5.1 - ஸாவித்ராணி ஜுஹோதி ப்ரஸூத்யை - க்ருஷ்ண யஜுர்வேத³ தைத்திரீய ஸம்ஹிதா பாட:²
Kanda 5 - Krishna Yajurveda Taittiriya Samhita · பாரம்பரிய பக்தி நூல்
krishna yajurvedeeya taittireeya samhitaayaa-mpanchamakaande prathamah prashnah - ukhyaagnikathanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
saa̠vi̠traani̍ juhoti̠ prasoo̎tyai chaturgrihee̠tena̍ juhoti̠ chatu̍shpaadah pa̠shava̍h pa̠shoone̠vaa-'va̍ rundhe̠ chata̍sro̠ disho̍ di̠kshve̍va prati̍ tishthati̠ chhandaagm̍si de̠vebhyo 'paa̎-'kraama̠-nna vo̍ bhaa̠gaani̍ ha̠vyam va̍kshyaama̠ iti̠ tebhya̍ e̠tachcha̍tu-rgrihee̠tama̍-dhaaraya-npuro-'nu vaa̠kyaa̍yai yaa̠jyaa̍yai de̠vataa̍yai vashatkaa̠raaya̠ yachcha̍turgrihee̠ta-nju̠hoti̠ chhandaag̍sye̠va ta-tpree̍naati̠ taanya̍sya pree̠taani̍ de̠vebhyo̍ ha̠vyam va̍hanti̠ ya-nkaa̠maye̍ta̠ [ya-nkaa̠maye̍ta, paapee̍yaan-thsyaa̠dityekai̍ka̠-] 1
paapee̍yaan-thsyaa̠dityekai̍ka̠-ntasya̍ juhuyaa̠-daahu̍teebhire̠vaina̠mapa̍ grihnaati̠ paapee̍yaa-nbhavati̠ ya-nkaa̠maye̍ta̠ vasee̍yaan-thsyaa̠diti̠ sarvaa̍ni̠ tasyaa̍-'nu̠drutya̍ juhuyaa̠daahu̍tyai̠vaina̍ma̠bhi kra̍mayati̠ vasee̍yaa-nbhava̠tyatho̍ ya̠jnasyai̠vaishaa-'bhikraa̎mti̠reti̠ vaa e̠sha ya̍jnamu̠khaa-driddhyaa̠ yo̎-'gnerde̠vataa̍yaa̠ etya̠shtaave̠taani̍ saavi̠traani̍ bhavantya̠shtaaksha̍raa gaaya̠tree gaa̍ya̠tro̎- [gaa̍ya̠trah, a̠gnistenai̠va] 2
-'gnistenai̠va ya̍jnamu̠khaadriddhyaa̍ a̠gnerde̠vataa̍yai̠ naitya̠shtau saa̍vi̠traani̍ bhava̠ntyaahu̍tirnava̠mee tri̠vrita̍me̠va ya̍jnamu̠khe viyaa̍tayati̠ yadi̍ kaa̠maye̍ta̠ chhandaagm̍si yajnayasha̠senaa̎ 'rpayeya̠mityricha̍manta̠maa-nku̍ryaa̠chchhandaag̍sye̠va ya̍jnayasha̠senaa̎ 'rpayati̠ yadi̍ kaa̠maye̍ta̠ yaja̍maanam yajnayasha̠senaa̎-'rpayeya̠miti̠ yaju̍ranta̠ma-nku̍ryaa̠-dyaja̍maaname̠va ya̍jnayasha̠senaa̎-'rpayatyri̠chaa stoma̠gm̠ sama̍rdha̠ye- [sama̍rdha̠yeti̍, aa̠ha̠ samri̍ddhyai] 3
-tyaa̍ha̠ samri̍ddhyai cha̠turbhi̠rabhri̠maa da̍tte cha̠tvaari̠ chhandaagm̍si̠ chhando̍bhire̠va de̠vasya̍ tvaa savi̠tuh pra̍sa̠va ityaa̍ha̠ prasoo̎tyaa a̠gnirde̠vebhyo̠ nilaa̍yata̠ sa venu̠-mpraa-'vi̍sha̠-thsa e̠taamoo̠timanu̠ sama̍chara̠-dya-dveno̎-ssushi̠ragm su̍shi̠raa-'bhri̍rbhavati sayoni̠tvaaya̠ sa yatra̍ya̠traa-'va̍sa̠-tta-tkri̠shnama̍bhava-tkalmaa̠shee bha̍vati roo̠pasa̍mriddhyaa ubhayata̠h, kshnoorbha̍vatee̠tashchaa̠-'-muta̍shchaa̠-'rkasyaa-va̍ruddhyai vyaamamaa̠tree bha̍vatye̠taava̠dvai puru̍she vee̠rya̍m vee̠rya̍sammi̠taa 'pa̍rimitaa bhava̠tya-pa̍rimita̠syaa-' va̍ruddhyai̠ yo vana̠spatee̍naa-mphala̠grahi̠-ssa e̍shaam vee̠ryaa̍vaa-nphala̠grahi̠rvenu̍-rvaina̠vee bha̍vati vee̠rya̍syaa va̍ruddhyai ॥ 4 ॥ (kaa̠maye̍ta - gaaya̠tro̎ - 'rdha̠yeti̍ - cha - sa̠ptavigm̍shatishcha) (a. 1)
vyri̍ddha̠m vaa e̠ta-dya̠jnasya̠ yada̍ya̠jushke̍na kri̠yata̍ i̠maama̍gribhna-nrasha̠naa-mri̠tasyetya̍shvaabhi̠dhaanee̠maa da̍tte̠ yaju̍shkrityai ya̠jnasya̠ samri̍ddhyai̠ pratoo̎rtam vaaji̠nnaa dra̠vetyashva̍-ma̠bhi da̍dhaati roo̠pame̠vaa-'syai̠ta-nma̍hi̠maana̠m vyaacha̍shte yu̠njaathaa̠gm̠ raasa̍bham yu̠vamiti̍ garda̠bha-masa̍tye̠va ga̍rda̠bha-mprati̍ shthaapayati̠ tasmaa̠dashvaa̎-dgarda̠bho-'sa̍ttaro̠ yoge̍yoge ta̠vasta̍ra̠mityaa̍ha̠ [ta̠vasta̍ra̠mityaa̍ha, yoge̍yoga] 5
yoge̍yoga e̠vaina̍m yunkte̠ vaaje̍vaaje havaamaha̠ ityaa̠haanna̠m vai vaajo-'nna̍me̠vaava̍ rundhe̠ sakhaa̍ya̠ indra̍moo̠taya̠ ityaa̍hendri̠yame̠vaava̍ rundhe̠ 'gnirde̠vebhyo̠ nilaa̍yata̠ ta-mpra̠jaapa̍ti̠ranva̍vinda-tpraajaapa̠tyo-'shvo 'shve̍na̠ sa-mbha̍ra̠tyanu̍vittyai paapavasya̠sam vaa e̠ta-tkri̍yate̠ yachchhreya̍saa cha̠ paapee̍yasaa cha samaa̠na-nkarma̍ ku̠rvanti̠ paapee̍yaa̠n̠.- [paapee̍yaan, hyashvaa̎-dgarda̠bho-'shva̠-] 6
-hyashvaa̎-dgarda̠bho-'shva̠-mpoorva̍-nnayanti paapavasya̠-sasya̠ vyaavri̍ttyai̠ tasmaa̠chchhreyaagm̍sa̠-mpaapee̍yaa-npa̠shchaadanve̍ti ba̠hurvai bhava̍to̠ bhraatri̍vyo̠ bhava̍teeva̠ khalu̠ vaa e̠sha yo̎-'gni-nchi̍nu̠te va̠jryashva̍h pra̠toorva̠nnehya̍va̠-kraama̠nna-sha̍stee̠rityaa̍ha̠ vajre̍nai̠va paa̠pmaana̠-mbhraatri̍vya̠mava̍ kraamati ru̠drasya̠ gaana̍patyaa̠dityaa̍ha rau̠draa vai pa̠shavo̍ ru̠draade̠va [ ] 7
pa̠shoo-nni̠ryaachyaa̠-''tmane̠ karma̍ kurute poo̠shnaa sa̠yujaa̍ sa̠hetyaa̍ha poo̠shaa vaa addhva̍naagm sanne̠taa sama̍shtyai̠ puree̍shaayatano̠ vaa e̠sha yada̠gnirangi̍raso̠ vaa e̠tamagre̍ de̠vataa̍naa̠gm̠ sama̍bhara-nprithi̠vyaa-ssa̠dhasthaa̍da̠gni-mpu̍ree̠shya̍-mangira̠sva-dachchhe̠heetyaa̍ha̠ saaya̍taname̠vaina̍-nde̠vataa̍bhi̠-ssa-mbha̍ratya̠gni-mpu̍ree̠shya̍-mangira̠sva- dachchhe̍ma̠ ityaa̍ha̠ yena̍ [ ] 8
sa̠ngachchha̍te̠ vaaja̍me̠vaasya̍ vrinkte pra̠jaapa̍taye prati̠prochyaa̠gni-ssa̠mbhritya̠ ityaa̍huri̠yam vai pra̠jaapa̍ti̠stasyaa̍ e̠tachchhrotra̠m yadva̠lmeeko̠-'gni-mpu̍ree̠shya̍-mangira̠sva-dbha̍rishyaama̠ iti̍ valmeekava̠paamupa̍ tishthate saa̠kshaade̠va pra̠jaapa̍taye prati̠prochyaa̠-'gnigm sa-mbha̍ratya̠gni-mpu̍ree̠shya̍-mangira̠sva-dbha̍raama̠ ityaa̍ha̠ yena̍ sa̠ganchchha̍te̠ vaaja̍me̠vaasya̍ vri̠nkte 'nva̠gniru̠shasaa̠magra̍- [-'nva̠gniru̠shasaa̠magra̎m, a̠khya̠dityaa̠haa-] 9
-makhya̠dityaa̠haa-nu̍khyaatyaa aa̠gatya̍ vaa̠jyaddhva̍na aa̠kramya̍ vaaji-nprithi̠veemityaa̍he̠chchhatye̠vaina̠-mpoorva̍yaa vi̠ndatyutta̍rayaa̠ dvaabhyaa̠maa kra̍mayati̠ prati̍shthityaa̠ anu̍roopaabhyaa̠-ntasmaa̠danu̍roopaah pa̠shava̠h prajaa̍yante̠ dyauste̍ pri̠shtha-mpri̍thi̠vee sa̠dhastha̠mityaa̍hai̠bhyo vaa e̠tam lo̠kebhya̍h pra̠jaapa̍ti̠-ssamai̍raya-droo̠pame̠vaasyai̠-tanma̍hi̠maana̠m vyaacha̍shte va̠jree vaa e̠sha yadashvo̍ da̠-dbhira̠nyato̍dadbhyo̠ bhooyaa̠m loma̍bhirubha̠yaada̍dbhyo̠ ya-ndvi̠shyaa-ttama̍dhaspa̠da-ndhyaa̍ye̠-dvajre̍nai̠vainagg̍ strinute ॥ 10 ॥ (aa̠ha̠ - paapee̍yaan - ru̠draade̠va - yenaa - 'gra̍m - mva̠jree vai - sa̠ptada̍sha cha) (a. 2)
utkraa̠mo-da̍kramee̠diti̠ dvaabhyaa̠mutkra̍mayati̠ prati̍shthityaa̠ anu̍roopaabhyaa̠-ntasmaa̠danu̍roopaah pa̠shava̠h prajaa̍yante̠ 'pa upa̍ srijati̠ yatra̠ vaa aapa̍ upa̠ gachchha̍nti̠ tadosha̍dhaya̠h prati̍ tishtha̠ntyosha̍dheeh prati̠tishtha̍nteeh pa̠shavo-'nu̠ prati̍ tishthanti pa̠shoon. ya̠jno ya̠jnam yaja̍maano̠ yaja̍maana-mpra̠jaastasmaa̍da̠pa upa̍ srijati̠ prati̍shthityai̠ yada̍ddhva̠ryu-ra̍na̠gnaavaahu̍ti-njuhu̠yaada̠ndho̎ 'ddhva̠ryu- [-'ddhva̠ryuh, syaa̠-drakshaagm̍si] 11
-ssyaa̠-drakshaagm̍si ya̠jnagm ha̍nyu̠r̠hira̍nyamu̠paasya̍ juhotyagni̠vatye̠va ju̍hoti̠ naandho̎-'ddhva̠ryurbhava̍ti̠ na ya̠jnagm rakshaagm̍si ghnanti̠ jigha̍rmya̠gni-mmana̍saa ghri̠tenetyaa̍ha̠ mana̍saa̠ hi puru̍sho ya̠jnama̍bhi̠gachchha̍ti prati̠kshyanta̠-mbhuva̍naani̠ vishvetyaa̍ha̠ sarva̠gg̠ hye̍sha pra̠tya-nksheti̍ pri̠thu-nti̍ra̠shchaa vaya̍saa bri̠hanta̠mityaa̠haa-'lpo̠ hye̍sha jaa̠to ma̠haa- [ma̠haan, bhava̍ti̠] 12
-nbhava̍ti̠ vyachi̍shtha̠mannagm̍ rabha̠sam vidaa̍na̠mityaa̠haa 'nna̍me̠vaa-'smai̎ svadayati̠ sarva̍masmai svadate̠ ya e̠vam vedaa ''tvaa̍ jigharmi̠ vacha̍saa ghri̠tenetyaa̍ha̠ tasmaa̠-dya-tpuru̍sho̠ mana̍saa-'bhi̠gachchha̍ti̠ ta-dvaa̠chaa va̍datya ra̠kshasetyaa̍ha̠ raksha̍saa̠mapa̍hatyai̠ marya̍shree-sspriha̠ya-dva̍rno a̠gnirityaa̠haa-pa̍chitime̠vaa-'smi̍-ndadhaa̠tya-pa̍chitimaa-nbhavati̠ ya e̠vam- [ya e̠vam, veda̠ mana̍saa̠ tvai] 13
-mveda̠ mana̍saa̠ tvai taamaaptu̍marhati̠ yaama̍ddhva̠ryura̍-na̠gnaavaahu̍ti-nju̠hoti̠ mana̍svateebhyaa-njuho̠tyaahu̍tyo̠raaptyai̠ dvaabhyaa̠-mprati̍shthityai yajnamu̠khe ya̍jnamukhe̠ vai kri̠yamaa̍ne ya̠jnagm rakshaagm̍si jighaagm santye̠tarhi̠ khalu̠ vaa e̠ta-dya̍jnamu̠kham yarhye̍na̠-daahu̍ti-rashnu̠te pari̍ likhati̠ raksha̍saa̠mapa̍hatyai ti̠sribhi̠h pari̍ likhati tri̠vridvaa a̠gniryaavaa̍ne̠vaa-'gnistasmaa̠-drakshaa̠g̠syapa̍ hanti [hanti, gaa̠ya̠tri̠yaa pari̍] 14
gaayatri̠yaa pari̍ likhati̠ tejo̠ vai gaa̍ya̠tree teja̍sai̠vaina̠-mpari̍grihnaati tri̠shtubhaa̠ pari̍ likhateendri̠yam vai tri̠shtu-gi̍ndri̠yenai̠vaina̠-mpari̍ grihnaatyanu̠shtubhaa̠ pari̍ likhatyanu̠shtu-phsarvaa̍ni̠ chhandaagm̍si pari̠bhooh paryaa̎ptyai maddhya̠to̍-'nu̠shtubhaa̠ vaagvaa a̍nu̠shtu-ptasmaa̎-nmaddhya̠to vaa̠chaa va̍daamo gaayatri̠yaa pra̍tha̠mayaa̠ pari̍ likha̠tyathaa̍-'nu̠shtubhaa-'tha̍ tri̠shtubhaa̠ tejo̠ vai gaa̍ya̠tree ya̠jno̍ 'nu̠shtugi̍ndri̠ya-ntri̠shtu-pteja̍saa chai̠vendri̠yena̍ chobha̠yato̍ ya̠jna-mpari̍ grihnaati ॥ 15 ॥ (a̠ndho̎-'ddhva̠ryu - rma̠haan - bha̍vati̠ ya e̠vagm - ha̍nti - tri̠shtubhaa̠ tejo̠ vai gaa̍ya̠tree - trayo̍dasha cha) (a. 3)
de̠vasya̍ tvaa savi̠tuh pra̍sa̠va iti̍ khanati̠ prasoo̎tyaa̠ atho̍ dhoo̠ma-me̠vaitena̍ janayati̠ jyoti̍shmanta-ntvaa-'gne su̠pratee̍ka̠-mityaa̍ha̠ jyoti̍re̠vaitena̍ janayati̠ so̎-'gnirjaa̠tah pra̠jaa-shshu̠chaa-''rpa̍ya̠-tta-nde̠vaa a̍rdha̠rchenaa̍-shamayanchhi̠va-mpra̠jaabhyo-'higm̍ santa̠mityaa̍ha pra̠jaabhya̍ e̠vainagm̍ shamayati̠ dvaabhyaa̎-nkhanati̠ prati̍shthityaa a̠paa-mpri̠shthama̠seeti̍ pushkarapa̠rnamaa [pushkarapa̠rnamaa, ha̠ra̠tya̠paam vaa] 16
ha̍ratya̠paam vaa e̠ta-tpri̠shtham ya-tpu̍shkarapa̠rnagm roo̠penai̠vaina̠daa ha̍rati pushkarapa̠rnena̠ sa-mbha̍rati̠ yoni̠rvaa a̠gneh pu̍shkarapa̠rnagm sayo̍nime̠vaagnigm sambha̍rati krishnaaji̠nena̠ sambha̍rati ya̠jno vai kri̍shnaaji̠nam ya̠jnenai̠va ya̠jnagm sambha̍rati̠ ya-dgraa̠myaanaa̎-mpashoo̠naa-ncharma̍naa sa̠mbhare̎-dgraa̠myaa-npa̠shoonchhu̠chaa-'rpa̍ye-tkrishnaaji̠nena̠ sambha̍ratyaara̠nyaane̠va pa̠shoo- [pa̠shoon, shu̠chaa-'rpa̍yati̠] 17
-nchhu̠chaa-'rpa̍yati̠ tasmaa̎-thsa̠maava̍-tpashoo̠naa-mpra̠jaaya̍maanaanaa-maara̠nyaah pa̠shava̠h kanee̍yaagmsa-shshu̠chaa hyri̍taa lo̍ma̠ta-ssambha̍ra̠tyato̠ hya̍sya̠ meddhya̍-nkrishnaaji̠na-ncha̍ pushkarapa̠rna-ncha̠ sagg stri̍naatee̠yam vai kri̍shnaaji̠nama̠sau pu̍shkarapa̠rna-maa̠bhyaa-me̠vaina̍-mubha̠yata̠h pari̍grihnaatya̠-gnirde̠vebhyo̠ nilaa̍yata̠ tamatha̠rvaa-'nva̍pashya̠datha̍rvaa tvaa pratha̠mo nira̍manthadagna̠ i- [nira̍manthadagna̠ iti̍, aa̠ha̠ ya e̠vaina̍-] 18
-tyaa̍ha̠ ya e̠vaina̍-ma̠nvapa̍shya̠-ttenai̠vaina̠gm̠ sambha̍rati̠ tvaama̍gne̠ pushka̍raa̠dadheetyaa̍ha pushkarapa̠rne hye̍na̠mupa̍shrita̠-mavi̍nda̠-ttamu̍ tvaa da̠ddhyannrishi̠rityaa̍ha da̠ddhyan vaa aa̍tharva̠na-ste̍ja̠svyaa̍see̠-tteja̍ e̠vaasmi̍-ndadhaati̠ tamu̍ tvaa paa̠thyo vrishetyaa̍ha̠ poorva̍me̠vodi̠ta-mutta̍renaa̠bhi gri̍naati [gri̍naati, cha̠ta̠sribhi̠-ssambha̍rati] 19
chata̠sribhi̠-ssambha̍rati cha̠tvaari̠ chhandaagm̍si̠ chhando̍bhire̠va gaa̍ya̠treebhi̍rbraahma̠nasya̍ gaaya̠tro hi braa̎hma̠na-stri̠shtugbhee̍ raaja̠nya̍sya̠ traishtu̍bho̠ hi raa̍ja̠nyo̍ ya-nkaa̠maye̍ta̠ vasee̍yaan-thsyaa̠dityu̠bhayee̍bhi̠stasya̠ sambha̍re̠-tteja̍shchai̠vaa-'smaa̍ indri̠ya-ncha̍ sa̠meechee̍ dadhaatyashtaa̠bhi-ssambha̍ratya̠shtaaksha̍raa gaaya̠tree gaa̍ya̠tro̎ 'gniryaavaa̍ne̠vaa-'gnistagm sambha̍rati̠ seeda̍ hota̠rityaa̍- -ha de̠vataa̍ e̠vaasmai̠ sagm saa̍dayati̠ ni hoteti̍ manu̠shyaa̎m-thsagm see̍da̠sveti̠ vayaagm̍si̠ jani̍shvaa̠ hi jenyo̠ agre̠ ahnaa̠mityaa̍ha deva manu̠shyaane̠vaa-'smai̠ sagmsa̍nnaa̠-npraja̍nayati ॥ 20 (ai - va pa̠shoo - niti̍ - grinaati - hota̠riti̍ - sa̠ptavigm̍shatishcha) (a. 4)
kroo̠rami̍va̠ vaa a̍syaa e̠ta-tka̍roti̠ ya-tkhana̍tya̠pa upa̍ srija̠tyaapo̠ vai shaa̠ntaa-shshaa̠ntaabhi̍re̠vaa-'syai̠ shuchagm̍ shamayati̠ sa-nte̍ vaa̠yurmaa̍ta̠rishvaa̍ dadhaa̠tvityaa̍ha praa̠no vai vaa̠yuh praa̠nenai̠vaasyai̎ praa̠nagm sa-nda̍dhaati̠ sa-nte̍ vaa̠yurityaa̍ha̠ tasmaa̎-dvaa̠yupra̍chyutaa di̠vo vrishti̍reerte̠ tasmai̍ cha devi̠ vasha̍dastu̠ [vasha̍dastu, tubhya̠mityaa̍ha̠] 21
tubhya̠mityaa̍ha̠ shadvaa ri̠tava̍ ri̠tushve̠va vrishti̍-ndadhaati̠ tasmaa̠-thsarvaa̍nri̠toon. va̍rshati̠ ya-dva̍shatku̠ryaa-dyaa̠tayaa̍maa-'sya vashatkaa̠ra-ssyaa̠dyanna va̍shatku̠ryaa-drakshaagm̍si ya̠jnagm ha̍nyu̠rvadityaa̍ha pa̠roksha̍me̠va vasha̍-tkaroti̠ naasya̍ yaa̠tayaa̍maa vashatkaa̠ro bhava̍ti̠ na ya̠jnagm rakshaagm̍si ghnanti̠ sujaa̍to̠ jyoti̍shaa sa̠hetya̍nu̠shtubhopa̍ nahyatyanu̠shtu- [nahyatyanu̠shtup, sarvaa̍ni̠ chhandaagm̍si̠] 22
-phsarvaa̍ni̠ chhandaagm̍si̠ chhandaagm̍si̠ khalu̠ vaa a̠gneh pri̠yaa ta̠nooh pri̠yayai̠vaina̍-nta̠nuvaa̠ pari̍ dadhaati̠ vedu̍ko̠ vaaso̍ bhavati̠ya e̠vam veda̍ vaaru̠no vaa a̠gnirupa̍naddha̠ udu̍ tishtha svaddhvaro̠rdhva oo̠ shuna̍ oo̠taya̠ iti̍ saavi̠treebhyaa̠mu-tti̍shthati savi̠tripra̍soota e̠vaasyo̠rdhvaam va̍runame̠nimu-thsri̍jati̠ dvaabhyaa̠-mprati̍shthityai̠ sa jaa̠to garbho̍ asi̠ [garbho̍ asi, roda̍syo̠rityaa̍he̠me] 23
roda̍syo̠rityaa̍he̠me vai roda̍see̠ tayo̍re̠sha garbho̠ yada̠gni-stasmaa̍-de̠vamaa̠haagne̠ chaaru̠rvibhri̍ta̠ osha̍dhee̠shvityaa̍ha ya̠daa hye̍tam vi̠bhara̠ntyatha̠ chaaru̍taro̠ bhava̍ti̠ pra maa̠tribhyo̠ adhi̠ kani̍krada-dgaa̠ ityaa̠hausha̍dhayo̠ vaa a̍sya maa̠tara̠staabhya̍ e̠vaina̠-mprachyaa̍vayati sthi̠ro bha̍va vee̠dva̍nga̠ iti̍ garda̠bha aa saa̍dayati̠ [aa saa̍dayati, sa-nna̍hyatye̠vaina̍-] 24
sa-nna̍hyatye̠vaina̍-me̠tayaa̎ sthe̠mne ga̍rda̠bhena̠ sambha̍rati̠ tasmaa̎-dgarda̠bhah pa̍shoo̠naa-mbhaa̍rabhaa̠rita̍mo garda̠bhena̠ sa-mbha̍rati̠ tasmaa̎-dgarda̠bho-'pya̍naale̠she-'tya̠nyaa-npa̠shoo-nme̎dya̠tyanna̠gg̠ hye̍nenaa̠-'rkagm sa̠mbhara̍nti garda̠bhena̠ sambha̍rati̠ tasmaa̎-dgarda̠bho dvi̠retaa̠-ssan kani̍shtha-mpashoo̠naa-mprajaa̍yate̠-'gnirhya̍sya̠ yoni̍-nni̠rdaha̍ti pra̠jaasu̠ vaa e̠sha e̠tarhyaaroo̍dha̠- [e̠tarhyaaroo̍dhah, sa ee̎shva̠rah pra̠jaa-shshu̠chaa] 25
-ssa ee̎shva̠rah pra̠jaa-shshu̠chaa pra̠daha̍-shshi̠vo bha̍va pra̠jaabhya̠ ityaa̍ha pra̠jaabhya̍ e̠vainagm̍ shamayati̠ maanu̍sheebhya̠stvama̍ngira̠ ityaa̍ha maana̠vyo̍ hi pra̠jaa maa dyaavaa̍prithi̠vee a̠bhi shoo̍shucho̠ maa-'ntari̍ksha̠-mmaa vana̠spatee̠nityaa̍hai̠bhya e̠vaina̍m lo̠kebhya̍-shshamayati̠ praitu̍ vaa̠jee kani̍krada̠dityaa̍ha vaa̠jee hye̍sha naana̍da̠-draasa̍bha̠h patve- [patveti, aa̠ha̠ raasa̍bha̠ iti̠] 26
-tyaa̍ha̠ raasa̍bha̠ iti̠ hye̍tamrisha̠yo-'va̍da̠-nbhara̍nna̠gni-mpu̍ree̠shya̍mityaa̍haa̠-'gnigg hye̍sha bhara̍ti̠ maa paa̠dyaayu̍shah pu̠retyaa̠haa-''yu̍re̠vaa-'smi̍-ndadhaati̠ tasmaa̎-dgarda̠bha-ssarva̠maayu̍reti̠ tasmaa̎-dgarda̠bhe pu̠raa-''yu̍sha̠h pramee̍te bibhyati̠ vrishaa̠-'gnim vrisha̍na̠-mbhara̠nnityaa̍ha̠ vrishaa̠ hye̍sha vrishaa̠-'gnira̠paa-ngarbhagm̍ - [vrishaa̠-'gnira̠paa-ngarbha̎m, sa̠mu̠driya̠-] 27
samu̠driya̠-mityaa̍haa̠-'paag hye̍sha garbho̠ yada̠gniragna̠ aa yaa̍hi vee̠taya̠ iti̠ vaa i̠mau lo̠kau vyai̍taa̠magna̠ aa yaa̍hi vee̠taya̠ iti̠ yadaahaa̠ 'nayo̎rlo̠kayo̠-rveetyai̠ prachyu̍to̠ vaa e̠sha aa̠yata̍naa̠daga̍tah prati̠shthaagm sa e̠tarhya̍ddhva̠ryu-ncha̠ yaja̍maana-ncha ddhyaayatyri̠tagm sa̠tyamityaa̍he̠yam vaa ri̠tama̠sau [ ] 28
sa̠tyama̠nayo̍re̠vaina̠-mprati̍ shthaapayati̠ naa-''rti̠maarchchha̍tyaddhva̠ryurna yaja̍maano̠ varu̍no̠ vaa e̠sha yaja̍maanama̠bhyaiti̠ yada̠gnirupa̍naddha̠ osha̍dhaya̠h prati̍ grihneetaa̠gnime̠ta-mityaa̍ha̠ shaantyai̠ vyasya̠n vishvaa̠ ama̍tee̠raraa̍tee̠-rityaa̍ha̠ raksha̍saa̠mapa̍hatyai ni̠sheeda̍-nno̠ apa̍ durma̠tigm ha̍na̠dityaa̍ha̠ prati̍shthityaa̠ osha̍dhaya̠h prati̍modaddhva- [prati̍modaddhvam, e̠na̠mityaa̠hausha̍dhayo̠] 29
-mena̠mityaa̠hausha̍dhayo̠ vaa a̠gnerbhaa̍ga̠dheya̠-ntaabhi̍re̠vaina̠gm̠ sama̍rdhayati̠ pushpaa̍vatee-ssupippa̠laa ityaa̍ha̠ tasmaa̠dosha̍dhaya̠h phala̍-ngrihnantya̠ yam vo̠ garbha̍ ri̠tviya̍h pra̠tnagm sa̠dhastha̠maa-'sa̍da̠dityaa̍ha̠ yaabhya̍ e̠vaina̍-mprachyaa̠vaya̍ti̠ taasve̠vaina̠-mprati̍shthaapayati̠ dvaabhyaa̍mu̠paava̍harati̠ prati̍shthityai ॥ 30 ॥ (a̠stva̠ - nu̠shtu - ba̍si - saadaya̠tyaa - roo̍dha̠h-patveti̠-garbha̍-ma̠sau - mo̍daddhva̠m - dvicha̍tvaarigmshachcha) (a. 5)
vaa̠ru̠no vaa a̠gnirupa̍naddho̠ vi paaja̠seti̠ visragm̍sayati savi̠tripra̍soota e̠vaasya̠ vishoo̍cheem varuname̠nim visri̍jatya̠pa upa̍ srija̠tyaapo̠ vai shaa̠ntaa-shshaa̠ntaabhi̍re̠vaasya̠ shuchagm̍ shamayati ti̠sribhi̠rupa̍ srijati tri̠vridvaa a̠gniryaavaa̍ne̠vaa-gnistasya̠ shuchagm̍ shamayati mi̠tra-ssa̠gm̠srijya̍ prithi̠veemityaa̍ha mi̠tro vai shi̠vo de̠vaanaa̠-ntenai̠vai- [de̠vaanaa̠-ntenai̠va, e̠na̠gm̠ sagm sri̍jati̠] 31
-na̠gm̠ sagm sri̍jati̠ shaantyai̠ yadgraa̠myaanaa̠-mpaatraa̍naa-nka̠paalai̎-ssagmsri̠je-dgraa̠myaani̠ paatraa̍ni shu̠chaa-'rpa̍yedarmakapaa̠lai-ssagm sri̍jatye̠taani̠ vaa a̍nupajeevanee̠yaani̠ taanye̠va shu̠chaa-'rpa̍yati̠ sharka̍raabhi̠-ssagm sri̍jati̠ dhrityaa̠ atho̍ sha̠ntvaayaa̍ jalo̠mai-ssagm sri̍jatye̠shaa vaa a̠gneh pri̠yaa ta̠nooryada̠jaa pri̠yayai̠vaina̍-nta̠nuvaa̠ sagm sri̍ja̠tyatho̠ teja̍saa krishnaaji̠nasya̠ loma̍bhi̠-ssagm - [loma̍bhi̠-ssam, sri̠ja̠ti̠ ya̠jno vai] 32
sri̍jati ya̠jno vai kri̍shnaaji̠nam ya̠jnenai̠va ya̠jnagm sagm sri̍jati ru̠draa-ssa̠bhritya̍ prithi̠veemityaa̍hai̠taa vaa e̠ta-nde̠vataa̠ agre̠ sama̍bhara̠-ntaabhi̍re̠vaina̠gm̠ sambha̍rati ma̠khasya̠ shiro̠-'seetyaa̍ha ya̠jno vai ma̠khastasyai̠ta-chchhiro̠ yadu̠khaa tasmaa̍de̠vamaa̍ha ya̠jnasya̍ pa̠de stha̠ ityaa̍ha ya̠jnasya̠ hye̍te [ ] 33
pa̠de atho̠ prati̍shthityai̠ praa-'nyaabhi̠-ryachchha̠tyanva̠nyai-rma̍ntrayate mithuna̠tvaaya̠ tryu̍ddhi-nkaroti̠ traya̍ i̠me lo̠kaa e̠shaam lo̠kaanaa̠maaptyai̠ chhando̍bhih karoti vee̠rya̍m vai chhandaagm̍si vee̠rye̍nai̠vainaa̎-nkaroti̠ yaju̍shaa̠ bila̍-nkaroti̠ vyaavri̍ttyaa̠ iya̍tee-nkaroti pra̠jaapa̍tinaa yajnamu̠khena̠ sammi̍taa-ndvista̠naa-nka̍roti̠ yaavaa̍prithi̠vyordohaa̍ya̠ chatu̍sstanaa-nkaroti pashoo̠naa-ndohaa̍yaa̠shtaasta̍naa-nkaroti̠ chhanda̍saa̠-ndohaa̍ya̠ navaa̎shri-mabhi̠chara̍tah kuryaa-ttri̠vrita̍me̠va vajragm̍ sa̠mbhritya̠ bhraatri̍vyaaya̠ praha̍rati̠ strityai̍ kri̠tvaaya̠ saa ma̠heemu̠khaamiti̠ ni da̍dhaati de̠vataa̎sve̠vainaa̠-mprati̍shthaapayati ॥ 34 ॥ (tenai̠va - loma̍bhi̠-ssa - me̠te - a̍bhi̠chara̍ta̠ - eka̍vigmshatishcha) (a. 6)
sa̠ptabhi̍rdhoopayati sa̠pta vai shee̍rsha̠nyaa̎h praa̠naa-shshira̍ e̠ta-dya̠jnasya̠ yadu̠khaa shee̠r̠shanne̠va ya̠jnasya̍ praa̠naa-nda̍dhaati̠ tasmaa̎-thsa̠pta shee̠r̠sha-npraa̠naa a̍shvasha̠kena̍ dhoopayati praajaapa̠tyo vaa ashva̍-ssayoni̠tvaayaa-di̍ti̠stvetyaa̍he̠yam vaa adi̍ti̠radi̍tyai̠vaadi̍tyaa-nkhanatya̠syaa akroo̍rankaaraaya̠ na hi sva-ssvagm hi̠nasti̍ de̠vaanaa̎-ntvaa̠ patnee̠rityaa̍ha de̠vaanaa̠m- [de̠vaanaa̎m, vaa e̠taa-mpatna̠yo-'gre̍-'] 35
-mvaa e̠taa-mpatna̠yo-'gre̍-'-kurva̠-ntaabhi̍re̠vainaa̎-ndadhaati dhi̠shanaa̠stvetyaa̍ha vi̠dyaa vai dhi̠shanaa̍ vi̠dyaabhi̍-re̠vainaa̍-ma̠bheendhe̠ gnaastvetyaa̍ha̠ chhandaagm̍si̠ vai gnaa shchhando̍bhi-re̠vainaag̍ shrapayati̠ varoo̎traya̠stvetyaa̍ha̠ hotraa̠ vai varoo̎trayo̠ hotraa̍bhire̠vainaa̎-mpachati̠ jana̍ya̠stvetyaa̍ha de̠vaanaa̠m vai patnee̠- [patnee̎h, jana̍ya̠staabhi̍-] 36
-rjana̍ya̠staabhi̍-re̠vainaa̎-mpachati sha̠dbhih pa̍chati̠ shadvaa ri̠tava̍ ri̠tubhi̍re̠vainaa̎-mpachati̠ dvih pacha̠ntvityaa̍ha̠ tasmaa̠-ddvi-ssa̍mvathsa̠rasya̍ sa̠sya-mpa̍chyate vaaru̠nyu̍khaa-'bheeddhaa̍ mai̠triyopai̍ti̠ shaantyai̍ de̠vastvaa̍ savi̠to-dva̍pa̠tvityaa̍ha savi̠tripra̍soota e̠vainaa̠-mbrahma̍naa de̠vataa̍bhi̠ru-dva̍pa̠tyapa̍dyamaanaa prithi̠vyaashaa̠ disha̠ aa pri̠ne- [aa pri̠na, ityaa̍ha̠] 37
-tyaa̍ha̠ tasmaa̍da̠gni-ssarvaa̠ disho-'nu̠ vibhaa̠tyutti̍shtha briha̠tee bha̍vo̠rdhvaa ti̍shtha dhru̠vaa tvamityaa̍ha̠ prati̍shthityaa asu̠rya̍-mpaatra̠manaa̎chchhrinna̠maa-chchhri̍natti deva̠traa-'ka̍rajakshee̠renaa-''chchhri̍natti para̠mam vaa e̠ta-tpayo̠ yada̍jakshee̠ra-mpa̍ra̠menai̠vainaa̠-mpaya̠saa-''chchhri̍natti̠ yaju̍shaa̠ vyaavri̍ttyai̠ chhando̍bhi̠raa chchhri̍natti̠ chhando̍bhi̠rvaa e̠shaa kri̍yate̠ chhando̍bhire̠va chhandaa̠g̠syaa chchhri̍natti ॥ 38 ॥ (aa̠ha̠ de̠vaanaa̠m - mvai patnee̎h - prinai̠ - shaa - shat cha̍) (a. 7)
eka̍vigmshatyaa̠ maashai̎h purushashee̠r̠sha-machchhai̎tyame̠ddhyaa vai maashaa̍ ame̠ddhya-mpu̍rushashee̠r̠sha-ma̍me̠ddhyaire̠vaa-syaa̍-me̠ddhya-nni̍rava̠daaya̠ meddhya̍-nkri̠tvaa ''ha̍ra̠tyeka̍vigmshati-rbhavantyekavi̠gm̠sho vai puru̍sha̠h puru̍sha̠syaa-''ptyai̠ vyri̍ddha̠m vaa e̠ta-tpraa̠naira̍me̠ddhyam ya-tpu̍rushashee̠r̠shagm sa̍pta̠dhaa vitri̍nnaam valmeekava̠paa-mprati̠ ni da̍dhaati sa̠pta vai shee̍rsha̠nyaa̎h praa̠naah praa̠naire̠vaina̠-thsama̍rdhayati meddhya̠tvaaya̠ yaava̍nto̠ [yaava̍ntah, vai mri̠tyuba̍ndhava̠-] 39
vai mri̠tyuba̍ndhava̠-steshaa̎m ya̠ma aadhi̍patya̠-mparee̍yaaya yamagaa̠thaabhi̠h pari̍gaayati ya̠maade̠vaina̍-dvrinkte ti̠sribhi̠h pari̍gaayati̠ traya̍ i̠me lo̠kaa e̠bhya e̠vaina̍llo̠kebhyo̍ vrinkte̠ tasmaa̠-dgaaya̍te̠ na deya̠-ngaathaa̠ hi ta-dvri̠nkte̎ 'gnibhya̍h pa̠shoonaa la̍bhate̠ kaamaa̠ vaa a̠gnaya̠h kaamaa̍ne̠vaava̍ rundhe̠ ya-tpa̠shoo-nnaa-''labhe̠taa-'na̍varuddhaa asya [ ] 40
pa̠shava̍-ssyu̠rya-tparya̍gnikritaanu-thsri̠je-dya̍jnavesha̠sa-nku̍ryaa̠-dya-thsagg̍sthaa̠paye̎-dyaa̠tayaa̍maani shee̠r̠shaani̍ syu̠rya-tpa̠shoonaa̠labha̍te̠ tenai̠va pa̠shoonava̍ rundhe̠ ya-tparya̍gnikritaanu-thsri̠jati̍ shee̠rshnaa-mayaa̍tayaamatvaaya praajaapa̠tyena̠ sagg sthaa̍payati ya̠jno vai pra̠jaapa̍tirya̠jna e̠va ya̠jna-mprati̍shthaapayati pra̠jaapa̍tih pra̠jaa a̍srijata̠ sa ri̍richaa̠no̍-'manyata̠ sa e̠taa aa̠preera̍pashya̠-ttaabhi̠rvai sa mu̍kha̠ta [sa mu̍kha̠tah, aa̠tmaana̠maa 'pree̍neeta̠] 41
aa̠tmaana̠maa 'pree̍neeta̠ yade̠taa aa̠priyo̠ bhava̍nti ya̠jno vai pra̠jaapa̍ti-rya̠jname̠vaitaabhi̍rmukha̠ta aa pree̍naa̠tya-pa̍rimitachhandaso bhava̠ntyapa̍rimitah pra̠jaapa̍tih pra̠jaapa̍te̠raaptyaa̍ oonaatiri̠ktaa mi̍thu̠naah prajaa̎tyai loma̠sham vai naamai̠tachchhanda̍h pra̠jaapa̍teh pa̠shavo̍ loma̠shaah pa̠shoone̠vaa-'va̍ rundhe̠ sarvaa̍ni̠ vaa e̠taa roo̠paani̠ sarvaa̍ni roo̠paanya̠gnau chitye̎ kriyante̠ tasmaa̍de̠taa a̠gneshchitya̍sya [a̠gneshchitya̍sya, bha̠va̠ntyeka̍vigm shatigm] 42
bhava̠ntyeka̍vigm shatigm saamidhe̠neeranvaa̍ha̠ rugvaa e̍kavi̠gm̠sho rucha̍me̠va ga̍chchha̠tyatho̎ prati̠shthaame̠va pra̍ti̠shthaa hye̍kavi̠gm̠sha-shchatu̍rvigmshati̠manvaa̍ha̠ chatu̍rvigmshatirardhamaa̠saa-ssa̍mvathsa̠ra-ssa̍mvathsa̠ro̎-'gnirvai̎shvaana̠ra-ssaa̠kshaade̠va vai̎shvaana̠ramava̍ rundhe̠ paraa̍chee̠ranvaa̍ha̠ paraa̍niva̠ hi su̍va̠rgo lo̠ka-ssamaa̎stvaa-'gna ri̠tavo̍ vardhaya̠ntvityaa̍ha̠ samaa̍bhire̠vaa-'gnim va̍rdhaya- [-'gnim va̍rdhayati, ri̠tubhi̍-ssamvathsa̠ram vishvaa̠] 43
-tyri̠tubhi̍-ssamvathsa̠ram vishvaa̠ aa bhaa̍hi pra̠disha̍h prithi̠vyaa ityaa̍ha̠ tasmaa̍da̠gni-ssarvaa̠ disho-'nu̠ vibhaa̍ti̠ pratyau̍hataama̠shvinaa̍ mri̠tyuma̍smaa̠dityaa̍ha mri̠tyume̠vaa-'smaa̠dapa̍ nuda̠tyudva̠ya-ntama̍sa̠spareetyaa̍ha paa̠pmaa vai tama̍h paa̠pmaana̍me̠vaasmaa̠dapa̍ ha̠ntyaga̍nma̠ jyoti̍rutta̠ma-mityaa̍haa̠-'sau vaa aa̍di̠tyo jyoti̍rutta̠ma-maa̍di̠tyasyai̠va saayu̍jya-ngachchhati̠ na sa̍mvathsa̠rasti̍shthati̠ naasya̠ shreesti̍shthati̠ yasyai̠taah kri̠yante̠ jyoti̍shmatee-mutta̠maamanvaa̍ha̠ jyoti̍re̠vaasmaa̍ u̠pari̍shtaa-ddadhaati suva̠rgasya̍ lo̠kasyaanu̍khyaatyai ॥ 44 ॥ (yaava̍nto - 'sya - mukha̠ta - shchitya̍sya - vardhaya - tyaadi̠tyo̎ - 'shtaavigm̍shatishcha) (a. 8)
sha̠dbhirdee̎kshayati̠ shadvaa ri̠tava̍ ri̠tubhi̍re̠vaina̍-ndeekshayati sa̠ptabhi̍rdeekshayati sa̠pta chhandaagm̍si̠ chhando̍bhire̠vaina̍-ndeekshayati̠ vishve̍ de̠vasya̍ ne̠turitya̍-nu̠shtubho̎tta̠mayaa̍ juhoti̠ vaagvaa a̍nu̠shtu-ptasmaa̎-tpraa̠naanaa̠m vaagu̍tta̠mai- ka̍smaada̠ksharaa̠danaa̎pta-mpratha̠ma-mpa̠da-ntasmaa̠-dya-dvaa̠cho-'naa̎pta̠-ntanma̍nu̠shyaa̍ upa̍ jeevanti poo̠rnayaa̍ juhoti poo̠rna i̍va̠ hi pra̠jaapa̍tih [pra̠jaapa̍tih, pra̠jaapa̍te̠raapatyai̠] 45
pra̠jaapa̍te̠raaptyai̠ nyoo̍nayaa juhoti̠ nyoo̍naa̠ddhi pra̠jaapa̍tih pra̠jaa asri̍jata pra̠jaanaa̠gm̠ srishtyai̠ yada̠rchishi̍ pravri̠njyaa-dbhoo̠tamava̍ rundheeta̠ yadangaa̍reshu bhavi̠shyadangaa̍reshu̠ pravri̍nakti bhavi̠shya de̠vaava̍ rundhe bhavi̠shyaddhi bhooyo̍ bhoo̠taa-ddvaabhyaa̠-mpravri̍nakti dvi̠paa-dyaja̍maana̠h prati̍shthityai̠ brahma̍naa̠ vaa e̠shaa yaju̍shaa̠ sambhri̍taa̠ yadu̠khaa saa yadbhidye̠taa-''rti̠maarchchhe̠- [-''rti̠maarchchhe̎t, yaja̍maano] 46
-dyaja̍maano ha̠nyetaa̎-'sya ya̠jno mitrai̠taamu̠khaa-nta̠petyaa̍ha̠ brahma̠ vai mi̠tro brahma̍nne̠vainaa̠-mprati̍shthaapayati̠ naa-''rti̠maarchchha̍ti̠ yaja̍maano̠ naasya̍ ya̠jno ha̍nyate̠ yadi̠ bhidye̍ta̠ taire̠va ka̠paalai̠-ssagm sri̍je̠-thsaiva tata̠h praaya̍shchitti̠ryo ga̠tashree̠-ssyaanma̍thi̠tvaa tasyaava̍ daddhyaa-dbhoo̠to vaa e̠sha sa svaa- [e̠sha sa svaam, de̠vataa̠mupai̍ti̠] 47
-nde̠vataa̠mupai̍ti̠ yo bhooti̍kaama̠-ssyaadya u̠khaayai̍ sa̠mbhave̠-thsa e̠va tasya̍ syaa̠dato̠ hye̍sha sa̠mbhava̍tye̠sha vai sva̍ya̠mbhoornaama̠ bhava̍tye̠va ya-nkaa̠maye̍ta̠ bhraatri̍vyamasmai janayeya̠mitya̠-nyata̠stasyaa̠-''hrityaa-'va̍ daddhyaa-thsaa̠kshaade̠vaasmai̠ bhraatri̍vya-njanayatyamba̠reeshaa̠danna̍ kaama̠syaava̍ daddhyaadamba̠reeshe̠ vaa anna̍-mbhriyate̠ sayo̎nye̠vaanna̠- [sayo̎nye̠vaanna̎m, ava̍ rundhe̠] 48
-mava̍ rundhe̠ munjaa̠nava̍ dadhaa̠tyoorgvai munjaa̠ oorja̍me̠vaasmaa̠ api̍ dadhaatya̠gnirde̠vebhyo̠ nilaa̍yata̠ sa kru̍mu̠ka-mpraa-'vi̍sha-tkrumu̠kamava̍ dadhaati̠ yade̠vaasya̠ tatra̠ nya̍kta̠-nta de̠vaava̍ rundha̠ aajye̍na̠ sam yau̎tye̠tadvaa a̠gneh pri̠ya-ndhaama̠ yadaajya̍-mpri̠yenai̠vaina̠-ndhaamnaa̠ sama̍rdhaya̠tyatho̠ teja̍saa̠ [teja̍saa, vai ka̍kantee̠maa da̍dhaati̠] 49
vai ka̍nkatee̠maa da̍dhaati̠ bhaa e̠vaava̍ rundhe shamee̠mayee̠maa da̍dhaati̠ shaantyai̠ seeda̠ tva-mmaa̠tura̠syaa u̠pastha̠ iti̍ ti̠sribhi̍rjaa̠tamupa̍ tishthate̠ traya̍ i̠me lo̠kaa e̠shve̍va lo̠keshvaa̠vida̍-ngachchha̠tyatho̎ praa̠naane̠vaa-''tma-ndha̍tte ॥ 50 ॥ ( pra̠jaapa̍ti--r richchhe̠th - svaa - me̠vaanna̠m - teja̍saa̠ - chatu̍strigmshachcha) (a. 9)
na ha̍ sma̠ vai pu̠raa-'gnirapa̍rashuvrikna-ndahati̠ tada̍smai prayo̠ga e̠varshi̍rasvadaya̠-dyada̍gne̠ yaani̠ kaani̠ cheti̍ sa̠midha̠maa da̍dhaa̠tyapa̍rashuvrikna-me̠vaasmai̎ svadayati̠ sarva̍masmai svadate̠ ya e̠vam vedaudu̍mbaree̠maa da̍dhaa̠tyoorgvaa u̍du̠mbara̠ oorja̍me̠vaasmaa̠ api̍ dadhaati pra̠jaapa̍tira̠gni-ma̍srijata̠ tagm sri̠shtagm rakshaag̍- [sri̠shtagm rakshaag̍msi, a̠ji̠ghaa̠gm̠sa̠nthsa e̠ta-] 51
-syajighaagmsa̠nthsa e̠ta-draa̎ksho̠ghnama̍pashya̠-ttena̠ vai sarakshaa̠g̠syapaa̍-'hata̠ ya-draa̎ksho̠ghna-mbhava̍tya̠gnere̠va tena̍ jaa̠taa-drakshaa̠g̠syapa̍ ha̠ntyaashva̍tthee̠maa da̍dhaatyashva̠ttho vai vana̠spatee̍naagm sapatnasaa̠ho viji̍tyai̠ vaika̍nkatee̠maa da̍dhaati̠ bhaa e̠vaava̍ rundhe shamee̠mayee̠maa da̍dhaati̠ shaantyai̠ sagmshi̍ta-mme̠ brahmode̍shaa-mbaa̠hoo a̍tira̠mityu̍tta̠me audu̍mbaree [audu̍mbaree, vaa̠cha̠ya̠ti̠ brahma̍nai̠va] 52
vaachayati̠ brahma̍nai̠va ksha̠tragm sagg shya̍ti ksha̠trena̠ brahma̠ tasmaa̎-dbraahma̠no raa̍ja̠nya̍vaa̠natya̠nya-mbraa̎hma̠na-ntasmaa̎-draaja̠nyo̎ braahma̠navaa̠natya̠nyagm raa̍ja̠nya̍-mmri̠tyurvaa e̠sha yada̠gnira̠mrita̠gm̠ hira̍nyagm ru̠kmamanta̍ra̠-mprati̍munchate̠ 'mrita̍me̠va mri̠tyora̠ntardha̍tta̠ eka̍vigmshatinirbaadho bhava̠tyeka̍vigmshati̠rvai de̍valo̠kaa dvaada̍sha̠ maasaa̠h pancha̠rtava̠straya̍ i̠me lo̠kaa a̠saavaa̍di̠tya [a̠saavaa̍di̠tyah, e̠ka̠vi̠gm̠sha e̠taava̍nto̠ vai] 53
e̍kavi̠gm̠sha e̠taava̍nto̠ vai de̍valo̠kaastebhya̍ e̠va bhraatri̍vyama̠ntare̍ti nirbaa̠dhairvai de̠vaa asu̍raa-nnirbaa̠dhe̍-'kurvata̠ tanni̍rbaa̠dhaanaa̎-nnirbaadha̠tva-nni̍rbaa̠dhee bha̍vati̠ bhraatri̍vyaane̠va ni̍rbaa̠dhe ku̍rute saavitri̠yaa prati̍munchate̠ prasoo̎tyai̠ nakto̠shaasetyutta̍rayaa 'horaa̠traabhyaa̍me̠vaina̠-mudya̍chchhate de̠vaa a̠gni-ndhaa̍raya-ndravino̠daa ityaa̍ha praa̠naa vai de̠vaa dra̍vino̠daa a̍horaa̠traabhyaa̍me̠vaina̍mu̠dyatya̍ [ ] 54
praa̠nairdaa̍dhaa̠raa ''see̍na̠h prati̍munchate̠ tasmaa̠daasee̍naah pra̠jaah prajaa̍yante krishnaaji̠namutta̍ra̠-ntejo̠ vai hira̍nya̠-mbrahma̍ krishnaaji̠na-nteja̍saa chai̠vaina̠-mbrahma̍naa chobha̠yata̠h pari̍grihnaati̠ shadu̍dyaamagm shi̠kya̍-mbhavati̠ shadvaa ri̠tava̍ ri̠tubhi̍re̠vaina̠-mudya̍chchhate̠ ya-ddvaada̍shodyaamagm samvathsa̠renai̠va mau̠nja-mbha̍va̠tyoorgvai munjaa̍ oo̠rjaivaina̠gm̠ sa ma̍rdhayati supa̠rno̍-'si ga̠rutmaa̠nityave̎kshate roo̠pame̠vaasyai̠tanma̍hi̠maana̠m vyaacha̍shte̠ diva̍-ngachchha̠ suva̍h pa̠tetyaa̍ha suva̠rgame̠vaina̍m lo̠ka-nga̍mayati ॥ 55 ॥ (rakshaa̠g̠syau - du̍bamri - aadi̠tya - u̠dyatya̠ - sam - chatu̍rvigmshatishcha) (a. 10)
sami̍ddho a̠njan krida̍ra-mmatee̠naa-nghri̠tama̍gne̠ madhu̍ma̠-tpinva̍maanah । vaa̠jee vaha̍n vaa̠jina̍-njaatavedo de̠vaanaa̎m vakshi pri̠yamaa sa̠dhastha̎m ॥ ghri̠tenaa̠njanthsa-mpa̠tho de̍va̠yaanaa̎-nprajaa̠nan vaa̠jyapye̍tu de̠vaan । anu̍ tvaa sapte pra̠disha̍-ssachantaag sva̠dhaama̠smai yaja̍maanaaya dhehi ॥ eedya̠shchaasi̠ vandya̍shcha vaajinnaa̠shushchaasi̠ meddhya̍shcha sapte । a̠gnishtvaa̍ [a̠gnishtvaa̎, de̠vairvasu̍bhi-ssa̠joshaa̎h] 56
de̠vairvasu̍bhi-ssa̠joshaa̎h pree̠tam vahni̍m vahatu jaa̠tave̍daah ॥ stee̠rna-mba̠r̠hi-ssu̠shtaree̍maa jushaa̠noru pri̠thu pratha̍maana-mprithi̠vyaam । de̠vebhi̍ryu̠ktamadi̍ti-ssa̠joshaa̎-ssyo̠na-nkri̍nvaa̠naa su̍vi̠te da̍dhaatu ॥ e̠taa u̍ va-ssu̠bhagaa̍ vi̠shvaroo̍paa̠ vipaksho̍bhi̠-shshraya̍maanaa̠ udaatai̎h । ri̠shvaa-ssa̠teeh ka̠vasha̠-shshumbha̍maanaa̠ dvaaro̍ de̠vee-ssu̍praaya̠naa bha̍vantu ॥ a̠nta̠raa mi̠traavaru̍naa̠ chara̍ntee̠ mukha̍m ya̠jnaanaa̍ma̠bhi sa̍mvidaa̠ne । u̠shaasaa̍ vaagm [u̠shaasaa̍ vaam, su̠hi̠ra̠nye su̍shi̠lpe] 57
suhira̠nye su̍shi̠lpe ri̠tasya̠ yonaa̍vi̠ha saa̍dayaami ॥ pra̠tha̠maa vaagm̍ sara̠thinaa̍ su̠varnaa̍ de̠vau pashya̍ntau̠ bhuva̍naani̠ vishvaa̎ । api̍praya̠-nchoda̍naa vaa̠-mmimaa̍naa̠ hotaa̍raa̠ jyoti̍h pra̠dishaa̍ di̠shantaa̎ ॥ aa̠di̠tyairno̠ bhaara̍tee vashtu ya̠jnagm sara̍svatee sa̠ha ru̠drairna̍ aaveet । idopa̍hootaa̠ vasu̍bhi-ssa̠joshaa̍ ya̠jna-nno̍ deveera̠mrite̍shu dhatta ॥ tvashtaa̍ vee̠ra-nde̠vakaa̍ma-njajaana̠ tvashtu̠rarvaa̍ jaayata aa̠shurashva̍h । 58
tvashte̠dam vishva̠-mbhuva̍na-njajaana ba̠hoh ka̠rtaara̍mi̠ha ya̍kshi hotah ॥ ashvo̍ ghri̠tena̠ tmanyaa̠ sama̍kta̠ upa̍ de̠vaagm ri̍tu̠shah paatha̍ etu । vana̠spati̍-rdevalo̠ka-mpra̍jaa̠nanna̠gninaa̍ ha̠vyaa sva̍di̠taani̍ vakshat ॥ pra̠jaapa̍te̠stapa̍saa vaavridhaa̠na-ssa̠dyo jaa̠to da̍dhishe ya̠jnama̍gne । svaahaa̍kritena ha̠vishaa̍ purogaa yaa̠hi saa̠ddhyaa ha̠vira̍dantu de̠vaah ॥ 59 ॥ (a̠gnishtvaa̍ - vaa̠ - mashvo̠ - dvicha̍tvaarigmshachcha) (a. 11)
(saa̠vi̠traani̠ - vyri̍ddha̠ - mutkraa̍ma - de̠vasya̍ khanati - kroo̠ram -mvaa̍ru̠nah - sa̠ptabhi̠ - reka̍vigmshatyaa - sha̠dbhi - rna ha̍ sma̠ - sami̍ddho a̠nja - nnekaa̍dasha )
(saa̠vi̠traa - nyutkraa̍ma - kroo̠ram -mvaa̍ru̠nah - pa̠shava̍-ssyu̠ - rna ha̍ sma̠ - nava̍panchaa̠shat)
(saa̠vi̠traani̍, ha̠vira̍dantu de̠vaah)
॥ hari̍h om ॥
॥ krishna yajurvedeeya taittireeya samhitaayaa-mpanchamakaande prathamah prashna-ssamaaptah ॥
5.1 - ஸாவித்ராணி ஜுஹோதி ப்ரஸூத்யை - க்ருஷ்ண யஜுர்வேத³ தைத்திரீய ஸம்ஹிதா பாட:² பற்றி
This is the first prashna of the fifth kanda of the Krishna Yajurveda Taittiriya Samhita, which explains the rites of the ukhya agni, the sacred fire carried in a clay pot (ukha) during the building of the great fire altar. It opens: "He offers the Savitra oblations, for impulse (prasuti)", since Savitr is the god who sets things in motion. It goes on to explain the gathering of clay, the making of the fire-pot and the carrying of the fire, with the meaning of each act.
மூலம்: Krishna Yajurveda, Taittiriya Samhita 5.1
எப்போது பாராயணம் செய்வது: In Vedic chanting and in traditional study of the Taittiriya Samhita.
உங்களுக்குத் தெரியுமா?
- The fifth kanda gives the Brahmana-style explanations of the agnichayana, whose mantras are given in the fourth kanda.
- Savitr, the impeller, is the god of the Gayatri mantra, so his offerings begin the rite.
அடிக்கடி கேட்கப்படும் கேள்விகள்
What is the ukhya agni?
The sacred fire carried in a clay pot during the agnichayana.
Why are the Savitra offerings made first?
For impulse, since Savitr sets things in motion.
Which Veda is it from?
The Krishna Yajurveda, Taittiriya Samhita 5.1.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்