MuhurtaNow

அஷ்டாவக்ர கீ³தா ப்ரத²மோத்⁴யாய:

Karma Siddhanta · பாரம்பரிய பக்தி நூல்

॥ श्री ॥ अथ श्रीमदष्टावक्रगीता प्रारभ्यते ॥

जनक उवाच

कथं ज्ञानमवाप्नोति कथं मुक्तिर्भविष्यति । वैराग्यं च कथं प्राप्तमेतद् ब्रूहि मम प्रभो ॥ 1-1

अष्टावक्र उवाच

मुक्तिमिच्छसि चेत्तात विषयान् विषवत्त्यज । क्षमार्जवदयातोषसत्यं पीयूषवद् भज ॥ 1-2

न पृथ्वी न जलं नाग्निर्न वायुर्द्यौर्न वा भवान् । एषां साक्षिणमात्मानं चिद्रूपं विद्धि मुक्तये ॥ 1-3॥

यदि देहं पृथक् कृत्य चिति विश्राम्य तिष्ठसि । अधुनैव सुखी शांतो बंधमुक्तो भविष्यसि ॥ 1-4॥

न त्वं विप्रादिको वर्णो नाश्रमी नाक्षगोचरः । असंगोऽसि निराकारो विश्वसाक्षी सुखी भव ॥ 1-5॥

धर्माधर्मौ सुखं दुःखं मानसानि न ते विभो । न कर्तासि न भोक्तासि मुक्त एवासि सर्वदा ॥ 1-6॥

एको द्रष्टासि सर्वस्य मुक्तप्रायोऽसि सर्वदा । अयमेव हि ते बंधो द्रष्टारं पश्यसीतरम् ॥ 1-7॥

अहं कर्तेत्यहंमानमहाकृष्णाहिदंशितः । नाहं कर्तेति विश्वासामृतं पीत्वा सुखं चर ॥ 1-8॥

एको विशुद्धबोधोऽहमिति निश्चयवह्निना । प्रज्वाल्याज्ञानगहनं वीतशोकः सुखी भव ॥ 1-9॥

यत्र विश्वमिदं भाति कल्पितं रज्जुसर्पवत् । आनंदपरमानंदः स बोधस्त्वं सुखं भव ॥ 1-10॥

मुक्ताभिमानी मुक्तो हि बद्धो बद्धाभिमान्यपि । किंवदंतीह सत्येयं या मतिः सा गतिर्भवेत् ॥ 1-11॥

आत्मा साक्षी विभुः पूर्ण एको मुक्तश्चिदक्रियः । असंगो निःस्पृहः शांतो भ्रमात्संसारवानिव ॥ 1-12॥

कूटस्थं बोधमद्वैतमात्मानं परिभावय । आभासोऽहं भ्रमं मुक्त्वा भावं बाह्यमथांतरम् ॥ 1-13॥

देहाभिमानपाशेन चिरं बद्धोऽसि पुत्रक । बोधोऽहं ज्ञानखड्गेन तन्निकृत्य सुखी भव ॥ 1-14॥

निःसंगो निष्क्रियोऽसि त्वं स्वप्रकाशो निरंजनः । अयमेव हि ते बंधः समाधिमनुतिष्ठसि ॥ 1-15॥

त्वया व्याप्तमिदं विश्वं त्वयि प्रोतं यथार्थतः । शुद्धबुद्धस्वरूपस्त्वं मा गमः क्षुद्रचित्तताम् ॥ 1-16॥

निरपेक्षो निर्विकारो निर्भरः शीतलाशयः । अगाधबुद्धिरक्षुब्धो भव चिन्मात्रवासनः ॥ 1-17॥

साकारमनृतं विद्धि निराकारं तु निश्चलम् । एतत्तत्त्वोपदेशेन न पुनर्भवसंभवः ॥ 1-18॥

यथैवादर्शमध्यस्थे रूपेऽंतः परितस्तु सः । तथैवाऽस्मिन् शरीरेऽंतः परितः परमेश्वरः ॥ 1-19॥

एकं सर्वगतं व्योम बहिरंतर्यथा घटे । नित्यं निरंतरं ब्रह्म सर्वभूतगणे तथा ॥ 1-20॥

அஷ்டாவக்ர கீ³தா ப்ரத²மோத்⁴யாய: பற்றி

The first chapter of the Ashtavakra Gita opens with King Janaka's three questions: how is knowledge gained, how will liberation come, how is dispassion reached? Ashtavakra answers at once: give up the objects of the senses like poison and drink in forgiveness, sincerity, kindness, contentment and truth like nectar; you are not earth, water, fire, air or space, but the witness of them all, pure awareness.

இயற்றியவர்: Traditionally attributed to the sage Ashtavakra

எப்போது பாராயணம் செய்வது: For study and reflection, at any time.

உங்களுக்குத் தெரியுமா?

  • Its best-known verse says: one who thinks himself free is free, one who thinks himself bound is bound; "as one thinks, so one becomes".
  • The last verse compares Brahman in all beings to the one space inside and outside a pot.
  • Ashtavakra means "bent in eight places"; legend says he was born with eight bends in his body.

அடிக்கடி கேட்கப்படும் கேள்விகள்

What does Janaka ask?

How to gain knowledge, liberation and dispassion.

What is Ashtavakra's answer?

That you are not the body or elements but pure awareness, the witness of all.

Is this the start of the Ashtavakra Gita?

Yes, chapter 1 opens the dialogue.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.