MuhurtaNow

ಶ್ರೀ ಶ್ರೀಶೈಲ ಮಲ್ಲಿಕಾರ್ಜುನ ಸುಪ್ರಭಾತಂ

Shiva · ಸಾಂಪ್ರದಾಯಿಕ ಭಕ್ತಿ ಪಠ್ಯ

प्रातस्स्मरामि गणनाथमनाथबंधुं सिंदूरपूरपरिशोभितगंडयुग्मम् । उद्दंडविघ्नपरिखंडनचंडदंड- माखंडलादिसुरनायकवृंदवंद्यम् ॥ 1॥

कलाभ्यां चूडालंकृतशशिकलाभ्यां निजतपः फलाभ्यां भक्तेषु प्रकटितफलाभ्यां भवतु मे । शिवाभ्यामास्तीकत्रिभुवनशिवाभ्यां हृदि पुन- र्भवाभ्यामानंदस्फुरदनुभवाभ्यां नतिरियम् ॥ 2॥

नमस्ते नमस्ते महादेव! शंभो! नमस्ते नमस्ते दयापूर्णसिंधो! नमस्ते नमस्ते प्रपन्नात्मबंधो! नमस्ते नमस्ते नमस्ते महेश ॥ 3॥

शश्वच्छ्रीगिरिमूर्धनि त्रिजगतां रक्षाकृतौ लक्षितां साक्षादक्षतसत्कटाक्षसरणिश्रीमत्सुधावर्षिणीम् । सोमार्धांकितमस्तकां प्रणमतां निस्सीमसंपत्प्रदां सुश्लोकां भ्रमरांबिकां स्मितमुखीं शंभोस्सखीं त्वां स्तुमः ॥ 4॥

मातः! प्रसीद, सदया भव, भव्यशीले ! लीलालवाकुलितदैत्यकुलापहारे ! श्रीचक्रराजनिलये ! श्रुतिगीतकीर्ते ! श्रीशैलनाथदयिते ! तव सुप्रभातम् ॥ 5॥

शंभो ! सुरेंद्रनुत ! शंकर ! शूलपाणे ! चंद्रावतंस ! शिव ! शर्व ! पिनाकपाणे ! गंगाधर ! क्रतुपते ! गरुडध्वजाप्त ! श्रीमल्लिकार्जुन विभो ! तव सुप्रभातम् ॥ 6॥

विश्वेश ! विश्वजनसेवित ! विश्वमूर्ते ! विश्वंभर ! त्रिपुरभेदन ! विश्वयोने ! फालाक्ष ! भव्यगुण ! भोगिविभूषणेश ! श्रीमल्लिकार्जुन विभो ! तव सुप्रभातम् ॥ 7॥

कल्याणरूप ! करुणाकर ! कालकंठ ! कल्पद्रुमप्रसवपूजित ! कामदायिन् ! दुर्नीतिदैत्यदलनोद्यत ! देव देव ! श्रीमल्लिकार्जुन विभो ! तव सुप्रभातम् ॥ 8॥

गौरीमनोहर ! गणेश्वरसेवितांघ्रे ! गंधर्वयक्षसुरकिन्नरगीतकीर्ते ! गंडावलंबिफणिकुंडलमंडितास्य ! श्रीमल्लिकार्जुन विभो ! तव सुप्रभातम् ॥ 9॥

नागेंद्रभूषण ! निरीहित ! निर्विकार ! निर्माय ! निश्चल ! निरर्गल ! नागभेदिन् । नारायणीप्रिय ! नतेष्टद ! निर्मलात्मन् ! श्रीपर्वताधिप ! विभो ! तव सुप्रभातम् ॥ 10॥

सृष्टं त्वयैव जगदेतदशेषमीश ! रक्षाविधिश्च विधिगोचर ! तावकीनः । संहारशक्तिरपि शंकर ! किंकरी ते श्रीशैलशेखर विभो ! तव सुप्रभातम् ॥ 11॥

एकस्त्वमेव बहुधा भव ! भासि लोके निश्शंकधीर्वृषभकेतन ! मल्लिनाथ ! श्रीभ्रामरीप्रय ! सुखाश्रय ! लोकनाथ ! श्रीशैलशेखर विभो ! तव सुप्रभातम् ॥ 12॥

पातालगांगजलमज्जननिर्मलांगाः भस्मत्रिपुंड्रसमलंकृतफालभागाः । गायंति देवमुनिभक्तजना भवंतं श्रीमल्लिकार्जुन विभो ! तव सुप्रभातम् ॥ 13॥

सारस्वतांबुयुतभोगवतीश्रितायाः ब्रह्मेशविष्णुगिरिचुंबितकृष्णवेण्याः । सोपानमार्गमधिरुह्य भजंति भक्ताः श्रीमल्लिकार्जुन विभो ! तव सुप्रभातम् ॥ 14॥

श्रीमल्लिकार्जुनमहेश्वरसुप्रभात- स्तोत्रं पठंति भुवि ये मनुजाः प्रभाते । ते सर्व सौख्यमनुभूय परानवाप्यं श्रीशांभवं पदमवाप्य मुदं लभंते ॥ 15॥

इति श्रीमल्लिकार्जुनसुप्रभातं संपूर्णम् ।

ಶ್ರೀ ಶ್ರೀಶೈಲ ಮಲ್ಲಿಕಾರ್ಜುನ ಸುಪ್ರಭಾತಂ ಬಗ್ಗೆ

ಶ್ರೀಶೈಲ ಮಲ್ಲಿಕಾರ್ಜುನ ಸುಪ್ರಭಾತ ಶ್ರೀಶೈಲದ ಮಲ್ಲಿಕಾರ್ಜುನ ಮತ್ತು ಭ್ರಮರಾಂಬೆಯನ್ನು ಎಬ್ಬಿಸುವ ಬೆಳಗಿನ ಸ್ತೋತ್ರ. ಇತರ ಸುಪ್ರಭಾತಗಳಂತೆ ಇದೂ ಬೆಳಗಿನ ಜಾವ ಅನಾಥಬಂಧು, ಸಿಂಧೂರದಿಂದ ಕೆಂಪಾದ ಕೆನ್ನೆಗಳ ಗಣನಾಥನ ಸ್ಮರಣೆಯಿಂದ ಆರಂಭವಾಗಿ, ಶಿವ ಪಾರ್ವತಿಯರನ್ನು ವಂದಿಸಿ, ಭಕ್ತನಿಗೆ ಮುಂಜಾನೆ ಮಂಗಳಕರವಾಗಲಿ ಎಂದು ಪ್ರಾರ್ಥಿಸುತ್ತದೆ.

ಯಾವಾಗ ಪಠಿಸಬೇಕು: ಮುಂಜಾನೆ, ವಿಶೇಷವಾಗಿ ಸೋಮವಾರಗಳಲ್ಲಿ, ಮತ್ತು ಶ್ರೀಶೈಲದಲ್ಲಿ.

ನಿಮಗೆ ಗೊತ್ತೇ?

  • ಪ್ರಸಿದ್ಧ ವೆಂಕಟೇಶ್ವರ ಸುಪ್ರಭಾತದಂತೆ, ಸುಪ್ರಭಾತವನ್ನು ("ಶುಭ ಮುಂಜಾನೆ") ದೇವಾಲಯ ಪೂಜೆಯ ಆರಂಭದಲ್ಲಿ ದೇವರನ್ನು ಎಬ್ಬಿಸಲು ಹಾಡಲಾಗುತ್ತದೆ.
  • ಶ್ರೀಶೈಲ ಶಿವನ ಜ್ಯೋತಿರ್ಲಿಂಗವೂ ದೇವಿಯ ಶಕ್ತಿಪೀಠವೂ ಹೌದು.

ಪದೇ ಪದೇ ಕೇಳುವ ಪ್ರಶ್ನೆಗಳು

ಸುಪ್ರಭಾತ ಎಂದರೇನು?

ದಿನದ ಪೂಜೆಯ ಆರಂಭದಲ್ಲಿ ದೇವರನ್ನು ಎಬ್ಬಿಸಲು ಹಾಡುವ ಬೆಳಗಿನ ಸ್ತೋತ್ರ.

ಇದು ಯಾರನ್ನು ಎಬ್ಬಿಸುತ್ತದೆ?

ಶ್ರೀಶೈಲದ ಮಲ್ಲಿಕಾರ್ಜುನ ಮತ್ತು ಭ್ರಮರಾಂಬೆಯನ್ನು.

ಇದನ್ನು ಯಾವಾಗ ಹಾಡುತ್ತಾರೆ?

ಮುಂಜಾನೆ, ವಿಶೇಷವಾಗಿ ಸೋಮವಾರಗಳಲ್ಲಿ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.