MuhurtaNow

ഗണേശ വജ്ര പംജര സ്തോത്രമ്

Ganesha · പരമ്പരാഗത ഭക്തിഗ്രന്ഥം

ധ്യാനമ് । ത്രിനേത്രം ഗജാസ്യം ചതുര്ബാഹുധാരം പരശ്വാദിശസ്ത്രൈര്യുതം ഭാലചംദ്രമ് । നരാകാരദേഹം സദാ യോഗശാംതം ഗണേശം ഭജേ സർവവംദ്യം പരേശമ് ॥ 1 ॥

ബിംദുരൂപോ വക്രതുംഡോ രക്ഷതു മേ ഹൃദി സ്ഥിതഃ । ദേഹാംശ്ചതുർവിധാംസ്തത്ത്വാംസ്തത്ത്വാധാരഃ സനാതനഃ ॥ 2 ॥

ദേഹമോഹയുതം ഹ്യേകദംതഃ സോഽഹം സ്വരൂപധൃക് । ദേഹിനം മാം വിശേഷേണ രക്ഷതു ഭ്രമനാശകഃ ॥ 3 ॥

മഹോദരസ്തഥാ ദേവോ നാനാബോധാന് പ്രതാപവാന് । സദാ രക്ഷതു മേ ബോധാനംദസംസ്ഥോ ഹ്യഹര്നിശമ് ॥ 4 ॥

സാംഖ്യാന് രക്ഷതു സാംഖ്യേശോ ഗജാനനഃ സുസിദ്ധിദഃ । അസത്യേഷു സ്ഥിതം മാം സ ലംബോദരശ്ച രക്ഷതു ॥ 5 ॥

സത്സു സ്ഥിതം സുമോഹേന വികടോ മാം പരാത്പരഃ । രക്ഷതു ഭക്തവാത്സല്യാത് സദൈകാമൃതധാരകഃ ॥ 6 ॥

ആനംദേഷു സ്ഥിതം നിത്യം മാം രക്ഷതു സമാത്മകഃ । വിഘ്നരാജോ മഹാവിഘ്നൈര്നാനാഖേലകരഃ പ്രഭുഃ ॥ 7 ॥

അവ്യക്തേഷു സ്ഥിതം നിത്യം ധൂമ്രവര്ണഃ സ്വരൂപധൃക് । മാം രക്ഷതു സുഖാകാരഃ സഹജഃ സർവപൂജിതഃ ॥ 8 ॥

സ്വസംവേദ്യേഷു സംസ്ഥം മാം ഗണേശഃ സ്വസ്വരൂപധൃക് । രക്ഷതു യോഗഭാവേന സംസ്ഥിതോ ഭവനായകഃ ॥ 9 ॥

അയോഗേഷു സ്ഥിതം നിത്യം മാം രക്ഷതു ഗണേശ്വരഃ । നിവൃത്തിരൂപധൃക് സാക്ഷാദസമാധിസുഖേ രതഃ ॥ 10 ॥

യോഗശാംതിധരോ മാം തു രക്ഷതു യോഗസംസ്ഥിതമ് । ഗണാധീശഃ പ്രസന്നാത്മാ സിദ്ധിബുദ്ധിസമന്വിതഃ ॥ 11 ॥

പുരോ മാം ഗജകര്ണശ്ച രക്ഷതു വിഘ്നഹാരകഃ । വാഹ്ന്യാം യാമ്യാം ച നൈരൃത്യാം ചിംതാമണിർവരപ്രദഃ ॥ 12 ॥

രക്ഷതു പശ്ചിമേ ഢുംഢിര്ഹേരംബോ വായുദിക് സ്ഥിതമ് । വിനായകശ്ചോത്തരേ തു പ്രമോദശ്ചേശദിക് സ്ഥിതമ് ॥ 13 ॥

ഊര്ധ്വം സിദ്ധിപതിഃ പാതു ബുദ്ധീശോഽധഃ സ്ഥിതം സദാ । സർവാംഗേഷു മയൂരേശഃ പാതു മാം ഭക്തിലാലസഃ ॥ 14 ॥

യത്ര തത്ര സ്ഥിതം മാം തു സദാ രക്ഷതു യോഗപഃ । പുരശുപാശസംയുക്തോ വരദാഭയധാരകഃ ॥ 15 ॥

ഇദം ഗണപതേഃ പ്രോക്തം വജ്രപംജരകം പരമ് । ധാരയസ്വ മഹാദേവ വിജയീ ത്വം ഭവിഷ്യസി ॥ 16 ॥

യ ഇദം പംജരം ധൃത്വാ യത്ര കുത്ര സ്ഥിതോ ഭവേത് । ന തസ്യ ജായതേ ക്വാപി ഭയം നാനാസ്വഭാവജമ് ॥ 17 ॥

യഃ പഠേത് പംജരം നിത്യം സ ഈപ്സിതമവാപ്നുയാത് । വജ്രസാരതനുര്ഭൂത്വാ ചരേത്സർവത്ര മാനവഃ ॥ 18 ॥

ത്രികാലം യഃ പഠേന്നിത്യം സ ഗണേശ ഇവാപരഃ । നിർവിഘ്നഃ സർവകാര്യേഷു ബ്രഹ്മഭൂതോ ഭവേന്നരഃ ॥ 19 ॥

യഃ ശൃണോതി ഗണേശസ്യ പംജരം വജ്രസംജ്ഞകമ് । ആരോഗ്യാദിസമായുക്തോ ഭവതേ ഗണപപ്രിയഃ ॥ 20 ॥

ധനം ധാന്യം പശൂന് വിദ്യാമായുഷ്യം പുത്രപൌത്രകമ് । സർവസംപത്സമായുക്തമൈശ്വര്യം പഠനാല്ലഭേത് ॥ 21 ॥

ന ഭയം തസ്യ വജ്രാത്തു ചക്രാച്ഛൂലാദ്ഭവേത് കദാ । ശംകരാദേര്മഹാദേവ പഠനാദസ്യ നിത്യശഃ ॥ 22 ॥

യം യം ചിംതയതേ മര്ത്യസ്തം തം പ്രാപ്നോതി ശാശ്വതമ് । പഠനാദസ്യ വിഘ്നേശ പംജരസ്യ നിരംതരമ് ॥ 23 ॥

ലക്ഷാവൃത്തിഭിരേവം സ സിദ്ധപംജരകോ ഭവേത് । സ്തംഭയേദപി സൂര്യം തു ബ്രഹ്മാംഡം വശമാനയേത് ॥ 24 ॥

ഏവമുക്ത്വാ ഗണേശാനോഽംതര്ദധേ മുനിസത്തമ । ശിവോ ദേവാദിഭിര്യുക്തോ ഹര്ഷിതഃ സംബഭൂവ ഹ ॥ 25 ॥

ഇതി ശ്രീമന്മുദ്ഗലേ മഹാപുരാണേ ധൂമ്രവര്ണചരിതേ വജ്രപംജരകഥനം നാമ ത്രയോവിംശോഽധ്യായഃ ।

ഗണേശ വജ്ര പംജര സ്തോത്രമ് - ഒരു പരിചയം

The Ganesha Vajra Panjara Stotram is a "diamond cage" of protection from Lord Ganesha. Its meditation pictures him three-eyed and elephant-faced, four-armed, holding the axe and other weapons, with the moon on his forehead, in human form and ever calm in yoga. The verses then ask Ganesha in his many forms, such as Vakratunda dwelling in the heart as a point of light, to guard the body, its elements and every direction.

ഉറവിടം: Mudgala Purana, as its colophon states

എപ്പോൾ ജപിക്കാം: On Chaturthi days, Wednesdays and Ganesh Chaturthi, and for protection.

നിങ്ങൾക്കറിയാമോ?

  • Its colophon places it in the Mudgala Purana, in the story of Dhumravarna, one of Ganesha's avatars.
  • "Vajra panjara" means a cage of diamond, a shield that cannot be broken.

പതിവ് ചോദ്യങ്ങൾ

What does "Vajra Panjara" mean?

"Diamond cage", an unbreakable shield of protection.

Where is it from?

The Mudgala Purana, as its colophon states.

When is it recited?

On Chaturthi days, Wednesdays and for protection.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.