍ । idamaha-maamamri̍ta yo̠nau । soorye jyotishi juho̍mi svaa̠haa ॥ 32.1 (tai. ara. 6.32.1)
pranavasya rishyaadi vivaranam (4.29) omityekaaksha̍ra-mbra̠hma । agnirdevataa brahma̍ ityaa̠rsham । gaayatra-nchhanda-mparamaatma̍m saroo̠pam । saayujyam vi̍niyo̠gam ॥ 33.1 (tai. ara. 6.33.1)
gaayatryaavaahana mantraah (4.30) aayaa̍tu̠ vara̍daa de̠vee̠ a̠kshara̍-mbrahma̠ sammi̍tam । gaa̠ya̠tree̎-nchhanda̍saa-mmaa̠teda-mbra̍hma ju̠shasva̍ me । yadahnaa̎-tkuru̍te paa̠pa̠-ntadahnaa̎-tprati̠muchya̍te । ya-draatriyaa̎-tkuru̍te paa̠pa̠-nta-draatriyaa̎-tprati̠muchya̍te । sarva̍ va̠rne ma̍haade̠vi̠ sa̠ndhyaa vi̍dye sa̠rasva̍ti ॥ 34.2 (tai. ara. 6.34.1)
ojo̍-'si̠ saho̍-'si̠ bala̍masi̠ bhraajo̍-'si de̠vaanaa̠-ndhaama̠naamaa̍̍-'si̠ vishva̍masi vi̠shvaayu̠-ssarva̍masi sa̠rvaayu-rabhibhoorom-gaayatree-maavaa̍hayaa̠mi̠ saavitree-maavaa̍hayaa̠mi̠ sarasvatee-maavaa̍hayaa̠mi̠ chhandarshee-naavaa̍hayaa̠mi̠ shriya-maavaa̍hayaa̠mi̠ gaayatriyaa gaayatree chhando vishvaamitra rishi-ssavitaa devataa-'gnirmukha-mbrahmaa shiro vishnurhridayagm rudra-shshikhaa prithiveeyonih praanaapaana-vyaanodaana-samaanaa sapraanaa shvetavarnaa saankhyaayana-sagotraa gaayatree chaturvigmshatyaksharaa tripadaa̍ shatku̠kshi̠h pancha sheershopanayane vi̍niyo̠ga̠h- o-mbhooh । o-mbhuvah । ogm suvah । o-mmahah । o-njanah । o-ntapah । ogm sa̠tyam । o-nta-thsa̍vi̠turvare̎nya̠-mbhargo̍ de̠vasya̍ dheemahi । dhiyo̠ yo na̍h pracho̠dayaa̎t । omaapo̠ jyotee̠ raso̠-'mrita̠-mbrahma̠ bhoorbhuva̠ssuva̠rom ॥ 35.2 (tai. ara. 6.35.1)
gaayatree upasthaana mantraah (4.31) u̠ttame̍ shikha̍re jaa̠te̠ bhoo̠myaa-mpa̍rvata̠ moordha̍ni । braa̠hmane̎bhyo-'bhya̍nujnaa̠taa̠ ga̠chchha de̍vi ya̠thaasu̍kham । stuto mayaa varadaa ve̍damaa̠taa̠ prachodayantee pavane̎ dvijaa̠taa । aayuh prithivyaam-dravina-mbra̍hmava̠rcha̠sa̠-mmahya-ndatvaa prajaatu-mbra̍hmalo̠kam ॥ 36.2 (tai. ara. 6.36.1)
aadityadevataa mantrah (4.32) ghrini̠-ssoorya̍ aadi̠tyo na prabhaa̍-vaa̠tyaksha̍ram । madhu̍ksharanti̠ ta-dra̍sam । sa̠tyam vai ta-drasa̠-maapo̠ jyotee̠raso̠-'mrita̠-mbrahma̠ bhoorbhuva̠ssuva̠rom ॥ 37.1 (tai. ara. 6.37.1)
trisuparnamantraah (4.33) brahma̍ metu̠ maam । madhu̍ metu̠ maam । brahma̍-me̠va madhu̍ metu̠ maam । yaaste̍ soma pra̠jaava̠thso-'bhi̠so a̠ham । dusshva̍pna̠ha-ndu̍rushvaha । yaaste̍ soma praa̠naagstaa-nju̍homi । trisu̍parna̠ mayaa̍chita-mbraahma̠naaya̍ dadyaat । bra̠hma̠ha̠tyaam vaa e̠te ghna̍nti । ye braa̎hma̠naa-strisu̍parna̠-mpatha̍nti । te soma̠-mpraapnu̍vanti । aa̠sa̠ha̠sraa-tpa̠kti-mpuna̍nti । om ॥ 38.1 (tai. ara. 6.38.1)
brahma̍ me̠dhayaa̎ । madhu̍ me̠dhayaa̎ । brahma̍me̠va madhu̍ me̠dhayaa̎ । a̠dyaa no̍ deva savitah pra̠jaava̍thsaavee̠-ssaubha̍gam । paraa̍ du̠sshvapni̍yagm suva । vishvaa̍ni deva savita-rduri̠taani̠ paraa̍suva । ya-dbha̠dra-ntanma̠ aasu̍va । madhu̠vaataa̍ ritaaya̠te madhu̍ksharanti̠ sindha̍vah । maaddhvee̎rna-ssa̠ntvosha̍dheeh । madhu̠nakta̍ mu̠toshasi̠ madhu̍ma̠-tpaarthi̍va̠gm̠ raja̍h । madhu̠dyaura̍stu nah pi̠taa । madhu̍maanno̠ vana̠spati̠-rmadhu̍maagm astu̠ soorya̍h । maaddhvee̠ rgaavo̍ bhavantu nah । ya i̠ma-ntrisu̍parna̠-mayaa̍chita-mbraahma̠naaya̍ dadyaat । bhroo̠na̠ha̠tyaam vaa e̠te ghna̍nti । ye braa̎hma̠naa-strisu̍parna̠-mpatha̍nti । te soma̠-mpraapnu̍vanti । aa̠sa̠ha̠sraa-tpa̠kti-mpuna̍nti । om ॥ 39.7 (tai. ara. 6.39.1)
brahma̍ me̠dhavaa̎ । madhu̍ me̠dhavaa̎ । brahma̍me̠va madhu̍ me̠dhavaa̎ । bra̠hmaa de̠vaanaa̎-mpada̠veeh ka̍vee̠naa-mrishi̠-rvipraa̍naa-mmahi̠sho mri̠gaanaa̎m । shye̠no griddhraa̍naa̠g̠ svadhi̍ti̠-rvanaa̍naa̠gm̠ soma̍h pa̠vitra̠-matye̍ti̠ rebhann̍ । ha̠gm̠sa-shshu̍chi̠sha-dvasu̍rantariksha̠ saddhotaa̍- vedi̠sha-dati̍thi-rdurona̠sat । nri̠shadva̍ra̠-sadri̍ta̠-sa-dvyo̍ma̠-sada̠bjaa- go̠jaa ri̍ta̠jaa a̍dri̠jaa ri̠ta-mbri̠hat । ri̠chetvaa̍ ru̠chetvaa̠ sami-thsra̍vanti sa̠rito̠ na dhenaa̎h । a̠ntar-hri̠daa mana̍saa poo̠yamaa̍naah । ghri̠tasya̠ dhaaraa̍ a̠bhichaa̍kasheemi । hi̠ra̠nyayo̍ veta̠so maddhya̍ aasaam । tasmi̎m-thsupa̠rno ma̍dhu̠kri-tku̍laa̠yee bhaja̍nnaaste̠ madhu̍ de̠vataa̎bhyah । tasyaa̍ sate̠ hara̍ya-ssa̠ptateere̎ sva̠dhaa-nduhaa̍naa a̠mrita̍sya̠ dhaaraa̎m । ya i̠da-ntrisu̍parna̠-mayaa̍chita-mbraahma̠naaya̍ dadyaat । vee̠ra̠ha̠tyaam vaa e̠te ghna̍nti । ye braa̎hma̠naa-strisu̍parna̠-mpatha̍nti । te soma̠-mpraapnu̍vanti । aa̠sa̠ha̠sraa-tpa̠nkti-mpuna̍nti । om ॥ 40.6 (tai. ara. 6.40.1)
medhaa sooktam (4.34) me̠dhaade̠vee ju̠shamaa̍naa na̠ aagaa̎-dvi̠shvaachee̍ bha̠draa su̍mana̠sya maa̍naa । tvayaa̠ jushtaa̍ nu̠damaa̍naa du̠ruktaa̎-nbri̠hadva̍dema vi̠dathe̍ su̠veeraa̎h । tvayaa̠ jushta̍ ri̠shi-rbha̍vati devi̠ tvayaa̠ brahmaa̍-''ga̠tashree̍ ru̠ta tvayaa̎ । tvayaa̠ jushta̍shchi̠tram vi̍ndate vasu̠ saa no̍ jushasva̠ dravi̍no namedhe ॥ 41.1 (tai. ara. 6.41.1)
me̠dhaa-mma̠ indro̍ dadaatu me̠dhaa-nde̠vee sara̍svatee । me̠dhaa-mme̍ a̠shvinaa̍-vu̠bhaavaadha̍ttaa̠-mpushka̍rasrajaa ॥ a̠phsa̠raasu̍ cha̠ yaa me̠dhaa ga̍ndha̠rveshu̍ cha̠ yanmana̍h । daivee̎-mme̠dhaa sara̍svatee̠ saa maa̎-mme̠dhaa su̠rabhi̍-rjushataa̠g̠ svaahaa̎ ॥ 42.1 (tai. ara. 6.42.1)
aamaa̎-mme̠dhaa su̠rabhi̍-rvi̠shvaroo̍paa̠ hira̍nyavarnaa̠ jaga̍tee jaga̠myaa । oorja̍svatee̠ paya̍saa̠ pinva̍maanaa̠ saa maa̎-mme̠dhaa su̠pratee̍kaa jushantaam ॥ 43.1 (tai. ara. 6.43.1)
mayi̍ me̠dhaa-mmayi̍ pra̠jaa-mmayya̠gnistejo̍ dadhaatu̠ mayi̍ me̠dhaa-mmayi̍ pra̠jaa-mmayeendra̍ indri̠ya-nda̍dhaatu̠ mayi̍ me̠dhaa-mmayi̍ pra̠jaa-mmayi̠ sooryo̠ bhraajo̍ dadhaatu ॥ 44.1 (tai. ara. 6.44.1)
mrityunivaarana mantraah (4.35) apai̍tu mri̠tyu-ra̠mrita̍nna̠ aaga̍n. vaivasva̠to no̠ abha̍yankrinotu । pa̠rnam vana̠spate̍ rivaa̠bhina̍-shsheeyataagm ra̠yi-ssacha̍taanna̠-shshachee̠pati̍h ॥ 45.1 (tai. ara. 6.45.1)
para̍-mmrityo̠ anu̠ pare̍hi̠ panthaa̠m yaste̠sva ita̍ro deva̠yaanaa̎t । chakshu̍shmate shrinva̠te te̎ braveemi̠ maana̍h pra̠jaagm ree̍risho̠ mota vee̠raan ॥ 46.1 (tai. ara. 6.46.1)
vaata̍-mpraa̠na-mmana̍saa̠ nvaara̍bhaamahe pra̠jaapa̍ti̠m yo bhuva̍nasya go̠paah । sano̍ mri̠tyo straa̍yataa̠-mpaatvagmha̍so̠ jyog jee̠vaa ja̠raama̍sheemahi ॥ 47.1 (tai. ara. 6.47.1)
a̠mu̠tra̠ bhooyaa̠dadha̠ yadya̠masya̠ briha̍spate a̠bhisha̍ste̠ra mu̍nchah । pratyau̍hataa ma̠shvinaa̍ mri̠tyu ma̍smaa-dde̠vaanaa̍magne bhi̠shajaa̠ shachi̍bhih ॥ 48.1 (tai. ara. 6.48.1)
hari̠gm̠ hara̍nta̠- manu̍yanti de̠vaa vishva̠syeshaa̍nam vrisha̠bha-mma̍tee̠naam । brahma̠ saroo̍pa̠-manu̍me̠damaa̍gaa̠-daya̍na̠-mmaa viva̍dhee̠-rvikra̍masva ॥ 49.1 (tai. ara. 6.49.1)
shalkai̍ra̠gni-mi̍ndhaa̠na u̠bhau lo̠kau sa̍nema̠ham । u̠bhayo̎ rlo̠kayaa̍r-ri̠dhdvaa-'ti̍ mri̠tyu-nta̍raamya̠ham ॥ 50.1 (tai. ara. 6.50.1)
maa chhi̍do mrityo̠ maa va̍dhee̠rmaa me̠ bala̠m vivri̍ho̠ maa pramo̍sheeh । pra̠jaa-mmaa me̍ reerisha̠ aayu̍rugra nri̠chaksha̍sa-ntvaa ha̠vishaa̍ vidhema ॥ 51.1 (tai. ara. 6.51.1)
maa no̍ ma̠haanta̍mu̠ta maa no̍ arbha̠ka-mmaa na̠ uksha̍ntamu̠ta maa na̍ ukshi̠tam । maa no̍ vadheeh pi̠tara̠-mmota maa̠tara̍-mpri̠yaa maa na̍sta̠nuvo̍ rudra reerishah ॥ 52.1 (tai. ara. 6.52.1)
maa na̍sto̠ke tana̍ye̠ maa na̠ aayu̍shi̠ maa no̠ goshu̠ maa no̠ ashve̍shu reerishah । vee̠raanmaa no̍ rudra bhaami̠tova̍dheer-ha̠vishma̍nto̠ nama̍saa vidhema te ॥ 53.1 (tai. ara. 6.53.1)
prajaapati-praarthanaa mantrah (4.36) prajaa̍pate̠ na tvade̠taa-nya̠nyo vishvaa̍ jaa̠taani̠ pari̠taa ba̍bhoova । ya-tkaa̍maaste juhu̠mastanno̍ astu va̠yagg syaa̍ma̠ pata̍yo rayee̠naam ॥ 54.1 (tai. ara. 6.54.1)
indrapraarthanaa mantrah (4.37) sva̠sti̠daa vi̠shaspati̍-rvritra̠haa vimridho̍ va̠shee । vrishendra̍h pu̠ra e̍tu nassvasti̠daa a̍bhaya-nka̠rah ॥ 55.1 (tai. ara. 6.55.1)
mrityunjaya mantraah (4.38) trya̍mbakam yajaamahe suga̠ndhi-mpu̍shti̠vardha̍nam । u̠rvaa̠ru̠kami̍va̠ bandha̍naa-nmri̠tyo-rmu̍ksheeya̠ maa-'mritaa̎t ॥ 56.1 (tai. ara. 6.56.1)
ye te̍ sa̠hasra̍ma̠yuta̠-mpaashaa̠ mrityo̠ martyaa̍ya̠ hanta̍ve । taan. ya̠jnasya̍ maa̠yayaa̠ sarvaa̠nava̍ yajaamahe । mri̠tyave̠ svaahaa̍ mri̠tyave̠ svaahaa̎ ॥ 58.1 (tai. ara. 6.57-58)
paapanivaarakaa mantraah (4.39) de̠vakri̍ta̠syaina̍so-'va̠yaja̍namasi̠ svaahaa̎ । ma̠nu̠shya̍krita̠syaina̍so 'va̠yaja̍namasi̠ svaahaa̎ । pi̠trikri̍ta̠syaina̍so 'va̠yaja̍namasi̠ svaahaa̎ । aa̠tmakri̍ta̠syaina̍so 'va̠yaja̍namasi̠ svaahaa̎ । a̠nyakri̍ta̠syaina̍so 'va̠yaja̍namasi̠ svaahaa̎ । a̠smatkri̍ta̠syaina̍so 'va̠yaja̍namasi̠ svaahaa̎ । yaddi̠vaa cha̠ nakta̠-nchaina̍shchakri̠ma tasyaa̍ va̠yaja̍namasi̠ svaahaa̎ । ya-thsva̠panta̍shcha̠ jaagra̍ta̠-shchaina̍shcha-kri̠ma tasyaa̍ va̠yaja̍namasi̠ svaahaa̎ । ya-thsu̠shupta̍shcha̠ jaagra̍ta̠-shchaina̍shcha-kri̠ma tasyaa̍ va̠yaja̍namasi̠ svaahaa̎ । ya-dvi̠dvaagmsa̠shchaa vi̍dvaagmsa̠shchaina̍shcha-kri̠ma tasyaa̍ va̠yaja̍namasi̠ svaahaa̎ । enasa enaso vayajanama̍si svaa̠haa ॥ 59.1 (tai. ara. 6.59.1)
vasu-praarthanaa mantrah (4.40) yadvo̍ devaashchakri̠ma ji̠hvayaa̍ gu̠rumana̍so vaa̠ prayu̍tee deva̠ heda̍nam । araa̍vaa̠yo no̍ a̠bhidu̍chchhunaa̠yate̠ tasmi̠-ntadeno̍ vasavo̠ nidhe̍tana̠ svaahaa̎ ॥ 60.1 (tai. ara. 6.60.1)
kaamo-'kaarsheet - manyurakaarsheet mantrah (4.41) kaamo-'kaarshee̎-nnamo̠ namah । kaamo-'kaarshee-tkaamah karoti naaha-nkaromi kaamah kartaa naaha-nkartaa kaama̍h kaara̠yitaa naaha̍-nkaara̠yitaa esha te kaama kaamaa̍ya svaa̠haa ॥ 61.1 (tai. ara. 6.61.1)
manyurakaarshee̎-nnamo̠ namah । manyurakaarshee-nmanyuh karoti naaha-nkaromi manyuh kartaa naaha-nkartaa manyu̍h kaara̠yitaa naaha̍-nkaara̠yitaa esha te manyo manya̍ve svaa̠haa ॥ 62.1 (tai. ara. 6.62.1)
virajaa homa mantraah (4.42) tilaanjuhomi sarasaagm sapishtaa-ngandhaara mama chitte rama̍ntu svaa̠haa । gaavo hiranya-ndhanamannapaanagm sarveshaag shri̍yai svaa̠haa । shriyancha lakshmincha pushtincha keerti̍-nchaa nri̠nyataam । brahmanya-mba̍hupu̠trataam । shraddhaamedhe prajaa-ssandadaa̍tu svaa̠haa ॥ 63.3 (tai. ara. 6.63.1)
tilaah krishnaa-sti̍laa-shshve̠taa̠-stilaa-ssaumyaa va̍shaanu̠gaah । tilaah punantu̍ me paa̠pa̠m yatkinchi-ddurita-mma̍yi svaa̠haa । chora̠syaanna-nna̍vashraa̠ddha̠-mbra̠hma̠haa gu̍ruta̠lpagah । gosteyagm sa̍raapaa̠na̠-mbhroonahatyaa tilaa shaantigm shamaya̍ntu svaa̠haa । shreeshcha lakshmeeshcha pushteeshcha keerti̍-nchaa nri̠nyataam । brahmanya-mba̍hupu̠trataam । shraddhaamedhe prajnaatu jaataveda-ssandadaa̍tu svaa̠haa ॥ 64.3 (tai. ara. 6.64.1)
praanaapaana-vyaanodaana-samaanaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । vaam-mana-shchakshuh-shrotra-jihvaa-ghraana-reto-buddhyaakooti-ssankalpaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । tvak-charma-maagmsa-rudhira-medo-majjaa-snaayavo-'stheeni me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । shirah paani paada paarshva prishtho-roodara-jangha-shishrnopastha paayavo me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । uttishtha purusha harita-pingala lohitaakshi dehi dehi dadaapayitaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ ॥ 65.5 (tai. ara. 6.65.1)
prithivyaapa stejo vaayu-raakaashaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । shabda-sparsha-rooparasa-gandhaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । mano-vaak-kaaya-karmaani me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । avyaktabhaavai-ra̍hankaa̠ra̠-rjyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । aatmaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । antaraatmaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । paramaatmaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ । kshu̠dhe svaahaa̎ । kshutpi̍paasaaya̠ svaahaa̎ । vivi̍tyai̠ svaahaa̎ । rigvi̍dhaanaaya̠ svaahaa̎ । ka̠sho̎tkaaya̠ svaahaa̎ । kshu̠tpi̠paa̠saama̍la-njye̠shthaa̠ma̠la̠kshmee-rnaa̍shayaa̠myaham । abhoo̍ti̠-masa̍mriddhi̠ncha̠ sarvaam (sarvaa) nirnuda me paapmaa̍nagg svaa̠haa । annamaya-praanamaya-manomaya-vijnaanamaya-maanandamaya-maatmaa me̍ shuddhya̠ntaa̠-njyoti̍ ra̠ham vi̠rajaa̍ vipaa̠pmaa bhoo̍yaasa̠gg̠ svaahaa̎ ॥ 66.10 (tai. ara. 6.66.1)
vaishvadeva mantraah (4.43) a̠gnaye̠ svaahaa̎ । vishve̎bhyo de̠vebhya̠-ssvaahaa̎ । dhru̠vaaya̍ bhoo̠maaya̠ svaahaa̎ । dhru̠va̠kshita̍ye̠ svaahaa̎ । a̠chyu̠ta̠kshita̍ye̠ svaahaa̎ । a̠gnaye̎ svishta̠krite̠ svaahaa̎ । dharmaa̍ya̠ svaahaa̎ । adha̍rmaaya̠ svaahaa̎ । a̠dbhya-ssvaahaa̎ । o̠sha̠dhi̠va̠na̠spa̠tibhya̠-ssvaahaa̎ । 67.1 (tai. ara. 6.67.1)
ra̠ksho̠de̠va̠ja̠nebhya̠-ssvaahaa̎ । grihyaa̎bhya̠-ssvaahaa̎ । a̠va̠saane̎bhya̠-ssvaahaa̎ । a̠va̠saana̍patibhya̠-ssvaahaa̎ । sa̠rva̠bhoo̠tebhya̠-ssvaahaa̎ । aamaa̍ya̠ svaahaa̎ । a̠ntari̍kshaaya̠ svaahaa̎ । yadeja̍ti̠ jaga̍ti̠ yachcha̠ cheshta̍ti̠ naamno̍ bhaa̠go-'ya-nnaamne̠ svaahaa̎ । pri̠thi̠vyai svaahaa̎ । a̠ntari̍kshaaya̠ svaahaa̎ । 67.2 (tai. ara. 6.67.2)
di̠ve svaahaa̎ । sooryaa̍ya̠ svaahaa̎ । cha̠ndrama̍se̠ svaahaa̎ । naksha̍trebhya̠-ssvaahaa̎ । indraa̍ya̠ svaahaa̎ । briha̠spata̍ye̠ svaahaa̎ । pra̠jaapa̍taye̠ svaahaa̎ । brahma̍ne̠ svaahaa̎ । sva̠dhaa pi̠tribhya̠-ssvaahaa̎ । namo̍ ru̠draaya̍ pashu̠pata̍ye̠ svaahaa̎ । 67.3 (tai. ara. 6.67.3)
de̠vebhya̠-ssvaahaa̎ । pi̠tribhya̍-ssva̠dhaa-'stu̍ । bhoo̠tebhyo̠ nama̍h । ma̠nu̠shye̎bhyo̠ hantaa̎ । pra̠jaapa̍taye̠ svaahaa̎ । pa̠ra̠me̠shthine̠ svaahaa̎ । yathaa koo̍pa-shsha̠tadhaa̍ra-ssa̠hasra̍dhaaro̠ akshi̍tah । e̠vaa me̍ astu dhaa̠nyagm sa̠hasra̍dhaara̠-makshi̍tam । dhana̍dhaanyai̠ svaahaa̎ ॥ ye bhoo̠taah pra̠chara̍nti̠ divaa̠nakta̠-mbali̍-mi̠chchhanto̍ vi̠tuda̍sya̠ preshyaa̎h । tebhyo̍ ba̠li-mpu̍shti̠kaamo̍ haraami̠ mayi̠ pushti̠-mpushti̍pati-rdadhaatu̠ svaahaa̎ ॥ 67.4 (tai. ara. 6.67.4)
(o̠sha̠dhi̠va̠na̠spa̠tibhya̠-ssvaahaa̠ - 'ntari̍kshaaya̠ svaahaa̠ - namo̍ ru̠draaya̍ pashu̠pata̍ye̠ svaahaa̍ - vi̠tuda̍sya̠ preshyaa̠ eka̍-ncha)
o̎-nta-dbra̠hma । o̎-nta-dvaa̠yuh । o̎-ntadaa̠tmaa । o̎-nta-thsa̠tyam । o̎-nta-thsarva̎m । o̎-nta-tpuro̠-rnamah । antashcharati̍ bhoote̠shu̠ guhaayaam vi̍shva moo̠rtishu । tvam yajnastvam vashatkaarastva-midrastvagm rudrastvamvishnustva-mbrahmatva̍-mprajaa̠patih । tva-nta̍daapa̠ aapo̠ jyotee̠ raso̠-'mrita̠-mbrahma̠ bhoorbhuva̠ssuva̠rom ॥ 68.2 (tai. ara. 6.68.1)
4.44 praanaahuti mantraah shra̠ddhaayaa̎-mpraa̠ne nivi̍shto̠-'mrita̍-njuhomi । shra̠ddhaayaa̍mapaa̠ne nivi̍shto̠-'mrita̍-njuhomi । shra̠ddhaayaa̎m vyaa̠ne nivi̍shto̠-'mrita̍-njuhomi । shra̠ddhaayaa̍mudaa̠ne nivi̍shto̠-'mrita̍-njuhomi । shra̠ddhaayaagm̍ samaa̠ne nivi̍shto̠-'mrita̍-njuhomi । brahma̍ni ma aa̠tmaa-'mri̍ta̠tvaaya̍ ॥ a̠mri̠to̠pa̠stara̍namasi ॥ shra̠ddhaayaa̎-mpraa̠ne nivi̍shto̠-'mrita̍-njuhomi । shi̠vo maa̍ vi̠shaapra̍daahaaya । praa̠naaya̠ svaahaa̎ । shra̠ddhaayaa̍mapaa̠ne nivi̍shto̠-'mrita̍-njuhomi । shi̠vo maa̍ vi̠shaapra̍daahaaya । a̠paa̠naaya̠ svaahaa̎ । shra̠ddhaayaa̎m vyaa̠ne nivi̍shto̠-'mrita̍-njuhomi । shi̠vo maa̍ vi̠shaapra̍daahaaya । vyaa̠naaya̠ svaahaa̎ । shra̠ddhaayaa̍-mudaa̠ne nivi̍shto̠-'mrita̍-njuhomi । shi̠vo maa̍ vi̠shaapra̍daahaaya । u̠daa̠naaya̠ svaahaa̎ । shra̠ddhaayaagm̍ samaa̠ne nivi̍shto̠-'mrita̍-njuhomi । shi̠vo maa̍ vi̠shaapra̍daahaaya । sa̠maa̠naaya̠ svaahaa̎ । brahma̍ni ma aa̠tmaa-'mri̍ta̠tvaaya̍ ॥ a̠mri̠taa̠pi̠dhaa̠nama̍si ॥ 69.4 (tai. ara. 6.69.1)
bhuktaannaabhimantrana mantraah (4.45) shra̠ddhaayaa̎-mpraa̠ne nivi̍shyaa̠-'mritagm̍ hu̠tam । praa̠na manne̍naapyaayasva । shra̠ddhaayaa̍mapaa̠ne nivi̍shyaa̠-'mritagm̍ hu̠tam । a̠paa̠na manne̍naapyaayasva । shra̠ddhaayaa̎m vyaa̠ne nivi̍shyaa̠-'mritagm̍ hu̠tam । vyaa̠na manne̍naapyaayasva । shra̠ddhaayaa̍-mudaa̠ne nivi̍shyaa̠-'mritagm̍ hu̠tam । u̠daa̠na manne̍naapyaayasva । shra̠ddhaayaagm̍ samaa̠ne nivi̍shyaa̠-'mritagm̍ hu̠tam । sa̠maana̠ manne̍naapyaayasva ॥ 70.1 (tai. ara0.1)
bhojanaante aatmaanusandhaana mantraah (4.46) angushthamaatrah purusho-'ngushthancha̍ samaa̠shritah । eesha-ssarvasya jagatah prabhuh preenaati̍ vishva̠bhuk ॥ 71.1 (tai. ara. 6.71.1)
avayavasvasthataa praarthanaa mantrah (4.47) vaamma̍ aa̠sann । na̠soh praa̠nah । a̠kshyo-shchakshu̍h । karna̍yo̠-shshrotra̎m । baa̠hu̠vo-rbala̎m । oo̠ru̠vo roja̍h । ari̍shtaa̠ vishvaa̠nyangaa̍ni ta̠nooh । ta̠nuvaa̍ me sa̠ha nama̍ste astu̠ maa maa̍ higmseeh ॥ 72.1 (tai. ara. 6.72.1)
indra saptarshi samvaada mantrah (4.48) vaya̍-ssupa̠rnaa upa̍sedu̠rindra̍-mpri̠ya me̍dhaa̠ risha̍yo̠ naadha̍maanaah । apa̍ddhvaa̠nta moo̎rnu̠hi poo̠rdhi chakshu̍-rmumu̠gdhya̍smaa-nni̠dhaye̍ 'vaba̠ddhaan ॥ 73.1 (tai. ara. 6.73.1)
hridayaalambhana mantrah (4.49) praanaanaa-ngranthirasi rudro maa̍ vishaa̠ntakah । tenaannenaa̎-pyaaya̠sva ॥ 74.1 (tai. ara. 6.74.1)
devataa praananiroopana mantrah (4.50) namo rudraaya vishnave mrityu̍rme paa̠hi ॥ 75.1 (tai. ara. 6.75.1)
agni stuti mantrah (4.51) tvama̍gne̠ dyubhi̠-stvamaa̍shu-shu̠kshani̠-stvama̠dbhya-stvamashma̍na̠spari̍ । tvam vane̎bhya̠-stvamosha̍dheebhya̠-stva-nnri̠naa-nnri̍pate jaayase̠ shuchi̍h ॥ 76.1 (tai. ara. 6.76.1)
abheeshta yachana mantrah (4.52) shi̠vena̍ me̠ santi̍shthasva syo̠nena̍ me̠ santi̍shthasva subhoo̠tena̍ me̠ santi̍shthasva brahmavarcha̠sena̍ me̠ santi̍shthasva ya̠jnasyardhi̠ manu̠ santi̍shtha̠ svopa̍ te yajna̠ nama̠ upa̍ te̠ nama̠ upa̍ te̠ nama̍h ॥ 77.1 (tai. ara. 6.77.1)
para tattva niroopanam (4.53) sa̠tya-mpara̠-mparagm̍ sa̠tyagm sa̠tyena̠ na su̍va̠rgaa-llo̠kaachchya̍vante ka̠daacha̠na sa̠taagm hi sa̠tya-ntasmaa̎-thsa̠tye ra̍mante̠, tapa̠ iti̠ tapo̠ naanasha̍naa̠-tpara̠m yaddhi para̠-ntapa̠sta-ddudha̍rsha̠-nta-dduraa̍dharsha̠-ntasmaa̠-ttapa̍si ramante̠, dama̠ iti̠ niya̍ta-mbrahmachaa̠rina̠-stasmaa̠-ddame̍ ramante̠, shama̠ ityara̍nye mu̠naya̠-stasmaa̠chchhame̍ ramante, daa̠namiti̠ sarvaa̍ni bhoo̠taani̍ pra̠shagmsa̍nti daa̠naannaati̍ du̠shchara̠-ntasmaa̎-ddaa̠ne ra̍mante, dha̠rma iti̠ dharme̍na̠ sarva̍mi̠da-mpari̍griheeta-ndha̠rmaannaati̍-du̠shkara̠-ntasmaa̎--ddha̠rme ra̍mante, pra̠jana̠ iti̠ bhooyaagm̍̍sa̠-stasmaa̠-dbhooyi̍shthaa̠h prajaa̍yante̠ tasmaa̠-dbhooyi̍shthaah ̍ne ramante̠, -'gnaya̠ ityaa̍ha̠ tasmaa̍-da̠gnaya̠ aadhaa̍tavyaa agniho̠tra-mityaa̍ha̠ tasmaa̍-dagniho̠tre ra̍mante, ya̠jna iti̍ ya̠jno hi de̠vaa stasmaa̎-dya̠jne ra̍mante, maana̠sa-miti̍ vi̠dvaagmsa̠-stasmaa̎-dvi̠dvaagmsa̍ e̠va maa̍na̠se ra̍mante, nyaa̠sa iti̍ bra̠hmaa bra̠hmaa hi para̠h paro̍ hi bra̠hmaa taani̠ vaa e̠taanyava̍raani̠ paraagm̍si nyaa̠sa e̠vaatya̍rechaya̠-dya e̠vam vede̎tyupa̠nishat ॥ 78.11 (tai. ara. 6.78.1)
4.54 jnaana saadhana niroopanam praa̠jaa̠pa̠tyo haaru̍ni-ssupa̠rneya̍h pra̠jaapa̍ti-mpi̠tara̠-mupa̍sasaara̠ ki-mbha̍gava̠ntah pa̍ra̠mam va̍da̠nteeti̠ tasmai̠ pro̍vaacha, sa̠tyena̍ vaa̠yuraavaa̍ti sa̠tye-naa̍di̠tyo ro̍chate di̠vi sa̠tyam vaa̠chah pra̍ti̠shthaa sa̠tye sa̠rva-mprati̍shthita̠-ntasmaa̎-thsa̠tya-mpa̍ra̠mam vada̍nti̠, tapa̍saa de̠vaa de̠vataa̠-magra̍ aaya̠-ntapa̠sarsha̍ya̠-ssuva̠ranva̍-vinda̠-ntapa̍saa sa̠patnaa̠-npranu̍daa̠-maaraa̍tee̠ stapa̍si sa̠rva-mprati̍shthita̠-ntasmaa̠-ttapa̍h para̠mam vada̍nti̠, dame̍na daa̠ntaah ki̠lbisha̍-mavadhoo̠nvanti̠ dame̍na brahmachaa̠rina̠-ssuva̍ragachchha̠-ndamo̍ bhoo̠taanaa̎-nduraa̠dharsha̠-ndame̍ sa̠rva-mprati̍shthita̠-ntasmaa̠-ddama̍h para̠mam vada̍nti̠, shame̍na shaa̠ntaa-shshi̠va-maa̠chara̍nti̠ shame̍na naa̠ka-mmu̠nayo̠-'nvavi̍nda̠n chhamo̍ bhoo̠taanaa̎-nduraa̠dharsha̠-nchhame̍ sa̠rva-mprati̍shthita̠-ntasmaa̠chchhama̍h para̠mam vada̍nti, daa̠nam ya̠jnaanaa̠m varoo̍tha̠-ndakshi̍naa lo̠ke daa̠taaragm̍ sarva bhoo̠taanyu̍pajee̠vanti̍ daa̠nenaaraa̍tee̠-rapaa̍nudanta daa̠nena̍ dvisha̠nto mi̠traa bha̍vanti daa̠ne sa̠rva-mprati̍shthita̠-ntasmaa̎-ddaa̠na-mpa̍ra̠mam vada̍nti, dha̠rmo vishva̍sya̠ jaga̍tah prati̠shthaa lo̠ke dha̠rmishtha̍-mpra̠jaa u̍pasa̠rpanti̍ dha̠rmena̍ paa̠pa-ma̍pa̠nuda̍ti dha̠rme sa̠rva-mprati̍shthita̠-ntasmaa̎-ddha̠rma-mpa̍ra̠mam vada̍nti, pra̠jana̍na̠m vai pra̍ti̠shthaa lo̠ke saa̠dhu pra̠jaayaa̎ sta̠ntun-ta̍nvaa̠nah pi̍tri̠naa ma̍nri̠no bhava̍ti̠ tade̍va ta̠syaa anri̍na̠-ntasmaa̎-tpra̠jana̍na-mpara̠mam vada̍ntya̠, gnayo̠ vai trayee̍ vi̠dyaa de̍va̠yaana̠h panthaa̍ gaarhapa̠tya rik-pri̍thi̠vee ra̍thanta̠ra-ma̍nvaahaa-rya̠pacha̍na̠m yaju̍ra̠ntari̍ksham vaamade̠vya maa̍hava̠neeya̠-ssaama̍suva̠rgo lo̠ko bri̠hat-tasmaa̍-da̠gnee-npa̍ra̠mam vada̍ntya, gniho̠tragm saa̍ya-mpraa̠ta-rgri̠haanaa̠m-nishkri̍ti̠-ssvi̍shtagm suhu̠tam ya̍jnakratoo̠naa-mpraaya̍nagm suva̠rgasya̍ lo̠kasya̠ jyoti̠-stasmaa̍-dagniho̠tra-mpa̍ra̠mam vada̍nti, ya̠jna iti̍ ya̠jnena̠ hi de̠vaa diva̍-nga̠taa ya̠jnenaasu̍raa̠-napaa̍nudanta ya̠jnena̍ dvisha̠nto mi̠traa bha̍vanti ya̠jne sa̠rva-mprati̍shthita̠-ntasmaa̎-dya̠jna-mpa̍ra̠mam vada̍nti, maana̠sam vai praa̍jaapa̠tya-mpa̠vitra̍-mmaana̠sena̠ mana̍saa saa̠dhu pa̍shyati maana̠saa risha̍yah pra̠jaa a̍srijanta maana̠se sa̠rva-mprati̍shthita̠-ntasmaa̎-nmaana̠sa-mpa̍ra̠mam vada̍nti, nyaa̠sa i̠tyaahu̍-rmanee̠shino̎ bra̠hmaana̍-mbra̠hmaa vishva̍h kata̠ma-ssva̍ya̠bhunh pra̠jaapa̍ti-ssamvathsara̠ iti̍, samvathsa̠ro̍ 'saavaa̍di̠tyo ya e̠sha aa̍di̠tye puru̍sha̠-ssa pa̍rame̠shthee brahmaa̠tmaa,
yaabhi̍raadi̠tya-stapa̍ti ra̠shmibhi̠staabhi̍h pa̠rjanyo̍ varshati pa̠rjanye̍-naushadhi-vanaspa̠taya̠h prajaa̍yanta oshadhi-vanaspa̠tibhi̠-ranna̍-mbhava̠tyanne̍na praa̠naah praa̠nai-rbala̠-mbale̍na̠ tapa̠-stapa̍saa shra̠ddhaa shra̠ddhayaa̍ me̠dhaa me̠dhayaa̍ manee̠shaa ma̍nee̠shayaa̠ mano̠ mana̍saa̠ shaanti̠-shshaantyaa̍ chi̠tta-nchi̠ttena̠ smriti̠gg̠ smrityaa̠ smaara̠gg̠ smaare̍na vi̠jnaana̍m vi̠jnaane̍-naa̠tmaana̍m vedayati̠ tasmaa̍da̠nna-ndada̠n-thsarvaa̎nye̠taani̍ dadaa̠-tyannaa̎-tpraa̠naa bha̍vanti, bhoo̠taanaa̎-mpraa̠nai-rmano̠ mana̍sashcha vi̠jnaana̍m vi̠jnaanaa̍-daana̠ndo bra̍hma yo̠ni-ssa vaa e̠sha puru̍shah pancha̠dhaa pa̍nchaa̠tmaa yena̠ sarva̍mi̠da-mprota̍-mprithi̠vee chaa̠ntari̍ksha-ncha̠ dyaushcha̠ disha̍shchaavaantaradi̠shaashcha̠ sa vai sarva̍mi̠da-njaga̠thsa sa̠bhootagm̍ sa bha̠vya-nji̍jnaasa klri̠pta ri̍ta̠jaa rayi̍shthaa, shra̠ddhaa sa̠tyo maha̍svaa-nta̠paso̠ pari̍shthaa̠d (vari̍shthaa̠d) jnaatvaa̍ tame̠va-mmana̍saa hri̠daa cha̠ bhooyo̍ na mri̠tyu-mupa̍yaahi vi̠dvaa-ntasmaa̎-nnyaa̠sa-me̠shaa-ntapa̍saa-matirikta̠maahu̍-rvasura̠nvo̍ vi̠bhoora̍si praa̠ne tvamasi̍ sandhaa̠taa brahma̍-ntvamasi̍ vishva̠dhritte̍-jo̠daas tvama̍sya̠gni-ra̍si varcho̠daa-stvama̍si̠ soorya̍sya dyumno̠daa stvama̍si cha̠ndrama̍sa upayaa̠magri̍heeto-'si bra̠hmane̎ tvaa̠ mahasa̠, omityaa̠tmaana̍m yunjeetai̠tadvai ma̍hopa̠nisha̍da-nde̠vaanaa̠-nguhya̠m ya e̠vam veda̍ bra̠hmano̍ mahi̠maana̍-maapnoti̠ tasmaa̎-dbra̠hmano̍ mahi̠maana̍-mityupa̠nishat ॥ 79.20 (tai. ara. 6.79.1)
jnaanayajnah (4.55) tasyai̠vam vi̠dusho̍ ya̠jnasyaa̠tmaa yaja̍maanah-shra̠dhdaapatnee̠ sharee̍ra-mi̠ddhmamuro̠ vedi̠-rlomaa̍ni ba̠ra̠.hi-rve̠dah-shikhaa̠ hrida̍ya̠m yoopa̠h kaama̠ aajya̍-mma̠nyuh pa̠shu-stapo̠-'gni-rdama̍-shshamayi̠taa dakshi̍naa̠-vaaghotaa̎ praa̠na u̍dga̠taa chakshu̍radhva̠ryu-rmano̠ brahmaa̠ shrotra̍ma̠gnee-dhyaava̠dhdriya̍te̠ saa dee̠kshaa yadashrnaa̍ti̠ tadhdavi̠-ryatpiba̍ti̠ tada̍sya somapaa̠nam yadrama̍te̠ tadu̍pa̠sado̠ ya-thsa̠nchara̍-tyupa̠visha̍-tyu̠ttishtha̍te cha̠ sapra̍va̠rgyo̍ yanmukha̠-ntadaa̍hava̠neeyo̠ yaa vyaahri̍ti-raahu̠ti-ryada̍sya vi̠jnaana̠-ntajju̠hoti̠ yathsaa̠ya-mpraa̠tara̍tti̠ tathsa̠midha̠m yatpraa̠ta-rma̠ddhyandi̍nagm saa̠ya-ncha̠ taani̠ sava̍naani̠ ye a̍horaa̠tre te da̍rshapoornamaa̠sau ye̎-'rdhamaa̠saashcha̠ maasaa̎shcha̠ te chaa̍turmaa̠syaani̠ ya ri̠tava̠ste pa̍shuba̠ndhaa ye sa̍mvathsa̠raashcha̍ parivathsa̠raashcha̠ te-'ha̍rga̠naa-ssa̍rva veda̠sam vaa e̠ta-thsa̠tram yanmara̍na̠-ntada̍va̠bhritha̍ e̠tadvai ja̍raamarya-magniho̠tragm sa̠tram ya e̠vam vi̠dvaa-nu̍da̠gaya̍ne pra̠meeya̍te de̠vaanaa̍me̠va ma̍hi̠maana̍-nga̠tvaa-''di̠tyasya̠ saayu̍jya-ngachchha̠tyatha̠ yo da̍kshi̠ne pra̠meeya̍te pitri̠naa-me̠va ma̍hi̠maana̍-nga̠tvaa cha̠ndrama̍sa̠-ssaayu̍jyagm salo̠kataa̍-maapnotye̠tau vai soo̎ryaa chandra̠masau̎-rmahi̠maanau̎ braahma̠no vi̠dvaa-na̠bhija̍yati̠ tasmaa̎-dbra̠hmano̍ mahi̠maana̍maapnoti̠ tasmaa̎-dbra̠hmano̍ mahi̠maana̍-mityupa̠nishat ॥ 80.1 (tai. ara. 6.80.1)
sa̠ha naa̍ vavatu । sa̠ha nau̍ bhunaktu । sa̠ha vee̠rya̍-nkaravaavahai । te̠ja̠svinaa̠ vadhee̍tamastu̠ maa vi̍dvishaa̠vahai̎ ॥ ॥ om shaanti̠-shshaanti̠-shshaanti̍h ॥ hari̠h om । iti mahaanaaraayanopanisha-thsamaaptaa
(ambha̠syaika̍panchaa̠shachchha̠tam - jaa̠tave̍dase̠ chatu̍rdasha̠ - bhooranna̠m - bhoora̠gnaye̠ - bhoora̠gnaye̠ chaika̍mekam - paahi - paa̠hi cha̠tvaari̍ chatvaari̠ - ya-shchhanda̍saa̠-ndve - namo̠ brahma̍ne - ri̠ta-ntapo̠ - yathaa̍ vri̠kshasyaika̍ meka - ma̠noranee̍yaa̠g̠ shchatu̍strigmshath - sahasra̠shee̍sha̠gm̠ shatvi̍gmshati - raadi̠tyo vaa e̠sha - aa̍di̠tyo vai teja̠ eka̍meka̠m - nidha̍napataye̠ trayo̍vigmshatih - sa̠dyojaa̠ta-ntreeni̍ - vaamade̠vaayaika̍ - ma̠ghore̎bhya̠ - statpuru̍shaaya̠ dve dve̠ - eeshaano - namo hiranyabaahava̠ eka̍meka - mri̠tagm sa̠tya-ndve - sarvo̠ vai cha̠tvaari̠ - kadru̠draaya̠ treeni̠ - yasya̠ vai kanka̍tee - krinu̠shva paajo - 'di̍ti̠ - raapo̠ vaa i̠dagm sarva̠ meka̍meka̠ - maapa̍h punantu cha̠tvaa - ryagnishcha - sooryashcha nava̍ - na̠vomiti̍ cha̠tvaa - ryaayaa̍tu̠ pachau - jo̍-'si̠ dasho̠ - ttame̍ cha̠tvaari̠ - ghrini̠streeni̠ - brahma̍metu̠ maam yaaste̎ brahmaha̠tyaa-ndvaada̍sha̠ - brahma̍ me̠dhayaa̠-'dyaa na̍ i̠ma-mbhroo̍shaha̠tyaam - brahma̍ me̠dhavaa̎ bra̠hmaa de̠vaanaa̍mi̠dam vee̍raha̠tyaamekaa̠nna vi̍gmshati̠ rekaa̠nnavi̍gmshati--r me̠dhaa de̠vee - me̠dhaa-mma̠ indra̍shcha̠tvaari̍ chatvaa̠ryaa - maa̎-mme̠dhaa dve - mayi̍ me̠dhaa meka̠- mapai̍tu̠ - para̠m - mvaata̍-mpraa̠na - ma̍mutra̠bhooyaa̠-d- ddhari̠gm̠ - shalkai̍ra̠gnim - maa chhi̍do mrityo̠ - maa no̍ ma̠haanta̠m - maana̍sto̠ke - prajaa̍pate - svasti̠daa - trya̍mbaka̠m - mye te̍ sa̠hasra̠-ndve dve - mri̠tyave̠ svaahaika̍m - de̠vakri̍ta̠syaikaa̍dasha̠ - yadvo̍ devaa̠h - kaamo-'kaarshee̠n - manyurakaarshee̠-ddve dve̠ - tilaanjuhomi gaava-shshriya-mpra̍jaah pancha̠ - tilaah krinshaashchora̍sya̠ shreeh prajnaatu jaatave̍da-ssa̠pta - praana vaa-ktvak chhira uttishtha purusha̍ pancha̠ - prithivee shabda mano vaag vyaktaa-''tmaa-'ntaraatmaa paramaatmaa me̎ kshu̠dhe-'nnamaya̠ pancha̍dashaa̠ - gnaye̠ svaahaika̍chatvaari̠gm̠sha - rdo̎ ntadbra̠hma nava̍ - shra̠ddhaayaa̎-mpraa̠ne nivishta̠ shchatu̍rvigmshatih - shra̠ddhaayaa̠-ndashaa - ngushtha maatrah purusho dve - vaamma̍ aa̠sanna̠shtau - vaya̍-ssupa̠rshaah - praanaanaa-ngranthirasi dve dve - namo rudraayaika̠m - tvama̍gne̠ dyubhir̠ dve - shi̠vena̍ me̠ santi̍shthasva - sa̠tyam - praa̍jaapa̠tya - stasyai̠va meka̍ meka̠ mashatih)
ಮಹಾನಾರಾಯಣ ಉಪನಿಷದ್ ಬಗ್ಗೆ
ಮಹಾನಾರಾಯಣೋಪನಿಷತ್ತು ಕೃಷ್ಣಯಜುರ್ವೇದದ ತೈತ್ತಿರೀಯ ಆರಣ್ಯಕದ ಭಾಗವಾದ ದೀರ್ಘ ವೇದಪಠ್ಯ. "ಸಹ ನಾವವತು" ಶಾಂತಿಮಂತ್ರದಿಂದ ಆರಂಭವಾಗಿ ದಿನನಿತ್ಯದ ಪೂಜೆಯಲ್ಲಿ ಹೆಚ್ಚು ಬಳಸುವ ಅನೇಕ ಮಂತ್ರಗಳನ್ನು ಒಟ್ಟುಗೂಡಿಸುತ್ತದೆ: ಜಲ ಮತ್ತು ಪರಮಾತ್ಮ ನಾರಾಯಣನ ಸೂಕ್ತಗಳು, ನಾರಾಯಣಸೂಕ್ತ ("ಸಹಸ್ರಶೀರ್ಷಂ ದೇವಂ"), ಅನೇಕ ದೇವತೆಗಳ ಗಾಯತ್ರಿಗಳು, "ಋತಂ ಸತ್ಯಂ ಪರಂ ಬ್ರಹ್ಮ" ಮಂತ್ರಗಳು, ಶುದ್ಧಿ ಪ್ರಾರ್ಥನೆಗಳು, ಸಂನ್ಯಾಸ ಮಂತ್ರಗಳು, ಮೇಧಾಸೂಕ್ತ; ಆಹುತಿಗಳು ಮತ್ತು ಶಾಂತಿಮಂತ್ರದಿಂದ ಮುಗಿಯುತ್ತದೆ.
ಮೂಲ: ಕೃಷ್ಣಯಜುರ್ವೇದ, ತೈತ್ತಿರೀಯ ಆರಣ್ಯಕ (ಮಹಾನಾರಾಯಣೋಪನಿಷತ್)
ಯಾವಾಗ ಪಠಿಸಬೇಕು: ವೇದಪಠಣ, ದಿನನಿತ್ಯದ ಸಂಧ್ಯಾ ಪೂಜೆಗಳಲ್ಲಿ, ಮತ್ತು ದೇವಾಲಯ ಆರಾಧನೆಯಲ್ಲಿ.
ನಿಮಗೆ ಗೊತ್ತೇ?
- ನಾರಾಯಣಸೂಕ್ತ, ದುರ್ಗಾಸೂಕ್ತ ಮತ್ತು ಅನೇಕ ದೇವತಾಗಾಯತ್ರಿಗಳು ಈ ಉಪನಿಷತ್ತಿನಿಂದ ಬಂದವು.
- ಇದನ್ನು ಯಾಜ್ಞಿಕೀ ಉಪನಿಷತ್ತು ಎಂದೂ ಕರೆಯುತ್ತಾರೆ; ಉಪನಿಷತ್ತುಗಳಲ್ಲಿ ಅತಿ ದೀರ್ಘವಾದವುಗಳಲ್ಲಿ ಒಂದು.
ಪದೇ ಪದೇ ಕೇಳುವ ಪ್ರಶ್ನೆಗಳು
ಮಹಾನಾರಾಯಣೋಪನಿಷತ್ತು ಎಲ್ಲಿಂದ?
ಕೃಷ್ಣಯಜುರ್ವೇದದ ತೈತ್ತಿರೀಯ ಆರಣ್ಯಕದಿಂದ.
ಇದರಲ್ಲಿ ಯಾವ ಪ್ರಸಿದ್ಧ ಸೂಕ್ತಗಳಿವೆ?
ನಾರಾಯಣಸೂಕ್ತ, ದುರ್ಗಾಸೂಕ್ತ, ಅನೇಕ ಗಾಯತ್ರಿಗಳು.
ಇದನ್ನು ಯಾವಾಗ ಪಠಿಸುತ್ತಾರೆ?
ವೇದಪಠಣ ಮತ್ತು ದಿನನಿತ್ಯದ ಪೂಜೆಯಲ್ಲಿ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.