MuhurtaNow

5.6 - ഹിരണ്യവര്ണാഃ ശുചയഃ - കൃഷ്ണ യജുർവേദ തൈത്തിരീയ സംഹിതാ പാഠഃ

Kanda 5 - Krishna Yajurveda Taittiriya Samhita · പരമ്പരാഗത ഭക്തിഗ്രന്ഥം

krishna yajurvedeeya taittireeya samhitaayaa-mpanchamakaande shashthah prashnah - upaanuvaakyaabhidhaanam

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

hira̍nyavarnaa̠-shshucha̍yah paava̠kaa yaasu̍ jaa̠tah ka̠shyapo̠ yaasvindra̍h । a̠gnim yaa garbha̍-ndadhi̠re viroo̍paa̠staa na̠ aapa̠-shshagg syo̠naa bha̍vantu ॥ yaasaa̠gm̠ raajaa̠ varu̍no̠ yaati̠ maddhye̍ satyaanri̠te a̍va̠pashya̠n janaa̍naam । ma̠dhu̠shchuta̠-shshucha̍yo̠ yaah paa̍va̠kaastaa na̠ aapa̠-shshagg syo̠naa bha̍vantu ॥ yaasaa̎-nde̠vaa di̠vi kri̠nvanti̍ bha̠ksham yaa a̠ntari̍kshe bahu̠dhaa bhava̍nti । yaah pri̍thi̠vee-mpaya̍so̠ndanti̍ - [ ] 1

shu̠kraastaa na̠ aapa̠-shshagg syo̠naa bha̍vantu ॥ shi̠vena̍ maa̠ chakshu̍sha pashyataa-''pa-shshi̠vayaa̍ ta̠nuvopa̍ sprishata̠ tvacha̍-mme । sarvaagm̍ a̠gneegm ra̍phsu̠shado̍ huve vo̠ mayi̠ varcho̠ bala̠mojo̠ ni dha̍tta ॥ yada̠da-ssa̍-mpraya̠teerahaa̠ vana̍dataaha̠te । tasmaa̠daa na̠dyo̍ naama̍ stha̠ taa vo̠ naamaa̍ni sindhavah ॥ ya-tpreshi̍taa̠ varu̍nena̠ taa-shsheebhagm̍ sa̠mava̍lgata । 2

tadaa̎pno̠-dindro̍ vo ya̠tee-stasmaa̠-daapo̠ anu̍ sthana ॥ a̠pa̠kaa̠magg syanda̍maanaa̠ avee̍varata vo̠ hika̎m । indro̍ va̠-shshakti̍bhi rdevee̠-stasmaa̠-dvaarnaama̍ vo hi̠tam ॥ eko̍ de̠vo apya̍tishtha̠-thsyanda̍maanaa yathaa va̠sham । udaa̍nishu-rma̠heeriti̠ tasmaa̍-duda̠ka-mu̍chyate ॥ aapo̍ bha̠draa ghri̠tamidaapa̍ aasura̠gnee-shomau̍ bibhra̠tyaapa̠ i-ttaah । tee̠vro raso̍ madhu̠prichaa̍- [madhu̠prichaa̎m, a̠ra̠nga̠ma aa maa̎] 3

-maranga̠ma aa maa̎ praa̠nena̍ sa̠ha varcha̍saa gann ॥ aadi-tpa̍shyaamyu̠ta vaa̍ shrino̠myaa maa̠ ghosho̍ gachchhati̠ vaanna̍ aasaam । manye̍ bhejaa̠no a̠mrita̍sya̠ tarhi̠ hira̍nyavarnaa̠ atri̍pam ya̠daa va̍h ॥ aapo̠ hi shthaa ma̍yo̠ bhuva̠staa na̍ oo̠rje da̍dhaatana । ma̠he ranaa̍ya̠ chaksha̍se ॥ yo va̍-shshi̠vata̍mo̠ rasa̠stasya̍ bhaajayate̠ha na̍h । u̠sha̠teeri̍va maa̠tara̍h ॥ tasmaa̠ ara̍-ngamaama vo̠ yasya̠ kshayaa̍ya̠ jinva̍tha । aapo̍ ja̠naya̍thaa cha nah ॥ di̠vi shra̍ya svaa̠ntari̍kshe yatasva prithi̠vyaa sa-mbha̍va brahmavarcha̠-sama̍si brahmavarcha̠saaya̍ tvaa ॥ 4 (u̠danti̍ - sa̠mava̍lgata - madhu̠prichaa̎m - maa̠taro̠ - dvaavigm̍shatishcha) (a. 1)

a̠paa-ngrahaa̎-ngrihnaatye̠tadvaava raa̍ja̠sooya̠m yade̠te grahaa̎-ssa̠vo̎ 'gnirva̍runasa̠vo raa̍ja̠sooya̍-magnisa̠va-shchitya̠staabhyaa̍-me̠va soo̍ya̠te-'tho̍ u̠bhaave̠va lo̠kaava̠bhi ja̍yati̠ yashcha̍ raaja̠sooye̍nejaa̠nasya̠ yashchaa̎-'gni̠chita̠ aapo̍ bhava̠ntyaapo̠ vaa a̠gnerbhraatri̍vyaa̠ yada̠po̎ 'gnera̠dhastaa̍dupa̠ dadhaa̍ti̠ bhraatri̍vyaabhibhootyai̠ bhava̍tyaa̠tmanaa̠ paraa̎-'sya̠ bhraatri̍vyo bhavatya̠mrita̠m- [bhraatri̍vyo bhavatya̠mrita̎m, vaa aapa̠stasmaa̍-] 5

-mvaa aapa̠stasmaa̍-da̠dbhirava̍taanta-ma̠bhi shi̍nchanti̠ naa-''rti̠maarchchha̍ti̠ sarva̠maayu̍reti̠ yasyai̠taa u̍padhee̠yante̠ ya u̍ chainaa e̠vam vedaanna̠m vaa aapa̍h pa̠shava̠ aapo-'nna̍-mpa̠shavo̎-'nnaa̠dah pa̍shu̠maa-nbha̍vati̠ yasyai̠taa u̍padhee̠yante̠ ya u̍ chainaa e̠vam veda̠ dvaada̍sha bhavanti̠ dvaada̍sha̠ maasaa̎-ssamvathsa̠ra-ssa̍mvathsa̠renai̠vaasmaa̠ [-ssa̍mvathsa̠renai̠vaasmaa̎, anna̠mava̍ rundhe̠] 6

anna̠mava̍ rundhe̠ paatraa̍ni bhavanti̠ paatre̠ vaa anna̍madyate̠ sayo̎nye̠vaanna̠mava̍ rundha̠ aa dvaa̍da̠shaa-tpuru̍shaa̠danna̍-ma̠ttyatho̠ paatraa̠nna chhi̍dyate̠ yasyai̠taa u̍padhee̠yante̠ ya u̍ chainaa e̠vam veda̍ ku̠mbhaashcha̍ ku̠mbheeshcha̍ mithu̠naani̍ bhavanti mithu̠nasya̠ prajaa̎tyai̠ pra pra̠jayaa̍ pa̠shubhi̍-rmithu̠nai-rjaa̍yate̠ yasyai̠taa u̍padhee̠yante̠ ya u̍ [ya u̍, chai̠naa̠ e̠vam veda̠] 7

chainaa e̠vam veda̠ shugvaa a̠gni-sso̎-'ddhva̠ryum yaja̍maana-mpra̠jaa-shshu̠chaa-'rpa̍yati̠ yada̠pa u̍pa̠dadhaa̍ti̠ shucha̍me̠vaasya̍ shamayati̠ naa-''rti̠maarchchha̍tyaddhva̠ryurna yaja̍maana̠-shshaamya̍nti pra̠jaa yatrai̠taa u̍padhee̠yante̠ 'paam vaa e̠taani̠ hrida̍yaani̠ yade̠taa aapo̠ yade̠taa a̠pa u̍pa̠dadhaa̍ti di̠vyaabhi̍re̠vainaa̠-ssagm sri̍jati̠ varshu̍kah pa̠rjanyo̍ [pa̠rjanya̍h, bha̠va̠ti̠ yo vaa] 8

bhavati̠ yo vaa e̠taasaa̍maa̠yata̍na̠-nkLipti̠m vedaa̠-''yata̍navaa-nbhavati̠ kalpa̍te 'smaa anusee̠tamupa̍ dadhaatye̠tadvaa aa̍saamaa̠yata̍name̠shaa kLipti̠rya e̠vam vedaa̠-''yata̍navaa-nbhavati̠ kalpa̍te-'smai dva̠dvamma̠nyaa upa̍ dadhaati̠ chata̍sro̠ maddhye̠ dhrityaa̠ anna̠m vaa ishta̍kaa e̠ta-tkhalu̠ vai saa̠kshaadanna̠m yade̠sha cha̠ruryade̠ta-ncha̠rumu̍pa̠ dadhaa̍ti saa̠kshaa- [saa̠kshaat, e̠vaa-'smaa̠ anna̠mava̍ rundhe] 9

-de̠vaa-'smaa̠ anna̠mava̍ rundhe maddhya̠ta upa̍ dadhaati maddhya̠ta e̠vaasmaa̠ anna̍-ndadhaati̠ tasmaa̎-nmaddhya̠to-'nna̍madyate baarhaspa̠tyo bha̍vati̠ brahma̠ vai de̠vaanaa̠-mbriha̠spati̠-rbrahma̍nai̠vaasmaa̠ anna̠mava̍ rundhe brahmavarcha̠sama̍si brahmavarcha̠saaya̠ tvetyaa̍ha teja̠svee bra̍hmavarcha̠see bha̍vati̠ yasyai̠sha u̍padhee̠yate̠ ya u̍ chainame̠vam veda̍ ॥ 10 ॥ (a̠mrita̍ - masmai - jaayate̠ yasyai̠taa - u̍padhee̠yante̠ ya u̍ - pa̠rjanya̍ - upa̠dadhaa̍ti saa̠kshaath - sa̠ptacha̍tvaarigmshachcha) (a. 2)

bhoo̠te̠shta̠kaa upa̍ dadhaa̠tyatraa̎tra̠ vai mri̠tyurjaa̍yate̠ yatra̍yatrai̠va mri̠tyurjaaya̍te̠ tata̍ e̠vaina̠mava̍ yajate̠ tasmaa̍dagni̠chi-thsarva̠maayu̍reti̠ sarve̠ hya̍sya mri̠tyavo 've̎shtaa̠stasmaa̍-dagni̠chinnaa-bhicha̍rita̠vai pra̠tyage̍na-mabhichaa̠ra-sstri̍nute soo̠yate̠ vaa e̠sha yo̎-'gni-nchi̍nu̠te de̍vasu̠vaame̠taani̍ ha̠veegmshi̍ bhavantye̠taava̍nto̠ vai de̠vaanaagm̍ sa̠vaasta e̠vaa- [sa̠vaasta e̠va, a̠smai̠ sa̠vaa-npra] 11

-'smai̍ sa̠vaa-npra ya̍chchhanti̠ ta e̍nagm suvante sa̠vo̎-'gnirva̍runasa̠vo raa̍ja̠sooya̍-mbrahmasa̠vashchityo̍ de̠vasya̍ tvaa savi̠tuh pra̍sa̠va ityaa̍ha savi̠tripra̍soota e̠vaina̠-mbrahma̍naa de̠vataa̍bhira̠bhi shi̍ncha̠tyanna̍-syaannasyaa̠bhi shi̍ncha̠tyanna̍-syaanna̠syaa-va̍ruddhyai pu̠rastaa̎-tpra̠tyancha̍ma̠bhi shi̍nchati pu̠rastaa̠ddhi pra̍tee̠chee-na̠manna̍ma̠dyate̍ sheersha̠to̍-'bhi shi̍nchati sheersha̠to hyanna̍ma̠dyata̠ aa mukhaa̍-da̠nvava̍sraavayati [mukhaa̍-da̠nvava̍sraavayati, mu̠kha̠ta e̠vaa-'smaa̍] 12

mukha̠ta e̠vaa-'smaa̍ a̠nnaadya̍-ndadhaatya̠gnestvaa̠ saamraa̎jyenaa̠bhi shi̍nchaa̠meetyaa̍hai̠sha vaa a̠gne-ssa̠vastenai̠vaina̍ma̠bhi shi̍nchati̠ briha̠spate̎stvaa̠ saamraa̎jyenaa̠bhishi̍nchaa̠meetyaa̍ha̠ brahma̠ vai de̠vaanaa̠-mbriha̠spati̠rbrahma̍nai̠vaina̍ma̠bhi shi̍ncha̠teendra̍sya tvaa̠ saamraa̎jyenaa̠bhi shi̍nchaa̠-meetyaa̍hendri̠yame̠vaasmi̍-nnu̠pari̍shtaa-ddadhaatye̠ta- [-ddadhaatye̠tat, vai raa̍ja̠sooya̍sya] 13

-dvai raa̍ja̠sooya̍sya roo̠pam ya e̠vam vi̠dvaana̠gni-nchi̍nu̠ta u̠bhaave̠va lo̠kaava̠bhi ja̍yati̠ yashcha̍ raaja̠sooye̍nejaa̠nasya̠ yashchaa̎gni̠chita̠ indra̍sya sushuvaa̠nasya̍ dasha̠dhendri̠yam vee̠rya̍-mparaa̍-'pata̠-ttadde̠vaa-ssau̎traama̠nyaa sama̍bharan-thsoo̠yate̠ vaa e̠sha yo̎-'gni-nchi̍nu̠te̎-'gni-nchi̠tvaa sau̎traama̠nyaa ya̍jetendri̠yame̠va vee̠ryagm̍ sa̠bhrintyaa̠-''tma-ndha̍tte ॥ 14 ॥ (ta e̠vaa - nvava̍sraavayatye̠ - ta - da̠shtaacha̍tvaarigmshachcha) (a. 3)

sa̠joorabdo-'yaa̍vabhi-ssa̠jooru̠shaa aru̍neebhi-ssa̠joo-ssoorya̠ eta̍shena sa̠joshaa̍va̠shvinaa̠ dagmso̍bhi-ssa̠joora̠gnirvai̎shvaana̠ra idaa̍bhirghri̠tena̠ svaahaa̍ samvathsa̠ro vaa abdo̠ maasaa̠ ayaa̍vaa u̠shaa aru̍nee̠ soorya̠ eta̍sha i̠me a̠shvinaa̍ samvathsa̠ro̎-'gnirvai̎shvaana̠rah pa̠shava̠ idaa̍ pa̠shavo̍ ghri̠tagm sa̍mvathsa̠ra-mpa̠shavo-'nu̠ pra jaa̍yante samvathsa̠renai̠vaasmai̍ pa̠shoo-npraja̍nayati darbhasta̠mbe ju̍hoti̠ ya - [ ] 15

-dvaa a̠syaa a̠mrita̠m ya-dvee̠rya̍-nta-dda̠rbhaastasmi̍n juhoti̠ praiva jaa̍yate 'nnaa̠do bha̍vati̠ yasyai̠va-njuhva̍tye̠taa vai de̠vataa̍ a̠gneh pu̠rastaa̎dbhaagaa̠staa e̠va pree̍naa̠tyatho̠ chakshu̍re̠vaagneh pu̠rastaa̠-tprati̍ dadhaa̠tyana̍ndho bhavati̠ ya e̠vam vedaa-''po̠ vaa i̠damagre̍ sali̠lamaa̍see̠-thsa pra̠jaapa̍tih pushkarapa̠rne vaato̍ bhoo̠to̍-'lelaaya̠-thsa [bhoo̠to̍-'lelaaya̠-thsa, pra̠ti̠shthaa-nnaa-'vi̍ndata̠] 16

pra̍ti̠shthaa-nnaa-'vi̍ndata̠ sa e̠tada̠paa-nku̠laaya̍mapashya̠-ttasmi̍nna̠gnima̍chinuta̠ tadi̠yama̍bhava̠-ttato̠ vai sa pratya̍tishtha̠dyaa-mpu̠rastaa̍du̠paa-da̍dhaa̠-ttachchhiro̍ 'bhava̠-thsaa praachee̠ digyaa-nda̍kshina̠ta u̠paada̍dhaa̠-thsa dakshi̍nah pa̠ksho̍-'bhava̠-thsaa da̍kshi̠naa digyaa-mpa̠shchaa-du̠paada̍dhaa̠-tta-tpuchchha̍mabhava̠-thsaa pra̠teechee̠ digyaamu̍ttara̠ta u̠paada̍dhaa̠- [u̠paada̍dhaat, sa utta̍rah] 17

-thsa utta̍rah pa̠ksho̍-'bhava̠-thsodee̍chee̠ digyaamu̠pari̍shtaa-du̠paada̍dhaa̠-tta-tpri̠shthama̍bhava̠-thsordhvaa digi̠yam vaa a̠gnih panche̎shtaka̠-stasmaa̠-dyada̠syaa-nkhana̍ntya̠bheeshta̍kaa-ntri̠ndantya̠bhi sharka̍raa̠gm̠ sarvaa̠ vaa i̠yam vayo̎bhyo̠ nakta̍-ndri̠she dee̎pyate̠ tasmaa̍di̠maam vayaagm̍si̠ nakta̠-nnaaddhyaa̍sate̠ ya e̠vam vi̠dvaana̠gni-nchi̍nu̠te pratye̠va [pratye̠va, ti̠shtha̠tya̠bhi disho̍] 18

ti̍shthatya̠bhi disho̍ jayatyaagne̠yo vai braa̎hma̠nastasmaa̎-dbraahma̠naaya̠ sarvaa̍su di̠kshvardhu̍ka̠gg̠ svaame̠va ta-ddisha̠manve̎tya̠paam vaa a̠gnih ku̠laaya̠-ntasmaa̠daapo̠-'gnigm haaru̍kaa̠-ssvaame̠va ta-dyoni̠-mpravi̍shanti ॥ 19 ॥ (yada̍- lelaaya̠-thsa-u̍ttara̠ta u̠paada̍dhaa-de̠va - dvaatrigm̍shachcha) (a. 4)

sa̠mva̠thsa̠ramukhya̍-mbhri̠tvaa dvi̠teeye̍ samvathsa̠ra aa̎gne̠yama̠shtaaka̍paala̠-nnirva̍pedai̠ndra-mekaa̍dashakapaalam vaishvade̠va-ndvaada̍shakapaala-mbaarhaspa̠tya-ncha̠rum vai̎shna̠va-ntri̍kapaa̠la-ntri̠teeye̍ samvathsa̠re̍-'bhi̠jitaa̍ yajeta̠ yada̠shtaaka̍paalo̠ bhava̍tya̠shtaaksha̍raa gaaya̠tryaa̎gne̠ya-ngaa̍ya̠tra-mpraa̍tassava̠na-mpraa̍tassava̠name̠va tena̍ daadhaara gaaya̠tree-nchhando̠ yadekaa̍dashakapaalo̠ bhava̠tyekaa̍dashaaksharaa tri̠shtugai̠ndra-ntraishtu̍bha̠-mmaaddhya̍ndina̠gm̠ sava̍na̠-mmaaddhya̍ndiname̠va sava̍na̠-ntena̍ daadhaara tri̠shtubha̠- [tri̠shtubha̎m, chhando̠ ya-ddvaada̍shakapaalo̠ bhava̍ti̠] 20

-nchhando̠ ya-ddvaada̍shakapaalo̠ bhava̍ti̠ dvaada̍shaaksharaa̠ jaga̍tee vaishvade̠va-njaaga̍ta-ntriteeyasava̠na-ntri̍teeyasava̠name̠va tena̍ daadhaara̠ jaga̍tee̠-nchhando̠ ya-dbaa̍rhaspa̠tyashcha̠rurbhava̍ti̠ brahma̠ vai de̠vaanaa̠-mbriha̠spati̠rbrahmai̠va tena̍ daadhaara̠ ya-dvai̎shna̠vastri̍kapaa̠lo bhava̍ti ya̠jno vai vishnu̍rya̠jname̠va tena̍ daadhaara̠ ya-ttri̠teeye̍ samvathsa̠re̍-'bhi̠jitaa̠ yaja̍te̠-'bhiji̍tyai̠ ya-thsa̍mvathsa̠ramukhya̍-mbi̠bhartee̠mame̠va [ ] 21

tena̍ lo̠kagg spri̍noti̠ ya-ddvi̠teeye̍ samvathsa̠re̎-'gni-nchi̍nu̠te̎ 'ntari̍kshame̠va tena̍ sprinoti̠ ya-ttri̠teeye̍ samvathsa̠re yaja̍te̠-'mume̠va tena̍ lo̠kagg spri̍notye̠tam vai para̍ aatnaa̠rah ka̠ksheevaagm̍ aushi̠jo vee̠taha̍vya-shshraaya̠sastra̠sada̍syuh pauruku̠thsyah pra̠jaakaa̍maa achinvata̠ tato̠ vai te sa̠hasragm̍ sahasra-mpu̠traana̍vindanta̠ pratha̍te pra̠jayaa̍ pa̠shubhi̠staa-mmaatraa̍maapnoti̠ yaa-nte-'ga̍chchha̠n̠ ya e̠vam vi̠dvaane̠tama̠gni-nchi̍nu̠te ॥ 22 ॥ (daa̠dhaa̠ra̠ tri̠shtubha̍ - mi̠mame̠vai - vam - cha̠tvaari̍ cha) (a. 5)

pra̠jaapa̍tira̠gnima̍chinuta̠ sa kshu̠rapa̍virbhoo̠tvaa-'ti̍shtha̠-tta-nde̠vaa bibhya̍to̠ nopaa̍-''ya̠-nte chhando̍bhiraa̠tmaana̍-nchhaadayi̠tvopaa̍-''ya̠-ntachchhanda̍saa-nchhanda̠stva-mbrahma̠ vai chhandaagm̍si̠ brahma̍na e̠ta-droo̠pam ya-tkri̍shnaaji̠na-nkaarshnee̍ upaa̠nahaa̠vupa̍ munchate̠ chhando̍bhire̠vaa-''tmaana̍-nchhaadayi̠tvaa-'gnimupa̍ charatyaa̠tmano-'higm̍saayai devani̠dhirvaa e̠sha ni dhee̍yate̠ yada̠gni- [yada̠gnih, a̠nye vaa̠ vai] 23

-ra̠nye vaa̠ vai ni̠dhimagu̍ptam vi̠ndanti̠ na vaa̠ prati̠ pra jaa̍naatyu̠khaamaa kraa̍matyaa̠tmaana̍me̠vaadhi̠paa-nku̍rute̠ guptyaa̠ atho̠ khalvaa̍hu̠rnaa-''kramyeti̍ nair-ri̠tyu̍khaa yadaa̠kraame̠nnir-ri̍tyaa aa̠tmaana̠mapi̍ daddhyaa̠-ttasmaa̠nnaa-''kramyaa̍ purushashee̠r̠shamupa̍ dadhaati̠ guptyaa̠ atho̠ yathaa̎ broo̠yaade̠tanme̍ gopaa̠yeti̍ taa̠drige̠va ta- [tat, pra̠jaapa̍ti̠rvaa] 24

-tpra̠jaapa̍ti̠rvaa atha̍rvaa̠ 'gnire̠va da̠ddhyannaa̍tharva̠nastasyeshta̍kaa a̠sthaanye̠tagm ha̠ vaava tad-rishi̍ra̠bhyanoo̍vaa̠chendro̍ dadhee̠cho a̠sthabhi̠riti̠ yadishta̍kaabhira̠gni-nchi̠noti̠ saatmaa̍name̠vaagni-nchi̍nute̠ saatmaa̠mushmi̍n mlo̠ke bha̍vati̠ ya e̠vam veda̠ sharee̍ra̠m vaa e̠tada̠gneryachchitya̍ aa̠tmaa vai̎shvaana̠ro yachchi̠te vai̎shvaana̠ra-nju̠hoti̠ sharee̍rame̠va sa̠gg̠skrityaa̠- [sa̠gg̠skrityaa̍, a̠bhyaaro̍hati̠] 25

-'bhyaaro̍hati̠ sharee̍ra̠m vaa e̠ta-dyaja̍maana̠-ssagg sku̍rute̠ yada̠gni-nchi̍nu̠te yachchi̠te vai̎shvaana̠ra-nju̠hoti̠ sharee̍rame̠va sa̠gg̠skrityaa̠ ''tmanaa̠-'bhyaaro̍hati̠ tasmaa̠-ttasya̠ naava̍ dyanti̠ jeeva̍nne̠va de̠vaanapye̍ti vaishvaana̠ryarchaa puree̍sha̠mupa̍ dadhaatee̠yam vaa a̠gnirvai̎shvaana̠rastasyai̠shaa chiti̠rya-tpuree̍shama̠gnime̠va vai̎shvaana̠ra-nchi̍nuta e̠shaa vaa a̠gneh pri̠yaa ta̠noorya-dvai̎shvaana̠rah pri̠yaame̠vaasya̍ ta̠nuva̠mava̍ rundhe ॥ 26 ॥ (a̠gni - stath - sa̠gg̠skrityaa̠ - gne - rdasha̍ cha) (a. 6)

a̠gnervai dee̠kshayaa̍ de̠vaa vi̠raaja̍maapnuva-nti̠sro raatree̎rdeekshi̠ta-ssyaa̎-ttri̠padaa̍ vi̠raa-dvi̠raaja̍maapnoti̠ shad-raatree̎rdeekshi̠ta-ssyaa̠-thsha-dvaa ri̠tava̍-ssamvathsa̠ra-ssa̍mvathsa̠ro vi̠raa-dvi̠raaja̍maapnoti̠ dasha̠ raatree̎rdeekshi̠ta-ssyaa̠-ddashaa̎ksharaa vi̠raa-dvi̠raaja̍maapnoti̠ dvaada̍sha̠ raatree̎rdeekshi̠ta-ssyaa̠-ddvaada̍sha̠ maasaa̎-ssamvathsa̠ra-ssa̍mvathsa̠ro vi̠raa-dvi̠raaja̍maapnoti̠ trayo̍dasha̠ raatree̎rdeekshi̠ta-ssyaa̠-ttrayo̍dasha̠ [trayo̍dasha, maasaa̎-] 27

maasaa̎-ssamvathsa̠ra-ssa̍mvathsa̠ro vi̠raa-dvi̠raaja̍maapnoti̠ pancha̍dasha̠ raatree̎rdeekshi̠ta-ssyaa̠-tpancha̍dasha̠ vaa a̍rdhamaa̠sasya̠ raatra̍yo-'rdhamaasa̠sha-ssa̍mvathsa̠ra aa̎pyate samvathsa̠ro vi̠raa-dvi̠raaja̍maapnoti sa̠ptada̍sha̠ raatree̎rdeekshi̠ta-ssyaa̠-ddvaada̍sha̠ maasaa̠h pancha̠rtava̠-ssa sa̍mvathsa̠ra-ssa̍mvathsa̠ro vi̠raa-dvi̠raaja̍maapnoti̠ chatu̍rvigmshati̠gm̠ raatree̎rdeekshi̠ta-ssyaa̠-chchatu̍rvigmshatirardhamaa̠saa-ssa̍mvathsa̠ra-ssa̍mvathsa̠ro vi̠raa-dvi̠raaja̍maapnoti tri̠gm̠shata̠gm̠ raatree̎rdeekshi̠ta-ssyaa̎- [raatree̎rdeekshi̠ta-ssyaa̎t, tri̠gm̠shada̍ksharaa] 28

-ttri̠gm̠shada̍ksharaa vi̠raa-dvi̠raaja̍maapnoti̠ maasa̍-ndeekshi̠ta-ssyaa̠-dyo maasa̠-ssa sa̍mvathsa̠ra-ssa̍mvathsa̠ro vi̠raa-dvi̠raaja̍maapnoti cha̠turo̍ maa̠so dee̎kshi̠ta-ssyaa̎chcha̠turo̠ vaa e̠ta-mmaa̠so vasa̍vo-'bibharu̠ste pri̍thi̠veemaa-'ja̍ya-ngaaya̠tree-nchhando̠-'shtau ru̠draaste̎-'ntari̍ksha̠maa-'ja̍ya-ntri̠shtubha̠-nchhando̠ dvaada̍shaa-''di̠tyaaste diva̠maa-'ja̍ya̠n jaga̍tee̠-nchhanda̠stato̠ vai te vyaa̠vrita̍-magachchha̠nchhraishthya̍-nde̠vaanaa̠-ntasmaa̠-ddvaada̍sha maa̠so bhri̠tvaa-'gni-nchi̍nveeta̠ dvaada̍sha̠ maasaa̎-ssamvathsa̠ra-ssa̍mvathsa̠ro̎ -'gnishchitya̠stasyaa̍-horaa̠traaneeshta̍kaa aa̠pteshta̍kamena-nchinu̠te-'tho̎ vyaa̠vrita̍me̠va ga̍chchhati̠ shraishthyagm̍ samaa̠naanaa̎m ॥ 29 ॥ (syaa̠-ttrayo̍dasha - tri̠gm̠shata̠gm̠ raatree̎rdeekshi̠ta-ssyaa̠-d- vai te̎ - 'shtaavigm̍shatishcha) (a. 7)

su̠va̠rgaaya̠ vaa e̠sha lo̠kaaya̍ cheeyate̠ yada̠gnistam yannaanvaa̠rohe̎-thsuva̠rgaallo̠kaa-dyaja̍maano heeyeta prithi̠veemaa-'kra̍misha-mpraa̠no maa̠ maa haa̍seeda̠ntari̍ksha̠maa-'kra̍misha-mpra̠jaa maa̠ maa haa̍see̠-ddiva̠maa-'kra̍misha̠gm̠ suva̍raga̠nmetyaa̍hai̠sha vaa a̠gnera̍nvaaro̠hastenai̠vaina̍-ma̠nvaaro̍hati suva̠rgasya̍ lo̠kasya̠ sama̍shtyai̠ ya-tpa̠kshasa̍mmitaa-mminu̠yaa- [minu̠yaat, kanee̍yaagmsa-] 30

-tkanee̍yaagmsam yajnakra̠tumupe̍yaa̠-tpaapee̍yasyasyaa̠ ''tmana̍h pra̠jaa syaa̠-dvedi̍sammitaa-mminoti̠ jyaayaagm̍same̠va ya̍jnakra̠tumupai̍ti̠ naasyaa̠-''tmana̠h paapee̍yasee pra̠jaa bha̍vati saaha̠sra-nchi̍nveeta pratha̠ma-nchi̍nvaa̠na-ssa̠hasra̍sammito̠ vaa a̠yam lo̠ka i̠mame̠va lo̠kama̠bhi ja̍yati̠ dvishaa̍hasra-nchinveeta dvi̠teeya̍-nchinvaa̠no dvishaa̍hasra̠m vaa a̠ntari̍ksha-ma̠ntari̍kshame̠vaabhi ja̍yati̠ trishaa̍hasra-nchinveeta tri̠teeya̍-nchinvaa̠na- [tri̠teeya̍-nchinvaa̠nah, trishaa̍hasro̠ vaa a̠sau] 31

-strishaa̍hasro̠ vaa a̠sau lo̠ko̍ 'mume̠va lo̠kama̠bhi ja̍yati jaanuda̠ghna-nchi̍nveeta pratha̠ma-nchi̍nvaa̠no gaa̍yatri̠yaivemam lo̠kama̠bhyaaro̍hati naabhida̠ghna-nchi̍nveeta dvi̠teeya̍-nchinvaa̠nastri̠shtubhai̠vaa-ntari̍ksha-ma̠bhyaaro̍hati greevada̠ghna-nchi̍nveeta tri̠teeya̍-nchinvaa̠no jaga̍tyai̠vaamun mlo̠kama̠bhyaaro̍hati̠ naagni-nchi̠tvaa raa̠maamupe̍yaadayo̠nau reto̍ dhaasyaa̠meeti̠ na dvi̠teeya̍-nchi̠tvaa-'nyasya̠ striya̠- [striya̎m, upe̍yaa̠nna] 32

-mupe̍yaa̠nna tri̠teeya̍-nchi̠tvaa kaa-ncha̠nope̍yaa̠-dreto̠ vaa e̠tanni dha̍tte̠ yada̠gni-nchi̍nu̠te yadu̍pe̠yaa-dreta̍saa̠ vyri̍ddhye̠taa-'tho̠ khalvaa̍hura praja̠sya-nta-dyannope̠yaaditi̠ ya-dre̍ta̠ssichaa̍vupa̠dadhaa̍ti̠ te e̠va yaja̍maanasya̠ reto̍ bibhrita̠stasmaa̠-dupe̍yaa̠-dreta̠so-'ska̍ndaaya̠ treeni̠ vaava retaagm̍si pi̠taa pu̠trah pautro̠ [pautra̍h, ya-ddve re̍ta̠ssichaa̍] 33

ya-ddve re̍ta̠ssichaa̍-vupada̠ddhyaa-dreto̎-'sya̠ vichchhi̍ndyaa-tti̠sra upa̍ dadhaati̠ reta̍sa̠-ssanta̍tyaa i̠yam vaava pra̍tha̠maa re̍ta̠ssig vaagvaa i̠ya-ntasmaa̠-tpashya̍ntee̠maa-mpashya̍nti̠ vaacha̠m vada̍nteema̠ntari̍ksha-ndvi̠teeyaa̎ praa̠no vaa a̠ntari̍ksha̠-ntasmaa̠nnaa-'ntari̍ksha̠-mpashya̍nti̠ na praa̠nama̠sau tri̠teeyaa̠ chakshu̠rvaa a̠sau tasmaa̠-tpashya̍ntya̠moo-mpashya̍nti̠ chakshu̠-ryaju̍she̠maa-nchaa̠- [chakshu̠-ryaju̍she̠maa-nchaa̍, a̠moo-nchopa̍] 34

-'moo-nchopa̍ dadhaati̠ mana̍saa maddhya̠maame̠shaam lo̠kaanaa̠-nkLiptyaa̠ atho̎ praa̠naanaa̍mi̠shto ya̠jno bhrigu̍bhiraashee̠rdaa vasu̍bhi̠stasya̍ ta i̠shtasya̍ vee̠tasya̠ dravi̍ne̠ha bha̍kshee̠yetyaa̍ha stutasha̠stre e̠vaitena̍ duhe pi̠taa maa̍ta̠rishvaa-'chchhi̍draa pa̠daa dhaa̠ achchhi̍draa u̠shija̍h pa̠daa-'nu̍ takshu̠-ssomo̍ vishva̠vinne̠taa ne̍sha̠-dbriha̠spati̍rukthaama̠daani̍ shagmsisha̠dityaa̍hai̠tadvaa a̠gneru̠ktha-ntenai̠vaina̠manu̍ shagmsati ॥ 35 ॥ (mi̠nu̠yaat - tri̠teeya̍-nchinvaa̠nah - striya̠m - pautra̍ - shcha̠ - vai - sa̠pta cha̍) (a. 8)

soo̠yate̠ vaa e̠sho̎-'gnee̠naam ya u̠khaayaa̎-mbhri̠yate̠ yada̠dha-ssaa̠daye̠-dgarbhaa̎h pra̠paadu̍kaa-ssyu̠ratho̠ yathaa̍ sa̠vaa-tpra̍tyava̠roha̍ti taa̠drige̠va tadaa̍sa̠ndee saa̍dayati̠ garbhaa̍naa̠-ndhrityaa̠ apra̍paadaa̠yaatho̍ sa̠vame̠vaina̍-nkaroti̠ garbho̠ vaa e̠sha yadukhyo̠ yoni̍-shshi̠kya̍m yachchhi̠kyaa̍du̠khaa-nni̠roohe̠-dyone̠rgarbha̠-nnirha̍nyaa̠-thshadu̍dyaamagm shi̠kya̍-mbhavati shodhaa vihi̠to vai [ ] 36

puru̍sha aa̠tmaa cha̠ shira̍shcha cha̠tvaaryangaa̎nyaa̠tmanne̠vaina̍-mbibharti pra̠jaapa̍ti̠rvaa e̠sha yada̠gnistasyo̠khaa cho̠lookha̍la-ncha̠ stanau̠ taava̍sya pra̠jaa upa̍ jeevanti̠ yadu̠khaa-ncho̠lookha̍la-nchopa̠dadhaa̍ti̠ taabhyaa̍me̠va yaja̍maano̠-'mushmi̍n mlo̠ke̎-'gni-ndu̍he samvathsa̠ro vaa e̠sha yada̠gnistasya̍ tredhaavihi̠taa ishta̍kaah praajaapa̠tyaa vai̎shna̠vee- [vai̎shna̠veeh, vai̠shva̠ka̠rma̠nee-] 37

-rvai̎shvakarma̠nee-ra̍horaa̠traanye̠vaa-'sya̍ praajaapa̠tyaa yadukhya̍-mbi̠bharti̍ praajaapa̠tyaa e̠va tadupa̍ dhatte̠ ya-thsa̠midha̍ aa̠dadhaa̍ti vaishna̠vaa vai vana̠spata̍yo vaishna̠veere̠va tadupa̍ dhatte̠ yadishta̍kaabhira̠gni-nchi̠notee̠yam vai vi̠shvaka̍rmaa vaishvakarma̠neere̠va tadupa̍ dhatte̠ tasmaa̍-daahu-stri̠vrida̠gniriti̠ tam vaa e̠tam yaja̍maana e̠va chi̍nveeta̠ yada̍syaa̠nya shchi̍nu̠yaadya-tta-ndakshi̍naabhi̠rna raa̠dhaye̍da̠gnima̍sya vrinjeeta̠ yo̎-'syaa̠-'gni-nchi̍nu̠yaa-tta-ndakshi̍naabhee raadhayeda̠gnime̠va ta-thspri̍noti ॥ 38 ॥ (sho̠dhaa̠vi̠hi̠to vai - vai̎shna̠vee - ra̠nyo - vigm̍sha̠tishcha̍) (a. 9)

pra̠jaapa̍ti-ra̠gni-ma̍chinuta̠rtubhi̍-ssamvathsa̠ram va̍sa̠ntenai̠vaasya̍ poorvaa̠rdhama̍chinuta gree̠shmena̠ dakshi̍na-mpa̠ksham va̠r̠shaabhi̠h puchchhagm̍ sha̠radotta̍ra-mpa̠kshagm he̍ma̠ntena̠ maddhya̠-mbrahma̍naa̠ vaa a̍sya̠ ta-tpoo̎rvaa̠rdhama̍chinuta ksha̠trena̠ dakshi̍na-mpa̠ksha-mpa̠shubhi̠h puchchha̍m vi̠shotta̍ra-mpa̠kshamaa̠shayaa̠ maddhya̠m ya e̠vam vi̠dvaana̠gni-nchi̍nu̠ta ri̠tubhi̍re̠vaina̍-nchinu̠te-'tho̍ e̠tade̠va sarva̠mava̍ - [sarva̠mava̍, ru̠ndhe̠ shri̠nvantye̍na] 39

rundhe shri̠nvantye̍na-ma̠gni-nchi̍kyaa̠namattyanna̠gm̠ rocha̍ta i̠yam vaava pra̍tha̠maa chiti̠rosha̍dhayo̠ vana̠spata̍ya̠h puree̍shama̠ntari̍ksha-ndvi̠teeyaa̠ vayaagm̍si̠ puree̍shama̠sau tri̠teeyaa̠ naksha̍traani̠ puree̍sham ya̠jnashcha̍tu̠rthee dakshi̍naa̠ puree̍sha̠m yaja̍maanah pancha̠mee pra̠jaa puree̍sha̠m ya-ttrichi̍teeka-nchinvee̠ta ya̠jna-ndakshi̍naamaa̠tmaana̍-mpra̠jaama̠ntari̍yaa̠-ttasmaa̠-tpancha̍chiteekashcheta̠vya̍ e̠tade̠va sarvagg̍ sprinoti̠ ya-tti̠srashchita̍ya- [ya-tti̠srashchita̍yah, tri̠vriddhya̍gnirya-ddve] 40

-stri̠vriddhya̍gnirya-ddve dvi̠paa-dyaja̍maana̠h prati̍shthityai̠ pancha̠ chita̍yo bhavanti̠ paankta̠h puru̍sha aa̠tmaana̍me̠va spri̍noti̠ pancha̠ chita̍yo bhavanti pa̠nchabhi̠h puree̍shaira̠bhyoo̍hati̠ dasha̠ sa-mpa̍dyante̠ dashaa̎ksharo̠ vai puru̍sho̠ yaavaa̍ne̠va puru̍sha̠stagg spri̍no̠tyatho̠ dashaa̎ksharaa vi̠raadanna̍m vi̠raa-dvi̠raajye̠vaannaadye̠ prati̍ tishthati samvathsa̠ro vai sha̠shthee chiti̍r-ri̠tava̠h puree̍sha̠gm̠ shat chita̍yo bhavanti̠ shat puree̍shaani̠ dvaada̍sha̠ sa-mpa̍dyante̠ dvaada̍sha̠ maasaa̎-ssamvathsa̠ra-ssa̍mvathsa̠ra e̠va prati̍ tishthati ॥ 41 ॥ (ava̠ - chita̍ya̠h - puree̍sha̠m - pancha̍dasha cha) (a. 10)

rohi̍to dhoo̠mraro̍hitah ka̠rkandhu̍rohita̠ste praa̍jaapa̠tyaa ba̠bhrura̍ru̠naba̍bhru̠-shshuka̍babhru̠ste rau̠draa-shshyeta̍-shshyetaa̠ksha-shshyeta̍greeva̠ste pi̍trideva̠tyaa̎sti̠srah kri̠shnaa va̠shaa vaa̍ru̠nya̍sti̠sra-shshve̠taa va̠shaa-ssau̠ryo̍ maitraabaarhaspa̠tyaa dhoo̠mrala̍laamaastoopa̠raah ॥ 42 ॥ (rohi̍ta̠h-shadvagm̍shatih) (a. 11)

prishni̍-stira̠shcheena̍-prishniroo̠rdhva-pri̍shni̠ste maa̍ru̠taah pha̠lgoorlo̍hito̠rnee ba̍la̠kshee taa-ssaa̍rasva̠tya̍h prisha̍tee sthoo̠lapri̍shatee kshu̠drapri̍shatee̠ taa vai̎shvade̠vya̍sti̠sra-shshyaa̠maa va̠shaah pau̠shniya̍sti̠sro rohi̍neerva̠shaa mai̠triya̍ aindraabaarhaspa̠tyaa a̍ru̠nala̍laamaastoopa̠raah ॥ 43 ॥ (prishni̠h - shadvigm̍shatih) (a. 12)

shi̠ti̠baa̠hu-ra̠nyata̍shshitibaahu-ssama̠nta shi̍tibaahu̠sta ai̎mdravaaya̠vaa-shshi̍ti̠randhro̠ 'nyata̍shshitirandhra-ssama̠ntashi̍tirandhra̠ste mai̎traavaru̠naa-shshu̠ddhavaa̍la-ssa̠rvashu̍ddhavaalo ma̠nivaa̍la̠sta aa̎shvi̠naasti̠sra-shshi̠lpaa va̠shaa vai̎shvade̠vya̍sti̠sra-shshyenee̎h parame̠shthine̍ somaapau̠shnaa-shshyaa̠mala̍laamaastoopa̠raah ॥ 44 ॥ (shi̠ti̠baa̠huh pancha̍vigmshatih) (a. 13)

u̠nna̠ta ri̍sha̠bho vaa̍ma̠nasta ai̎mdraavaru̠naa-shshiti̍kakuchchhitipri̠shtha-shshiti̍bhasa̠-tta ai̎mdraabaarhaspa̠tyaa-shshi̍ti̠paachchhi̠tyoshtha̍-shshiti̠bhrusta ai̎mdraavaishna̠vaasti̠sra-ssi̠ddhmaa va̠shaa vai̎shvakarma̠nya̍sti̠sro dhaa̠tre pri̍shoda̠raa ai̎mdraapau̠shnaa-shshyeta̍lalaamaastoopa̠raah ॥ 45 ॥ (u̠nna̠tah pancha̍vigmshatih) (a. 14)

ka̠rnaastrayo̍ yaa̠maa-ssau̠myaastraya̍-shshviti̠ngaa a̠gnaye̠ yavi̍shthaaya̠ trayo̍ naku̠laasti̠sro rohi̍nee̠stryavya̠staa vasoo̍naa-nti̠sro̍-'ru̠naa di̍tyau̠hya̍staa ru̠draanaagm̍ somai̠ndraa ba̠bhrula̍laamaastoopa̠raah ॥ 46 ॥ (ka̠rnaastrayo̍ - vigmshatih) (a. 15)

shu̠nthaastrayo̍ vaishna̠vaa a̍dheelodha̠karnaa̠strayo̠ vishna̍va urukra̠maaya̍ laphsu̠dina̠strayo̠ vishna̍va urugaa̠yaaya̠ panchaa̍veesti̠sra aa̍di̠tyaanaa̎-ntriva̠thsaa-sti̠sro-'ngi̍rasaamaindraavaishna̠vaa gau̠rala̍laamaastoopa̠raah ॥ 47 ॥ (shu̠nthaa - vigm̍sha̠tih) (a. 16)

indraa̍ya̠ raajne̠ traya̍-shshitipri̠shthaa indraa̍yaa-dhiraa̠jaaya̠ traya̠-shshiti̍kakuda̠ indraa̍ya sva̠raajne̠ traya̠-shshiti̍bhasa-dasti̠srastu̍ryau̠hya̍-ssaa̠ddhyaanaa̎-nti̠srah pa̍shthau̠hyo̍ vishve̍shaa-nde̠vaanaa̍maagne̠ndraah kri̠shnala̍laamaastoopa̠raah ॥ 48 ॥ (indraa̍ya̠ raajne̠ - dvaavigm̍shatih) (a. 17)

adi̍tyai̠ trayo̍ rohitai̠taa i̍ndraa̠nyai traya̍h krishnai̠taah ku̠hvai̎ trayo̍-'runai̠taasti̠sro dhe̠navo̍ raa̠kaayai̠ trayo̍-'na̠dvaaha̍-ssineevaa̠lyaa aa̎gnaavaishna̠vaa rohi̍talalaamaastoopa̠raah ॥ 49 ॥ (adi̍tyaa-a̠shtaada̍sha) (a. 18)

sau̠myaastraya̍h pi̠shangaa̠-ssomaa̍ya̠ raajne̠ traya̍-ssaa̠rangaa̎h paarja̠nyaa nabho̍roopaasti̠sro̍-'jaa ma̠l̠haa i̍ndraa̠nyai ti̠sro me̠shya̍ aadi̠tyaa dyaa̍vaaprithi̠vyaa̍ maa̠langaa̎stoopa̠raah ॥ 50 ॥ (sau̠myaa - ekaa̠nnavigm̍sha̠tih) (a. 19)

vaa̠ru̠naastraya̍h kri̠shnala̍laamaa̠ varu̍naaya̠ raajne̠ trayo̠ rohi̍talalaamaa̠ varu̍naaya ri̠shaada̍se̠ trayo̍-'ru̠nala̍laamaa-shshi̠lpaastrayo̍ vaishvade̠vaastraya̠h prishna̍ya-ssarvadeva̠tyaa̍ aindraasoo̠raa-shshyeta̍lalaamaastoopa̠raah ॥ 51 ॥ (vaa̠ru̠naa - vigm̍sha̠tih) (a. 20)

somaa̍ya sva̠raajne̍-'novaa̠haava̍na̠dvaahaa̍-vindraa̠gnibhyaa̍-mojo̠daabhyaa̠mushtaa̍raa-vindraa̠gnibhyaa̎-mbala̠daabhyaagm̍ seeravaa̠haavavee̠ dve dhe̠noo bhau̠mee di̠gbhyo vada̍be̠ dve dhe̠noo bhau̠mee vai̍raa̠jee pu̍ru̠shee dve dhe̠noo bhau̠mee vaa̠yava̍ aarohanavaa̠haava̍na̠dvaahau̍ vaaru̠nee kri̠shne va̠she a̍raa̠dyau̍ di̠vyaavri̍sha̠bhau pa̍rima̠rau ॥ 52 ॥ (somaa̍ya sva̠raajne̠ - chatu̍strigmshat) (a. 21)

ekaa̍dasha praa̠targa̠vyaah pa̠shava̠ aa la̍bhyante chhaga̠lah ka̠lmaasha̍h kikidee̠virvi̍dee̠gaya̠ste tvaa̠shtraa-ssau̠reernava̍ shve̠taa va̠shaa a̍nooba̠ndhyaa̍ bhavantyaagne̠ya ai̎mdraa̠gna aa̎shvi̠naste vi̍shaalayoo̠pa aa la̍bhyante ॥ 53 ॥ (aikaa̍dasha praa̠tah - pancha̍vigmshatih) (a. 22)

pi̠shangaa̠strayo̍ vaasa̠ntaa-ssaa̠rangaa̠strayo̠ graishmaa̠h prisha̍nta̠strayo̠ vaarshi̍kaa̠h prishna̍ya̠straya̍-shshaara̠daah pri̍shnisa̠kthaa-strayo̠ haima̍ntikaa avali̠ptaastraya̍-shshaishi̠raa-ssa̍mvathsa̠raaya̠ niva̍kshasah ॥ 54 ॥ (pi̠shangaa̍ - vigmsha̠tih) (a. 23)

(rohi̍tah kri̠shnaa dhoo̠mrala̍laamaa̠h - prishni̍-shshyaa̠maa a̍ru̠nala̍laamaah -shitibaa̠hu-shshi̠lpaa-shshyenee̎-shshyaa̠mala̍laamaa - unna̠ta-ssi̠ddhmaa dhaa̠tre pau̠shnaa-shshyeta̍lalaamaah - ka̠rnaa ba̠bhrula̍laamaah - shu̠nthaa gau̠rala̍laamaa̠ - indraa̍ya kri̠shnaala̍laamaa̠ - adi̍tyai̠ rohi̍ta lalaamah -sau̠myaa maa̠langaa̍ - vaaru̠naa-ssoo̠raa-shshyeta̍lalaamaa̠ - dasha̍ ।)

(hira̍nyavarnaa - a̠paa-ngrahaa̎n - bhooteshta̠kaah - sa̠jooh - sa̍mvathsa̠ram - pra̠jaapa̍ti̠-ssa kshu̠rapa̍vi - ra̠vagnervai dee̠kshayaa̍ - suva̠rgaaya̠ tam yanna - soo̠yate̎ - pra̠jaapa̍tir-ri̠tubhee̠ - rohi̍ta̠h - prini̍h - shitibaa̠hu - ru̍nna̠tah - ka̠rnaah - shu̠nthaa - indraa̠yaa- di̍tyai - sau̠myaa - vaa̍ru̠naah - somaa̠yai - kaa̍dasha - pi̠shangaa̠ - strayo̍vigmshatih)

(hira̍nyavarnaa - bhooteshta̠kaah - chhando̠ yat - kanee̍yaagmsan-tri̠vriddhya̍gni - rvaa̍ru̠naa - shchatu̍shpanchaa̠shat )

(hira̍nyavarnaa̠, niva̍kshasah)

॥ hari̍h om ॥

॥ krishna yajurvedeeya taittireeya samhitaayaa-mpanchamakaande shashthah prashna-ssamaaptah ॥

5.6 - ഹിരണ്യവര്ണാഃ ശുചയഃ - കൃഷ്ണ യജുർവേദ തൈത്തിരീയ സംഹിതാ പാഠഃ - ഒരു പരിചയം

This is prashna 6 of kanda 5 of the Krishna Yajurveda Taittiriya Samhita, in plain continuous recitation (samhita patha). Its heading calls it "upanuvakya abhidhanam", the verses that accompany the rites of the fire altar. It opens with the well-known hymn to the waters, "Hiranyavarnah shuchayah pavakah": golden-hued, pure and purifying, in whom Kashyapa and Indra were born, who held Agni in their womb, "may those waters be kind and gracious to us".

ഉറവിടം: Krishna Yajurveda, Taittiriya Samhita 5.6

എപ്പോൾ ജപിക്കാം: In daily Vedic recitation, in Veda patashalas and in Yajur Veda study.

നിങ്ങൾക്കറിയാമോ?

  • The "Hiranyavarnah" verses are also chanted in punyahavachana and kalasha worship.
  • Samhita patha is the continuous form of the text, the base from which the pada, krama, jata and ghana recitations are built.

പതിവ് ചോദ്യങ്ങൾ

Which hymn opens this prashna?

The hymn to the waters, "Hiranyavarnah shuchayah pavakah".

What is samhita patha?

The plain, continuous recitation of the Vedic text.

Which part of the Taittiriya Samhita is this?

Kanda 5, prashna 6.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.