ಶ್ರೀಮದ್ಭಗವದ್ಗೀತಾ ಮೂಲಂ - ದಶಮೋಽಧ್ಯಾಯಃ
Sri Krishna · ಸಾಂಪ್ರದಾಯಿಕ ಭಕ್ತಿ ಪಠ್ಯ
ওং শ্রীপরমাত্মনে নমঃ অথ দশমোঽধ্য়ায়ঃ । বিভূতিয়োগঃ
শ্রীভগবানুবাচ
ভূয় এব মহাবাহো শৃণু মে পরমং বচঃ । যত্তেঽহং প্রীযমাণায় বক্ষ্য়ামি হিতকাম্যয়া ॥ 1
ন মে বিদুঃ সুরগণাঃ প্রভবং ন মহর্ষয়ঃ । অহমাদির্হি দেবানাং মহর্ষীণাং চ সর্বশঃ ॥ 2 ॥
যো মামজমনাদিং চ বেত্তি লোকমহেশ্বরম্ । অসংমূঢঃ স মর্ত্য়েষু সর্বপাপৈঃ প্রমুচ্যতে ॥ 3 ॥
বুদ্ধির্জ্ঞানমসংমোহঃ ক্ষমা সত্য়ং দমঃ শমঃ । সুখং দুঃখং ভবোঽভাবো ভয়ং চাভযমেব চ ॥ 4 ॥
অহিংসা সমতা তুষ্টিস্তপো দানং যশোঽযশঃ । ভবংতি ভাবা ভূতানাং মত্ত এব পৃথগ্বিধাঃ ॥ 5 ॥
মহর্ষয়ঃ সপ্ত পূর্বে চত্বারো মনবস্তথা । মদ্ভাবা মানসা জাতা যেষাং লোক ইমাঃ প্রজাঃ ॥ 6 ॥
এতাং বিভূতিং যোগং চ মম যো বেত্তি তত্ত্বতঃ । সোঽবিকংপেন যোগেন যুজ্যতে নাত্র সংশয়ঃ ॥ 7 ॥
অহং সর্বস্য় প্রভবো মত্তঃ সর্বং প্রবর্ততে । ইতি মত্বা ভজংতে মাং বুধা ভাবসমন্বিতাঃ ॥ 8 ॥
মচ্চিত্তা মদ্গতপ্রাণা বোধয়ংতঃ পরস্পরম্ । কথয়ংতশ্চ মাং নিত্য়ং তুষ্য়ংতি চ রমংতি চ ॥ 9 ॥
তেষাং সততয়ুক্তানাং ভজতাং প্রীতিপূর্বকম্ । দদামি বুদ্ধিয়োগং তং যেন মামুপয়াংতি তে ॥ 10 ॥
তেষামেবানুকংপার্থমহমজ্ঞানজং তমঃ । নাশয়াম্য়াত্মভাবস্থো জ্ঞানদীপেন ভাস্বতা ॥ 11 ॥
অর্জুন উবাচ
পরং ব্রহ্ম পরং ধাম পবিত্রং পরমং ভবান্ । পুরুষং শাশ্বতং দিব্যমাদিদেবমজং বিভুম্ ॥ 12
আহুস্ত্বামৃষয়ঃ সর্বে দেবর্ষির্নারদস্তথা । অসিতো দেবলো ব্য়াসঃ স্বয়ং চৈব ব্রবীষি মে ॥ 13 ॥
সর্বমেতদৃতং মন্য়ে যন্মাং বদসি কেশব । ন হি তে ভগবন্ব্যক্তিং বিদুর্দেবা ন দানবাঃ ॥ 14 ॥
স্বযমেবাত্মনাত্মানং বেত্থ ত্বং পুরুষোত্তম । ভূতভাবন ভূতেশ দেবদেব জগত্পতে ॥ 15 ॥
বক্তুমর্হস্যশেষেণ দিব্য়া হ্য়াত্মবিভূতয়ঃ । যাভির্বিভূতিভির্লোকানিমাংস্ত্বং ব্য়াপ্য় তিষ্ঠসি ॥ 16 ॥
কথং বিদ্য়ামহং যোগিংস্ত্বাং সদা পরিচিংতযন্ । কেষু কেষু চ ভাবেষু চিংত্য়োঽসি ভগবন্ময়া ॥ 17 ॥
বিস্তরেণাত্মনো যোগং বিভূতিং চ জনার্দন । ভূয়ঃ কথয় তৃপ্তির্হি শৃণ্বতো নাস্তি মেঽমৃতম্ ॥ 18 ॥
শ্রীভগবানুবাচ
হংত তে কথয়িষ্য়ামি দিব্য়া হ্য়াত্মবিভূতয়ঃ । প্রাধান্যতঃ কুরুশ্রেষ্ঠ নাস্ত্য়ংতো বিস্তরস্য় মে ॥ 19
অহমাত্মা গুডাকেশ সর্বভূতাশযস্থিতঃ । অহমাদিশ্চ মধ্য়ং চ ভূতানামংত এব চ ॥ 20 ॥
আদিত্য়ানামহং বিষ্ণুর্জ্য়োতিষাং রবিরংশুমান্ । মরীচির্মরুতামস্মি নক্ষত্রাণামহং শশী ॥ 21 ॥
বেদানাং সামবেদোঽস্মি দেবানামস্মি বাসবঃ । ইংদ্রিয়াণাং মনশ্চাস্মি ভূতানামস্মি চেতনা ॥ 22 ॥
রুদ্রাণাং শংকরশ্চাস্মি বিত্তেশো যক্ষরক্ষসাম্ । বসূনাং পাবকশ্চাস্মি মেরুঃ শিখরিণামহম্ ॥ 23 ॥
পুরোধসাং চ মুখ্য়ং মাং বিদ্ধি পার্থ বৃহস্পতিম্ । সেনানীনামহং স্কংদঃ সরসামস্মি সাগরঃ ॥ 24 ॥
মহর্ষীণাং ভৃগুরহং গিরামস্ম্য়েকমক্ষরম্ । যজ্ঞানাং জপযজ্ঞোঽস্মি স্থাবরাণাং হিমালয়ঃ ॥ 25 ॥
অশ্বত্থঃ সর্ববৃক্ষাণাং দেবর্ষীণাং চ নারদঃ । গংধর্বাণাং চিত্ররথঃ সিদ্ধানাং কপিলো মুনিঃ ॥ 26 ॥
উচ্চৈঃশ্রবসমশ্বানাং বিদ্ধি মামমৃতোদ্ভবম্ । ঐরাবতং গজেংদ্রাণাং নরাণাং চ নরাধিপম্ ॥ 27 ॥
আয়ুধানামহং বজ্রং ধেনূনামস্মি কামধুক্ । প্রজনশ্চাস্মি কংদর্পঃ সর্পাণামস্মি বাসুকিঃ ॥ 28 ॥
অনংতশ্চাস্মি নাগানাং বরুণো যাদসামহম্ । পিতৄণামর্যমা চাস্মি যমঃ সংযমতামহম্ ॥ 29 ॥
প্রহ্লাদশ্চাস্মি দৈত্য়ানাং কালঃ কলযতামহম্ । মৃগাণাং চ মৃগেংদ্রোঽহং বৈনতেযশ্চ পক্ষিণাম্ ॥ 30 ॥
পবনঃ পবতামস্মি রামঃ শস্ত্রভৃতামহম্ । ঝষাণাং মকরশ্চাস্মি স্রোতসামস্মি জাহ্নবী ॥ 31 ॥
সর্গাণামাদিরংতশ্চ মধ্য়ং চৈবাহমর্জুন । অধ্য়াত্মবিদ্য়া বিদ্য়ানাং বাদঃ প্রবদতামহম্ ॥ 32 ॥
অক্ষরাণামকারোঽস্মি দ্বংদ্বঃ সামাসিকস্য় চ । অহমেবাক্ষয়ঃ কালো ধাতাহং বিশ্বতোমুখঃ ॥ 33 ॥
মৃত্য়ুঃ সর্বহরশ্চাহমুদ্ভবশ্চ ভবিষ্যতাম্ । কীর্তিঃ শ্রীর্বাক্চ নারীণাং স্মৃতির্মেধা ধৃতিঃ ক্ষমা ॥ 34 ॥
বৃহত্সাম তথা সাম্নাং গাযত্রী ছংদসামহম্ । মাসানাং মার্গশীর্ষোঽহমৃতূনাং কুসুমাকরঃ ॥ 35 ॥
দ্য়ূতং ছলযতামস্মি তেজস্তেজস্বিনামহম্ । জয়োঽস্মি ব্যবসায়োঽস্মি সত্ত্বং সত্ত্ববতামহম্ ॥ 36 ॥
বৃষ্ণীনাং বাসুদেবোঽস্মি পাংডবানাং ধনংজয়ঃ । মুনীনামপ্যহং ব্য়াসঃ কবীনামুশনা কবিঃ ॥ 37 ॥
দংডো দমযতামস্মি নীতিরস্মি জিগীষতাম্ । মৌনং চৈবাস্মি গুহ্য়ানাং জ্ঞানং জ্ঞানবতামহম্ ॥ 38 ॥
যচ্চাপি সর্বভূতানাং বীজং তদহমর্জুন । ন তদস্তি বিনা যত্স্য়ান্ময়া ভূতং চরাচরম্ ॥ 39 ॥
নাংতোঽস্তি মম দিব্য়ানাং বিভূতীনাং পরংতপ । এষ তূদ্দেশতঃ প্রোক্তো বিভূতের্বিস্তরো ময়া ॥ 40 ॥
যদ্যদ্বিভূতিমত্সত্ত্বং শ্রীমদূর্জিতমেব বা । তত্তদেবাবগচ্ছ ত্বং মম তেজোংঽশসংভবম্ ॥ 41 ॥
অথবা বহুনৈতেন কিং জ্ঞাতেন তবার্জুন । বিষ্টভ্য়াহমিদং কৃত্স্নমেকাংশেন স্থিতো জগত্ ॥ 42 ॥
ওং তত্সদিতি শ্রীমদ্ভগবদ্গীতাসূপনিষত্সু ব্রহ্মবিদ্য়ায়াং যোগশাস্ত্রে শ্রীকৃষ্ণার্জুনসংবাদে বিভূতিয়োগো নাম দশমোঽধ্য়ায়ঃ ॥10 ॥
ಶ್ರೀಮದ್ಭಗವದ್ಗೀತಾ ಮೂಲಂ - ದಶಮೋಽಧ್ಯಾಯಃ ಬಗ್ಗೆ
ಭಗವದ್ಗೀತೆಯ ಹತ್ತನೇ ಅಧ್ಯಾಯ ವಿಭೂತಿಯೋಗ ಕೃಷ್ಣನ ವೈಭವಗಳ ಬೋಧನೆ. "ದೇವತೆಗಳೂ ಮಹರ್ಷಿಗಳೂ ನನ್ನ ಮೂಲ ಅರಿಯರು, ಏಕೆಂದರೆ ನಾನೇ ಅವರೆಲ್ಲರ ಆದಿ." ಬುದ್ಧಿ, ಕ್ಷಮೆ, ಸತ್ಯ, ಶಮ, ಸುಖ, ದುಃಖ ಮೊದಲಾದ ಜೀವಿಗಳ ಭಾವಗಳೆಲ್ಲ ತನ್ನಿಂದಲೇ; ತನ್ನಲ್ಲಿ ಮನಸ್ಸಿಟ್ಟು ಪರಸ್ಪರ ತನ್ನ ಬಗ್ಗೆ ಮಾತಾಡುವವರು ತೃಪ್ತಿ ಪಡೆಯುತ್ತಾರೆ ಎನ್ನುತ್ತಾನೆ. ಅರ್ಜುನನ ಕೋರಿಕೆಯಂತೆ ಆದಿತ್ಯರಲ್ಲಿ ವಿಷ್ಣು, ನದಿಗಳಲ್ಲಿ ಗಂಗೆಯಿಂದ ಅಕ್ಷರಗಳಲ್ಲಿ "ಅ", ರಹಸ್ಯಗಳಲ್ಲಿ ಮೌನದವರೆಗೆ ಮುಖ್ಯ ವಿಭೂತಿಗಳನ್ನು ಹೆಸರಿಸಿ, "ಈ ಇಡೀ ಜಗತ್ತನ್ನು ನನ್ನ ಒಂದು ಅಂಶದಿಂದ ಧರಿಸಿ ನಿಂತಿದ್ದೇನೆ" ಎಂದು ಮುಗಿಸುತ್ತಾನೆ.
ಮೂಲ: ಮಹಾಭಾರತ, ಭೀಷ್ಮಪರ್ವ (ಭಗವದ್ಗೀತೆ, 10ನೇ ಅಧ್ಯಾಯ)
ಯಾವಾಗ ಪಠಿಸಬೇಕು: ದಿನನಿತ್ಯದ ಗೀತಾಪಠಣದಲ್ಲಿ, ಗೀತಾಜಯಂತಿ ಮತ್ತು ಏಕಾದಶಿಯಂದು.
ನಿಮಗೆ ಗೊತ್ತೇ?
- ೯ನೇ ಶ್ಲೋಕ "ಮಚ್ಚಿತ್ತಾ ಮದ್ಗತಪ್ರಾಣಾ" ಭಗವಂತನ ಬಗ್ಗೆ ಒಟ್ಟಿಗೆ ಮಾತಾಡಿ ಸಂತೋಷಿಸುವ ಭಕ್ತರನ್ನು ವರ್ಣಿಸುತ್ತದೆ.
- ೪೨ನೇ ಶ್ಲೋಕ ಇಡೀ ಜಗತ್ತು ಭಗವಂತನ ಒಂದು ಅಂಶದ ಮೇಲೆ ನಿಂತಿದೆ ಎಂಬ ವಿಚಾರದೊಡನೆ ಅಧ್ಯಾಯ ಮುಗಿಸುತ್ತದೆ.
ಪದೇ ಪದೇ ಕೇಳುವ ಪ್ರಶ್ನೆಗಳು
ಈ ಅಧ್ಯಾಯದ ಹೆಸರೇನು?
ವಿಭೂತಿಯೋಗ.
ಅಕ್ಷರಗಳಲ್ಲಿ ಕೃಷ್ಣ ಯಾವುದು?
"ಅ" ಅಕ್ಷರ.
ಕೃಷ್ಣ ಜಗತ್ತನ್ನು ಹೇಗೆ ಧರಿಸುತ್ತಾನೆ?
ತನ್ನ ಒಂದು ಅಂಶದಿಂದ.
ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.
ಇನ್ನಷ್ಟು ಭಕ್ತಿ ಪಠ್ಯಗಳು