ಶಿವ ಸುವರ್ಣಮಾಲಾ ಸ್ತುತಿ
Shiva · ಸಾಂಪ್ರದಾಯಿಕ ಭಕ್ತಿ ಪಠ್ಯ
అథ కథమపి మద్రాసనాం త్వద్గుణలేశైర్విశోధయామి విభో । సాంబ సదాశివ శంభో శంకర శరణం మే తవ చరణయుగమ్ ॥ 1 ॥
ఆఖండలమదఖండనపండిత తండుప్రియ చండీశ విభో । సాంబ సదాశివ శంభో శంకర శరణం మే తవ చరణయుగమ్ ॥ 2 ॥
ఇభచర్మాంబర శంబరరిపువపురపహరణోజ్జ్వలనయన విభో । సాంబ సదాశివ శంభో శంకర శరణం మే తవ చరణయుగమ్ ॥ 3 ॥
ఈశ గిరీశ నరేశ పరేశ మహేశ బిలేశయభూషణ భో । సాంబ సదాశివ శంభో శంకర శరణం మే తవ చరణయుగమ్ ॥ 4 ॥
ఉమయా దివ్యసుమంగళవిగ్రహయాలింగితవామాంగ విభో । సాంబ సదాశివ శంభో శంకర శరణం మే తవ చరణయుగమ్ ॥ 5 ॥
ఊరీకురు మామజ్ఞమనాథం దూరీకురు మే దురితం భో । సాంబ సదాశివ శంభో శంకర శరణం మే తవ చరణయుగమ్ ॥ 6 ॥
ఋషివరమానసహంస చరాచరజననస్థితిలయకారణ భో । సాంబ సదాశివ శంభో శంకర శరణం మే తవ చరణయుగమ్ ॥ 7 ॥
ౠక్షాధీశకిరీట మహోక్షారూఢ విధృతరుద్రాక్ష విభో । సాంబ సదాశివ శంభో శంకర శరణం మే తవ చరణయుగమ్ ॥ 8 ॥
లువర్ణద్వంద్వమవృంతసుకుసుమమివాంఘ్రౌ తవార్పయామి విభో । సాంబ సదాశివ శంభో శంకర శరణం మే తవ చరణయుగమ్ ॥ 9 ॥
ఏకం సదితి శ్రుత్యా త్వమేవ సదసీత్యుపాస్మహే మృడ భో । సాంబ సదాశివ శంభో శంకర శరణం మే తవ చరణయుగమ్ ॥ 10 ॥
ఐక్యం నిజభక్తేభ్యో వితరసి విశ్వంభరోఽత్ర సాక్షీ భో । సాంబ సదాశివ శంభో శంకర శరణం మే తవ చరణయుగమ్ ॥ 11 ॥
ఓమితి తవ నిర్దేష్ట్రీ మాయాస్మాకం మృడోపకర్త్రీ భో । సాంబ సదాశివ శంభో శంకర శరణం మే తవ చరణయుగమ్ ॥ 12 ॥
ఔదాస్యం స్ఫుటయతి విషయేషు దిగంబరతా చ తవైవ విభో । సాంబ సదాశివ శంభో శంకర శరణం మే తవ చరణయుగమ్ ॥ 13 ॥
అంతఃకరణవిశుద్ధిం భక్తిం చ త్వయి సతీం ప్రదేహి విభో । సాంబ సదాశివ శంభో శంకర శరణం మే తవ చరణయుగమ్ ॥ 14 ॥
అస్తోపాధిసమస్తవ్యస్తై రూపైర్జగన్మయోఽసి విభో । సాంబ సదాశివ శంభో శంకర శరణం మే తవ చరణయుగమ్ ॥ 15 ॥
కరుణావరుణాలయ మయి దాస ఉదాసస్తవోచితో న హి భో । సాంబ సదాశివ శంభో శంకర శరణం మే తవ చరణయుగమ్ ॥ 16 ॥
ఖలసహవాసం విఘటయ ఘటయ సతామేవ సంగమనిశం భో । సాంబ సదాశివ శంభో శంకర శరణం మే తవ చరణయుగమ్ ॥ 17 ॥
గరళం జగదుపకృతయే గిలితం భవతా సమోఽస్తి కోఽత్ర విభో । సాంబ సదాశివ శంభో శంకర శరణం మే తవ చరణయుగమ్ ॥ 18 ॥
ఘనసారగౌరగాత్ర ప్రచురజటాజూటబద్ధగంగ విభో । సాంబ సదాశివ శంభో శంకర శరణం మే తవ చరణయుగమ్ ॥ 19 ॥
జ్ఞప్తిః సర్వశరీరేష్వఖండితా యా విభాతి సా త్వం భో । సాంబ సదాశివ శంభో శంకర శరణం మే తవ చరణయుగమ్ ॥ 20 ॥
చపలం మమ హృదయకపిం విషయద్రుచరం దృఢం బధాన విభో । సాంబ సదాశివ శంభో శంకర శరణం మే తవ చరణయుగమ్ ॥ 21 ॥
ఛాయా స్థాణోరపి తవ తాపం నమతాం హరత్యహో శివ భో । సాంబ సదాశివ శంభో శంకర శరణం మే తవ చరణయుగమ్ ॥ 22 ॥
జయ కైలాసనివాస ప్రమథగణాధీశ భూసురార్చిత భో । సాంబ సదాశివ శంభో శంకర శరణం మే తవ చరణయుగమ్ ॥ 23 ॥
ఝణుతకఝంకిణుఝణుతత్కిటతక-శబ్దైర్నటసి మహానట భో । సాంబ సదాశివ శంభో శంకర శరణం మే తవ చరణయుగమ్ ॥ 24 ॥
జ్ఞానం విక్షేపావృతిరహితం కురు మే గురుస్త్వమేవ విభో । సాంబ సదాశివ శంభో శంకర శరణం మే తవ చరణయుగమ్ ॥ 25 ॥
టంకారస్తవ ధనుషో దలయతి హృదయం ద్విషామశనిరివ భో । సాంబ సదాశివ శంభో శంకర శరణం మే తవ చరణయుగమ్ ॥ 26 ॥
ఠాకృతిరివ తవ మాయా బహిరంతః శూన్యరూపిణీ ఖలు భో । సాంబ సదాశివ శంభో శంకర శరణం మే తవ చరణయుగమ్ ॥ 27 ॥
డంబరమంబురుహామపి దలయత్యనఘం త్వదంఘ్రియుగళం భో । సాంబ సదాశివ శంభో శంకర శరణం మే తవ చరణయుగమ్ ॥ 28 ॥
ఢక్కాక్షసూత్రశూలద్రుహిణకరోటీసముల్లసత్కర భో । సాంబ సదాశివ శంభో శంకర శరణం మే తవ చరణయుగమ్ ॥ 29 ॥
ణాకారగర్భిణీ చేచ్ఛుభదా తే శరగతిర్నృణామిహ భో । సాంబ సదాశివ శంభో శంకర శరణం మే తవ చరణయుగమ్ ॥ 30 ॥
తవ మన్వతిసంజపతః సద్యస్తరతి నరో హి భవాబ్ధిం భో । సాంబ సదాశివ శంభో శంకర శరణం మే తవ చరణయుగమ్ ॥ 31 ॥
థూత్కారస్తస్య ముఖే భూయాత్తే నామ నాస్తి యస్య విభో । సాంబ సదాశివ శంభో శంకర శరణం మే తవ చరణయుగమ్ ॥ 32 ॥
దయనీయశ్చ దయాళుః కోఽస్తి మదన్యస్త్వదన్య ఇహ వద భో । సాంబ సదాశివ శంభో శంకర శరణం మే తవ చరణయుగమ్ ॥ 33 ॥
ధర్మస్థాపనదక్ష త్ర్యక్ష గురో దక్షయజ్ఞశిక్షక భో । సాంబ సదాశివ శంభో శంకర శరణం మే తవ చరణయుగమ్ ॥ 34 ॥
నను తాడితోఽసి ధనుషా లుబ్ధధియా త్వం పురా నరేణ విభో । సాంబ సదాశివ శంభో శంకర శరణం మే తవ చరణయుగమ్ ॥ 35 ॥
పరిమాతుం తవ మూర్తిం నాలమజస్తత్పరాత్పరోఽసి విభో । సాంబ సదాశివ శంభో శంకర శరణం మే తవ చరణయుగమ్ ॥ 36 ॥
ఫలమిహ నృతయా జనుషస్త్వత్పదసేవా సనాతనేశ విభో । సాంబ సదాశివ శంభో శంకర శరణం మే తవ చరణయుగమ్ ॥ 37 ॥
బలమారోగ్యం చాయుస్త్వద్గుణరుచితాం చిరం ప్రదేహి విభో । సాంబ సదాశివ శంభో శంకర శరణం మే తవ చరణయుగమ్ ॥ 38 ॥
భగవన్భర్గ భయాపహ భూతపతే భూతిభూషితాంగ విభో । సాంబ సదాశివ శంభో శంకర శరణం మే తవ చరణయుగమ్ ॥ 39 ॥
మహిమా తవ న హి మాతి శ్రుతిషు హిమానీధరాత్మజాధవ భో । సాంబ సదాశివ శంభో శంకర శరణం మే తవ చరణయుగమ్ ॥ 40 ॥
యమనియమాదిభిరంగైర్యమినో హృదయే భజంతి స త్వం భో । సాంబ సదాశివ శంభో శంకర శరణం మే తవ చరణయుగమ్ ॥ 41 ॥
రజ్జావహిరివ శుక్తౌ రజతమివ త్వయి జగంతి భాంతి విభో । సాంబ సదాశివ శంభో శంకర శరణం మే తవ చరణయుగమ్ ॥ 42 ॥
లబ్ధ్వా భవత్ప్రసాదాచ్చక్రం విధురవతి లోకమఖిలం భో । సాంబ సదాశివ శంభో శంకర శరణం మే తవ చరణయుగమ్ ॥ 43 ॥
వసుధాతద్ధరతచ్ఛయరథమౌర్వీశర పరాకృతాసుర భో । సాంబ సదాశివ శంభో శంకర శరణం మే తవ చరణయుగమ్ ॥ 44 ॥
శర్వ దేవ సర్వోత్తమ సర్వద దుర్వృత్తగర్వహరణ విభో । సాంబ సదాశివ శంభో శంకర శరణం మే తవ చరణయుగమ్ ॥ 45 ॥
షడ్రిపుషడూర్మిషడ్వికారహర సన్ముఖ షణ్ముఖజనక విభో । సాంబ సదాశివ శంభో శంకర శరణం మే తవ చరణయుగమ్ ॥ 46 ॥
సత్యం జ్ఞానమనంతం బ్రహ్మేత్యేతల్లక్షణలక్షిత భో । సాంబ సదాశివ శంభో శంకర శరణం మే తవ చరణయుగమ్ ॥ 47 ॥
హాహాహూహూముఖసురగాయకగీతాపదానపద్య విభో । సాంబ సదాశివ శంభో శంకర శరణం మే తవ చరణయుగమ్ ॥ 48 ॥
ళాదిర్న హి ప్రయోగస్తదంతమిహ మంగళం సదాస్తు విభో । సాంబ సదాశివ శంభో శంకర శరణం మే తవ చరణయుగమ్ ॥ 49 ॥
క్షణమివ దివసాన్నేష్యతి త్వత్పదసేవాక్షణోత్సుకః శివ భో । సాంబ సదాశివ శంభో శంకర శరణం మే తవ చరణయుగమ్ ॥ 50 ॥
ఇతి శ్రీమత్పరమహంసపరివ్రాజకాచార్యస్య శ్రీగోవిందభగవత్పూజ్యపాదశిష్యస్య శ్రీమచ్ఛంకరభగవతః కృతౌ సువర్ణమాలా స్తుతిః సంపూర్ణా ॥
ಶಿವ ಸುವರ್ಣಮಾಲಾ ಸ್ತುತಿ ಬಗ್ಗೆ
ಶಿವ ಸುವರ್ಣಮಾಲಾ ಸ್ತುತಿ, "ಅಕ್ಷರಗಳ ಚಿನ್ನದ ಹಾರ", ಶಿವನಿಗೆ ಐವತ್ತು ಶ್ಲೋಕಗಳ ಸ್ತೋತ್ರ; ಅದರ ಶ್ಲೋಕಗಳು ಸಂಸ್ಕೃತ ವರ್ಣಮಾಲೆಯ ಕ್ರಮದಲ್ಲೇ ಆರಂಭವಾಗುತ್ತವೆ: ಅ, ಆ, ಇ, ಈ, ಉ, ಊ, ಋ ಹೀಗೆ ಮುಂದೆ. ಪ್ರತಿ ಶ್ಲೋಕ "ಸಾಂಬ ಸದಾಶಿವ ಶಂಭೋ ಶಂಕರ ಶರಣಂ ಮೇ ತವ ಚರಣಯುಗಂ" (ಸಾಂಬ ಸದಾಶಿವ, ನಿನ್ನ ಪಾದಯುಗಳವೇ ನನಗೆ ಶರಣು) ಎಂದು ಮುಗಿಯುತ್ತದೆ.
ರಚನೆಕಾರರು: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಆದಿ ಶಂಕರಾಚಾರ್ಯರು
ಯಾವಾಗ ಪಠಿಸಬೇಕು: ಸೋಮವಾರ, ಪ್ರದೋಷ, ಮಹಾಶಿವರಾತ್ರಿ ಮತ್ತು ಕಾರ್ತಿಕ ಮಾಸದಲ್ಲಿ.
ನಿಮಗೆ ಗೊತ್ತೇ?
- "ವರ್ಣಮಾಲೆ" ಎಂದರೆ ಅಕ್ಷರಗಳ ಹಾರ; "ಸುವರ್ಣ" ಎಂದರೆ ಚಿನ್ನವೂ ಹೌದು; ಹೀಗೆ ಶೀರ್ಷಿಕೆ ಒಂದು ಶ್ಲೇಷೆ: ಅಕ್ಷರಗಳಿಂದ ಮಾಡಿದ ಚಿನ್ನದ ಹಾರ.
- ವರ್ಣಮಾಲೆಯ ಪ್ರತಿ ಅಕ್ಷರದಿಂದ ಕ್ರಮವಾಗಿ ಶ್ಲೋಕಗಳನ್ನು ಆರಂಭಿಸುವ ಸ್ತೋತ್ರ ರಚನೆ ಸಂಸ್ಕೃತ ಕಾವ್ಯದ ಪ್ರಸಿದ್ಧ ಸಾಧನೆ.
- ಪಲ್ಲವಿಯನ್ನು ಒಟ್ಟಾಗಿ ಹಾಡುವುದು ಸುಲಭ; ಅದಕ್ಕೇ ಸಾಮೂಹಿಕ ಭಜನೆಗಳಲ್ಲಿ ಇದು ಜನಪ್ರಿಯ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಇದಕ್ಕೆ ಸುವರ್ಣಮಾಲಾ ಎಂಬ ಹೆಸರೇಕೆ?
ಶ್ಲೋಕಗಳು ವರ್ಣಮಾಲೆಯ ಕ್ರಮದಲ್ಲಿವೆ; "ಸುವರ್ಣ" ಎಂದರೆ ಚಿನ್ನವೂ ಹೌದು: ಅಕ್ಷರಗಳ ಚಿನ್ನದ ಹಾರ.
ಇದರಲ್ಲಿ ಎಷ್ಟು ಶ್ಲೋಕಗಳಿವೆ?
ಐವತ್ತು.
ಸುವರ್ಣಮಾಲಾ ಸ್ತುತಿಯನ್ನು ಬರೆದವರು ಯಾರು?
ಅದರ ಕೊನೆಯ ಸಾಲು ಆದಿ ಶಂಕರಾಚಾರ್ಯರನ್ನು ಹೆಸರಿಸುತ್ತದೆ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು