MuhurtaNow

ಸೂರ್ಯ ಸಹಸ್ರ ನಾಮ ಸ್ತೋತ್ರಂ

Navagraha · ಸಾಂಪ್ರದಾಯಿಕ ಭಕ್ತಿ ಪಠ್ಯ

അസ്യ ശ്രീ സൂര്യ സഹസ്രനാമ സ്തോത്രസ്യ വേദവ്യാസ ഋഷിഃ അനുഷ്ടുപ്ഛംദഃ സവിതാ ദേവതാ സർവാഭീഷ്ട സിദ്ധ്യര്ഥേ ജപേ വിനിയോഗഃ ।

ധ്യാനമ് । ധ്യേയഃ സദാ സവിതൃമംഡലമധ്യവര്തീ നാരായണഃ സരസിജാസനസന്നിവിഷ്ടഃ । കേയൂരവാന് മകരകുംഡലവാന് കിരീടീ ഹാരീ ഹിരണ്മയവപുര്ധൃതശംഖചക്രഃ ॥

സ്തോത്രമ് । ഓം വിശ്വവിദ്വിശ്വജിത്കര്താ വിശ്വാത്മാ വിശ്വതോമുഖഃ । വിശ്വേശ്വരോ വിശ്വയോനിര്നിയതാത്മാ ജിതേംദ്രിയഃ ॥ 1 ॥

കാലാശ്രയഃ കാലകര്താ കാലഹാ കാലനാശനഃ । മഹായോഗീ മഹാസിദ്ധിര്മഹാത്മാ സുമഹാബലഃ ॥ 2 ॥

പ്രഭുർവിഭുര്ഭൂതനാഥോ ഭൂതാത്മാ ഭുവനേശ്വരഃ । ഭൂതഭവ്യോ ഭാവിതാത്മാ ഭൂതാംതഃകരണം ശിവഃ ॥ 3 ॥

ശരണ്യഃ കമലാനംദോ നംദനോ നംദവര്ധനഃ । വരേണ്യോ വരദോ യോഗീ സുസംയുക്തഃ പ്രകാശകഃ ॥ 4 ॥

പ്രാപ്തയാനഃ പരപ്രാണഃ പൂതാത്മാ പ്രിയതഃ പ്രിയഃ । [പ്രയതഃ] നയഃ സഹസ്രപാത് സാധുര്ദിവ്യകുംഡലമംഡിതഃ ॥ 5 ॥

അവ്യംഗധാരീ ധീരാത്മാ സവിതാ വായുവാഹനഃ । സമാഹിതമതിര്ദാതാ വിധാതാ കൃതമംഗലഃ ॥ 6 ॥

കപര്ദീ കല്പപാദ്രുദ്രഃ സുമനാ ധര്മവത്സലഃ । സമായുക്തോ വിമുക്താത്മാ കൃതാത്മാ കൃതിനാം വരഃ ॥ 7 ॥

അവിചിംത്യവപുഃ ശ്രേഷ്ഠോ മഹായോഗീ മഹേശ്വരഃ । കാംതഃ കാമാരിരാദിത്യോ നിയതാത്മാ നിരാകുലഃ ॥ 8 ॥

കാമഃ കാരുണികഃ കര്താ കമലാകരബോധനഃ । സപ്തസപ്തിരചിംത്യാത്മാ മഹാകാരുണികോത്തമഃ ॥ 9 ॥

സംജീവനോ ജീവനാഥോ ജയോ ജീവോ ജഗത്പതിഃ । അയുക്തോ വിശ്വനിലയഃ സംവിഭാഗീ വൃഷധ്വജഃ ॥ 10 ॥

വൃഷാകപിഃ കല്പകര്താ കല്പാംതകരണോ രവിഃ । ഏകചക്രരഥോ മൌനീ സുരഥോ രഥിനാം വരഃ ॥ 11 ॥

സക്രോധനോ രശ്മിമാലീ തേജോരാശിർവിഭാവസുഃ । ദിവ്യകൃദ്ദിനകൃദ്ദേവോ ദേവദേവോ ദിവസ്പതിഃ ॥ 12 ॥

ദീനനാഥോ ഹരോ ഹോതാ ദിവ്യബാഹുര്ദിവാകരഃ । യജ്ഞോ യജ്ഞപതിഃ പൂഷാ സ്വര്ണരേതാഃ പരാവരഃ ॥ 13 ॥

പരാപരജ്ഞസ്തരണിരംശുമാലീ മനോഹരഃ । പ്രാജ്ഞഃ പ്രാജ്ഞപതിഃ സൂര്യഃ സവിതാ വിഷ്ണുരംശുമാന് ॥ 14 ॥

സദാഗതിര്ഗംധവഹോ വിഹിതോ വിധിരാശുഗഃ । പതംഗഃ പതഗഃ സ്ഥാണുർവിഹംഗോ വിഹഗോ വരഃ ॥ 15 ॥

ഹര്യശ്വോ ഹരിതാശ്വശ്ച ഹരിദശ്വോ ജഗത്പ്രിയഃ । ത്ര്യംബകഃ സർവദമനോ ഭാവിതാത്മാ ഭിഷഗ്വരഃ ॥ 16 ॥

ആലോകകൃല്ലോകനാഥോ ലോകാലോകനമസ്കൃതഃ । കാലഃ കല്പാംതകോ വഹ്നിസ്തപനഃ സംപ്രതാപനഃ ॥ 17 ॥

വിലോചനോ വിരൂപാക്ഷഃ സഹസ്രാക്ഷഃ പുരംദരഃ । സഹസ്രരശ്മിര്മിഹിരോ വിവിധാംബരഭൂഷണഃ ॥ 18 ॥

ഖഗഃ പ്രതര്ദനോ ധന്യോ ഹയഗോ വാഗ്വിശാരദഃ । ശ്രീമാനശിശിരോ വാഗ്മീ ശ്രീപതിഃ ശ്രീനികേതനഃ ॥ 19 ॥

ശ്രീകംഠഃ ശ്രീധരഃ ശ്രീമാന് ശ്രീനിവാസോ വസുപ്രദഃ । കാമചാരീ മഹാമായോ മഹോഗ്രോഽവിദിതാമയഃ ॥ 20 ॥

തീര്ഥക്രിയാവാന് സുനയോ വിഭക്തോ ഭക്തവത്സലഃ । കീര്തിഃ കീര്തികരോ നിത്യഃ കുംഡലീ കവചീ രഥീ ॥ 21 ॥

ഹിരണ്യരേതാഃ സപ്താശ്വഃ പ്രയതാത്മാ പരംതപഃ । ബുദ്ധിമാനമരശ്രേഷ്ഠോ രോചിഷ്ണുഃ പാകശാസനഃ ॥ 22 ॥

സമുദ്രോ ധനദോ ധാതാ മാംധാതാ കശ്മലാപഹഃ । തമോഘ്നോ ധ്വാംതഹാ വഹ്നിര്ഹോതാഽംതഃകരണോ ഗുഹഃ ॥ 23 ॥

പശുമാന് പ്രയതാനംദോ ഭൂതേശഃ ശ്രീമതാം വരഃ । നിത്യോഽദിതോ നിത്യരഥഃ സുരേശഃ സുരപൂജിതഃ ॥ 24 ॥

അജിതോ വിജിതോ ജേതാ ജംഗമസ്ഥാവരാത്മകഃ । ജീവാനംദോ നിത്യഗാമീ വിജേതാ വിജയപ്രദഃ ॥ 25 ॥

പര്ജന്യോഽഗ്നിഃ സ്ഥിതിഃ സ്ഥേയഃ സ്ഥവിരോഽഥ നിരംജനഃ । പ്രദ്യോതനോ രഥാരൂഢഃ സർവലോകപ്രകാശകഃ ॥ 26 ॥

ധ്രുവോ മേഷീ മഹാവീര്യോ ഹംസഃ സംസാരതാരകഃ । സൃഷ്ടികര്താ ക്രിയാഹേതുര്മാര്തംഡോ മരുതാം പതിഃ ॥ 27 ॥

മരുത്വാന് ദഹനസ്ത്വഷ്ടാ ഭഗോ ഭര്ഗോഽര്യമാ കപിഃ । വരുണേശോ ജഗന്നാഥഃ കൃതകൃത്യഃ സുലോചനഃ ॥ 28 ॥

വിവസ്വാന് ഭാനുമാന് കാര്യഃ കാരണസ്തേജസാം നിധിഃ । അസംഗഗാമീ തിഗ്മാംശുര്ധര്മാംശുര്ദീപ്തദീധിതിഃ ॥ 29 ॥

സഹസ്രദീധിതിര്ബ്രധ്നഃ സഹസ്രാംശുര്ദിവാകരഃ । ഗഭസ്തിമാന് ദീധിതിമാന് സ്രഗ്വീ മണികുലദ്യുതിഃ ॥ 30 ॥

ഭാസ്കരഃ സുരകാര്യജ്ഞഃ സർവജ്ഞസ്തീക്ഷ്ണദീധിതിഃ । സുരജ്യേഷ്ഠഃ സുരപതിര്ബഹുജ്ഞോ വചസാം പതിഃ ॥ 31 ॥

തേജോനിധിര്ബൃഹത്തേജാ ബൃഹത്കീര്തിര്ബൃഹസ്പതിഃ । അഹിമാനൂര്ജിതോ ധീമാനാമുക്തഃ കീര്തിവര്ധനഃ ॥ 32 ॥

മഹാവൈദ്യോ ഗണപതിര്ധനേശോ ഗണനായകഃ । തീവ്രപ്രതാപനസ്താപീ താപനോ വിശ്വതാപനഃ ॥ 33 ॥

കാര്തസ്വരോ ഹൃഷീകേശഃ പദ്മാനംദോഽതിനംദിതഃ । പദ്മനാഭോഽമൃതാഹാരഃ സ്ഥിതിമാന് കേതുമാന് നഭഃ ॥ 34 ॥

അനാദ്യംതോഽച്യുതോ വിശ്വോ വിശ്വാമിത്രോ ഘൃണിർവിരാട് । ആമുക്തകവചോ വാഗ്മീ കംചുകീ വിശ്വഭാവനഃ ॥ 35 ॥

അനിമിത്തഗതിഃ ശ്രേഷ്ഠഃ ശരണ്യഃ സർവതോമുഖഃ । വിഗാഹീ വേണുരസഹഃ സമായുക്തഃ സമാക്രതുഃ ॥ 36 ॥

ധര്മകേതുര്ധര്മരതിഃ സംഹര്താ സംയമോ യമഃ । പ്രണതാര്തിഹരോ വായുഃ സിദ്ധകാര്യോ ജനേശ്വരഃ ॥ 37 ॥

നഭോ വിഗാഹനഃ സത്യഃ സവിതാത്മാ മനോഹരഃ । ഹാരീ ഹരിര്ഹരോ വായുരൃതുഃ കാലാനലദ്യുതിഃ ॥ 38 ॥

സുഖസേവ്യോ മഹാതേജാ ജഗതാമേകകാരണമ് । മഹേംദ്രോ വിഷ്ടുതഃ സ്തോത്രം സ്തുതിഹേതുഃ പ്രഭാകരഃ ॥ 39 ॥

സഹസ്രകര ആയുഷ്മാന് അരോഷഃ സുഖദഃ സുഖീ । വ്യാധിഹാ സുഖദഃ സൌഖ്യം കല്യാണഃ കലതാം വരഃ ॥ 40 ॥

ആരോഗ്യകാരണം സിദ്ധിരൃദ്ധിർവൃദ്ധിര്ബൃഹസ്പതിഃ । ഹിരണ്യരേതാ ആരോഗ്യം വിദ്വാന് ബ്രധ്നോ ബുധോ മഹാന് ॥ 41 ॥

പ്രാണവാന് ധൃതിമാന് ഘര്മോ ഘര്മകര്താ രുചിപ്രദഃ । സർവപ്രിയഃ സർവസഹഃ സർവശത്രുവിനാശനഃ ॥ 42 ॥

പ്രാംശുർവിദ്യോതനോ ദ്യോതഃ സഹസ്രകിരണഃ കൃതീ । കേയൂരീ ഭൂഷണോദ്ഭാസീ ഭാസിതോ ഭാസനോഽനലഃ ॥ 43 ॥

ശരണ്യാര്തിഹരോ ഹോതാ ഖദ്യോതഃ ഖഗസത്തമഃ । സർവദ്യോതോ ഭവദ്യോതഃ സർവദ്യുതികരോ മതഃ ॥ 44 ॥

കല്യാണഃ കല്യാണകരഃ കല്യഃ കല്യകരഃ കവിഃ । കല്യാണകൃത് കല്യവപുഃ സർവകല്യാണഭാജനമ് ॥ 45 ॥

ശാംതിപ്രിയഃ പ്രസന്നാത്മാ പ്രശാംതഃ പ്രശമപ്രിയഃ । ഉദാരകര്മാ സുനയഃ സുവര്ചാ വര്ചസോജ്ജ്വലഃ ॥ 46 ॥

വര്ചസ്വീ വര്ചസാമീശസ്ത്രൈലോക്യേശോ വശാനുഗഃ । തേജസ്വീ സുയശാ വര്ഷ്മീ വര്ണാധ്യക്ഷോ ബലിപ്രിയഃ ॥ 47 ॥

യശസ്വീ തേജോനിലയസ്തേജസ്വീ പ്രകൃതിസ്ഥിതഃ । ആകാശഗഃ ശീഘ്രഗതിരാശുഗോ ഗതിമാന് ഖഗഃ ॥ 48 ॥

ഗോപതിര്ഗ്രഹദേവേശോ ഗോമാനേകഃ പ്രഭംജനഃ । ജനിതാ പ്രജനോ ജീവോ ദീപഃ സർവപ്രകാശകഃ ॥ 49 ॥

സർവസാക്ഷീ യോഗനിത്യോ നഭസ്വാനസുരാംതകഃ । രക്ഷോഘ്നോ വിഘ്നശമനഃ കിരീടീ സുമനഃപ്രിയഃ ॥ 50 ॥

മരീചിമാലീ സുമതിഃ കൃതാഭിഖ്യവിശേഷകഃ । ശിഷ്ടാചാരഃ ശുഭാചാരഃ സ്വചാരാചാരതത്പരഃ ॥ 51 ॥

മംദാരോ മാഠരോ വേണുഃ ക്ഷുധാപഃ ക്ഷ്മാപതിര്ഗുരുഃ । സുവിശിഷ്ടോ വിശിഷ്ടാത്മാ വിധേയോ ജ്ഞാനശോഭനഃ ॥ 52 ॥

മഹാശ്വേതഃ പ്രിയോ ജ്ഞേയഃ സാമഗോ മോക്ഷദായകഃ । സർവവേദപ്രഗീതാത്മാ സർവവേദലയോ മഹാന് ॥ 53 ॥

വേദമൂര്തിശ്ചതുർവേദോ വേദഭൃദ്വേദപാരഗഃ । ക്രിയാവാനസിതോ ജിഷ്ണുർവരീയാംശുർവരപ്രദഃ ॥ 54 ॥

വ്രതചാരീ വ്രതധരോ ലോകബംധുരലംകൃതഃ । അലംകാരാക്ഷരോ വേദ്യോ വിദ്യാവാന് വിദിതാശയഃ ॥ 55 ॥

ആകാരോ ഭൂഷണോ ഭൂഷ്യോ ഭൂഷ്ണുര്ഭുവനപൂജിതഃ । ചക്രപാണിര്ധ്വജധരഃ സുരേശോ ലോകവത്സലഃ ॥ 56 ॥

വാഗ്മിപതിര്മഹാബാഹുഃ പ്രകൃതിർവികൃതിര്ഗുണഃ । അംധകാരാപഹഃ ശ്രേഷ്ഠോ യുഗാവര്തോ യുഗാദികൃത് ॥ 57 ॥

അപ്രമേയഃ സദായോഗീ നിരഹംകാര ഈശ്വരഃ । ശുഭപ്രദഃ ശുഭഃ ശാസ്താ ശുഭകര്മാ ശുഭപ്രദഃ ॥ 58 ॥

സത്യവാന് ശ്രുതിമാനുച്ചൈര്നകാരോ വൃദ്ധിദോഽനലഃ । ബലഭൃദ്ബലദോ ബംധുര്മതിമാന് ബലിനാം വരഃ ॥ 59 ॥

അനംഗോ നാഗരാജേംദ്രഃ പദ്മയോനിര്ഗണേശ്വരഃ । സംവത്സര ഋതുര്നേതാ കാലചക്രപ്രവര്തകഃ ॥ 60 ॥

പദ്മേക്ഷണഃ പദ്മയോനിഃ പ്രഭാവാനമരഃ പ്രഭുഃ । സുമൂര്തിഃ സുമതിഃ സോമോ ഗോവിംദോ ജഗദാദിജഃ ॥ 61 ॥

പീതവാസാഃ കൃഷ്ണവാസാ ദിഗ്വാസാസ്ത്വിംദ്രിയാതിഗഃ । അതീംദ്രിയോഽനേകരൂപഃ സ്കംദഃ പരപുരംജയഃ ॥ 62 ॥

ശക്തിമാന് ജലധൃഗ്ഭാസ്വാന് മോക്ഷഹേതുരയോനിജഃ । സർവദര്ശീ ജിതാദര്ശോ ദുഃസ്വപ്നാശുഭനാശനഃ ॥ 63 ॥

മാംഗല്യകര്താ തരണിർവേഗവാന് കശ്മലാപഹഃ । സ്പഷ്ടാക്ഷരോ മഹാമംത്രോ വിശാഖോ യജനപ്രിയഃ ॥ 64 ॥

വിശ്വകര്മാ മഹാശക്തിര്ദ്യുതിരീശോ വിഹംഗമഃ । വിചക്ഷണോ ദക്ഷ ഇംദ്രഃ പ്രത്യൂഷഃ പ്രിയദര്ശനഃ ॥ 65 ॥

അഖിന്നോ വേദനിലയോ വേദവിദ്വിദിതാശയഃ । പ്രഭാകരോ ജിതരിപുഃ സുജനോഽരുണസാരഥിഃ ॥ 66 ॥

കുനാശീ സുരതഃ സ്കംദോ മഹിതോഽഭിമതോ ഗുരുഃ । ഗ്രഹരാജോ ഗ്രഹപതിര്ഗ്രഹനക്ഷത്രമംഡലഃ ॥ 67 ॥

ഭാസ്കരഃ സതതാനംദോ നംദനോ നരവാഹനഃ । മംഗലോഽഥ മംഗലവാന് മാംഗല്യോ മംഗലാവഹഃ ॥ 68 ॥

മംഗല്യചാരുചരിതഃ ശീര്ണഃ സർവവ്രതോ വ്രതീ । ചതുര്മുഖഃ പദ്മമാലീ പൂതാത്മാ പ്രണതാര്തിഹാ ॥ 69 ॥

അകിംചനഃ സതാമീശോ നിര്ഗുണോ ഗുണവാംഛുചിഃ । സംപൂര്ണഃ പുംഡരീകാക്ഷോ വിധേയോ യോഗതത്പരഃ ॥ 70 ॥

സഹസ്രാംശുഃ ക്രതുമതിഃ സർവജ്ഞഃ സുമതിഃ സുവാക് । സുവാഹനോ മാല്യദാമാ കൃതാഹാരോ ഹരിപ്രിയഃ ॥ 71 ॥

ബ്രഹ്മാ പ്രചേതാഃ പ്രഥിതഃ പ്രയതാത്മാ സ്ഥിരാത്മകഃ । ശതവിംദുഃ ശതമുഖോ ഗരീയാനനലപ്രഭഃ ॥ 72 ॥

ധീരോ മഹത്തരോ വിപ്രഃ പുരാണപുരുഷോത്തമഃ । വിദ്യാരാജാധിരാജോ ഹി വിദ്യാവാന് ഭൂതിദഃ സ്ഥിതഃ ॥ 73 ॥

അനിര്ദേശ്യവപുഃ ശ്രീമാന് വിപാപ്മാ ബഹുമംഗലഃ । സ്വഃസ്ഥിതഃ സുരഥഃ സ്വര്ണോ മോക്ഷദോ ബലികേതനഃ ॥ 74 ॥

നിര്ദ്വംദ്വോ ദ്വംദ്വഹാ സ്വര്ഗഃ സർവഗഃ സംപ്രകാശകഃ । ദയാലുഃ സൂക്ഷ്മധീഃ ക്ഷാംതിഃ ക്ഷേമാക്ഷേമസ്ഥിതിപ്രിയഃ ॥ 75 ॥

ഭൂധരോ ഭൂപതിർവക്താ പവിത്രാത്മാ ത്രിലോചനഃ । മഹാവരാഹഃ പ്രിയകൃദ്ദാതാ ഭോക്താഽഭയപ്രദഃ ॥ 76 ॥

ചക്രവര്തീ ധൃതികരഃ സംപൂര്ണോഽഥ മഹേശ്വരഃ । ചതുർവേദധരോഽചിംത്യോ വിനിംദ്യോ വിവിധാശനഃ ॥ 77 ॥

വിചിത്രരഥ ഏകാകീ സപ്തസപ്തിഃ പരാത്പരഃ । സർവോദധിസ്ഥിതികരഃ സ്ഥിതിസ്ഥേയഃ സ്ഥിതിപ്രിയഃ ॥ 78 ॥

നിഷ്കലഃ പുഷ്കലോ വിഭുർവസുമാന് വാസവപ്രിയഃ । പശുമാന് വാസവസ്വാമീ വസുധാമാ വസുപ്രദഃ ॥ 79 ॥

ബലവാന് ജ്ഞാനവാംസ്തത്ത്വമോംകാരസ്ത്രിഷുസംസ്ഥിതഃ । സംകല്പയോനിര്ദിനകൃദ്ഭഗവാന് കാരണാപഹഃ ॥ 80 ॥

നീലകംഠോ ധനാധ്യക്ഷശ്ചതുർവേദപ്രിയംവദഃ । വഷട്കാരോദ്ഗാതാ ഹോതാ സ്വാഹാകാരോ ഹുതാഹുതിഃ ॥ 81 ॥

ജനാര്ദനോ ജനാനംദോ നരോ നാരായണോഽംബുദഃ । സംദേഹനാശനോ വായുര്ധന്വീ സുരനമസ്കൃതഃ ॥ 82 ॥

വിഗ്രഹീ വിമലോ വിംദുർവിശോകോ വിമലദ്യുതിഃ । ദ്യുതിമാന് ദ്യോതനോ വിദ്യുദ്വിദ്യാവാന് വിദിതോ ബലീ ॥ 83 ॥

ഘര്മദോ ഹിമദോ ഹാസഃ കൃഷ്ണവര്ത്മാ സുതാജിതഃ । സാവിത്രീഭാവിതോ രാജാ വിശ്വാമിത്രോ ഘൃണിർവിരാട് ॥ 84 ॥

സപ്താര്ചിഃ സപ്തതുരഗഃ സപ്തലോകനമസ്കൃതഃ । സംപൂര്ണോഽഥ ജഗന്നാഥഃ സുമനാഃ ശോഭനപ്രിയഃ ॥ 85 ॥

സർവാത്മാ സർവകൃത് സൃഷ്ടിഃ സപ്തിമാന് സപ്തമീപ്രിയഃ । സുമേധാ മേധികോ മേധ്യോ മേധാവീ മധുസൂദനഃ ॥ 86 ॥

അംഗിരഃപതിഃ കാലജ്ഞോ ധൂമകേതുഃ സുകേതനഃ । സുഖീ സുഖപ്രദഃ സൌഖ്യഃ കാംതിഃ കാംതിപ്രിയോ മുനിഃ ॥ 87 ॥

സംതാപനഃ സംതപന ആതപസ്തപസാം പതിഃ । ഉമാപതിഃ സഹസ്രാംശുഃ പ്രിയകാരീ പ്രിയംകരഃ ॥ 88 ॥

പ്രീതിർവിമന്യുരംഭോത്ഥഃ ഖംജനോ ജഗതാം പതിഃ । ജഗത്പിതാ പ്രീതമനാഃ സർവഃ ഖർവോ ഗുഹോഽചലഃ ॥ 89 ॥

സർവഗോ ജഗദാനംദോ ജഗന്നേതാ സുരാരിഹാ । ശ്രേയഃ ശ്രേയസ്കരോ ജ്യായാന് മഹാനുത്തമ ഉദ്ഭവഃ ॥ 90 ॥

ഉത്തമോ മേരുമേയോഽഥ ധരണോ ധരണീധരഃ । ധരാധ്യക്ഷോ ധര്മരാജോ ധര്മാധര്മപ്രവര്തകഃ ॥ 91 ॥

രഥാധ്യക്ഷോ രഥഗതിസ്തരുണസ്തനിതോഽനലഃ । ഉത്തരോഽനുത്തരസ്താപീ അവാക്പതിരപാം പതിഃ ॥ 92 ॥

പുണ്യസംകീര്തനഃ പുണ്യോ ഹേതുര്ലോകത്രയാശ്രയഃ । സ്വര്ഭാനുർവിഗതാനംദോ വിശിഷ്ടോത്കൃഷ്ടകര്മകൃത് ॥ 93 ॥

വ്യാധിപ്രണാശനഃ ക്ഷേമഃ ശൂരഃ സർവജിതാം വരഃ । ഏകരഥോ രഥാധീശഃ പിതാ ശനൈശ്ചരസ്യ ഹി ॥ 94 ॥

വൈവസ്വതഗുരുര്മൃത്യുര്ധര്മനിത്യോ മഹാവ്രതഃ । പ്രലംബഹാരസംചാരീ പ്രദ്യോതോ ദ്യോതിതാനലഃ ॥ 95 ॥

സംതാപഹൃത് പരോ മംത്രോ മംത്രമൂര്തിര്മഹാബലഃ । ശ്രേഷ്ഠാത്മാ സുപ്രിയഃ ശംഭുര്മരുതാമീശ്വരേശ്വരഃ ॥ 96 ॥

സംസാരഗതിവിച്ചേത്താ സംസാരാര്ണവതാരകഃ । സപ്തജിഹ്വഃ സഹസ്രാര്ചീ രത്നഗര്ഭോഽപരാജിതഃ ॥ 97 ॥

ധര്മകേതുരമേയാത്മാ ധര്മാധര്മവരപ്രദഃ । ലോകസാക്ഷീ ലോകഗുരുര്ലോകേശശ്ചംഡവാഹനഃ ॥ 98 ॥

ധര്മയൂപോ യൂപവൃക്ഷോ ധനുഷ്പാണിര്ധനുര്ധരഃ । പിനാകധൃങ്മഹോത്സാഹോ മഹാമായോ മഹാശനഃ ॥ 99 ॥

വീരഃ ശക്തിമതാം ശ്രേഷ്ഠഃ സർവശസ്ത്രഭൃതാം വരഃ । ജ്ഞാനഗമ്യോ ദുരാരാധ്യോ ലോഹിതാംഗോ വിവര്ധനഃ ॥ 100 ॥

ഖഗോഽംധോ ധര്മദോ നിത്യോ ധര്മകൃച്ചിത്രവിക്രമഃ । ഭഗവാനാത്മവാന് മംത്രസ്ത്ര്യക്ഷരോ നീലലോഹിതഃ ॥ 101 ॥

ഏകോഽനേകസ്ത്രയീ കാലഃ സവിതാ സമിതിംജയഃ । ശാര്ങ്ഗധന്വാഽനലോ ഭീമഃ സർവപ്രഹരണായുധഃ ॥ 102 ॥

സുകര്മാ പരമേഷ്ഠീ ച നാകപാലീ ദിവിസ്ഥിതഃ । വദാന്യോ വാസുകിർവൈദ്യ ആത്രേയോഽഥ പരാക്രമഃ ॥ 103 ॥

ദ്വാപരഃ പരമോദാരഃ പരമോ ബ്രഹ്മചര്യവാന് । ഉദീച്യവേഷോ മുകുടീ പദ്മഹസ്തോ ഹിമാംശുഭൃത് ॥ 104 ॥

സിതഃ പ്രസന്നവദനഃ പദ്മോദരനിഭാനനഃ । സായം ദിവാ ദിവ്യവപുരനിര്ദേശ്യോ മഹാലയഃ ॥ 105 ॥

മഹാരഥോ മഹാനീശഃ ശേഷഃ സത്ത്വരജസ്തമഃ । ധൃതാതപത്രപ്രതിമോ വിമര്ഷീ നിര്ണയഃ സ്ഥിതഃ ॥ 106 ॥

അഹിംസകഃ ശുദ്ധമതിരദ്വിതീയോ വിവര്ധനഃ । സർവദോ ധനദോ മോക്ഷോ വിഹാരീ ബഹുദായകഃ ॥ 107 ॥

ചാരുരാത്രിഹരോ നാഥോ ഭഗവാന് സർവഗോഽവ്യയഃ । മനോഹരവപുഃ ശുഭ്രഃ ശോഭനഃ സുപ്രഭാവനഃ ॥ 108 ॥

സുപ്രഭാവഃ സുപ്രതാപഃ സുനേത്രോ ദിഗ്വിദിക്പതിഃ । രാജ്ഞീപ്രിയഃ ശബ്ദകരോ ഗ്രഹേശസ്തിമിരാപഹഃ ॥ 109 ॥

സൈംഹികേയരിപുര്ദേവോ വരദോ വരനായകഃ । ചതുര്ഭുജോ മഹായോഗീ യോഗീശ്വരപതിസ്തഥാ ॥ 110 ॥

അനാദിരൂപോഽദിതിജോ രത്നകാംതിഃ പ്രഭാമയഃ । ജഗത്പ്രദീപോ വിസ്തീര്ണോ മഹാവിസ്തീര്ണമംഡലഃ ॥ 111 ॥

ഏകചക്രരഥഃ സ്വര്ണരഥഃ സ്വര്ണശരീരധൃക് । നിരാലംബോ ഗഗനഗോ ധര്മകര്മപ്രഭാവകൃത് ॥ 112 ॥

ധര്മാത്മാ കര്മണാം സാക്ഷീ പ്രത്യക്ഷഃ പരമേശ്വരഃ । മേരുസേവീ സുമേധാവീ മേരുരക്ഷാകരോ മഹാന് ॥ 113 ॥

ആധാരഭൂതോ രതിമാംസ്തഥാ ച ധനധാന്യകൃത് । പാപസംതാപഹര്താ ച മനോവാംഛിതദായകഃ ॥ 114 ॥

രോഗഹര്താ രാജ്യദായീ രമണീയഗുണോഽനൃണീ । കാലത്രയാനംതരൂപോ മുനിവൃംദനമസ്കൃതഃ ॥ 115 ॥

സംധ്യാരാഗകരഃ സിദ്ധഃ സംധ്യാവംദനവംദിതഃ । സാമ്രാജ്യദാനനിരതഃ സമാരാധനതോഷവാന് ॥ 116 ॥

ഭക്തദുഃഖക്ഷയകരോ ഭവസാഗരതാരകഃ । ഭയാപഹര്താ ഭഗവാനപ്രമേയപരാക്രമഃ । മനുസ്വാമീ മനുപതിര്മാന്യോ മന്വംതരാധിപഃ ॥ 117 ॥

ഫലശ്രുതിഃ । ഏതത്തേ സർവമാഖ്യാതം യന്മാം ത്വം പരിപൃച്ഛസി । നാമ്നാം സഹസ്രം സവിതുഃ പരാശര്യോ യദാഹ മേ ॥ 1 ॥

ധന്യം യശസ്യമായുഷ്യം ദുഃഖദുഃസ്വപ്നനാശനമ് । ബംധമോക്ഷകരം ചൈവ ഭാനോര്നാമാനുകീര്തനാത് ॥ 2 ॥

യസ്ത്വിദം ശൃണുയാന്നിത്യം പഠേദ്വാ പ്രയതോ നരഃ । അക്ഷയം സുഖമന്നാദ്യം ഭവേത്തസ്യോപസാധിതമ് ॥ 3 ॥

നൃപാഗ്നിതസ്കരഭയം വ്യാധിതോ ന ഭയം ഭവേത് । വിജയീ ച ഭവേന്നിത്യമാശ്രയം പരമാപ്നുയാത് ॥ 4 ॥

കീര്തിമാന് സുഭഗോ വിദ്വാന് സ സുഖീ പ്രിയദര്ശനഃ । ജീവേദ്വര്ഷശതായുശ്ച സർവവ്യാധിവിവര്ജിതഃ ॥ 5 ॥

നാമ്നാം സഹസ്രമിദമംശുമതഃ പഠേദ്യഃ പ്രാതഃ ശുചിര്നിയമവാന് സുസമൃദ്ധിയുക്തഃ । ദൂരേണ തം പരിഹരംതി സദൈവ രോഗാഃ ഭൂതാഃ സുപര്ണമിവ സർവമഹോരഗേംദ്രാഃ ॥ 6 ॥

ഇതി ശ്രീ ഭവിഷ്യപുരാണേ സപ്തമകല്പേ ശ്രീഭഗവത്സൂര്യസ്യ സഹസ്രനാമസ്തോത്രം സംപൂര്ണമ് ॥

ಸೂರ್ಯ ಸಹಸ್ರ ನಾಮ ಸ್ತೋತ್ರಂ ಬಗ್ಗೆ

ಸೂರ್ಯ ಸಹಸ್ರನಾಮ ಸ್ತೋತ್ರ ಕೊನೆಯ ಸಾಲು ಹೇಳುವಂತೆ ಭವಿಷ್ಯಪುರಾಣದಿಂದ ಸೂರ್ಯದೇವನ ಸಾವಿರ ನಾಮಗಳನ್ನು ಶ್ಲೋಕರೂಪದಲ್ಲಿ ನೀಡುತ್ತದೆ. ವಿನಿಯೋಗ ವೇದವ್ಯಾಸರನ್ನು ಋಷಿ, ಅನುಷ್ಟುಪ್ ಛಂದಸ್ಸು, ಸವಿತೃವನ್ನು ದೇವತೆ ಎನ್ನುತ್ತದೆ. ಇದರ ಪ್ರಸಿದ್ಧ ಧ್ಯಾನಶ್ಲೋಕ: "ಸವಿತೃಮಂಡಲಮಧ್ಯವರ್ತಿ, ಸರಸಿಜಾಸನಸನ್ನಿವಿಷ್ಟ, ಕೇಯೂರ, ಮಕರಕುಂಡಲ, ಕಿರೀಟ, ಹಾರಧಾರಿ, ಶಂಖಚಕ್ರಧಾರಿ ಹಿರಣ್ಮಯವಪು ನಾರಾಯಣನನ್ನು ಸದಾ ಧ್ಯಾನಿಸಬೇಕು." ನಂತರ ಸಾವಿರ ನಾಮಗಳು ಸೂರ್ಯನನ್ನು ಪರಮಾತ್ಮನ ಪ್ರತ್ಯಕ್ಷ ರೂಪವಾಗಿ ಸ್ತುತಿಸುತ್ತವೆ.

ಮೂಲ: ಕೊನೆಯ ಸಾಲಿನಲ್ಲಿ ಹೇಳಿರುವಂತೆ ಭವಿಷ್ಯಪುರಾಣ

ಯಾವಾಗ ಪಠಿಸಬೇಕು: ಸೂರ್ಯೋದಯದಲ್ಲಿ, ವಿಶೇಷವಾಗಿ ಭಾನುವಾರ, ರಥಸಪ್ತಮಿ ಮತ್ತು ಮಕರಸಂಕ್ರಾಂತಿಯಂದು.

ನಿಮಗೆ ಗೊತ್ತೇ?

  • ಇದರ ಧ್ಯಾನಶ್ಲೋಕ "ಧ್ಯೇಯಃ ಸದಾ ಸವಿತೃಮಂಡಲಮಧ್ಯವರ್ತೀ" ಸಂಧ್ಯಾವಂದನೆಯಲ್ಲಿ ವ್ಯಾಪಕವಾಗಿ ಪಠಿತ.
  • ಭವಿಷ್ಯಪುರಾಣದಲ್ಲಿ ಸೌರ ಸಂಪ್ರದಾಯ ಸೇರಿ ಸೂರ್ಯೋಪಾಸನೆಯ ಅನೇಕ ವಿಷಯಗಳಿವೆ.

ಪದೇ ಪದೇ ಕೇಳುವ ಪ್ರಶ್ನೆಗಳು

ಈ ಸಹಸ್ರನಾಮ ಎಲ್ಲಿಂದ?

ಕೊನೆಯ ಸಾಲು ಹೇಳುವಂತೆ ಭವಿಷ್ಯಪುರಾಣದಿಂದ.

ಇದರ ಋಷಿ ಯಾರು?

ವೇದವ್ಯಾಸರು.

ಧ್ಯಾನದಲ್ಲಿ ಸೂರ್ಯಮಂಡಲದಲ್ಲಿ ಯಾರು ನೆಲೆಸಿದ್ದಾರೆ?

ನಾರಾಯಣ.

ಆರಾಧನೆ ಮತ್ತು ಅಧ್ಯಯನಕ್ಕಾಗಿ ನೀಡಲಾಗಿದೆ, ಭವಿಷ್ಯವಾಣಿಯಾಗಿ ಅಲ್ಲ. ವಾಣಿಜ್ಯೇತರ.