5.4 - தே³வாஸுரா ஸம்யத்தா ஆஸன்ன் - க்ருஷ்ண யஜுர்வேத³ தைத்திரீய ஸம்ஹிதா பாட:²
Kanda 5 - Krishna Yajurveda Taittiriya Samhita · பாரம்பரிய பக்தி நூல்
krishna yajurvedeeya taittireeya samhitaayaa-mpanchamakaande chaturthah prashnah - ishtakaatrayaabhidhaanam
o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥
de̠vaa̠su̠raa-ssamya̍ttaa aasa̠-nte na vya̍jayanta̠ sa e̠taa indra̍sta̠noora̍pashya̠-ttaa upaa̍dhatta̠ taabhi̠rvai sa ta̠nuva̍mindri̠yam vee̠rya̍maa̠tmanna̍dhatta̠ tato̍ de̠vaa abha̍va̠-nparaa-'su̍raa̠ yadi̍ndrata̠nooru̍pa̠dadhaa̍ti ta̠nuva̍me̠va taabhi̍rindri̠yam vee̠rya̍m yaja̍maana aa̠tma-ndha̠tte-'tho̠ sendra̍me̠vaagnigm sata̍nu-nchinute̠ bhava̍tyaa̠tmanaa̠ paraa̎-'sya̠ bhraatri̍vyo [bhraatri̍vyah, bha̠va̠ti̠ ya̠jno] 1
bhavati ya̠jno de̠vebhyo-'paa̎kraama̠-ttama̍va̠rudha̠-nnaasha̍knuva̠nta e̠taa ya̍jnata̠noora̍pashya̠-ntaa upaa̍dadhata̠ taabhi̠rvai te ya̠jnamavaa̍rundhata̠ ya-dya̍jnata̠nooru̍pa̠dadhaa̍ti ya̠jname̠va taabhi̠ryaja̍maa̠no-'va̍ rundhe̠ traya̍strigm shata̠mupa̍ dadhaati̠ traya̍strigmsha̠dvai de̠vataa̍ de̠vataa̍ e̠vaava̍ ru̠ndhe 'tho̠ saatmaa̍name̠vaagnigm sata̍nu-nchinute̠ saatmaa̠-'mushmi̍-~mllo̠ke [-'mushmi̍-~mllo̠ke, bha̠va̠ti̠ ya] 2
bha̍vati̠ ya e̠vam veda̠ jyoti̍shmatee̠rupa̍ dadhaati̠ jyoti̍re̠vaasmi̍-ndadhaatye̠taabhi̠rvaa a̠gnishchi̠to jva̍lati̠ taabhi̍re̠vaina̠gm̠ sami̍ndha u̠bhayo̍rasmai lo̠kayo̠rjyoti̍rbhavati nakshatreshta̠kaa upa̍ dadhaatye̠taani̠ vai di̠vo jyoteegm̍shi̠ taanye̠vaava̍ rundhe su̠kritaa̠m vaa e̠taani̠ jyoteegm̍shi̠ yannaksha̍traani̠ taanye̠vaa-''pno̠tyatho̍ anookaa̠sha-me̠vaitaani̠ [-me̠vaitaani̍, jyoteegm̍shi kurute] 3
jyoteegm̍shi kurute suva̠rgasya̍ lo̠kasyaanu̍khyaatyai̠ ya-thsaggspri̍shtaa upada̠ddhyaa-dvrishtyai̍ lo̠kamapi̍ daddhyaa̠dava̍rshukah pa̠rjanya̍-ssyaa̠dasagg̍sprishtaa̠ upa̍ dadhaati̠ vrishtyaa̍ e̠va lo̠ka-nka̍roti̠ varshu̍kah pa̠rjanyo̍ bhavati pu̠rastaa̍da̠nyaah pra̠teechee̠rupa̍ dadhaati pa̠shchaada̠nyaah praachee̠stasmaa̎-tpraa̠cheenaa̍ni cha pratee̠cheenaa̍ni cha̠ naksha̍traa̠nyaa va̍rtante ॥ 4 ॥ (bhraatri̍vyo - lo̠ka - e̠vaitaanye - ka̍chatvarigmshachcha) (a. 1)
ri̠ta̠vyaa̍ upa̍ dadhaatyritoo̠naa-nkLiptyai̎ dva̠dvammupa̍ dadhaati̠ tasmaa̎-ddva̠ndvamri̠tavo 'dhri̍teva̠ vaa e̠shaa yanma̍ddhya̠maa chiti̍ra̠ntari̍kshamiva̠ vaa e̠shaa dva̠dvamma̠nyaasu̠ chitee̠shoopa̍ dadhaati̠ chata̍sro̠ maddhye̠ dhrityaa̍ anta̠shshlesha̍na̠m vaa e̠taashchitee̍naa̠m yadri̍ta̠vyaa̍ yadri̍ta̠vyaa̍ upa̠dadhaa̍ti̠ chitee̍naa̠m vidhri̍tyaa̠ ava̍kaa̠manoopa̍ dadhaatye̠shaa vaa a̠gneryoni̠-ssayo̍ni- [a̠gneryoni̠-ssayo̍nim, e̠vaagni-] 5
-me̠vaagni-nchi̍nuta u̠vaacha̍ ha vi̠shvaami̠tro 'da̠di-thsa brahma̠naa-'nna̠m yasyai̠taa u̍padhee̠yaantai̠ ya u̍ chainaa e̠vam veda̠diti̍ samvathsa̠ro vaa e̠ta-mpra̍ti̠shthaayai̍ nudate̠ yo̎-'gni-nchi̠tvaa na pra̍ti̠tishtha̍ti̠ pancha̠ poorvaa̠shchita̍yo bhava̠ntyatha̍ sha̠shthee-nchiti̍-nchinute̠ shadvaa ri̠tava̍-ssamvathsa̠ra ri̠tushve̠va sa̍mvathsa̠re prati̍tishthatye̠ taa vaa [prati̍tishthatye̠ taa vaa, adhi̍patnee̠rnaameshta̍kaa̠] 6
adhi̍patnee̠rnaameshta̍kaa̠ yasyai̠taa u̍padhee̠yante-'dhi̍patire̠va sa̍maa̠naanaa̎-mbhavati̠ ya-ndvi̠shyaa-ttamu̍pa̠dadha̍-ddhyaayede̠taabhya̍ e̠vaina̍-nde̠vataa̎bhya̠ aa vri̍shchati taa̠jagaarti̠maarchchha̠tyangi̍rasa-ssuva̠rgam lo̠kam yanto̠ yaa ya̠jnasya̠ nishkri̍ti̠raasee̠-ttaamrishi̍bhya̠h pratyau̍ha̠-ntaddhira̍nyamabhava̠dya-ddhi̍ranyasha̠lkaih pro̠kshati̍ ya̠jnasya̠ nishkri̍tyaa̠ atho̍ bhesha̠jame̠vaa-'smai̍ karo̠- [-'smai̍ karoti, atho̍ roo̠penai̠vaina̠gm̠] 7
-tyatho̍ roo̠penai̠vaina̠gm̠ sama̍rdhaya̠tyatho̠ hira̍nyajyotishai̠va su̍va̠rgam lo̠kame̍ti saaha̠srava̍taa̠ proksha̍ti saaha̠srah pra̠jaapa̍tih pra̠jaapa̍te̠raaptyaa̍ i̠maa me̍ agna̠ ishta̍kaa dhe̠nava̍-ssa̠ntvityaa̍ha dhe̠noore̠vainaa̎h kurute̠ taa e̍na-nkaama̠dughaa̍ a̠mutraa̠mushmi̍n mlo̠ka upa̍ tishthante ॥ 8 ॥ (sayo̍ni - me̠taa vai - ka̍ro̠tye - kaa̠nnacha̍tvaari̠gm̠shachcha̍) (a. 2)
ru̠dro vaa e̠sha yada̠gni-ssa e̠tarhi̍ jaa̠to yarhi̠ sarva̍shchi̠ta-ssa yathaa̍ va̠thso jaa̠ta-sstana̍-mpre̠phsatye̠vam vaa e̠sha e̠tarhi̍ bhaaga̠dheya̠-mprephsa̍ti̠ tasmai̠ yadaahu̍ti̠-nna ju̍hu̠yaada̍ddhva̠ryu-ncha̠ yaja̍maana-ncha dhyaayechchhataru̠dreeya̍-njuhoti bhaaga̠dheye̍nai̠vainagm̍ shamayati̠ naa-''rti̠maarchchha̍tyaddhva̠ryurna yaja̍maano̠ ya-dgraa̠myaanaa̎-mpashoo̠naa- [ya-dgraa̠myaanaa̎-mpashoo̠naam, paya̍saa juhu̠yaa-] 9
-mpaya̍saa juhu̠yaa-dgraa̠myaa-npa̠shoonchhu̠chaa 'rpa̍ye-dyadaa̍ra̠nyaanaa̍-maara̠nyaan ja̍rtilayavaa̠gvaa̍ vaa juhu̠yaa-dga̍veedhukayavaa̠gvaa̍ vaa̠ na graa̠myaa-npa̠shoon. hi̠nasti̠ naa-''ra̠nyaanatho̠ khalvaa̍hu̠ranaa̍huti̠rvai ja̠rtilaa̎shcha ga̠veedhu̍kaa̠shchetya̍ jakshee̠rena̍ juhotyaagne̠yee vaa e̠shaa yada̠jaa-''hu̍tyai̠va ju̍hoti̠ na graa̠myaa-npa̠shoon. hi̠nasti̠ naa-''ra̠nyaanangi̍rasa-ssuva̠rgam lo̠kam yanto̠- [-mlo̠kam yanta̍h, a̠jaayaa̎-ngha̠rma-] 10
-'jaayaa̎-ngha̠rma-mpraasi̍ncha̠nthsaa shocha̍nti pa̠rna-mparaa̍-'jiheeta̠ so̎(1̠)-'rko̍-'bhava̠-ttada̠rkasyaa̎-rka̠tvama̍rkapa̠rnena̍ juhoti sayoni̠tvaayoda̠-ntishtha̍n juhotye̠shaa vai ru̠drasya̠ di-khsvaayaa̍me̠va di̠shi ru̠dra-nni̠rava̍dayate chara̠maayaa̠mishta̍kaayaa-njuhotyanta̠ta e̠va ru̠dra-nni̠rava̍dayate tredhaavibha̠kta-nju̍hoti̠ traya̍ i̠me lo̠kaa i̠maane̠va lo̠kaan-thsa̠maava̍dveeryaan karo̠teeya̠tyagre̍ juho̠- [juhoti, atheya̠tyatheya̍ti̠] 11
-tyatheya̠tyatheya̍ti̠ traya̍ i̠me lo̠kaa e̠bhya e̠vaina̍m lo̠kebhya̍-shshamayati ti̠sra utta̍raa̠ aahu̍teerjuhoti̠ sha-tthsa-mpa̍dyante̠ sha-dvaa ri̠tava̍ ri̠tubhi̍re̠vainagm̍ shamayati̠ yada̍nupari̠kraama̍-njuhu̠yaada̍ntaravachaa̠rinagm̍ ru̠dra-nku̍ryaa̠datho̠ khalvaa̍hu̠h kasyaa̠m vaa-'ha̍ di̠shi ru̠drah kasyaa̠m vetya̍nupari̠kraama̍me̠va ho̍ta̠vya̍-mapa̍rivargame̠vainagm̍ shamaya- [shamayati, e̠taavai] 12
-tye̠taavai de̠vataa̎-ssuva̠rgyaa̍yaa u̍tta̠maastaa yaja̍maanam vaachayati̠ taabhi̍re̠vainagm̍ suva̠rgam lo̠ka-nga̍mayati̠ ya-ndvi̠shyaa-ttasya̍ sancha̠re pa̍shoo̠naa-nnya̍sye̠-dyah pra̍tha̠mah pa̠shura̍bhi̠tishtha̍ti̠ sa aarti̠maarchchha̍ti ॥ 13 ॥ (pa̠shoo̠naam - myanto - 'gne̍ juho̠tya - pa̍rivargame̠vainagm̍ shamayati - tri̠gm̠shachcha̍) (a. 3)
ashma̠nnoorja̠miti̠ pari̍ shinchati maa̠rjaya̍tye̠vaina̠matho̍ ta̠rpaya̍tye̠va sa e̍na-ntri̠pto 'kshu̍ddhya̠-nnasho̍cha-nna̠mushmi̍n mlo̠ka upa̍ tishthate̠ tripya̍ti pra̠jayaa̍ pa̠shubhi̠rya e̠vam veda̠ taa-nna̠ isha̠moorja̍-ndhatta maruta-ssagmraraa̠naa ityaa̠haanna̠m vaa oorganna̍-mma̠ruto-'nna̍me̠vaava̍ ru̠ndhe 'shmagg̍ste̠ kshuda̠mu-nte̠ shu- [kshuda̠mu-nte̠ shuk, ri̠chchha̠tu̠ ya-ndvi̠shma] 14
-gri̍chchhatu̠ ya-ndvi̠shma ityaa̍ha̠ yame̠va dveshti̠ tama̍sya kshu̠dhaa cha̍ shu̠chaa chaa̎rpayati̠ trih pa̍rishi̠ncha-nparye̍ti tri̠vridvaa a̠gniryaavaa̍ne̠vaa-gnistasya̠ shuchagm̍ shamayati̠ trih puna̠h parye̍ti̠ sha-tthsa-mpa̍dyante̠ sha-dvaa ri̠tava̍ ri̠tubhi̍re̠vaasya̠ shuchagm̍ shamayatya̠paam vaa e̠ta-tpushpa̠m yadve̍ta̠so̍-'paagm - [yadve̍ta̠so̍-'paam, sharo-'va̍kaa] 15
sharo-'va̍kaa vetasashaa̠khayaa̠ chaava̍kaabhishcha̠ vi ka̍rsha̠tyaapo̠ vai shaa̠ntaa-shshaa̠ntaabhi̍re̠vaasya̠ shuchagm̍ shamayati̠ yo vaa a̠gni-nchi̠ta-mpra̍tha̠mah pa̠shura̍dhi̠kraama̍teeshva̠ro vai tagm shu̠chaa pra̠daho̍ ma̠ndooke̍na̠ vika̍rshatye̠sha vai pa̍shoo̠naa-ma̍nupajeevanee̠yo na vaa e̠sha graa̠myeshu̍ pa̠shushu̍ hi̠to naa-''ra̠nyeshu̠ tame̠va shu̠chaa-'rpa̍yatyashtaa̠bhi-rvi ka̍rsha- [-rvi ka̍rshati, a̠shtaaksha̍raa] 16
-tya̠shtaaksha̍raa gaaya̠tree gaa̍ya̠tro̎-'gniryaavaa̍-ne̠vaa-'gnistasya̠ shuchagm̍ shamayati paava̠kava̍teebhi̠ranna̠m vai paa̍va̠ko-'nne̍nai̠vaasya̠ shuchagm̍ shamayati mri̠tyurvaa e̠sha yada̠gnirbrahma̍na e̠tadroo̠pam ya-tkri̍shnaaji̠na-nkaarshnee̍ upaa̠nahaa̠vupa̍ munchate̠ brahma̍nai̠va mri̠tyora̠ntardha̍tte̠ 'ntarmri̠tyordha̍tte̠ 'ntara̠nnaadyaa̠-dityaa̍hura̠nyaa-mu̍pamu̠nchate̠-'nyaa-nnaanta- [-'nyaa-nnaantah, e̠va mri̠tyordha̠tte] 17
-re̠va mri̠tyordha̠tte 'vaa̠-'nnaadyagm̍ rundhe̠ nama̍ste̠ hara̍se sho̠chisha̠ ityaa̍ha nama̠skritya̠ hi vasee̍yaagm samupa̠chara̍ntya̠nya-nte̍ a̠sma-tta̍pantu he̠taya̠ ityaa̍ha̠ yame̠va dveshti̠ tama̍sya shu̠chaa-'rpa̍yati paava̠ko a̠smabhyagm̍ shi̠vo bha̠vetyaa̠haanna̠m vai paa̍va̠ko-'nna̍me̠vaava̍ rundhe̠ dvaabhyaa̠madhi̍ kraamati̠ prati̍shthityaa apa̠sya̍vateebhyaa̠gm̠ shaantyai̎ ॥ 18 ॥ (shu - gve̍ta̠so̍-'paa - ma̍shtaa̠bhirvi ka̍rshati̠ - naanta - rekaa̠nna pa̍nchaa̠shachcha̍) (a. 4)
nri̠shade̠ vaditi̠ vyaaghaa̍rayati pa̠nktyaa-''hu̍tyaa yajnamu̠khamaa ra̍bhate 'kshna̠yaa vyaaghaa̍rayati̠ tasmaa̍dakshna̠yaa pa̠shavo-'ngaa̍ni̠ praha̍ranti̠ prati̍shthityai̠ yadva̍shatku̠ryaa-dyaa̠tayaa̍maa-'sya vashatkaa̠ra-ssyaa̠dyanna va̍shatku̠ryaa-drakshaagm̍si ya̠jnagm ha̍nyu̠rvadityaa̍ha pa̠roksha̍me̠va vasha̍-tkaroti̠ naasya̍ yaa̠tayaa̍maa vashatkaa̠ro bhava̍ti̠ na ya̠jnagm rakshaagm̍si ghnanti hu̠taado̠ vaa a̠nye de̠vaa [a̠nye de̠vaah, a̠hu̠taado̠-'nye] 19
a̍hu̠taado̠-'nye taana̍gni̠chide̠vobhayaa̎-npreenaati̠ ye de̠vaa de̠vaanaa̠miti̍ da̠ddhnaa ma̍dhumi̠shrenaavo̎kshati hu̠taada̍shchai̠va de̠vaana̍hu̠taada̍shcha̠ yaja̍maanah preenaati̠ te yaja̍maana-mpreenanti da̠ddhnaiva hu̠taada̍h pree̠naati̠ madhu̍shaa 'hu̠taado̎ graa̠myam vaa e̠tadanna̠m yaddaddhyaa̍ra̠nya-mmadhu̠ yadda̠dhnaa ma̍dhumi̠shrenaa̠-voksha̍tyu̠bhaya̠syaa-'va̍ruddhyai grumu̠shtinaa-'vo̎kshati praajaapa̠tyo [praajaapa̠tyah, vai gru̍mu̠shti-] 20
vai gru̍mu̠shti-ssa̍yoni̠tvaaya̠ dvaabhyaa̠-mprati̍shthityaa anupari̠chaara̠-mavo̎ksha̠tya-pa̍rivargame̠vainaa̎-npreenaati̠ vi vaa e̠sha praa̠naih pra̠jayaa̍ pa̠shubhi̍r-riddhyate̠ yo̎-'gni-nchi̠nvanna̍dhi̠kraama̍ti praana̠daa a̍paana̠daa ityaa̍ha praa̠naane̠vaa-''tma-ndha̍tte varcho̠daa va̍rivo̠daa ityaa̍ha pra̠jaa vai varcha̍h pa̠shavo̠ vari̍vah pra̠jaame̠va pa̠shoonaa̠tma-ndha̍tta̠ indro̍ vri̠trama̍ha̠ntam vri̠tro [vri̠trama̍ha̠ntam vri̠trah, ha̠ta-shsho̍da̠shabhi̍-] 21
ha̠ta-shsho̍da̠shabhi̍-rbho̠gaira̍sinaa̠-thsa e̠taama̠gnaye-'nee̍kavata̠ aahu̍timapashya̠-ttaama̍juho̠-ttasyaa̠gniranee̍ kavaa̠nthsvena̍ bhaaga̠dheye̍na pree̠ta-shsho̍dasha̠dhaa vri̠trasya̍ bho̠gaanapya̍daha-dvaishvakarma̠nena̍ paa̠pmano̠ nira̍muchyata̠ yada̠gnaye-'nee̍kavata̠ aahu̍ti-nju̠hotya̠gnire̠vaa-'syaanee̍kavaa̠nthsvena̍ bhaaga̠dheye̍na pree̠tah paa̠pmaana̠mapi̍ dahati vaishvakarma̠nena̍ paa̠pmano̠ nirmu̍chyate̠ ya-nkaa̠maye̍ta chi̠ra-mpaa̠pmano̠ [chi̠ra-mpaa̠pmana̍h, nirmu̍chye̠tetyekai̍ka̠-] 22
nirmu̍chye̠tetyekai̍ka̠-ntasya̍ juhuyaachchi̠rame̠va paa̠pmano̠ nirmu̍chyate̠ ya-nkaa̠maye̍ta taa̠ja-kpaa̠pmano̠ nirmu̍chye̠teti̠ sarvaa̍ni̠ tasyaa̍nu̠drutya̍ juhuyaa-ttaa̠jage̠va paa̠pmano̠ nirmu̍chya̠te-'tho̠ khalu̠ naanai̠va soo̠ktaabhyaa̎-njuhoti̠ naanai̠va soo̠ktayo̎rvee̠rya̍-ndadhaa̠tyatho̠ prati̍shthityai ॥ 23 ॥ (de̠vaah - praa̍jaapa̠tyo-vri̠tra - shchi̠ra-mpaa̠pmana̍ - shchatvaari̠gm̠shachcha̍) (a. 5)
ude̍namutta̠raa-nna̠yeti̍ sa̠midha̠ aa da̍dhaati̠ yathaa̠ jana̍m ya̠te̍-'va̠sa-nka̠roti̍ taa̠drige̠va ta-tti̠sra aa da̍dhaati tri̠vridvaa a̠gniryaavaa̍ne̠-vaagnistasmai̍ bhaaga̠dheya̍-nkaro̠tyaudu̍mbaree-rbhava̠ntyoorgvaa u̍du̠mbara̠ oorja̍me̠vaasmaa̠ api̍ dadhaa̠tyudu̍ tvaa̠ vishve̍ de̠vaa ityaa̍ha praa̠naa vai vishve̍ de̠vaah praa̠nai- [praa̠naih, e̠vaina̠-] 24
-re̠vaina̠-mudya̍chchha̠te 'gne̠ bhara̍ntu̠ chitti̍bhi̠rityaa̍ha̠ yasmaa̍ e̠vaina̍-nchi̠ttaayo̠dyachchha̍te̠ tenai̠vaina̠gm̠ sama̍rdhayati̠ pancha̠ disho̠ daivee̎rya̠jnama̍vantu de̠veerityaa̍ha̠ disho̠ hye̍sho-'nu̍ pra̠chyava̠te 'paama̍ti-ndurma̠ti-mbaadha̍maanaa̠ ityaa̍ha̠ raksha̍saa̠mapa̍hatyai raa̠yasposhe̍ ya̠jnapa̍ti-maa̠bhaja̍ntee̠rityaa̍ha pa̠shavo̠ vai raa̠yasposha̍h [raa̠yasposha̍h, pa̠shoone̠vaava̍] 25
pa̠shoone̠vaava̍ rundhe sha̠dbhirha̍rati̠ sha-dvaa ri̠tava̍ ri̠tubhi̍re̠vainagm̍ harati̠ dve pa̍ri̠grihya̍vatee bhavato̠ raksha̍saa̠mapa̍hatyai̠ soorya̍rashmi̠r̠hari̍keshah pu̠rastaa̠dityaa̍ha̠ prasoo̎tyai̠ tata̍h paava̠kaa aa̠shisho̍ no jushantaa̠mityaa̠haanna̠m vai paa̍va̠ko-'nna̍me̠vaava̍ rundhe devaasu̠raa-ssamya̍ttaa aasa̠-nte de̠vaa e̠ta-dapra̍tiratha-mapashya̠-ntena̠ vai te̎ pra̠- [vai te̎ pra̠ti, asu̍raanajaya̠-nta-] 26
-tyasu̍raanajaya̠-nta-dapra̍tirathasyaa-pratiratha̠tvam yadapra̍tiratha-ndvi̠teeyo̠ hotaa̠-'nvaahaa̎pra̠tye̍va tena̠ yaja̍maano̠ bhraatri̍vyaan jaya̠tyatho̠ ana̍bhijitame̠vaabhi ja̍yati dasha̠rcha-mbha̍vati̠ dashaa̎ksharaa vi̠raa-dvi̠raaje̠mau lo̠kau vidhri̍taa va̠nayo̎rlo̠kayo̠rvidhri̍tyaa̠ atho̠ dashaa̎ksharaa vi̠raadanna̍m vi̠raa-dvi̠raajye̠vaannaadye̠ prati̍tishtha̠tyasa̍diva̠ vaa a̠ntari̍kshama̠ntari̍kshami̠vaa ''gnee̎ddhra̠-maagnee̠ddhre- [-maagnee̎ddhre, ashmaa̍na̠-nni da̍dhaati] 27
-'shmaa̍na̠-nni da̍dhaati sa̠ttvaaya̠ dvaabhyaa̠-mprati̍shthityai vi̠maana̍ e̠sha di̠vo maddhya̍ aasta̠ ityaa̍ha̠ vye̍vaitayaa̍ mimeete̠ maddhye̍ di̠vo nihi̍ta̠h prishni̠rashmetyaa̠haanna̠m vai prishnyanna̍me̠vaava̍ rundhe chata̠sribhi̠raa puchchhaa̍deti cha̠tvaari̠ chhandaagm̍si̠ chhando̍bhire̠vendra̠m vishvaa̍ aveevridha̠nnityaa̍ha̠ vriddhi̍me̠vopaava̍rtate̠ vaajaa̍naa̠gm̠ satpa̍ti̠-mpati̠- [satpa̍ti̠-mpati̎m, ityaa̠haa-'nna̠m vai] 28
-mityaa̠haa-'nna̠m vai vaajo-'nna̍me̠vaava̍ rundhe sumna̠hoorya̠jno de̠vaagm aa cha̍ vaksha̠dityaa̍ha pra̠jaa vai pa̠shava̍-ssu̠mna-mpra̠jaame̠va pa̠shoonaa̠tma-ndha̍tte̠ yaksha̍da̠gnirde̠vo de̠vaagm aa cha̍ vaksha̠dityaa̍ha sva̠gaakri̍tyai̠ vaaja̍sya maa prasa̠veno̎-dgraa̠bhenoda̍grabhee̠dityaa̍haa̠sau vaa aa̍di̠tya u̠dyannu̍dgraa̠bha e̠sha ni̠mrocha̍-nnigraa̠bho brahma̍nai̠vaa-''tmaana̍mu-dgri̠hnaati̠ brahma̍naa̠ bhraatri̍vya̠-nni gri̍hnaati ॥ 29 ॥ (praa̠naih - posho̎ - pra̠tyaa - gnee̎ddhe̠ - pati̍ - me̠sha - dasha̍ cha) (a. 6)
praachee̠manu̍ pra̠disha̠-mprehi̍ vi̠dvaanityaa̍ha devalo̠ka-me̠vaitayo̠paava̍rtate̠ krama̍ddhvama̠gninaa̠ naaka̠-mityaa̍he̠maane̠vaitayaa̍ lo̠kaan kra̍mate prithi̠vyaa a̠hamuda̠ntari̍ksha̠maa 'ru̍ha̠mityaa̍he̠maane̠vaitayaa̍ lo̠kaan-thsa̠maaro̍hati̠ suva̠ryanto̠ naape̎kshanta̠ ityaa̍ha suva̠rgame̠vaitayaa̍ lo̠kame̠tyagne̠ prehi̍ [prehi̍, pra̠tha̠mo] 30
pratha̠mo de̍vaya̠taa-mityaa̍ho̠bhaye̎shve̠vaitayaa̍ devamanu̠shyeshu̠ chakshu̍rdadhaati pa̠nchabhi̠radhi̍ kraamati̠ paankto̍ ya̠jno yaavaa̍ne̠va ya̠jnastena̍ sa̠ha su̍va̠rgam lo̠kame̍ti̠ nakto̠shaaseti̍ puro-'nuvaa̠kyaa̍manvaa̍ha̠ pratyaa̠ agne̍ sahasraa̠kshetyaa̍ha saaha̠srah pra̠jaapa̍tih pra̠jaapa̍te̠raaptyai̠ tasmai̍ te vidhema̠ vaajaa̍ya̠ svaahetyaa̠haanna̠m vai vaajo-'nna̍-me̠vaava̍ [vaajo-'nna̍-me̠vaava̍, ru̠ndhe̠ da̠ddhnah] 31
rundhe da̠ddhnah poo̠rnaamaudu̍mbareeg svayamaatri̠nnaayaa̎-njuho̠tyoorgvai daddhyoorgu̍du̠mbaro̠-'sau sva̍yamaatri̠nnaa 'mushyaa̍me̠vorja̍-ndadhaati̠ tasmaa̍da̠muto̠-'rvaachee̠moorja̠mupa̍ jeevaamasti̠sribhi̍-ssaadayati tri̠vridvaa a̠gniryaavaa̍ne̠vaagnista-mpra̍ti̠shthaa-nga̍mayati̠ preddho̍ agne deedihi pu̠ro na̠ ityaudu̍mbaree̠maa da̍dhaatye̠shaa vai soo̠rmee karna̍kaavatye̠tayaa̍ ha sma̠ [ha sma, vai] 32
vai de̠vaa asu̍raanaagm shatata̠r̠haag strigm̍hanti̠ yade̠tayaa̍ sa̠midha̍maa̠dadhaa̍ti̠ vajra̍me̠vaitachchha̍ta̠ghneem yaja̍maano̠ bhraatri̍vyaaya̠ praha̍rati̠ strityaa̠ achha̍mbatkaaram vi̠dhema̍ te para̠me janma̍nnagna̠ iti̠ vaika̍nkatee̠maa da̍dhaati̠ bhaa e̠vaava̍ rundhe̠ taagm sa̍vi̠turvare̎nyasya chi̠traamiti̍ shamee̠mayee̠gm̠ shaantyaa̍ a̠gnirvaa̍ ha̠ vaa a̍gni̠chita̍-ndu̠he̎-'gni̠chidvaa̠-'gni-ndu̍he̠ taagm [taam, sa̠vi̠tu-] 33
sa̍vi̠tu-rvare̎nyasya chi̠traamityaa̍hai̠sha vaa a̠gnerdoha̠stama̍sya̠ kanva̍ e̠va shraa̍ya̠so̍-'ve̠-ttena̍ ha smaina̠gm̠ sa du̍he̠ yade̠tayaa̍ sa̠midha̍-maa̠dadhaa̎tyagni̠chide̠va tada̠gni-ndu̍he sa̠pta te̍ agne sa̠midha̍-ssa̠ptaji̠hvaa ityaa̍ha sa̠ptaivaasya̠ saaptaa̍ni preenaati poo̠rnayaa̍ juhoti poo̠rna i̍va̠ hi pra̠jaapa̍tih pra̠jaapa̍te̠- [pra̠jaapa̍teh, aaptyai̠] 34
-raaptyai̠ nyoo̍nayaa juhoti̠ nyoo̍naa̠ddhi pra̠jaapa̍tih pra̠jaa asri̍jata pra̠jaanaa̠gm̠ srishtyaa̍ a̠gnirde̠vebhyo̠ nilaa̍yata̠ sa disho-'nu̠ praa-'vi̍sha̠jjuhva̠nmana̍saa̠ disho̎ ddhyaaye ddi̠gbhya e̠vaina̠mava̍ rundhe da̠ddhnaa pu̠rastaa̎jjuho̠tyaa-jye̍no̠pari̍shtaa̠-tteja̍shchai̠vaasmaa̍ indri̠ya-ncha̍ sa̠meechee̍ dadhaati̠ dvaada̍shakapaalo vaishvaana̠ro bha̍vati̠ dvaada̍sha̠ maasaa̎-ssamvathsa̠ra-ssa̍mvathsa̠ro̎-'gnirvai̎shvaana̠ra-ssaa̠kshaa- [-'gnirvai̎shvaana̠ra-ssaa̠kshaat, e̠va vai̎shvaana̠ramava̍] 35
-de̠va vai̎shvaana̠ramava̍ rundhe̠ ya-tpra̍yaajaanooyaa̠jaan ku̠ryaadvika̍sti̠-ssaa ya̠jnasya̍ darviho̠ma-nka̍roti ya̠jnasya̠ prati̍shthityai raa̠shtram vai vai̎shvaana̠ro vinma̠ruto̍ vaishvaana̠ragm hu̠tvaa maa̍ru̠taan ju̍hoti raa̠shtra e̠va visha̠manu̍ baddhnaatyu̠chchai-rvai̎shvaana̠rasyaa-'' shraa̍vayatyupaa̠gm̠shu maa̍ru̠taan ju̍hoti̠ tasmaa̎-draa̠shtram visha̠mati̍ vadati maaru̠taa bha̍vanti ma̠ruto̠ vai de̠vaanaa̠m visho̍ devavi̠shenai̠vaasmai̍ manushyavi̠sha -mava̍ rundhe sa̠pta bha̍vanti sa̠ptaga̍naa̠ vai ma̠ruto̍ gana̠sha e̠va visha̠mava̍ rundhe ga̠nena̍ ga̠nama̍nu̠drutya̍ juhoti̠ visha̍me̠vaasmaa̠ anu̍vartmaana-nkaroti ॥ 36 ॥ (agne̠ prehya - va̍ - sma - duhe̠ taam - pra̠jaapa̍teh - saa̠kshaan - ma̍nushyavi̠sha - meka̍vigmshatishcha) (a. 7)
vaso̠rdhaaraa̎-njuhoti̠ vaso̎rme̠ dhaaraa̍-'sa̠diti̠ vaa e̠shaa hoo̍yate ghri̠tasya̠ vaa e̍name̠shaa dhaaraa̠-'mushmi̍n mlo̠ke pinva̍maa̠nopa̍ tishthata̠ aajye̍na juhoti̠ tejo̠ vaa aajya̠-ntejo̠ vaso̠rdhaaraa̠ teja̍sai̠vaasmai̠ tejo-'va̍ ru̠ndhe-'tho̠ kaamaa̠ vai vaso̠rdhaaraa̠ kaamaa̍ne̠vaava̍ rundhe̠ ya-nkaa̠maye̍ta praa̠naana̍syaa̠-'nnaadya̠m vi- [-'nnaadya̠m vi, chhi̠ndyaa̠miti̍] 37
-chchhi̍ndyaa̠miti̍ vi̠graaha̠-ntasya̍ juhuyaa-tpraa̠naane̠vaasyaa̠nnaadya̠m vichchhi̍natti̠ ya-nkaa̠maye̍ta praa̠naana̍syaa̠nnaadya̠gm̠ sa-nta̍nuyaa̠miti̠ sa-nta̍taa̠-ntasya̍ juhuyaa-tpraa̠naane̠vaasyaa̠nnaadya̠gm̠ sa-nta̍noti̠ dvaada̍sha dvaada̠shaani̍ juhoti̠ dvaada̍sha̠ maasaa̎-ssamvathsa̠ra-ssa̍mvathsa̠renai̠ vaasmaa̠ anna̠mava̍ ru̠ndhe 'nna̍-ncha̠ me-'kshu̍chcha ma̠ ityaa̍hai̠ ta-dvaa [ityaa̍hai̠ ta-dvai, anna̍sya roo̠pagm] 38
anna̍sya roo̠pagm roo̠penai̠vaanna̠mava̍ rundhe̠ 'gnishcha̍ ma̠ aapa̍shcha ma̠ ityaa̍hai̠shaa vaa anna̍sya̠ yoni̠-ssayo̎nye̠vaanna̠mava̍ rundhe-'rdhe̠ndraani̍ juhoti de̠vataa̍ e̠vaava̍ rundhe̠ ya-thsarve̍shaa-ma̠rdhamindra̠h prati̠ tasmaa̠dindro̍ de̠vataa̍naa-mbhooyishtha̠bhaakta̍ma̠ indra̠mutta̍ramaahe-ndri̠yame̠vaasmi̍-nnu̠pari̍shtaa-ddadhaati yajnaayu̠dhaani̍ juhoti ya̠jno [ya̠jnah, vai ya̍jnaayu̠dhaani̍] 39
vai ya̍jnaayu̠dhaani̍ ya̠jname̠vaava̍ ru̠ndhe-'tho̍ e̠tadvai ya̠jnasya̍ roo̠pagm roo̠penai̠va ya̠jnamava̍ rundhe 'vabhri̠thashcha̍ me svagaakaa̠rashcha̍ ma̠ ityaa̍ha sva̠gaakri̍tyaa a̠gnishcha̍ me gha̠rmashcha̍ ma̠ ityaa̍hai̠ta-dvai bra̍hmavarcha̠sasya̍ roo̠pagm roo̠penai̠va bra̍hmavarcha̠samava̍ rundha̠ rikcha̍ me̠ saama̍ cha ma̠ ityaa̍hai̠- [ma̠ ityaa̍ha, e̠tadvai chhanda̍saagm] 40
-tadvai chhanda̍saagm roo̠pagm roo̠penai̠va chhandaa̠g̠syava̍ rundhe̠ garbhaa̎shcha me va̠thsaashcha̍ ma̠ ityaa̍hai̠ta-dvai pa̍shoo̠naagm roo̠pagm roo̠penai̠va pa̠shoonava̍ rundhe̠ kalpaa̎n juho̠tya kLi̍ptasya̠ kLiptyai̍ yugmadayu̠je ju̍hoti mithuna̠tvaayo̎-tta̠raava̍tee bhavato̠-'bhikraa̎mtyaa̠ ekaa̍ cha me ti̠srashcha̍ ma̠ ityaa̍ha devachhanda̠sam vaa ekaa̍ cha ti̠srashcha̍ [ti̠srashcha̍, ma̠nu̠shya̠chha̠nda̠sa-nchata̍srashchaa̠-'shtau] 41
manushyachhanda̠sa-nchata̍srashchaa̠-'shtau cha̍ devachhanda̠sa-nchai̠va ma̍nushya chhanda̠sanchaa-'va̍ rundha̠ aa traya̍strigm shato juhoti̠ traya̍strigmsha̠dvai de̠vataa̍ de̠vataa̍ e̠vaava̍ rundha̠ aa-'shtaacha̍tvaarigmshato juhotya̠shtaacha̍tvaarigm-shadaksharaa̠ jaga̍tee̠ jaaga̍taah pa̠shavo̠ jaga̍tyai̠vaasmai̍ pa̠shoonava̍ rundhe̠ vaaja̍shcha prasa̠vashcheti̍ dvaada̠sha-nju̍hoti̠ dvaada̍sha̠ maasaa̎-ssamvathsa̠ra-ssa̍mvathsa̠ra e̠va prati̍ tishthati ॥ 42 ॥ (vi - vai - ya̠jnah-saama̍ cha ma̠ ityaa̍ha - cha ti̠sra - shchaikaa̠nna pa̍nchaa̠shachcha̍) (a. 8)
a̠gnirde̠vebhyo 'paa̎kraama-dbhaaga̠dheya̍mi̠chchhamaa̍na̠sta-nde̠vaa a̍bruva̠nnupa̍ na̠ aa va̍rtasva ha̠vya-nno̍ va̠heti̠ so̎-'bravee̠-dvara̍m vrinai̠ mahya̍me̠va vaa̍japrasa̠veeya̍-njuhava̠nniti̠ tasmaa̍da̠gnaye̍ vaajaprasa̠veeya̍-njuhvati̠ ya-dvaa̍japrasa̠veeya̍-nju̠hotya̠gnime̠va ta-dbhaa̍ga̠dheye̍na̠ sama̍rdhaya̠tyatho̍ abhishe̠ka e̠vaasya̠ sa cha̍turda̠shabhi̍rjuhoti sa̠pta graa̠myaa osha̍dhaya-ssa̠ptaa- [osha̍dhaya-ssa̠pta, a̠ra̠nyaa u̠bhayee̍shaa̠-] 43
-''ra̠nyaa u̠bhayee̍shaa̠-mava̍ruddhyaa̠ anna̍syaannasya juho̠tyanna̍syaanna̠syaa-va̍ruddhyaa̠ audu̍mbarena sru̠vena̍ juho̠tyoorgvaa u̍du̠mbara̠ oorganna̍moo̠rjaivaasmaa̠ oorja̠manna̠mava̍ rundhe̠ 'gnirvai de̠vaanaa̍-ma̠bhishi̍kto-'gni̠chi-nma̍nu̠shyaa̍naa̠-ntasmaa̍dagni̠chi-dvarsha̍ti̠ na dhaa̍ve̠dava̍ruddha̠gg̠ hya̍syaa-nna̠manna̍miva̠ khalu̠ vai va̠r̠sham yaddhaave̍-da̠nnaadyaa̎ddhaave-du̠paava̍rtetaa̠-'nnaadya̍-me̠vaa-'bhyu̍- [-'nnaadya̍-me̠vaa-'bhi, u̠paava̍rtate̠] 44
-paava̍rtate̠ nakto̠shaaseti̍ kri̠shnaayai̎ shve̠tava̍thsaayai̠ paya̍saa juho̠tyahnai̠vaasmai̠ raatri̠-mpradaa̍payati̠ raatri̠yaa-'ha̍rahoraa̠tre e̠vaasmai̠ pratte̠ kaama̍ma̠nnaadya̍-nduhaate raashtra̠bhrito̍ juhoti raa̠shtrame̠vaava̍ rundhe sha̠dbhirju̍hoti̠ shadvaa ri̠tava̍ ri̠tushve̠va prati̍tishthati̠ bhuva̍nasya pata̠ iti̍ rathamu̠khe panchaa-''hu̍teerjuhoti̠ vajro̠ vai ratho̠ vajre̍nai̠va disho̠- [vajre̍nai̠va disha̍h, a̠bhi ja̍yatyagni̠chitagm̍] 45
-'bhi ja̍yatyagni̠chitagm̍ ha̠ vaa a̠mushmi̍n mlo̠ke vaato̠-'bhi pa̍vate vaatanaa̠maani̍ juhotya̠bhye̍vaina̍-ma̠mushmi̍n mlo̠ke vaata̍h pavate̠ treeni̍ juhoti̠ traya̍ i̠me lo̠kaa e̠bhya e̠va lo̠kebhyo̠ vaata̠mava̍ rundhe samu̠dro̍-'si̠ nabha̍svaa̠nityaa̍hai̠tadvai vaata̍sya roo̠pagm roo̠penai̠va vaata̠mava̍ rundhe 'nja̠linaa̍ juhoti̠ na hye̍teshaa̍ma̠nyathaa ''hu̍tirava̠kalpa̍te ॥ 46 ॥ (osha̍dhaya-ssa̠ptaa - bhi - disho̠ - 'nyathaa̠ - dve cha̍) (a. 9)
su̠va̠rgaaya̠ vai lo̠kaaya̍ devara̠tho yu̍jyate yatraakoo̠taaya̍ manushyara̠tha e̠sha khalu̠ vai de̍vara̠tho yada̠gnira̠gnim yu̍najmi̠ shava̍saa ghri̠tenetyaa̍ha yu̠naktye̠vaina̠gm̠ sa e̍nam yu̠kta-ssu̍va̠rgam lo̠kama̠bhi va̍hati̠ ya-thsarvaa̍bhih pa̠nchabhi̍-ryu̠njyaa-dyu̠kto̎-'syaa̠-'gnih prachyu̍ta-ssyaa̠dapra̍tishthitaa̠ aahu̍taya̠-ssyurapra̍tishthitaa̠-sstomaa̠ apra̍tishthitaanyu̠kthaani̍ ti̠sribhi̍h praatassava̠ne̍-'bhi mri̍shati tri̠vri- [tri̠vrit, vaa a̠gniryaavaa̍ne̠vaa-] 47
-dvaa a̠gniryaavaa̍ne̠vaa-gnistam yu̍nakti̠ yathaa-'na̍si yu̠kta aa̍dhee̠yata̍ e̠vame̠va ta-tpratyaahu̍taya̠stishtha̍nti̠ prati̠ stomaa̠h pratyu̠kthaani̍ yajnaaya̠jniya̍sya sto̠tre dvaabhyaa̍ma̠bhi mri̍shatye̠taavaa̠n̠ vai ya̠jno yaavaa̍nagnishto̠mo bhoo̠maa tvaa a̠syaata̍ oo̠rdhvah kri̍yate̠ yaavaa̍ne̠va ya̠jnastama̍nta̠to̎ 'nvaaro̍hati̠ dvaabhyaa̠-mprati̍shthityaa̠ eka̠yaa-'pra̍stuta̠-mbhava̠tyathaa̠- [-'pra̍stuta̠-mbhava̠tyatha̍, a̠bhi mri̍sha̠tyupai̍na̠-] 48
-'bhi mri̍sha̠tyupai̍na̠-mutta̍ro ya̠jno na̍ma̠tyatho̠ santa̍tyai̠ pra vaa e̠sho̎-'smaallo̠kaa-chchya̍vate̠ yo̎-'gni-nchi̍nu̠te na vaa e̠tasyaa̍nishta̠ka aahu̍ti̠rava̍ kalpate̠ yaam vaa e̠sho̍-'nishta̠ka aahu̍ti-nju̠hoti̠ srava̍ti̠ vai saa taag srava̍nteem ya̠jno-'nu̠ paraa̍ bhavati ya̠jnam yaja̍maano̠ ya-tpu̍nashchi̠ti-nchi̍nu̠ta aahu̍teenaa̠-mprati̍shthityai̠ pratyaahu̍taya̠stishtha̍nti̠ [pratyaahu̍taya̠stishtha̍nti, na ya̠jnah] 49
na ya̠jnah pa̍raa̠bhava̍ti̠ na yaja̍maano̠ 'shtaavupa̍ dadhaatya̠shtaaksha̍raa gaaya̠tree gaa̍ya̠trenai̠vaina̠-nchhanda̍saa chinute̠ yadekaa̍dasha̠ traishtu̍bhena̠ ya-ddvaada̍sha̠ jaaga̍tena̠ chhando̍bhire̠vaina̍-nchinute napaa̠tko vainaamai̠sho̎-'gnirya-tpu̍nashchi̠tirya e̠vam vi̠dvaa-npu̍nashchi̠ti-nchi̍nu̠ta aa tri̠teeyaa̠-tpuru̍shaa̠danna̍matti̠ yathaa̠ vai pu̍naraa̠dheya̍ e̠va-mpu̍nashchi̠tiryo̎-'-gnyaa̠dheye̍na̠ na- [-gnyaa̠dheye̍na̠ na, ri̠dhnoti̠ sa] 50
-rdhnoti̠ sa pu̍naraa̠dheya̠maa dha̍tte̠ yo̎-'gni-nchi̠tvaa nardhnoti̠ sa pu̍nashchi̠ti-nchi̍nute̠ ya-tpu̍nashchi̠ti-nchi̍nu̠ta riddhyaa̠ atho̠ khalvaa̍hu̠rna che̍ta̠vyeti̍ ru̠dro vaa e̠sha yada̠gniryathaa̎ vyaa̠ghragm su̠pta-mbo̠dhaya̍ti taa̠drige̠va tadatho̠ khalvaa̍hushcheta̠vyeti̠ yathaa̠ vasee̍yaagmsa-mbhaaga̠dheye̍na bo̠dhaya̍ti taa̠drige̠va tanmanu̍ra̠gnima̍chinuta̠ tena̠ naa-''rdhno̠thsa e̠taa-mpu̍nashchi̠tima̍pashya̠-ttaama̍chinuta̠ tayaa̠ vai sa aa̎rdhno̠dya-tpu̍nashchi̠ti-nchi̍nu̠ta riddhyai̎ ॥ 51 ॥ (tri̠vri-datha̠-tishtha̍-ntyagnyaa̠dheye̍na̠ naa-chi̍nuta-sa̠ptada̍sha- cha) (a. 10)
chha̠nda̠shchita̍-nchinveeta pa̠shukaa̍mah pa̠shavo̠ vai chhandaagm̍si pashu̠maane̠va bha̍vati shyena̠chita̍-nchinveeta suva̠rgakaa̍ma-shshye̠no vai vaya̍saa̠-mpati̍shtha-shshye̠na e̠va bhoo̠tvaa su̍va̠rgam lo̠ka-mpa̍tati kanka̠chita̍-nchinveeta̠ yah kaa̠maye̍ta sheersha̠nvaana̠mushmi̍n mlo̠ke syaa̠miti̍ sheersha̠nvaane̠vaa-'mushmi̍n mlo̠ke bha̍vatyalaja̠chita̍-nchinveeta̠ chatu̍sseeta-mprati̠shthaakaa̍ma̠shchata̍sro̠ disho̍ di̠kshve̍va prati̍ tishthati prauga̠chita̍-nchinveeta̠ bhraatri̍vyavaa̠-nprai- [bhraatri̍vyavaa̠-npra, e̠va bhraatri̍vyaa-nnudata] 52
-va bhraatri̍vyaa-nnudata ubha̠yata̍h prauga-nchinveeta̠yah kaa̠maye̍ta̠ prajaa̠taa-nbhraatri̍vyaa-nnu̠deya̠ prati̍ jani̠shyamaa̍naa̠niti̠ praiva jaa̠taa-nbhraatri̍vyaa-nnu̠date̠ prati̍ jani̠shyamaa̍naa-nrathachakra̠chita̍-nchinveeta̠ bhraatri̍vyavaa̠n̠ vajro̠ vai ratho̠ vajra̍me̠va bhraatri̍vyebhya̠h praha̍rati drona̠chita̍-nchinvee̠taanna̍kaamo̠ drone̠ vaa anna̍-mbhriyate̠ sayo̎nye̠vaanna̠mava̍ rundhe samoo̠hya̍-nchinveeta pa̠shukaa̍mah pashu̠maane̠va bha̍vati [pashu̠maane̠va bha̍vati, pa̠ri̠chaa̠yya̍-nchinveeta̠] 53
parichaa̠yya̍-nchinveeta̠ graama̍kaamo graa̠mye̍va bha̍vati shmashaana̠chita̍-nchinveeta̠ yah kaa̠maye̍ta pitrilo̠ka ri̍ddhnuyaa̠miti̍ pitrilo̠ka e̠vardhno̍ti vishvaamitrajamada̠gnee vasi̍shthenaa-'spardhetaa̠gm̠ sa e̠taa ja̠mada̍gnirviha̠vyaa̍ apashya̠-ttaa upaa̍dhatta̠ taabhi̠rvai sa vasi̍shthasyendri̠yam vee̠rya̍mavrinkta̠ ya-dvi̍ha̠vyaa̍ upa̠dadhaa̍teendri̠yame̠va taabhi̍rvee̠rya̍m yaja̍maano̠ bhraatri̍vyasya vrinkte̠ hotu̠rdhishni̍ya̠ upa̍ dadhaati yajamaanaayata̠nam vai [ ] 54
hotaa̠ sva e̠vaasmaa̍ aa̠yata̍na indri̠yam vee̠rya̍mava̍ rundhe̠ dvaada̠shopa̍ dadhaati̠ dvaada̍shaaksharaa̠ jaga̍tee̠ jaaga̍taah pa̠shavo̠ jaga̍tyai̠vaasmai̍ pa̠shoonava̍ rundhe̠ 'shtaava̍shtaava̠nyeshu̠ dhishni̍ye̠shoopa̍ dadhaatya̠shtaasha̍phaah pa̠shava̍h pa̠shoone̠vaava̍ rundhe̠ shanmaa̎rjaa̠leeye̠ sha-dvaa ri̠tava̍ ri̠tava̠h khalu̠ vai de̠vaah pi̠tara̍ ri̠toone̠va de̠vaa-npi̠tree-npree̍naati ॥ 55 ॥ (pra - bha̍vati - yajamaanaayata̠nam vaa - a̠shtaacha̍tvaarigmshachcha) (a. 11)
pava̍sva̠ vaaja̍saataya̠ itya̍nu̠shtu-kpra̍ti̠padbha̍vati ti̠rso̍-'nu̠shtubha̠shchata̍sro gaaya̠triyo̠ ya-tti̠sro̍-'nu̠shtubha̠-stasmaa̠-dashva̍stri̠bhistishthagg̍ stishthati̠ yachchata̍sro gaaya̠triya̠stasmaa̠-thsarvaag̍ shcha̠tura̍h pa̠dah pra̍ti̠dadha̠-tpalaa̍yate para̠maa vaa e̠shaa chhanda̍saa̠m yada̍nu̠shtu-kpa̍ra̠mashcha̍tushto̠ma-sstomaa̍naa-mpara̠mastri̍raa̠tro ya̠jnaanaa̎-mpara̠mo-'shva̍h pashoo̠naa-mpa̍ra̠menai̠vaina̍-mpara̠mataa̎-ngamayatyekavi̠gm̠sha-maha̍rbhavati̠ [-maha̍rbhavati, yasmi̠nnashva̍] 56
yasmi̠nnashva̍ aala̠bhyate̠ dvaada̍sha̠ maasaa̠h pancha̠rtava̠straya̍ i̠me lo̠kaa a̠saavaa̍di̠tya e̍kavi̠gm̠sha e̠sha pra̠jaapa̍tih praajaapa̠tyo-'shva̠stame̠va saa̠kshaadri̍ddhnoti̠ shakva̍rayah pri̠shtha-mbha̍vantya̠n-yada̍nya̠-chchhando̠-'nye̎nye̠ vaa e̠te pa̠shava̠ aa la̍bhyanta u̠teva̍ graa̠myaa u̠tevaa̍-''ra̠nyaa yachchhakva̍rayah pri̠shtha-mbhava̠ntyashva̍sya sarva̠tvaaya̍ paarthura̠shma-mbra̍hmasaa̠ma-mbha̍vati ra̠shminaa̠ vaa ashvo̍ [ra̠shminaa̠ vaa ashva̍h, ya̠ta ee̎shva̠ro] 57
ya̠ta ee̎shva̠ro vaa ashvo-'ya̠to-'pra̍tishthita̠h paraa̎-mparaa̠vata̠-nganto̠rya-tpaa̎rthura̠shma-mbra̍hmasaa̠ma-mbhava̠tyashva̍sya̠ yatyai̠ dhrityai̠ sankri̍tyachchhaavaakasaa̠ma-mbha̍vatyuthsannaya̠jno vaa e̠sha yada̍shvame̠dhah kastadve̠detyaa̍hu̠ryadi̠ sarvo̍ vaa kri̠yate̠ na vaa̠ sarva̠ iti̠ ya-thsankri̍tyachchhaavaakasaa̠ma-mbhava̠tyashva̍sya sarva̠tvaaya̠ paryaa̎ptyaa̠ ana̍ntaraayaaya̠ sarva̍stomo-'tiraa̠tra u̍tta̠mamaha̍rbhavati̠ sarva̠syaa-''ptyai̠ sarva̍sya̠ jityai̠ sarva̍me̠va tenaa̎-''pnoti̠ sarva̍-njayati ॥ 58 ॥ (aha̍rbhavati̠ - vaa ashvo - 'ha̍rbhavati̠ - dasha̍ cha) (a. 12)
(de̠vaa̠su̠raastena - rta̠vyaa̍ - ru̠dro - 'shma̍ - nnri̠shade̠ va - dude̍na̠m - praachee̠miti̠ - vaso̠rdhaaraa̍ - ma̠gnirde̠vebhya̍h - suva̠rgaaya̍ yatraakoo̠taaya̍ - chhanda̠shchita̠m - pava̍sva̠ - dvaada̍sha )
(de̠vaa̠su̠raa - a̠jaayaa̠m - mvai gru̍mu̠shtih - pra̍tha̠mo de̍vaya̠taame̠ - tadvai chhanda̍saa - mri̠dhno - tya̠shtau pa̍nchaa̠shat)
(de̠vaa̠su̠raa, ssarva̍-njayati)
॥ hari̍h om ॥ ॥ krishna yajurvedeeya taittireeya samhitaayaa-mpanchamakaande chaturthah prashna-ssamaaptah ॥
5.4 - தே³வாஸுரா ஸம்யத்தா ஆஸன்ன் - க்ருஷ்ண யஜுர்வேத³ தைத்திரீய ஸம்ஹிதா பாட:² பற்றி
This is the fourth prashna of the fifth kanda of the Krishna Yajurveda Taittiriya Samhita, which explains more of the agnichayana, the building of the great fire altar, including the laying of special bricks. It opens with a story: "The gods and the asuras were locked in conflict", and explains how the gods won by means of the rite, drawing from this the purpose and meaning of each set of bricks and offerings.
மூலம்: Krishna Yajurveda, Taittiriya Samhita 5.4
எப்போது பாராயணம் செய்வது: In Vedic chanting and in traditional study of the Taittiriya Samhita.
உங்களுக்குத் தெரியுமா?
- Stories of the gods and asuras in conflict are often used in the Brahmana passages to explain why a rite is done.
- The fifth kanda explains the rites whose mantras are given in the fourth kanda.
அடிக்கடி கேட்கப்படும் கேள்விகள்
How does this prashna open?
With the story of the gods and asuras in conflict.
What does it explain?
More of the agnichayana, including special bricks.
Which Veda is it from?
The Krishna Yajurveda, Taittiriya Samhita 5.4.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்