MuhurtaNow

கோ³விந்த³ தா³மோத³ர ஸ்தோத்ரம்

Vishnu · பாரம்பரிய பக்தி நூல்

ಅಗ್ರೇ ಕುರೂಣಾಮಥ ಪಾಂಡವಾನಾಂ ದುಃಶಾಸನೇನಾಹೃತವಸ್ತ್ರಕೇಶಾ । ಕೃಷ್ಣಾ ತದಾಕ್ರೋಶದನನ್ಯನಾಥಾ ಗೋವಿಂದ ದಾಮೋದರ ಮಾಧವೇತಿ ॥ 1॥

ಶ್ರೀಕೃಷ್ಣ ವಿಷ್ಣೋ ಮಧುಕೈಟಭಾರೇ ಭಕ್ತಾನುಕಂಪಿನ್ ಭಗವನ್ ಮುರಾರೇ । ತ್ರಾಯಸ್ವ ಮಾಂ ಕೇಶವ ಲೋಕನಾಥ ಗೋವಿಂದ ದಾಮೋದರ ಮಾಧವೇತಿ ॥ 2॥

ವಿಕ್ರೇತುಕಾಮಾ ಕಿಲ ಗೋಪಕನ್ಯಾ ಮುರಾರಿಪಾದಾರ್ಪಿತಚಿತ್ತವೃತ್ತಿಃ । ದಧ್ಯಾದಿಕಂ ಮೋಹವಶಾದವೋಚದ್ ಗೋವಿಂದ ದಾಮೋದರ ಮಾಧವೇತಿ ॥ 3॥

ಉಲೂಖಲೇ ಸಂಭೃತತಂಡುಲಾಂಶ್ಚ ಸಂಘಟ್ಟಯಂತ್ಯೋ ಮುಸಲೈಃ ಪ್ರಮುಗ್ಧಾಃ । ಗಾಯಂತಿ ಗೋಪ್ಯೋ ಜನಿತಾನುರಾಗಾ ಗೋವಿಂದ ದಾಮೋದರ ಮಾಧವೇತಿ ॥ 4॥

ಕಾಚಿತ್ಕರಾಂಭೋಜಪುಟೇ ನಿಷಣ್ಣಂ ಕ್ರೀಡಾಶುಕಂ ಕಿಂಶುಕರಕ್ತತುಂಡಮ್ । ಅಧ್ಯಾಪಯಾಮಾಸ ಸರೋರುಹಾಕ್ಷೀ ಗೋವಿಂದ ದಾಮೋದರ ಮಾಧವೇತಿ ॥ 5॥

ಗೃಹೇ ಗೃಹೇ ಗೋಪವಧೂಸಮೂಹಃ ಪ್ರತಿಕ್ಷಣಂ ಪಿಂಜರಸಾರಿಕಾಣಾಮ್ । ಸ್ಖಲದ್ಗಿರಾಂ ವಾಚಯಿತುಂ ಪ್ರವೃತ್ತೋ ಗೋವಿಂದ ದಾಮೋದರ ಮಾಧವೇತಿ ॥ 6॥

ಪರ್ಯ್ಯಂಕಿಕಾಭಾಜಮಲಂ ಕುಮಾರಂ ಪ್ರಸ್ವಾಪಯಂತ್ಯೋಽಖಿಲಗೋಪಕನ್ಯಾಃ । ಜಗುಃ ಪ್ರಬಂಧಂ ಸ್ವರತಾಲಬಂಧಂ ಗೋವಿಂದ ದಾಮೋದರ ಮಾಧವೇತಿ ॥ 7॥

ರಾಮಾನುಜಂ ವೀಕ್ಷಣಕೇಲಿಲೋಲಂ ಗೋಪೀ ಗೃಹೀತ್ವಾ ನವನೀತಗೋಲಮ್ । ಆಬಾಲಕಂ ಬಾಲಕಮಾಜುಹಾವ ಗೋವಿಂದ ದಾಮೋದರ ಮಾಧವೇತಿ ॥ 8॥

ವಿಚಿತ್ರವರ್ಣಾಭರಣಾಭಿರಾಮೇ- ಽಭಿಧೇಹಿ ವಕ್ತ್ರಾಂಬುಜರಾಜಹಂಸಿ । ಸದಾ ಮದೀಯೇ ರಸನೇಽಗ್ರರಂಗೇ ಗೋವಿಂದ ದಾಮೋದರ ಮಾಧವೇತಿ ॥ 9॥

ಅಂಕಾಧಿರೂಢಂ ಶಿಶುಗೋಪಗೂಢಂ ಸ್ತನಂ ಧಯಂತಂ ಕಮಲೈಕಕಾಂತಮ್ । ಸಂಬೋಧಯಾಮಾಸ ಮುದಾ ಯಶೋದಾ ಗೋವಿಂದ ದಾಮೋದರ ಮಾಧವೇತಿ ॥ 10॥

ಕ್ರೀಡಂತಮಂತರ್ವ್ರಜಮಾತ್ಮಜಂ ಸ್ವಂ ಸಮಂ ವಯಸ್ಯೈಃ ಪಶುಪಾಲಬಾಲೈಃ । ಪ್ರೇಮ್ಣಾ ಯಶೋದಾ ಪ್ರಜುಹಾವ ಕೃಷ್ಣಂ ಗೋವಿಂದ ದಾಮೋದರ ಮಾಧವೇತಿ ॥ 11॥

ಯಶೋದಯಾ ಗಾಢಮುಲೂಖಲೇನ ಗೋಕಂಠಪಾಶೇನ ನಿಬಧ್ಯಮಾನಃ । ರುರೋದ ಮಂದಂ ನವನೀತಭೋಜೀ ಗೋವಿಂದ ದಾಮೋದರ ಮಾಧವೇತಿ ॥ 12॥

ನಿಜಾಂಗಣೇ ಕಂಕಣಕೇಲಿಲೋಲಂ ಗೋಪೀ ಗೃಹೀತ್ವಾ ನವನೀತಗೋಲಮ್ । ಆಮರ್ದಯತ್ಪಾಣಿತಲೇನ ನೇತ್ರೇ ಗೋವಿಂದ ದಾಮೋದರ ಮಾಧವೇತಿ ॥ 13॥

ಗೃಹೇ ಗೃಹೇ ಗೋಪವಧೂಕದಂಬಾಃ ಸರ್ವೇ ಮಿಲಿತ್ವಾ ಸಮವಾಯಯೋಗೇ । ಪುಣ್ಯಾನಿ ನಾಮಾನಿ ಪಠಂತಿ ನಿತ್ಯಂ ಗೋವಿಂದ ದಾಮೋದರ ಮಾಧವೇತಿ ॥ 14॥

ಮಂದಾರಮೂಲೇ ವದನಾಭಿರಾಮಂ ಬಿಂಬಾಧರೇ ಪೂರಿತವೇಣುನಾದಮ್ । ಗೋಗೋಪಗೋಪೀಜನಮಧ್ಯಸಂಸ್ಥಂ ಗೋವಿಂದ ದಾಮೋದರ ಮಾಧವೇತಿ ॥ 15॥

ಉತ್ಥಾಯ ಗೋಪ್ಯೋ¶ರಾತ್ರಭಾಗೇ ಸ್ಮೃತ್ವಾ ಯಶೋದಾಸುತಬಾಲಕೇಲಿಮ್ । ಗಾಯಂತಿ ಪ್ರೋಚ್ಚೈರ್ದಧಿ ಮಂಥಯಂತ್ಯೋ ಗೋವಿಂದ ದಾಮೋದರ ಮಾಧವೇತಿ ॥ 16॥

ಜಗ್ಧೋಽಥ ದತ್ತೋ ನವನೀತಪಿಂಡೋ ಗೃಹೇ ಯಶೋದಾ ವಿಚಿಕಿತ್ಸಯಂತೀ । ಉವಾಚ ಸತ್ಯಂ ವದ ಹೇ ಮುರಾರೇ ಗೋವಿಂದ ದಾಮೋದರ ಮಾಧವೇತಿ ॥ 17॥

ಅಭ್ಯರ್ಚ್ಯ ಗೇಹಂ ಯುವತಿಃ ಪ್ರವೃದ್ಧ- ಪ್ರೇಮಪ್ರವಾಹಾ ದಧಿ ನಿರ್ಮಮಂಥ । ಗಾಯಂತಿ ಗೋಪ್ಯೋಽಥ ಸಖೀಸಮೇತಾ ಗೋವಿಂದ ದಾಮೋದರ ಮಾಧವೇತಿ ॥ 18॥

ಕ್ವಚಿತ್ ಪ್ರಭಾತೇ ದಧಿಪೂರ್ಣಪಾತ್ರೇ ನಿಕ್ಷಿಪ್ಯ ಮಂಥಂ ಯುವತೀ ಮುಕುಂದಮ್ । ಆಲೋಕ್ಯ ಗಾನಂ ವಿವಿಧಂ ಕರೋತಿ ಗೋವಿಂದ ದಾಮೋದರ ಮಾಧವೇತಿ ॥ 19॥

ಕ್ರೀಡಾಪರಂ ಭೋಜನಮಜ್ಜನಾರ್ಥಂ ಹಿತೈಷಿಣೀ ಸ್ತ್ರೀ ತನುಜಂ ಯಶೋದಾ । ಆಜೂಹವತ್ ಪ್ರೇಮಪರಿಪ್ಲುತಾಕ್ಷೀ ಗೋವಿಂದ ದಾಮೋದರ ಮಾಧವೇತಿ ॥ 20॥

ಸುಖಂ ಶಯಾನಂ ನಿಲಯೇ ಚ ವಿಷ್ಣುಂ ದೇವರ್ಷಿಮುಖ್ಯಾ ಮುನಯಃ ಪ್ರಪನ್ನಾಃ । ತೇನಾಚ್ಯುತೇ ತನ್ಮಯತಾಂ ವ್ರಜಂತಿ ಗೋವಿಂದ ದಾಮೋದರ ಮಾಧವೇತಿ ॥ 21॥

ವಿಹಾಯ ನಿದ್ರಾಮರುಣೋದಯೇ ಚ ವಿಧಾಯ ಕೃತ್ಯಾನಿ ಚ ವಿಪ್ರಮುಖ್ಯಾಃ । ವೇದಾವಸಾನೇ ಪ್ರಪಠಂತಿ ನಿತ್ಯಂ ಗೋವಿಂದ ದಾಮೋದರ ಮಾಧವೇತಿ ॥ 22॥

ವೃಂದಾವನೇ ಗೋಪಗಣಾಶ್ಚ ಗೋಪ್ಯೋ ವಿಲೋಕ್ಯ ಗೋವಿಂದವಿಯೋಗಖಿನ್ನಾಮ್ । ರಾಧಾಂ ಜಗುಃ ಸಾಶ್ರುವಿಲೋಚನಾಭ್ಯಾಂ ಗೋವಿಂದ ದಾಮೋದರ ಮಾಧವೇತಿ ॥ 23॥

ಪ್ರಭಾತಸಂಚಾರಗತಾ ನು ಗಾವಸ್- ತದ್ರಕ್ಷಣಾರ್ಥಂ ತನಯಂ ಯಶೋದಾ । ಪ್ರಾಬೋಧಯತ್ ಪಾಣಿತಲೇನ ಮಂದಂ ಗೋವಿಂದ ದಾಮೋದರ ಮಾಧವೇತಿ ॥ 24॥

ಪ್ರವಾಲಶೋಭಾ ಇವ ದೀರ್ಘಕೇಶಾ ವಾತಾಂಬುಪರ್ಣಾಶನಪೂತದೇಹಾಃ । ಮೂಲೇ ತರೂಣಾಂ ಮುನಯಃ ಪಠಂತಿ ಗೋವಿಂದ ದಾಮೋದರ ಮಾಧವೇತಿ ॥ 25॥

ಏವಂ ಬ್ರುವಾಣಾ ವಿರಹಾತುರಾ ಭೃಶಂ ವ್ರಜಸ್ತ್ರಿಯಃ ಕೃಷ್ಣವಿಷಕ್ತಮಾನಸಾಃ । ವಿಸೃಜ್ಯ ಲಜ್ಜಾಂ ರುರುದುಃ ಸ್ಮ ಸುಸ್ವರಂ ಗೋವಿಂದ ದಾಮೋದರ ಮಾಧವೇತಿ ॥ 26॥

ಗೋಪೀ ಕದಾಚಿನ್ಮಣಿಪಂಜರಸ್ಥಂ ಶುಕಂ ವಚೋ ವಾಚಯಿತುಂ ಪ್ರವೃತ್ತಾ । ಆನಂದಕಂದ ವ್ರಜಚಂದ್ರ ಕೃಷ್ಣ ಗೋವಿಂದ ದಾಮೋದರ ಮಾಧವೇತಿ ॥ 27॥

ಗೋವತ್ಸಬಾಲೈಃ ಶಿಶುಕಾಕಪಕ್ಷಂ ಬಧ್ನಂತಮಂಭೋಜದಲಾಯತಾಕ್ಷಮ್ । ಉವಾಚ ಮಾತಾ ಚಿಬುಕಂ ಗೃಹೀತ್ವಾ ಗೋವಿಂದ ದಾಮೋದರ ಮಾಧವೇತಿ ॥ 28॥

ಪ್ರಭಾತಕಾಲೇ ವರವಲ್ಲವೌಘಾ ಗೋರಕ್ಷಣಾರ್ಥಂ ಧೃತವೇತ್ರದಂಡಾಃ । ಆಕಾರಯಾಮಾಸುರನಂತಮಾದ್ಯಂ ಗೋವಿಂದ ದಾಮೋದರ ಮಾಧವೇತಿ ॥ 29॥

ಜಲಾಶಯೇ ಕಾಲಿಯಮರ್ದನಾಯ ಯದಾ ಕದಂಬಾದಪತನ್ಮುರಾರಿಃ । ಗೋಪಾಂಗನಾಶ್ಚುಕ್ರುಶುರೇತ್ಯ ಗೋಪಾ ಗೋವಿಂದ ದಾಮೋದರ ಮಾಧವೇತಿ ॥ 30॥

ಅಕ್ರೂರಮಾಸಾದ್ಯ ಯದಾ ಮುಕುಂದಶ್- ಚಾಪೋತ್ಸವಾರ್ಥಂ ಮಥುರಾಂ ಪ್ರವಿಷ್ಟಃ । ತದಾ ಸ ಪೌರೈರ್ಜಯಸೀತ್ಯಭಾಷಿ ಗೋವಿಂದ ದಾಮೋದರ ಮಾಧವೇತಿ ॥ 31॥

ಕಂಸಸ್ಯ ದೂತೇನ ಯದೈವ ನೀತೌ ವೃಂದಾವನಾಂತಾದ್ ವಸುದೇವಸೂನೂ । (ಸೂನೌ) ರುರೋದ ಗೋಪೀ ಭವನಸ್ಯ ಮಧ್ಯೇ ಗೋವಿಂದ ದಾಮೋದರ ಮಾಧವೇತಿ ॥ 32॥

ಸರೋವರೇ ಕಾಲಿಯನಾಗಬದ್ಧಂ ಶಿಶುಂ ಯಶೋದಾತನಯಂ ನಿಶಮ್ಯ । ಚಕ್ರುರ್ಲುಠಂತ್ಯಃ ಪಥಿ ಗೋಪಬಾಲಾ ಗೋವಿಂದ ದಾಮೋದರ ಮಾಧವೇತಿ ॥ 33॥

ಅಕ್ರೂರಯಾನೇ ಯದುವಂಶನಾಥಂ ಸಂಗಚ್ಛಮಾನಂ ಮಥುರಾಂ ನಿರೀಕ್ಷ್ಯ । ಊಚುರ್ವಿಯೋಗತ್ ಕಿಲ ಗೋಪಬಾಲಾ ಗೋವಿಂದ ದಾಮೋದರ ಮಾಧವೇತಿ ॥ 34॥

ಚಕ್ರಂದ ಗೋಪೀ ನಲಿನೀವನಾಂತೇ ಕೃಷ್ಣೇನ ಹೀನಾ ಕುಸುಮೇ ಶಯಾನಾ । ಪ್ರಫುಲ್ಲನೀಲೋತ್ಪಲಲೋಚನಾಭ್ಯಾಂ ಗೋವಿಂದ ದಾಮೋದರ ಮಾಧವೇತಿ ॥ 35॥

ಮಾತಾಪಿತೃಭ್ಯಾಂ ಪರಿವಾರ್ಯಮಾಣಾ ಗೇಹಂ ಪ್ರವಿಷ್ಟಾ ವಿಲಲಾಪ ಗೋಪೀ । ಆಗತ್ಯ ಮಾಂ ಪಾಲಯ ವಿಶ್ವನಾಥ ಗೋವಿಂದ ದಾಮೋದರ ಮಾಧವೇತಿ ॥ 36॥

ವೃಂದಾವನಸ್ಥಂ ಹರಿಮಾಶು ಬುದ್ಧ್ವಾ ಗೋಪೀ ಗತಾ ಕಾಪಿ ವನಂ ನಿಶಾಯಾಮ್ । ತತ್ರಾಪ್ಯದೃಷ್ಟ್ವಾಽತಿಭಯಾದವೋಚದ್ ಗೋವಿಂದ ದಾಮೋದರ ಮಾಧವೇತಿ ॥ 37॥

ಸುಖಂ ಶಯಾನಾ ನಿಲಯೇ ನಿಜೇಽಪಿ ನಾಮಾನಿ ವಿಷ್ಣೋಃ ಪ್ರವದಂತಿ ಮರ್ತ್ಯಾಃ । ತೇ ನಿಶ್ಚಿತಂ ತನ್ಮಯತಾಂ ವ್ರಜಂತಿ ಗೋವಿಂದ ದಾಮೋದರ ಮಾಧವೇತಿ ॥ 38॥

ಸಾ ನೀರಜಾಕ್ಷೀಮವಲೋಕ್ಯ ರಾಧಾಂ ರುರೋದ ಗೋವಿಂದವಿಯೋಗಖಿನ್ನಾಮ್ । ಸಖೀ ಪ್ರಫುಲ್ಲೋತ್ಪಲಲೋಚನಾಭ್ಯಾಂ ಗೋವಿಂದ ದಾಮೋದರ ಮಾಧವೇತಿ ॥ 39॥

ಜಿಹ್ವೇ ರಸಜ್ಞೇ ಮಧುರಪ್ರಿಯಾ ತ್ವಂ ಸತ್ಯಂ ಹಿತಂ ತ್ವಾಂ ಪರಮಂ ವದಾಮಿ । ಆವರ್ಣಯೇಥಾ ಮಧುರಾಕ್ಷರಾಣಿ ಗೋವಿಂದ ದಾಮೋದರ ಮಾಧವೇತಿ ॥ 40॥

ಆತ್ಯಂತಿಕವ್ಯಾಧಿಹರಂ ಜನಾನಾಂ ಚಿಕಿತ್ಸಕಂ ವೇದವಿದೋ ವದಂತಿ । ಸಂಸಾರತಾಪತ್ರಯನಾಶಬೀಜಂ ಗೋವಿಂದ ದಾಮೋದರ ಮಾಧವೇತಿ ॥ 41॥

ತಾತಾಜ್ಞಯಾ ಗಚ್ಛತಿ ರಾಮಚಂದ್ರೇ ಸಲಕ್ಷ್ಮಣೇಽರಣ್ಯಚಯೇ ಸಸೀತೇ । ಚಕ್ರಂದ ರಾಮಸ್ಯ ನಿಜಾ ಜನಿತ್ರೀ ಗೋವಿಂದ ದಾಮೋದರ ಮಾಧವೇತಿ ॥ 42॥

ಏಕಾಕಿನೀ ದಂಡಕಕಾನನಾಂತಾತ್ ಸಾ ನೀಯಮಾನಾ ದಶಕಂಧರೇಣ । ಸೀತಾ ತದಾಕ್ರಂದದನನ್ಯನಾಥಾ ಗೋವಿಂದ ದಾಮೋದರ ಮಾಧವೇತಿ ॥ 43॥

ರಾಮಾದ್ವಿಯುಕ್ತಾ ಜನಕಾತ್ಮಜಾ ಸಾ ವಿಚಿಂತಯಂತೀ ಹೃದಿ ರಾಮರೂಪಮ್ । ರುರೋದ ಸೀತಾ ರಘುನಾಥ ಪಾಹಿ ಗೋವಿಂದ ದಾಮೋದರ ಮಾಧವೇತಿ ॥ 44॥

ಪ್ರಸೀದ ವಿಷ್ಣೋ ರಘುವಂಶನಾಥ ಸುರಾಸುರಾಣಾಂ ಸುಖದುಃಖಹೇತೋ । ರುರೋದ ಸೀತಾ ತು ಸಮುದ್ರಮಧ್ಯೇ ಗೋವಿಂದ ದಾಮೋದರ ಮಾಧವೇತಿ ॥ 45॥

ಅಂತರ್ಜಲೇ ಗ್ರಾಹಗೃಹೀತಪಾದೋ ವಿಸೃಷ್ಟವಿಕ್ಲಿಷ್ಟಸಮಸ್ತಬಂಧುಃ । ತದಾ ಗಜೇಂದ್ರೋ ನಿತರಾಂ ಜಗಾದ ಗೋವಿಂದ ದಾಮೋದರ ಮಾಧವೇತಿ ॥ 46॥

ಹಂಸಧ್ವಜಃ ಶಂಖಯುತೋ ದದರ್ಶ ಪುತ್ರಂ ಕಟಾಹೇ ಪ್ರತಪಂತಮೇನಮ್ । ಪುಣ್ಯಾನಿ ನಾಮಾನಿ ಹರೇರ್ಜಪಂತಂ ಗೋವಿಂದ ದಾಮೋದರ ಮಾಧವೇತಿ ॥ 47॥

ದುರ್ವಾಸಸೋ ವಾಕ್ಯಮುಪೇತ್ಯ ಕೃಷ್ಣಾ ಸಾ ಚಾಬ್ರವೀತ್ ಕಾನನವಾಸಿನೀಶಮ್ । ಅಂತಃ ಪ್ರವಿಷ್ಟಂ ಮನಸಾ ಜುಹಾವ ಗೋವಿಂದ ದಾಮೋದರ ಮಾಧವೇತಿ ॥ 48॥

ಧ್ಯೇಯಃ ಸದಾ ಯೋಗಿಭಿರಪ್ರಮೇಯಃ ಚಿಂತಾಹರಶ್ಚಿಂತಿತಪಾರಿಜಾತಃ । ಕಸ್ತೂರಿಕಾಕಲ್ಪಿತನೀಲವರ್ಣೋ ಗೋವಿಂದ ದಾಮೋದರ ಮಾಧವೇತಿ ॥ 49॥

ಸಂಸಾರಕೂಪೇ ಪತಿತೋಽತ್ಯಗಾಧೇ ಮೋಹಾಂಧಪೂರ್ಣೇ ವಿಷಯಾಭಿತಪ್ತೇ । ಕರಾವಲಂಬಂ ಮಮ ದೇಹಿ ವಿಷ್ಣೋ ಗೋವಿಂದ ದಾಮೋದರ ಮಾಧವೇತಿ ॥ 50॥

ಭಜಸ್ವ ಮಂತ್ರಂ ಭವಬಂಧಮುಕ್ತ್ಯೈ ಜಿಹ್ವೇ ರಸಜ್ಞೇ ಸುಲಭಂ ಮನೋಜ್ಞಮ್ । ದ್ವೈಪಾಯನಾದ್ಯೈರ್ಮುನಿಭಿಃ ಪ್ರಜಪ್ತಂ ಗೋವಿಂದ ದಾಮೋದರ ಮಾಧವೇತಿ ॥ 51॥

ತ್ವಾಮೇವ ಯಾಚೇ ಮಮ ದೇಹಿ ಜಿಹ್ವೇ ಸಮಾಗತೇ ದಂಡಧರೇ ಕೃತಾಂತೇ । ವಕ್ತವ್ಯಮೇವಂ ಮಧುರಂ ಸುಭಕ್ತ್ಯಾ ಗೋವಿಂದ ದಾಮೋದರ ಮಾಧವೇತಿ ॥ 52॥

ಗೋಪಾಲ ವಂಶೀಧರ ರೂಪಸಿಂಧೋ ಲೋಕೇಶ ನಾರಾಯಣ ದೀನಬಂಧೋ । ಉಚ್ಚಸ್ವರೈಸ್ತ್ವಂ ವದ ಸರ್ವದೈವ ಗೋವಿಂದ ದಾಮೋದರ ಮಾಧವೇತಿ ॥ 53॥

ಜಿಹ್ವೇ ಸದೈವಂ ಭಜ ಸುಂದರಾಣಿ ನಾಮಾನಿ ಕೃಷ್ಣಸ್ಯ ಮನೋಹರಾಣಿ । ಸಮಸ್ತಭಕ್ತಾರ್ತಿವಿನಾಶನಾನಿ ಗೋವಿಂದ ದಾಮೋದರ ಮಾಧವೇತಿ ॥ 54॥

ಗೋವಿಂದ ಗೋವಿಂದ ಹರೇ ಮುರಾರೇ ಗೋವಿಂದ ಗೋವಿಂದ ಮುಕುಂದ ಕೃಷ್ಣ । ಗೋವಿಂದ ಗೋವಿಂದ ರಥಾಂಗಪಾಣೇ ಗೋವಿಂದ ದಾಮೋದರ ಮಾಧವೇತಿ ॥ 55॥

ಸುಖಾವಸಾನೇ ತ್ವಿದಮೇವ ಸಾರಂ ದುಃಖಾವಸಾನೇ ತ್ವಿದಮೇವ ಗೇಯಮ್ । ದೇಹಾವಸಾನೇ ತ್ವಿದಮೇವ ಜಾಪ್ಯಂ ಗೋವಿಂದ ದಾಮೋದರ ಮಾಧವೇತಿ ॥ 56॥

ದುರ್ವಾರವಾಕ್ಯಂ ಪರಿಗೃಹ್ಯ ಕೃಷ್ಣಾ ಮೃಗೀವ ಭೀತಾ ತು ಕಥಂ ಕಥಂಚಿತ್ । ಸಭಾಂ ಪ್ರವಿಷ್ಟಾ ಮನಸಾ ಜುಹಾವ ಗೋವಿಂದ ದಾಮೋದರ ಮಾಧವೇತಿ ॥ 57॥

ಶ್ರೀಕೃಷ್ಣ ರಾಧಾವರ ಗೋಕುಲೇಶ ಗೋಪಾಲ ಗೋವರ್ಧನ ನಾಥ ವಿಷ್ಣೋ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 58॥

ಶ್ರೀನಾಥ ವಿಶ್ವೇಶ್ವರ ವಿಶ್ವಮೂರ್ತೇ ಶ್ರೀದೇವಕೀನಂದನ ದೈತ್ಯಶತ್ರೋ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 59॥

ಗೋಪೀಪತೇ ಕಂಸರಿಪೋ ಮುಕುಂದ ಲಕ್ಷ್ಮೀಪತೇ ಕೇಶವ ವಾಸುದೇವ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 60॥

ಗೋಪೀಜನಾಹ್ಲಾದಕರ ವ್ರಜೇಶ ಗೋಚಾರಣಾರಣ್ಯಕೃತಪ್ರವೇಶ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 61॥

ಪ್ರಾಣೇಶ ವಿಶ್ವಂಭರ ಕೈಟಭಾರೇ ವೈಕುಂಠ ನಾರಾಯಣ ಚಕ್ರಪಾಣೇ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 62॥

ಹರೇ ಮುರಾರೇ ಮಧುಸೂದನಾದ್ಯ ಶ್ರೀರಾಮ ಸೀತಾವರ ರಾವಣಾರೇ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 63॥

ಶ್ರೀಯಾದವೇಂದ್ರಾದ್ರಿಧರಾಂಬುಜಾಕ್ಷ ಗೋಗೋಪಗೋಪೀಸುಖದಾನದಕ್ಷ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 64॥

ಧರಾಭರೋತ್ತಾರಣಗೋಪವೇಷ ವಿಹಾರಲೀಲಾಕೃತಬಂಧುಶೇಷ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 65॥

ಬಕೀಬಕಾಘಾಸುರಧೇನುಕಾರೇ ಕೇಶೀತೃಣಾವರ್ತವಿಘಾತದಕ್ಷ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 66॥

ಶ್ರೀಜಾನಕೀಜೀವನ ರಾಮಚಂದ್ರ ನಿಶಾಚರಾರೇ ಭರತಾಗ್ರಜೇಶ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 67॥

ನಾರಾಯಣಾನಂತ ಹರೇ ನೃಸಿಂಹ ಪ್ರಹ್ಲಾದಬಾಧಾಹರ ಹೇ ಕೃಪಾಲೋ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 68॥

ಲೀಲಾಮನುಷ್ಯಾಕೃತಿರಾಮರೂಪ ಪ್ರತಾಪದಾಸೀಕೃತಸರ್ವಭೂಪ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 69॥

ಶ್ರೀಕೃಷ್ಣ ಗೋವಿಂದ ಹರೇ ಮುರಾರೇ ಹೇ ನಾಥ ನಾರಾಯಣ ವಾಸುದೇವ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 70॥

ವಕ್ತುಂ ಸಮರ್ಥೋಽಪಿ ನ ವಕ್ತಿ ಕಶ್ಚಿದ್- ಅಹೋ ಜನಾನಾಂ ವ್ಯಸನಾಭಿಮುಖ್ಯಮ್ । ಜಿಹ್ವೇ ಪಿಬಸ್ವಾಮೃತಮೇತದೇವ ಗೋವಿಂದ ದಾಮೋದರ ಮಾಧವೇತಿ ॥ 71॥

ಇತಿ ಶ್ರೀಬಿಲ್ವಮಂಗಲಾಚಾರ್ಯವಿರಚಿತಂ ಶ್ರೀಗೋವಿಂದದಾಮೋದರಸ್ತೋತ್ರಂ ಸಂಪೂರ್ಣಮ್ ।

கோ³விந்த³ தா³மோத³ர ஸ்தோத்ரம் பற்றி

The Govinda Damodara Stotram is a much-loved hymn by Bilvamangala in which every verse ends with the names "Govinda Damodara Madhaveti". It opens with Draupadi in the Kuru court, her clothes and hair seized by Duhshasana, crying out with no other refuge, "Govinda, Damodara, Madhava!" Later verses picture the gopis of Vraja who, while selling milk and curd, forget what they are selling and call out "Govinda, Damodara, Madhava!" instead.

இயற்றியவர்: Bilvamangala (Lilashuka), as its colophon states

எப்போது பாராயணம் செய்வது: Daily, on Ekadashi and Janmashtami, and as a prayer of surrender in difficulty.

உங்களுக்குத் தெரியுமா?

  • Its colophon names Bilvamangala, also called Lilashuka, author of the Krishna Karnamritam.
  • The refrain gathers three names: Govinda (protector of cows), Damodara (bound at the waist by Yashoda) and Madhava (Lakshmi's lord).
  • It teaches that the Lord's names are the sweetest thing a tongue can taste.

இந்தப் பண்டிகைகளில் பாராயணம் செய்யப்படுகிறது

அடிக்கடி கேட்கப்படும் கேள்விகள்

What is the refrain?

"Govinda Damodara Madhaveti".

Who wrote it?

Bilvamangala (Lilashuka), as its colophon states.

How does it begin?

With Draupadi calling on Krishna in the Kuru court.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.