MuhurtaNow

த⁴ன்யாஷ்டகம்

Ashtakams · பாரம்பரிய பக்தி நூல்

(प्रहर्षणीवृत्तम् -) तज्ज्ञानं प्रशमकरं यदिंद्रियाणां तज्ज्ञेयं यदुपनिषत्सु निश्चितार्थम् । ते धन्या भुवि परमार्थनिश्चितेहाः शेषास्तु भ्रमनिलये परिभ्रमंतः ॥ 1॥

(वसंततिलकावृत्तम् -) आदौ विजित्य विषयान्मदमोहराग- द्वेषादिशत्रुगणमाहृतयोगराज्याः । ज्ञात्वा मतं समनुभूयपरात्मविद्या- कांतासुखं वनगृहे विचरंति धन्याः ॥ 2॥

त्यक्त्वा गृहे रतिमधोगतिहेतुभूताम् आत्मेच्छयोपनिषदर्थरसं पिबंतः । वीतस्पृहा विषयभोगपदे विरक्ता धन्याश्चरंति विजनेषु विरक्तसंगाः ॥ 3॥

त्यक्त्वा ममाहमिति बंधकरे पदे द्वे मानावमानसदृशाः समदर्शिनश्च । कर्तारमन्यमवगम्य तदर्पितानि कुर्वंति कर्मपरिपाकफलानि धन्याः ॥ 4॥

त्यक्त्वीषणात्रयमवेक्षितमोक्षमर्गा भैक्षामृतेन परिकल्पितदेहयात्राः । ज्योतिः परात्परतरं परमात्मसंज्ञं धन्या द्विजारहसि हृद्यवलोकयंति ॥ 5॥

नासन्न सन्न सदसन्न महसन्नचाणु न स्त्री पुमान्न च नपुंसकमेकबीजम् । यैर्ब्रह्म तत्सममुपासितमेकचित्तैः धन्या विरेजुरित्तरेभवपाशबद्धाः ॥ 6॥

अज्ञानपंकपरिमग्नमपेतसारं दुःखालयं मरणजन्मजरावसक्तम् । संसारबंधनमनित्यमवेक्ष्य धन्या ज्ञानासिना तदवशीर्य विनिश्चयंति ॥ 7॥

शांतैरनन्यमतिभिर्मधुरस्वभावैः एकत्वनिश्चितमनोभिरपेतमोहैः । साकं वनेषु विजितात्मपदस्वरुपं तद्वस्तु सम्यगनिशं विमृशंति धन्याः ॥ 8॥

(मालिनीवृत्तम् -) अहिमिव जनयोगं सर्वदा वर्जयेद्यः कुणपमिव सुनारीं त्यक्तुकामो विरागी । विषमिव विषयान्यो मन्यमानो दुरंतान् जयति परमहंसो मुक्तिभावं समेति ॥ 9॥

(शार्दूलविक्रीडितवृत्तम् -) संपूर्णं जगदेव नंदनवनं सर्वेऽपि कल्पद्रुमा गांगं वरि समस्तवारिनिवहः पुण्याः समस्ताः क्रियाः । वाचः प्राकृतसंस्कृताः श्रुतिशिरोवाराणसी मेदिनी सर्वावस्थितिरस्य वस्तुविषया दृष्टे परब्रह्मणि ॥ 10॥

॥ इति श्रीमद् शंकराचार्यविरचितं धन्याष्टकं समाप्तम् ॥

த⁴ன்யாஷ்டகம் பற்றி

The Dhanyashtakam, "eight verses on the blessed", is Adi Shankaracharya's hymn in praise of those who have turned to the Self. It begins: that is knowledge which calms the senses, that is to be known which the Upanishads have settled; blessed on earth are those whose striving is fixed on the highest truth. The verses go on to praise those who first conquer the enemies of pride, delusion, attachment and hatred, gain the kingdom of yoga, and live free in the knowledge of Brahman.

இயற்றியவர்: Adi Shankaracharya, as its colophon states

எப்போது பாராயணம் செய்வது: For study and reflection, especially in Vedanta classes.

உங்களுக்குத் தெரியுமா?

  • Its colophon names Shankaracharya as its author.
  • It is written in several metres, such as praharshini and vasantatilaka, named in the text before the verses.
  • Each verse describes the "dhanyah", the truly blessed or fortunate.

அடிக்கடி கேட்கப்படும் கேள்விகள்

What does "Dhanyashtakam" mean?

"Eight verses on the blessed".

Who are the blessed, according to it?

Those who have conquered their passions and turned to knowledge of the Self.

Who wrote it?

Adi Shankaracharya, as its colophon states.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.