ಶ್ರೀ ಸುಬ್ರಹ್ಮಣ್ಯ ಕವಚ ಸ್ತೋತ್ರಂ
Subrahmanya Swamy · ಸಾಂಪ್ರದಾಯಿಕ ಭಕ್ತಿ ಪಠ್ಯ
ಅಸ್ಯ ಶ್ರೀಸುಬ್ರಹ್ಮಣ್ಯಕವಚಸ್ತೋತ್ರಮಹಾಮಂತ್ರಸ್ಯ, ಬ್ರಹ್ಮಾ ಋಷಿಃ, ಅನುಷ್ಟುಪ್ಛಂದಃ, ಶ್ರೀಸುಬ್ರಹ್ಮಣ್ಯೋ ದೇವತಾ, ಓಂ ನಮ ಇತಿ ಬೀಜಂ, ಭಗವತ ಇತಿ ಶಕ್ತಿಃ, ಸುಬ್ರಹ್ಮಣ್ಯಾಯೇತಿ ಕೀಲಕಂ, ಶ್ರೀಸುಬ್ರಹ್ಮಣ್ಯ ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ॥
ಕರನ್ಯಾಸಃ – ಓಂ ಸಾಂ ಅಂಗುಷ್ಠಾಭ್ಯಾಂ ನಮಃ । ಓಂ ಸೀಂ ತರ್ಜನೀಭ್ಯಾಂ ನಮಃ । ಓಂ ಸೂಂ ಮಧ್ಯಮಾಭ್ಯಾಂ ನಮಃ । ಓಂ ಸೈಂ ಅನಾಮಿಕಾಭ್ಯಾಂ ನಮಃ । ಓಂ ಸೌಂ ಕನಿಷ್ಠಿಕಾಭ್ಯಾಂ ನಮಃ । ಓಂ ಸಃ ಕರತಲಕರಪೃಷ್ಠಾಭ್ಯಾಂ ನಮಃ ॥ ಅಂಗನ್ಯಾಸಃ – ಓಂ ಸಾಂ ಹೃದಯಾಯ ನಮಃ । ಓಂ ಸೀಂ ಶಿರಸೇ ಸ್ವಾಹಾ । ಓಂ ಸೂಂ ಶಿಖಾಯೈ ವಷಟ್ । ಓಂ ಸೈಂ ಕವಚಾಯ ಹುಮ್ । ಓಂ ಸೌಂ ನೇತ್ರತ್ರಯಾಯ ವೌಷಟ್ । ಓಂ ಸಃ ಅಸ್ತ್ರಾಯ ಫಟ್ । ಭೂರ್ಭುವಸ್ಸುವರೋಮಿತಿ ದಿಗ್ಬಂಧಃ ॥
ಧ್ಯಾನಮ್ । ಸಿಂದೂರಾರುಣಮಿಂದುಕಾಂತಿವದನಂ ಕೇಯೂರಹಾರಾದಿಭಿಃ ದಿವ್ಯೈರಾಭರಣೈರ್ವಿಭೂಷಿತತನುಂ ಸ್ವರ್ಗಾದಿಸೌಖ್ಯಪ್ರದಮ್ । ಅಂಭೋಜಾಭಯಶಕ್ತಿಕುಕ್ಕುಟಧರಂ ರಕ್ತಾಂಗರಾಗೋಜ್ಜ್ವಲಂ ಸುಬ್ರಹ್ಮಣ್ಯಮುಪಾಸ್ಮಹೇ ಪ್ರಣಮತಾಂ ಸರ್ವಾರ್ಥಸಿದ್ಧಿಪ್ರದಮ್ ॥ [ಭೀತಿಪ್ರಣಾಶೋದ್ಯತಂ]
ಲಮಿತ್ಯಾದಿ ಪಂಚಪೂಜಾ । ಓಂ ಲಂ ಪೃಥಿವ್ಯಾತ್ಮನೇ ಸುಬ್ರಹ್ಮಣ್ಯಾಯ ಗಂಧಂ ಸಮರ್ಪಯಾಮಿ । ಓಂ ಹಂ ಆಕಾಶಾತ್ಮನೇ ಸುಬ್ರಹ್ಮಣ್ಯಾಯ ಪುಷ್ಪಾಣಿ ಸಮರ್ಪಯಾಮಿ । ಓಂ ಯಂ ವಾಯ್ವಾತ್ಮನೇ ಸುಬ್ರಹ್ಮಣ್ಯಾಯ ಧೂಪಮಾಘ್ರಾಪಯಾಮಿ । ಓಂ ರಂ ಅಗ್ನ್ಯಾತ್ಮನೇ ಸುಬ್ರಹ್ಮಣ್ಯಾಯ ದೀಪಂ ದರ್ಶಯಾಮಿ । ಓಂ ವಂ ಅಮೃತಾತ್ಮನೇ ಸುಬ್ರಹ್ಮಣ್ಯಾಯ ಸ್ವಾದನ್ನಂ ನಿವೇದಯಾಮಿ । ಓಂ ಸಂ ಸರ್ವಾತ್ಮನೇ ಸುಬ್ರಹ್ಮಣ್ಯಾಯ ಸರ್ವೋಪಚಾರಾನ್ ಸಮರ್ಪಯಾಮಿ ।
ಕವಚಮ್ । ಸುಬ್ರಹ್ಮಣ್ಯೋಽಗ್ರತಃ ಪಾತು ಸೇನಾನೀಃ ಪಾತು ಪೃಷ್ಠತಃ । ಗುಹೋ ಮಾಂ ದಕ್ಷಿಣೇ ಪಾತು ವಹ್ನಿಜಃ ಪಾತು ವಾಮತಃ ॥ 1 ॥
ಶಿರಃ ಪಾತು ಮಹಾಸೇನಃ ಸ್ಕಂದೋ ರಕ್ಷೇಲ್ಲಲಾಟಕಮ್ । ನೇತ್ರೇ ಮೇ ದ್ವಾದಶಾಕ್ಷಶ್ಚ ಶ್ರೋತ್ರೇ ರಕ್ಷತು ವಿಶ್ವಭೃತ್ ॥ 2 ॥
ಮುಖಂ ಮೇ ಷಣ್ಮುಖಃ ಪಾತು ನಾಸಿಕಾಂ ಶಂಕರಾತ್ಮಜಃ । ಓಷ್ಠೌ ವಲ್ಲೀಪತಿಃ ಪಾತು ಜಿಹ್ವಾಂ ಪಾತು ಷಡಾನನಃ ॥ 3 ॥
ದೇವಸೇನಾಪತಿರ್ದಂತಾನ್ ಚಿಬುಕಂ ಬಹುಲೋದ್ಭವಃ । ಕಂಠಂ ತಾರಕಜಿತ್ಪಾತು ಬಾಹೂ ದ್ವಾದಶಬಾಹುಕಃ ॥ 4 ॥
ಹಸ್ತೌ ಶಕ್ತಿಧರಃ ಪಾತು ವಕ್ಷಃ ಪಾತು ಶರೋದ್ಭವಃ । ಹೃದಯಂ ವಹ್ನಿಭೂಃ ಪಾತು ಕುಕ್ಷಿಂ ಪಾತ್ವಂಬಿಕಾಸುತಃ ॥ 5 ॥
ನಾಭಿಂ ಶಂಭುಸುತಃ ಪಾತು ಕಟಿಂ ಪಾತು ಹರಾತ್ಮಜಃ । ಊರೂ ಪಾತು ಗಜಾರೂಢೋ ಜಾನೂ ಮೇ ಜಾಹ್ನವೀಸುತಃ ॥ 6 ॥
ಜಂಘೇ ವಿಶಾಖೋ ಮೇ ಪಾತು ಪಾದೌ ಮೇ ಶಿಖಿವಾಹನಃ । ಸರ್ವಾಣ್ಯಂಗಾನಿ ಭೂತೇಶಃ ಸರ್ವಧಾತೂಂಶ್ಚ ಪಾವಕಿಃ ॥ 7 ॥
ಸಂಧ್ಯಾಕಾಲೇ ನಿಶೀಥಿನ್ಯಾಂ ದಿವಾ ಪ್ರಾತರ್ಜಲೇಽಗ್ನಿಷು । ದುರ್ಗಮೇ ಚ ಮಹಾರಣ್ಯೇ ರಾಜದ್ವಾರೇ ಮಹಾಭಯೇ ॥ 8 ॥
ತುಮುಲೇ ರಣ್ಯಮಧ್ಯೇ ಚ ಸರ್ವದುಷ್ಟಮೃಗಾದಿಷು । ಚೋರಾದಿಸಾಧ್ವಸೇಽಭೇದ್ಯೇ ಜ್ವರಾದಿವ್ಯಾಧಿಪೀಡನೇ ॥ 9 ॥
ದುಷ್ಟಗ್ರಹಾದಿಭೀತೌ ಚ ದುರ್ನಿಮಿತ್ತಾದಿಭೀಷಣೇ । ಅಸ್ತ್ರಶಸ್ತ್ರನಿಪಾತೇ ಚ ಪಾತು ಮಾಂ ಕ್ರೌಂಚರಂಧ್ರಕೃತ್ ॥ 10 ॥
ಯಃ ಸುಬ್ರಹ್ಮಣ್ಯಕವಚಂ ಇಷ್ಟಸಿದ್ಧಿಪ್ರದಂ ಪಠೇತ್ । ತಸ್ಯ ತಾಪತ್ರಯಂ ನಾಸ್ತಿ ಸತ್ಯಂ ಸತ್ಯಂ ವದಾಮ್ಯಹಮ್ ॥ 11 ॥
ಧರ್ಮಾರ್ಥೀ ಲಭತೇ ಧರ್ಮಮರ್ಥಾರ್ಥೀ ಚಾರ್ಥಮಾಪ್ನುಯಾತ್ । ಕಾಮಾರ್ಥೀ ಲಭತೇ ಕಾಮಂ ಮೋಕ್ಷಾರ್ಥೀ ಮೋಕ್ಷಮಾಪ್ನುಯಾತ್ ॥ 12 ॥
ಯತ್ರ ಯತ್ರ ಜಪೇದ್ಭಕ್ತ್ಯಾ ತತ್ರ ಸನ್ನಿಹಿತೋ ಗುಹಃ । ಪೂಜಾಪ್ರತಿಷ್ಠಾಕಾಲೇ ಚ ಜಪಕಾಲೇ ಪಠೇದಿದಮ್ ॥ 13 ॥
ತೇಷಾಮೇವ ಫಲಾವಾಪ್ತಿಃ ಮಹಾಪಾತಕನಾಶನಮ್ । ಯಃ ಪಠೇಚ್ಛೃಣುಯಾದ್ಭಕ್ತ್ಯಾ ನಿತ್ಯಂ ದೇವಸ್ಯ ಸನ್ನಿಧೌ । ಸರ್ವಾನ್ಕಾಮಾನಿಹ ಪ್ರಾಪ್ಯ ಸೋಽಂತೇ ಸ್ಕಂದಪುರಂ ವ್ರಜೇತ್ ॥ 14 ॥
ಉತ್ತರನ್ಯಾಸಃ ॥ ಕರನ್ಯಾಸಃ – ಓಂ ಸಾಂ ಅಂಗುಷ್ಠಾಭ್ಯಾಂ ನಮಃ । ಓಂ ಸೀಂ ತರ್ಜನೀಭ್ಯಾಂ ನಮಃ । ಓಂ ಸೂಂ ಮಧ್ಯಮಾಭ್ಯಾಂ ನಮಃ । ಓಂ ಸೈಂ ಅನಾಮಿಕಾಭ್ಯಾಂ ನಮಃ । ಓಂ ಸೌಂ ಕನಿಷ್ಠಿಕಾಭ್ಯಾಂ ನಮಃ । ಓಂ ಸಃ ಕರತಲಕರಪೃಷ್ಠಾಭ್ಯಾಂ ನಮಃ ॥ ಅಂಗನ್ಯಾಸಃ – ಓಂ ಸಾಂ ಹೃದಯಾಯ ನಮಃ । ಓಂ ಸೀಂ ಶಿರಸೇ ಸ್ವಾಹಾ । ಓಂ ಸೂಂ ಶಿಖಾಯೈ ವಷಟ್ । ಓಂ ಸೈಂ ಕವಚಾಯ ಹುಮ್ । ಓಂ ಸೌಂ ನೇತ್ರತ್ರಯಾಯ ವೌಷಟ್ । ಓಂ ಸಃ ಅಸ್ತ್ರಾಯ ಫಟ್ । ಭೂರ್ಭುವಸ್ಸುವರೋಮಿತಿ ದಿಗ್ವಿಮೋಕಃ ॥
ಇತಿ ಶ್ರೀ ಸುಬ್ರಹ್ಮಣ್ಯ ಕವಚ ಸ್ತೋತ್ರಮ್ ।
ಶ್ರೀ ಸುಬ್ರಹ್ಮಣ್ಯ ಕವಚ ಸ್ತೋತ್ರಂ ಬಗ್ಗೆ
ಸುಬ್ರಹ್ಮಣ್ಯ ಕವಚ ಸ್ತೋತ್ರ ಶ್ರೀ ಸುಬ್ರಹ್ಮಣ್ಯನ (ಮುರುಗ, ಸ್ಕಂದ) ರಕ್ಷಾ "ಕವಚ" ಸ್ತೋತ್ರ. ಇದರ ವಿನಿಯೋಗ ಬ್ರಹ್ಮನನ್ನು ಋಷಿ, ಸುಬ್ರಹ್ಮಣ್ಯನನ್ನು ದೇವತೆ, "ಓಂ ನಮಃ" ಬೀಜ, "ಭಗವತೇ" ಶಕ್ತಿ ಎನ್ನುತ್ತದೆ; ಸಾಂ, ಸೀಂ, ಸೂಂ ಮೊದಲಾದ ಬೀಜಾಕ್ಷರಗಳೊಡನೆ ಷಡಂಗನ್ಯಾಸ ನೀಡುತ್ತದೆ. ನಂತರ ಶಕ್ತಿಧಾರಿ ಷಣ್ಮುಖ ದೇಹದ ಪ್ರತಿ ಅಂಗವನ್ನು ಕಾಪಾಡಲಿ ಎಂದು ಕೇಳುತ್ತದೆ.
ಯಾವಾಗ ಪಠಿಸಬೇಕು: ಷಷ್ಠಿ, ಕೃತ್ತಿಕೆ ಮತ್ತು ಮಂಗಳವಾರಗಳಲ್ಲಿ, ಸ್ಕಂದಷಷ್ಠಿಯಲ್ಲಿ, ಮತ್ತು ರಕ್ಷೆಗಾಗಿ.
ನಿಮಗೆ ಗೊತ್ತೇ?
- ಷಡಂಗನ್ಯಾಸ ಸುಬ್ರಹ್ಮಣ್ಯನ ಆರು ಮುಖಗಳಿಗೆ (ಷಣ್ಮುಖ) ಹೊಂದುತ್ತದೆ.
- ಶೂರಪದ್ಮಾಸುರನನ್ನು ಸೋಲಿಸಲು ಪಾರ್ವತಿ ಅವನಿಗೆ ವೇಲ್ (ಶಕ್ತ್ಯಾಯುಧ) ನೀಡಿದಳು.
ಈ ಹಬ್ಬಗಳಂದು ಪಠಿಸುತ್ತಾರೆ
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ಕವಚದ ಋಷಿ ಯಾರು?
ವಿನಿಯೋಗ ಹೇಳುವಂತೆ ಬ್ರಹ್ಮ.
ಇದು ಏನನ್ನು ಕೇಳುತ್ತದೆ?
ಸುಬ್ರಹ್ಮಣ್ಯ ದೇಹದ ಪ್ರತಿ ಅಂಗವನ್ನು ಕಾಪಾಡಲಿ ಎಂದು.
ಇದನ್ನು ಯಾವಾಗ ಪಠಿಸುತ್ತಾರೆ?
ಷಷ್ಠಿ, ಕೃತ್ತಿಕೆ, ಮಂಗಳವಾರ ಮತ್ತು ಸ್ಕಂದಷಷ್ಠಿಯಂದು.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು