MuhurtaNow

മണികര്ണികാഷ്ടകമ്

Ashtakams · പരമ്പരാഗത ഭക്തിഗ്രന്ഥം

ത്വത്തീരേ മണികര്ണികേ ഹരിഹരൌ സായുജ്യമുക്തിപ്രദൌ വാദംതൌ കുരുതഃ പരസ്പരമുഭൌ ജംതോഃ പ്രയാണോത്സവേ । മദ്രൂപോ മനുജോഽയമസ്തു ഹരിണാ പ്രോക്തഃ ശിവസ്തത്ക്ഷണാ- ത്തന്മധ്യാദ്ഭൃഗുലാംഛനോ ഗരുഡഗഃ പീതാംബരോ നിര്ഗതഃ ॥ 1 ॥

ഇംദ്രാദ്യാസ്ത്രിദശാഃ പതംതി നിയതം ഭോഗക്ഷയേ യേ പുന- ര്ജായംതേ മനുജാസ്തതോപി പശവഃ കീടാഃ പതംഗാദയഃ । യേ മാതര്മണികര്ണികേ തവ ജലേ മജ്ജംതി നിഷ്കല്മഷാഃ സായുജ്യേഽപി കിരീടകൌസ്തുഭധരാ നാരായണാഃ സ്യുര്നരാഃ ॥ 2 ॥

കാശീ ധന്യതമാ വിമുക്തനഗരീ സാലംകൃതാ ഗംഗയാ തത്രേയം മണികര്ണികാ സുഖകരീ മുക്തിര്ഹി തത്കിംകരീ । സ്വര്ലോകസ്തുലിതഃ സഹൈവ വിബുധൈഃ കാശ്യാ സമം ബ്രഹ്മണാ കാശീ ക്ഷോണിതലേ സ്ഥിതാ ഗുരുതരാ സ്വര്ഗോ ലഘുത്വം ഗതഃ ॥ 3 ॥

ഗംഗാതീരമനുത്തമം ഹി സകലം തത്രാപി കാശ്യുത്തമാ തസ്യാം സാ മണികര്ണികോത്തമതമാ യേത്രേശ്വരോ മുക്തിദഃ । ദേവാനാമപി ദുര്ലഭം സ്ഥലമിദം പാപൌഘനാശക്ഷമം പൂർവോപാര്ജിതപുണ്യപുംജഗമകം പുണ്യൈര്ജനൈഃ പ്രാപ്യതേ ॥ 4 ॥

ദുഃഖാംഭോധിഗതോ ഹി ജംതുനിവഹസ്തേഷാം കഥം നിഷ്കൃതിഃ ജ്ഞാത്വാ തദ്ധി വിരിംചിനാ വിരചിതാ വാരാണസീ ശര്മദാ । ലോകാഃസ്വര്ഗസുഖാസ്തതോഽപി ലഘവോ ഭോഗാംതപാതപ്രദാഃ കാശീ മുക്തിപുരീ സദാ ശിവകരീ ധര്മാര്ഥമോക്ഷപ്രദാ ॥ 5 ॥

ഏകോ വേണുധരോ ധരാധരധരഃ ശ്രീവത്സഭൂഷാധരഃ യോഽപ്യേകഃ കില ശംകരോ വിഷധരോ ഗംഗാധരോ മാധവഃ । യേ മാതര്മണികര്ണികേ തവ ജലേ മജ്ജംതി തേ മാനവാഃ രുദ്രാ വാ ഹരയോ ഭവംതി ബഹവസ്തേഷാം ബഹുത്വം കഥമ് ॥ 6 ॥

ത്വത്തീരേ മരണം തു മംഗളകരം ദേവൈരപി ശ്ലാഘ്യതേ ശക്രസ്തം മനുജം സഹസ്രനയനൈര്ദ്രഷ്ടും സദാ തത്പരഃ । ആയാംതം സവിതാ സഹസ്രകിരണൈഃ പ്രത്യുദ്ഗതോഽഭൂത്സദാ പുണ്യോഽസൌ വൃഷഗോഽഥവാ ഗരുഡഗഃ കിം മംദിരം യാസ്യതി ॥ 7 ॥

മധ്യാഹ്നേ മണികര്ണികാസ്നപനജം പുണ്യം ന വക്തും ക്ഷമഃ സ്വീയൈരബ്ധശതൈശ്ചതുര്മുഖധരോ വേദാര്ഥദീക്ഷാഗുരുഃ । യോഗാഭ്യാസബലേന ചംദ്രശിഖരസ്തത്പുണ്യപാരംഗത- സ്ത്വത്തീരേ പ്രകരോതി സുപ്തപുരുഷം നാരായണം വാ ശിവമ് ॥ 8 ॥

കൃച്ഛ്രൈ കോടിശതൈഃ സ്വപാപനിധനം യച്ചാശ്വമേധൈഃ ഫലം തത്സർവേ മണികര്ണികാസ്നപനജേ പുണ്യേ പ്രവിഷ്ടം ഭവേത് । സ്നാത്വാ സ്തോത്രമിദം നരഃ പഠതി ചേത്സംസാരപാഥോനിധിം തീര്ത്വാ പല്വലവത്പ്രയാതി സദനം തേജോമയം ബ്രഹ്മണഃ ॥ 9 ॥

മണികര്ണികാഷ്ടകമ് - ഒരു പരിചയം

The Manikarnika Ashtakam is a hymn of eight verses to Manikarnika, the most sacred ghat of Kashi on the Ganga. Its first verse imagines Hari and Hara on its bank, playfully arguing over a dying person about who will grant him liberation: Vishnu says "let this man take my form". Its verses go on to say that even the gods fall from heaven when their merit is spent, but those who die at Manikarnika do not return, and that bathing there brings the merit of countless rites.

രചയിതാവ്: Traditionally attributed to Adi Shankaracharya

എപ്പോൾ ജപിക്കാം: On pilgrimage to Kashi, on Kartika Purnima and Maha Shivaratri, and in prayers for the departed.

നിങ്ങൾക്കറിയാമോ?

  • It is traditionally attributed to Adi Shankaracharya.
  • Manikarnika is one of the oldest ghats of Varanasi and its main cremation ground, where tradition says Shiva whispers the Taraka mantra to the dying.
  • Its name, "jewelled earring", comes from the story of an earring of Shiva or Parvati falling there.

പതിവ് ചോദ്യങ്ങൾ

What is Manikarnika?

The most sacred ghat of Kashi on the Ganga.

What image opens the hymn?

Hari and Hara arguing over who will grant a dying person liberation.

Who wrote it?

It is traditionally attributed to Adi Shankaracharya.

ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.