തൈത്തിരീയ ഉപനിഷദ് - ശീക്ഷാവല്ലീ
Vedic · പരമ്പരാഗത ഭക്തിഗ്രന്ഥം
(তৈ. আ. 7-1-1)
ওং শ্রী গুরুভ্য়ো নমঃ । হরিঃ ওম্ ॥
ওং শ-ন্নো॑ মি॒ত্রশ্শং-বঁরু॑ণঃ । শ-ন্নো॑ ভবত্বর্য়॒মা । শ-ন্ন॒ ইন্দ্রো॒ বৃহ॒স্পতিঃ॑ । শ-ন্নো॒ বিষ্ণু॑রুরুক্র॒মঃ । নমো॒ ব্রহ্ম॑ণে । নম॑স্তে বায়ো । ত্বমে॒ব প্র॒ত্যক্ষ॒-ম্ব্রহ্মা॑সি । ত্বমে॒ব প্র॒ত্যক্ষ॒-ম্ব্রহ্ম॑ বদিষ্য়ামি । ঋ॒তং-বঁ॑দিষ্য়ামি । স॒ত্য়ং-বঁ॑দিষ্য়ামি । তন্মাম॑বতু । তদ্ব॒ক্তার॑মবতু । অব॑তু॒ মাম্ । অব॑তু ব॒ক্তারম্᳚ । ওং শান্তি॒-শ্শান্তি॒-শ্শান্তিঃ॑ ॥ 1 ॥ ইতি প্রথমো-ঽনুবাকঃ ॥
শীক্ষাং-ব্য়াঁ᳚খ্য়াস্য়া॒মঃ । বর্ণ॒স্স্বরঃ । মাত্রা॒ বলম্ । সাম॑ সন্তা॒নঃ । ইত্য়ুক্তশ্শী᳚ক্ষাধ্য়া॒য়ঃ ॥ 1 ॥ ইতি দ্বিতীয়ো-ঽনুবাকঃ ॥
স॒হ নৌ॒ যশঃ । স॒হ নৌ ব্র॑হ্মব॒র্চসম্ । অথাতস্সগ্ম্হিতায়া উপনিষদং-ব্য়াঁ᳚খ্য়াস্য়া॒মঃ । পঞ্চস্বধিক॑রণে॒ষু । অধিলোকমধিজ্য়ৌতিষমধিবিদ্যমধিপ্রজ॑মধ্য়া॒ত্মম্ । তা মহাসগ্ম্হিতা ই॑ত্য়াচ॒ক্ষতে । অথা॑ধিলো॒কম্ । পৃথিবী পূ᳚র্বরূ॒পম্ । দ্য়ৌরুত্ত॑ররূ॒পম্ । আকা॑শস্স॒ন্ধিঃ ॥ 1 ॥ বায়ু॑স্সন্ধা॒নম্ । ইত্য়॑ধিলো॒কম্ । অথা॑ধিজ্য়ৌ॒তিষম্ । অগ্নিঃ পূ᳚র্বরূ॒পম্ । আদিত্য় উত্ত॑ররূ॒পম্ । আ॑পস্স॒ন্ধিঃ । বৈদ্য়ুত॑স্সন্ধা॒নম্ । ইত্য়॑ধিজ্য়ৌ॒তিষম্ । অথা॑ধিবি॒দ্যম্ । আচার্য়ঃ পূ᳚র্বরূ॒পম্ ॥ 2 ॥ অন্তেবাস্য়ুত্ত॑ররূ॒পম্ । বি॑দ্য়া স॒ন্ধিঃ । প্রবচনগ্ম্॑ সন্ধা॒নম্ । ইত্য়॑ধিবি॒দ্যম্ । অথাধি॒প্রজম্ । মাতা পূ᳚র্বরূ॒পম্ । পিতোত্ত॑ররূ॒পম্ । প্র॑জা স॒ন্ধিঃ । প্রজননগ্ম্॑ সন্ধা॒নম্ । ইত্যধি॒প্রজম্ ॥ 3 ॥ অথাধ্য়া॒ত্মম্ । অধরা হনুঃ পূ᳚র্বরূ॒পম্ । উত্তরা হনুরুত্ত॑ররূ॒পম্ । বাক্স॒ন্ধিঃ । জিহ্বা॑ সন্ধা॒নম্ । ইত্যধ্য়া॒ত্মম্ । ইতীমা ম॑হাস॒গ্ম্॒হিতাঃ । য এবমেতা মহাসগ্ম্হিতা ব্য়াখ্য়া॑তা বে॒দ । সন্ধীযতে প্রজ॑য়া প॒শুভিঃ । ব্রহ্মবর্চসেনান্নাদ্য়েন সুবর্গ্য়েণ॑ লোকে॒ন ॥ 4 ॥ ইতি তৃতীয়ো-ঽনুবাকঃ ॥
যশ্ছন্দ॑সামৃষ॒ভো বি॒শ্বরূ॑পঃ । ছন্দো॒ভ্য়ো-ঽধ্য়॒মৃতা᳚থ্স-ম্ব॒ভূব॑ । স মেন্দ্রো॑ মে॒ধয়া᳚ স্পৃণোতু । অ॒মৃত॑স্য় দেব॒ ধার॑ণো ভূয়াসম্ । শরী॑র-ম্মে॒ বিচ॑র্ষণম্ । জি॒হ্বা মে॒ মধু॑মত্তমা । কর্ণা᳚ভ্য়া-ম্ভূরি॒ বিশ্রু॑বম্ । ব্রহ্ম॑ণঃ কো॒শো॑-ঽসি মে॒ধয়া-ঽপি॑হিতঃ । শ্রু॒ত-ম্মে॑ গোপায় । আ॒বহ॑ন্তী বিতন্বা॒না ॥ 1 ॥ কু॒র্বা॒ণা চীর॑মা॒ত্মনঃ॑ । বাসাগ্ম্॑সি॒ মম॒ গাব॑শ্চ । অ॒ন্ন॒পা॒নে চ॑ সর্ব॒দা । ততো॑ মে॒ শ্রিয়॒মাব॑হ । লো॒ম॒শা-ম্প॒শুভি॑স্স॒হ স্বাহা᳚ । আমা॑ যন্তু ব্রহ্মচা॒রিণ॒স্স্বাহা᳚ । বিমা॑-ঽঽযন্তু ব্রহ্মচা॒রিণ॒স্স্বাহা᳚ । প্রমা॑-ঽঽযন্তু ব্রহ্মচা॒রিণ॒স্স্বাহা᳚ । দমা॑যন্তু ব্রহ্মচা॒রিণ॒স্স্বাহা᳚ । শমা॑যন্তু ব্রহ্মচা॒রিণ॒স্স্বাহা᳚ ॥ 2 ॥ যশো॒ জনে॑-ঽসানি॒ স্বাহা᳚ । শ্রেয়া॒ন্বস্য়॑সো-ঽসানি॒ স্বাহা᳚ । ত-ন্ত্বা॑ ভগ॒ প্রবি॑শানি॒ স্বাহা᳚ । স মা॑ ভগ॒ প্রবি॑শ॒ স্বাহা᳚ । তস্মিন্᳚-থ্স॒হস্র॑শাখে । নিভ॑গা॒হ-ন্ত্বয়ি॑ মৃজে॒ স্বাহা᳚ । যথা-ঽঽপঃ॒ প্রব॑তা॒-ঽঽযন্তি॑ । যথা॒ মাসা॑ অহর্জ॒রম্ । এ॒ব-ম্মা-ম্ব্র॑হ্মচা॒রিণঃ॑ । ধাত॒রায়॑ন্তু স॒র্বত॒স্স্বাহা᳚ । প্র॒তি॒বে॒শো॑-ঽসি॒ প্রমা॑ভাহি॒ প্রমা॑পদ্যস্ব ॥ 3 ॥ ইতি চতুর্থো-ঽনুবাকঃ ॥
ভূর্ভুব॒স্সুব॒রিতি॒ বা এ॒তাস্তি॒স্রো ব্য়াহৃ॑তয়ঃ । তাসা॑মুহস্মৈ॒ তা-ঞ্চ॑তু॒র্থীম্ । মাহা॑চমস্য়ঃ॒ প্রবে॑দযতে । মহ॒ ইতি॑ । তদ্ব্রহ্ম॑ । স আ॒ত্মা । অঙ্গা᳚ন্য়॒ন্য়া দে॒বতাঃ᳚ । ভূরিতি॒ বা অ॒য়ং-লোঁ॒কঃ । ভুব॒ ইত্য়॒ন্তরি॑ক্ষম্ । সুব॒রিত্য়॒সৌ লো॒কঃ ॥ 1 ॥ মহ॒ ইত্য়া॑দি॒ত্য়ঃ । আ॒দি॒ত্য়েন॒ বাব সর্বে॑ লো॒কা মহী॑যন্তে । ভূরিতি॒ বা অ॒গ্নিঃ । ভুব॒ ইতি॑ বা॒য়ুঃ । সুব॒রিত্য়া॑দি॒ত্য়ঃ । মহ॒ ইতি॑ চ॒ন্দ্রমাঃ᳚ । চ॒ন্দ্রম॑সা॒ বাব সর্বা॑ণি॒ জ্য়োতীগ্ম্॑ষি॒ মহী॑যন্তে । ভূরিতি॒ বা ঋচঃ॑ । ভুব॒ ইতি॒ সামা॑নি । সুব॒রিতি॒ যজূগ্ম্॑ষি ॥ 2 ॥ মহ॒ ইতি॒ ব্রহ্ম॑ । ব্রহ্ম॑ণা॒ বাব সর্বে॑ বে॒দা মহী॑যন্তে । ভূরিতি॒ বৈ প্রা॒ণঃ । ভুব॒ ইত্য়॑পা॒নঃ । সুব॒রিতি॑ ব্য়া॒নঃ । মহ॒ ইত্যন্নম্᳚ । অন্নে॑ন॒ বাব সর্বে᳚ প্রা॒ণা মহী॑যন্তে । তা বা এ॒তাশ্চত॑স্রশ্চতু॒র্ধা । চত॑স্রশ্চতস্রো॒ ব্য়াহৃ॑তয়ঃ । তা যো বেদ॑ । স বে॑দ॒ ব্রহ্ম॑ । সর্বে᳚-ঽস্মৈ দে॒বা ব॒লিমাব॑হন্তি ॥ 3 ॥ ইতি পঞ্চমো-ঽনুবাকঃ ॥
স য এ॒ষো᳚-ঽন্তরহৃ॑দয় আকা॒শঃ । তস্মি॑ন্ন॒য়-ম্পুরু॑ষো মনো॒ময়ঃ॑ । অমৃ॑তো হির॒ণ্ময়ঃ॑ । অন্ত॑রেণ॒ তালু॑কে । য এ॒ষস্তন॑ ইবাব॒লম্ব॑তে । সে᳚ন্দ্রয়ো॒নিঃ । যত্রা॒সৌ কে॑শা॒ন্তো বি॒বর্ত॑তে । ব্য়॒পোহ্য়॑ শীর্ষকপা॒লে । ভূরিত্য়॒গ্নৌ প্রতি॑তিষ্ঠতি । ভুব॒ ইতি॑ বা॒য়ৌ ॥ 1 ॥ সুব॒রিত্য়া॑দি॒ত্য়ে । মহ॒ ইতি॒ ব্রহ্ম॑ণি । আ॒প্নোতি॒ স্বারা᳚জ্যম্ । আ॒প্নোতি॒ মন॑স॒স্পতিম্᳚ । বাক্প॑তি॒শ্চক্ষু॑ষ্পতিঃ । শ্রোত্র॑পতির্বি॒জ্ঞান॑পতিঃ । এ॒তত্ততো॑ ভবতি । আ॒কা॒শশ॑রীর॒-ম্ব্রহ্ম॑ । স॒ত্য়াত্ম॑ প্রা॒ণারা॑ম॒-ম্মন॑ আনন্দম্ । শান্তি॑সমৃদ্ধম॒মৃতম্᳚ । ইতি॑ প্রাচীন যো॒গ্য়োপা᳚স্স্ব ॥ 2 ॥ ইতি ষষ্ঠো-ঽনুবাকঃ ॥
পৃ॒থি॒ব্য়॑ন্তরি॑ক্ষ॒-ন্দ্য়ৌর্দিশো॑-ঽবান্তরদি॒শাঃ । অ॒গ্নির্বা॒য়ুরা॑দি॒ত্যশ্চ॒ন্দ্রমা॒ নক্ষ॑ত্রাণি । আপ॒ ওষ॑ধয়ো॒ বন॒স্পত॑য় আকা॒শ আ॒ত্মা । ইত্য়॑ধিভূ॒তম্ । অথাধ্য়া॒ত্মম্ । প্রা॒ণো ব্য়া॒নো॑-ঽপা॒ন উ॑দা॒নস্স॑মা॒নঃ । চক্ষু॒শ্শ্রোত্র॒-ম্মনো॒ বাক্ত্বক্ । চর্ম॑মা॒গ্ম্॒সগ্গ্ স্নাবাস্থি॑ ম॒জ্জা । এ॒তদ॑ধিবি॒ধায়॒ ঋষি॒রবো॑চত্ । পাঙ্ক্তং॒-বাঁ ই॒দগ্ম্ সর্বম্᳚ । পাঙ্ক্তে॑নৈ॒ব পাঙ্ক্তগ্গ্॑ স্পৃণো॒তীতি॑ ॥ 1 ॥ ইতি সপ্তমো-ঽনুবাকঃ ॥
ওমিতি॒ ব্রহ্ম॑ । ওমিতী॒দগ্ম্ সর্বম্᳚ । ওমিত্য়ে॒তদ॑নুকৃতি হ স্ম॒ বা অ॒প্য়ো শ্রা॑ব॒য়েত্য়াশ্রা॑বযন্তি । ওমিতি॒ সামা॑নি গাযন্তি । ওগ্ম্ শোমিতি॑ শ॒স্ত্রাণি॑ শগ্ম্সন্তি । ওমিত্য়॑ধ্ব॒র্য়ুঃ প্র॑তিগ॒র-ম্প্রতি॑গৃণাতি । ওমিতি॒ ব্রহ্মা॒ প্রসৌ॑তি । ওমিত্য়॑গ্নিহো॒ত্রমনু॑জানাতি । ওমিতি॑ ব্রাহ্ম॒ণঃ প্র॑ব॒ক্ষ্যন্না॑হ॒ ব্রহ্মোপা᳚প্নবা॒নীতি॑ । ব্রহ্মৈ॒বোপা᳚প্নোতি ॥ 1 ॥ ইত্যষ্টমো-ঽনুবাকঃ ॥
ঋত-ঞ্চ স্বাধ্য়াযপ্রব॑চনে॒ চ । সত্য়-ঞ্চ স্বাধ্য়াযপ্রব॑চনে॒ চ । তপশ্চ স্বাধ্য়াযপ্রব॑চনে॒ চ । দমশ্চ স্বাধ্য়াযপ্রব॑চনে॒ চ । শমশ্চ স্বাধ্য়াযপ্রব॑চনে॒ চ । অগ্নযশ্চ স্বাধ্য়াযপ্রব॑চনে॒ চ । অগ্নিহোত্র-ঞ্চ স্বাধ্য়াযপ্রব॑চনে॒ চ । অতিথযশ্চ স্বাধ্য়াযপ্রব॑চনে॒ চ । মানুষ-ঞ্চ স্বাধ্য়াযপ্রব॑চনে॒ চ । প্রজা চ স্বাধ্য়াযপ্রব॑চনে॒ চ । প্রজনশ্চ স্বাধ্য়াযপ্রব॑চনে॒ চ । প্রজাতিশ্চ স্বাধ্য়াযপ্রব॑চনে॒ চ । সত্যমিতি সত্যবচা॑ রাথী॒তরঃ । তপ ইতি তপোনিত্য়ঃ পৌ॑রুশি॒ষ্টিঃ । স্বাধ্য়াযপ্রবচনে এবেতি নাকো॑ মৌদ্গ॒ল্য়ঃ । তদ্ধি তপ॑স্তদ্ধি॒ তপঃ ॥ 1 ॥ ইতি নবমো-ঽনুবাকঃ ॥
অ॒হং-বৃঁ॒ক্ষস্য়॒ রেরি॑বা । কী॒র্তিঃ পৃ॒ষ্ঠ-ঙ্গি॒রেরি॑ব । ঊ॒র্ধ্বপ॑বিত্রো বা॒জিনী॑ব স্ব॒মৃত॑মস্মি । দ্রবি॑ণ॒গ্ম্॒ সব॑র্চসম্ । সুমেধা অ॑মৃতো॒ক্ষিতঃ । ইতি ত্রিশঙ্কোর্বেদা॑নুব॒চনম্ ॥ 1 ॥ ইতি দশমো-ঽনুবাকঃ ॥
বেদমনূচ্য়াচার্য়ো-ঽন্তেবাসিনম॑নুশা॒স্তি । সত্য়ং॒-বঁদ । ধর্ম॒-ঞ্চর । স্বাধ্য়ায়া᳚ন্মা প্র॒মদঃ । আচার্য়ায় প্রিয়-ন্ধনমাহৃত্য় প্রজাতন্তু-ম্মা ব্য়॑বচ্ছে॒ত্সীঃ । সত্য়ান্ন প্রম॑দিত॒ব্যম্ । ধর্মান্ন প্রম॑দিত॒ব্যম্ । কুশলান্ন প্রম॑দিত॒ব্যম্ । ভূত্য়ৈ ন প্রম॑দিত॒ব্যম্ । স্বাধ্য়াযপ্রবচনাভ্য়া-ন্ন প্রম॑দিত॒ব্যম্ ॥ 1 ॥ দেবপিতৃকার্য়াভ্য়া-ন্ন প্রম॑দিত॒ব্যম্ । মাতৃ॑দেবো॒ ভব । পিতৃ॑দেবো॒ ভব । আচার্য়॑দেবো॒ ভব । অতিথি॑দেবো॒ ভব । যান্যনবদ্য়ানি॑ কর্মা॒ণি । তানি সেবি॑তব্য়া॒নি । নো ই॑তরা॒ণি । যান্যস্মাকগ্ম্ সুচ॑রিতা॒নি । তানি ত্বয়ো॑পাস্য়া॒নি ॥ 2 ॥ নো ই॑তরা॒ণি । যে কে চারুমচ্ছ্রেয়াগ্ম্॑সো ব্রা॒হ্মণাঃ । তেষা-ন্ত্বয়া-ঽঽসনে ন প্রশ্ব॑সিত॒ব্যম্ । শ্রদ্ধ॑য়া দে॒যম্ । অশ্রদ্ধ॑য়া-ঽদে॒যম্ । শ্রি॑য়া দে॒যম্ । হ্রি॑য়া দে॒যম্ । ভি॑য়া দে॒যম্ । সংবিঁ॑দা দে॒যম্ । অথ যদি তে কর্মবিচিকিথ্সা বা বৃত্তবিচিকি॑থ্সা বা॒ স্য়াত্ ॥ 3 ॥ যে তত্র ব্রাহ্মণা᳚স্সম্ম॒র্শিনঃ । যুক্তা॑ আয়ু॒ক্তাঃ । অলূক্ষা॑ ধর্ম॑কামা॒স্স্য়ুঃ । যথা তে॑ তত্র॑ বর্তে॒রন্ন্ । তথা তত্র॑ বর্তে॒থাঃ । অথাভ্য়া᳚খ্য়া॒তেষু । যে তত্র ব্রাহ্মণা᳚স্সম্ম॒র্শিনঃ । যুক্তা॑ আয়ু॒ক্তাঃ । অলূক্ষা॑ ধর্মকামা॒স্স্য়ুঃ । যথা তে॑ তেষু॑ বর্তে॒রন্ন্ । তথা তেষু॑ বর্তে॒থাঃ । এষ॑ আদে॒শঃ । এষ উ॑পদে॒শঃ । এষা বে॑দোপ॒নিষত্ । এতদ॑নুশা॒সনম্ । এবমুপা॑সিত॒ব্যম্ । এবমু চৈত॑দুপা॒স্যম্ ॥ 4 ॥ ইত্য়েকাদশ-ঽনুবাকঃ ॥
শ-ন্নো॑ মি॒ত্রশ্শং-বঁরু॑ণঃ । শ-ন্নো॑ ভবত্বর্য়॒মা । শ-ন্ন॒ ইন্দ্রো॒ বৃহ॒স্পতিঃ॑ । শ-ন্নো॒ বিষ্ণু॑রুরুক্র॒মঃ । নমো॒ ব্রহ্ম॑ণে । নম॑স্তে বায়ো । ত্বমে॒ব প্র॒ত্যক্ষ॒-ম্ব্রহ্মা॑সি । ত্বামে॒ব প্র॒ত্যক্ষ॒-ম্ব্রহ্মাবা॑দিষম্ । ঋ॒তম॑বাদিষম্ । স॒ত্যম॑বাদিষম্ । তন্মামা॑বীত্ । তদ্ব॒ক্তার॑মাবীত্ । আবী॒ন্মাম্ । আবী᳚দ্ব॒ক্তারম্᳚ । ওং শান্তি॒-শ্শান্তি॒-শ্শান্তিঃ॑ ॥ 1 ॥ ইতি দ্বাদশো-ঽনুবাকঃ ॥
॥ হরিঃ॑ ওম্ ॥ ॥ শ্রী কৃষ্ণার্পণমস্তু ॥
തൈത്തിരീയ ഉപനിഷദ് - ശീക്ഷാവല്ലീ - ഒരു പരിചയം
The Shiksha Valli is the first chapter of the Taittiriya Upanishad, part of the Taittiriya Aranyaka (7) of the Krishna Yajurveda. It opens with the peace chant "Sham no mitrah sham varunah" and teaches shiksha, the science of correct pronunciation: letters, accent, length, effort, balance and joining. It goes on to meditations on the joinings of the worlds, lights, knowledge, offspring and the self, prayers of a teacher for students, and the famous final instruction to students at the end of their study: "Speak the truth, follow dharma; do not neglect study; treat your mother, father, teacher and guest as god."
ഉറവിടം: Krishna Yajurveda, Taittiriya Aranyaka 7 (Taittiriya Upanishad, chapter 1)
എപ്പോൾ ജപിക്കാം: In Vedic chanting, in Upanishad study, and at the graduation of Vedic students.
നിങ്ങൾക്കറിയാമോ?
- Its eleventh section, "Satyam vada, dharmam chara", is the oldest known convocation address, still read at Indian university graduations.
- "Matru devo bhava, pitru devo bhava, acharya devo bhava, atithi devo bhava" comes from this chapter.
പതിവ് ചോദ്യങ്ങൾ
What is shiksha?
The science of correct pronunciation of the Vedas.
What does "Satyam vada, dharmam chara" mean?
"Speak the truth, follow dharma".
Where is the Shiksha Valli from?
The Taittiriya Aranyaka, chapter 7.
ആരാധനയ്ക്കും പഠനത്തിനുമായി നൽകുന്നു, പ്രവചനമായല്ല. വാണിജ്യേതരം.