MuhurtaNow

5.5 - யதே³கேன ஸக்³க்³​ஸ்தா²பயதி - க்ருஷ்ண யஜுர்வேத³ தைத்திரீய ஸம்ஹிதா பாட:²

Kanda 5 - Krishna Yajurveda Taittiriya Samhita · பாரம்பரிய பக்தி நூல்

krishna yajurvedeeya taittireeya samhitaayaa-mpanchamakaande panchamah prashnah - vaayavyapashvaadyaana-nniroopanam

o-nnamah paramaatmane, shree mahaaganapataye namah, shree gurubhyo namah । ha̠ri̠h om ॥

yadeke̍na sagg sthaa̠paya̍ti ya̠jnasya̠ santa̍tyaa̠ avi̍chchhedaayai̠ndraah pa̠shavo̠ ye mu̍shka̠raa yadai̠ndraa-ssanto̠-'gnibhya̍ aala̠bhyante̍ de̠vataa̎bhya-ssa̠mada̍-ndadhaatyaagne̠yee-stri̠shtubho̍ yaajyaanuvaa̠kyaa̎h kuryaa̠-dyadaa̎gne̠yeestenaa̎ ''gne̠yaa ya-ttri̠shtubha̠-stenai̠ndraa-ssamri̍ddhyai̠ na de̠vataa̎bhya-ssa̠mada̍-ndadhaati vaa̠yave̍ ni̠yutva̍te toopa̠ramaa la̍bhate̠ tejo̠-'gnervaa̠yusteja̍sa e̠sha aa la̍bhyate̠ tasmaa̎-dya̠driya̍n vaa̠yu- [vaa̠yuh, vaati̍] 1

-rvaati̍ ta̠driya̍nna̠-gni-rda̍hati̠ svame̠va ta-ttejo-'nve̍ti̠ yanna ni̠yutva̍te̠ syaadunmaa̎dye̠-dyaja̍maano ni̠yutva̍te bhavati̠ yaja̍maana̠syaa-'nu̍nmaadaaya vaayu̠matee̎ shve̠tava̍tee yaajyaanuvaa̠kye̍ bhavata-ssateja̠stvaaya̍ hiranyaga̠rbha-ssama̍varta̠taagra̠ ityaa̍ghaa̠ramaa ghaa̍rayati pra̠jaapa̍ti̠rvai hi̍ranyaga̠rbhah pra̠jaapa̍te-ranuroopa̠tvaaya̠ sarvaa̍ni̠ vaa e̠sha roo̠paani̍ pashoo̠naa-mpratyaa la̍bhyate̠ yachchhma̍shru̠nasta- [yachchhma̍shru̠nastat, puru̍shaanaagm] 2

-tpuru̍shaanaagm roo̠pam ya-ttoo̍pa̠rasta-dashvaa̍naa̠m yada̠nyato̍da̠-nta-dgavaa̠m yadavyaa̍ iva sha̠phaastadavee̍naa̠m yada̠jastada̠jaanaa̎m vaa̠yurvai pa̍shoo̠naa-mpri̠ya-ndhaama̠ ya-dvaa̍ya̠vyo̍ bhava̍tye̠ta-me̠vaina̍ma̠bhi sa̍njaanaa̠naah pa̠shava̠ upa̍ tishthante vaaya̠vya̍h kaa̠ryaa(3)h praa̍jaapa̠tyaa(3) ityaa̍hu̠-rya-dvaa̍ya̠vya̍-nku̠ryaa-tpra̠jaapa̍te-riyaa̠dya-tpraa̍jaapa̠tya-nku̠ryaa-dvaa̠yo- [-dvaa̠yoh, i̠yaa̠dya-] 3

-ri̍yaa̠dya-dvaa̍ya̠vya̍h pa̠shurbhava̍ti̠ tena̍ vaa̠yornaiti̠ ya-tpraa̍jaapa̠tyah pu̍ro̠daasho̠ bhava̍ti̠ tena̍ pra̠jaapa̍te̠rnaiti̠ ya-ddvaada̍shakapaala̠stena̍ vaishvaana̠raannaityaa̎gnaa vaishna̠vamekaa̍dasha-kapaala̠-nnirva̍pati deekshi̠shyamaa̍no-̠-'gni-ssarvaa̍ de̠vataa̠ vishnu̍rya̠jno de̠vataa̎shchai̠va ya̠jna-nchaa-'' ra̍bhate̠-'gnira̍va̠mo de̠vataa̍naa̠m vishnu̍h para̠mo yadaa̎gnaa-vaishna̠va-mekaa̍dashakapaala-nni̠rvapati de̠vataa̍ [de̠vataa̎h, e̠vobha̠yata̍h] 4

e̠vobha̠yata̍h pari̠grihya̠ yaja̍maa̠no-'va̍ rundhe puro̠daashe̍na̠ vai de̠vaa a̠mushmi̍n mlo̠ka aa̎rdhnuvan cha̠runaa̠-'smin. yah kaa̠maye̍taa̠-'mushmi̍n mlo̠ka ri̍ddhnuyaa̠miti̠ sa pu̍ro̠daasha̍-nkurveetaa̠-'mushmi̍nne̠va lo̠ka ri̍ddhnoti̠ yada̠shtaaka̍paala̠-stenaa̎-''gne̠yo ya-ttri̍kapaa̠lastena̍ vaishna̠va-ssamri̍ddhyai̠ yah kaa̠maye̍taa̠smin mlo̠ka ri̍ddhnuyaa̠miti̠ sa cha̠ru-nku̍rveetaa̠gnerghri̠tam vishno̎-standu̠laa-stasmaa̎ [-stasmaa̎t, cha̠ruh kaa̠ryo̎-'sminne̠va] 5

-chcha̠ruh kaa̠ryo̎-'sminne̠va lo̠ka ri̍ddhnotyaadi̠tyo bha̍vatee̠ yam vaa adi̍tira̠syaame̠va prati̍ tishtha̠tyatho̍ a̠syaame̠vaadhi̍ ya̠jna-nta̍nute̠ yo vai sa̍mvathsa̠ramukhya̠-mabhri̍tvaa̠-'gni-nchi̍nu̠te yathaa̍ saa̠mi garbho̍-'va̠padya̍te taa̠drige̠va tadaarti̠maarchchhe̎-dvaishvaana̠ra-ndvaada̍shakapaala-mpu̠rastaa̠nnirva̍pe-thsamvathsa̠ro vaa a̠gni-rvai̎shvaana̠ro yathaa̍ samvathsa̠ramaa̠ptvaa [ ] 6

kaa̠la aaga̍te vi̠jaaya̍ta e̠vame̠va sa̍mvathsa̠ramaa̠ptvaa kaa̠la aaga̍te̠-'gni-nchi̍nute̠ naa-''rti̠maarchchha̍tye̠shaa vaa a̠gneh pri̠yaa ta̠noorya-dvai̎shvaana̠rah pri̠yaame̠vaasya̍ ta̠nuva̠mava̍ rundhe̠ treenye̠taani̍ ha̠veegmshi̍ bhavanti̠ traya̍ i̠me lo̠kaa e̠shaam lo̠kaanaa̠gm̠ rohaa̍ya ॥ 7 ॥ (ya̠driya̍m vaa̠yu - ryachchhma̍shru̠nasta-d- vaa̠yo - rni̠rvapa̍ti de̠vataa̠ - stasmaa̍ - daa̠ptvaa - shtaatrigm̍shachcha ) (a. 1)

pra̠jaapa̍tih pra̠jaa-ssri̠shtvaa pre̠naa-'nu̠ praavi̍sha̠-ttaabhya̠h puna̠-ssambha̍vitu̠-nnaasha̍kno̠-thso̎-'braveedri̠ddhnava̠di-thsa yo me̠tah puna̍-ssanchi̠nava̠diti̠ ta-nde̠vaa-ssama̍chinva̠-ntato̠ vai ta aa̎rdhnuva̠n̠ ya-thsa̠machi̍nva̠-ntachchitya̍sya chitya̠tvam ya e̠vam vi̠dvaana̠gni-nchi̍nu̠ta ri̠ddhnotye̠va kasmai̠ kama̠gnishchee̍yata̠ ityaa̍huragni̠vaa- [ityaa̍huragni̠vaan, a̠saa̠neeti̠ vaa] 8

-na̍saa̠neeti̠ vaa a̠gnishchee̍yate 'gni̠vaane̠va bha̍vati̠ kasmai̠ kama̠gnishchee̍yata̠ ityaa̍hurde̠vaa maa̍ veda̠nniti̠ vaa a̠gnishchee̍yate vi̠dure̍na-nde̠vaah kasmai̠ kama̠gnishchee̍yata̠ ityaa̍hurgri̠hya̍saa̠neeti̠ vaa a̠gnishchee̍yate gri̠hye̍va bha̍vati̠ kasmai̠ kama̠gnishchee̍yata̠ ityaa̍huh pashu̠maana̍saa̠neeti̠ vaa a̠gni- [vaa a̠gnih, chee̠ya̠te̠ pa̠shu̠maane̠va] 9

-shchi̍yate pashu̠maane̠va bha̍vati̠ kasmai̠ kama̠gnishchee̍yata̠ ityaa̍hu-ssa̠pta maa̠ puru̍shaa̠ upa̍ jeevaa̠niti̠ vaa a̠gnishchee̍yate̠ traya̠h praancha̠straya̍h pra̠tyancha̍ aa̠tmaa sa̍pta̠ma e̠taava̍nta e̠vaina̍ma̠mushmi̍n mlo̠ka upa̍ jeevanti pra̠jaapa̍tira̠gnima̍chikeeshata̠ ta-mpri̍thi̠vya̍bravee̠nna mayya̠gni-nche̎shya̠se-'ti̍ maa dhakshyati̠ saa tvaa̍-'tida̠hyamaa̍naa̠ vi dha̍vishye̠ [vi dha̍vishye, sa paapee̍yaa-] 10

sa paapee̍yaa-nbhavishya̠seeti̠ so̎-'bravee̠-ttathaa̠ vaa a̠ha-nka̍rishyaami̠ yathaa̎ tvaa̠ naati̍dha̠kshyateeti̠ sa i̠maama̠bhya̍mrisha-tpra̠jaapa̍tistvaa saadayatu̠ tayaa̍ de̠vata̍yaa-'ngira̠sva-ddhru̠vaa see̠detee̠maame̠veshta̍kaa-nkri̠tvopaa̍-dha̠ttaa-na̍tidaahaaya̠ ya-tpratya̠gni-nchi̍nvee̠ta tada̠bhi mri̍she-tpra̠jaapa̍tistvaa saadayatu̠ tayaa̍ de̠vata̍yaa-'ngira̠sva-ddhru̠vaa see̠de- [-ddhru̠vaa see̍da, itee̠maame̠veshta̍kaa] 11

-tee̠maame̠veshta̍kaa-nkri̠tvopa̍ dha̠tte-'na̍tidaahaaya pra̠jaapa̍tirakaamayata̠ prajaa̍ye̠yeti̠ sa e̠tamukhya̍mapashya̠-ttagm sa̍mvathsa̠rama̍bibha̠stato̠ vai sa praajaa̍yata̠ tasmaa̎-thsamvathsa̠ra-mbhaa̠rya̍h praiva jaa̍yate̠ tam vasa̍vo-'bruva̠-npra tvama̍janishthaa va̠ya-mprajaa̍yaamahaa̠ iti̠ tam vasu̍bhya̠h praaya̍chchha̠-tta-ntreenyahaa̎nyabibharu̠-stena̠ [-stena̍, treeni̍] 12

treeni̍ cha sha̠taanyasri̍janta̠ traya̍strigmshata-ncha̠ tasmaa̎-ttrya̠ha-mbhaa̠rya̍h praiva jaa̍yate̠ taa-nru̠draa a̍bruva̠-npra yoo̠yama̍janidhvam va̠ya-mprajaa̍yaamahaa̠ iti̠ tagm ru̠drebhya̠h praaya̍chchha̠-ntagm shadahaa̎nyabibharu̠stena̠ treeni̍ cha sha̠taanyasri̍janta̠ traya̍strigmshata-ncha̠ tasmaa̎-thshada̠ha-mbhaa̠rya̍h praiva jaa̍yate̠ taanaa̍di̠tyaa a̍bruva̠-npra yoo̠yama̍janidhvam va̠ya- [-mva̠yam, pra jaa̍yaamahaa̠] 13

-mpra jaa̍yaamahaa̠ iti̠ tamaa̍di̠tyebhya̠h praaya̍chchha̠-nta-ndvaada̠shaahaa̎nyabibharu̠stena̠ treeni̍ cha sha̠taanyasri̍janta̠ traya̍strigmshata-ncha̠ tasmaa̎-ddvaadashaa̠ha-mbhaa̠rya̍h praiva jaa̍yate̠ tena̠ vai te sa̠hasra̍masrijanto̠khaagm sa̍hasrata̠meem ya e̠vamukhyagm̍ saaha̠sram veda̠ pra sa̠hasra̍-mpa̠shoonaa̎pnoti ॥ 14 ॥ (a̠gni̠vaan - pa̍shu̠maana̍saa̠neeti̠ vaa a̠gni - rdha̍vishye - mrishe-tpra̠jaapa̍tistvaa saadayatu̠ tayaa̍ de̠vata̍yaa-'ngira̠sva dhru̠vaa see̍da̠ - tena̠ - taanaa̍di̠tyaa a̍bruva̠-npra yoo̠yama̍janidhvam va̠yam - cha̍tvaari̠gm̠shachcha̍) (a. 2)

yaju̍shaa̠ vaa e̠shaa kri̍yate̠ yaju̍shaa pachyate̠ yaju̍shaa̠ vi mu̍chyate̠ yadu̠khaa saa vaa e̠shaitarhi̍ yaa̠tayaa̎mnee̠ saa na puna̍h pra̠yujyetyaa̍hu̠ragne̍ yu̠kshvaa hi ye tava̍ yu̠kshvaa hi de̍va̠hoota̍maa̠gm̠ ityu̠khaayaa̎-njuhoti̠ tenai̠vainaa̠-mpuna̠h prayu̍nkte̠ tenaayaa̍tayaamnee̠ yo vaa a̠gnim yoga̠ aaga̍te yu̠nakti̍ yu̠nkte yu̍njaa̠neshvagne̍ [yu̍njaa̠neshvagne̎, yu̠kshvaa hi] 15

yu̠kshvaa hi ye tava̍ yu̠kshvaa hi de̍va̠hoota̍maa̠gm̠ ityaa̍hai̠sha vaa a̠gneryoga̠stenai̠vaina̍m yunakti yu̠nkte yu̍njaa̠neshu̍ brahmavaa̠dino̍ vadanti̠ nya̍nna̠gnishche̍ta̠vyaa(3) u̍ttaa̠naa(3) iti̠ vaya̍saa̠m vaa e̠sha pra̍ti̠mayaa̍ cheeyate̠ yada̠gniryannya̍ncha-nchinu̠yaa-tpri̍shti̠ta e̍na̠maahu̍taya richchheyu̠ryadu̍ttaa̠na-nna pati̍tugm shaknuyaa̠dasu̍vargyo-'sya syaa-tpraa̠cheena̍-muttaa̠na- [-muttaa̠nam, pu̠ru̠sha̠shee̠r̠shamupa̍ dadhaati] 16

-mpu̍rushashee̠r̠shamupa̍ dadhaati mukha̠ta e̠vaina̠maahu̍taya richchhanti̠ nottaa̠na-nchi̍nute suva̠rgyo̎-'sya bhavati sau̠ryaa ju̍hoti̠ chakshu̍re̠vaasmi̠-nprati̍ dadhaati̠ dvirju̍hoti̠ dve hi chakshu̍shee samaa̠nyaa ju̍hoti samaa̠nagm hi chakshu̠-ssamri̍ddhyai devaasu̠raa-ssamya̍ttaa aasa̠-nte vaa̠mam vasu̠ sa-nnya̍dadhata̠ tadde̠vaa vaa̍ma̠bhritaa̍-'vrinjata̠ tadvaa̍ma̠bhrito̍ vaamabhri̠ttvam yadvaa̍ma̠bhrita̍ mupa̠dadhaa̍ti vaa̠mame̠va tayaa̠ vasu̠ yaja̍maano̠ bhraatri̍vyasya vrinkte̠ hira̍nyamoordhnee bhavati̠ jyoti̠rvai hira̍nya̠-njyoti̍rvaa̠ma-njyoti̍shai̠vaasya̠ jyoti̍rvaa̠mam vri̍nkte dviya̠jurbha̍vati̠ prati̍shthityai ॥ 17 ॥ (yu̠njaa̠neshvagne̎-praa̠cheena̍muttaa̠nam - mvaa̍ma̠bhrita̠m - chatu̍rvigmshatishcha) (a. 3)

aapo̠ varu̍nasya̠ patna̍ya aasa̠-ntaa a̠gnira̠bhya̍ddhyaaya̠-ttaa-ssama̍bhava̠-ttasya̠ reta̠h paraa̍-'pata̠-ttadi̠yama̍bhava̠dya-ddvi̠teeya̍-mpa̠raa-'pa̍ta̠-ttada̠saava̍bhavadi̠yam vai vi̠raada̠sau sva̠raad ya-dvi̠raajaa̍vupa̠dadhaa̍tee̠me e̠vopa̍ dhatte̠ yadvaa a̠sau reta̍-ssi̠nchati̠ tada̠syaa-mprati̍ tishthati̠ ta-tpra jaa̍yate̠ taa osha̍dhayo [osha̍dhayah, vee̠rudho̍] 18

vee̠rudho̍ bhavanti̠ taa a̠gnira̍tti̠ ya e̠vam veda̠ praiva jaa̍yate-'nnaa̠do bha̍vati̠ yo re̍ta̠svee syaa-tpra̍tha̠maayaa̠-ntasya̠ chityaa̍mu̠bhe upa̍ daddhyaadi̠me e̠vaasmai̍ sa̠meechee̠ reta̍-ssinchato̠ ya-ssi̠ktare̍taa̠-ssyaa-tpra̍tha̠maayaa̠-ntasya̠ chityaa̍ma̠nyaamupa̍ daddhyaadutta̠maayaa̍ma̠nyaagm reta̍ e̠vaasya̍ si̠ktamaa̠bhyaamu̍bha̠yata̠h pari̍ grihnaati samvathsa̠ra-nna ka- [samvathsa̠ra-nna kam, cha̠na pra̠tyava̍rohe̠nna] 19

-ncha̠na pra̠tyava̍rohe̠nna heeme kancha̠na pra̍tyava̠roha̍ta̠stade̍nayorvra̠tam yo vaa apa̍ sheershaanama̠gni-nchi̍nu̠te-'pa̍sheershaa̠-'mushmi̍n mlo̠ke bha̍vati̠ ya-ssashee̍rshaana-nchinu̠te sashee̍rshaa̠ 'mushmi̍n mlo̠ke bha̍vati̠ chitti̍-njuhomi̠ mana̍saa ghri̠tena̠ yathaa̍ de̠vaa i̠haa-''gama̍n vee̠tiho̎traa ritaa̠vridha̍-ssamu̠drasya̍ va̠yuna̍sya̠ patma̍n ju̠homi̍ vi̠shvaka̍rmane̠ vishvaa-'haa-'ma̍rtyagm ha̠viriti̍ svayamaatri̠nnaamu̍pa̠dhaaya̍ juho- [juhoti, e̠tadvaa] 20

-tye̠tadvaa a̠gne-shshira̠-ssashee̍rshaaname̠vaagni-nchi̍nute̠ sashee̍rshaa̠-'mushmi̍n mlo̠ke bha̍vati̠ ya e̠vam veda̍ suva̠rgaaya̠ vaa e̠sha lo̠kaaya̍ cheeyate̠ yada̠gnistasya̠ yadaya̍thaapoorva-nkri̠yate 'su̍vargyamasya̠ ta-thsu̍va̠rgyo̎ 'gnishchiti̍mupa̠dhaayaa̠bhi mri̍she̠chchitti̠machi̍tti-nchinava̠dvi vi̠dvaa-npri̠shtheva̍ vee̠taa vri̍ji̠naa cha̠ martaa̎-nraa̠ye cha̍ na-ssvapa̠tyaaya̍ deva̠ diti̍-ncha̠ raasvaa-di̍timuru̠shyeti̍ yathaapoo̠rvame̠vainaa̠mupa̍ dhatte̠ praancha̍mena-nchinute suva̠rgyo̎-'sya bhavati ॥ 21 ॥ (osha̍dhaya̠h - kam - ju̍hoti - svapa̠tyaayaa̠ - shtaada̍sha cha) (a. 4)

vi̠shvaka̍rmaa di̠shaa-mpati̠-ssa na̍h pa̠shoo-npaa̍tu̠ so̎-'smaa-npaa̍tu̠ tasmai̠ nama̍h pra̠jaapa̍tee ru̠dro varu̍no̠ 'gnirdi̠shaa-mpati̠-ssa na̍h pa̠shoo-npaa̍tu̠ so̎-'smaa-npaa̍tu̠ tasmai̠ nama̍ e̠taa vai de̠vataa̍ e̠teshaa̎-mpashoo̠naa-madhi̍pataya̠-staabhyo̠ vaa e̠sha aa vri̍shchyate̠ yah pa̍shushee̠r̠shaanyu̍pa̠ dadhaa̍ti hiranyeshta̠kaa upa̍ dadhaatye̠taabhya̍ e̠va de̠vataa̎bhyo̠ nama̍skaroti brahmavaa̠dino̍ [brahmavaa̠dina̍h, va̠da̠ntya̠gnau graa̠myaa-] 22

vadantya̠gnau graa̠myaa-npa̠shoo-npra da̍dhaati shu̠chaa-''ra̠nyaana̍rpayati̠ ki-ntata̠ uchchhigm̍sha̠teeti̠ yaddhi̍ranyeshta̠kaa u̍pa̠dadhaa̎tya̠mrita̠m vai hira̍nyama̠mrite̍nai̠va graa̠myebhya̍h pa̠shubhyo̍ bhesha̠ja-nka̍roti̠ nainaan̍ hinasti praa̠no vai pra̍tha̠maa sva̍yamaatri̠nnaa vyaa̠no dvi̠teeyaa̍-'paa̠nastri̠teeyaa-'nu̠ praa-'nyaa̎-tpratha̠maag sva̍yamaatri̠nnaamu̍pa̠dhaaya̍ praa̠nenai̠va praa̠nagm sama̍rdhayati̠ vya̍nyaa- [sama̍rdhayati̠ vya̍nyaat, dvi̠teeyaa̍mupa̠dhaaya̍] 23

-ddvi̠teeyaa̍mupa̠dhaaya̍ vyaa̠nenai̠va vyaa̠nagm sama̍rdhaya̠tyapaa̎n yaattri̠teeyaa̍mupa̠dhaayaa̍-paa̠nenai̠vaapaa̠nagm sama̍rdhaya̠tyatho̎ praa̠naire̠vaina̠gm̠ sami̍ndhe̠ bhoorbhuva̠-ssuva̠riti̍ svayamaatri̠nnaa upa̍ dadhaatee̠me vai lo̠kaa-ssva̍yamaatri̠nnaa e̠taabhi̠h khalu̠vai vyaahri̍teebhih pra̠jaapa̍ti̠h praa-'jaa̍yata̠ yade̠taabhi̠rvyaahri̍teebhi-ssvayamaatri̠nnaa u̍pa̠dadhaa̍tee̠maane̠va lo̠kaanu̍pa̠dhaayai̠shu [ ] 24

lo̠keshvadhi̠ prajaa̍yate praa̠naaya̍ vyaa̠naayaa̍paa̠naaya̍ vaa̠che tvaa̠ chakshu̍she tvaa̠ tayaa̍ de̠vata̍yaa-'ngira̠sva-ddhru̠vaa see̍daa̠gninaa̠ vai de̠vaa-ssu̍va̠rgam lo̠kama̍jigaagmsa̠-ntena̠ pati̍tu̠-nnaasha̍knuva̠-nta e̠taashchata̍sra-ssvayamaatri̠nnaa a̍pashya̠-ntaa di̠kshoopaa̍dadhata̠ tena̍ sa̠rvata̍shchakshushaa suva̠rgam lo̠kamaa̍ya̠n̠ yachchata̍sra-ssvayamaatri̠nnaa di̠kshoo̍pa̠dadhaa̍ti sa̠rvata̍shchakshushai̠va tada̠gninaa̠ yaja̍maana-ssuva̠rgam lo̠kame̍ti ॥ 25 ॥ (bra̠hma̠vaa̠dino̠ - vya̍nyaa - de̠shu - yaja̍maana̠ - streeni̍ cha) (a. 5)

agna̠ aa yaa̍hi vee̠taya̠ ityaa̠haa-hva̍tai̠vaina̍-ma̠gni-ndoo̠tam vri̍neemaha̠ ityaa̍ha hoo̠tvaivaina̍m vrineete̠ 'gninaa̠-'gni-ssami̍ddhyata̠ ityaa̍ha̠ sami̍ndha e̠vaina̍ma̠gnirvri̠traani̍ janghana̠dityaa̍ha̠ sami̍ddha e̠vaasmi̍nnindri̠ya-nda̍dhaatya̠gne-sstoma̍-mmanaamaha̠ ityaa̍ha manu̠ta e̠vaina̍me̠taani̠ vaa ahnaagm̍ roo̠paa- [roo̠paani̍, a̠nva̠hame̠vaina̍-] 26

-nya̍nva̠hame̠vaina̍-nchinu̠te 'vaahnaagm̍ roo̠paani̍ rundhe brahmavaa̠dino̍ vadanti̠ kasmaa̎-thsa̠tyaadyaa̠tayaa̎mneera̠nyaa ishta̍kaa̠ ayaa̍tayaamnee loka-mpri̠netyai̎mdraa̠gnee hi baa̍rhaspa̠tyeti̍ brooyaadindraa̠gnee cha̠ hi de̠vaanaa̠-mbriha̠spati̠shchaa-yaa̍tayaamaano 'nucha̠rava̍tee bhava̠tyajaa̍mitvaayaa -nu̠shtubhaa-'nu̍ charatyaa̠tmaa vai lo̍ka-mpri̠naa praa̠no̍ 'nu̠shtu-ptasmaa̎-tpraa̠na-ssarvaa̠nyangaa̠nyanu̍ charati̠ taa a̍sya̠ sooda̍dohasa̠ [sooda̍dohasah, ityaa̍ha̠] 27

ityaa̍ha̠ tasmaa̠-tparu̍shiparushi̠ rasa̠-ssomagg̍ shreenanti̠ prishna̍ya̠ ityaa̠haanna̠m vai prishnyanna̍me̠vaava̍ rundhe̠-'rko vaa a̠gnira̠rko-'nna̠manna̍me̠vaava̍ rundhe̠ janma̍-nde̠vaanaa̠m visha̍stri̠shvaa ro̍cha̠ne di̠va ityaa̍he̠maane̠vaasmai̍ lo̠kaan jyoti̍shmatah karoti̠ yo vaa ishta̍kaanaa-mprati̠shthaam veda̠ pratye̠va ti̍shthati̠ tayaa̍ de̠vata̍yaa-'ngira̠sva-ddhru̠vaa see̠detyaa̍hai̠shaa vaa ishta̍kaanaa-mprati̠shthaa ya e̠vam veda̠ pratye̠vati̍shthati ॥ 28 ॥ (roo̠paani̠ - sooda̍dohasa̠ - stayaa̠ - shoda̍sha cha) (a. 6)

su̠va̠rgaaya̠ vaa e̠sha lo̠kaaya̍ cheeyate̠ yada̠gnirvajra̍ ekaada̠shinee̠ yada̠gnaave̍kaada̠shinee̎-mminu̠yaa-dvajre̍nainagm suva̠rgaallo̠kaada̠ntarda̍ddhyaa̠dyanna mi̍nu̠yaa-thsvaru̍bhih pa̠shoon vya̍rdhayedekayoo̠pa-mmi̍noti̠ naina̠m vajre̍na suva̠rgaallo̠kaada̍nta̠rdadhaa̍ti̠ na svaru̍bhih pa̠shoon vya̍rdhayati̠ vi vaa e̠sha i̍ndri̠yena̍ vee̠rye̍nardhyate̠ yo̎-'gni-nchi̠nva-nna̍dhi̠kraama̍tyaindri̠ya- [-nna̍dhi̠kraama̍tyaindri̠yaa, ri̠chaa ''krama̍na̠-] 29

-rcha ''krama̍na̠-mprateeshta̍kaa̠mupa̍ daddhyaa̠nnendri̠yena̍ vee̠rye̍na̠ vyri̍ddhyate ru̠dro vaa e̠sha yada̠gnistasya̍ ti̠sra-shsha̍ra̠vyaa̎h pra̠teechee̍ ti̠rashchya̠noochee̠ taabhyo̠ vaa e̠sha aa vri̍shchyate̠ yo̎-'gni-nchi̍nu̠te̎ 'gni-nchi̠tvaa ti̍sridha̠nvamayaa̍chita-mbraahma̠naaya̍ dadyaa̠-ttaabhya̍ e̠va nama̍skaro̠tyatho̠ taabhya̍ e̠vaa-''tmaana̠-nnishkree̍neete̠ yatte̍ rudra pu̠ro [rudra pu̠rah, dhanu̠sta-dvaato̠] 30

dhanu̠sta-dvaato̠ anu̍ vaatu te̠ tasmai te̍ rudra samvathsa̠rena̠ nama̍skaromi̠ yatte̍ rudra dakshi̠naa dhanu̠sta-dvaato̠ anu̍ vaatu te̠ tasmai̍ te rudra parivathsa̠rena̠ nama̍skaromi̠ yatte̍ rudra pa̠shchaaddhanu̠sta-dvaato̠ anu̍ vaatu te̠ tasmai̍ te rudredaavathsa̠rena̠ nama̍skaromi̠ yatte̍ rudrotta̠raa-ddhanu̠sta- [ddhanu̠stat, vaato̠] 31

-dvaato̠ anu̍ vaatu te̠ tasmai̍ te rudreduvathsa̠rena̠ nama̍skaromi̠ yatte̍ rudro̠pari̠ dhanu̠sta-dvaato̠ anu̍ vaatu te̠ tasmai̍ te rudra vathsa̠rena̠ nama̍skaromi ru̠dro vaa e̠sha yada̠gni-ssa yathaa̎ vyaa̠ghrah kru̠ddha-stishtha̍tye̠vam vaa e̠sha e̠tarhi̠ sanchi̍tame̠tairupa̍ tishthate namaskaa̠rai-re̠vainagm̍ shamayati̠ ye̎-'gnaya̍h - [ye̎-'gnaya̍h, pu̠ree̠shyaa̎h] 32

puree̠shyaa̎h pravi̍shtaah prithi̠veemanu̍ । teshaa̠-ntvama̍syutta̠mah prano̍ jee̠vaata̍ve suva ॥ aapa̍-ntvaa-'gne̠ mana̠saa ''pa̍-ntvaa-'gne̠ tapa̠saa ''pa̍-ntvaa-'gne dee̠kshayaa ''pa̍-ntvaa-'gna upa̠sadbhi̠raapa̍-ntvaa-'gne su̠tyayaa-''pa̍-ntvaa-'gne̠ dakshi̍naabhi̠raapa̍-ntvaa-'gne 'vabhri̠thenaapa̍-ntvaa-'gne va̠shayaa ''pa̍-ntvaa-'gne svagaakaa̠renetyaa̍hai̠ shaa vaa a̠gneraapti̠stayai̠vaina̍maapnoti ॥ 33 ॥ (ai̠ndri̠yaa - pu̠ra - u̍tta̠raaddhanu̠sta- da̠gnaya̍ - aahaa̠ - shtau cha̍) (a. 7)

gaa̠ya̠trena̍ pu̠rastaa̠dupa̍ tishthate praa̠name̠vaasmi̍-ndadhaati briha-drathanta̠raabhyaa̎-mpa̠kshaavoja̍ e̠vaasmi̍-ndadhaatyritu̠sthaaya̍jnaa-ya̠jniye̍na̠ puchchha̍mri̠tushve̠va prati̍ tishthati pri̠shthairupa̍ tishthate̠ tejo̠ vai pri̠shthaani̠ teja̍ e̠vaasmi̍-ndadhaati pra̠jaapa̍tira̠gnima̍srijata̠ so̎-'smaa-thsri̠shtah paraa̍nai̠-ttam vaa̍rava̠nteeye̍naa-vaarayata̠ ta-dvaa̍rava̠nteeya̍sya vaaravanteeya̠tvagg shyai̠tena̍ shye̠tee a̍kuruta̠ tachchhyai̠tasya̍ shyaita̠tvam- [shyaita̠tvam, ya-dvaa̍rava̠nteeye̍nopa̠tishtha̍te] 34

-mya-dvaa̍rava̠nteeye̍nopa̠tishtha̍te vaa̠raya̍ta e̠vainagg̍ shyai̠tena̍ shye̠tee ku̍rute pra̠jaapa̍te̠rhrida̍yenaa-pipa̠ksha-mpratyupa̍ tishthate pre̠maana̍me̠vaasya̍ gachchhati̠ praachyaa̎ tvaa di̠shaa saa̍dayaami gaaya̠trena̠ chhanda̍saa̠-'gninaa̍ de̠vata̍yaa̠-'gne-shshee̠rshnaagne-shshira̠ upa̍ dadhaami̠ dakshi̍nayaa tvaa di̠shaa saa̍dayaami̠ traishtu̍bhena̠ chhanda̠sendre̍na de̠vata̍yaa̠-'gneh pa̠kshenaa̠gneh pa̠kshamupa̍ dadhaami pra̠teechyaa̎ tvaa di̠shaa saa̍dayaami̠ [di̠shaa saa̍dayaami, jaaga̍tena̠] 35

jaaga̍tena̠ chhanda̍saa savi̠traa de̠vata̍yaa̠-'gneh puchchhe̍naa̠gneh puchchha̠mupa̍ dadhaa̠myudee̎chyaa tvaa di̠shaa saa̍dayaa̠myaanu̍shtubhena̠ chhanda̍saa mi̠traavaru̍naabhyaam e̠vata̍yaa̠-'gneh pa̠kshenaa̠gneh pa̠kshamupa̍ dadhaamyoo̠rdhvayaa̎ tvaa di̠shaa saa̍dayaami̠ paankte̍na̠ chhanda̍saa̠ briha̠spati̍naa de̠vata̍yaa̠-'gneh pri̠shthenaa̠gneh pri̠shthamupa̍ dadhaami̠ yo vaa apaa̎tmaanama̠gni-nchi̍nu̠te-'paa̎tmaa̠-'mushmi̍n mlo̠ke bha̍vati̠ ya-ssaatmaa̍na-nchinu̠te saatmaa̠-'mushmi̍n mlo̠ke bha̍vatyaatmeshta̠kaa upa̍ dadhaatye̠sha vaa a̠gneraa̠tmaa saatmaa̍name̠vaagni-nchi̍nute̠ saatmaa̠-'mushmi̍n mlo̠ke bha̍vati̠ ya e̠vam veda̍ ॥ 36 ॥ (shyai̠ta̠tvam - pra̠teechyaa̎ tvaa di̠shaa saa̍dayaami̠ - ya-ssaatmaa̍na-nchinu̠te - dvaavigm̍shatishcha) (a. 8)

agna̍ udadhe̠ yaa ta̠ ishu̍ryu̠vaa naama̠ tayaa̍ no mrida̠ tasyaa̎ste̠ nama̠stasyaa̎sta̠ upa̠ jeeva̍nto bhooyaa̠smaagne̍ duddhra gahya kigmshila vanya̠ yaa ta̠ ishu̍ryu̠vaa naama̠ tayaa̍ no mrida̠ tasyaa̎ste̠ nama̠stasyaa̎sta̠ upa̠ jeeva̍nto bhooyaasma̠ pancha̠ vaa e̠te̎-'gnayo̠ yachchita̍ya uda̠dhire̠va naama̍ pratha̠mo du̠ddhro [du̠ddhrah, dvi̠teeyo̠] 37

dvi̠teeyo̠ gahya̍stri̠teeya̍h kigmshi̠lashcha̍tu̠rtho vanya̍h pancha̠mastebhyo̠ yadaahu̍tee̠rna ju̍hu̠yaada̍ddhva̠ryu-ncha̠ yaja̍maana-ncha̠ pra da̍heyu̠ryade̠taa aahu̍teerju̠hoti̍ bhaaga̠dheye̍nai̠vainaa̎mchhamayati̠ naa-''rti̠maarchchha̍tyaddhva̠ryurna yaja̍maano̠ vaamma̍ aa̠sa-nna̠soh praa̠no̎-'kshyoshchakshu̠h karna̍yo̠-shshrotra̍-mbaahu̠vorbala̍-mooru̠vorojo-'ri̍shtaa̠ vishvaa̠nyangaa̍ni ta̠noo- [ta̠nooh, ta̠nuvaa̍ me] 38

-sta̠nuvaa̍ me sa̠ha nama̍ste astu̠ maa maa̍ higmsee̠rapa̠ vaa e̠tasmaa̎-tpraa̠naah kraa̍manti̠ yo̎-'gni-nchi̠nvanna̍dhi̠ kraama̍ti̠ vaamma̍ aa̠sa-nna̠soh praa̠na ityaa̍ha praa̠naane̠vaa-''tma-ndha̍tte̠ yo ru̠dro a̠gnau yo a̠phsu ya osha̍dheeshu̠ yo ru̠dro vishvaa̠ bhuva̍naa-''vi̠vesha̠ tasmai̍ ru̠draaya̠ namo̍ a̠stvaahu̍tibhaagaa̠ vaa a̠nye ru̠draa ha̠virbhaa̍gaa [ru̠draa ha̠virbhaa̍gaah, a̠nye sha̍taru̠dreeyagm̍] 39

a̠nye sha̍taru̠dreeyagm̍ hu̠tvaa gaa̍veedhu̠ka-ncha̠rume̠tena̠ yaju̍shaa chara̠maayaa̠mishta̍kaayaa̠-nni da̍ddhyaa-dbhaaga̠dheye̍nai̠vainagm̍ shamayati̠ tasya̠ tvai sha̍taru̠dreeyagm̍ hu̠tamityaa̍hu̠ryasyai̠tada̠gnau kri̠yata̠ iti̠ vasa̍vastvaa ru̠draih pu̠rastaa̎-tpaantu pi̠tara̍stvaa ya̠maraa̍jaanah pi̠tribhi̍rdakshina̠tah paa̎mtvaadi̠tyaastvaa̠ vishvai̎rde̠vaih pa̠shchaa-tpaa̎mtu dyutaa̠nastvaa̍ maaru̠to ma̠rudbhi̍ruttara̠tah paa̍tu [ ] 40

de̠vaastvendra̍jyeshthaa̠ varu̍naraajaano̠ 'dhastaa̎chcho̠-pari̍shtaachcha paantu̠ na vaa e̠tena̍ poo̠to na meddhyo̠ na prokshi̍to̠ yade̍na̠mata̍h praa̠cheena̍-mpro̠kshati̠ ya-thsanchi̍ta̠maajye̍na pro̠kshati̠ tena̍ poo̠tastena̠ meddhya̠stena̠ prokshi̍tah ॥ 41 ॥ (du̠dhra - sta̠noo - rha̠virbhaa̍gaah - paatu̠ - dvaatrigm̍shachcha) (a. 9)

sa̠meechee̠ naamaa̍si̠ praachee̠ diktasyaa̎ste̠ 'gniradhi̍pati rasi̠to ra̍kshi̠taa yashchaadhi̍pati̠ ryashcha̍ go̠ptaa taabhyaa̠-nnama̠stauno̍ mridayataa̠-nte ya-ndvi̠shmo yashcha̍ no̠ dveshti̠ tam vaa̠-njambhe̍ dadhaamyoja̠svinee̠ naamaa̍si dakshi̠naa di-ktasyaa̎sta̠ indro-'dhi̍pati̠h pridaa̍ku̠h praachee̠ naamaa̍si pra̠teechee̠ di-ktasyaa̎ste̠ [di-ktasyaa̎ste, somo-'dhi̍pati-] 42

somo-'dhi̍pati-ssva̠jo̍ 'va̠sthaavaa̠ naamaa̠-syudee̍chee̠ di-ktasyaa̎ste̠ varu̠no-'dhi̍pati-sti̠rashcha̍ raaji̠-radhi̍patnee̠ naamaa̍si briha̠tee di-ktasyaa̎ste̠ briha̠spati̠-radhi̍pati-shshvi̠tro va̠shinee̠ naamaa̍see̠ya-ndi-ktasyaa̎ste ya̠mo-'dhi̍patih ka̠lmaasha̍ greevo rakshi̠taa yashchaadhi̍pati̠ ryashcha̍ go̠ptaa taabhyaa̠-nnama̠stau no̍ mridayataa̠-nte ya-ndvi̠shmo yashcha̍ [ ] 43

no̠ dveshti̠ tam vaa̠-njambhe̍ dadhaamye̠taa vai de̠vataa̍ a̠gni-nchi̠tagm ra̍kshanti̠ taabhyo̠ yadaahu̍tee̠rna ju̍hu̠yaa-da̍ddhva̠ryu-ncha̠ yaja̍maana-ncha dhyaayeyu̠ryade̠taa aahu̍teerju̠hoti̍ bhaaga̠dheye̍nai̠vainaa̎-nchhamayati̠ naa-''rti̠-maarchchha̍tyaddhva̠ryurna yaja̍maano he̠tayo̠ naama̍ stha̠ teshaa̎m vah pu̠ro gri̠haa a̠gnirva̠ isha̍va-ssali̠lo ni̍li̠paa-nnaama̍ [ ] 44

stha̠ teshaa̎m vo dakshi̠naa gri̠haah pi̠taro̍ va̠ isha̍va̠-ssaga̍ro va̠jrino̠ naama̍ stha̠ teshaa̎m vah pa̠shchaa-dgri̠haa-ssvapno̍ va̠ isha̍vo̠ gahva̍ro 'va̠sthaavaa̍no̠ naama̍ stha̠ teshaa̎m va utta̠raa-dgri̠haa aapo̍ va̠ isha̍va-ssamu̠dro-'dhi̍patayo̠ naama̍ stha̠ teshaa̎m va u̠pari̍ gri̠haa va̠r̠sham va̠ isha̠vo-'va̍svaan kra̠vyaa naama̍ stha̠ paarthi̍vaa̠-steshaa̎m va i̠ha gri̠haa [gri̠haah, anna̍m va̠] 45

anna̍m va̠ isha̍vo 'nimi̠sho vaa̍tanaa̠ma-ntebhyo̍ vo̠ nama̠ste no̍ mridayata̠ te ya-ndvi̠shmo yashcha̍ no̠ dveshti̠ tam vo̠ jambhe̍ dadhaami hu̠taado̠ vaa a̠nye de̠vaa a̍hu̠taado̠-'nye taana̍gni̠chide̠vobhayaa̎-npreenaati da̠ddhnaa ma̍dhumi̠shrenai̠taa aahu̍teerjuhoti bhaaga̠dheye̍nai̠vainaa̎-npreenaa̠tyatho̠ khalvaa̍hu̠rishta̍kaa̠ vai de̠vaa a̍hu̠taada̠ i- [a̍hu̠taada̠ iti̍, a̠nu̠pa̠ri̠kraama̍-] 46

-tya̍nupari̠kraama̍-njuho̠tyapa̍rivargame̠vainaa̎-npreenaatee̠magg stana̠moorja̍svanta-ndhayaa̠paa-mprapyaa̍tamagne sari̠rasya̠ maddhye̎ । uthsa̍-njushasva̠ madhu̍mantamoorva samu̠driya̠gm̠ sada̍na̠maa vi̍shasva ॥ yo vaa a̠gni-mpra̠yujya̠ na vi̍mu̠nchati̠ yathaa-'shvo̍ yu̠kto-'vi̍muchyamaana̠h, kshuddhya̍-nparaa̠bhava̍tye̠vama̍syaa̠gnih paraa̍ bhavati̠ ta-mpa̍raa̠bhava̍nta̠m yaja̍maa̠no-'nu̠ paraa̍ bhavati̠ so̎-'gni-nchi̠tvaa loo̠ksho [loo̠kshah, bha̠va̠tee̠magg stana̠] 47

bha̍vatee̠magg stana̠-moorja̍svanta-ndhayaa̠paamityaajya̍sya poo̠rnaag srucha̍-njuhotye̠sha vaa a̠gnervi̍mo̠ko vi̠muchyai̠vaasmaa̠ anna̠mapi̍ dadhaati̠ tasmaa̍daahu̠ryashchai̠vam veda̠ yashcha̠ na su̠dhaayagm̍ ha̠ vai vaa̠jee suhi̍to dadhaa̠teetya̠gnirvaava vaa̠jee tame̠va ta-tpree̍naati̠ sa e̍na-mpree̠tah pree̍naati̠ vasee̍yaa-nbhavati ॥ 48 ॥ (pra̠teechee̠ diktasyaa̎ste-dvi̠shmo yashcha̍-nili̠mpaa naa-me̠ ha gri̠haa-iti̍-loo̠ksho-vasee̍yaa-nbhavati) (a. 10)

indraa̍ya̠ raajne̍ sooka̠ro varu̍naaya̠ raajne̠ krishno̍ ya̠maaya̠ raajna̠ rishya̍ risha̠bhaaya̠ raajne̍ gava̠ya-shshaa̎rdoo̠laaya̠ raajne̍ gau̠rah pu̍rusharaa̠jaaya̍ ma̠rkata̍h, kshiprashye̠nasya̠ varti̍kaa̠ neela̍ngo̠h krimi̠-ssoma̍sya̠ raajna̍h kulu̠nga-ssindho̎-shshigmshu̠maaro̍ hi̠mava̍to ha̠stee ॥ 49 (indraa̍ya̠ raajne̠-'shtaavigm̍shatih) (a. 11)

ma̠yuh praa̍jaapa̠tya oo̠lo halee̎kshno vrishada̠gm̠shaste dhaa̠tu-ssara̍svatyai̠ shaari̍-shshye̠taa pu̍rusha̠vaa-khsara̍svate̠ shuka̍-shshye̠tah pu̍rusha̠vaagaa̍ra̠nyo̍-'jo na̍ku̠la-shshakaa̠ te pau̠shnaa vaa̠che krau̠nchah ॥ 50 ॥ (ma̠yu - strayo̍vigmshatih) (a. 12)

a̠paa-nnaptre̍ ja̠sho naa̠kro maka̍rah kulee̠kaya̠ste-'koo̍paarasya vaa̠che pai̎mgaraa̠jo bhagaa̍ya ku̠sheeta̍ka aa̠tee vaa̍ha̠so darvi̍daa̠ te vaa̍ya̠vyaa̍ di̠gbhyashcha̍kravaa̠kah ॥ 51 ॥ (a̠paa - mekaa̠nnavigm̍sha̠tih) (a. 13)

balaa̍yaajaga̠ra aa̠khu-ssri̍ja̠yaa sha̠yanda̍ka̠ste mai̠traa mri̠tyave̍-'si̠to ma̠nyave̎ sva̠jah kum̍bhee̠nasa̍h pushkarasaa̠do lo̍hitaa̠histe tvaa̠shtraah pra̍ti̠shrutkaa̍yai vaaha̠sah ॥ 52 ॥ (balaa̍yaa̠ - shtaada̍sha) (a. 14)

pu̠ru̠sha̠mri̠gashcha̠ndrama̍se go̠dhaa kaala̍kaa daarvaaghaa̠taste vana̠spatee̍naame̠nyahne̠ krishno̠ raatri̍yai pi̠kah, kshvinkaa̠ neela̍sheershnee̠ te̎-'rya̠mne dhaa̠tuh ka̍tka̠tah ॥ 53 ॥ (pu̠ru̠sha̠mri̠go̎-'shtaada̍sha) (a. 15)

sau̠ree ba̠laakarshyo̍ ma̠yoora̍-shshye̠naste ga̍ndha̠rvaanaa̠m vasoo̍naa-nka̠pinja̍lo ru̠draanaa̎-ntitti̠ree ro̠hi-tku̍ndri̠naachee̍ go̠latti̍kaa̠ taa a̍phsa̠rasaa̠-mara̍nyaaya srima̠rah ॥ 54 ॥ (sau̠-rya̍shtaada̍sha) (a. 16)

pri̠sha̠to vai̎shvade̠vah pi̠tvo nyanku̠h kasha̠ste-'nu̍matyaa anyavaa̠po̎-'rdhamaa̠saanaa̎-mmaa̠saa-nka̠shyapa̠h kvayi̍h ku̠taru̍rdaatyau̠haste si̍neevaa̠lyai briha̠spata̍ye shitpu̠tah ॥ 55 ॥ (pri̠shataa̎- 'shtaada̍sha) (a. 17)

shakaa̍ bhau̠mee paa̠ntrah kasho̍ maanthee̠lava̠ste pi̍tri̠naa-mri̍too̠naa-njaha̍kaa samvathsa̠raaya̠ lopaa̍ ka̠pota̠ uloo̍ka-shsha̠shaste nair̍ri̠taah kri̍ka̠vaaku̍-ssaavi̠trah ॥ 56 ॥ (shakaa̠ - 'shtaada̍sha ) (a. 18)

ruroo̍ rau̠drah kri̍kalaa̠sa-shsha̠kuni̠h pippa̍kaa̠ te sha̍ra̠vyaa̍yai hari̠no maa̍ru̠to brahma̍ne shaa̠rgasta̠rakshu̍h kri̠shna-shshvaa cha̍tura̠ksho ga̍rda̠bhasta i̍taraja̠naanaa̍ma̠gnaye̠ dhoonkshnaa̎ ॥ 57 ॥ (ruru̍ - rvigmsha̠tih) (a. 19)

a̠la̠ja aa̎mtari̠ksha u̠dro ma̠dguh pla̠vaste̍-'paamadi̍tyai hagmsa̠saachi̍rindraa̠nyai keershaa̠ griddhra̍-shshitika̠kshee vaa̎rdhraana̠saste di̠vyaa dyaa̍vaaprithi̠vyaa̎ shvaa̠vit ॥ 58 ॥ (a̠la̠jo̎ - 'shtaada̍sha ) (a. 20)

su̠pa̠rnah paa̎rja̠nyo ha̠gm̠so vriko̍ vrishada̠gm̠shasta ai̠ndraa a̠paamu̠dro̎ 'rya̠mne lo̍paa̠sha-ssi̠gm̠ho na̍ku̠lo vyaa̠ghraste ma̍he̠ndraaya̠ kaamaa̍ya̠ para̍svaan ॥ 59 ॥ (su̠pa̠no̎ - 'shtaada̍sha) (a. 21)

aa̠gne̠yah kri̠shnagree̍va-ssaarasva̠tee me̠shee ba̠bhru-ssau̠myah pau̠shna-shshyaa̠ma-shshi̍tipri̠shtho baa̍rhaspa̠tya-shshi̠lpo vai̎shvade̠va ai̠ndro̍-'ru̠no maa̍ru̠tah ka̠lmaasha̍ aindraa̠gna-ssagm̍hi̠to̍ 'dhoraa̍ma-ssaavi̠tro vaa̍ru̠nah petva̍h ॥ 60 ॥ (aa̠gne̠yo - dvaavigm̍shatih) (a. 22)

ashva̍stoopa̠ro go̍mri̠gaste praa̍jaapa̠tyaa aa̎gne̠yau kri̠shnagree̍vau tvaa̠shtrau lo̍mashasa̠kthau shi̍tipri̠shthau baa̍rhaspa̠tyau dhaa̠tre pri̍shoda̠ra-ssau̠ryo ba̠laksha̠h petva̍h ॥ 61 ॥ (ashva̠h - shoda̍sha) (a. 23)

a̠gnaye-'nee̍kavate̠ rohi̍taanji-rana̠dvaa-na̠dhoraa̍mau saavi̠trau pau̠shnau ra̍ja̠tanaa̍bhee vaishvade̠vau pi̠shangau̍ toopa̠rau maa̍ru̠tah ka̠lmaasha̍ aagne̠yah kri̠shno̍-'ja-ssaa̍rasva̠tee me̠shee vaa̍ru̠nah kri̠shna eka̍shitipaa̠-tpetva̍h ॥ 62 ॥ (a̠gnaye̠ - dvaavigm̍shatih) (a. 24)

(yadeke̍na - pra̠jaapa̍tih pre̠naa-'nu̠ - yaju̠shaa - ''po̍ - vi̠shvaka̠rmaa - 'gna̠ aa yaa̍hi - suva̠rgaaya̠ vajro̍ - gaaya̠trenaa - gna̍ udadhe - sa̠meechee - ndraa̍ya - ma̠yu - ra̠paam - balaa̍ya - purushamri̠gah - sau̠ree - pri̍sha̠tah - shakaa̠ - ruru̍ - rala̠jah - su̍pa̠rna - aa̎gne̠yo - 'shvo̠ - 'gnaye-'nee̍kavate̠ - chatu̍rvigmshatih) (yadeke̍na̠ - sa paapee̍yaa - ne̠tadvaa a̠gne - rdhanu̠sta-d- de̠vaastvendra̍jyeshthaa - a̠paa-nnaptre - 'shva̍stoopa̠ro - dvisha̍shtih)

(yadeke̠, naika̍shitipaa̠-tpetva̍h)

॥ hari̍h om ॥

॥ krishna yajurvedeeya taittireeya samhitaayaa-mpanchamakaande panchamah prashna-ssamaaptah ॥

5.5 - யதே³கேன ஸக்³க்³​ஸ்தா²பயதி - க்ருஷ்ண யஜுர்வேத³ தைத்திரீய ஸம்ஹிதா பாட:² பற்றி

This is the fifth prashna of the fifth kanda of the Krishna Yajurveda Taittiriya Samhita, which explains further parts of the agnichayana, the building of the fire altar, including the offerings to Vayu and the other deities. It opens by saying that the sacrifice is completed with a single act "for the continuity of the sacrifice, so that it is not broken", and goes on to explain the placing of special bricks and the meaning of each step.

மூலம்: Krishna Yajurveda, Taittiriya Samhita 5.5

எப்போது பாராயணம் செய்வது: In Vedic chanting and in traditional study of the Taittiriya Samhita.

உங்களுக்குத் தெரியுமா?

  • "Santati", continuity of the sacrifice, is a recurring concern in the Brahmana passages of the Samhita.
  • The fifth kanda explains the rites whose mantras are given in the fourth kanda.

அடிக்கடி கேட்கப்படும் கேள்விகள்

What does this prashna explain?

Further parts of the agnichayana, the fire-altar rite.

Which Veda is it from?

The Krishna Yajurveda, Taittiriya Samhita 5.5.

What is a prashna?

A chapter of a Vedic text.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.