6.4 - യജ്ഞേന വൈ പ്രജാപതിഃ പ്രജാ അസൃജത - കൃഷ്ണ യജുർവേദ തൈത്തിരീയ സംഹിതാ പാഠഃ
Kanda 6 - Krishna Yajurveda Taittiriya Samhita · പരമ്പരാഗത ഭക്തിഗ്രന്ഥം
krishna yajurvedeeya taittireeya samhitaayaam shashthakaande chaturthah prashnah - somamantrabraahmananiroopanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
ya̠jnena̠ vai pra̠jaapa̍tih pra̠jaa a̍srijata̠ taa u̍pa̠yadbhi̍-re̠vaasri̍jata̠ yadu̍pa̠yaja̍ upa̠yaja̍ti pra̠jaa e̠va ta-dyaja̍maana-ssrijate jaghanaa̠rdhaadava̍ dyati jaghanaa̠rdhaaddhi pra̠jaah pra̠jaaya̍nte sthavima̠to-'va̍ dyati sthavima̠to hi pra̠jaah pra̠jaaya̠nte 'sa̍mbhinda̠nnava̍ dyati praa̠naanaa̠-masa̍mbhedaaya̠ na pa̠ryaava̍rtayati̠ ya-tpa̍ryaava̠rtaye̍dudaava̠rtah pra̠jaa graahu̍ka-ssyaa-thsamu̠dra-nga̍chchha̠ svaahetyaa̍ha̠ reta̍ [reta̍h, e̠va] 1
e̠va ta-dda̍dhaatya̠ntari̍ksha-ngachchha̠ svaahetyaa̍haa̠-'ntari̍kshenai̠vaasmai̎ pra̠jaah pra ja̍nayatya̠ntari̍ksha̠gg̠ hyanu̍ pra̠jaah pra̠jaaya̍nte de̠vagm sa̍vi̠taara̍-ngachchha̠ svaahetyaa̍ha savi̠tripra̍soota e̠vaasmai̎ pra̠jaah pra ja̍nayatya-horaa̠tre ga̍chchha̠ svaahetyaa̍haa-horaa̠traabhyaa̍-me̠vaasmai̎ pra̠jaah pra ja̍nayatya-horaa̠tre hyanu̍ pra̠jaah pra̠jaaya̍nte mi̠traavaru̍nau gachchha̠ svaahe- [svaahaa̎, ityaa̍ha] 2
-tyaa̍ha pra̠jaasve̠va prajaa̍taasu praanaapaa̠nau da̍dhaati̠ soma̍-ngachchha̠ svaahetyaa̍ha sau̠myaa hi de̠vata̍yaa pra̠jaa ya̠jna-nga̍chchha̠ svaahetyaa̍ha pra̠jaa e̠va ya̠jniyaa̎h karoti̠ chhandaagm̍si gachchha̠ svaahetyaa̍ha pa̠shavo̠ vai chhandaagm̍si pa̠shoone̠vaava̍ rundhe̠ dyaavaa̍prithi̠vee ga̍chchha̠ svaahetyaa̍ha pra̠jaa e̠va prajaa̍taa̠ dyaavaa̍prithi̠veebhyaa̍mubha̠yata̠h pari̍ grihnaati̠ nabho̍ [nabha̍h, di̠vya-nga̍chchha̠] 3
di̠vya-nga̍chchha̠ svaahetyaa̍ha pra̠jaabhya̍ e̠va prajaa̍taabhyo̠ vrishti̠-nniya̍chchhatya̠gnim vai̎shvaana̠ra-nga̍chchha̠ svaahetyaa̍ha pra̠jaa e̠va prajaa̍taa a̠syaa-mprati̍ shthaapayati praa̠naanaa̠m vaa e̠sho-'va̍ dyati̠ yo̍-'va̠dyati̍ gu̠dasya̠ mano̍ me̠ haardi̍ ya̠chchhetyaa̍ha praa̠naane̠va ya̍thaasthaa̠namupa̍ hvayate pa̠shorvaa aala̍bdhasya̠ hrida̍ya̠gm̠ shugri̍chchhati̠ saa hri̍dayashoo̠la- [hri̍dayashoo̠lam, a̠bhi same̍ti̠] 4
-ma̠bhi same̍ti̠ ya-tpri̍thi̠vyaagm hri̍dayashoo̠la-mu̍dvaa̠saye̎-tprithi̠veegm shu̠chaa-'rpa̍ye̠-dyada̠phsva̍pa-shshu̠chaa-'rpa̍ye̠chchhushka̍sya chaa̠-''rdrasya̍ cha sa̠ndhaavudvaa̍sayatyu̠bhaya̍sya̠ shaantyai̠ ya-ndvi̠shyaa-tta-ndhyaa̍ye-chchhu̠chaivaina̍-marpayati ॥ 5 ॥ (reto̍ - mi̠traavaru̍nau gachchha̠ svaahaa̠ - nabho̍ - hridayashoo̠lam - dvaatrigm̍shachcha) (a. 1)
de̠vaa vai ya̠jnamaagnee̎ddhre̠ vya̍bhajanta̠ tato̠ yada̠tyashi̍shyata̠ tada̍bruva̠n vasa̍tu̠ nu na̍ i̠damiti̠ ta-dva̍satee̠varee̍naam vasatee vari̠tva-ntasmi̍-npraa̠tarna sama̍shaknuva̠-ntada̠phsu praave̍shaya̠-ntaa va̍satee̠ varee̍rabhavan vasatee̠varee̎rgrihnaati ya̠jno vai va̍satee̠ varee̎rya̠jname̠vaa-''rabhya̍ grihee̠tvopa̍ vasati̠ yasyaagri̍heetaa a̠bhi ni̠mroche̠-danaa̍rabdho-'sya ya̠jna-ssyaa̎- [ya̠jna-ssyaa̎t, ya̠jnam vi] 6
-dya̠jnam vi chchhi̍ndyaa-jjyoti̠shyaa̍ vaa grihnee̠yaaddhira̍nyam vaa 'va̠dhaaya̠ sashu̍kraanaame̠va gri̍hnaati̠ yo vaa̎ braahma̠no ba̍huyaa̠jee tasya̠ kumbhyaa̍naa-ngrihneeyaa̠-thsa hi gri̍hee̠ta va̍sateevareeko vasatee̠varee̎rgrihnaati pa̠shavo̠ vai va̍satee̠varee̎h pa̠shoone̠vaa-''rabhya̍ grihee̠tvopa̍ vasati̠ yada̍nvee̠pa-ntishtha̍-ngrihnee̠yaanni̠rmaargu̍kaa asmaa-tpa̠shava̍-ssyuh pratee̠pa-ntishtha̍-ngrihnaati prati̠ruddhyai̠vaasmai̍ pa̠shoo-ngri̍hnaa̠teendro̍ [pa̠shoo-ngri̍hnaa̠teendra̍h, vri̠tra-] 7
vri̠tra-ma̍ha̠n-thso̎-'(1̠)po̎-'(1̠)bhya̍mriyata̠ taasaa̠m yanmeddhya̍m ya̠jniya̠gm̠ sade̍va̠maasee̠-ttadatya̍muchyata̠ taa vaha̍nteerabhava̠n vaha̍nteenaa-ngrihnaati̠ yaa e̠va meddhyaa̍ ya̠jniyaa̠-ssade̍vaa̠ aapa̠staa saa̍me̠va gri̍hnaati̠ naanta̠maa vaha̍ntee̠ratee̍yaa̠-dyada̍nta̠maa vaha̍nteeratee̠yaa-dya̠jnamati̍ manyeta̠ na sthaa̍va̠raanaa̎-ngrihneeyaa̠-dvaru̍nagriheetaa̠ vai sthaa̍va̠raa ya-thsthaa̍va̠raanaa̎-ngrihnee̠yaa- [ya-thsthaa̍va̠raanaa̎-ngrihnee̠yaat, varu̍nenaasya] 8
-dvaru̍nenaasya ya̠jna-ngraa̍haye̠-dyadvai divaa̠ bhava̍tya̠po raatri̠h pra vi̍shati̠ tasmaa̎-ttaa̠mraa aapo̠ divaa̍ dadrishre̠ yannakta̠-mbhava̍tya̠po-'ha̠h pra vi̍shati̠ tasmaa̎chcha̠ndraa aapo̠ nakta̍-ndadrishre chhaa̠yaayai̍ chaa̠-''tapa̍tashcha sa̠dhau-ngri̍hnaatya-horaa̠trayo̍re̠vaasmai̠ varna̍-ngrihnaati ha̠vishma̍teeri̠maa aapa̠ ityaa̍ha ha̠vishkri̍taanaame̠va gri̍hnaati ha̠vishmaagm̍ astu̠- [astu, soorya̠] 9
soorya̠ ityaa̍ha̠ sashu̍kraanaame̠va gri̍hnaatyanu̠shtubhaa̍ grihnaati̠ vaagvaa a̍nu̠shtug vaa̠chaivainaa̠-ssarva̍yaa grihnaati̠ chatu̍shpadaya̠rchaa gri̍hnaati̠ tri-ssaa̍dayati sa̠pta sa-mpa̍dyante sa̠ptapa̍daa̠ shakva̍ree pa̠shava̠-shshakva̍ree pa̠shoone̠vaava̍ rundhe̠ 'smai vai lo̠kaaya̠ gaarha̍patya̠ aa dhee̍yate̠-'mushmaa̍ aahava̠neeyo̠ ya-dgaarha̍patya upasaa̠daye̍da̠smin mlo̠ke pa̍shu̠maan-thsyaa̠-dyadaa̍hava̠neeye̠-'-mushmi̍- [-mushminn̍, lo̠ke pa̍shu̠maanthsyaa̍-] 10
mllo̠ke pa̍shu̠maanthsyaa̍-du̠bhayo̠rupa̍ saadayatyu̠bhayo̍re̠vaina̍m lo̠kayo̎h pashu̠manta̍-nkaroti sa̠rvata̠h pari̍ harati̠ raksha̍saa̠mapa̍hatyaa indraagni̠yorbhaa̍ga̠dheyee̠-ssthetyaa̍ha yathaaya̠jure̠vaitadaagnee̎ddhra̠ upa̍ vaasayatye̠tadvai ya̠jnasyaapa̍raajita̠m yadaagnee̎ddhra̠m yade̠va ya̠jnasyaapa̍raajita̠-ntade̠vainaa̠ upa̍ vaasayati̠ yata̠h khalu̠ vai ya̠jnasya̠ vita̍tasya̠ na kri̠yate̠ tadanu̍ ya̠jnagm rakshaa̠g̠syava̍ charanti̠ ya-dvaha̍nteenaa-ngri̠hnaati̍ kri̠yamaa̍name̠va ta-dya̠jnasya̍ shaye̠ raksha̍saa̠-mana̍nvavachaaraaya̠ na hye̍taa ee̠laya̠ntyaa tri̍teeyasava̠naa-tpari̍ shere ya̠jnasya̠ santa̍tyai ॥ 11 ॥ (syaa̠ - dindro̍ - grihnee̠yaa - da̍stva̠ - mushmi̍n - kri̠yate̠ - shadvigm̍shatishcha) (a. 2)
bra̠hma̠vaa̠dino̍ vadanti̠ sa tvaa a̍ddhva̠ryu-ssyaa̠dya-ssoma̍-mupaava̠hara̠n-thsarvaa̎bhyo de̠vataa̎bhya upaava̠hare̠-diti̍ hri̠de tvetyaa̍ha manu̠shye̎bhya e̠vaitena̍ karoti̠ mana̍se̠ tvetyaa̍ha pi̠tribhya̍ e̠vaitena̍ karoti di̠ve tvaa̠ sooryaa̍ya̠ tvetyaa̍ha de̠vebhya̍ e̠vaitena̍ karotye̠taava̍tee̠-rvai de̠vataa̠staabhya̍ e̠vaina̠gm̠ sarvaa̎bhya u̠paava̍harati pu̠raa vaa̠chah [vaa̠chah, prava̍ditoh] 12
prava̍ditoh praataranuvaa̠ka-mu̠paaka̍roti̠ yaava̍tye̠va vaa-ktaa-mava̍ rundhe̠ 'po-'gre̍-'bhi̠vyaaha̍rati ya̠jno vaa aapo̍ ya̠jname̠vaabhi vaacha̠m visri̍jati̠ sarvaa̍ni̠ chhandaa̠g̠syanvaa̍ha pa̠shavo̠ vai chhandaagm̍si pa̠shoone̠vaava̍ rundhe gaayatri̠yaa teja̍skaamasya̠ pari̍ daddhyaa-ttri̠shtubhe̎mdri̠yakaa̍masya̠ jaga̍tyaa pa̠shukaa̍masyaa-'nu̠shtubhaa̎ prati̠shthaakaa̍masya pa̠nktyaa ya̠jnakaa̍masya vi̠raajaa-'nna̍kaamasya shri̠notva̠gni-ssa̠midhaa̠ hava̍- [hava̎m, ma̠ ityaa̍ha] 13
-mma̠ ityaa̍ha savi̠tripra̍soota e̠va de̠vataa̎bhyo ni̠vedyaa̠-'po-'chchhai̎tya̠pa i̍shya hota̠-rityaa̍heshi̠tagm hi karma̍ kri̠yate̠ maitraa̍varunasya chamasaaddhvarya̠vaa dra̠vetyaa̍ha mi̠traavaru̍nau̠ vaa a̠paa-nne̠taarau̠ taabhyaa̍me̠vainaa̠ achchhai̍ti̠ devee̍raapo apaa-nnapaa̠-dityaa̠haa-''hu̍tyai̠vainaa̍ ni̠shkreeya̍ grihnaa̠tyatho̍ ha̠vishkri̍taanaa-me̠vaabhighri̍taanaa-ngrihnaati̠- [-me̠vaabhighri̍taanaa-ngrihnaati, kaarshi̍-ra̠seetyaa̍ha̠] 14
kaarshi̍-ra̠seetyaa̍ha̠ shama̍lame̠vaa-''saa̠mapa̍ plaavayati samu̠drasya̠ vo-'kshi̍tyaa̠ unna̍ya̠ ityaa̍ha̠ tasmaa̍da̠dyamaa̍naah pee̠yamaa̍naa̠ aapo̠ na kshee̍yante̠ yoni̠rvai ya̠jnasya̠ chaatvaa̍lam ya̠jno va̍satee̠vareer̍. hotrichama̠sa-ncha̍ maitraavarunachama̠sa-ncha̍ sa̠gg̠sparshya̍ vasatee̠varee̠rvyaana̍yati ya̠jnasya̍ sayoni̠tvaayaatho̠ svaade̠vainaa̠ yone̠h pra ja̍nayatyaddhva̠ryo-'ve̍ra̠paa(3) ityaa̍ho̠te -ma̍nannamuru̠temaah pa̠shyeti̠ vaavaitadaa̍ha̠ yadya̍gnishto̠mo ju̠hoti̠ yadyu̠kthya̍h pari̠dhau ni maa̎rshti̠ yadya̍tiraa̠tro yaju̠rvada̠-npra pa̍dyate yajnakratoo̠naam vyaavri̍ttyai ॥ 15 ॥ (vaa̠cho-hava̍-ma̠bhighri̍taanaa-ngrihnaatyu̠ - ta - pancha̍vigmshatishcha) (a. 3)
de̠vasya̍ tvaa savi̠tuh pra̍sa̠va iti̠ graavaa̍na̠maa da̍tte̠ prasoo̎tyaa a̠shvino̎-rbaa̠hubhyaa̠mityaa̍haa̠shvinau̠ hi de̠vaanaa̍maddhva̠ryoo aastaa̎-mpoo̠shno hastaa̎bhyaa̠mityaa̍ha̠ yatyai̍ pa̠shavo̠ vai somo̎ vyaa̠na u̍paagmshu̠sava̍no̠ yadu̍paagmshu̠sava̍na-ma̠bhi mimee̍te vyaa̠name̠va pa̠shushu̍ dadhaa̠teendraa̍ya̠ tvendraa̍ya̠ tveti̍ mimeeta̠ indraa̍ya̠ hi soma̍ aahri̠yate̠ pancha̠ kritvo̠ yaju̍shaa mimeete̠ [mimeete, panchaa̎ksharaa] 16
panchaa̎ksharaa pa̠nktih paankto̍ ya̠jno ya̠jname̠vaava̍ rundhe̠ pancha̠ kritva̍stoo̠shnee-ndasha̠ sa-mpa̍dyante̠ dashaa̎ksharaa vi̠raadanna̍m vi̠raa-dvi̠raajai̠vaannaadya̠mava̍ rundhe shvaa̠traa-sstha̍ vritra̠tura̠ ityaa̍hai̠sha vaa a̠paagm so̍mapee̠tho ya e̠vam veda̠ naa-'phsvaarti̠maarchchha̍ti̠ yatte̍ soma di̠vi jyoti̠rityaa̍hai̠bhya e̠vaina̍- [e̠vaina̎m, lo̠kebhya̠] 17
mllo̠kebhya̠-ssa-mbha̍rati̠ somo̠ vai raajaa̠ disho̠-'bhya̍ddhyaaya̠-thsa disho-'nu̠ praavi̍sha̠-tpraagapaa̠guda̍gadha̠raagityaa̍ha di̠gbhya e̠vaina̠gm̠ sa-mbha̍ra̠tyatho̠ disha̍ e̠vaasmaa̠ ava̍ ru̠ndhe 'mba̠ ni shva̠retyaa̍ha̠ kaamu̍kaa ena̠gg̠ striyo̍ bhavanti̠ ya e̠vam veda̠ ya-tte̍ so̠maadaa̎bhya̠-nnaama̠ jaagri̠vee- [jaagri̠veeti̍, aa̠hai̠sha vai] 18
-tyaa̍hai̠sha vai soma̍sya somapee̠tho ya e̠vam veda̠ na sau̠myaamaarti̠maarchchha̍ti̠ ghnanti̠ vaa e̠ta-thsoma̠m yada̍bhishu̠nvantya̠gm̠ shoonapa̍ grihnaati̠ traaya̍ta e̠vaina̍-mpraa̠naa vaa a̠gm̠shava̍h pa̠shava̠-ssomo̠ 'gm̠shoo-npuna̠rapi̍ srijati praa̠naane̠va pa̠shushu̍ dadhaati̠ dvaudvaa̠vapi̍ srijati̠ tasmaa̠-ddvaudvau̎ praa̠naah ॥ 19 ॥ (yaju̍shaa mimeeta - ena̠m - jaagri̠veeti̠ - chatu̍shchatvaarigmshachcha) (a. 4)
praa̠no vaa e̠sha yadu̍paa̠gm̠shu ryadupaa̠g̠shva̍graa̠ grahaa̍ gri̠hyante̎ praa̠name̠vaanu̠ pra ya̍ntyaru̠no ha̍ smaa̠-''haupa̍veshih praatassava̠na e̠vaaham ya̠jnagm sagg sthaa̍payaami̠ tena̠ tata̠-ssaggsthi̍tena charaa̠meetya̠shtau kritvo-'gre̠-'bhishu̍no-tya̠shtaaksha̍raa gaaya̠tree gaa̍ya̠tra-mpraa̍tassava̠na-mpraa̍tassava̠name̠va tenaa̎ ''pno̠tyekaa̍dasha̠ kritvo̎ dvi̠teeya̠-mekaa̍dashaaksharaa tri̠shtu-ptraishtu̍bha̠-mmaaddhya̍ndina̠gm̠- [-mmaaddhya̍ndinam, sava̍na̠-] 20
-sava̍na̠-mmaaddhya̍ndiname̠va sava̍na̠-ntenaa̎-''pnoti̠ dvaada̍sha̠ kritva̍stri̠teeya̠-ndvaada̍shaaksharaa̠ jaga̍tee̠ jaaga̍ta-ntriteeyasava̠na-ntri̍teeyasava̠name̠va tenaa̎ ''pnotye̠taagm ha̠ vaava sa ya̠jnasya̠ saggsthi̍timuvaa̠chaa ska̍ndaa̠yaaska̍nna̠gm̠ hi ta-dya-dya̠jnasya̠ saggsthi̍tasya̠ skanda̠tyatho̠ khalvaa̍hurgaaya̠tree vaava praa̍tassava̠ne naati̠vaada̠ ityana̍tivaaduka ena̠-mbhraatri̍vyo bhavati̠ ya e̠vam veda̠ tasmaa̍-da̠shtaava̍shtau̠ [-da̠shtaava̍shtau, kritvo̍] 21
kritvo̍-'bhi̠shutya̍-mbrahmavaa̠dino̍ vadanti pa̠vitra̍vanto̠-'nye grahaa̍ gri̠hyante̠ kimpa̍vitra upaa̠gm̠shuriti̠ vaakpa̍vitra̠ iti̍ brooyaa-dvaa̠chaspata̍ye pavasva vaaji̠nnityaa̍ha vaa̠chaivaina̍-mpavayati̠ vrishno̍ a̠gm̠shubhyaa̠mityaa̍ha̠ vrishno̠ hye̍taava̠gm̠shoo yau soma̍sya̠ gabha̍stipoota̠ ityaa̍ha̠ gabha̍stinaa̠ hye̍na-mpa̠vaya̍ti de̠vo de̠vaanaa̎-mpa̠vitra̍ma̠seetyaa̍ha de̠vo hye̍sha [hye̍shah, sa-nde̠vaanaa̎-] 22
sa-nde̠vaanaa̎-mpa̠vitra̠m yeshaa̎-mbhaa̠go-'si̠ tebhya̠stvetyaa̍ha̠ yeshaa̠g̠ hye̍sha bhaa̠gastebhya̍ ena-ngri̠hnaati̠ svaa-nkri̍to̠-'seetyaa̍ha praa̠name̠va svama̍krita̠ madhu̍mateerna̠ isha̍skri̠dheetyaa̍ha̠ sarva̍me̠vaasmaa̍ i̠dagg sva̍dayati̠ vishve̎bhya-stvendri̠yebhyo̍ di̠vyebhya̠h paarthi̍vebhya̠ ityaa̍ho̠bhaye̎shve̠va de̍vamanu̠shyeshu̍ praa̠naa-nda̍dhaati̠ mana̍stvaa̠- [mana̍stvaa, a̠shtvityaa̍ha̠] 23
-'shtvityaa̍ha̠ mana̍ e̠vaashnu̍ta u̠rva̍ntari̍ksha̠-manvi̠heetyaa̍haa-ntarikshadeva̠tyo̍ hi praa̠na-ssvaahaa̎ tvaa subhava̠-ssooryaa̠yetyaa̍ha praa̠naa vai svabha̍vaso de̠vaasteshve̠va pa̠roksha̍-njuhoti de̠vebhya̍stvaa mareechi̠pebhya̠ ityaa̍haa ''di̠tyasya̠ vai ra̠shmayo̍ de̠vaa ma̍reechi̠paasteshaa̠-nta-dbhaa̍ga̠dheya̠-ntaane̠va tena̍ preenaati̠ yadi̍ kaa̠maye̍ta̠ varshu̍kah pa̠rjanya̍- [pa̠rjanya̍h, syaa̠diti̠] 24
-ssyaa̠diti̠ neechaa̠ haste̍na̠ ni mri̍jyaa̠-dvrishti̍me̠va ni ya̍chchhati̠ yadi̍ kaa̠maye̠taava̍rshuka-ssyaa̠dityu̍ttaa̠nena̠ ni mri̍jyaa̠-dvrishti̍me̠vo-dya̍chchhati̠ yadya̍bhi̠chare̍da̠mu-nja̠hyatha̍ tvaa hoshyaa̠meeti̍ brooyaa̠daahu̍time̠vaina̍-mpre̠phsan. ha̍nti̠ yadi̍ doo̠re syaadaa tami̍tostishthe-tpraa̠name̠vaasyaa̍nu̠gatya̍ hanti̠ yadya̍bhi̠chare̍da̠mushya̍- [yadya̍bhi̠chare̍da̠mushya̍, tvaa̠ praa̠ne] 25
-tvaa praa̠ne saa̍dayaa̠meeti̍ saadaye̠dasa̍nno̠ vai praa̠nah praa̠name̠vaasya̍ saadayati sha̠dbhira̠gm̠shubhi̍h pavayati̠ sha-dvaa ri̠tava̍ ri̠tubhi̍re̠vaina̍-mpavayati̠ trih pa̍vayati̠ traya̍ i̠me lo̠kaa e̠bhire̠vaina̍m lo̠kaih pa̍vayati brahmavaa̠dino̍ vadanti̠ kasmaa̎-thsa̠tyaa-ttraya̍h pashoo̠naagm hastaa̍daanaa̠ iti̠ ya-ttriru̍paa̠gm̠ shugm haste̍na vigri̠hnaati̠ tasmaa̠-ttraya̍h pashoo̠naagm hastaa̍daanaa̠h puru̍sho ha̠stee ma̠rkata̍h ॥ 26 ॥ (maadhya̍dinna - ma̠shtaava̍shtaa - ve̠sha - mana̍stvaa - pa̠rjanyo̠ - 'mushya̠ - puru̍sho̠ - dve cha̍) (a. 5)
de̠vaa vai ya-dya̠jne-'ku̍rvata̠ tadasu̍raa akurvata̠ te de̠vaa u̍paa̠gm̠shau ya̠jnagm sa̠gg̠sthaapya̍mapashya̠-ntamu̍paa̠gm̠shau sama̍sthaapaya̠-nte-'su̍raa̠ vajra̍mu̠dyatya̍ de̠vaana̠bhyaa̍yanta̠ te de̠vaa bibhya̍ta̠ indra̠mupaa̍dhaava̠-ntaanindro̎-'ntaryaa̠menaa̠ntara̍dhatta̠ tada̍ntaryaa̠masyaa̎mtaryaama̠tvam yada̍ntaryaa̠mo gri̠hyate̠ bhraatri̍vyaane̠va ta-dyaja̍maano̠-'ntardha̍tte̠ 'ntaste̍ [-'ntardha̍tte̠ 'ntaste̎, da̠dhaa̠mi̠ dyaavaa̍prithi̠vee] 27
dadhaami̠ dyaavaa̍prithi̠vee a̠ntaru̠-rva̍ntari̍ksha̠-mityaa̍hai̠bhire̠va lo̠kairyaja̍maano̠ bhraatri̍vyaana̠ntardha̍tte̠ te de̠vaa a̍manya̠ntendro̠ vaa i̠dama̍bhoo̠dya-dva̠yagg sma iti̠ te̎-'bruva̠-nmagha̍va̠nnanu̍ na̠ aa bha̠jeti̍ sa̠joshaa̍ de̠vairava̍rai̠h parai̠shchetya̍bravee̠dye chai̠va de̠vaah pare̠ ye chaava̍re̠ taanu̠bhayaa̍- [taanu̠bhayaan̍, a̠nvaabha̍ja-thsa̠joshaa̍] 28
-na̠nvaabha̍ja-thsa̠joshaa̍ de̠vairava̍rai̠h parai̠shchetyaa̍ha̠ ye chai̠va de̠vaah pare̠ ye chaava̍re̠ taanu̠bhayaa̍-na̠nvaabha̍ja-tyantaryaa̠me ma̍ghava-nmaadaya̠svetyaa̍ha ya̠jnaade̠va yaja̍maana̠-nnaantare̎tyupayaa̠ma-gri̍heeto̠ 'seetyaa̍haapaa̠nasya̠ dhrityai̠ yadu̠bhaava̍pavi̠trau gri̠hyeyaa̍taa-mpraa̠nama̍paa̠no-'nu̠ nyri̍chchhe-tpra̠maayu̍ka-ssyaa-tpa̠vitra̍vaanantaryaa̠mo gri̍hyate [gri̍hyate, praa̠naa̠paa̠nayo̠-rvidhri̍tyai] 29
praanaapaa̠nayo̠-rvidhri̍tyai praanaapaa̠nau vaa e̠tau yadu̍paagshvantaryaa̠mau vyaa̠na u̍paagmshu̠ sava̍no̠ ya-nkaa̠maye̍ta pra̠maayu̍ka-ssyaa̠dityasagg̍ sprishtau̠ tasya̍ saadaye-dvyaa̠nenai̠vaasya̍ praanaapaa̠nau vi chchhi̍natti taa̠ja-kpra mee̍yate̠ ya-nkaa̠maye̍ta̠ sarva̠maayu̍riyaa̠diti̠ sagg spri̍shtau̠ tasya̍ saadaye-dvyaa̠nenai̠vaasya̍ praanaapaa̠nau sa-nta̍noti̠ sarva̠maayu̍reti ॥ 30 ॥ (ta̠ - u̠bhayaa̎n - grihyate̠ - chatu̍shchatvaarigmshachcha) (a. 6)
vaagvaa e̠shaa yadai̎mdravaaya̠vo yadai̎mdravaaya̠vaagraa̠ grahaa̍ gri̠hyante̠ vaacha̍me̠vaanu̠ pra ya̍nti vaa̠yu-nde̠vaa a̍bruva̠n-thsoma̠gm̠ raajaa̍nagm hanaa̠meti̠ so̎-'bravee̠-dvara̍m vrinai̠ mada̍graa e̠va vo̠ grahaa̍ grihyaantaa̠ iti̠ tasmaa̍daindravaaya̠vaagraa̠ grahaa̍ grihyante̠ tama̍ghna̠n-thso̍-'pooya̠-tta-nde̠vaa nopaa̍dhrishnuva̠-nte vaa̠yuma̍bruva-nni̠ma-nna̍-ssvada̠ye- [-nni̠ma-nna̍-ssvadaya, iti̠ so̎-'bravee̠-] 31
-ti̠ so̎-'bravee̠-dvara̍m vrinai maddeva̠tyaa̎nye̠va va̠h paatraa̎nyuchyaantaa̠ iti̠ tasmaa̎nnaanaadeva̠tyaa̍ni̠ santi̍ vaaya̠vyaa̎nyuchyante̠ tame̎bhyo vaa̠yure̠vaasva̍daya̠-ttasmaa̠dya-tpooya̍ti̠ ta-tpra̍vaa̠te vi sha̍janti vaa̠yurhi tasya̍ pavayi̠taa sva̍dayi̠taa tasya̍ vi̠graha̍na̠-nnaavi̍nda̠n-thsaadi̍tirabravee̠-dvara̍m vrinaa̠ atha̠ mayaa̠ vi gri̍hneeddhva-mmaddeva̠tyaa̍ e̠va va̠-ssomaa̎- [va̠-ssomaa̎h, sa̠nnaa] 32
-ssa̠nnaa a̍sa̠-nnityu̍payaa̠magri̍heeto̠-'see-tyaa̍haa-ditideva̠tyaa̎stena̠ yaani̠ hi daa̍ru̠mayaa̍ni̠ paatraa̎nya̠syai taani̠ yone̠-ssambhoo̍taani̠ yaani̍ mri̠nmayaa̍ni saa̠kshaa-ttaanya̠syai tasmaa̍de̠vamaa̍ha̠ vaagvai paraa̠chya-vyaa̍kritaa-'vada̠-tte de̠vaa indra̍mabruvanni̠maa-nno̠ vaacha̠m vyaaku̠rviti̠ so̎-'bravee̠-dvara̍m vrinai̠ mahya̍-nchai̠vaisha vaa̠yave̍ cha sa̠ha gri̍hyaataa̠ iti̠ tasmaa̍daindravaaya̠va-ssa̠ha gri̍hyate̠ taamindro̍ maddhya̠to̍-'va̠kramya̠ vyaaka̍ro̠-ttasmaa̍di̠yam vyaakri̍taa̠ vaagu̍dyate̠ tasmaa̎-thsa̠kridindraa̍ya maddhya̠to gri̍hyate̠ dvirvaa̠yave̠ dvau hi sa varaa̠vavri̍neeta ॥ 33 ॥ (sva̠da̠ya̠ - somaa̎h - sa̠haa - shtaavigm̍shatishcha) (a. 7)
mi̠tra-nde̠vaa a̍bruva̠n-thsoma̠gm̠ raajaa̍nagm hanaa̠meti̠ so̎-'bravee̠nnaahagm sarva̍sya̠ vaa a̠ha-mmi̠trama̠smeeti̠ tama̍bruva̠n̠. hanaa̍mai̠veti̠ so̎-'bravee̠-dvara̍m vrinai̠ paya̍sai̠va me̠ somagg̍ shreena̠nniti̠ tasmaa̎-nmaitraavaru̠na-mpaya̍saa shreenanti̠ tasmaa̎-tpa̠shavo-'paa̎kraama-nmi̠tra-ssan kroo̠rama̍ka̠riti̍ kroo̠rami̍va̠ khalu̠ vaa e̠sha [vaa e̠shah, ka̠ro̠ti̠ ya-ssome̍na̠] 34
ka̍roti̠ ya-ssome̍na̠ yaja̍te̠ tasmaa̎-tpa̠shavo-'pa̍ kraamanti̠ yanmai̎traavaru̠na-mpaya̍saa shree̠naati̍ pa̠shubhi̍re̠va tanmi̠tragm sa̍ma̠rdhaya̍ti pa̠shubhi̠ryaja̍maana-mpu̠raa khalu̠ vaavaiva-mmi̠tro̍-'ve̠dapa̠ ma-tkroo̠ra-ncha̠krusha̍h pa̠shava̍h kramishya̠nteeti̠ tasmaa̍de̠vama̍vrineeta̠ varu̍na-nde̠vaa a̍bruva̠-ntvayaa-'gm̍sha̠bhuvaa̠ soma̠gm̠ raajaa̍nagm hanaa̠meti̠ so̎-'bravee̠-dvara̍m vrinai̠ mahya̍-nchai̠- [mahya̍-ncha, e̠vaisha mi̠traaya̍] 35
-vaisha mi̠traaya̍ cha sa̠ha gri̍hyaataa̠ iti̠ tasmaa̎nmaitraavaru̠na-ssa̠ha gri̍hyate̠ tasmaa̠-draajnaa̠ raajaa̍namagmsha̠bhuvaa̎ ghnanti̠ vaishye̍na̠ vaishyagm̍ shoo̠drena̍ shoo̠dra-nna vaa i̠da-ndivaa̠ na nakta̍maasee̠davyaa̍vritta̠-nte de̠vaa mi̠traavaru̍naavabruvanni̠da-nno̠ vivaa̍sayata̠miti̠ taava̍brootaa̠m vara̍m vrinaavahaa̠ eka̍ e̠vaa-''va-tpoorvo̠ graho̍ grihyaataa̠ iti̠ tasmaa̍daindravaaya̠vah poorvo̍ maitraavaru̠naa-dgri̍hyate praanaapaa̠nau hye̍tau yadu̍paag-shvantaryaa̠mau mi̠tro-'ha̠raja̍naya̠-dvaru̍no̠ raatri̠-ntato̠ vaa i̠dam vyau̎chchha̠dya-nmai̎traavaru̠no gri̠hyate̠ vyu̍shtyai ॥ 36 ॥ (e̠sha - chai̎ - ndravaaya̠vo - dvaavigm̍shatishcha) (a. 8)
ya̠jnasya̠ shiro̎-'chchhidyata̠ te de̠vaa a̠shvinaa̍vabruva-nbhi̠shajau̠ vai stha̍ i̠dam ya̠jnasya̠ shira̠h prati̍ dhatta̠miti̠ taava̍brootaa̠m vara̍m vrinaavahai̠ graha̍ e̠va naa̠vatraapi̍ grihyataa̠miti̠ taabhyaa̍-me̠tamaa̎shvi̠na-ma̍grihna̠-ntato̠ vai tau ya̠jnasya̠ shira̠h pratya̍dhattaa̠m yadaa̎shvi̠no gri̠hyate̍ ya̠jnasya̠ nishkri̍tyai̠ tau de̠vaa a̍bruva̠nnapoo̍tau̠ vaa i̠mau ma̍nushyacha̠rau [ ] 37
bhi̠shajaa̠viti̠ tasmaa̎-dbraahma̠nena̍ bhesha̠ja-nna kaa̠rya̍mapoo̍to̠ hye̎(1̠)sho̍ 'me̠ddhyo yo bhi̠shaktau ba̍hishpavamaa̠nena̍ pavayi̠tvaa taabhyaa̍-me̠tamaa̎shvi̠na-ma̍grihna̠-ntasmaa̎-dbahishpavamaa̠ne stu̠ta aa̎shvi̠no gri̍hyate̠ tasmaa̍de̠vam vi̠dushaa̍ bahishpavamaa̠na u̍pa̠sadya̍h pa̠vitra̠m vai ba̍hishpavamaa̠na aa̠tmaana̍me̠va pa̍vayate̠ tayo̎-'stre̠dhaa bhaisha̍jya̠m vi nya̍dadhura̠gnau tritee̍yama̠phsu tritee̍ya-mbraahma̠ne tritee̍ya̠-ntasmaa̍dudapaa̠tra- [tritee̍ya̠-ntasmaa̍dudapaa̠tram, u̠pa̠ni̠dhaaya̍] 38
-mu̍pani̠dhaaya̍ braahma̠na-nda̍kshina̠to ni̠shaadya̍ bhesha̠ja-nku̍ryaa̠-dyaava̍de̠va bhe̍sha̠ja-ntena̍ karoti sa̠mardhu̍kamasya kri̠ta-mbha̍vati brahmavaa̠dino̍ vadanti̠ kasmaa̎-thsa̠tyaadeka̍paatraa dvideva̠tyaa̍ gri̠hyante̎ dvi̠paatraa̍ hooyanta̠ iti̠ yadeka̍paatraa gri̠hyante̠ tasmaa̠deko̎-'ntara̠tah praa̠no dvi̠paatraa̍ hooyante̠ tasmaa̠-ddvaudvau̍ ba̠hishtaa̎-tpraa̠naah praa̠naa vaa e̠te ya-ddvi̍deva̠tyaa̎h pa̠shava̠ idaa̠ yadidaa̠-mpoorvaa̎-ndvideva̠tye̎bhya upa̠hvaye̍ta [ ] 39
pa̠shubhi̍h praa̠naana̠ntarda̍dheeta pra̠maayu̍ka-ssyaa-ddvideva̠tyaa̎-nbhakshayi̠tvedaa̠mupa̍ hvayate praa̠naane̠vaa-''tma-ndhi̠tvaa pa̠shoonupa̍ hvayate̠ vaagvaa ai̎mdravaaya̠vashchakshu̍-rmaitraavaru̠na-shshrotra̍maashvi̠nah pu̠rastaa̍daindravaaya̠va-mbha̍kshayati̠ tasmaa̎-tpu̠rastaa̎-dvaa̠chaa va̍dati pu̠rastaa̎nmaitraavaru̠na-ntasmaa̎-tpu̠rastaa̠chchakshu̍shaa pashyati sa̠rvata̍h pari̠haara̍maashvi̠na-ntasmaa̎-thsa̠rvata̠-shshrotre̍na shrinoti praa̠naa vaa e̠te ya-ddvi̍deva̠tyaa̍ [ya-ddvi̍deva̠tyaa̎h, ari̍ktaani̠] 40
ari̍ktaani̠ paatraa̍ni saadayati̠ tasmaa̠dari̍ktaa antara̠tah praa̠naa yata̠h khalu̠ vai ya̠jnasya̠ vita̍tasya̠ na kri̠yate̠ tadanu̍ ya̠jnagm rakshaa̠g̠syava̍ charanti̠ yadari̍ktaani̠ paatraa̍ni saa̠daya̍ti kri̠yamaa̍name̠va ta-dya̠jnasya̍ shaye̠ raksha̍saa̠ -mana̍nvavachaaraaya̠ dakshi̍nasya havi̠rdhaana̠syotta̍rasyaam varta̠nyaagm saa̍dayati vaa̠chye̍va vaacha̍-ndadhaa̠tyaa tri̍teeyasava̠naa-tpari̍ shere ya̠jnasya̠ santa̍tyai ॥ 41 ॥ (ma̠nu̠shya̠cha̠raa - vu̍dapaa̠tra - mu̍pa̠hvaye̍ta - dvideva̠tyaa̎h - shatcha̍tvaarigmshachcha) (a. 9)
briha̠spati̍rde̠vaanaa̎-mpu̠rohi̍ta̠ aasee̠-chchhandaa̠markaa̠-vasu̍raanaa̠-mbrahma̍n vanto de̠vaa aasa̠-nbrahma̍n va̠nto-'su̍raa̠ste̎(1̠) 'nyo̎-'nya-nnaasha̍knuva-nna̠bhibha̍vitu̠-nte de̠vaa-shshandaa̠markaa̠-vupaa̍mantrayanta̠ taa va̍brootaa̠m vara̍m vrinaavahai̠ grahaa̍ve̠va naa̠vatraapi̍ grihyetaa̠miti̠ taabhyaa̍me̠tau shu̠kraama̠nthinaa̍-vagrihna̠-ntato̍ de̠vaa abha̍va̠-nparaa-'su̍raa̠ yasyai̠vam vi̠dusha̍-shshu̠kraama̠nthinau̍ gri̠hyete̠ bhava̍tyaa̠tmanaa̠ paraa̎- [paraa̎, a̠sya̠ bhraatri̍vyo] 42
-'sya̠ bhraatri̍vyo bhavati̠ tau de̠vaa a̍pa̠nudyaa̠-''tmana̠ indraa̍yaajuhavu̠-rapa̍nuttau̠ shandaa̠markau̍ sa̠haamuneti̍ brooyaa̠dya-ndvi̠shyaadyame̠va dveshti̠ tenai̍nau sa̠haapa̍ nudate̠ sa pra̍tha̠ma-ssankri̍ti-rvi̠shvaka̠rmetye̠vainaa̍-vaa̠tmana̠ indraa̍yaa-juhavu̠rindro̠ hye̍taani̍ roo̠paani̠ kari̍kra̠dacha̍rada̠sau vaa aa̍di̠tya-shshu̠krashcha̠ndramaa̍ ma̠nthya̍pi̠-grihya̠ praanchau̠ ni- [praanchau̠ nih, kraa̠ma̠ta̠-stasmaa̠-] 43
-shkraa̍mata̠-stasmaa̠-tpraanchau̠ yantau̠ na pa̍shyanti pra̠tyanchaa̍vaa̠vritya̍ juhuta̠stasmaa̎-tpra̠tyanchau̠ yantau̍ pashyanti̠ chakshu̍shee̠ vaa e̠te ya̠jnasya̠ yachchhu̠kraama̠nthinau̠ naasi̍kottarave̠dira̠bhita̍h pari̠kramya̍ juhuta̠stasmaa̍da̠bhito̠ naasi̍kaa̠-nchakshu̍shee̠ tasmaa̠nnaasi̍kayaa̠ chakshu̍shee̠ vidhri̍te sa̠rvata̠h pari̍ kraamato̠ raksha̍saa̠mapa̍hatyai de̠vaa vai yaah praachee̠raahu̍tee̠raju̍havu̠rye pu̠rastaa̠dasu̍raa̠ aasa̠-ntaagstaabhi̠h praa- [aasa̠-ntaagstaabhi̠h pra, a̠nu̠da̠nta̠ yaah] 44
-nu̍danta̠ yaah pra̠teechee̠rye pa̠shchaadasu̍raa̠ aasa̠-ntaagstaabhi̠rapaa̍nudanta̠ praachee̍ra̠nyaa aahu̍tayo hoo̠yante̎ pra̠tyanchau̍ shu̠kraama̠nthinau̍ pa̠shchaachchai̠va pu̠rastaa̎chcha̠ yaja̍maano̠ bhraatri̍vyaa̠-npra nu̍date̠ tasmaa̠-tparaa̍cheeh pra̠jaah pra vee̍yante pra̠teechee̎rjaayante shu̠kraama̠nthinau̠ vaa anu̍ pra̠jaah pra jaa̍yante̠-'ttreeshchaa̠dyaa̎shcha su̠veeraa̎h pra̠jaah pra̍ja̠naya̠-nparee̍hi shu̠kra-shshu̠krasho̍chishaa [shu̠kra-shshu̠krasho̍chishaa, su̠pra̠jaah pra̠jaah] 45
supra̠jaah pra̠jaah pra̍ja̠naya̠-nparee̍hi ma̠nthee ma̠nthisho̍chi̠shetyaa̍hai̠taa vai su̠veeraa̠ yaa a̠ttreere̠taa-ssu̍pra̠jaa yaa aa̠dyaa̍ ya e̠vam vedaa̠trya̍sya pra̠jaa jaa̍yate̠ naa-''dyaa̎ pra̠jaapa̍te̠rakshya̍shvaya̠-tta-tparaa̍-''pata̠-tta-dvika̍nkata̠-mpraavi̍sha̠-tta-dvika̍nkate̠ naara̍mata̠ ta-dyava̠-mpraavi̍sha̠-tta-dyave̍-'ramata̠ ta-dyava̍sya- [ta-dyava̍sya, ya̠va̠tvam ya-dvaika̍nkata-] 46
yava̠tvam ya-dvaika̍nkata-mmanthipaa̠tra-mbhava̍ti̠ saktu̍bhi-shshree̠naati̍ pra̠jaapa̍tere̠va tachchakshu̠-ssa-mbha̍rati brahmavaa̠dino̍ vadanti̠ kasmaa̎-thsa̠tyaanma̍nthipaa̠tragm sado̠ naashnu̍ta̠ ityaa̎rtapaa̠tragm heeti̍ brooyaa̠-dyada̍shnuvee̠taandho̎-'ddhva̠ryu-ssyaa̠daarti̠maarchchhe̠-ttasmaa̠nnaashnu̍te ॥ 47 ॥ (aa̠tmanaa̠ paraa̠ - ni - shpra - shu̠krasho̍chishaa̠ - yava̍sya - sa̠ptatrigm̍shachcha) (a. 10)
de̠vaa vai ya-dya̠jne-'ku̍rvata̠ tadasu̍raa akurvata̠ te de̠vaa aa̎graya̠naagraa̠-ngrahaa̍napashya̠-ntaana̍grihnata̠ tato̠ vai te-'gra̠-mparyaa̍ya̠n̠. yasyai̠vam vi̠dusha̍ aagraya̠naagraa̠ grahaa̍ gri̠hyante-'gra̍me̠va sa̍maa̠naanaa̠-mparye̍ti ru̠gnava̍tya̠rchaa bhraatri̍vyavato grihneeyaa̠-dbhraatri̍vyasyai̠va ru̠ktvaa-'gragm̍ samaa̠naanaa̠-mparye̍ti̠ ye de̍vaa di̠vyekaa̍dasha̠ sthetyaa̍hai̠- [sthetyaa̍ha, e̠taava̍tee̠rvai] 48
-taava̍tee̠rvai de̠vataa̠staabhya̍ e̠vaina̠gm̠ sarvaa̎bhyo grihnaatye̠sha te̠ yoni̠ rvishve̎bhyastvaa de̠vebhya̠ ityaa̍ha vaishvade̠vo hye̍sha de̠vata̍yaa̠ vaagvai de̠vebhyo-'paa̎kraama-dya̠jnaayaati̍shthamaanaa̠ te de̠vaa vaa̠chyapa̍kraantaayaa-ntoo̠shnee-ngrahaa̍nagrihnata̠ saama̍nyata̠ vaaga̠ntarya̍nti̠ vai meti̠ saa-''gra̍ya̠na-mpratyaaga̍chchha̠-ttadaa̎graya̠nasyaa̎-''grayana̠tva- [-''grayana̠tvam, tasmaa̍daagraya̠ne] 49
-ntasmaa̍daagraya̠ne vaagvi sri̍jyate̠ ya-ttoo̠shnee-mpoorve̠ grahaa̍ gri̠hyante̠ yathaa̎thsaa̠reeya̍ti ma̠ aakha̠ iya̍ti̠ naapa̍ raathsyaa̠-meetyu̍paavasri̠jatye̠vame̠va tada̍ddhva̠ryuraa̎graya̠na-ngri̍hee̠tvaa ya̠jnamaa̠rabhya̠ vaacha̠m vi sri̍jate̠ trirhi-nka̍rotyudgaa̠tree-ne̠va ta-dvri̍neete pra̠jaapa̍ti̠rvaa e̠sha yadaa̎graya̠no yadaa̎graya̠na-ngri̍hee̠tvaa hi̍-nka̠roti̍ pra̠jaapa̍tire̠va [ ] 50
ta-tpra̠jaa a̠bhi ji̍ghrati̠ tasmaa̎-dva̠thsa-njaa̠ta-ngaura̠bhi ji̍ghratyaa̠tmaa vaa e̠sha ya̠jnasya̠ yadaa̎graya̠na-ssava̍nesavane̠-'bhi gri̍hnaatyaa̠tmanne̠va ya̠jnagm sa-nta̍notyu̠pari̍shtaa̠daa na̍yati̠ reta̍ e̠va ta-dda̍dhaatya̠dhastaa̠dupa̍ grihnaati̠ pra ja̍nayatye̠va tadbra̍hmavaa̠dino̍ vadanti̠ kasmaa̎-thsa̠tyaa-dgaa̍ya̠tree kani̍shthaa̠ chhanda̍saagm sa̠tee sarvaa̍ni̠ sava̍naani vaha̠teetye̠sha vai gaa̍yatri̠yai va̠thso yadaa̎graya̠nastame̠va tada̍bhini̠varta̠gm̠ sarvaa̍ni̠ sava̍naani vahati̠ tasmaa̎-dva̠thsama̠paakri̍ta̠-ngaura̠bhi ni va̍rtate ॥ 51 ॥ (aa̠haa̠-'' - gra̠ya̠na̠tvam - pra̠jaapa̍tire̠ve - ti̍ - vigmsha̠tishcha̍) (a. 11)
(ya̠jnena̠ taa u̍pa̠yadbhi̍ - rde̠vaa vai ya̠jnamaagnee̎dhre - brahmavaa̠dina̠-ssa tvai - de̠vasya̠ graavaa̍nam - praa̠no vaa u̍paa̠g̠shva̍graa - de̠vaa vaa u̍paa̠gm̠shau - vaagvai - mi̠tram - mya̠jnasya̠ - briha̠spati̍ - rde̠vaa vaa aa̎graya̠naagraa̠ - nekaa̍dasha)
(ya̠jnena̍ - lo̠ke pa̍shu̠maan-thsyaa̠th - sava̍na̠-mmaadhya̍ndina̠m - mvaagvaa - ari̍ktaani̠ - ta-tpra̠jaa - eka̍panchaa̠shat)
(ya̠jnena̠, ni va̍rtate)
॥ hari̍h om ॥
॥ krishna yajurvedeeya taittireeya samhitaayaam shashthakaande chaturthah prashna-ssamaaptah ॥
6.4 - യജ്ഞേന വൈ പ്രജാപതിഃ പ്രജാ അസൃജത - കൃഷ്ണ യജുർവേദ തൈത്തിരീയ സംഹിതാ പാഠഃ - ഒരു പരിചയം
This is prashna 4 of kanda 6 of the Krishna Yajurveda Taittiriya Samhita, in plain continuous recitation (samhita patha). It continues the explanation of the soma mantras. It opens "Yajnena vai Prajapatih praja asrijata", "by the sacrifice Prajapati created beings; he created them with the upayaja offerings", and goes on to explain further offerings and the drawing of the soma cups.
ഉറവിടം: Krishna Yajurveda, Taittiriya Samhita 6.4
എപ്പോൾ ജപിക്കാം: In daily Vedic recitation, in Veda patashalas and in Yajur Veda study.
നിങ്ങൾക്കറിയാമോ?
- The upayajas are after-offerings made at the close of the animal offering.
- Samhita patha is the continuous form of the text, the base from which the pada, krama, jata and ghana recitations are built.
പതിവ് ചോദ്യങ്ങൾ
How does this prashna open?
By saying that Prajapati created beings through the sacrifice.
What is samhita patha?
The plain, continuous recitation of the Vedic text.
Which part of the Taittiriya Samhita is this?
Kanda 6, prashna 4.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ