MuhurtaNow

ഗണേശ കവചമ്

Ganesha · പരമ്പരാഗത ഭക്തിഗ്രന്ഥം

ഏഷോതി ചപലോ ദൈത്യാന് ബാല്യേപി നാശയത്യഹോ । അഗ്രേ കിം കര്മ കര്തേതി ന ജാനേ മുനിസത്തമ ॥ 1 ॥

ദൈത്യാ നാനാവിധാ ദുഷ്ടാസ്സാധു ദേവദ്രുമഃ ഖലാഃ । അതോസ്യ കംഠേ കിംചിത്ത്യം രക്ഷാം സംബദ്ധുമര്ഹസി ॥ 2 ॥

ധ്യായേത് സിംഹഗതം വിനായകമമും ദിഗ്ബാഹു മാദ്യേ യുഗേ ത്രേതായാം തു മയൂര വാഹനമമും ഷഡ്ബാഹുകം സിദ്ധിദമ് । ഈ ദ്വാപരേതു ഗജാനനം യുഗഭുജം രക്താംഗരാഗം വിഭും തുര്യേ തു ദ്വിഭുജം സിതാംഗരുചിരം സർവാര്ഥദം സർവദാ ॥ 3 ॥

വിനായക ശ്ശിഖാംപാതു പരമാത്മാ പരാത്പരഃ । അതിസുംദര കായസ്തു മസ്തകം സുമഹോത്കടഃ ॥ 4 ॥

ലലാടം കശ്യപഃ പാതു ഭ്രൂയുഗം തു മഹോദരഃ । നയനേ ബാലചംദ്രസ്തു ഗജാസ്യസ്ത്യോഷ്ഠ പല്ലവൌ ॥ 5 ॥

ജിഹ്വാം പാതു ഗജക്രീഡശ്ചുബുകം ഗിരിജാസുതഃ । വാചം വിനായകഃ പാതു ദംതാന് രക്ഷതു ദുര്മുഖഃ ॥ 6 ॥

ശ്രവണൌ പാശപാണിസ്തു നാസികാം ചിംതിതാര്ഥദഃ । ഗണേശസ്തു മുഖം പാതു കംഠം പാതു ഗണാധിപഃ ॥ 7 ॥

സ്കംധൌ പാതു ഗജസ്കംധഃ സ്തനേ വിഘ്നവിനാശനഃ । ഹൃദയം ഗണനാഥസ്തു ഹേരംബോ ജഠരം മഹാന് ॥ 8 ॥

ധരാധരഃ പാതു പാര്ശ്വൌ പൃഷ്ഠം വിഘ്നഹരശ്ശുഭഃ । ലിംഗം ഗുഹ്യം സദാ പാതു വക്രതുംഡോ മഹാബലഃ ॥ 9 ॥

ഗജക്രീഡോ ജാനു ജംഘോ ഊരൂ മംഗളകീര്തിമാന് । ഏകദംതോ മഹാബുദ്ധിഃ പാദൌ ഗുല്ഫൌ സദാവതു ॥ 10 ॥

ക്ഷിപ്ര പ്രസാദനോ ബാഹു പാണീ ആശാപ്രപൂരകഃ । അംഗുളീശ്ച നഖാന് പാതു പദ്മഹസ്തോ രിനാശനഃ ॥ 11 ॥

സർവാംഗാനി മയൂരേശോ വിശ്വവ്യാപീ സദാവതു । അനുക്തമപി യത് സ്ഥാനം ധൂമകേതുഃ സദാവതു ॥ 12 ॥

ആമോദസ്ത്വഗ്രതഃ പാതു പ്രമോദഃ പൃഷ്ഠതോവതു । പ്രാച്യാം രക്ഷതു ബുദ്ധീശ ആഗ്നേയ്യാം സിദ്ധിദായകഃ ॥ 13 ॥

ദക്ഷിണസ്യാമുമാപുത്രോ നൈഋത്യാം തു ഗണേശ്വരഃ । പ്രതീച്യാം വിഘ്നഹര്താ വ്യാദ്വായവ്യാം ഗജകര്ണകഃ ॥ 14 ॥

കൌബേര്യാം നിധിപഃ പായാദീശാന്യാവിശനംദനഃ । ദിവാവ്യാദേകദംത സ്തു രാത്രൌ സംധ്യാസു യഃവിഘ്നഹൃത് ॥ 15 ॥

രാക്ഷസാസുര ബേതാള ഗ്രഹ ഭൂത പിശാചതഃ । പാശാംകുശധരഃ പാതു രജസ്സത്ത്വതമസ്സ്മൃതീഃ ॥ 16 ॥

ജ്ഞാനം ധര്മം ച ലക്ഷ്മീ ച ലജ്ജാം കീര്തിം തഥാ കുലമ് । ഈ വപുര്ധനം ച ധാന്യം ച ഗൃഹം ദാരാസ്സുതാന്സഖീന് ॥ 17 ॥

സർവായുധ ധരഃ പൌത്രാന് മയൂരേശോ വതാത് സദാ । കപിലോ ജാനുകം പാതു ഗജാശ്വാന് വികടോവതു ॥ 18 ॥

ഭൂര്ജപത്രേ ലിഖിത്വേദം യഃ കംഠേ ധാരയേത് സുധീഃ । ന ഭയം ജായതേ തസ്യ യക്ഷ രക്ഷഃ പിശാചതഃ ॥ 19 ॥

ത്രിസംധ്യം ജപതേ യസ്തു വജ്രസാര തനുര്ഭവേത് । യാത്രാകാലേ പഠേദ്യസ്തു നിർവിഘ്നേന ഫലം ലഭേത് ॥ 20 ॥

യുദ്ധകാലേ പഠേദ്യസ്തു വിജയം ചാപ്നുയാദ്ധ്രുവമ് । മാരണോച്ചാടനാകര്ഷ സ്തംഭ മോഹന കര്മണി ॥ 21 ॥

സപ്തവാരം ജപേദേതദ്ദനാനാമേകവിംശതിഃ । തത്തത്ഫലമവാപ്നോതി സാധകോ നാത്ര സംശയഃ ॥ 22 ॥

ഏകവിംശതിവാരം ച പഠേത്താവദ്ദിനാനി യഃ । കാരാഗൃഹഗതം സദ്യോ രാജ്ഞാവധ്യം ച മോചയോത് ॥ 23 ॥

രാജദര്ശന വേളായാം പഠേദേതത് ത്രിവാരതഃ । സ രാജാനം വശം നീത്വാ പ്രകൃതീശ്ച സഭാം ജയേത് ॥ 24 ॥

ഇദം ഗണേശകവചം കശ്യപേന സവിരിതമ് । മുദ്ഗലായ ച തേ നാഥ മാംഡവ്യായ മഹര്ഷയേ ॥ 25 ॥

മഹ്യം സ പ്രാഹ കൃപയാ കവചം സർവ സിദ്ധിദമ് । ന ദേയം ഭക്തിഹീനായ ദേയം ശ്രദ്ധാവതേ ശുഭമ് ॥ 26 ॥

അനേനാസ്യ കൃതാ രക്ഷാ ന ബാധാസ്യ ഭവേത് വ്യാചിത് । രാക്ഷസാസുര ബേതാള ദൈത്യ ദാനവ സംഭവാഃ ॥ 27 ॥

॥ ഇതി ശ്രീ ഗണേശപുരാണേ ശ്രീ ഗണേശ കവചം സംപൂര്ണമ് ॥

ഗണേശ കവചമ് - ഒരു പരിചയം

This Ganesha Kavacham is a protective hymn from the Ganesha Purana, as its colophon states. It opens with a mother's worry spoken to a great sage: this child is very restless and destroys demons even in his childhood; who knows what he will do next? There are many wicked demons, so please tie some protection around his neck. The meditation then pictures Ganesha in the four ages: ten-armed on a lion in the first, six-armed on a peacock in the Treta, four-armed and red as Gajanana in the Dvapara, and two-armed and white in the Kali age; and the kavacha asks Vinayaka in his many names to guard each part of the body.

ഉറവിടം: Ganesha Purana, as its colophon states

എപ്പോൾ ജപിക്കാം: On Wednesdays, Sankashti Chaturthi and Ganesh Chaturthi, and as a daily protective prayer.

നിങ്ങൾക്കറിയാമോ?

  • The four forms of Ganesha in the four yugas, Vinayaka, Mayuresha, Gajanana and Dhumraketu, are described in the Ganesha Purana.
  • The kavacha begins as a protection for the child Ganesha himself, a tender touch in a hymn of protection.

പതിവ് ചോദ്യങ്ങൾ

Where is this kavacham from?

The Ganesha Purana, as its colophon states.

How is Ganesha pictured in the Kali age?

Two-armed and white in colour.

When is it recited?

On Wednesdays and Chaturthi days.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.