MuhurtaNow

ಶ್ರೀ ಬಟುಕ ಭೈರವ ಕವಚಂ

Shiva · ಸಾಂಪ್ರದಾಯಿಕ ಭಕ್ತಿ ಪಠ್ಯ

श्रीभैरव उवाच

देवेशि देहरक्षार्थं कारणं कथ्यतां ध्रुवम् । म्रियंते साधका येन विना श्मशानभूमिषु ॥ रणेषु चातिघोरेषु महावायुजलेषु च । शृंगिमकरवज्रेषु ज्वरादिव्याधिवह्निषु

श्रीदेव्युवाच

कथयामि शृणु प्राज्ञ बटोस्तु कवचं शुभम् । गोपनीयं प्रयत्नेन मातृजारोपमं यथा ॥ तस्य ध्यानं त्रिधा प्रोक्तं सात्त्विकादिप्रभेदतः । सात्त्विकं राजसं चैव तामसं देव तत् शृणु

ध्यानम् – वंदे बालं स्फटिकसदृशं कुंडलोद्भासिवक्त्रं दिव्याकल्पैर्नवमणिमयैः किंकिणीनूपुराद्यैः । दीप्ताकारं विशदवदनं सुप्रसन्नं त्रिनेत्रं हस्ताब्जाभ्यां बटुकमनिशं शूलखड्गौदधानम् ॥ 1 ॥

उद्यद्भास्करसन्निभं त्रिनयनं रक्तांगरागस्रजं स्मेरास्यं वरदं कपालमभयं शूलं दधानं करैः । नीलग्रीवमुदारभूषणशतं शीतांशुचूडोज्ज्वलं बंधूकारुणवाससं भयहरं देवं सदा भावये ॥ 2 ॥

ध्यायेन्नीलाद्रिकांतं शशिशकलधरं मुंडमालं महेशं दिग्वस्त्रं पिंगकेशं डमरुमथ सृणिं खड्गशूलाभयानि । नागं घंटां कपालं करसरसिरुहैर्विभ्रतं भीमदंष्ट्रं सर्पाकल्पं त्रिनेत्रं मणिमयविलसत्किंकिणी नूपुराढ्यम् ॥ 3 ॥

अस्य वटुकभैरवकवचस्य महाकाल ऋषिरनुष्टुप्छंदः श्रीवटुकभैरवो देवता बं बीजं ह्रीं शक्तिरापदुद्धारणायेति कीलकं मम सर्वाभीष्टसिद्ध्यर्थे विनियोगः ।

कवचम् – ॐ शिरो मे भैरवः पातु ललाटं भीषणस्तथा । नेत्रे च भूतहननः सारमेयानुगो भ्रुवौ ॥ 1

भूतनाथश्च मे कर्णौ कपोलौ प्रेतवाहनः । नासापुटौ तथोष्ठौ च भस्मांगः सर्वभूषणः ॥ 2

भीषणास्यो ममास्यं च शक्तिहस्तो गलं मम । स्कंधौ दैत्यरिपुः पातु बाहू अतुलविक्रमः ॥ 3

पाणी कपाली मे पातु मुंडमालाधरो हृदम् । वक्षःस्थलं तथा शांतः कामचारी स्तनं मम ॥ 4

उदरं च स मे तुष्टः क्षेत्रेशः पार्श्वतस्तथा । क्षेत्रपालः पृष्ठदेशं क्षेत्राख्यो नाभितस्तथा ॥ 5

कटिं पापौघनाशश्च बटुको लिंगदेशकम् । गुदं रक्षाकरः पातु ऊरू रक्षाकरः सदा ॥ 6

जानू च घुर्घुरारावो जंघे रक्षतु रक्तपः । गुल्फौ च पादुकासिद्धः पादपृष्ठं सुरेश्वरः ॥ 7

आपादमस्तकं चैव आपदुद्धारणस्तथा । सहस्रारे महापद्मे कर्पूरधवलो गुरुः ॥ 8

पातु मां वटुको देवो भैरवः सर्वकर्मसु । पूर्व स्यामसितांगो मे दिशि रक्षतु सर्वदा ॥ 9

आग्नेय्यां च रुरुः पातु दक्षिणे चंडभैरवः । नैरृत्यां क्रोधनः पातु मामुन्मत्तस्तु पश्चिमे ॥ 10

वायव्यां मे कपाली च नित्यं पायात् सुरेश्वरः । भीषणो भैरवः पातूत्तरस्यां दिशि सर्वदा ॥ 11

संहारभैरवः पातु दिश्यैशान्यां महेश्वरः । ऊर्ध्वे पातु विधाता वै पाताले नंदिको विभुः ॥ 12

सद्योजातस्तु मां पायात् सर्वतो देवसेवितः । वामदेवोऽवतु प्रीतो रणे घोरे तथावतु ॥ 13

जले तत्पुरुषः पातु स्थले पातु गुरुः सदा । डाकिनीपुत्रकः पातु दारांस्तु लाकिनीसुतः ॥ 14

पातु साकलको भ्रातॄन् श्रियं मे सततं गिरः । लाकिनीपुत्रकः पातु पशूनश्वानजांस्तथा ॥ 15

महाकालोऽवतु च्छत्रं सैन्यं वै कालभैरवः । राज्यं राज्यश्रियं पायात् भैरवो भीतिहारकः ॥ 16

रक्षाहीनंतु यत् स्थानं वर्जितं कवचेन च । तत् सर्वं रक्ष मे देव त्वं यतः सर्वरक्षकः ॥ 17

एतत् कवचमीशान तव स्नेहात् प्रकाशितम् । नाख्येयं नरलोकेषु सारभूतं च सुश्रियम् ॥ 18

यस्मै कस्मै न दातव्यं कवचेशं सुदुर्लभम् । न देयं परशिष्येभ्यः कृपणेभ्यश्च शंकर ॥ 19

यो ददाति निषिद्धेभ्यः स वै भ्रष्टो भवेद्ध्रुवम् । अनेन कवचेशेन रक्षां कृत्वा द्विजोत्तमः ॥ 20

विचरन् यत्र कुत्रापि विघ्नौघैः प्राप्यते न सः । मंत्रेण म्रियते योगी कवचं यन्न रक्षितः ॥ 21

तस्मात् सर्वप्रयत्नेन दुर्लभं पापचेतसाम् । भूर्जे रंभात्वचे वापि लिखित्वा विधिवत् प्रभो ॥ 22

धारयेत् पाठयेद्वापि संपठेद्वापि नित्यशः । संप्राप्नोति प्रभावं वै कवचस्यास्य वर्णितम् ॥ 23

नमो भैरवदेवाय सारभूताय वै नमः । नमस्त्रैलोक्यनाथाय नाथनाथाय वै नमः ॥ 24

इति विश्वसारोद्धारतंत्रे आपदुद्धारकल्पे भैरवभैरवीसंवादे वटुकभैरवकवचं समाप्तम् ॥

ಶ್ರೀ ಬಟುಕ ಭೈರವ ಕವಚಂ ಬಗ್ಗೆ

ಬಟುಕ ಭೈರವ ಕವಚ ಭೈರವನ ಬಾಲರೂಪ ಬಟುಕ ಭೈರವನ ರಕ್ಷಾ "ಕವಚ" ಸ್ತೋತ್ರ. ಭಯಾನಕ ಸ್ಥಳಗಳಲ್ಲಿ, ಘೋರ ಯುದ್ಧಗಳಲ್ಲಿ, ಬಿರುಗಾಳಿ ಪ್ರವಾಹಗಳಲ್ಲಿ ಸಾಧಕರ ದೇಹರಕ್ಷೆಗೆ ಉಪಾಯ ಹೇಳು ಎಂದು ದೇವಿ ಭೈರವನನ್ನು ಕೇಳುತ್ತಾಳೆ; ಬಹಳ ಜಾಗರೂಕತೆಯಿಂದ ಕಾಪಾಡಬೇಕಾದ ಬಟುಕನ ಶುಭ ಕವಚ ಹೇಳುತ್ತೇನೆ ಎಂದು ಭೈರವ ಅದರ ಧ್ಯಾನ ಮತ್ತು ರಕ್ಷಾಶ್ಲೋಕಗಳನ್ನು ನೀಡುತ್ತಾನೆ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ವಿಶ್ವಸಾರೋದ್ಧಾರ ತಂತ್ರ

ಯಾವಾಗ ಪಠಿಸಬೇಕು: ಅಷ್ಟಮಿ ಮತ್ತು ಭಾನುವಾರಗಳಲ್ಲಿ, ಮತ್ತು ಭೈರವ ಪೂಜೆಯಲ್ಲಿ, ವಿಶೇಷವಾಗಿ ದೀಕ್ಷಿತರು.

ನಿಮಗೆ ಗೊತ್ತೇ?

  • ಇದರ ಕೊನೆಯ ಸಾಲು ಇದನ್ನು ವಿಶ್ವಸಾರೋದ್ಧಾರ ತಂತ್ರದ ಆಪದುದ್ಧಾರ ಕಲ್ಪದ ಭೈರವ ಭೈರವೀ ಸಂವಾದದಲ್ಲಿ ಇರಿಸುತ್ತದೆ.
  • "ಬಟುಕ" ಎಂದರೆ ಬಾಲಕ: ಬಟುಕ ಭೈರವ ಉಗ್ರ ಭೈರವನ ಸೌಮ್ಯ ಬಾಲರೂಪ.
  • ಈ ಬಗೆಯ ತಾಂತ್ರಿಕ ಕವಚಗಳನ್ನು ಸಂಪ್ರದಾಯದಂತೆ ಗುರುವಿನಿಂದ ಕಲಿಯಲಾಗುತ್ತದೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಬಟುಕ ಭೈರವ ಯಾರು?

ಸೌಮ್ಯ, ರಕ್ಷಕನಾದ ಭೈರವನ ಬಾಲರೂಪ.

ಈ ಕವಚವನ್ನು ಉಪದೇಶಿಸುವವರು ಯಾರು?

ಭೈರವೀ ದೇವಿಗೆ ಭೈರವ.

ಇದು ಎಲ್ಲಿಂದ ಬಂದದ್ದು?

ಕೊನೆಯ ಸಾಲು ಹೇಳುವಂತೆ ವಿಶ್ವಸಾರೋದ್ಧಾರ ತಂತ್ರ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.