ಶ್ರೀ ದೇವ್ಯಥರ್ವಶೀರ್ಷಂ
Vedic · ಸಾಂಪ್ರದಾಯಿಕ ಭಕ್ತಿ ಪಠ್ಯ
ഓം സർവേ വൈ ദേവാ ദേവീമുപതസ്ഥുഃ കാസി ത്വം മഹാദേവീതി ॥ 1 ॥
സാഽബ്രവീദഹം ബ്രഹ്മസ്വരൂപിണീ । മത്തഃ പ്രകൃതിപുരുഷാത്മകം ജഗത് । ശൂന്യം ചാശൂന്യം ച ॥ 2 ॥
അഹമാനംദാനാനംദൌ । അഹം-വിഁജ്ഞാനാവിജ്ഞാനേ । അഹം ബ്രഹ്മാബ്രഹ്മണി വേദിതവ്യേ । അഹം പംചഭൂതാന്യപംചഭൂതാനി । അഹമഖിലം ജഗത് ॥ 3 ॥
വേദോഽഹമവേദോഽഹമ് । വിദ്യാഽഹമവിദ്യാഽഹമ് । അജാഽഹമനജാഽഹമ് । അധശ്ചോര്ധ്വം ച തിര്യക്ചാഹമ് ॥ 4 ॥
അഹം രുദ്രേഭിർവസുഭിശ്ചരാമി । അഹമാദിത്യൈരുത വിശ്വദേവൈഃ । അഹം മിത്രാവരുണാവുഭൌ ബിഭര്മി । അഹമിംദ്രാഗ്നീ അഹമശ്വിനാവുഭൌ ॥ 5 ॥
അഹം സോമം ത്വഷ്ടാരം പൂഷണം ഭഗം ദധാമി । അഹം-വിഁഷ്ണുമുരുക്രമം ബ്രഹ്മാണമുത പ്രജാപതിം ദധാമി ॥ 6 ॥
അ॒ഹം ദ॑ധാമി॒ ദ്രവി॑ണം ഹ॒വിഷ്മ॑തേ സുപ്രാ॒വ്യേ॒3 യജ॑മാനായ സുന്വ॒തേ । അ॒ഹം രാഷ്ട്രീ॑ സം॒ഗമ॑നീ॒ വസൂ॑നാം ചികി॒തുഷീ॑ പ്രഥ॒മാ യ॒ജ്ഞിയാ॑നാമ് । അ॒ഹം സു॑വേ പി॒തര॑മസ്യ മൂ॒ര്ധന്മമ॒ യോനി॑ര॒പ്സ്വംതഃ സ॑മു॒ദ്രേ । യ ഏവം-വേഁദ । സ ദേവീം സംപദമാപ്നോതി ॥ 7 ॥
തേ ദേവാ അബ്രുവന് നമോ ദേവ്യൈ മഹാദേവ്യൈ ശിവായൈ സതതം നമഃ । നമഃ പ്രകൃത്യൈ ഭദ്രായൈ നിയതാഃ പ്രണതാഃ സ്മ താമ് ॥ 8 ॥
താമ॒ഗ്നിവ॑ര്ണാം॒ തപ॑സാ ജ്വലം॒തീം-വൈഁ ॑രോച॒നീം ക॑ര്മഫ॒ലേഷു॒ ജുഷ്ടാ᳚മ് । ദു॒ര്ഗാം ദേ॒വീം ശര॑ണം പ്രപ॑ദ്യാമഹേഽസുരാന്നാശയിത്ര്യൈ തേ നമഃ ॥ 9 ॥
(ഋ.വേ.8.100.11) ദേ॒വീം-വാഁച॑മജനയംത ദേ॒വാസ്താം-വിഁ॒ശ്വരൂ॑പാഃ പ॒ശവോ॑ വദംതി । സാ നോ॑ മം॒ദ്രേഷ॒മൂര്ജം॒ ദുഹാ॑നാ ധേ॒നുർവാഗ॒സ്മാനുപ॒ സുഷ്ടു॒തൈതു॑ ॥ 10 ॥
കാലരാത്രീം ബ്രഹ്മസ്തുതാം-വൈഁഷ്ണവീം സ്കംദമാതരമ് । സരസ്വതീമദിതിം ദക്ഷദുഹിതരം നമാമഃ പാവനാം ശിവാമ് ॥ 11 ॥
മഹാലക്ഷ്മ്യൈ ച വിദ്മഹേ സർവശക്ത്യൈ ച ധീമഹി । തന്നോ ദേവീ പ്രചോദയാത് ॥ 12 ॥
അദിതിര്ഹ്യജനിഷ്ട ദക്ഷ യാ ദുഹിതാ തവ । താം ദേവാ അന്വജായംത ഭദ്രാ അമൃതബംധവഃ ॥ 13 ॥
കാമോ യോനിഃ കമലാ വജ്രപാണി- ര്ഗുഹാ ഹസാ മാതരിശ്വാഭ്രമിംദ്രഃ । പുനര്ഗുഹാ സകലാ മായയാ ച പുരൂച്യൈഷാ വിശ്വമാതാദിവിദ്യോമ് ॥ 14 ॥
ഏഷാഽഽത്മശക്തിഃ । ഏഷാ വിശ്വമോഹിനീ । പാശാംകുശധനുര്ബാണധരാ । ഏഷാ ശ്രീമഹാവിദ്യാ । യ ഏവം-വേഁദ സ ശോകം തരതി ॥ 15 ॥
നമസ്തേ അസ്തു ഭഗവതി മാതരസ്മാന്പാഹി സർവതഃ ॥ 16 ॥
സൈഷാഷ്ടൌ വസവഃ । സൈഷൈകാദശ രുദ്രാഃ । സൈഷാ ദ്വാദശാദിത്യാഃ । സൈഷാ വിശ്വേദേവാഃ സോമപാ അസോമപാശ്ച । സൈഷാ യാതുധാനാ അസുരാ രക്ഷാംസി പിശാചാ യക്ഷാ സിദ്ധാഃ । സൈഷാ സത്ത്വരജസ്തമാംസി । സൈഷാ ബ്രഹ്മവിഷ്ണുരുദ്രരൂപിണീ । സൈഷാ പ്രജാപതീംദ്രമനവഃ । സൈഷാ ഗ്രഹനക്ഷത്രജ്യോതീംഷി । കലാകാഷ്ഠാദികാലരൂപിണീ । താമഹം പ്രണൌമി നിത്യമ് । പാപാപഹാരിണീം ദേവീം ഭുക്തിമുക്തിപ്രദായിനീമ് । അനംതാം-വിഁജയാം ശുദ്ധാം ശരണ്യാം ശിവദാം ശിവാമ് ॥ 17 ॥
വിയദീകാരസംയുഁക്തം-വീഁതിഹോത്രസമന്വിതമ് । അര്ധേംദുലസിതം ദേവ്യാ ബീജം സർവാര്ഥസാധകമ് ॥ 18 ॥
ഏവമേകാക്ഷരം ബ്രഹ്മ യതയഃ ശുദ്ധചേതസഃ । ധ്യായംതി പരമാനംദമയാ ജ്ഞാനാംബുരാശയഃ ॥ 19 ॥
വാങ്മായാ ബ്രഹ്മസൂസ്തസ്മാത് ഷഷ്ഠം-വഁക്ത്രസമന്വിതമ് । സൂര്യോഽവാമശ്രോത്രബിംദുസംയുഁക്തഷ്ടാത്തൃതീയകഃ । നാരായണേന സമ്മിശ്രോ വായുശ്ചാധരയുക്തതഃ । വിച്ചേ നവാര്ണകോഽര്ണഃ സ്യാന്മഹദാനംദദായകഃ ॥ 20 ॥
ഹൃത്പുംഡരീകമധ്യസ്ഥാം പ്രാതഃസൂര്യസമപ്രഭാമ് । പാശാംകുശധരാം സൌമ്യാം-വഁരദാഭയഹസ്തകാമ് । ത്രിനേത്രാം രക്തവസനാം ഭക്തകാമദുഘാം ഭജേ ॥ 21 ॥
നമാമി ത്വാം മഹാദേവീം മഹാഭയവിനാശിനീമ് । മഹാദുര്ഗപ്രശമനീം മഹാകാരുണ്യരൂപിണീമ് ॥ 22 ॥
യസ്യാഃ സ്വരൂപം ബ്രഹ്മാദയോ ന ജാനംതി തസ്മാദുച്യതേ അജ്ഞേയാ । യസ്യാ അംതോ ന ലഭ്യതേ തസ്മാദുച്യതേ അനംതാ । യസ്യാ ലക്ഷ്യം നോപലക്ഷ്യതേ തസ്മാദുച്യതേ അലക്ഷ്യാ । യസ്യാ ജനനം നോപലഭ്യതേ തസ്മാദുച്യതേ അജാ । ഏകൈവ സർവത്ര വര്തതേ തസ്മാദുച്യതേ ഏകാ । ഏകൈവ വിശ്വരൂപിണീ തസ്മാദുച്യതേ നൈകാ । അത ഏവോച്യതേ അജ്ഞേയാനംതാലക്ഷ്യാജൈകാ നൈകേതി ॥ 23 ॥
മംത്രാണാം മാതൃകാ ദേവീ ശബ്ദാനാം ജ്ഞാനരൂപിണീ । ജ്ഞാനാനാം ചിന്മയാതീതാ ശൂന്യാനാം ശൂന്യസാക്ഷിണീ । യസ്യാഃ പരതരം നാസ്തി സൈഷാ ദുര്ഗാ പ്രകീര്തിതാ ॥ 24 ॥
താം ദുര്ഗാം ദുര്ഗമാം ദേവീം ദുരാചാരവിഘാതിനീമ് । നമാമി ഭവഭീതോഽഹം സംസാരാര്ണവതാരിണീമ് ॥ 25 ॥
ഇദമഥർവശീര്ഷം-യോഁഽധീതേ സ പംചാഥർവശീര്ഷജപഫലമാപ്നോതി । ഇദമഥർവശീര്ഷമജ്ഞാത്വാ യോഽര്ചാം സ്ഥാപയതി । ശതലക്ഷം പ്രജപ്ത്വാഽപി സോഽര്ചാസിദ്ധിം ന വിംദതി । ശതമഷ്ടോത്തരം ചാസ്യ പുരശ്ചര്യാവിധിഃ സ്മൃതഃ । ദശവാരം പഠേദ്യസ്തു സദ്യഃ പാപൈഃ പ്രമുച്യതേ । മഹാദുര്ഗാണി തരതി മഹാദേവ്യാഃ പ്രസാദതഃ । 26 ॥
സായമധീയാനോ ദിവസകൃതം പാപം നാശയതി । പ്രാതരധീയാനോ രാത്രികൃതം പാപം നാശയതി । സായം പ്രാതഃ പ്രയുംജാനോ അപാപോ ഭവതി । നിശീഥേ തുരീയസംധ്യായാം ജപ്ത്വാ വാക്സിദ്ധിര്ഭവതി । നൂതനായാം പ്രതിമായാം ജപ്ത്വാ ദേവതാസാന്നിധ്യം ഭവതി । പ്രാണപ്രതിഷ്ഠായാം ജപ്ത്വാ പ്രാണാനാം പ്രതിഷ്ഠാ ഭവതി । ഭൌമാശ്വിന്യാം മഹാദേവീസന്നിധൌ ജപ്ത്വാ മഹാമൃത്യും തരതി । സ മഹാമൃത്യും തരതി । യ ഏവം-വേഁദ । ഇത്യുപനിഷത് ॥ 27 ॥
ഇതി ദേവ്യഥർവശീര്ഷമ് ।
ಶ್ರೀ ದೇವ್ಯಥರ್ವಶೀರ್ಷಂ ಬಗ್ಗೆ
ದೇವ್ಯಥರ್ವಶೀರ್ಷ ಉಪನಿಷತ್ ರೂಪದ ಸ್ತೋತ್ರ; ಇದರಲ್ಲಿ ಎಲ್ಲ ದೇವತೆಗಳು ದೇವಿಯ ಬಳಿ ಬಂದು "ಮಹಾದೇವಿ, ನೀನು ಯಾರು?" ಎಂದು ಕೇಳುತ್ತಾರೆ. ಅವಳು ಉತ್ತರಿಸುತ್ತಾಳೆ: "ನಾನು ಬ್ರಹ್ಮಸ್ವರೂಪಿಣಿ. ಪ್ರಕೃತಿ ಪುರುಷಾತ್ಮಕವಾದ ಈ ಜಗತ್ತು, ಶೂನ್ಯ ಅಶೂನ್ಯ ಎಲ್ಲವೂ ನನ್ನಿಂದ." ನಂತರ ದೇವತೆಗಳು ಎಲ್ಲ ದೇವತೆಗಳ ಶಕ್ತಿಯಾಗಿ ಅವಳನ್ನು ಸ್ತುತಿಸುತ್ತಾರೆ; ಪಠ್ಯ ಅವಳ ಧ್ಯಾನ ಮತ್ತು ನವಾರ್ಣ ಮಂತ್ರವನ್ನು ನೀಡುತ್ತದೆ.
ಯಾವಾಗ ಪಠಿಸಬೇಕು: ದೇವೀಮಾಹಾತ್ಮ್ಯದ ಮುನ್ನ, ನವರಾತ್ರಿಯಲ್ಲಿ, ಮತ್ತು ದೇವೀಪೂಜೆಯಲ್ಲಿ.
ನಿಮಗೆ ಗೊತ್ತೇ?
- ಗಣಪತಿ, ನಾರಾಯಣ, ಶಿವ, ಸೂರ್ಯರ ಅಥರ್ವಶೀರ್ಷಗಳೊಡನೆ ಇದು ಐದು ಅಥರ್ವಶೀರ್ಷಗಳಲ್ಲಿ ಒಂದು.
- ಸಂಪ್ರದಾಯದಂತೆ ಇದನ್ನು ದೇವೀಕವಚ, ಅರ್ಗಲಾ, ಕೀಲಕಗಳೊಡನೆ ದುರ್ಗಾ ಸಪ್ತಶತಿಯ ಮುನ್ನ ಪಠಿಸಲಾಗುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ದೇವಿ ತಾನು ಯಾರೆಂದು ಹೇಳುತ್ತಾಳೆ?
ಬ್ರಹ್ಮಸ್ವರೂಪಿಣಿ, ಇಡೀ ಜಗತ್ತಿನ ಮೂಲ.
ಇದನ್ನು ಯಾವಾಗ ಪಠಿಸುತ್ತಾರೆ?
ದೇವೀಮಾಹಾತ್ಮ್ಯದ ಮುನ್ನ ಮತ್ತು ನವರಾತ್ರಿಯಲ್ಲಿ.
ಅಥರ್ವಶೀರ್ಷ ಎಂದರೇನು?
ಅಥರ್ವವೇದ ಸಂಪ್ರದಾಯದಲ್ಲಿ ದೇವತೆಯ ಕುರಿತ ಉಪನಿಷತ್ ರೂಪದ ಚಿಕ್ಕ ಪಠ್ಯ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.