தே³வீ மாஹாத்ம்யம் து³ர்கா³ ஸப்தஶதி ப்ரத²மோத்⁴யாய:
Devi · பாரம்பரிய பக்தி நூல்
॥ தே³வீ மாஹாத்ம்யம் ॥ ॥ ஶ்ரீது³ர்கா³யை நம: ॥ ॥ அத² ஶ்ரீது³ர்கா³ஸப்தஶதீ ॥ ॥ மது⁴கைடப⁴வதோ⁴ நாம ப்ரத²மோத்⁴யாய: ॥
அஸ்ய ஶ்ரீ ப்ரத⁴ம சரித்ரஸ்ய ப்³ரஹ்மா ருஷி: । மஹாகாளீ தே³வதா । கா³யத்ரீ ச²ந்த³: । நந்தா³ ஶக்தி: । ரக்த த³ந்திகா பீ³ஜம் । அக்³னிஸ்தத்வம் । ருக்³வேத³: ஸ்வரூபம் । ஶ்ரீ மஹாகாளீ ப்ரீத்யர்தே² ப்ரத⁴ம சரித்ர ஜபே வினியோக³: ।
த்⁴யானம் க²ட்³க³ம் சக்ர க³தே³ஷுசாப பரிகா⁴ ஶூலம் பு⁴ஶுண்டீ³ம் ஶிர: ஶம்ங்க²ம் ஸந்த³த⁴தீம் கரைஸ்த்ரினயனாம் ஸர்வாம்ங்க³பூ⁴ஷாவ்ருதாம் । யாம் ஹந்தும் மது⁴கைபௌ⁴ ஜலஜபூ⁴ஸ்துஷ்டாவ ஸுப்தே ஹரௌ நீலாஶ்மத்³யுதி மாஸ்யபாத³த³ஶகாம் ஸேவே மஹாகாளிகாம்॥
ஓம் நமஶ்சண்டி³காயை ஓம் ஐம் மார்கண்டே³ய உவாச॥1॥
ஸாவர்ணி: ஸூர்யதனயோ யோமனு: கத்²யதேஷ்டம:। நிஶாமய தது³த்பத்திம் விஸ்தராத்³க³த³தோ மம ॥2॥
மஹாமாயானுபா⁴வேன யதா² மன்வந்தராதி⁴ப: ஸ ப³பூ⁴வ மஹாபா⁴க³: ஸாவர்ணிஸ்தனயோ ரவே: ॥3॥
ஸ்வாரோசிஷேந்தரே பூர்வம் சைத்ரவம்ஶஸமுத்³ப⁴வ:। ஸுரதோ² நாம ராஜாபூ⁴த் ஸமஸ்தே க்ஷிதிமண்ட³லே ॥4॥
தஸ்ய பாலயத: ஸம்யக் ப்ரஜா: புத்ரானிவௌரஸான்। ப³பூ⁴வு: ஶத்ரவோ பூ⁴பா: கோலாவித்⁴வம்ஸினஸ்ததா³ ॥5॥
தஸ்ய தைரப⁴வத்³யுத்³த⁴ம் அதிப்ரப³லத³ண்டி³ன:। ந்யூனைரபி ஸ தைர்யுத்³தே⁴ கோலாவித்⁴வம்ஸிபி⁴ர்ஜித: ॥6॥
தத: ஸ்வபுரமாயாதோ நிஜதே³ஶாதி⁴போப⁴வத்। ஆக்ராந்த: ஸ மஹாபா⁴க³ஸ்தைஸ்ததா³ ப்ரப³லாரிபி⁴: ॥7॥
அமாத்யைர்ப³லிபி⁴ர்து³ஷ்டை ர்து³ர்ப³லஸ்ய து³ராத்மபி⁴:। கோஶோ ப³லம் சாபஹ்ருதம் தத்ராபி ஸ்வபுரே தத: ॥8॥
ததோ ம்ருக³யாவ்யாஜேன ஹ்ருதஸ்வாம்ய: ஸ பூ⁴பதி:। ஏகாகீ ஹயமாருஹ்ய ஜகா³ம க³ஹனம் வனம் ॥9॥
ஸதத்ராஶ்ரமமத்³ராக்ஷீ த்³த்³விஜவர்யஸ்ய மேத⁴ஸ:। ப்ரஶாந்தஶ்வாபதா³கீர்ண முனிஶிஷ்யோபஶோபி⁴தம் ॥1௦॥
தஸ்தௌ² கஞ்சித்ஸ காலம் ச முனினா தேன ஸத்க்ருத:। இதஶ்சேதஶ்ச விசரம்ஸ்தஸ்மின் முனிவராஶ்ரமே॥11॥
ஸோசிந்தயத்ததா³ தத்ர மமத்வாக்ருஷ்டசேதன:। ॥12॥
மத்பூர்வை: பாலிதம் பூர்வம் மயாஹீனம் புரம் ஹி தத் மத்³ப்⁴ருத்யைஸ்தைரஸத்³வ்ருத்தை: ர்த⁴ர்மத: பால்யதே ந வா ॥13॥
ந ஜானே ஸ ப்ரதா⁴னோ மே ஶூர ஹஸ்தீஸதா³மத³: மம வைரிவஶம் யாத: கான்போ⁴கா³னுபலப்ஸ்யதே ॥14॥
யே மமானுக³தா நித்யம் ப்ரஸாத³த⁴னபோ⁴ஜனை: அனுவ்ருத்திம் த்⁴ருவம் தேத்³ய குர்வந்த்யன்யமஹீப்⁴ருதாம் ॥15॥
அஸம்யக்³வ்யயஶீலைஸ்தை: குர்வத்³பி⁴: ஸததம் வ்யயம் ஸஞ்சித: ஸோதிது³:கே²ன க்ஷயம் கோஶோ க³மிஷ்யதி ॥16॥
ஏதச்சான்யச்ச ஸததம் சிந்தயாமாஸ பார்தி²வ: தத்ர விப்ராஶ்ரமாப்⁴யாஶே வைஶ்யமேகம் த³த³ர்ஶ ஸ: ॥17॥
ஸ ப்ருஷ்டஸ்தேன கஸ்த்வம் போ⁴ ஹேதுஶ்ச ஆக³மனேத்ர க: ஸஶோக இவ கஸ்மாத்வம் து³ர்மனா இவ லக்ஷ்யஸே। ॥18॥
இத்யாகர்ண்ய வசஸ்தஸ்ய பூ⁴பதே: ப்ரணாயோதி³தம் ப்ரத்யுவாச ஸ தம் வைஶ்ய: ப்ரஶ்ரயாவனதோ ந்ருபம்॥19॥
வைஶ்ய உவாச
2௦
ஸமாதி⁴ர்னாம வைஶ்யோஹமுத்பன்னோ த⁴னினாம் குலே புத்ரதா³ரைர்னிரஸ்தஶ்ச த⁴னலோபா⁴த்³ அஸாது⁴பி⁴:॥21॥
விஹீனஶ்ச த⁴னைதா³ரை: புத்ரைராதா³ய மே த⁴னம்। வனமப்⁴யாக³தோ து³:கீ² நிரஸ்தஶ்சாப்தப³ந்து⁴பி⁴:॥22॥
ஸோஹம் ந வேத்³மி புத்ராணாம் குஶலாகுஶலாத்மிகாம்। ப்ரவ்ருத்திம் ஸ்வஜனானாம் ச தா³ராணாம் சாத்ர ஸம்ஸ்தி²த:॥23॥
கிம் நு தேஷாம் க்³ருஹே க்ஷேமம் அக்ஷேமம் கிம்னு ஸாம்ப்ரதம் கத²ம் தேகிம்னுஸத்³வ்ருத்தா து³ர்வ்ருத்தா கிம்னுமேஸுதா:॥24॥
ராஜோவாச॥25॥
யைர்னிரஸ்தோ ப⁴வாம்ல்லுப்³தை⁴: புத்ரதா³ராதி³பி⁴ர்த⁴னை:॥26॥
தேஷு கிம் ப⁴வத: ஸ்னேஹ மனுப³த்⁴னாதி மானஸம்॥27॥
வைஶ்ய உவாச
28
ஏவமேதத்³யதா² ப்ராஹ ப⁴வானஸ்மத்³க³தம் வச: கிம் கரோமி ந ப³த்⁴னாதி மம நிஷ்டுரதாம் மன:॥29॥
ஐ: ஸந்த்யஜ்ய பித்ருஸ்னேஹம் த⁴ன லுப்³தை⁴ர்னிராக்ருத: பதி:ஸ்வஜனஹார்த³ம் ச ஹார்தி³தேஷ்வேவ மே மன:। ॥3௦॥
கிமேதன்னாபி⁴ஜானாமி ஜானன்னபி மஹாமதே யத்ப்ரேம ப்ரவணம் சித்தம் விகு³ணேஷ்வபி ப³ந்து⁴ஷு॥31॥
தேஷாம் க்ருதே மே நி:ஶ்வாஸோ தௌ³ர்மனஸ்யம் சஜாயதே॥32॥
அரோமி கிம் யன்ன மனஸ்தேஷ்வப்ரீதிஷு நிஷ்டு²ரம் ॥33॥
மார்கண்டே³ய உவாச
34
ததஸ்தௌ ஸஹிதௌ விப்ர தம்முனிம் ஸமுபஸ்தி²தௌ॥35॥
ஸமாதி⁴ர்னாம வைஶ்யோஸௌ ஸ ச பார்தி⁴வ ஸத்தம:॥36॥
க்ருத்வா து தௌ யதா²ன்யாய்யம் யதா²ர்ஹம் தேன ஸம்வித³ம்। உபவிஷ்டௌ கதா²: காஶ்சித்ச்சக்ரதுர்வைஶ்யபார்தி⁴வௌ॥37॥
ராஜோவாச ॥38॥
ப⁴க³வ்ம்ஸ்த்வாமஹம் ப்ரஷ்டுமிச்சா²ம்யேகம் வத³ஸ்வதத் ॥39॥
து³:கா²ய யன்மே மனஸ: ஸ்வசித்தாயத்ததாம் வினா॥4௦॥
மமத்வம் க³தராஜ்யஸ்ய ராஜ்யாங்கே³ஷ்வகி²லேஷ்வபி । ஜானதோபி யதா²ஜ்ஞஸ்ய கிமேதன்முனிஸத்தம ॥ 41 ॥
அயம் ச இக்ருத: புத்ரை: தா³ரைர்ப்⁴ருத்யைஸ்ததோ²ஜ்கி⁴த: ஸ்வஜனேன ச ஸந்த்யக்த: ஸ்தேஷு ஹார்தீ³ ததா²ப்யதி ॥42॥
ஏவ மேஷ ததா²ஹம் ச த்³வாவப்த்யந்தது³:கி²தௌ। த்³ருஷ்டதோ³ஷேபி விஷயே மமத்வாக்ருஷ்டமானஸௌ ॥43॥
தத்கேனைதன்மஹாபா⁴க³ யன்மோஹொ ஜ்ஞானினோரபி மமாஸ்ய ச ப⁴வத்யேஷா விவேகாந்த⁴ஸ்ய மூட⁴தா ॥44॥
ருஷிருவாச॥45॥
ஜ்ஞான மஸ்தி ஸமஸ்தஸ்ய ஜந்தோர்வ்ஷய கோ³சரே। விஷயஶ்ச மஹாபா⁴க³ யாந்தி சைவம் ப்ருத²க்ப்ருத²க்॥46॥
கேசித்³தி³வா ததா² ராத்ரௌ ப்ராணின: ஸ்துல்யத்³ருஷ்டய: ॥47॥
ஜ்ஞானினோ மனுஜா: ஸத்யம் கிம் து தே ந ஹி கேவலம்। யதோ ஹி ஜ்ஞானின: ஸர்வே பஶுபக்ஷிம்ருகா³த³ய:॥48॥
ஜ்ஞானம் ச தன்மனுஷ்யாணாம் யத்தேஷாம் ம்ருக³பக்ஷிணாம் மனுஷ்யாணாம் ச யத்தேஷாம் துல்யமன்யத்ததோ²ப⁴யோ:॥49॥
ஜ்ஞானேபி ஸதி பஶ்யைதான் பதகா³ஞ்சா²ப³சஞ்சுஷு। கணமோக்ஷாத்³ருதான் மோஹாத்பீட்³யமானானபி க்ஷுதா⁴॥5௦॥
மானுஷா மனுஜவ்யாக்⁴ர ஸாபி⁴லாஷா: ஸுதான் ப்ரதி லோபா⁴த் ப்ரத்யுபகாராய நன்வேதான் கிம் ந பஶ்யஸி॥51॥
ததா²பி மமதாவர்தே மோஹக³ர்தே நிபாதிதா: மஹாமாயா ப்ரபா⁴வேண ஸம்ஸாரஸ்தி²திகாரிணா॥52॥
தன்னாத்ர விஸ்மய: கார்யோ யோக³னித்³ரா ஜக³த்பதே:। மஹாமாயா ஹரேஶ்சைஷா தயா ஸம்மோஹ்யதே ஜக³த்॥53॥
ஜ்ஙானினாமபி சேதாம்ஸி தே³வீ ப⁴க³வதீ ஹி ஸா ப³லாதா³க்ற்ஷ்யமோஹாய மஹாமாயா ப்ரயச்ச²தி ॥54॥
தயா விஸ்ருஜ்யதே விஶ்வம் ஜக³தே³தச்சராசரம் । ஸைஷா ப்ரஸன்னா வரதா³ ந்ருணாம் ப⁴வதி முக்தயே ॥55॥
ஸா வித்³யா பரமா முக்தேர்ஹேதுபூ⁴தா ஸனாதனீ ஸம்ஸாரப³ந்த⁴ஹேதுஶ்ச ஸைவ ஸர்வேஶ்வரேஶ்வரீ॥56॥
ராஜோவாச॥57॥
ப⁴க³வன் காஹி ஸா தே³வீ மாமாயேதி யாம் ப⁴வான் । ப்³ரவீதி கத²முத்பன்னா ஸா கர்மாஸ்யாஶ்ச கிம் த்³விஜ॥58॥
யத்ப்ரபா⁴வா ச ஸா தே³வீ யத்ஸ்வரூபா யது³த்³ப⁴வா। தத்ஸர்வம் ஶ்ரோதுமிச்சா²மி த்வத்தோ ப்³ரஹ்மவிதா³ம் வர॥59॥
ருஷிருவாச
6௦
நித்யைவ ஸா ஜக³ன்மூர்திஸ்தயா ஸர்வமித³ம் ததம்॥61॥
ததா²பி தத்ஸமுத்பத்திர்ப³ஹுதா⁴ ஶ்ரூயதாம் மம:॥62॥
தே³வானாம் கார்யஸித்³த்⁴யர்த²ம் ஆவிர்ப⁴வதி ஸா யதா³। உத்பன்னேதி ததா³ லோகே ஸா நித்யாப்யபி⁴தீ⁴யதே ॥63॥
யோக³னித்³ராம் யதா³ விஷ்ணுர்ஜக³த்யேகார்ணவீக்ருதே। ஆஸ்தீர்ய ஶேஷமப⁴ஜத் கல்பாந்தே ப⁴க³வான் ப்ரபு⁴:॥64॥
ததா³ த்³வாவஸுரௌ கோ⁴ரௌ விக்²யாதௌ மது⁴கைடபௌ⁴। விஷ்ணுகர்ணமலோத்³பூ⁴தௌ ஹந்தும் ப்³ரஹ்மாணமுத்³யதௌ॥65॥
ஸ நாபி⁴ கமலே விஷ்ணோ: ஸ்தி²தோ ப்³ரஹ்மா ப்ரஜாபதி: த்³ருஷ்ட்வா தாவஸுரௌ சோக்³ரௌ ப்ரஸுப்தம் ச ஜனார்த³னம்॥66॥
துஷ்டாவ யோக³னித்³ராம் தாமேகாக்³ரஹ்ருத³ய: ஸ்தி²த: விபோ³த⁴னார்தா⁴ய ஹரேர்ஹரினேத்ரக்ருதாலயாம் ॥67॥
விஶ்வேஶ்வரீம் ஜக³த்³தா⁴த்ரீம் ஸ்தி²திஸம்ஹாரகாரிணீம்। நித்³ராம் ப⁴க³வதீம் விஷ்ணோரதுலாம் தேஜஸ: ப்ரபு⁴: ॥68॥
ப்³ரஹ்மோவாச ॥69॥
த்வம் ஸ்வாஹா த்வம் ஸ்வதா⁴ த்வம்ஹி வஷட்கார: ஸ்வராத்மிகா। ஸுதா⁴ த்வமக்ஷரே நித்யே த்ரிதா⁴ மாத்ராத்மிகா ஸ்தி²தா॥7௦॥
அர்த⁴மாத்ரா ஸ்தி²தா நித்யா யானுச்சார்யாவிஶேஷத: த்வமேவ ஸா த்வம் ஸாவித்ரீ த்வம் தே³வ ஜனனீ பரா ॥71॥
த்வயைதத்³தா⁴ர்யதே விஶ்வம் த்வயைதத் ஸ்ருஜ்யதே ஜக³த்। த்வயைதத் பால்யதே தே³வி த்வமத்ஸ்யந்தே ச ஸர்வதா³॥72॥
விஸ்ருஷ்டௌ ஸ்ருஷ்டிரூபாத்வம் ஸ்தி²தி ரூபா ச பாலனே। ததா² ஸம்ஹ்ருதிரூபாந்தே ஜக³தோஸ்ய ஜக³ன்மயே ॥73॥
மஹாவித்³யா மஹாமாயா மஹாமேதா⁴ மஹாஸ்ம்ருதி:। மஹாமோஹா ச ப⁴வதீ மஹாதே³வீ மஹாஸுரீ ॥74॥
ப்ரக்ருதிஸ்த்வம் ச ஸர்வஸ்ய கு³ணத்ரய விபா⁴வினீ। காளராத்ரிர்மஹாராத்ரிர்மோஹராத்ரிஶ்ச தா³ருணா॥75॥
த்வம் ஶ்ரீஸ்த்வமீஶ்வரீ த்வம் ஹ்ரீஸ்த்வம் பு³த்³தி⁴ர்போ⁴த⁴லக்ஷணா। லஜ்ஜாபுஷ்டிஸ்ததா² துஷ்டிஸ்த்வம் ஶாந்தி: க்ஷாந்தி ரேவ ச॥76॥
க²ட்³கி³னீ ஶூலினீ கோ⁴ரா க³தி³னீ சக்ரிணீ ததா²। ஶங்கி²ணீ சாபினீ பா³ணாபு⁴ஶுண்டீ³பரிகா⁴யுதா⁴॥77॥
ஸௌம்யா ஸௌம்யதராஶேஷஸௌம்யேப்⁴யஸ்த்வதிஸுந்த³ரீ பராபராணாம் பரமா த்வமேவ பரமேஶ்வரீ॥78॥
யச்ச கிஞ்சித்க்வசித்³வஸ்து ஸத³ஸத்³வாகி²லாத்மிகே। தஸ்ய ஸர்வஸ்ய யா ஶக்தி: ஸா த்வம் கிம் ஸ்தூயஸேமயா॥79॥
யயா த்வயா ஜக³த் ஸ்ரஷ்டா ஜக³த்பாதாத்தி யோ ஜக³த்। ஸோபி நித்³ராவஶம் நீத: கஸ்த்வாம் ஸ்தோதுமிஹேஶ்வர:॥8௦॥
விஷ்ணு: ஶரீரக்³ரஹணம் அஹமீஶான ஏவ ச காரிதாஸ்தே யதோதஸ்த்வாம் க: ஸ்தோதும் ஶக்திமான் ப⁴வேத்॥81॥
ஸா த்வமித்த²ம் ப்ரபா⁴வை: ஸ்வைருதா³ரைர்தே³வி ஸம்ஸ்துதா। மோஹயைதௌ து³ராத⁴ர்ஷாவஸுரௌ மது⁴கைடபௌ⁴ ॥82॥
ப்ரபோ³த⁴ம் ச ஜக³த்ஸ்வாமீ நீயதாமச்யுதா லகு⁴ ॥83॥ போ³த⁴ஶ்ச க்ரியதாமஸ்ய ஹந்துமேதௌ மஹாஸுரௌ ॥83॥
ருஷிருவாச
84
ஏவம் ஸ்துதா ததா³ தே³வீ தாமஸீ தத்ர வேத⁴ஸா விஷ்ணோ: ப்ரபோ⁴த⁴னார்தா⁴ய நிஹந்தும் மது⁴கைடபௌ⁴ ॥85॥
நேத்ராஸ்யனாஸிகாபா³ஹுஹ்ருத³யேப்⁴யஸ்ததோ²ரஸ:। நிர்க³ம்ய த³ர்ஶனே தஸ்தௌ² ப்³ரஹ்மணோ அவ்யக்தஜன்மன: ॥86॥
உத்தஸ்தௌ² ச ஜக³ன்னாத²: ஸ்தயா முக்தோ ஜனார்த³ன:। ஏகார்ணவே அஹிஶயனாத்தத: ஸ த³த்³ருஶே ச தௌ ॥87॥
மது⁴கைடபௌ⁴ து³ராத்மானா வதிவீர்யபராக்ரமௌ க்ரோத⁴ரக்தேக்ஷணாவத்தும் ப்³ரஹ்மணாம் ஜனிதோத்³யமௌ ॥88॥
ஸமுத்தா²ய ததஸ்தாப்⁴யாம் யுயுதே⁴ ப⁴க³வான் ஹரி: பஞ்சவர்ஷஸஹஸ்த்ராணி பா³ஹுப்ரஹரணோ விபு⁴: ॥89॥
தாவப்யதிப³லோன்மத்தௌ மஹாமாயாவிமோஹிதௌ ॥9௦॥
உக்தவந்தௌ வரோஸ்மத்தோ வ்ரியதாமிதி கேஶவம் ॥91॥
ஶ்ரீ ப⁴க³வானுவாச
92
ப⁴வேதாமத்³ய மே துஷ்டௌ மம வத்⁴யாவுபா⁴வபி ॥93॥
கிமன்யேன வரேணாத்ர ஏதாவ்ருத்³தி³ வ்ருதம் மம ॥94॥
ருஷிருவாச
95
வஞ்சிதாப்⁴யாமிதி ததா³ ஸர்வமாபோமயம் ஜக³த்। விலோக்ய தாப்⁴யாம் க³தி³தோ ப⁴க³வான் கமலேக்ஷண: ॥96॥
ஆவாம் ஜஹி ந யத்ரோர்வீ ஸலிலேன பரிப்லுதா। ॥97॥
ருஷிருவாச
98
ததே²த்யுக்த்வா ப⁴க³வதா ஶங்க²சக்ரக³தா³ப்⁴ருதா। க்ருத்வா சக்ரேண வை சி²ன்னே ஜக⁴னே ஶிரஸீ தயோ: ॥99॥
ஏவமேஷா ஸமுத்பன்னா ப்³ரஹ்மணா ஸம்ஸ்துதா ஸ்வயம்। ப்ரபா⁴வமஸ்யா தே³வ்யாஸ்து பூ⁴ய: ஶ்ருணு வதா³மி தே ॥1௦௦॥
॥ ஜய ஜய ஶ்ரீ ஸ்வஸ்தி ஶ்ரீமார்கண்டே³யபுராணே ஸாவர்ணிகே மன்வந்தரே தே³வீமஹாத்ம்யே மது⁴கைடப⁴வதோ⁴ நாம ப்ரத⁴மோத்⁴யாய: ॥
ஆஹுதி
ஓம் ஏம் ஸாங்கா³யை ஸாயுதா⁴யை ஸஶக்திகாயை ஸபரிவாராயை ஸவாஹனாயை ஏம் பீ³ஜாதி⁴ஷ்டாயை மஹா காளிகாயை மஹா அஹுதிம் ஸமர்பயாமி நம: ஸ்வாஹா ॥
தே³வீ மாஹாத்ம்யம் து³ர்கா³ ஸப்தஶதி ப்ரத²மோத்⁴யாய: பற்றி
The first chapter of the Devi Mahatmyam (Durga Saptashati), "the slaying of Madhu and Kaitabha", opens the first of its three stories, with Mahakali as its deity. King Suratha, who has lost his kingdom, and the merchant Samadhi, cast out by his family, meet in the forest hermitage of the sage Medhas and ask why their minds still cling to those who wronged them. The sage explains the power of Mahamaya, and tells how, when Vishnu lay in yogic sleep at the end of an age, the demons Madhu and Kaitabha rose to kill Brahma; Brahma praised the Goddess as Yoganidra, she withdrew from Vishnu, and he awoke and slew the demons.
மூலம்: Markandeya Purana (Devi Mahatmyam)
எப்போது பாராயணம் செய்வது: During Navaratri, on Ashtami and Navami, and in Chandi parayana.
உங்களுக்குத் தெரியுமா?
- Brahma's hymn to Yoganidra in this chapter, beginning "Tvam svaha tvam svadha", is often recited on its own.
- This text includes the viniyoga and the closing homa offerings used in Chandi parayana and homa.
இந்தப் பண்டிகைகளில் பாராயணம் செய்யப்படுகிறது
அடிக்கடி கேட்கப்படும் கேள்விகள்
Which demons are slain in chapter 1?
Madhu and Kaitabha.
Who tells the story?
The sage Medhas, to King Suratha and the merchant Samadhi.
Who is the deity of the first story?
Mahakali.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்