4.7 - അഗ്നാവിഷ്ണൂ സജോഷസേമാ വര്ധന്തു - കൃഷ്ണ യജുർവേദ തൈത്തിരീയ സംഹിതാ പാഠഃ
Kanda 4 - Krishna Yajurveda Taittiriya Samhita · പരമ്പരാഗത ഭക്തിഗ്രന്ഥം
krishna yajurvedeeya taittireeya samhitaayaa-nchaturthakaande saptamah prashnah - vasordhaaraadishishta samskaaraabhidhaanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
agnaa̍vishnoo sa̠josha̍se̠maa va̍rdhantu vaa̠-ngira̍h । dyu̠naimrvaaje̍bhi̠raa ga̍tam ॥ vaja̍shcha me prasa̠vashcha̍ me̠ praya̍tishcha me̠ prasi̍tishcha me dhee̠tishcha̍ me̠ kratu̍shcha me̠ svara̍shcha me̠ shloka̍shcha me shraa̠vashcha̍ me̠ shruti̍shcha me̠ jyoti̍shcha me̠ suva̍shcha me praa̠nashcha̍ me 'paa̠na- [praa̠nashcha̍ me 'paa̠nah, cha̠ me̠ vyaa̠nashcha̠ me 'su̍shcha me] 1
-shcha̍ me vyaa̠nashcha̠ me 'su̍shcha me chi̠tta-ncha̍ ma̠ adhi̍ta-ncha me̠ vakcha̍ me̠ mana̍shcha me̠ chakshu̍shcha me̠ shrotra̍-ncha me̠ daksha̍shcha me̠ bala̍-ncha ma̠ oja̍shcha me̠ saha̍shcha ma̠ ayu̍shcha me ja̠raa cha̍ ma aa̠tmaa cha̍ me ta̠nooshcha̍ me̠ sharma̍ cha me̠ varma̍ cha̠ me 'ngaa̍ni cha me̠ 'sthaani̍ cha me̠ paroogm̍shi cha me̠ sharee̍raani cha me ॥ 2 ॥ (a̠paa̠na - sta̠nooshcha̍ me̠ - 'shtaada̍sha cha) (a. 1)
jyaishthya̍-ncha ma̠ adhi̍patya-ncha me ma̠nyushcha̍ me̠ bhaama̍shcha̠ me-'ma̍shcha̠ me 'bha̍mshcha me je̠maa cha̍ me mahi̠maa cha̍ me vari̠maa cha̍ me prathi̠maa cha̍ me va̠rshmaa cha̍ me draaghu̠yaa cha̍ me vri̠ddha-ncha̍ me̠ vriddhi̍shcha me sa̠tya-ncha̍ me shra̠ddhaa cha̍ me̠ jaga̍chcha [ ] 3
-me̠ dhana̍-ncha me̠ vasha̍shcha me̠ tvishi̍shcha me kree̠daa cha̍ me̠ moda̍shcha me jaa̠ta-ncha̍ me jani̠shyamaa̍na-ncha me soo̠kta-ncha̍ me sukri̠ta-ncha̍ me vi̠tta-ncha̍ me̠ vedya̍-ncha me bhoo̠tancha̍ me bhavi̠shyachcha̍ me su̠ga-ncha̍ me su̠patha̍-ncha ma ri̠ddha-ncha̍ ma̠ riddhi̍ shcha me kLi̠pta-ncha̍ me̠ kLipti̍shcha me ma̠tishcha̍ me suma̠tishcha̍ me ॥ 4 ॥ (jaga̠chcha - rdhi̠ - shchatu̍rdasha cha) (a. 2)
sha-ncha̍ me̠ maya̍shcha me pri̠ya-ncha̍ me 'nukaa̠mashcha̍ me̠ kama̍shcha me saumana̠sashcha̍ me bha̠dra-ncha̍ me̠ shreya̍shcha me̠ vasya̍shcha me̠ yasha̍shcha me̠ bhaga̍shcha me̠ dravi̍na-ncha me ya̠ntaa cha̍ me dha̠rtaa cha̍ me̠kshema̍shcha me̠ dhriti̍shcha me̠ vishva̍-ncha [ ] 5
me̠ maha̍shcha me sa̠mvichcha̍ me̠ jnatra̍-ncha me̠ sushcha̍ me pra̠sooshcha̍ me̠ sira̍-ncha me la̠yashcha̍ ma ri̠ta-ncha̍ me̠ 'mrita̍-ncha me-'ya̠kshma-ncha̠ me 'na̍mayachcha me jee̠vaatu̍shcha me deerghaayu̠tva-ncha̍ me 'nami̠tra-ncha̠ me 'bha̍ya-ncha me su̠ga-ncha̍ me̠ shaya̍na-ncha me soo̠shaa cha̍ me su̠dina̍-ncha me ॥ 6 ॥ ( vishva̍-ncha̠ - shaya̍na - ma̠shtau cha̍ ) (a. 3)
urkcha̍ me soo̠nritaa̍ cha me̠ paya̍shcha me̠ rasa̍shcha me ghri̠ta-ncha̍ me̠ madhu̍ cha me̠ sagdhi̍shcha me̠ sapee̍tishcha me kri̠shishcha̍ me̠ vrishti̍shcha me̠ jaitra̍-ncha ma̠ audbhi̍dya-ncha me ra̠yishcha̍ me̠ raaya̍shcha me pu̠shta-ncha̍ me̠ pushti̍shcha me vi̠bhu cha̍ [vi̠bhu cha̍, me̠ pra̠bhu cha̍ me] 7
me pra̠bhu cha̍ me ba̠hu cha̍ me̠ bhooya̍shcha me poo̠rna-ncha̍ me poo̠rnata̍ra-ncha̠ me 'kshi̍tishcha me̠ kooya̍vaashcha̠ me-'nna̍-ncha̠ me 'kshu̍chcha me vree̠haya̍shcha me̠ yavaa̎shcha me̠ maashaa̎shcha me̠ tilaa̎shcha me mu̠dgaashcha̍ me kha̠lvaa̎shcha me go̠dhoomaa̎shcha me ma̠suraa̎- -shcha me pri̠yanga̍vashcha̠ me 'na̍vashcha me shyaa̠maakaa̎shcha me nee̠vaaraa̎shcha me ॥ 8 ॥ (vi̠bhu cha̍ - ma̠suraa̠ - shchatu̍rdasha cha) (a. 4)
ashmaa̍ cha me̠ mritti̍kaa cha me gi̠raya̍shcha me̠ parva̍taashcha me̠ sika̍taashcha me̠ vana̠spata̍yashcha me̠ hira̍nya-ncha̠ me 'ya̍shcha me̠ seesa̍-ncha me̠ trapu̍shcha me shyaa̠ma-ncha̍ me lo̠ha-ncha̍ me̠-'gnishcha̍ ma̠ aapa̍shcha mevee̠rudha̍shcha ma̠ osha̍dhayashcha me krishtapa̠chya-ncha̍ [krishtapa̠chya-ncha̍, me̠ 'kri̠shta̠pa̠chya-ncha̍ me] 9
me 'krishtapa̠chya-ncha̍ me grmaa̠yaashcha̍ me pa̠shava̍ aara̠nyaashcha̍ ya̠jnena̍ kalpantaam mvi̠tta-ncha̍ me̠ vitti̍shcha me bhoo̠ta-ncha̍ me̠ bhooti̍shcha me̠ vasu̍ cha me vasa̠tishcha̍ me̠ karma̍ cha me̠ shakti̍shcha̠ me-'rtha̍shcha ma̠ ema̍shcha ma̠ iti̍shcha me̠ gati̍shcha me ॥ 10 (kri̠shta̠pa̠chya-nchaa̠ - 'shtaacha̍tvaarigmshachcha) (a. 5)
a̠gnishcha̍ ma̠ indra̍shcha me̠ soma̍shcha ma̠ indra̍shcha me savi̠taa cha̍ ma̠ indra̍shcha me̠ sara̍svatee cha ma̠ indra̍shcha me poo̠shaa cha̍ ma̠ indra̍shcha me̠ briha̠spati̍shcha ma̠ indra̍shcha me mi̠trashcha̍ ma̠ indra̍shcha me̠ varu̍nashcha ma̠ indra̍shcha me̠ tvashtaa̍ cha - [ ] 11
ma̠ indra̍shcha me dhaa̠taa cha̍ ma̠ indra̍shcha me̠ vishnu̍shcha ma̠ indra̍shcha me̠ 'shvinau̍ cha ma̠ indra̍shcha me ma̠ruta̍shcha ma̠ indra̍shcha me̠ vishve̍ cha me de̠vaa indra̍shcha me prithi̠vee cha̍ ma̠ indra̍shcha me̠-'ntari̍ksha-ncha ma̠ indra̍shcha me̠ dyaushcha̍ ma̠ indra̍shcha me̠ disha̍shcha ma̠ indra̍shcha me moo̠rdhaa cha̍ ma̠ indra̍shcha me pra̠jaapa̍tishcha ma̠ indra̍shcha me ॥ 12 ॥ (tvashtaa̍ cha̠ - dyaushcha̍ ma̠ - eka̍vigmshatishcha) (a. 6)
a̠gm̠shushcha̍ me ra̠shmishcha̠ me 'daa̎bhyashcha̠ me-'dhi̍patishcha ma upaa̠gm̠shushcha̍ me 'ntaryaa̠mashcha̍ ma aindravaaya̠vashcha̍ me maitraavaru̠nashcha̍ ma aashvi̠nashcha̍ me pratipra̠sthaana̍shcha me shu̠krashcha̍ me ma̠nthee cha̍ ma aagraya̠nashcha̍ me vaishvade̠vashcha̍ me dhru̠vashcha̍ me vaishvaana̠rashcha̍ ma ritugra̠haashcha̍ [ritugra̠haashcha̍, me̠ 'ti̠graa̠hyaa̎shcha ma] 13
me 'tigraa̠hyaa̎shcha ma aindraa̠gnashcha̍ me vaishvade̠vashcha̍ me marutva̠teeyaa̎shcha me maahe̠ndrashcha̍ ma aadi̠tyashcha̍ me saavi̠trashcha̍ me saarasva̠tashcha̍ me pau̠shnashcha̍ me paatneeva̠tashcha̍ me haariyoja̠nashcha̍ me ॥ 14 ॥ (ri̠tu̠gra̠haashcha̠ - chatu̍strigmshachcha ) (a. 7)
i̠ddhmashcha̍ me ba̠r̠hishcha̍ me̠ vedi̍shcha me̠ dhishni̍yaashcha me̠ srucha̍shcha me chama̠saashcha̍ me̠ graavaa̍nashcha me̠ svara̍vashcha ma upara̠vaashcha̍ me 'dhi̠shava̍ne cha me dronakala̠shashcha̍ me vaaya̠vyaa̍ni cha me poota̠bhrichcha̍ ma aadhava̠neeya̍shcha ma̠ aagnee̎ddhra-ncha me havi̠rdhaana̍-ncha me gri̠haashcha̍ me̠ sada̍shcha me puro̠daashaa̎shcha me pacha̠taashcha̍ me-'vabhri̠thashcha̍ me svagaakaa̠rashcha̍ me ॥ 15 ॥ (gri̠haashcha̠ - shoda̍sha cha) (a. 8)
a̠gnishcha̍ me gha̠rmashcha̍ me̠-'rkashcha̍ me̠ soorya̍shcha me praa̠nashcha̍ me 'shvame̠dhashcha̍ me prithi̠vee cha̠ me 'di̍tishcha me̠ diti̍shcha me̠ dyaushcha̍ me̠ shakva̍reera̠ngula̍yo̠ disha̍shcha me ya̠jnena̍ kalpantaa̠- mrikcha̍ me̠ saama̍ cha me̠ stoma̍shcha me̠ yaju̍shcha me dee̠kshaa cha̍ me̠ tapa̍shcha ma ri̠tushcha̍ me vra̠ta-ncha̍ me 'horaa̠trayo̎ rvri̠shtyaa bri̍hadrathanta̠re cha̍ me ya̠jnena̍ kalpetaam ॥ 16 ॥ (dee̠kshaa-' - shtaada̍sha cha ) (a. 9)
garbhaa̎shcha me va̠thsaashcha̍ me̠ tryavi̍shcha me trya̠vee cha̍ me ditya̠vaat cha̍ me dityau̠hee cha̍ me̠ panchaa̍vishcha me panchaa̠vee cha̍ me triva̠thsashcha̍ me triva̠thsaa cha̍ me turya̠vaat cha̍ me turyau̠hee cha̍ me pashtha̠vaachcha̍ me pashthau̠hee cha̍ ma u̠kshaa cha̍ me va̠shaa cha̍ ma risha̠bhashcha̍- [va̠shaa cha̍ ma risha̠bhashcha̍, me̠ ve̠hachcha̍ me] 17
me ve̠hachcha̍ me 'na̠dvaan cha̍ me dhe̠nushcha̍ ma̠ aayu̍rya̠jnena̍ kalpataa-mpraa̠no ya̠jnena̍ kalpataa-mapaa̠no ya̠jnena̍ kalpataam vyaa̠no ya̠jnena̍ kalpataa̠-nchakshu̍-rya̠jnena̍ kalpataa̠g̠ shrotra̍m ya̠jnena̍ kalpataa̠-mmano̍ ya̠jnena̍ kalpataa̠m mvaag ya̠jnena̍ kalpataa-maa̠tmaa ya̠jnena̍ kalpataam ya̠jno ya̠jnena̍ kalpataam ॥ 18 ॥ (ri̠sha̠bhashcha̍ - chatvaari̠gm̠shachcha̍) (a. 10)
ekaa̍ cha me ti̠srashcha̍ me̠ pancha̍ cha me sa̠pta cha̍ me̠ nava̍ cha ma̠ ekaa̍dasha cha me̠ trayo̍dasha cha me̠ pancha̍dasha cha me sa̠ptada̍sha cha me̠ nava̍dasha cha ma̠ eka̍vigmshatishcha me̠ trayo̍vigmshatishcha me̠ pancha̍vigmshatishcha me sa̠ptavigm̍shatishcha me̠ nava̍vigmshatishcha ma̠ eka̍trigmshachcha me̠ traya̍strigmshachcha [ ] 19
me̠ chata̍srashcha me̠ 'shtau cha̍ me̠ dvaada̍sha cha me̠ shoda̍sha cha me vigmsha̠tishcha̍ me̠ chatu̍rvigmshatishcha me̠ 'shtaavigm̍shatishcha me̠ dvaatrigm̍shachcha me̠ shat-trigm̍shachcha me chatvaari̠gm̠shachcha̍ me̠ chatu̍shchatvaarigmshachcha me̠ 'shtaacha̍tvaarigmshachcha me̠ vaaja̍shcha prasa̠vashchaa̍-pi̠jashcha̠ kratu̍shcha̠ suva̍shcha moo̠rdhaa cha̠ vyashni̍yashchaa- -ntyaaya̠nashchaa- ntya̍shcha bhauva̠nashcha̠ bhuva̍na̠shchaa-dhi̍patishcha ॥ 20 ॥ (traya̍strigmshachcha̠ - vyashni̍ya̠ - ekaa̍dasha cha ) (a. 11)
vaajo̍ na-ssa̠pta pra̠disha̠shchata̍sro vaa paraa̠vata̍h । vaajo̍ no̠ vishvai̎rde̠vai-rdhana̍saataavi̠haava̍tu ॥ vishve̍ a̠dya ma̠ruto̠ vishva̍ oo̠tee vishve̍ bhavantva̠gnaya̠-ssami̍ddhaah । vishve̍ no de̠vaa ava̠saa-'' ga̍mantu̠ vishva̍mastu̠ dravi̍na̠m vaajo̍ a̠sme ॥ vaaja̍sya prasa̠va-nde̍vaa̠ rathai̎ryaataa hira̠nyayai̎h । a̠gnirindro̠ briha̠spati̍rma̠ruta̠-ssoma̍peetaye ॥ vaaje̍vaaje 'vata vaajino no̠ dhane̍shu [no̠ dhane̍shu, vi̠praa̠ a̠mri̠taa̠ ri̠ta̠jnaa̠h ।] 21
vipraa amritaa ritajnaah । a̠sya maddhva̍h pibata maa̠daya̍ddhva-ntri̠ptaa yaa̍ta pa̠thibhi̍rdeva̠yaanai̎h ॥ vaaja̍h pu̠rastaa̍du̠ta ma̍ddhya̠to no̠ vaajo̍ de̠vaagm ri̠tubhi̍h kalpayaati । vaaja̍sya̠ hi pra̍sa̠vo nanna̍meeti̠ vishvaa̠ aashaa̠ vaaja̍patirbhaveyam ॥ paya̍h prithi̠vyaa-mpaya̠ osha̍dheeshu̠ payo̍ di̠vya̍ntari̍kshe̠ payo̍ dhaam । paya̍svateeh pra̠disha̍-ssantu̠ mahya̎m ॥ sa-mmaa̍ srijaami̠ paya̍saa ghri̠tena̠ sa-mmaa̍ srijaamya̠pa [sa-mmaa̍ srijaamya̠pah, osha̍dheebhih ।] 22
osha̍dheebhih । so̍-'ham vaajagm̍ saneyamagne ॥ nakto̠shaasaa̠ sama̍nasaa̠ viroo̍pe dhaa̠paye̍te̠ shishu̠mekagm̍ samee̠chee । dyaavaa̠ kshaamaa̍ ru̠kmo a̠ntarvi bhaa̍ti de̠vaa a̠gni-ndhaa̍raya-ndravino̠daah ॥ sa̠mu̠dro̍-'si̠ nabha̍svaanaa̠rdradaa̍nu-shsha̠bhoomrma̍yo̠bhoora̠bhi maa̍ vaahi̠ svaahaa̍ maaru̠to̍-'si ma̠rutaa̎-nga̠na-shsha̠bhoomrma̍yo̠bhoora̠bhi maa̍ vaahi̠ svaahaa̍ 'va̠syura̍si̠ duva̍svaanchha̠bhoomrma̍yo̠bhoorabhi maa̍ vaahi̠ svaahaa̎ ॥ 23 ॥ (dhane̎ - shva̠po - duva̍svaanchha̠bhoomrma̍yo̠bhoora̠bha maa̠ -dve cha̍ ) (a. 12)
a̠gnim yu̍najmi̠ shava̍saa ghri̠tena̍ di̠vyagm su̍pa̠rnam vaya̍saa bri̠hanta̎m । tena̍ va̠ya-mpa̍tema bra̠ddhnasya̍ vi̠shtapa̠gm̠ suvo̠ ruhaa̍naa̠ adhi̠ naaka̍ utta̠me ॥ i̠mau te̍ pa̠kshaava̠jarau̍ pata̠trino̠ yaabhyaa̠gm̠ rakshaag̍-syapa̠hagg-sya̍gne । taabhyaa̎-mpatema su̠kritaa̍mu lo̠kam yatrarsha̍yah prathama̠jaa ye pu̍raa̠naah ॥ chida̍si samu̠drayo̍ni̠rindu̠rdaksha̍-shshye̠na ri̠taavaa̎ । hira̍nyapaksha-shshaku̠no bhu̍ra̠nyu-rma̠haan-thsa̠dhasthe̎ dhru̠va [dhru̠vah, aa nisha̍ttah ।] 24
aa nisha̍ttah ॥ nama̍ste astu̠ maa maa̍ higmsee̠rvishva̍sya moo̠rdhannadhi̍ tishthasi shri̠tah । sa̠mu̠dre te̠ hrida̍ya-ma̠ntaraayu̠-rdyaavaa̍prithi̠vee bhuva̍ne̠shvarpi̍te ॥ u̠dno da̍ttoda̠dhi-mbhi̍ntta di̠vah pa̠rjanyaa̍da̠ntari̍kshaa-tprithi̠vyaastato̍ no̠ vrishtyaa̍vata । di̠vo moo̠rdhaa-'si̍ prithi̠vyaa naabhi̠roorga̠paamosha̍dheenaam । vi̠shvaayu̠-shsharma̍ sa̠prathaa̠ nama̍spa̠the ॥ yenarsha̍ya̠stapa̍saa sa̠tra- [sa̠tram, aasa̠tendhaa̍naa] 25
-maasa̠tendhaa̍naa a̠gnigm suva̍raa̠bhara̍ntah । tasmi̍nna̠ha-nni da̍dhe̠ naake̍ a̠gnime̠tam yamaa̠hurmana̍va stee̠rnaba̍rhisham ॥ ta-mpatnee̍bhi̠ranu̍ gachchhema devaah pu̠trairbhraatri̍bhiru̠ta vaa̠ hira̍nyaih । naaka̍-ngrihnaa̠naa-ssu̍kri̠tasya̍ lo̠ke tri̠teeye̍ pri̠shthe adhi̍ rocha̠ne di̠vah ॥ aa vaa̠cho maddhya̍-maruha-dbhura̠nyura̠ya-ma̠gni-ssatpa̍ti̠shcheki̍taanah । pri̠shthe pri̍thi̠vyaa nihi̍to̠ davi̍dyuta-dadhaspa̠da-nkri̍nute̠ [-dadhaspa̠da-nkri̍nute, ye pri̍ta̠nyava̍h ।] 26
ye pri̍ta̠nyava̍h ॥ a̠yama̠gnirvee̠rata̍mo vayo̠dhaa-ssa̍ha̠sriyo̍ deepyataa̠mapra̍yuchchhann । vi̠bhraaja̍maana-ssari̠rasya̠ maddhya̠ upa̠ pra yaa̍ta di̠vyaani̠ dhaama̍ ॥ sa-mpra chya̍vaddhva̠manu̠ sa-mpra yaa̠taagne̍ pa̠tho de̍va̠yaanaa̎n krinuddhvam । a̠smin-thsa̠dhasthe̠ addhyutta̍rasmi̠n vishve̍ devaa̠ yaja̍maanashcha seedata ॥ yenaa̍ sa̠hasra̠m vaha̍si̠ yenaa̎gne sarvaveda̠sam । tene̠mam ya̠jna-nno̍ vaha deva̠yaano̠ ya [deva̠yaano̠ yah, u̠tta̠mah ।] 27
u̍tta̠mah ॥ u-dbu̍ddhyasvaagne̠ prati̍ jaagrihyena mishtaapoo̠rte sagm sri̍jethaama̠ya-ncha̍ । puna̍h kri̠nvaggstvaa̍ pi̠tara̠m yuvaa̍na-ma̠nvaataagm̍see̠-ttvayi̠ tantu̍me̠tam ॥ a̠ya-nte̠ yoni̍r-ri̠tviyo̠ yato̍ jaa̠to aro̍chathaah । ta-njaa̠nanna̍gna̠ aa ro̠haathaa̍ no vardhayaa ra̠yim ॥ 28 ॥ (dhru̠vah - sa̠tram - kri̍nute̠ - yah - sa̠ptatrigm̍shachcha ) (a. 13)
mamaa̎gne̠ varcho̍ viha̠veshva̍stu va̠ya-ntvendhaa̍naa sta̠nuva̍-mpushema । mahya̍-nnamantaa-mpra̠disha̠shchata̍sra̠ stvayaa-'ddhya̍kshena̠ prita̍naa jayema ॥ mama̍ de̠vaa vi̍ha̠ve sa̍ntu̠ sarva̠ indraa̍vanto ma̠ruto̠ vishnu̍ra̠gnih । mamaa̠ntari̍ksha mu̠ru go̠pama̍stu̠ mahya̠m vaata̍h pavataa̠-nkaame̍ a̠sminn ॥ mayi̍ de̠vaa dravi̍na̠ maaya̍jantaa̠-mmayyaa̠ sheera̍stu̠ mayi̍ de̠vahoo̍tih । daivyaa̠ hotaa̍raa vanishanta̠ [vanishanta, poorve 'ri̍shtaa-ssyaama] 29
poorve 'ri̍shtaa-ssyaama ta̠nuvaa̍ su̠veeraa̎h ॥ mahya̍m yajantu̠ mama̠ yaani̍ ha̠vyaa-''koo̍ti-ssa̠tyaa mana̍so me astu । eno̠ maanigaa̎-nkata̠machcha̠naaham vishve̍ devaaso̠ adhi̍vocha taa me ॥ devee̎-shshadurveeru̠runa̍h krinota̠ vishve̍ devaa sa i̠ha vee̍rayaddhvam । maahaa̎smahi pra̠jayaa̠ maa ta̠noobhi̠rmaa ra̍dhaama dvisha̠te so̍ma raajann ॥ a̠gnirma̠nyu-mpra̍tinu̠da-npu̠rastaa̠- [pra̍tinu̠da-npu̠rastaa̎t, ada̍bdho go̠paah] 30
-dada̍bdho go̠paah pari̍paahi na̠stvam । pra̠tyancho̍ yantu ni̠guta̠h puna̠ste̍ 'maishaa̎-nchi̠tta-mpra̠budhaa̠ vine̍shat ॥ dhaa̠taa dhaa̍tri̠naa-mbhuva̍nasya̠ yaspati̍ rde̠vagm sa̍vi̠taara̍mabhi maati̠shaaha̎m । i̠mam ya̠jna ma̠shvino̠bhaa briha̠spati̍ rde̠vaah paa̎mtu̠ yaja̍maana-nnya̠rthaat ॥ u̠ru̠vyachaa̍ no mahi̠sha-shsharma̍ yagm sada̠smin. have̍ puruhoo̠tah pu̍ru̠kshu । sa na̍h pra̠jaayai̍ haryashva mrida̠yendra̠ maa [mrida̠yendra̠ maa, no̠ ree̠ri̠sho̠ maa paraa̍ daah ।] 31
no̍ reerisho̠ maa paraa̍ daah ॥ ye na̍-ssa̠patnaa̠ apa̠te bha̍vantvindraa̠-gnibhyaa̠mava̍ baadhaamahe̠ taan । vasa̍vo ru̠draa aa̍di̠tyaa u̍pari̠ sprisha̍-mmo̠gra-nchettaa̍ramadhi raa̠jama̍krann ॥ a̠rvaancha̠ mindra̍ma̠muto̍ havaamahe̠ yo go̠ji-ddha̍na̠-jida̍shva̠-jidyah । i̠manno̍ ya̠jnam vi̍ha̠ve ju̍shasvaa̠sya ku̍rmo harivo me̠dina̍-ntvaa ॥ 32 ॥ (va̠ni̠sha̠nta̠ - pu̠rastaa̠n - maa - tricha̍tvaarigmshachcha) (a. 14)
a̠gnerma̍nve pratha̠masya̠ prache̍taso̠ ya-mpaancha̍janya-mba̠hava̍-ssami̠ndhate̎ । vishva̍syaam vi̠shi pra̍vivishi̠vaagm sa̍meemahe̠ sa no̍ muncha̠tvagm ha̍sah ॥ yasye̠da-mpraa̠nanni̍mi̠sha-dyadeja̍ti̠ yasya̍ jaa̠ta-njana̍maana-ncha̠ keva̍lam । staumya̠gni-nnaa̍thi̠to jo̍haveemi̠ sa no̍ muncha̠tvagm ha̍sah ॥ indra̍sya manye pratha̠masya̠ prache̍taso vritra̠ghna-sstomaa̠ upa̠ maamu̠paagu̍h । yo daa̠shusha̍-ssu̠krito̠ hava̠mupa̠ gantaa̠ [gantaa̎, sa no̍ muncha̠tvagm ha̍sah ।] 33
sa no̍ muncha̠tvagm ha̍sah ॥ ya-ssa̍ngraa̠ma-nnaya̍ti̠ sam va̠shee yu̠dhe yah pu̠shtaani̍ sagmsri̠jati̍ tra̠yaani̍ । staumeendra̍-nnaathi̠to jo̍haveemi̠ sa no̍ muncha̠tvagm ha̍sah ॥ ma̠nve vaa̎-mmitraa varunaa̠ tasya̍ vitta̠gm̠ satyau̍jasaa drigmhanaa̠ ya-nnu̠dethe̎ । yaa raajaa̍nagm sa̠ratha̍m yaa̠tha u̍graa̠ taa no̍ munchata̠maaga̍sah ॥ yo vaa̠gm̠ ratha̍ ri̠jura̍shmi-ssa̠tyadha̍rmaa̠ mithu̠ shchara̍nta-mupa̠yaati̍ doo̠shayann̍ । staumi̍ [ ] 34
mi̠traavaru̍naa naathi̠to jo̍haveemi̠ tau no̍ munchata̠maaga̍sah ॥ vaa̠yo-ssa̍vi̠tu rvi̠dathaa̍ni manmahe̠ yaavaa̎tma̠nva-dbi̍bhri̠to yau cha̠ raksha̍tah । yau vishva̍sya pari̠bhoo ba̍bhoo̠vatu̠stau no̍ munchata̠maaga̍sah ॥ upa̠ shreshthaa̍na aa̠shisho̍ de̠vayo̠rdharme̍ asthirann । staumi̍ vaa̠yugm sa̍vi̠taara̍-nnaathi̠to jo̍haveemi̠ tau no̍ munchata̠maaga̍sah ॥ ra̠theeta̍mau rathee̠naama̍hva oo̠taye̠ shubha̠-ngami̍shthau su̠yame̍bhi̠rashvai̎h । yayo̎- [yayo̎h, vaa̠-nde̠vau̠ de̠veshva-ni̍shita̠-] 35
-rvaa-ndevau de̠veshva-ni̍shita̠-moja̠stau no̍ munchata̠maaga̍sah ॥ yadayaa̍tam vamha̠tugm soo̠ryaayaa̎-stricha̠krena̍ sa̠gm̠ sada̍mi̠chchhamaa̍nau । staumi̍ de̠vaa va̠shvinau̍ naathi̠to jo̍haveemi̠ tau no̍ munchata̠maaga̍sah ॥ ma̠rutaa̎-mmanve̠ adhi̍no bruvantu̠ premaam vaacha̠m vishvaa̍ mavantu̠ vishve̎ । aa̠shoon. hu̍ve su̠yamaa̍noo̠taye̠ te no̍ muncha̠ntvena̍sah ॥ ti̠gmamaayu̍dham veedi̠tagm saha̍sva-ddi̠vyagm shardha̠h [shardha̍h, prita̍naasu ji̠shnu ।] 36
prita̍naasu ji̠shnu । staumi̍ de̠vaa-nma̠ruto̍ naathi̠to jo̍haveemi̠ te no̍ muncha̠ntvena̍sah ॥ de̠vaanaa̎-mmanve̠ adhi̍ no bruvantu̠ premaam vaacha̠m vishvaa̍mavantu̠ vishve̎ । aa̠shoon. hu̍ve su̠yamaa̍noo̠taye̠ te no̍ muncha̠ntvena̍sah ॥ yadi̠da-mmaa̍-'bhi̠shocha̍ti̠ pauru̍sheyena̠ daivye̍na । staumi̠ vishvaa̎-nde̠vaa-nnaa̍thi̠to jo̍haveemi̠ te no̍ muncha̠ntvena̍sah ॥ anu̍no̠-'dyaanu̍mati̠ ra- [anu̍no̠-'dyaanu̍mati̠ ranu̍, ida̍numate̠] 37
-nvida̍numate̠ tvam mvai̎shvaana̠ro na̍ oo̠tyaapri̠shto di̠vi> 4 ॥ ye apra̍thetaa̠-mami̍tebhi̠ rojo̍bhi̠ rye pra̍ti̠shthe abha̍vataa̠m vasoo̍naam । staumi̠ dyaavaa̍ prithi̠vee naa̍thi̠to jo̍haveemi̠ te no̍ munchata̠magm ha̍sah ॥ urvee̍ rodasee̠ vari̍vah krinota̠-nkshetra̍sya patnee̠ adhi̍ no brooyaatam । staumi̠ dyaavaa̍ prithi̠vee naa̍thi̠to jo̍haveemi̠ te no̍ munchata̠magm ha̍sah ॥ ya-tte̍ va̠ya-mpu̍rusha̠traa ya̍vi̠shthaa vi̍dvaagmsashchakri̠maa kachcha̠naa- [kachcha̠na, aaga̍h ।] 38
-''ga̍h । kri̠dhee sva̍smaagm adi̍te̠ranaa̍gaa̠ vyenaagm̍si shishratho̠ vishva̍gagne ॥ yathaa̍ ha̠ ta-dva̍savo gau̠rya̍-nchi-tpa̠dishi̠taa mamu̍nchataa yajatraah । e̠vaa tvama̠sma-tpramu̍nchaa̠ vyagmha̠h praataa̎ryagne prata̠raanna̠ aayu̍h ॥ 39 ॥ (gantaa̍ - doo̠shaya̠n-thstaumi̠ - yayo̠h - shardho-' - nu̍mati̠ranu̍ - cha̠na - chatu̍strigmshachcha) (a. 15)
(a̠gnerma̍nve̠ - yasye̠da- mindra̍sya̠ - ya-ssa̍-ngraa̠mamindra̠gm̠ - sa no̍ muncha̠tvagm ha̍sah । ma̠nve vaa̠ntaa no̍ munchata̠maaga̍sah । yo vaa̎m - vaa̠yo- rupa̍ - ra̠theeta̍mau̠ - yadayaa̍ta-ma̠shvinau̠ - tau no̍ munchata̠maaga̍sah । ma̠rutaa̎n- ti̠gmam - ma̠ruto̍ - de̠vaanaa̠m - myadi̠dam vishvaa̠n - te no̍ muncha̠ntvena̍sah । anu̍ na̠ - urvee̠ - dyaavaa̍prithi̠vee - te no̍ munchata̠magmha̍so̠ yattai̎ । cha̠turagm ha̍sa̠-shshaadaaga̍sashcha̠turena̍so̠ dviragmha̍sah ।)
(agnaa̍vishnoo̠ - jyaishthaya̠gm̠ - shancho - rkchaa - 'shmaa̍ chaa̠ - gnishchaa̠- 'gm̠shu - shche̠ddhmashchaa̠ -'gnishcha̍ gha̠rmaa - garbhaa̠ - shchaikaa̍ cha̠ - vaajo̍ no - a̠gnim yu̍najmi̠ - mamaa̎-'gne - a̠gnerma̍nve̠ - pancha̍dasha ।)
(agnaa̍vishnoo - a̠gnishcha̠ - vaajo̍ no̠ - ada̍bdho go̠paa - nava̍trigmshat)
(agnaa̍vishnoo, prata̠raanna̠ aayu̍h)
(yunjaa̠no - vishno̍- rapaa̠gm̠ - ra̠shmi - rnamo -'shma̠ - agnaa̍vishnoo - sa̠pta ) (7)
॥ hari̍h om ॥
॥ krishna yajurvedeeya taittireeya samhitaayaa-nchaturthakaande saptamah prashna-ssamaaptah ॥
4.7 - അഗ്നാവിഷ്ണൂ സജോഷസേമാ വര്ധന്തു - കൃഷ്ണ യജുർവേദ തൈത്തിരീയ സംഹിതാ പാഠഃ - ഒരു പരിചയം
This is prashna 7 of kanda 4 of the Krishna Yajurveda Taittiriya Samhita, in plain continuous recitation (samhita patha). Its heading calls it "vasordhara adi shishta samskara", the closing rites of the fire altar, beginning with the vasordhara, a continuous stream of ghee poured into the fire. Its first eleven anuvakas are the Chamakam, "Agnavishnu sajoshasa", whose every line asks "cha me", "and for me", for strength, long life, wealth and all good things.
ഉറവിടം: Krishna Yajurveda, Taittiriya Samhita 4.7
എപ്പോൾ ജപിക്കാം: In daily Vedic recitation, in Veda patashalas and in Yajur Veda study.
നിങ്ങൾക്കറിയാമോ?
- The Chamakam, chanted with the Namakam (4.5) in Rudrabhishekam, comes from this prashna.
- Samhita patha is the continuous form of the text, the base from which the pada, krama, jata and ghana recitations are built.
പതിവ് ചോദ്യങ്ങൾ
Which well-known hymn is in this prashna?
The Chamakam of Sri Rudram, in its first eleven anuvakas.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 4, prashna 7.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ