MuhurtaNow

ആപദുദ്ധാരക ഹനുമത്സ്തോത്രമ്

Hanuma · പരമ്പരാഗത ഭക്തിഗ്രന്ഥം

ॐ अस्य श्री आपदुद्धारक हनुमत् स्तोत्र महामंत्र कवचस्य, विभीषण ऋषिः, हनुमान् देवता, सर्वापदुद्धारक श्रीहनुमत्प्रसादेन मम सर्वापन्निवृत्त्यर्थे, सर्वकार्यानुकूल्य सिद्ध्यर्थे जपे विनियोगः ।

ध्यानम् । वामे करे वैरिभिदं वहंतं शैलं परे शृंखलहारिटंकम् । दधानमच्छच्छवियज्ञसूत्रं भजे ज्वलत्कुंडलमांजनेयम् ॥ 1 ॥

संवीतकौपीन मुदंचितांगुलिं समुज्ज्वलन्मौंजिमथोपवीतिनम् । सकुंडलं लंबिशिखासमावृतं तमांजनेयं शरणं प्रपद्ये ॥ 2 ॥

आपन्नाखिललोकार्तिहारिणे श्रीहनूमते । अकस्मादागतोत्पात नाशनाय नमो नमः ॥ 3 ॥

सीतावियुक्तश्रीरामशोकदुःखभयापह । तापत्रितयसंहारिन् आंजनेय नमोऽस्तु ते ॥ 4 ॥

आधिव्याधि महामारी ग्रहपीडापहारिणे । प्राणापहर्त्रेदैत्यानां रामप्राणात्मने नमः ॥ 5 ॥

संसारसागरावर्त कर्तव्यभ्रांतचेतसाम् । शरणागतमर्त्यानां शरण्याय नमोऽस्तु ते ॥ 6 ॥

वज्रदेहाय कालाग्निरुद्रायाऽमिततेजसे । ब्रह्मास्त्रस्तंभनायास्मै नमः श्रीरुद्रमूर्तये ॥ 7 ॥

रामेष्टं करुणापूर्णं हनूमंतं भयापहम् । शत्रुनाशकरं भीमं सर्वाभीष्टप्रदायकम् ॥ 8 ॥

कारागृहे प्रयाणे वा संग्रामे शत्रुसंकटे । जले स्थले तथाऽऽकाशे वाहनेषु चतुष्पथे ॥ 9 ॥

गजसिंह महाव्याघ्र चोर भीषण कानने । ये स्मरंति हनूमंतं तेषां नास्ति विपत् क्वचित् ॥ 10 ॥

सर्ववानरमुख्यानां प्राणभूतात्मने नमः । शरण्याय वरेण्याय वायुपुत्राय ते नमः ॥ 11 ॥

प्रदोषे वा प्रभाते वा ये स्मरंत्यंजनासुतम् । अर्थसिद्धिं जयं कीर्तिं प्राप्नुवंति न संशयः ॥ 12 ॥

जप्त्वा स्तोत्रमिदं मंत्रं प्रतिवारं पठेन्नरः । राजस्थाने सभास्थाने प्राप्ते वादे लभेज्जयम् ॥ 13 ॥

विभीषणकृतं स्तोत्रं यः पठेत् प्रयतो नरः । सर्वापद्भ्यो विमुच्येत नाऽत्र कार्या विचारणा ॥ 14 ॥

मंत्रः । मर्कटेश महोत्साह सर्वशोकनिवारक । शत्रून् संहर मां रक्ष श्रियं दापय भो हरे ॥ 15

इति विभीषणकृतं सर्वापदुद्धारक श्रीहनुमत् स्तोत्रम् ॥

ആപദുദ്ധാരക ഹനുമത്സ്തോത്രമ് - ഒരു പരിചയം

The Apaduddharaka Hanuman Stotram is a hymn to Hanuman as the one who lifts us out of every danger (apad). Its viniyoga names Vibhishana as its seer. The meditation pictures Hanuman holding in his left hand a weapon that breaks enemies and in the other the mountain, wearing a bright sacred thread, and the verses ask him to rescue the devotee from all troubles.

രചയിതാവ്: Vibhishana, as its colophon states

എപ്പോൾ ജപിക്കാം: On Tuesdays and Saturdays, in times of difficulty or danger, and on Hanuman Jayanti.

നിങ്ങൾക്കറിയാമോ?

  • Its colophon says it was composed by Vibhishana, Ravana's brother, who became a devotee of Rama.
  • "Apad uddharaka" means "the one who lifts us out of calamity".

പതിവ് ചോദ്യങ്ങൾ

What does "Apaduddharaka" mean?

"The one who rescues from calamity".

Who composed it?

Vibhishana, as its colophon states.

When is it recited?

On Tuesdays, Saturdays and in times of trouble.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.