MuhurtaNow

தே³வீ மாஹாத்ம்யம் து³ர்கா³ ஸப்தஶதி அஷ்டமோத்⁴யாய:

Devi · பாரம்பரிய பக்தி நூல்

ರಕ್ತಬೀಜವಧೋ ನಾಮ ಅಷ್ಟಮೋಧ್ಯಾಯ ॥

ಧ್ಯಾನಂ ಅರುಣಾಂ ಕರುಣಾ ತರಂಗಿತಾಕ್ಷೀಂ ಧೃತಪಾಶಾಂಕುಶ ಪುಷ್ಪಬಾಣಚಾಪಾಮ್ । ಅಣಿಮಾಧಿಭಿರಾವೃತಾಂ ಮಯೂಖೈ ರಹಮಿತ್ಯೇವ ವಿಭಾವಯೇ ಭವಾನೀಮ್ ॥

ಋಷಿರುವಾಚ

1

ಚಂಡೇ ಚ ನಿಹತೇ ದೈತ್ಯೇ ಮುಂಡೇ ಚ ವಿನಿಪಾತಿತೇ । ಬಹುಳೇಷು ಚ ಸೈನ್ಯೇಷು ಕ್ಷಯಿತೇಷ್ವಸುರೇಶ್ವರಃ ॥ 2 ॥

ತತಃ ಕೋಪಪರಾಧೀನಚೇತಾಃ ಶುಂಭಃ ಪ್ರತಾಪವಾನ್ । ಉದ್ಯೋಗಂ ಸರ್ವ ಸೈನ್ಯಾನಾಂ ದೈತ್ಯಾನಾಮಾದಿದೇಶ ಹ ॥3॥

ಅದ್ಯ ಸರ್ವ ಬಲೈರ್ದೈತ್ಯಾಃ ಷಡಶೀತಿರುದಾಯುಧಾಃ । ಕಂಬೂನಾಂ ಚತುರಶೀತಿರ್ನಿರ್ಯಾಂತು ಸ್ವಬಲೈರ್ವೃತಾಃ ॥4॥

ಕೋಟಿವೀರ್ಯಾಣಿ ಪಂಚಾಶದಸುರಾಣಾಂ ಕುಲಾನಿ ವೈ । ಶತಂ ಕುಲಾನಿ ಧೌಮ್ರಾಣಾಂ ನಿರ್ಗಚ್ಛಂತು ಮಮಾಜ್ಞಯಾ ॥5॥

ಕಾಲಕಾ ದೌರ್ಹೃದಾ ಮೌರ್ವಾಃ ಕಾಳಿಕೇಯಾಸ್ತಥಾಸುರಾಃ । ಯುದ್ಧಾಯ ಸಜ್ಜಾ ನಿರ್ಯಾಂತು ಆಜ್ಞಯಾ ತ್ವರಿತಾ ಮಮ ॥6॥

ಇತ್ಯಾಜ್ಞಾಪ್ಯಾಸುರಾಪತಿಃ ಶುಂಭೋ ಭೈರವಶಾಸನಃ । ನಿರ್ಜಗಾಮ ಮಹಾಸೈನ್ಯಸಹಸ್ತ್ರೈರ್ಭಹುಭಿರ್ವೃತಃ ॥7॥

ಆಯಾಂತಂ ಚಂಡಿಕಾ ದೃಷ್ಟ್ವಾ ತತ್ಸೈನ್ಯಮತಿಭೀಷಣಮ್ । ಜ್ಯಾಸ್ವನೈಃ ಪೂರಯಾಮಾಸ ಧರಣೀಗಗನಾಂತರಂ ॥8॥

ತತಃಸಿಂಹೊ ಮಹಾನಾದಮತೀವ ಕೃತವಾನ್ನೃಪ । ಘಂಟಾಸ್ವನೇನ ತಾನ್ನಾದಾನಂಬಿಕಾ ಚೋಪಬೃಂಹಯತ್ ॥9॥

ಧನುರ್ಜ್ಯಾಸಿಂಹಘಂಟಾನಾಂ ನಾದಾಪೂರಿತದಿಙ್ಮುಖಾ । ನಿನಾದೈರ್ಭೀಷಣೈಃ ಕಾಳೀ ಜಿಗ್ಯೇ ವಿಸ್ತಾರಿತಾನನಾ ॥10॥

ತಂ ನಿನಾದಮುಪಶ್ರುತ್ಯ ದೈತ್ಯ ಸೈನ್ಯೈಶ್ಚತುರ್ದಿಶಮ್ । ದೇವೀ ಸಿಂಹಸ್ತಥಾ ಕಾಳೀ ಸರೋಷೈಃ ಪರಿವಾರಿತಾಃ॥11॥

ಏತಸ್ಮಿನ್ನಂತರೇ ಭೂಪ ವಿನಾಶಾಯ ಸುರದ್ವಿಷಾಮ್ । ಭವಾಯಾಮರಸಿಂಹನಾಮತಿವೀರ್ಯಬಲಾನ್ವಿತಾಃ ॥12॥

ಬ್ರಹ್ಮೇಶಗುಹವಿಷ್ಣೂನಾಂ ತಥೇಂದ್ರಸ್ಯ ಚ ಶಕ್ತಯಃ । ಶರೀರೇಭ್ಯೋವಿನಿಷ್ಕ್ರಮ್ಯ ತದ್ರೂಪೈಶ್ಚಂಡಿಕಾಂ ಯಯುಃ ॥13॥

ಯಸ್ಯ ದೇವಸ್ಯ ಯದ್ರೂಪಂ ಯಥಾ ಭೂಷಣವಾಹನಮ್ । ತದ್ವದೇವ ಹಿ ತಚ್ಚಕ್ತಿರಸುರಾನ್ಯೋದ್ಧುಮಾಯಮೌ ॥14॥

ಹಂಸಯುಕ್ತವಿಮಾನಾಗ್ರೇ ಸಾಕ್ಷಸೂತ್ರಕ ಮಂಡಲುಃ । ಆಯಾತಾ ಬ್ರಹ್ಮಣಃ ಶಕ್ತಿಬ್ರಹ್ಮಾಣೀ ತ್ಯಭಿಧೀಯತೇ ॥15॥

ಮಹೇಶ್ವರೀ ವೃಷಾರೂಢಾ ತ್ರಿಶೂಲವರಧಾರಿಣೀ । ಮಹಾಹಿವಲಯಾ ಪ್ರಾಪ್ತಾಚಂದ್ರರೇಖಾವಿಭೂಷಣಾ ॥16॥

ಕೌಮಾರೀ ಶಕ್ತಿಹಸ್ತಾ ಚ ಮಯೂರವರವಾಹನಾ । ಯೋದ್ಧುಮಭ್ಯಾಯಯೌ ದೈತ್ಯಾನಂಬಿಕಾ ಗುಹರೂಪಿಣೀ ॥17॥

ತಥೈವ ವೈಷ್ಣವೀ ಶಕ್ತಿರ್ಗರುಡೋಪರಿ ಸಂಸ್ಥಿತಾ । ಶಂಖಚಕ್ರಗಧಾಶಾಂಖರ್ ಖಡ್ಗಹಸ್ತಾಭ್ಯುಪಾಯಯೌ ॥18॥

ಯಜ್ಞವಾರಾಹಮತುಲಂ ರೂಪಂ ಯಾ ಭಿಭ್ರತೋ ಹರೇಃ । ಶಕ್ತಿಃ ಸಾಪ್ಯಾಯಯೌ ತತ್ರ ವಾರಾಹೀಂ ಬಿಭ್ರತೀ ತನುಂ ॥19॥

ನಾರಸಿಂಹೀ ನೃಸಿಂಹಸ್ಯ ಬಿಭ್ರತೀ ಸದೃಶಂ ವಪುಃ । ಪ್ರಾಪ್ತಾ ತತ್ರ ಸಟಾಕ್ಷೇಪಕ್ಷಿಪ್ತನಕ್ಷತ್ರ ಸಂಹತಿಃ ॥20॥

ವಜ್ರ ಹಸ್ತಾ ತಥೈವೈಂದ್ರೀ ಗಜರಾಜೋ ಪರಿಸ್ಥಿತಾ । ಪ್ರಾಪ್ತಾ ಸಹಸ್ರ ನಯನಾ ಯಥಾ ಶಕ್ರಸ್ತಥೈವ ಸಾ ॥21॥

ತತಃ ಪರಿವೃತ್ತಸ್ತಾಭಿರೀಶಾನೋ ದೇವ ಶಕ್ತಿಭಿಃ । ಹನ್ಯಂತಾಮಸುರಾಃ ಶೀಘ್ರಂ ಮಮ ಪ್ರೀತ್ಯಾಹ ಚಂಡಿಕಾಂ ॥22॥

ತತೋ ದೇವೀ ಶರೀರಾತ್ತು ವಿನಿಷ್ಕ್ರಾಂತಾತಿಭೀಷಣಾ । ಚಂಡಿಕಾ ಶಕ್ತಿರತ್ಯುಗ್ರಾ ಶಿವಾಶತನಿನಾದಿನೀ ॥23॥

ಸಾ ಚಾಹ ಧೂಮ್ರಜಟಿಲಂ ಈಶಾನಮಪರಾಜಿತಾ । ದೂತತ್ವಂ ಗಚ್ಛ ಭಗವನ್ ಪಾರ್ಶ್ವಂ ಶುಂಭನಿಶುಂಭಯೋಃ ॥24॥

ಬ್ರೂಹಿ ಶುಂಭಂ ನಿಶುಂಭಂ ಚ ದಾನವಾವತಿಗರ್ವಿತೌ । ಯೇ ಚಾನ್ಯೇ ದಾನವಾಸ್ತತ್ರ ಯುದ್ಧಾಯ ಸಮುಪಸ್ಥಿತಾಃ ॥25॥

ತ್ರೈಲೋಕ್ಯಮಿಂದ್ರೋ ಲಭತಾಂ ದೇವಾಃ ಸಂತು ಹವಿರ್ಭುಜಃ । ಯೂಯಂ ಪ್ರಯಾತ ಪಾತಾಳಂ ಯದಿ ಜೀವಿತುಮಿಚ್ಛಥ ॥26॥

ಬಲಾವಲೇಪಾದಥ ಚೇದ್ಭವಂತೋ ಯುದ್ಧಕಾಂಕ್ಷಿಣಃ । ತದಾ ಗಚ್ಛತ ತೃಪ್ಯಂತು ಮಚ್ಛಿವಾಃ ಪಿಶಿತೇನ ವಃ ॥27॥

ಯತೋ ನಿಯುಕ್ತೋ ದೌತ್ಯೇನ ತಯಾ ದೇವ್ಯಾ ಶಿವಃ ಸ್ವಯಮ್ । ಶಿವದೂತೀತಿ ಲೋಕೇಽಸ್ಮಿಂಸ್ತತಃ ಸಾ ಖ್ಯಾತಿ ಮಾಗತಾ ॥28॥

ತೇಽಪಿ ಶ್ರುತ್ವಾ ವಚೋ ದೇವ್ಯಾಃ ಶರ್ವಾಖ್ಯಾತಂ ಮಹಾಸುರಾಃ । ಅಮರ್ಷಾಪೂರಿತಾ ಜಗ್ಮುರ್ಯತ್ರ ಕಾತ್ಯಾಯನೀ ಸ್ಥಿತಾ ॥29॥

ತತಃ ಪ್ರಥಮಮೇವಾಗ್ರೇ ಶರಶಕ್ತ್ಯೃಷ್ಟಿವೃಷ್ಟಿಭಿಃ । ವವರ್ಷುರುದ್ಧತಾಮರ್ಷಾಃ ಸ್ತಾಂ ದೇವೀಮಮರಾರಯಃ ॥30॥

ಸಾ ಚ ತಾನ್ ಪ್ರಹಿತಾನ್ ಬಾಣಾನ್ ಂಛೂಲಶಕ್ತಿಪರಶ್ವಧಾನ್ । ಚಿಚ್ಛೇದ ಲೀಲಯಾಧ್ಮಾತಧನುರ್ಮುಕ್ತೈರ್ಮಹೇಷುಭಿಃ ॥31॥

ತಸ್ಯಾಗ್ರತಸ್ತಥಾ ಕಾಳೀ ಶೂಲಪಾತವಿದಾರಿತಾನ್ । ಖಟ್ವಾಂಗಪೋಥಿತಾಂಶ್ಚಾರೀನ್ಕುರ್ವಂತೀ ವ್ಯಚರತ್ತದಾ ॥32॥

ಕಮಂಡಲುಜಲಾಕ್ಷೇಪಹತವೀರ್ಯಾನ್ ಹತೌಜಸಃ । ಬ್ರಹ್ಮಾಣೀ ಚಾಕರೋಚ್ಛತ್ರೂನ್ಯೇನ ಯೇನ ಸ್ಮ ಧಾವತಿ ॥33॥

ಮಾಹೇಶ್ವರೀ ತ್ರಿಶೂಲೇನ ತಥಾ ಚಕ್ರೇಣ ವೈಷ್ಣವೀ । ದೈತ್ಯಾಙ್ಜಘಾನ ಕೌಮಾರೀ ತಥಾ ಶತ್ಯಾತಿ ಕೋಪನಾ ॥34॥

ಐಂದ್ರೀ ಕುಲಿಶಪಾತೇನ ಶತಶೋ ದೈತ್ಯದಾನವಾಃ । ಪೇತುರ್ವಿದಾರಿತಾಃ ಪೃಥ್ವ್ಯಾಂ ರುಧಿರೌಘಪ್ರವರ್ಷಿಣಃ ॥35॥

ತುಂಡಪ್ರಹಾರವಿಧ್ವಸ್ತಾ ದಂಷ್ಟ್ರಾ ಗ್ರಕ್ಷತ ವಕ್ಷಸಃ । ವಾರಾಹಮೂರ್ತ್ಯಾ ನ್ಯಪತಂಶ್ಚಕ್ರೇಣ ಚ ವಿದಾರಿತಾಃ ॥36॥

ನಖೈರ್ವಿದಾರಿತಾಂಶ್ಚಾನ್ಯಾನ್ ಭಕ್ಷಯಂತೀ ಮಹಾಸುರಾನ್ । ನಾರಸಿಂಹೀ ಚಚಾರಾಜೌ ನಾದಾ ಪೂರ್ಣದಿಗಂಬರಾ ॥37॥

ಚಂಡಾಟ್ಟಹಾಸೈರಸುರಾಃ ಶಿವದೂತ್ಯಭಿದೂಷಿತಾಃ । ಪೇತುಃ ಪೃಥಿವ್ಯಾಂ ಪತಿತಾಂಸ್ತಾಂಶ್ಚಖಾದಾಥ ಸಾ ತದಾ ॥38॥

ಇತಿ ಮಾತೃ ಗಣಂ ಕ್ರುದ್ಧಂ ಮರ್ದ ಯಂತಂ ಮಹಾಸುರಾನ್ । ದೃಷ್ಟ್ವಾಭ್ಯುಪಾಯೈರ್ವಿವಿಧೈರ್ನೇಶುರ್ದೇವಾರಿಸೈನಿಕಾಃ ॥39॥

ಪಲಾಯನಪರಾಂದೃಷ್ಟ್ವಾ ದೈತ್ಯಾನ್ಮಾತೃಗಣಾರ್ದಿತಾನ್ । ಯೋದ್ಧುಮಭ್ಯಾಯಯೌ ಕ್ರುದ್ಧೋ ರಕ್ತಬೀಜೋ ಮಹಾಸುರಃ ॥40॥

ರಕ್ತಬಿಂದುರ್ಯದಾ ಭೂಮೌ ಪತತ್ಯಸ್ಯ ಶರೀರತಃ । ಸಮುತ್ಪತತಿ ಮೇದಿನ್ಯಾಂ ತತ್ಪ್ರಮಾಣೋ ಮಹಾಸುರಃ ॥41॥

ಯುಯುಧೇ ಸ ಗದಾಪಾಣಿರಿಂದ್ರಶಕ್ತ್ಯಾ ಮಹಾಸುರಃ । ತತಶ್ಚೈಂದ್ರೀ ಸ್ವವಜ್ರೇಣ ರಕ್ತಬೀಜಮತಾಡಯತ್ ॥42॥

ಕುಲಿಶೇನಾಹತಸ್ಯಾಶು ಬಹು ಸುಸ್ರಾವ ಶೋಣಿತಮ್ । ಸಮುತ್ತಸ್ಥುಸ್ತತೋ ಯೋಧಾಸ್ತದ್ರಪಾಸ್ತತ್ಪರಾಕ್ರಮಾಃ ॥43॥

ಯಾವಂತಃ ಪತಿತಾಸ್ತಸ್ಯ ಶರೀರಾದ್ರಕ್ತಬಿಂದವಃ । ತಾವಂತಃ ಪುರುಷಾ ಜಾತಾಃ ಸ್ತದ್ವೀರ್ಯಬಲವಿಕ್ರಮಾಃ ॥44॥

ತೇ ಚಾಪಿ ಯುಯುಧುಸ್ತತ್ರ ಪುರುಷಾ ರಕ್ತ ಸಂಭವಾಃ । ಸಮಂ ಮಾತೃಭಿರತ್ಯುಗ್ರಶಸ್ತ್ರಪಾತಾತಿಭೀಷಣಂ ॥45॥

ಪುನಶ್ಚ ವಜ್ರ ಪಾತೇನ ಕ್ಷತ ಮಶ್ಯ ಶಿರೋ ಯದಾ । ವವಾಹ ರಕ್ತಂ ಪುರುಷಾಸ್ತತೋ ಜಾತಾಃ ಸಹಸ್ರಶಃ ॥46॥

ವೈಷ್ಣವೀ ಸಮರೇ ಚೈನಂ ಚಕ್ರೇಣಾಭಿಜಘಾನ ಹ । ಗದಯಾ ತಾಡಯಾಮಾಸ ಐಂದ್ರೀ ತಮಸುರೇಶ್ವರಂ॥47॥

ವೈಷ್ಣವೀ ಚಕ್ರಭಿನ್ನಸ್ಯ ರುಧಿರಸ್ರಾವ ಸಂಭವೈಃ । ಸಹಸ್ರಶೋ ಜಗದ್ವ್ಯಾಪ್ತಂ ತತ್ಪ್ರಮಾಣೈರ್ಮಹಾಸುರೈಃ ॥48॥

ಶಕ್ತ್ಯಾ ಜಘಾನ ಕೌಮಾರೀ ವಾರಾಹೀ ಚ ತಥಾಸಿನಾ । ಮಾಹೇಶ್ವರೀ ತ್ರಿಶೂಲೇನ ರಕ್ತಬೀಜಂ ಮಹಾಸುರಂ ॥49॥

ಸ ಚಾಪಿ ಗದಯಾ ದೈತ್ಯಃ ಸರ್ವಾ ಏವಾಹನತ್ ಪೃಥಕ್ । ಮಾತೄಃ ಕೋಪಸಮಾವಿಷ್ಟೋ ರಕ್ತಬೀಜೋ ಮಹಾಸುರಃ ॥50॥

ತಸ್ಯಾಹತಸ್ಯ ಬಹುಧಾ ಶಕ್ತಿಶೂಲಾದಿ ಭಿರ್ಭುವಿಃ । ಪಪಾತ ಯೋ ವೈ ರಕ್ತೌಘಸ್ತೇನಾಸಂಚತಶೋಽಸುರಾಃ ॥51॥

ತೈಶ್ಚಾಸುರಾಸೃಕ್ಸಂಭೂತೈರಸುರೈಃ ಸಕಲಂ ಜಗತ್ । ವ್ಯಾಪ್ತಮಾಸೀತ್ತತೋ ದೇವಾ ಭಯಮಾಜಗ್ಮುರುತ್ತಮಂ ॥52॥

ತಾನ್ ವಿಷಣ್ಣಾ ನ್ ಸುರಾನ್ ದೃಷ್ಟ್ವಾ ಚಂಡಿಕಾ ಪ್ರಾಹಸತ್ವರಮ್ । ಉವಾಚ ಕಾಳೀಂ ಚಾಮುಂಡೇ ವಿಸ್ತೀರ್ಣಂ ವದನಂ ಕುರು ॥53॥

ಮಚ್ಛಸ್ತ್ರಪಾತಸಂಭೂತಾನ್ ರಕ್ತಬಿಂದೂನ್ ಮಹಾಸುರಾನ್ । ರಕ್ತಬಿಂದೋಃ ಪ್ರತೀಚ್ಛ ತ್ವಂ ವಕ್ತ್ರೇಣಾನೇನ ವೇಗಿನಾ ॥54॥

ಭಕ್ಷಯಂತೀ ಚರ ರಣೋ ತದುತ್ಪನ್ನಾನ್ಮಹಾಸುರಾನ್ । ಏವಮೇಷ ಕ್ಷಯಂ ದೈತ್ಯಃ ಕ್ಷೇಣ ರಕ್ತೋ ಗಮಿಷ್ಯತಿ ॥55॥

ಭಕ್ಷ್ಯ ಮಾಣಾ ಸ್ತ್ವಯಾ ಚೋಗ್ರಾ ನ ಚೋತ್ಪತ್ಸ್ಯಂತಿ ಚಾಪರೇ । ಇತ್ಯುಕ್ತ್ವಾ ತಾಂ ತತೋ ದೇವೀ ಶೂಲೇನಾಭಿಜಘಾನ ತಂ ॥56॥

ಮುಖೇನ ಕಾಳೀ ಜಗೃಹೇ ರಕ್ತಬೀಜಸ್ಯ ಶೋಣಿತಮ್ । ತತೋಽಸಾವಾಜಘಾನಾಥ ಗದಯಾ ತತ್ರ ಚಂಡಿಕಾಂ ॥57॥

ನ ಚಾಸ್ಯಾ ವೇದನಾಂ ಚಕ್ರೇ ಗದಾಪಾತೋಽಲ್ಪಿಕಾಮಪಿ । ತಸ್ಯಾಹತಸ್ಯ ದೇಹಾತ್ತು ಬಹು ಸುಸ್ರಾವ ಶೋಣಿತಂ ॥58॥

ಯತಸ್ತತಸ್ತದ್ವಕ್ತ್ರೇಣ ಚಾಮುಂಡಾ ಸಂಪ್ರತೀಚ್ಛತಿ । ಮುಖೇ ಸಮುದ್ಗತಾ ಯೇಽಸ್ಯಾ ರಕ್ತಪಾತಾನ್ಮಹಾಸುರಾಃ ॥59॥

ತಾಂಶ್ಚಖಾದಾಥ ಚಾಮುಂಡಾ ಪಪೌ ತಸ್ಯ ಚ ಶೋಣಿತಂ ॥60॥

ದೇವೀ ಶೂಲೇನ ವಜ್ರೇಣ ಬಾಣೈರಸಿಭಿರ್ ಋಷ್ಟಿಭಿಃ । ಜಘಾನ ರಕ್ತಬೀಜಂ ತಂ ಚಾಮುಂಡಾ ಪೀತ ಶೋಣಿತಂ ॥61॥

ಸ ಪಪಾತ ಮಹೀಪೃಷ್ಠೇ ಶಸ್ತ್ರಸಂಘಸಮಾಹತಃ । ನೀರಕ್ತಶ್ಚ ಮಹೀಪಾಲ ರಕ್ತಬೀಜೋ ಮಹಾಸುರಃ ॥62॥

ತತಸ್ತೇ ಹರ್ಷ ಮತುಲಂ ಅವಾಪುಸ್ತ್ರಿದಶಾ ನೃಪ । ತೇಷಾಂ ಮಾತೃಗಣೋ ಜಾತೋ ನನರ್ತಾಸೃಂಂಗಮದೋದ್ಧತಃ ॥63॥

॥ ಸ್ವಸ್ತಿ ಶ್ರೀ ಮಾರ್ಕಂಡೇಯ ಪುರಾಣೇ ಸಾವರ್ನಿಕೇ ಮನ್ವಂತರೇ ದೇವಿ ಮಹತ್ಮ್ಯೇ ರಕ್ತಬೀಜವಧೋನಾಮ ಅಷ್ಟಮೋಧ್ಯಾಯ ಸಮಾಪ್ತಮ್ ॥

ಆಹುತಿ ಓಂ ಜಯಂತೀ ಸಾಂಗಾಯೈ ಸಶಕ್ತಿಕಾಯೈ ಸಪರಿವಾರಾಯೈ ಸವಾಹನಾಯೈ ರಕ್ತಾಕ್ಷ್ಯೈ ಅಷ್ಟಮಾತೃ ಸಹಿತಾಯೈ ಮಹಾಹುತಿಂ ಸಮರ್ಪಯಾಮಿ ನಮಃ ಸ್ವಾಹಾ ॥

தே³வீ மாஹாத்ம்யம் து³ர்கா³ ஸப்தஶதி அஷ்டமோத்⁴யாய: பற்றி

The eighth chapter of the Devi Mahatmyam tells of the slaying of Raktabija. The Shaktis of the gods, the Matrikas such as Brahmani, Maheshvari, Kaumari, Vaishnavi, Varahi, Narasimhi and Aindri, come forth to fight beside the Goddess. The demon Raktabija has a boon that every drop of his blood falling on the ground becomes a new demon like him, so Kali spreads her mouth wide and drinks his blood as Chandika strikes, until he falls.

மூலம்: Markandeya Purana (Devi Mahatmyam, chapter 8)

எப்போது பாராயணம் செய்வது: During Navaratri, as part of Devi Mahatmyam parayana, and on Tuesdays and Fridays.

உங்களுக்குத் தெரியுமா?

  • The name Raktabija means "blood seed", because each drop of his blood became a new demon.
  • This chapter is the source of the group of the Matrikas, the mother goddesses who are the powers of the gods.
  • It belongs to the Uttara Charitra, the third and longest part of the Devi Mahatmyam, whose deity is Mahasaraswati.

அடிக்கடி கேட்கப்படும் கேள்விகள்

Who is Raktabija?

A demon from whose every drop of blood a new demon arose.

How is he defeated?

Kali drinks his blood before it touches the ground while Chandika strikes him.

Who are the Matrikas?

The Shaktis of the gods, such as Brahmani, Vaishnavi and Varahi, who fight beside the Devi.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.