ಪಿತೃ ಸೂಕ್ತಂ
Vedic · ಸಾಂಪ್ರದಾಯಿಕ ಭಕ್ತಿ ಪಠ್ಯ
(ऋ.1.10.15.1)
उदी॑रता॒मव॑र॒ उत्परा॑स॒ उन्म॑ध्य॒माः पि॒तरः॑ सो॒म्यासः॑ । असुं॒-यँ ई॒युर॑वृ॒का ऋ॑त॒ज्ञास्ते नो॑ऽवंतु पि॒तरो॒ हवे॑षु ॥ 01
इ॒दं पि॒तृभ्यो॒ नमो॑ अस्त्व॒द्य ये पूर्वा॑सो॒ य उप॑रास ई॒युः । ये पार्थि॑वे॒ रज॒स्या निष॑त्ता॒ ये वा॑ नू॒नं सु॑वृ॒जना॑सु वि॒क्षु ॥ 02
आहं पि॒तॄन्सु॑वि॒दत्रां॑ अवित्सि॒ नपा॑तं च वि॒क्रम॑णं च॒ विष्णोः॑ । ब॒र्हि॒षदो॒ ये स्व॒धया॑ सु॒तस्य॒ भजं॑त पि॒त्वस्त इ॒हाग॑मिष्ठाः ॥ 03
बर्हि॑षदः पितर ऊ॒त्य(1॒॑ )र्वागि॒मा वो॑ ह॒व्या च॑कृमा जु॒षध्व॑म् । त आ ग॒ताव॑सा॒ शंत॑मे॒नाथा॑ नः॒ शं-योँर॑र॒पो द॑धात ॥ 04
उप॑हूताः पि॒तरः॑ सो॒म्यासो॑ बर्हि॒ष्ये॑षु नि॒धिषु॑ प्रि॒येषु॑ । त आ ग॑मंतु॒ त इ॒ह श्रु॑वं॒त्वधि॑ ब्रुवंतु॒ ते॑ऽवंत्व॒स्मान् ॥ 05
आच्या॒ जानु॑ दक्षिण॒तो नि॒षद्ये॒मं-यँ॒ज्ञम॒भि गृ॑णीत॒ विश्वे॑ । मा हिं॑सिष्ट पितरः॒ केन॑ चिन्नो॒ यद्व॒ आगः॑ पुरु॒षता॒ करा॑म ॥ 06
आसी॑नासो अरु॒णीना॑मु॒पस्थे॑ र॒यिं ध॑त्त दा॒शुषे॒ मर्त्या॑य । पु॒त्रेभ्यः॑ पितर॒स्तस्य॒ वस्वः॒ प्र य॑च्छत॒ त इ॒होर्जं॑ दधात ॥ 07
ये नः॒ पूर्वे॑ पि॒तरः॑ सो॒म्यासो॑ऽनूहि॒रे सो॑मपी॒थं-वँसि॑ष्ठाः । तेभि॑र्य॒मः सं॑ररा॒णो ह॒वींष्यु॒शन्नु॒शद्भिः॑ प्रतिका॒मम॑त्तु ॥ 08
ये ता॑तृ॒षुर्दे॑व॒त्रा जेह॑माना होत्रा॒विदः॒ स्तोम॑तष्टासो अ॒र्कैः । आग्ने॑ याहि सुवि॒दत्रे॑भिर॒र्वाङ् स॒त्यैः क॒व्यैः पि॒तृभि॑र्घर्म॒सद्भिः॑ ॥ 09
ये स॒त्यासो॑ हवि॒रदो॑ हवि॒ष्पा इंद्रे॑ण दे॒वैः स॒रथं॒ दधा॑नाः । आग्ने॑ याहि स॒हस्रं॑ देववं॒दैः परैः॒ पूर्वैः॑ पि॒तृभि॑र्घर्म॒सद्भिः॑ ॥ 10
अग्नि॑ष्वात्ताः पितर॒ एह ग॑च्छत॒ सदः॑सदः सदत सुप्रणीतयः । अ॒त्ता ह॒वींषि॒ प्रय॑तानि ब॒र्हिष्यथा॑ र॒यिं सर्व॑वीरं दधातन ॥ 11
त्वम॑ग्न ईलि॒तो जा॑तवे॒दोऽवा॑ड्ढ॒व्यानि॑ सुर॒भीणि॑ कृ॒त्वी । प्रादाः॑ पि॒तृभ्यः॑ स्व॒धया॒ ते अ॑क्षन्न॒द्धि त्वं दे॑व॒ प्रय॑ता ह॒वींषि॑ ॥ 12
ये चे॒ह पि॒तरो॒ ये च॒ नेह यांश्च॑ वि॒द्म याँ उ॑ च॒ न प्र॑वि॒द्म । त्वं-वेँ॑त्थ॒ यति॒ ते जा॑तवेदः स्व॒धाभि॑र्य॒ज्ञं सुकृ॑तं जुषस्व ॥ 13
ये अ॑ग्निद॒ग्धा ये अन॑ग्निदग्धा॒ मध्ये॑ दि॒वः स्व॒धया॑ मा॒दयं॑ते । तेभिः॑ स्व॒रालसु॑नीतिमे॒तां-यँ॑थाव॒शं त॒न्वं॑ कल्पयस्व ॥ 14
ॐ शांतिः॒ शांतिः॒ शांतिः॑ ।
ಪಿತೃ ಸೂಕ್ತಂ ಬಗ್ಗೆ
ಪಿತೃಸೂಕ್ತ ಋಗ್ವೇದ (೧೦.೧೫)ದ ಪಿತೃಗಳ ವೇದಸೂಕ್ತ. ಆರಂಭ: "ಅವರ, ಪರ, ಮಧ್ಯಮ ಪಿತೃಗಳು, ಸೋಮ್ಯರು, ಪರಲೋಕ ಸೇರಿದವರು, ಅಹಿಂಸಕರು, ಋತಜ್ಞರು ಏಳಲಿ; ನಮ್ಮ ಕರೆಗಳಲ್ಲಿ ನಮ್ಮನ್ನು ಕಾಪಾಡಲಿ." ಪಿತೃಗಳನ್ನು ದೇವಮಾರ್ಗಗಳಿಂದ ಬಂದು ಬರ್ಹಿಸ್ಸಿನಲ್ಲಿ ಕುಳಿತು ಹವಿಸ್ಸು ಸ್ವೀಕರಿಸಲು ಆಮಂತ್ರಿಸಿ, ಮಾನವ ದೌರ್ಬಲ್ಯದಿಂದ ಅವರಿಗೆ ಆದ ಯಾವುದೇ ಅಪರಾಧಕ್ಕೆ ಕ್ಷಮೆ ಕೇಳುತ್ತದೆ.
ಮೂಲ: ಋಗ್ವೇದ ೧೦.೧೫
ಯಾವಾಗ ಪಠಿಸಬೇಕು: ಶ್ರಾದ್ಧ ತರ್ಪಣಗಳಲ್ಲಿ, ಪಿತೃಪಕ್ಷ (ಮಹಾಲಯ)ದಲ್ಲಿ, ಮತ್ತು ಅಮಾವಾಸ್ಯೆಯಂದು.
ನಿಮಗೆ ಗೊತ್ತೇ?
- ಸೂಕ್ತ ಅವರ, ಮಧ್ಯಮ, ಪರ ಎಂಬ ಮೂರು ಗುಂಪಿನ ಪಿತೃಗಳನ್ನು ಹೇಳುತ್ತದೆ; ಶ್ರಾದ್ಧದಲ್ಲಿ ಅವರನ್ನು ಒಟ್ಟಿಗೆ ಗೌರವಿಸಲಾಗುತ್ತದೆ.
- ನವರಾತ್ರಿಗೆ ಮುಂಚಿನ ಹದಿನೈದು ದಿನಗಳ ಪಿತೃಪಕ್ಷ ಪಿತೃಗಳನ್ನು ಗೌರವಿಸುವ ವರ್ಷದ ಮುಖ್ಯ ಕಾಲ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಪಿತೃಸೂಕ್ತ ಎಲ್ಲಿಂದ?
ಋಗ್ವೇದ, ಮಂಡಲ ೧೦, ಸೂಕ್ತ ೧೫.
ಇದು ಯಾರನ್ನು ಗೌರವಿಸುತ್ತದೆ?
ಪಿತೃಗಳನ್ನು.
ಇದನ್ನು ಯಾವಾಗ ಪಠಿಸುತ್ತಾರೆ?
ಶ್ರಾದ್ಧ, ಪಿತೃಪಕ್ಷ ಮತ್ತು ಅಮಾವಾಸ್ಯೆಯಂದು.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.