MuhurtaNow

ಪ್ರಶ್ನೋಪನಿಷದ್ - ಪ್ರಥಮಃ ಪ್ರಶ್ನಃ

Vedic · ಸಾಂಪ್ರದಾಯಿಕ ಭಕ್ತಿ ಪಠ್ಯ

ಪ್ರಥಮಃ ಪ್ರಶ್ನಃ

ಓಂ ನಮಃ ಪರಮಾತ್ಮನೇ । ಹರಿಃ ಓಮ್ ॥

ಸುಕೇಶಾ ಚ ಭಾರದ್ವಾಜಃ ಶೈಬ್ಯಶ್ಚ ಸತ್ಯಕಾಮಃ ಸೌರ್ಯಾಯಣೀ ಚ ಗಾರ್ಗ್ಯಃ ಕೌಸಲ್ಯಶ್ಚಾಶ್ವಲಾಯನೋ ಭಾರ್ಗವೋ ವೈದರ್ಭಿಃ ಕಬಂಧೀ ಕಾತ್ಯಾಯನಸ್ತೇ ಹೈತೇ ಬ್ರಹ್ಮಪರಾ ಬ್ರಹ್ಮನಿಷ್ಠಾಃ ಪರಂ ಬ್ರಹ್ಮಾನ್ವೇಷಮಾಣಾಃ ಏಷ ಹ ವೈ ತತ್ಸರ್ವಂ-ವಁಕ್ಷ್ಯತೀತಿ ತೇ ಹ ಸಮಿತ್ಪಾಣಯೋ ಭಗವಂತಂ ಪಿಪ್ಪಲಾದಮುಪಸನ್ನಾಃ ॥1॥

ತಾನ್ ಹ ಸ ಋಷಿರುವಾಚ

ಭೂಯ ಏವ ತಪಸಾ ಬ್ರಹ್ಮಚರ್ಯೇಣ ಶ್ರದ್ಧಯಾ ಸಂವಁತ್ಸರಂ ಸಂವಁತ್ಸ್ಯಥ ಯಥಾಕಾಮಂ ಪ್ರಶ್ನಾನ್ ಪೃಚ್ಛತ ಯದಿ ವಿಜ್ಞಾಸ್ಯಾಮಃ ಸರ್ವಂ ಹ ವೋ ವಕ್ಷಾಮ ಇತಿ ॥2

ಅಥ ಕಬಂಧೀ ಕಾತ್ಯಾಯನ ಉಪೇತ್ಯ ಪಪ್ರಚ್ಛ ಭಗವನ್ ಕುತೋ ಹ ವಾ ಇಮಾಃ ಪ್ರಜಾಃ ಪ್ರಜಾಯಂತ ಇತಿ ॥3॥

ತಸ್ಮೈ ಸ ಹೋವಾಚ- ಪ್ರಜಾಕಾಮೋ ವೈ ಪ್ರಜಾಪತಿಃ ಸ ತಪೋಽತಪ್ಯತ ಸ ತಪಸ್ತಪ್ತ್ವಾ ಸ ಮಿಥುನಮುತ್ಪಾದಯತೇ। ರಯಿಂ ಚ ಪ್ರಾಣಂಚೇತಿ ಏತೌ ಮೇ ಬಹುಧಾ ಪ್ರಜಾಃ ಕರಿಷ್ಯತ ಇತಿ ॥4॥

ಆದಿತ್ಯೋ ಹ ವೈ ಪ್ರಾಣೋ ರಯಿರೇವ ಚಂದ್ರಮಾಃ ರಯಿರ್ವಾ ಏತತ್ ಸರ್ವಂ-ಯಁನ್ಮೂರ್ತಂ ಚಾಮೂರ್ತಂ ಚ ತಸ್ಮಾನ್ಮೂರ್ತಿರೇವ ರಯಿಃ ॥5॥

ಅಥಾದಿತ್ಯ ಉದಯನ್ ಯತ್ ಪ್ರಾಚೀಂ ದಿಶಂ ಪ್ರವಿಶತಿ ತೇನ ಪ್ರಾಚ್ಯಾನ್ ಪ್ರಾಣಾನ್ ರಶ್ಮಿಷು ಸನ್ನಿಧತ್ತೇ। ಯದ್ದಕ್ಷಿಣಾಂ-ಯಁತ್ ಪ್ರತೀಚೀಂ-ಯಁದುದೀಚೀಂ-ಯಁದಧೋ ಯದೂರ್ಧ್ವಂ-ಯಁದಂತರಾ ದಿಶೋ ಯತ್ಸರ್ವಂ ಪ್ರಕಾಶಯತಿ ತೇನ ಸರ್ವಾನ್ ಪ್ರಾಣಾನ್ ರಶ್ಮಿಷು ಸನ್ನಿಧತ್ತೇ ॥6॥

ಸ ಏಷ ವೈಶ್ವಾನರೋ ವಿಶ್ವರುಪಃ ಪ್ರಾಣೋಽಗ್ನಿರುದಯತೇ। ತದೇತದ್ ಋಚಾಽಭ್ಯುಕ್ತಮ್ ॥7॥

ವಿಶ್ವರೂಪಂ ಹರಿಣಂ ಜಾತವೇದಸಂ ಪರಾಯಣಂ ಜ್ಯೋತಿರೇಕಂ ತಪಂತಂ। ಸಹಸ್ರರಶ್ಮಿಃ ಶತಧಾ ವರ್ತಮಾನಃ ಪ್ರಾಣಃ ಪ್ರಜಾನಾಮುದಯತ್ಯೇಷ ಸೂರ್ಯಃ ॥8॥

ಸಂವಁತ್ಸರೋ ವೈ ಪ್ರಜಾಪತಿಃ ಸ್ತಸ್ಯಾಯನೇ ದಕ್ಷಿಣಂಚೋತ್ತರಂ ಚ। ತದ್ಯೇ ಹ ವೈ ತದಿಷ್ಟಾಪೂರ್ತೇ ಕೃತಮಿತ್ಯುಪಾಸತೇ ತೇ ಚಾಂದ್ರಮಸಮೇವ ಲೋಕಮಭಿಜಯಂತೇ ತ ಏವ ಪುನರಾವರ್ತಂತೇ। ತಸ್ಮಾದೇತ ಋಷಯಃ ಪ್ರಜಾಕಾಮಾ ದಕ್ಷಿಣಂ ಪ್ರತಿಪದ್ಯಂತೇ। ಏಷ ಹ ವೈ ರಯಿರ್ಯಃ ಪಿತೃಯಾಣಃ ॥9॥

ಅಥೋತ್ತರೇಣ ತಪಸಾ ಬ್ರಹ್ಮಚರ್ಯೇಣ ಶ್ರದ್ಧಯಾ ವಿದ್ಯಯಾತ್ಮಾನಮನ್ವಿಷ್ಯಾದಿತ್ಯಮಭಿಜಯಂತೇ। ಏತದ್ವೈ ಪ್ರಾಣಾನಾಮಾಯತನಮೇತದಮೃತಮಭಯಮೇತತ್ ಪರಾಯಣಮೇತಸ್ಮಾನ್ನ ಪುನರಾವರ್ತಂತ ಇತ್ಯೇಷ ನಿರೋಧಃ। ತದೇಷ ಶ್ಲೋಕಃ ॥10॥

ಪಂಚಪಾದಂ ಪಿತರಂ ದ್ವಾದಶಾಕೃತಿಂ ದಿವ ಆಹುಃ ಪರೇ ಅರ್ಧೇ ಪುರೀಷಿಣಂ। ಅಥೇಮೇ ಅನ್ಯ ಉ ಪರೇ ವಿಚಕ್ಷಣಂ ಸಪ್ತಚಕ್ರೇ ಷಡರ ಆಹುರರ್ಪಿತಮಿತಿ ॥11॥

ಮಾಸೋ ವೈ ಪ್ರಜಾಪತಿಸ್ತಸ್ಯ ಕೃಷ್ಣಪಕ್ಶ ಏವ ರಯಿಃ ಶುಕ್ಲಃ ಪ್ರಣಸ್ತಸ್ಮಾದೇತ ಋಷಯಃ ಶುಕ್ಲ ಇಷ್ಟಂ ಕುರ್ವಂತೀತರ ಇತರಸ್ಮಿನ್ನ್ ॥12॥

ಅಹೋರಾತ್ರೋ ವೈ ಪ್ರಜಾಪತಿಸ್ತಸ್ಯಾಹರೇವ ಪ್ರಾಣೋ ರಾತ್ರಿರೇವ ರಯಿಃ। ಪ್ರಾಣಂ-ವಾಁ ಏತೇ ಪ್ರಸ್ಕಂದಂತಿ ಯೇ ದಿವಾ ರತ್ಯಾ ಸಂಯುಁಜ್ಯಂತೇ ಬ್ರಹ್ಮಚರ್ಯಮೇವ ತದ್ಯದ್ರಾತ್ರೌ ರತ್ಯಾ ಸಂಯುಁಜ್ಯಂತೇ ॥13॥

ಅನ್ನಂ-ವೈಁ ಪ್ರಜಾಪತಿಸ್ತತೋ ಹ ವೈ ತದ್ರೇತಸ್ತಸ್ಮಾದಿಮಾಃ ಪ್ರಜಾಃ ಪ್ರಜಾಯಂತ ಇತಿ ॥14॥

ತದ್ಯೇ ಹ ವೈ ತತ್ಪ್ರಜಾಪತಿವ್ರತಂ ಚರಂತಿ ತೇ ಮಿಥುನಮುತ್ಪಾದಯಂತೇ। ತೇಷಾಮೇವೈಷ ಬ್ರಹ್ಮಲೋಕೋ ಯೇಷಾಂ ತಪೋ ಬ್ರಹ್ಮಚರ್ಯಂ-ಯೇಁಷು ಸತ್ಯಂ ಪ್ರತಿಷ್ಠಿತಮ್ ॥15॥

ತೇಷಾಮಸೌ ವಿರಜೋ ಬ್ರಹ್ಮಲೋಕೋ ನ ಯೇಷು ಜಿಹ್ಮಮನೃತಂ ನ ಮಾಯಾ ಚೇತಿ ॥16॥

ಪ್ರಶ್ನೋಪನಿಷದ್ - ಪ್ರಥಮಃ ಪ್ರಶ್ನಃ ಬಗ್ಗೆ

ಇದು ಅಥರ್ವವೇದದ ಪ್ರಶ್ನೋಪನಿಷತ್ತಿನ ಮೊದಲ ಪ್ರಶ್ನೆ. ಆರು ಬ್ರಹ್ಮಜಿಜ್ಞಾಸುಗಳು ಪಿಪ್ಪಲಾದ ಮುನಿಯ ಬಳಿ ಬರುತ್ತಾರೆ; ಅವರು ಮೊದಲು ತಪಸ್ಸು, ಬ್ರಹ್ಮಚರ್ಯ, ಶ್ರದ್ಧೆಯಿಂದ ತಮ್ಮೊಡನೆ ಒಂದು ವರ್ಷ ಇರಲು ಹೇಳುತ್ತಾರೆ. ನಂತರ ಕಬಂಧೀ ಕಾತ್ಯಾಯನ ಕೇಳುತ್ತಾನೆ: "ಈ ಜೀವಿಗಳು ಎಲ್ಲಿಂದ ಜನಿಸುತ್ತವೆ?" ಪ್ರಜೆಗಳನ್ನು ಬಯಸಿದ ಪ್ರಜಾಪತಿ ರಯಿ (ಜಡ) ಮತ್ತು ಪ್ರಾಣ (ಜೀವ) ಎಂಬ ಜೋಡಿಯನ್ನು ಸೃಷ್ಟಿಸಿದ ಎಂದು ಪಿಪ್ಪಲಾದರು ಉತ್ತರಿಸಿ, ಅವನ್ನು ಚಂದ್ರ ಸೂರ್ಯ, ಕೃಷ್ಣ ಶುಕ್ಲ ಪಕ್ಷ, ರಾತ್ರಿ ಹಗಲು, ದಕ್ಷಿಣ ಉತ್ತರ ಮಾರ್ಗಗಳಾಗಿ ವಿವರಿಸುತ್ತಾರೆ. ಕುಟಿಲತೆ, ಅಸತ್ಯ, ಮಾಯೆ ಇಲ್ಲದವರಿಗೆ ವಿರಜ ಬ್ರಹ್ಮಲೋಕ ಎಂದು ಮುಗಿಯುತ್ತದೆ.

ಮೂಲ: ಅಥರ್ವವೇದ, ಪ್ರಶ್ನೋಪನಿಷತ್ ೧

ಯಾವಾಗ ಪಠಿಸಬೇಕು: ಉಪನಿಷದಧ್ಯಯನ ಮತ್ತು ವೇದಪಠಣದಲ್ಲಿ.

ನಿಮಗೆ ಗೊತ್ತೇ?

  • ಆರು ಸಾಧಕರು ಒಬ್ಬೊಬ್ಬರಾಗಿ ಕೇಳುವ ಆರು ಪ್ರಶ್ನೆಗಳಿಂದ ಪ್ರಶ್ನೋಪನಿಷತ್ತಿಗೆ ಹೆಸರು.
  • ಬೋಧನೆಗೆ ಮುಂಚೆ ಒಂದು ವರ್ಷದ ಶಿಸ್ತು ಕೇಳಿದ ಪಿಪ್ಪಲಾದರು ಜ್ಞಾನಕ್ಕೆ ಸಿದ್ಧತೆಯ ಮೌಲ್ಯ ತೋರುತ್ತಾರೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಮೊದಲ ಪ್ರಶ್ನೆ ಕೇಳುವವರು ಯಾರು?

ಕಬಂಧೀ ಕಾತ್ಯಾಯನ.

ಪ್ರಜಾಪತಿ ಸೃಷ್ಟಿಸಿದ ಜೋಡಿ ಯಾವುದು?

ರಯಿ ಮತ್ತು ಪ್ರಾಣ.

ಬ್ರಹ್ಮಲೋಕ ಯಾರಿಗೆ?

ಕುಟಿಲತೆ, ಅಸತ್ಯ, ಮಾಯೆ ಇಲ್ಲದವರಿಗೆ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.