ஆத்³ய காளிகா அஷ்டோத்தர ஶத நாமாவளி:
Devi · பாரம்பரிய பக்தி நூல்
ಶ್ರೀಸದಾಶಿವ ಉವಾಚ
ಶೃಣು ದೇವಿ ಜಗದ್ವಂದ್ಯೇ ಸ್ತೋತ್ರಮೇತದನುತ್ತಮಮ್ । ಪಠನಾಚ್ಛ್ರವಣಾದ್ಯಸ್ಯ ಸರ್ವಸಿದ್ಧೀಶ್ವರೋ ಭವೇತ್ ॥ 1
ಅಸೌಭಾಗ್ಯಪ್ರಶಮನಂ ಸುಖಸಂಪದ್ವಿವರ್ಧನಮ್ । ಅಕಾಲಮೃತ್ಯುಹರಣಂ ಸರ್ವಾಪದ್ವಿನಿವಾರಣಮ್ ॥ 2 ॥
ಶ್ರೀಮದಾದ್ಯಾಕಾಳಿಕಾಯಾಃ ಸುಖಸಾನ್ನಿಧ್ಯಕಾರಣಮ್ । ಸ್ತವಸ್ಯಾಸ್ಯ ಪ್ರಸೀದೇನ ತ್ರಿಪುರಾರಿರಹಂ ಪ್ರಿಯೇ ॥ 3 ॥
ಸ್ತೋತ್ರಸ್ಯಾಸ್ಯ ಋಷಿರ್ದೇವಿ ಸದಾಶಿವ ಉದಾಹೃತಃ । ಛಂದೋಽನುಷ್ಟುಬ್ದೇವತಾದ್ಯಾ ಕಾಳಿಕಾ ಪರಿಕೀರ್ತಿತಾ । ಧರ್ಮಕಾಮಾರ್ಥಮೋಕ್ಷೇಷು ವಿನಿಯೋಗಃ ಪ್ರಕೀರ್ತಿತಃ ॥ 4 ॥
ಅಥ ಸ್ತೋತ್ರಂ ಹ್ರೀಂ ಕಾಳೀ ಶ್ರೀಂ ಕರಾಳೀ ಚ ಕ್ರೀಂ ಕಳ್ಯಾಣೀ ಕಳಾವತೀ । ಕಮಲಾ ಕಲಿದರ್ಪಘ್ನೀ ಕಪರ್ದೀಶಕೃಪಾನ್ವಿತಾ ॥ 5 ॥
ಕಾಳಿಕಾ ಕಾಲಮಾತಾ ಚ ಕಾಲಾನಲಸಮದ್ಯುತಿಃ । ಕಪರ್ದಿನೀ ಕರಾಳಾಸ್ಯಾ ಕರುಣಾಮೃತಸಾಗರಾ ॥ 6 ॥
ಕೃಪಾಮಯೀ ಕೃಪಾಧಾರಾ ಕೃಪಾಪಾರಾ ಕೃಪಾಗಮಾ । ಕೃಶಾನುಃ ಕಪಿಲಾ ಕೃಷ್ಣಾ ಕೃಷ್ಣಾನಂದವಿವರ್ಧಿನೀ ॥ 7 ॥
ಕಾಲರಾತ್ರಿಃ ಕಾಮರೂಪಾ ಕಾಮಪಾಶವಿಮೋಚಿನೀ । ಕಾದಂಬಿನೀ ಕಳಾಧಾರಾ ಕಲಿಕಲ್ಮಷನಾಶಿನೀ ॥ 8 ॥
ಕುಮಾರೀಪೂಜನಪ್ರೀತಾ ಕುಮಾರೀಪೂಜಕಾಲಯಾ । ಕುಮಾರೀಭೋಜನಾನಂದಾ ಕುಮಾರೀರೂಪಧಾರಿಣೀ ॥ 9 ॥
ಕದಂಬವನಸಂಚಾರಾ ಕದಂಬವನವಾಸಿನೀ । ಕದಂಬಪುಷ್ಪಸಂತೋಷಾ ಕದಂಬಪುಷ್ಪಮಾಲಿನೀ ॥ 10 ॥
ಕಿಶೋರೀ ಕಲಕಂಠಾ ಚ ಕಲನಾದನಿನಾದಿನೀ । ಕಾದಂಬರೀಪಾನರತಾ ತಥಾ ಕಾದಂಬರೀಪ್ರಿಯಾ ॥ 11 ॥
ಕಪಾಲಪಾತ್ರನಿರತಾ ಕಂಕಾಲಮಾಲ್ಯಧಾರಿಣೀ । ಕಮಲಾಸನಸಂತುಷ್ಟಾ ಕಮಲಾಸನವಾಸಿನೀ ॥ 12 ॥
ಕಮಲಾಲಯಮಧ್ಯಸ್ಥಾ ಕಮಲಾಮೋದಮೋದಿನೀ । ಕಲಹಂಸಗತಿಃ ಕ್ಲೈಬ್ಯನಾಶಿನೀ ಕಾಮರೂಪಿಣೀ ॥ 13 ॥
ಕಾಮರೂಪಕೃತಾವಾಸಾ ಕಾಮಪೀಠವಿಲಾಸಿನೀ । ಕಮನೀಯಾ ಕಲ್ಪಲತಾ ಕಮನೀಯವಿಭೂಷಣಾ ॥ 14 ॥
ಕಮನೀಯಗುಣಾರಾಧ್ಯಾ ಕೋಮಲಾಂಗೀ ಕೃಶೋದರೀ । ಕಾರಣಾಮೃತಸಂತೋಷಾ ಕಾರಣಾನಂದಸಿದ್ಧಿದಾ ॥ 15 ॥
ಕಾರಣಾನಂದಜಾಪೇಷ್ಟಾ ಕಾರಣಾರ್ಚನಹರ್ಷಿತಾ । ಕಾರಣಾರ್ಣವಸಮ್ಮಗ್ನಾ ಕಾರಣವ್ರತಪಾಲಿನೀ ॥ 16 ॥
ಕಸ್ತೂರೀಸೌರಭಾಮೋದಾ ಕಸ್ತೂರೀತಿಲಕೋಜ್ಜ್ವಲಾ । ಕಸ್ತೂರೀಪೂಜನರತಾ ಕಸ್ತೂರೀಪೂಜಕಪ್ರಿಯಾ ॥ 17 ॥
ಕಸ್ತೂರೀದಾಹಜನನೀ ಕಸ್ತೂರೀಮೃಗತೋಷಿಣೀ । ಕಸ್ತೂರೀಭೋಜನಪ್ರೀತಾ ಕರ್ಪೂರಾಮೋದಮೋದಿತಾ ॥ 18 ॥
ಕರ್ಪೂರಮಾಲಾಭರಣಾ ಕರ್ಪೂರಚಂದನೋಕ್ಷಿತಾ । ಕರ್ಪೂರಕಾರಣಾಹ್ಲಾದಾ ಕರ್ಪೂರಾಮೃತಪಾಯಿನೀ ॥ 19 ॥
ಕರ್ಪೂರಸಾಗರಸ್ನಾತಾ ಕರ್ಪೂರಸಾಗರಾಲಯಾ । ಕೂರ್ಚಬೀಜಜಪಪ್ರೀತಾ ಕೂರ್ಚಜಾಪಪರಾಯಣಾ ॥ 20 ॥
ಕುಲೀನಾ ಕೌಲಿಕಾರಾಧ್ಯಾ ಕೌಲಿಕಪ್ರಿಯಕಾರಿಣೀ । ಕುಲಾಚಾರಾ ಕೌತುಕಿನೀ ಕುಲಮಾರ್ಗಪ್ರದರ್ಶಿನೀ ॥ 21 ॥
ಕಾಶೀಶ್ವರೀ ಕಷ್ಟಹರ್ತ್ರೀ ಕಾಶೀಶವರದಾಯಿನೀ । ಕಾಶೀಶ್ವರಕೃತಾಮೋದಾ ಕಾಶೀಶ್ವರಮನೋರಮಾ ॥ 22 ॥
ಕಲಮಂಜೀರಚರಣಾ ಕ್ವಣತ್ಕಾಂಚೀವಿಭೂಷಣಾ । ಕಾಂಚನಾದ್ರಿಕೃತಾಗಾರಾ ಕಾಂಚನಾಚಲಕೌಮುದೀ ॥ 23 ॥
ಕಾಮಬೀಜಜಪಾನಂದಾ ಕಾಮಬೀಜಸ್ವರೂಪಿಣೀ । ಕುಮತಿಘ್ನೀ ಕುಲೀನಾರ್ತಿನಾಶಿನೀ ಕುಲಕಾಮಿನೀ ॥ 24 ॥
ಕ್ರೀಂ ಹ್ರೀಂ ಶ್ರೀಂ ಮಂತ್ರವರ್ಣೇನ ಕಾಲಕಂಟಕಘಾತಿನೀ । ಇತ್ಯಾದ್ಯಾಕಾಳಿಕಾದೇವ್ಯಾಃ ಶತನಾಮ ಪ್ರಕೀರ್ತಿತಮ್ ॥ 25 ॥
ಕಕಾರಕೂಟಘಟಿತಂ ಕಾಳೀರೂಪಸ್ವರೂಪಕಮ್ । ಪೂಜಾಕಾಲೇ ಪಠೇದ್ಯಸ್ತು ಕಾಳಿಕಾಕೃತಮಾನಸಃ ॥ 26 ॥
ಮಂತ್ರಸಿದ್ಧಿರ್ಭವೇದಾಶು ತಸ್ಯ ಕಾಳೀ ಪ್ರಸೀದತಿ । ಬುದ್ಧಿಂ ವಿದ್ಯಾಂ ಚ ಲಭತೇ ಗುರೋರಾದೇಶಮಾತ್ರತಃ ॥ 27 ॥
ಧನವಾನ್ ಕೀರ್ತಿಮಾನ್ ಭೂಯಾದ್ದಾನಶೀಲೋ ದಯಾನ್ವಿತಃ । ಪುತ್ರಪೌತ್ರಸುಖೈಶ್ವರ್ಯೈರ್ಮೋದತೇ ಸಾಧಕೋ ಭುವಿ ॥ 28 ॥
ಭೌಮಾವಾಸ್ಯಾನಿಶಾಭಾಗೇ ಮಪಂಚಕಸಮನ್ವಿತಃ । ಪೂಜಯಿತ್ವಾ ಮಹಾಕಾಳೀಮಾದ್ಯಾಂ ತ್ರಿಭುವನೇಶ್ವರೀಮ್ ॥ 29 ॥
ಪಠಿತ್ವಾ ಶತನಾಮಾನಿ ಸಾಕ್ಷಾತ್ಕಾಳೀಮಯೋ ಭವೇತ್ । ನಾಸಾಧ್ಯಂ ವಿದ್ಯತೇ ತಸ್ಯ ತ್ರಿಷು ಲೋಕೇಷು ಕಿಂಚನ ॥ 30 ॥
ವಿದ್ಯಾಯಾಂ ವಾಕ್ಪತಿಃ ಸಾಕ್ಷಾತ್ ಧನೇ ಧನಪತಿರ್ಭವೇತ್ । ಸಮುದ್ರ ಇವ ಗಾಂಭೀರ್ಯೇ ಬಲೇ ಚ ಪವನೋಪಮಃ ॥ 31 ॥
ತಿಗ್ಮಾಂಶುರಿವ ದುಷ್ಪ್ರೇಕ್ಷ್ಯಃ ಶಶಿವಚ್ಛುಭದರ್ಶನಃ । ರೂಪೇ ಮೂರ್ತಿಧರಃ ಕಾಮೋ ಯೋಷಿತಾಂ ಹೃದಯಂಗಮಃ ॥ 32 ॥
ಸರ್ವತ್ರ ಜಯಮಾಪ್ನೋತಿ ಸ್ತವಸ್ಯಾಸ್ಯ ಪ್ರಸಾದತಃ । ಯಂ ಯಂ ಕಾಮಂ ಪುರಸ್ಕೃತ್ಯ ಸ್ತೋತ್ರಮೇತದುದೀರಯೇತ್ ॥ 33 ॥
ತಂ ತಂ ಕಾಮಮವಾಪ್ನೋತಿ ಶ್ರೀಮದಾದ್ಯಾಪ್ರಸಾದತಃ । ರಣೇ ರಾಜಕುಲೇ ದ್ಯೂತೇ ವಿವಾದೇ ಪ್ರಾಣಸಂಕಟೇ ॥ 34 ॥
ದಸ್ಯುಗ್ರಸ್ತೇ ಗ್ರಾಮದಾಹೇ ಸಿಂಹವ್ಯಾಘ್ರಾವೃತೇ ತಥಾ । ಅರಣ್ಯೇ ಪ್ರಾಂತರೇ ದುರ್ಗೇ ಗ್ರಹರಾಜಭಯೇಽಪಿ ವಾ ॥ 35 ॥
ಜ್ವರದಾಹೇ ಚಿರವ್ಯಾಧೌ ಮಹಾರೋಗಾದಿಸಂಕುಲೇ । ಬಾಲಗ್ರಹಾದಿ ರೋಗೇ ಚ ತಥಾ ದುಃಸ್ವಪ್ನದರ್ಶನೇ ॥ 36 ॥
ದುಸ್ತರೇ ಸಲಿಲೇ ವಾಪಿ ಪೋತೇ ವಾತವಿಪದ್ಗತೇ । ವಿಚಿಂತ್ಯ ಪರಮಾಂ ಮಾಯಾಮಾದ್ಯಾಂ ಕಾಳೀಂ ಪರಾತ್ಪರಾಮ್ ॥ 37 ॥
ಯಃ ಪಠೇಚ್ಛತನಾಮಾನಿ ದೃಢಭಕ್ತಿಸಮನ್ವಿತಃ । ಸರ್ವಾಪದ್ಭ್ಯೋ ವಿಮುಚ್ಯೇತ ದೇವಿ ಸತ್ಯಂ ನ ಸಂಶಯಃ ॥ 38 ॥
ನ ಪಾಪೇಭ್ಯೋ ಭಯಂ ತಸ್ಯ ನ ರೋಗೋಭ್ಯೋ ಭಯಂ ಕ್ವಚಿತ್ । ಸರ್ವತ್ರ ವಿಜಯಸ್ತಸ್ಯ ನ ಕುತ್ರಾಪಿ ಪರಾಭವಃ ॥ 39 ॥
ತಸ್ಯ ದರ್ಶನಮಾತ್ರೇಣ ಪಲಾಯಂತೇ ವಿಪದ್ಗಣಾಃ । ಸ ವಕ್ತಾ ಸರ್ವಶಾಸ್ತ್ರಾಣಾಂ ಸ ಭೋಕ್ತಾ ಸರ್ವಸಂಪದಾಮ್ ॥ 40 ॥
ಸ ಕರ್ತಾ ಜಾತಿಧರ್ಮಾಣಾಂ ಜ್ಞಾತೀನಾಂ ಪ್ರಭುರೇವ ಸಃ । ವಾಣೀ ತಸ್ಯ ವಸೇದ್ವಕ್ತ್ರೇ ಕಮಲಾ ನಿಶ್ಚಲಾ ಗೃಹೇ ॥ 41 ॥
ತನ್ನಾಮ್ನಾ ಮಾನವಾಃ ಸರ್ವೇ ಪ್ರಣಮಂತಿ ಸಸಂಭ್ರಮಾಃ । ದೃಷ್ಟ್ಯಾ ತಸ್ಯ ತೃಣಾಯಂತೇ ಹ್ಯಣಿಮಾದ್ಯಷ್ಟಸಿದ್ಧಯಃ ॥ 42 ॥
ಆದ್ಯಾಕಾಳೀಸ್ವರೂಪಾಖ್ಯಂ ಶತನಾಮ ಪ್ರಕೀರ್ತಿತಮ್ । ಅಷ್ಟೋತ್ತರಶತಾವೃತ್ಯಾ ಪುರಶ್ಚರ್ಯಾಽಸ್ಯ ಗೀಯತೇ ॥ 43 ॥
ಪುರಸ್ಕ್ರಿಯಾನ್ವಿತಂ ಸ್ತೋತ್ರಂ ಸರ್ವಾಭೀಷ್ಟಫಲಪ್ರದಮ್ । ಶತನಾಮಸ್ತುತಿಮಿಮಾಮಾದ್ಯಾಕಾಳೀಸ್ವರೂಪಿಣೀಮ್ ॥ 44 ॥
ಪಠೇದ್ವಾ ಪಾಠಯೇದ್ವಾಪಿ ಶೃಣುಯಾಚ್ಛ್ರಾವಯೇದಪಿ । ಸರ್ವಪಾಪವಿನಿರ್ಮುಕ್ತೋ ಬ್ರಹ್ಮಸಾಯುಜ್ಯಮಾಪ್ನುಯಾತ್ ॥ 45 ॥
ಇತಿ ಮಹಾನಿರ್ವಾಣತಂತ್ರೇ ಸಪ್ತಮೋಲ್ಲಾಸಾಂತರ್ಗತಂ ಶ್ರೀ ಆದ್ಯಾ ಕಾಳಿಕಾ ಶತನಾಮ ಸ್ತೋತ್ರಮ್ ॥
ஆத்³ய காளிகா அஷ்டோத்தர ஶத நாமாவளி: பற்றி
This hymn gives the hundred names of Adya Kalika, the primordial Kali, from the Mahanirvana Tantra. It opens with Shiva telling the Goddess, "Listen, O Devi, worshipped by the world, to this unsurpassed hymn", and praising its power to remove misfortune and protect from every danger. The names that follow, many beginning with the syllable "Ka", praise Kali as the first power, the source and end of all.
மூலம்: Mahanirvana Tantra, as its colophon states
எப்போது பாராயணம் செய்வது: On Amavasya, on Kali Puja (Diwali Amavasya in Bengal), and during Navaratri.
உங்களுக்குத் தெரியுமா?
- Its colophon places it in the seventh chapter (ullasa) of the Mahanirvana Tantra.
- The Mahanirvana Tantra is a well-known Tantric text in the form of a dialogue between Shiva and Adya Kali.
- Many of Kali's hundred names begin with "Ka", her seed sound.
அடிக்கடி கேட்கப்படும் கேள்விகள்
Who is Adya Kalika?
Kali as the primordial power, the source of all.
Where is the hymn from?
The Mahanirvana Tantra, chapter 7.
Who speaks it?
Shiva, to the Goddess.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்