MuhurtaNow

ഗായത്ര്യഷ്ടോത്തരശത നാമസ്തോത്രമ്

Ashtottara Sata Nama · പരമ്പരാഗത ഭക്തിഗ്രന്ഥം

तरुणादित्यसंकाशा सहस्रनयनोज्ज्वला । विचित्रमाल्याभरणा तुहिनाचलवासिनी ॥ 1 ॥

वरदाभयहस्ताब्जा रेवातीरनिवासिनी । प्रणित्ययविशेषज्ञा यंत्राकृतविराजित ॥ 2 ॥

भद्रपादप्रिया चैव गोविंदपथगामिनी । देवर्षिगणसंस्तुत्या वनमालाविभूषिता ॥ 3 ॥

स्यंदनोत्तमसंस्था च धीरजीमूतनिस्वना । मत्तमातंगगमना हिरण्यकमलासना ॥ 4 ॥

दीनजनोद्धारनिरता योगिनी योगधारिणी । नटनाट्यैकनिरता प्रणवाद्यक्षरात्मिका ॥ 5 ॥

चोरचारक्रियासक्ता दारिद्र्यच्छेदकारिणी । यादवेंद्रकुलोद्भूता तुरीयपथगामिनी ॥ 6 ॥

गायत्री गोमती गंगा गौतमी गरुडासना । गेयगानप्रिया गौरी गोविंदपदपूजिता ॥ 7 ॥

गंधर्वनगरागारा गौरवर्णा गणेश्वरी । गदाश्रया गुणवती गह्वरी गणपूजिता ॥ 8 ॥

गुणत्रयसमायुक्ता गुणत्रयविवर्जिता । गुहावासा गुणाधारा गुह्या गंधर्वरूपिणी ॥ 9 ॥

गार्ग्यप्रिया गुरुपदा गुहलिंगांगधारिणी । सावित्री सूर्यतनया सुषुम्नानाडिभेदिनी ॥ 10 ॥

सुप्रकाशा सुखासीना सुमति-स्सुरपूजिता । सुषुप्त्यवस्था सुदती सुंदरी सागरांबरा ॥ 11 ॥

सुधांशुबिंबवदना सुस्तनी सुविलोचना । सीता सत्त्वाश्रया संध्या सुफला सुविधायिनी ॥ 12 ॥

सुभ्रू-स्सुवासा सुश्रोणी संसारार्णवतारिणी । सामगानप्रिया साध्वी सर्वाभरणभूषिता ॥ 13 ॥

वैष्णवी विमलाकारा महेंद्री मंत्ररूपिणी । महलक्ष्मी-र्महासिद्धि-र्महामाया महेश्वरी ॥ 14 ॥

मोहिनी मदनाकारा मधुसूदनचोदिता । मीनाक्षी मधुरावासा नगेंद्रतनया उमा ॥ 15 ॥

त्रिविक्रमपदाक्रांता त्रिस्वरा त्रिविलोचना । सूर्यमंडलमध्यस्था चंद्रमंडलसंस्थिता ॥ 16 ॥

वह्निमंडलमध्यस्था वायुमंडलसंस्थिता । व्योममंडलमध्यस्था चक्रिणी चक्ररूपिणी ॥ 17 ॥

कालचक्रवितानस्था चंद्रमंडलदर्पणा । ज्योत्स्नातपासुलिप्तांगी महामारुतवीजिता ॥ 18 ॥

सर्वमंत्राश्रया धेनुः पापघ्नी परमेश्वरी । नमस्तेऽस्तु महालक्ष्मी-र्महासंपत्तिदायिनि ॥ 19 ॥

नमस्ते करुणामूर्ते नमस्ते भक्तवत्सले । गायत्र्याः प्रजपेद्यस्तु नाम्नामष्टोत्तरं शतम् ॥ 20 ॥

तस्य पुण्यफलं वक्तुं ब्रह्मणापि न शक्यते ।

इति श्रीगायत्र्यष्टोत्तरशतनामस्तोत्रं संपूर्णम् ।

ഗായത്ര്യഷ്ടോത്തരശത നാമസ്തോത്രമ് - ഒരു പരിചയം

The Gayatri Ashtottara Shatanama Stotram gives 108 names of Goddess Gayatri in verse. It begins "Tarunaditya sankasha": radiant as the young rising sun, shining with a thousand eyes, adorned with wonderful garlands and ornaments, dwelling on the snowy mountain, with lotus hands showing the gestures of boons and fearlessness, dwelling on the banks of the Reva (Narmada), and shining in the form of the yantra.

എപ്പോൾ ജപിക്കാം: Before Gayatri japa, in Sandhya worship, on Gayatri Jayanti and Upakarma.

നിങ്ങൾക്കറിയാമോ?

  • Gayatri is worshipped as the goddess of the Gayatri mantra, often pictured with five faces and ten arms.
  • The stotra form is recited as a hymn, while the namavali form is used for archana.

പതിവ് ചോദ്യങ്ങൾ

Who is Goddess Gayatri?

The goddess of the Gayatri mantra, mother of the Vedas.

How does the stotram begin?

"Tarunaditya sankasha": radiant as the rising sun.

When is it recited?

Before Gayatri japa and on Gayatri Jayanti.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.