MuhurtaNow

ಶ್ರೀ ನರಸಿಂಹ ಕವಚಂ

Kavacha Stotras · ಸಾಂಪ್ರದಾಯಿಕ ಭಕ್ತಿ ಪಠ್ಯ

നൃസിംഹകവചം വക്ഷ്യേ പ്രഹ്ലാദേനോദിതം പുരാ । സർവരക്ഷാകരം പുണ്യം സർവോപദ്രവനാശനമ് ॥ 1 ॥

സർവസംപത്കരം ചൈവ സ്വര്ഗമോക്ഷപ്രദായകമ് । ധ്യാത്വാ നൃസിംഹം ദേവേശം ഹേമസിംഹാസനസ്ഥിതമ് ॥ 2 ॥

വിവൃതാസ്യം ത്രിനയനം ശരദിംദുസമപ്രഭമ് । ലക്ഷ്മ്യാലിംഗിതവാമാംഗം വിഭൂതിഭിരുപാശ്രിതമ് ॥ 3 ॥

ചതുര്ഭുജം കോമലാംഗം സ്വര്ണകുംഡലശോഭിതമ് । സരോജശോഭിതോരസ്കം രത്നകേയൂരമുദ്രിതമ് ॥ 4 ॥ [രത്നകേയൂരശോഭിതമ്]

തപ്തകാംചനസംകാശം പീതനിര്മലവാസനമ് । ഇംദ്രാദിസുരമൌളിസ്ഥസ്ഫുരന്മാണിക്യദീപ്തിഭിഃ ॥ 5 ॥

വിരാജിതപദദ്വംദ്വം ശംഖചക്രാദിഹേതിഭിഃ । ഗരുത്മതാ സവിനയം സ്തൂയമാനം മുദാന്വിതമ് ॥ 6 ॥

സ്വഹൃത്കമലസംവാസം കൃത്വാ തു കവചം പഠേത് । നൃസിംഹോ മേ ശിരഃ പാതു ലോകരക്ഷാത്മസംഭവഃ ॥ 7 ॥

സർവഗോഽപി സ്തംഭവാസഃ ഫാലം മേ രക്ഷതു ധ്വനിമ് । നൃസിംഹോ മേ ദൃശൌ പാതു സോമസൂര്യാഗ്നിലോചനഃ ॥ 8 ॥

സ്മൃതിം മേ പാതു നൃഹരിര്മുനിവര്യസ്തുതിപ്രിയഃ । നാസാം മേ സിംഹനാസസ്തു മുഖം ലക്ഷ്മീമുഖപ്രിയഃ ॥ 9 ॥

സർവവിദ്യാധിപഃ പാതു നൃസിംഹോ രസനാം മമ । വക്ത്രം പാത്വിംദുവദനഃ സദാ പ്രഹ്ലാദവംദിതഃ ॥ 10 ॥

നൃസിംഹഃ പാതു മേ കംഠം സ്കംധൌ ഭൂഭരണാംതകൃത് । ദിവ്യാസ്ത്രശോഭിതഭുജോ നൃസിംഹഃ പാതു മേ ഭുജൌ ॥ 11 ॥

കരൌ മേ ദേവവരദോ നൃസിംഹഃ പാതു സർവതഃ । ഹൃദയം യോഗിസാധ്യശ്ച നിവാസം പാതു മേ ഹരിഃ ॥ 12 ॥

മധ്യം പാതു ഹിരണ്യാക്ഷവക്ഷഃകുക്ഷിവിദാരണഃ । നാഭിം മേ പാതു നൃഹരിഃ സ്വനാഭി ബ്രഹ്മസംസ്തുതഃ ॥ 13 ॥

ബ്രഹ്മാംഡകോടയഃ കട്യാം യസ്യാസൌ പാതു മേ കടിമ് । ഗുഹ്യം മേ പാതു ഗുഹ്യാനാം മംത്രാണാം ഗുഹ്യരൂപധൃക് ॥ 14 ॥

ഊരൂ മനോഭവഃ പാതു ജാനുനീ നരരൂപധൃക് । ജംഘേ പാതു ധരാഭാരഹര്താ യോഽസൌ നൃകേസരീ ॥ 15 ॥

സുരരാജ്യപ്രദഃ പാതു പാദൌ മേ നൃഹരീശ്വരഃ । സഹസ്രശീര്ഷാ പുരുഷഃ പാതു മേ സർവശസ്തനുമ് ॥ 16 ॥

മഹോഗ്രഃ പൂർവതഃ പാതു മഹാവീരാഗ്രജോഽഗ്നിതഃ । മഹാവിഷ്ണുര്ദക്ഷിണേ തു മഹാജ്വാലസ്തു നൈരൃതൌ ॥ 17 ॥

പശ്ചിമേ പാതു സർവേശോ ദിശി മേ സർവതോമുഖഃ । നൃസിംഹഃ പാതു വായവ്യാം സൌമ്യാം ഭൂഷണവിഗ്രഹഃ ॥ 18 ॥

ഈശാന്യാം പാതു ഭദ്രോ മേ സർവമംഗളദായകഃ । സംസാരഭയദഃ പാതു മൃത്യോര്മൃത്യുര്നൃകേസരീ ॥ 19 ॥

ഇദം നൃസിംഹകവചം പ്രഹ്ലാദമുഖമംഡിതമ് । ഭക്തിമാന്യഃ പഠേന്നിത്യം സർവപാപൈഃ പ്രമുച്യതേ ॥ 20 ॥

പുത്രവാന് ധനവാന് ലോകേ ദീര്ഘായുരുപജായതേ । യം യം കാമയതേ കാമം തം തം പ്രാപ്നോത്യസംശയമ് ॥ 21 ॥

സർവത്ര ജയമാപ്നോതി സർവത്ര വിജയീ ഭവേത് । ഭൂമ്യംതരിക്ഷദിവ്യാനാം ഗ്രഹാണാം വിനിവാരണമ് ॥ 22 ॥

വൃശ്ചികോരഗസംഭൂതവിഷാപഹരണം പരമ് । ബ്രഹ്മരാക്ഷസയക്ഷാണാം ദൂരോത്സാരണകാരണമ് ॥ 23 ॥

ഭൂര്ജേ വാ താളപത്രേ വാ കവചം ലിഖിതം ശുഭമ് । കരമൂലേ ധൃതം യേന സിധ്യേയുഃ കര്മസിദ്ധയഃ ॥ 24 ॥

ദേവാസുരമനുഷ്യേഷു സ്വം സ്വമേവ ജയം ലഭേത് । ഏകസംധ്യം ത്രിസംധ്യം വാ യഃ പഠേന്നിയതോ നരഃ ॥ 25 ॥

സർവമംഗളമാംഗള്യം ഭുക്തിം മുക്തിം ച വിംദതി । ദ്വാത്രിംശതിസഹസ്രാണി പഠേച്ഛുദ്ധാത്മനാം നൃണാമ് ॥ 26 ॥

കവചസ്യാസ്യ മംത്രസ്യ മംത്രസിദ്ധിഃ പ്രജായതേ । അനേന മംത്രരാജേന കൃത്വാ ഭസ്മാഭിമംത്രണമ് ॥ 27 ॥

തിലകം വിന്യസേദ്യസ്തു തസ്യ ഗ്രഹഭയം ഹരേത് । ത്രിവാരം ജപമാനസ്തു ദത്തം വാര്യഭിമംത്ര്യ ച ॥ 28 ॥

പ്രാശയേദ്യോ നരോ മംത്രം നൃസിംഹധ്യാനമാചരേത് । തസ്യ രോഗാഃ പ്രണശ്യംതി യേ ച സ്യുഃ കുക്ഷിസംഭവാഃ ॥ 29 ॥

കിമത്ര ബഹുനോക്തേന നൃസിംഹസദൃശോ ഭവേത് । മനസാ ചിംതിതം യത്തു സ തച്ചാപ്നോത്യസംശയമ് ॥ 30 ॥

ഗര്ജംതം ഗര്ജയംതം നിജഭുജപടലം സ്ഫോടയംതം ഹഠംതം രൂപ്യംതം താപയംതം ദിവി ഭുവി ദിതിജം ക്ഷേപയംതം ക്ഷിപംതമ് । ക്രംദംതം രോഷയംതം ദിശി ദിശി സതതം സംഹരംതം ഭരംതം വീക്ഷംതം ഘൂര്ണയംതം ശരനികരശതൈര്ദിവ്യസിംഹം നമാമി ॥

ഇതി ശ്രീബ്രഹ്മാംഡപുരാണേ പ്രഹ്ലാദോക്തം ശ്രീ നൃസിംഹ കവചമ് ।

ಶ್ರೀ ನರಸಿಂಹ ಕವಚಂ ಬಗ್ಗೆ

ನರಸಿಂಹ ಕವಚ ಹಿಂದೆ ಪ್ರಹ್ಲಾದ ಹೇಳಿದ, ನರಸಿಂಹನಿಗೆ ರಕ್ಷಾಕವಚ ಪ್ರಾರ್ಥನೆ. ಸ್ವರ್ಣಸಿಂಹಾಸನದಲ್ಲಿ ಕುಳಿತ ನರಸಿಂಹನ ಧ್ಯಾನದ ನಂತರ, ತಲೆಯಿಂದ ಪಾದದವರೆಗೆ ದೇಹದ ಪ್ರತಿ ಭಾಗದ ಮೇಲೂ ಅವನ ರೂಪ ಮತ್ತು ನಾಮಗಳನ್ನು ಇರಿಸಿ, ಎಲ್ಲ ದಿಕ್ಕುಗಳಲ್ಲೂ ಎಲ್ಲ ಅಪಾಯಗಳಲ್ಲೂ ಭಕ್ತನನ್ನು ಕಾಪಾಡು ಎಂದು ಕೇಳುತ್ತದೆ.

ರಚನೆಕಾರರು: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಪ್ರಹ್ಲಾದ

ಮೂಲ: ಬ್ರಹ್ಮಾಂಡಪುರಾಣ

ಯಾವಾಗ ಪಠಿಸಬೇಕು: ನರಸಿಂಹ ಜಯಂತಿ, ಶನಿವಾರ ಮತ್ತು ಚತುರ್ದಶಿಯಂದು, ಮತ್ತು ಪ್ರಯಾಣದ ಮುನ್ನ ಅಥವಾ ಭಯದ ಸಮಯದಲ್ಲಿ.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು ಪ್ರಹ್ಲಾದೋಕ್ತ, ಬ್ರಹ್ಮಾಂಡಪುರಾಣದ ಕವಚವೆನ್ನುತ್ತದೆ.
  • ತಂದೆ ಹಿರಣ್ಯಕಶಿಪುವಿನಿಂದ ನರಸಿಂಹ ಕಾಪಾಡಿದ ಪ್ರಹ್ಲಾದ ನಿರ್ಭಯ ಭಕ್ತಿಯ ಆದರ್ಶ.

ಪದೇ ಪದೇ ಕೇಳುವ ಪ್ರಶ್ನೆಗಳು

ನರಸಿಂಹ ಕವಚವನ್ನು ಹೇಳಿದವರು ಯಾರು?

ವಿಷ್ಣುವಿನ ಮಹಾ ಬಾಲಭಕ್ತ ಪ್ರಹ್ಲಾದ.

ಇದು ಎಲ್ಲಿಂದ ಬಂದಿದೆ?

ಕೊನೆಯ ಸಾಲು ಹೇಳುವಂತೆ ಬ್ರಹ್ಮಾಂಡಪುರಾಣ.

ಇದನ್ನು ಯಾವಾಗ ಪಠಿಸುತ್ತಾರೆ?

ನರಸಿಂಹ ಜಯಂತಿ, ಶನಿವಾರ ಮತ್ತು ಭಯದ ಸಮಯದಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.