ശിവസംകല്പോപനിഷത് (ശിവ സംകല്പമസ്തു)
Upanishads · പരമ്പരാഗത ഭക്തിഗ്രന്ഥം
যেনেদং ভূতং ভুবনং ভবিষ্যত্ পরিগৃহীতমমৃতেন সর্বম্ । যেন যজ্ঞস্তাযতে সপ্তহোতা তন্মে মনঃ শিবসংকল্পমস্তু ॥ 1॥
যেন কর্মাণি প্রচরংতি ধীরা যতো বাচা মনসা চারু যংতি । যত্সম্মিতমনু সংয়ংতি প্রাণিনস্তন্মে মনঃ শিবসংকল্পমস্তু ॥ 2॥
যেন কর্মাণ্যপসো মনীষিণো যজ্ঞে কৃণ্বংতি বিদথেষু ধীরাঃ । যদপূর্বং যক্ষমংতঃ প্রজানাং তন্মে মনঃ শিবসংকল্পমস্তু ॥ 3॥
যত্প্রজ্ঞানমুত চেতো ধৃতিশ্চ যজ্জ্য়োতিরংতরমৃতং প্রজাসু । যস্মান্ন ঋতে কিংচন কর্ম ক্রিযতে তন্মে মনঃ শিবসংকল্পমস্তু ॥ 4॥
সুষারথিরশ্বানিব যন্মনুষ্য়ান্নেনীযতেঽভীশুভির্বাজিন ইব । হৃত্প্রতিষ্ঠং যদজিরং জবিষ্ঠং তন্মে মনঃ শিবসংকল্পমস্তু ॥ 5॥
যস্মিন্নৃচঃ সাম যজূষি যস্মিন্ প্রতিষ্ঠিতা রথনাভাবিবারাঃ । যস্মিংশ্চিত্তং সর্বমোতং প্রজানাং তন্মে মনঃ শিবসংকল্পমস্তু ॥ 6॥
যদত্র ষষ্ঠং ত্রিশতং সুবীরং যজ্ঞস্য় গুহ্য়ং নবনাবমায়্য়ং (?) । দশ পংচ ত্রিংশতং যত্পরং চ তন্মে মনঃ শিবসংকল্পমস্তু ॥ 7॥
যজ্জাগ্রতো দূরমুদৈতি দৈবং তদু সুপ্তস্য় তথৈবৈতি । দূরংগমং জ্য়োতিষাং জ্য়োতিরেকং তন্মে মনঃ শিবসংকল্পমস্তু ॥ 8॥
যেন দ্য়ৌঃ পৃথিবী চাংতরিক্ষং চ যে পর্বতাঃ প্রদিশো দিশশ্চ । যেনেদং জগদ্ব্য়াপ্তং প্রজানাং তন্মে মনঃ শিবসংকল্পমস্তু ॥ 9॥
যেনেদং বিশ্বং জগতো বভূব যে দেবা অপি মহতো জাতবেদাঃ । তদেবাগ্নিস্তমসো জ্য়োতিরেকং তন্মে মনঃ শিবসংকল্পমস্তু ॥ 10॥
যে মনো হৃদয়ং যে চ দেবা যে দিব্য়া আপো যে সূর্যরশ্মিঃ । তে শ্রোত্রে চক্ষুষী সংচরংতং তন্মে মনঃ শিবসংকল্পমস্তু ॥ 11॥
অচিংত্য়ং চাপ্রমেয়ং চ ব্যক্তাব্যক্তপরং চ যত । সূক্ষ্মাত্সূক্ষ্মতরং জ্ঞেয়ং তন্মে মনঃ শিবসংকল্পমস্তু ॥ 12॥
একা চ দশ শতং চ সহস্রং চায়ুতং চ নিয়ুতং চ প্রয়ুতং চার্বুদং চ ন্যর্বুদং চ । সমুদ্রশ্চ মধ্য়ং চাংতশ্চ পরার্ধশ্চ তন্মে মনঃ শিবসংকল্পমস্তু ॥ 13॥
যে পংচ পংচদশ শতং সহস্রময়ুতং ন্যর্বুদং চ । তেঽগ্নিচিত্য়েষ্টকাস্তং শরীরং তন্মে মনঃ শিবসংকল্পমস্তু ॥ 14॥
বেদাহমেতং পুরুষং মহাংতমাদিত্যবর্ণং তমসঃ পরস্তাত্ । যস্য় যোনিং পরিপশ্য়ংতি ধীরাস্তন্মে মনঃ শিবসংকল্পমস্তু ॥
যস্য়েদং ধীরাঃ পুনংতি কবয়ো ব্রহ্মাণমেতং ত্বা বৃণুত ইংদুম্ । স্থাবরং জংগমং দ্য়ৌরাকাশং তন্মে মনঃ শিবসংকল্পমস্তু ॥ 16॥
পরাত্ পরতরং চৈব যত্পরাচ্চৈব যত্পরম্ । যত্পরাত্ পরতো জ্ঞেয়ং তন্মে মনঃ শিবসংকল্পমস্তু ॥ 17॥
পরাত্ পরতরো ব্রহ্মা তত্পরাত্ পরতো হরিঃ । তত্পরাত্ পরতোঽধীশস্তন্মে মনঃ শিবসংকল্পমস্তু ॥ 18॥
যা বেদাদিষু গাযত্রী সর্বব্য়াপী মহেশ্বরী । ঋগ্যজুস্সামাথর্বৈশ্চ তন্মে মনঃ শিবসংকল্পমস্তু ॥ 19॥
যো বৈ দেবং মহাদেবং প্রণবং পুরুষোত্তমম্ । যঃ সর্বে সর্ববেদৈশ্চ তন্মে মনঃ শিবসংকল্পমস্তু ॥ 20॥
প্রযতঃ প্রণবোংকারং প্রণবং পুরুষোত্তমম্ । ওংকারং প্রণবাত্মানং তন্মে মনঃ শিবসংকল্পমস্তু ॥ 21॥
যোঽসৌ সর্বেষু বেদেষু পঠ্যতে হ্যজ ইশ্বরঃ । অকায়ো নির্গুণো হ্য়াত্মা তন্মে মনঃ শিবসংকল্পমস্তু ॥ 22॥
গোভির্জুষ্টং ধনেন হ্য়ায়ুষা চ বলেন চ । প্রজয়া পশুভিঃ পুষ্করাক্ষং তন্মে মনঃ শিবসংকল্পমস্তু ॥ 23॥
ত্রিয়ংবকং যজামহে সুগংধিং পুষ্টিবর্ধনম্ । উর্বারুকমিব বংধনান্মৃত্য়োর্মুক্ষীয় মাঽমৃতাত্তন্মে মনঃ শিবসংকল্পমস্তু ॥ 24॥
কৈলাসশিখরে রম্য়ে শংকরস্য় শিবালয়ে । দেবতাস্তত্র মোদংতে তন্মে মনঃ শিবসংকল্পমস্তু ॥ 25॥
বিশ্বতশ্চক্ষুরুত বিশ্বতোমুখো বিশ্বতোহস্ত উত বিশ্বতস্পাত্ । সংবাহুভ্য়াং নমতি সংপতত্রৈর্দ্য়াবাপৃথিবী জনযন্ দেব একস্তন্মে মনঃ শিবসংকল্পমস্তু ॥ 26॥
চতুরো বেদানধীয়ীত সর্বশাস্যময়ং বিদুঃ । ইতিহাসপুরাণানাং তন্মে মন শিবসংকন্ল্পমস্তু ॥ 27॥
মা নো মহাংতমুত মা নো অর্ভকং মা ন উক্ষংতমুত মা ন উক্ষিতম্ । মা নো বধীঃ পিতরং মোত মাতরং প্রিয়া মা নঃ তনুবো রুদ্র রীরিষস্তন্মে মনঃ শিবসংকল্পমস্তু ॥ 28॥
মা নস্তোকে তনয়ে মা ন আয়ুষি মা নো গোষু মা নো অশ্বেষু রীরিষঃ । বীরান্মা নো রুদ্র ভামিতো বধীর্হবিষ্মংতঃ নমসা বিধেম তে তন্মে মনঃ শিবসংকল্পমস্তু ॥ 29॥
ঋতং সত্য়ং পরং ব্রহ্ম পুরুষং কৃষ্ণপিংগলম্ । ঊর্ধ্বরেতং বিরূপাক্ষং বিশ্বরূপায় বৈ নমো নমঃ তন্মে মনঃ শিবসংকল্পমস্তু ॥ 30॥
কদ্রুদ্রায় প্রচেতসে মীঢুষ্টমায় তব্যসে । বোচেম শংতমং হৃদে । সর্বো হ্য়েষ রুদ্রস্তস্মৈ রুদ্রায় নমো অস্তু তন্মে মনঃ শিবসংকল্পমস্তু ॥ 31॥
ব্রহ্ম জজ্ঞানং প্রথমং পুরস্তাত্ বি সীমতঃ সুরুচো বেন আবঃ । স বুধ্নিয়া উপমা অস্য় বিষ্ঠাঃ সতশ্চ যোনিং অসতশ্চ বিবস্তন্মে মনঃ শিবসংকল্পমস্তু ॥ 32॥
যঃ প্রাণতো নিমিষতো মহিত্বৈক ইদ্রাজা জগতো বভূব । য ঈশে অস্য় দ্বিপদশ্চতুষ্পদঃ কস্মৈ দেবায় হবিষা বিধেম তন্মে মনঃ শিবসংকল্পমস্তু ॥ 33॥
য আত্মদা বলদা যস্য় বিশ্বে উপাসতে প্রশিষং যস্য় দেবাঃ । যস্য় ছায়াঽমৃতং যস্য় মৃত্য়ুঃ কস্মৈ দেবায় হবিষা বিধেম তন্মে মনঃ শিবসংকল্পমস্তু ॥ 34॥
যো রুদ্রো অগ্নৌ যো অপ্সু য ওষধীষু যো রুদ্রো বিশ্বা ভুবনাঽঽবিবেশ । তস্মৈ রুদ্রায় নমো অস্তু তন্মে মনঃ শিবসংকল্পমস্তু ॥ 35॥
গংধদ্বারাং দুরাধর্ষাং নিত্যপুষ্টাং করীষিণীম্ । ঈশ্বরীং সর্বভূতানাং তামিহোপহ্বয়ে শ্রিয়ং তন্মে মনঃ শিবসংকল্পমস্তু ॥ 36॥
য ইদং শিবসংকল্পং সদা ধ্য়ায়ংতি ব্রাহ্মণাঃ । তে পরং মোক্ষং গমিষ্য়ংতি তন্মে মনঃ শিবসংকল্পমস্তু ॥ 37॥
ইতি শিবসংকল্পমংত্রাঃ সমাপ্তাঃ । (শৈব-উপনিষদঃ)
ইতি শিবসংকল্পোপনিষত্ সমাপ্ত ।
ശിവസംകല്പോപനിഷത് (ശിവ സംകല്പമസ്തു) - ഒരു പരിചയം
The Shiva Sankalpa Upanishad is a Vedic prayer about the mind, each verse ending "Tan me manah shiva sankalpam astu": may that mind of mine be of auspicious resolve. It describes the mind as the power that holds past, present and future, through which the wise perform their work and sacrifice is spread, the inner light without which nothing is done, and asks that it be turned to the good.
ഉറവിടം: Shukla Yajur Veda (Vajasaneyi Samhita 34)
എപ്പോൾ ജപിക്കാം: In daily prayer, before study or meditation, and in Rudra abhisheka.
നിങ്ങൾക്കറിയാമോ?
- Its first six verses are from the Shukla Yajur Veda (Vajasaneyi Samhita, chapter 34).
- "Shiva sankalpa" means "auspicious resolve": the prayer asks for a mind set on good, not for any outward gain.
പതിവ് ചോദ്യങ്ങൾ
What does "Tan me manah shiva sankalpam astu" mean?
"May that mind of mine be of auspicious resolve."
Where does it come from?
The Shukla Yajur Veda, Vajasaneyi Samhita, chapter 34.
When is it recited?
Before study or meditation, in daily prayer and in Rudra abhisheka.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.
കൂടുതൽ ഭക്തിഗ്രന്ഥങ്ങൾ