மூக பஞ்ச ஶதி 3 - ஸ்துதி ஶதகம்
Sri Mooka Pancha Shati · பாரம்பரிய பக்தி நூல்
പാംഡിത്യം പരമേശ്വരി സ്തുതിവിധൌ നൈവാശ്രയംതേ ഗിരാം വൈരിംചാന്യപി ഗുംഫനാനി വിഗലദ്ഗർവാണി ശർവാണി തേ । സ്തോതും ത്വാം പരിഫുല്ലനീലനലിനശ്യാമാക്ഷി കാമാക്ഷി മാം വാചാലീകുരുതേ തഥാപി നിതരാം ത്വത്പാദസേവാദരഃ ॥1॥
താപിംഛസ്തബകത്വിഷേ തനുഭൃതാം ദാരിദ്ര്യമുദ്രാദ്വിഷേ സംസാരാഖ്യതമോമുഷേ പുരരിപോർവാമാംകസീമാജുഷേ । കംപാതീരമുപേയുഷേ കവയതാം ജിഹ്വാകുടീം ജഗ്മുഷേ വിശ്വത്രാണപുഷേ നമോഽസ്തു സതതം തസ്മൈ പരംജ്യോതിഷേ ॥2॥
യേ സംധ്യാരുണയംതി ശംകരജടാകാംതാരചന്രാര്ഭകം സിംദൂരംതി ച യേ പുരംദരവധൂസീമംതസീമാംതരേ । പുണ്യ.ം യേ പരിപക്കയംതി ഭജതാം കാംചീപുരേ മാമമീ പായാസുഃ പരമേശ്വരപ്രണയിനീപാദോദ്ഭവാഃ പാംസവഃ ॥3॥
കാമാഡംബരപൂരയാ ശശിരുചാ കമ്രസ്മിതാനാം ത്വിഷാ കാമാരേരനുരാഗസിംധുമധികം കല്ലോലിതം തന്വതീ । കാമാക്ഷീതി സമസ്തസജ്ജനനുതാ കല്യാണദാത്രീ നൃണാം കാരുണ്യാകുലമാനസാ ഭഗവതീ കംപാതടേ ജൃംഭതേ ॥4॥
കാമാക്ഷീണപരാക്രമപ്രകടനം സംഭാവയംതീ ദൃശാ ശ്യാമാ ക്ഷീരസഹോദരസ്മിതരുചിപ്രക്ഷാലിതാശാംതരാ । കാമാക്ഷീജനമൌലിഭൂഷണമണിർവാചാം പരാ ദേവതാ കാമാക്ഷീതി വിഭാതി കാപി കരുണാ കംപാതടിന്യാസ്തടേ ॥5॥
ശ്യാമാ കാചന ചംദ്രികാ ത്രിഭുവനേ പുണ്യാത്മനാമാനനേ സീമാശൂന്യകവിത്വവര്ഷജനനീ യാ കാപി കാദംബിനീ । മാരാരാതിമനോവിമോഹനവിധൌ കാചിതത്തമഃകംദലീ കാമാക്ഷ്യാഃ കരുണാകടാക്ഷലഹരീ കാമായ മേ കല്പതാമ് ॥6॥
പ്രൌഢധ്വാംതകദംബകേ കുമുദിനീപുണ്യാംകുരം ദര്ശയന് ജ്യോത്സ്നാസംഗമനേഽപി കോകമിഥുനം മിശ്രം സമുദ്ഭാവയന് । കാലിംദീലഹരീദശാം പ്രകടയന്കമ്രാം നഭസ്യദ്ഭുതാം കശ്ചിന്നേത്രമഹോത്സവോ വിജയതേ കാംചീപുരേ ശൂലിനഃ ॥7॥
തംദ്രാഹീനതമാലനീലസുഷമൈസ്താരുണ്യലീലാഗൃഹൈഃ താരാനാഥകിശോരലാംഛിതകചൈസ്താമ്രാരവിംദേക്ഷണൈഃ । മാതഃ സംശ്രയതാം മനോ മനസിജപ്രാഗല്ഭ്യനാഡിംധമൈഃ കംപാതീരചരൈര്ഘനസ്തനഭരൈഃ പുണ്യാംകരൈഃ ശാംകരൈഃ ॥8॥
നിത്യം നിശ്ചലതാമുപേത്യ മരുതാം രക്ഷാവിധിം പുഷ്ണതീ തേജസ്സംചയപാടവേന കിരണാനുഷ്ണദ്യുതേര്മുഷ്ണതീ । കാംചീമധ്യഗതാപി ദീപ്തിജനനീ വിശ്വാംതരേ ജൃംഭതേ കാചിച്ചിത്രമഹോ സ്മൃതാപി തമസാം നിർവാപികാ ദീപികാ ॥9॥
കാംതൈഃ കേശരുചാം ചയൈര്ഭ്രമരിതം മംദസ്മിതൈഃ പുഷ്പിതം കാംത്യാ പല്ലവിതം പദാംബുരുഹയോര്നേത്രത്വിഷാ പത്രിതമ് । കംപാതീരവനാംതരം വിദധതീ കല്യാണജന്മസ്ഥലീ കാംചീമധ്യമഹാമണിർവിജയതേ കാചിത്കൃപാകംദലീ ॥10॥
രാകാചംദ്രസമാനകാംതിവദനാ നാകാധിരാജസ്തുതാ മൂകാനാമപി കുർവതീ സുരധനീനീകാശവാഗ്വൈഭവമ് । ശ്രീകാംചീനഗരീവിഹാരരസികാ ശോകാപഹംത്രീ സതാമ് ഏകാ പുണ്യപരംപരാ പശുപതേരാകാരിണീ രാജതേ ॥11॥
ജാതാ ശീതലശൈലതഃ സുകൃതിനാം ദൃശ്യാ പരം ദേഹിനാം ലോകാനാം ക്ഷണമാത്രസംസ്മരണതഃ സംതാപവിച്ഛേദിനീ । ആശ്ചര്യം ബഹു ഖേലനം വിതനുതേ നൈശ്ചല്യമാബിഭ്രതീ കംപായാസ്തടസീമ്നി കാപി തടിനീ കാരുണ്യപാഥോമയീ ॥12॥
ഐക്യം യേന വിരച്യതേ ഹരതനൌ ദംഭാവപുംഭാവുകേ രേഖാ യത്കചസീമ്നി ശേഖരദശാം നൈശാകരീ ഗാഹതേ । ഔന്നത്യം മുഹുരേതി യേന സ മഹാന്മേനാസഖഃ സാനുമാന് കംപാതീരവിഹാരിണാ സശരണാസ്തേനൈവ ധാമ്നാ വയമ് ॥13॥
അക്ഷ്ണോശ്ച സ്തനയോഃ ശ്രിയാ ശ്രവണയോര്ബാഹ്വോശ്ച മൂലം സ്പൃശന് ഉത്തംസേന മുഖേന ച പ്രതിദിനം ദ്രുഹ്യന്പയോജന്മനേ । മാധുര്യേണ ഗിരാം ഗതേന മൃദുനാ ഹംസാംഗനാം ഹ്രേപയന് കാംചീസീമ്നി ചകാസ്തി കോഽപി കവിതാസംതാനബീജാംകുരഃ ॥14॥
ഖംഡം ചാംദ്രമസം വതംസമനിശം കാംചീപുരേ ഖേലനം കാലായശ്ഛവിതസ്കരീം തനുരുചിം കര്ണജപേ ലോചനേ । താരുണ്യോഷ്മനഖംപചം സ്തനഭരം ജംഘാസ്പൃശം കുംതലം ഭാഗ്യം ദേശികസംചിതം മമ കദാ സംപാദയേദംബികേ ॥15॥
തന്വാനം നിജകേലിസൌധസരണിം നൈസര്ഗികീണാം ഗിരാം കേദാരം കവിമല്ലസൂക്തിലഹരീസസ്യശ്രിയാം ശാശ്വതമ് । അംഹോവംചനചുംചു കിംചന ഭജേ കാംചീപുരീമംഡനം പര്യായച്ഛവി പാകശാസനമണേഃ പൌഷ്പേഷവം പൌരുഷമ് ॥16॥
ആലോകേ മുഖപംകജേ ച ദധതീ സൌധാകരീം ചാതുരീം ചൂഡാലംക്രിയമാണപംകജവനീവൈരാഗമപ്രക്രിയാ । മുഗ്ധസ്മേരമുഖീ ഘന്സതനതടീമൂര്ച്ഛാലമധ്യാംചിതാ കാംചീസീമനി കാമിനീ വിജയതേ കാചിജ്ജഗന്മോഹിനീ ॥17॥
യസ്മിന്നംബ ഭവത്കടാക്ഷരജനീ മംദേഽപി മംദസ്മിത- ജ്യോത്സ്നാസംസ്നപിതാ ഭവത്യഭിമുഖീ തം പ്രത്യഹോ ദേഹിനമ് । ദ്രക്ഷാമാക്ഷികമാധുരീമദഭരവ്രീഡാകരീ വൈഖരീ കാമാക്ഷി സ്വയമാതനോത്യഭിസൃതിം വാമേക്ഷണേവ ക്ഷണമ് ॥18॥
കാലിംദീജലകാംതയഃ സ്മിതരുചിസ്വർവാഹിനീപാഥസി പ്രൌഢധ്വാംതരുചഃ സ്ഫുടാധരമഹോലൌഹിത്യസംധ്യോദയേ । മണിക്യോപലകുംഡലാംശുശിഖിനി വ്യാമിശ്രധൂമശ്രിയഃ കല്യാണൈകഭുവഃ കടാക്ഷസുഷമാഃ കാമാക്ഷി രാജംതി തേ ॥19॥
കലകലരണത്കാംചീ കാംചീവിഭൂഷണമാലികാ കചഭരലസച്ചംദ്രാ ചംദ്രാവതംസസധര്മിണീ । കവികുലഗിരഃ ശ്രാവംശ്രാവം മിലത്പുലകാംകുരാ വിരചിതശിരഃകംപാ കംപാതടേ പരിശോഭതേ ॥20॥
സരസവചസാം വീചീ നീചീഭവന്മധുമാധുരീ ഭരിതഭുവനാ കീര്തിര്മൂര്തിര്മനോഭവജിത്വരീ । ജനനി മനസോ യോഗ്യം ഭോഗ്യം നൃണാം തവ ജായതേ കഥമിവ വിനാ കാംചീഭൂഷേ കടാക്ഷതരംഗിതമ് ॥21॥
ഭ്രമരിതസരിത്കൂലോ നീലോത്പലപ്രഭയാഽഽഭയാ നതജനതമഃഖംഡീ തുംഡീരസീമ്നി വിജൃംഭതേ । അചലതപസാമേകഃ പാകഃ പ്രസൂനശരാസന- പ്രതിഭടമനോഹാരീ നാരീകുലൈകശിഖാമണിഃ ॥22॥
മധുരവചസോ മംദസ്മേരാ മതംഗജഗാമിനഃ തരുണിമജുഷസ്താപിച്ഛാഭാസ്തമഃപരിപംഥിനഃ । കുചഭരനതാഃ കുര്യുര്ഭദ്രം കുരംഗവിലോചനാഃ കലിതകരുണാഃ കാംചീഭാജഃ കപാലിമഹോത്സവാഃ ॥23॥
കമലസുഷമാക്ഷ്യാരോഹേ വിചക്ഷണവീക്ഷണാഃ കുമുദസുകൃതക്രീഡാചൂഡാലകുംതലബംധുരാഃ । രുചിരരുചിഭിസ്താപിച്ഛശ്രീപ്രപംചനചുംചവഃ പുരവിജയിനഃ കംപാതീരേ സ്ഫുരംതി മനോരഥാഃ ॥24॥
കലിതരതയഃ കാംചീലീലാവിധൌ കവിമംഡലീ- വചനലഹരീവാസംതീനാം വസംതവിഭൂതയഃ । കുശലവിധയേ ഭൂയാസുര്മേ കുരംഗവിലോചനാഃ കുസുമവിശിഖാരാതേരക്ഷ്ണാം കുതൂഹലവിഭ്രമാഃ ॥25॥
കബലിതതമസ്കാംഡാസ്തുംഡീരമംഡലമംഡനാഃ സരസിജവനീസംതാനാനാമരുംതുദശേഖരാഃ । നയനസരണേര്നേദീയംസഃ കദാ നു ഭവംതി മേ തരുണജലദശ്യാമാഃ ശംഭോസ്തപഃഫലവിഭ്രമാഃ ॥26॥
അചരമമിഷും ദീനം മീനധ്വജസ്യ മുഖശ്രിയാ സരസിജഭുവോ യാനം മ്ലാനം ഗതേന ച മംജുനാ । ത്രിദശസദസാമന്നം ഖിന്നം ഗിരാ ച വിതന്വതീ തിലകയതി സാ കംപാതീരം ത്രിലോചനസുംദരീ ॥27॥
ജനനി ഭുവനേ ചംക്രമ്യേഽഹം കിയംതമനേഹസം കുപുരുഷകരഭ്രഷ്ടൈര്ദുഷ്ടൈര്ധനൈരുദരംഭരിഃ । തരുണകരുണേ തംദ്രാശൂന്യേ തരംഗയ ലോചനേ നമതി മയി തേ കിംചിത്കാംചീപുരീമണിദീപികേ ॥28॥
മുനിജനമനഃപേടീരത്നം സ്ഫുരത്കരുണാനടീ- വിഹരണകലാഗേഹം കാംചീപുരീമണിഭൂഷണമ് । ജഗതി മഹതോ മോഹവ്യാധേര്നൃണാം പരമൌഷധം പുരഹരദൃശാം സാഫല്യം മേ പുരഃ പരിജൃംഭതാമ് ॥29॥
മുനിജനമോധാമ്നേ ധാമ്നേ വചോമയജാഹ്നവീ- ഹിമഗിരിതടപ്രാഗ്ഭാരായാക്ഷരായ പരാത്മനേ । വിഹരണജുഷേ കാംചീദേശേ മഹേശ്വരലോചന- ത്രിതയസരസക്രീഡാസൌധാംഗണായ നമോ നമഃ ॥30॥
മരകതരുചാം പ്രത്യാദേശം മഹേശ്വരചക്ഷുഷാമ് അമൃതലഹരീപൂരം പാരം ഭവാഖ്യപയോനിധേഃ । സുചരിതഫലം കാംചീഭാജോ ജനസ്യ പചേലിമം ഹിമശിഖരിണോ വംശസ്യൈകം വതംസമുപാസ്മഹേ ॥31॥
പ്രണമനദിനാരംഭേ കംപാനദീസഖി താവകേ സരസകവിതോന്മേഷഃ പൂഷാ സതാം സമുദംചിതഃ । പ്രതിഭടമഹാപ്രൌഢപ്രോദ്യത്കവിത്വകുമുദ്വതീം നയതി തരസാ നിദ്രാമുദ്രാം നഗേശ്വരകന്യകേ ॥32॥
ശമിതജഡിമാരംഭാ കംപാതടീനികടേചരീ നിഹതദുരിതസ്തോമാ സോമാര്ധമുദ്രിതകുംതലാ । ഫലിതസുമനോവാംഛാ പാംചായുധീ പരദേവതാ സഫലയതു മേ നേത്രേ ഗോത്രേശ്വരപ്രിയനംദിനീ ॥33॥
മമ തു ധിഷണാ പീഡ്യാ ജാഡ്യാതിരേക കഥം ത്വയാ കുമുദസുഷമാമൈത്രീപാത്രീവതംസിതകുംതലാമ് । ജഗതി ശമിതസ്തംഭാം കംപാനദീനിലയാമസൌ ശ്രിയതി ഹി ഗലത്തംദ്രാ ചംദ്രാവതംസസധര്മിണീമ് ॥34॥
പരിമലപരീപാകോദ്രേകം പയോമുചി കാംചനേ ശിഖരിണി പുനര്ദ്ബൈധീഭാവം ശശിന്യരുണാതപമ് । അപി ച ജനയന്കംബോര്ലക്ഷ്മീമനംബുനി കോഽപ്യസൌ കുസുമധനുഷഃ കാംചീദേശേ ചകാസ്തി പരാക്രമഃ ॥35॥
പുരദമയിതുർവാമോത്സംഗസ്ഥലേന രസജ്ഞയാ സരസകവിതാഭാജാ കാംചീപുരോദരസീമയാ । തടപരിസരൈര്നീഹാരാദ്രേർവചോഭിരകൃത്രിമൈഃ കിമിവ ന തുലാമസ്മച്ചേതോ മഹേശ്വരി ഗാഹതേ ॥36॥
നയനയുഗലീമാസ്മാകീനാം കദാ നു ഫലേഗ്രഹീം വിദധതി ഗതൌ വ്യാകുർവാണാ ഗജേംദ്രചമത്ക്രിയാമ് । മരതകരുചോ മാഹേശാനാ ഘനസ്തനനമ്രിതാഃ സുകൃതവിഭവാഃ പ്രാംചഃ കാംചീവതംസധുരംധരാഃ ॥37॥
മനസിജയശഃപാരംപര്യം മരംദഝരീസുവാം കവികുലഗിരാം കംദം കംപാനദീതടമംഡനമ് । മധുരലലിതം മത്കം ചക്ഷുര്മനീഷിമനോഹരം പുരവിജയിനഃ സർവസ്വം തത്പുരസ്കുരുതേ കദാ ॥38॥
ശിഥിലിതതമോലീലാം നീലാരവിംദവിലോചനാം ദഹനവിലസത്ഫാലാം ശ്രീകാമകോടിമുപാസ്മഹേ । കരധൃതസച്ഛൂലാം കാലാരിചിത്തഹരാം പരാം മനസിജകൃപാലീലാം ലോലാലകാമലികേക്ഷണാമ് ॥39॥
കലാലീലാശാലാ കവികുലവചഃകൈരവവനീ- ശരജ്ജ്യോത്സ്നാധാരാ ശശധരശിശുശ്ലാഘ്യമുകുടീ । പുനീതേ നഃ കംപാപുലിനതടസൌഹാര്ദതരലാ കദാ ചക്ഷുര്മാര്ഗം കനകഗിരിധാനുഷ്കമഹിഷീ ॥40॥
നമഃ സ്താന്നമ്രേഭ്യഃ സ്തനഗരിമഗർവേണ ഗുരുണാ ദധാനേഭ്യശ്ചൂഡാഭരണമമൃതസ്യംദി ശിശിരമ് । സദാ വാസ്തവേഭ്യഃ സുവിധഭുവി കംപാഖ്യസരിതേ യശോവ്യാപാരേഭ്യഃ സുകൃതവിഭവേഭ്യോ രതിപതേഃ ॥41॥
അസൂയംതീ കാചിന്മരകതരുചോ നാകിമുകുടീ- കദംബം ചുംബംതീ ചരണനഖചംദ്രാംശുപടലൈഃ । തമോമുദ്രാം വിദ്രാവയതു മമ കാംചീര്നിലയനാ ഹരോത്സംഗശ്രീമന്മണിഗൃഹമഹാദീപകലികാ ॥42॥
അനാദ്യംതാ കാചിത്സുജനനയനാനംദജനനീ നിരുംധാനാ കാംതിം നിജരുചിവിലാസൈര്ജലമുചാമ് । സ്മരാരേസ്താരല്യം മനസി ജനയംതീ സ്വയമഹോ ഗലത്കംപാ ശംപാ പരിലസതി കംപാപരിസരേ ॥43॥
സുധാഡിംഡീരശ്രീഃ സ്മിതരുചിഷു തുംഡീരവിഷയം പരിഷ്കുർവാണാസൌ പരിഹസിതനീലോത്പലരുചിഃ । സ്തനാഭ്യാമാനമ്രാ സ്തബകയതു മേ കാംക്ഷിതതരും ദൃശാമൈശാനീനാം സുകൃതഫലപാംഡിത്യഗരിമാ ॥44॥
കൃപാധാരാദ്രോണീ കൃപണധിഷണാനാം പ്രണമതാം നിഹംത്രീ സംതാപം നിഗമമുകുടോത്തംസകലികാ । പരാ കാംചീലീലാപരിചയവതീ പർവതസുതാ ഗിരാം നീവീ ദേവീ ഗിരിശപരതംത്രാ വിജയതേ ॥45॥
കവിത്വശ്രീകംദഃ സുകൃതപരിപാടീ ഹിമഗിരേഃ വിധാത്രീ വിശ്വേഷാം വിഷമശരവീരധ്വജപടീ । സഖീ കംപാനദ്യാഃ പദഹസിതപാഥോജയുഗലീ പുരാണോ പായാന്നഃ പുരമഥനസാമ്രാജ്യപദവീ ॥46॥
ദരിദ്രാണാ മധ്യേ ദരദലിതതാപിച്ഛസുഷമാഃ സ്തനാഭോഗക്കാംതാസ്തരുണഹരിണാംകാംകിതകചാഃ । ഹരാധീനാ നാനാവിബുധമുകുടീചുംബിതപദാഃ കദാ കംപാതീരേ കഥയ വിഹരാമോ ഗിരിസുതേ ॥47॥
വരീവര്തു സ്ഥേമാ ത്വയി മമ ഗിരാം ദേവി മനസോ നരീനര്തു പ്രൌഢാ വദനകമലേ വാക്യലഹരീ । ചരീചര്തു പ്രജ്ഞാജനനി ജഡിമാനഃ പരജനേ സരീസര്തു സ്വൈരം ജനനി മയി കാമാക്ഷി കരുണാ ॥48॥
ക്ഷണാത്തേ കാമാക്ഷി ഭ്രമരസുഷമാശിക്ഷണഗുരുഃ കടാക്ഷവ്യാക്ഷേപോ മമ ഭവതു മോക്ഷായ വിപദാമ് । നരീനര്തു സ്വൈരം വചനലഹരീ നിര്ജരപുരീ- സരിദ്വീചീനീചീകരണപടുരാസ്യേ മമ സദാ ॥49॥
പുരസ്താന്മേ ഭൂയഃപ്രശമനപരഃ സ്താന്മമ രുജാം പ്രചാരസ്തേ കംപാതടവിഹൃതിസംപാദിനി ദൃശോഃ । ഇമാം യാച്ഞാമൂരീകുരു സപദി ദൂരീകുരു തമഃ- പരീപാകം മത്കം സപദി ബുധലോകം ച നയ മാമ് ॥50॥
ഉദംചംതീ കാംചീനഗരനിലയേ ത്വത്കരുണയാ സമൃദ്ധാ വാഗ്ധാടീ പരിഹസിതമാധ്വീ കവയതാമ് । ഉപാദത്തേ മാരപ്രതിഭടജടാജൂടമുകുടീ- കുടീരോല്ലാസിന്യാഃ ശതമഖതടിന്യാ ജയപടീമ് ॥51॥
ശ്രിയം വിദ്യാം ദദ്യാജ്ജനനി നമതാം കീര്തിമമിതാം സുപുത്രാന് പ്രാദത്തേ തവ ഝടിതി കാമാക്ഷി കരുണാ । ത്രിലോക്യാമാധിക്യം ത്രിപുരപരിപംഥിപ്രണയിനി പ്രണാമസ്ത്വത്പാദേ ശമിതദുരിതേ കിം ന കുരുതേ ॥52॥
മനഃസ്തംഭം സ്തംഭം ഗമയദുപകംപം പ്രണമതാം സദാ ലോലം നീലം ചികുരജിതലോലംബനികരമ് । ഗിരാം ദൂരം സ്മേരം ധൃതശശികിശോരം പശുപതേഃ ദൃശാം യോഗ്യം ഭോഗ്യം തുഹിനഗിരിഭാഗ്യം വിജയതേ ॥53॥
ഘനശ്യാമാന്കാമാംതകമഹിഷി കാമാക്ഷി മധുരാന് ദൃശാം പാതാനേതാനമൃതജലശീതാനനുപമാന് । ഭവോത്പാതേ ഭീതേ മയി വിതര നാഥേ ദൃഢഭവ- ന്മനശ്ശോകേ മൂകേ ഹിമഗിരിപതാകേ കരുണയാ ॥54॥
നതാനാം മംദാനാം ഭവനിഗലബംധാകുലധിയാം മഹാംധ്യാം രുംധാനാമഭിലഷിതസംതാനലതികാമ് । ചരംതീം കംപായാസ്തടഭുവി സവിത്രീം ത്രിജഗതാം സ്മരാമസ്താം നിത്യം സ്മരമഥനജീവാതുകലികാമ് ॥55॥
പരാ വിദ്യാ ഹൃദ്യാശ്രിതമദനവിദ്യാ മരകത- പ്രഭാനീലാ ലീലാപരവശിതശൂലായുധമനാഃ । തമഃപൂരം ദൂരം ചരണനതപൌരംദരപുരീ- മൃഗാക്ഷീ കാമാക്ഷീ കമലതരലാക്ഷീ നയതു മേ ॥56॥
അഹംതാഖ്യാ മത്കം കബലയതി ഹാ ഹംത ഹരിണീ ഹഠാത്സംവിദ്രൂപം ഹരമഹിഷി സസ്യാംകുരമസൌ । കടാക്ഷവ്യാക്ഷേപപ്രകടഹരിപാഷാണപടലൈഃ ഇമാമുച്ചൈരുച്ചാടയ ഝടിതി കാമാക്ഷി കൃപയാ ॥57॥
ബുധേ വാ മൂകേ വാ തവ പതതി യസ്മിന്ക്ഷണമസൌ കടാക്ഷഃ കാമാക്ഷി പ്രകടജഡിമക്ഷോദപടിമാ । കഥംകാരം നാസ്മൈ കരമുകുലചൂഡാലമുകുടാ നമോവാകം ബ്രൂയുര്നമുചിപരിപംഥിപ്രഭൃതയഃ ॥58॥
പ്രതീചീം പശ്യാമഃ പ്രകടരുചിനീവാരകമണി- പ്രഭാസധ്രീചീനാം പ്രദലിതഷഡാധാരകമലാമ് । ചരംതീം സൌഷുമ്നേ പഥി പരപദേംദുപ്രവിഗല- ത്സുധാര്ദ്രാം കാമാക്ഷീം പരിണതപരംജ്യോതിരുദയാമ് ॥59॥
ജംഭാരാതിപ്രഭൃതിമുകുടീഃ പാദയോഃ പീഠയംതീ ഗുംഫാന്വാചാം കവിജനകൃതാന്സ്വൈരമാരാമയംതീ । ശംപാലക്ഷ്മീം മണിഗണരുചാപാടലൈഃ പ്രാപയംതീ കംപാതീരേ കവിപരിഷദാം ജൃംഭതേ ഭാഗ്യസീമാ ॥60॥
ചംദ്രാപീഡാം ചതുരവദനാം ചംചലാപാംഗലീലാം കുംദസ്മേരാം കുചഭരനതാം കുംതലോദ്ധൂതഭൃംഗാമ് । മാരാരാതേര്മദനശിഖിനം മാംസലം ദീപയംതീം കാമാക്ഷീം താം കവികുലഗിരാം കല്പവല്ലീമുപാസേ ॥61॥
കാലാംഭോദപ്രകരസുഷമാം കാംതിഭിസ്തിര്ജയംതീ കല്യാണാനാമുദയസരണിഃ കല്പവല്ലീ കവീനാമ് । കംദര്പാരേഃ പ്രിയസഹചരീ കല്മഷാണാം നിഹംത്രീ കാംചീദേശം തിലകയതി സാ കാപി കാരുണ്യസീമാ ॥62॥
ഊരീകുർവന്നുരസിജതടേ ചാതുരീം ഭൂധരാണാം പാഥോജാനാം നയനയുഗലേ പരിപംഥ്യം വിതന്വന് । കംപാതീരേ വിഹരതി രുചാ മോഘയന്മേഘശൈലീം കോകദ്വേഷം ശിരസി കലയന്കോഽപി വിദ്യാവിശേഷഃ ॥63॥
കാംചീലീലാപരിചയവതീ കാപി താപിച്ഛലക്ഷ്മീഃ ജാഡ്യാരണ്യേ ഹുതവഹശിഖാ ജന്മഭൂമിഃ കൃപായാഃ । മാകംദശ്രീര്മധുരകവിതാചാതുരീ കോകിലാനാം മാര്ഗേ ഭൂയാന്മമ നയനയോര്മാന്മഥീ കാപി വിദ്യാ ॥64॥
സേതുര്മാതര്മരതകമയോ ഭക്തിഭാജാം ഭവാബ്ധൌ ലീലാലോലാ കുവലയമയീ മാന്മഥീ വൈജയംതീ । കാംചീഭൂഷാ പശുപതിദൃശാം കാപി കാലാംജനാലീ മത്കം ദുഃഖം ശിഥിലയതു തേ മംജുലാപാംഗമാലാ ॥65॥
വ്യാവൃണ്വാനാഃ കുവലയദലപ്രക്രിയാവൈരമുദ്രാം വ്യാകുർവാണാ മനസിജമഹാരാജസാമ്രാജ്യലക്ഷ്മീമ് । കാംചീലീലാവിഹൃതിരസികേ കാംക്ഷിതം നഃ ക്രിയാസുഃ ബംധച്ഛേദേ തവ നിയമിനാം ബദ്ധദീക്ഷാഃ കടാക്ഷാഃ ॥66॥
കാലാംഭോദേ ശശിരുചി ദലം കൈതകം ദര്ശയംതീ മധ്യേസൌദാമിനി മധുലിഹാം മാലികാം രാജയംതീ । ഹംസാരാവം വികചകമലേ മംജുമുല്ലാസയംതീ കംപാതീരേ വിലസതി നവാ കാപി കാരുണ്യലക്ഷ്മീഃ ॥67॥
ചിത്രം ചിത്രം നിജമൃദുതയാ ഭര്ത്സയന്പല്ലവാലീം പുംസാം കാമാന്ഭുവി ച നിയതം പൂരയന്പുണ്യഭാജാമ് । ജാതഃ ശൈലാന്ന തു ജലനിധേഃ സ്വൈരസംചാരശീലഃ കാംചീഭൂഷാ കലയതു ശിവം കോഽപി ചിംതാമണിര്മേ ॥68॥
താമ്രാംഭോജം ജലദനികടേ തത്ര ബംധൂകപുഷ്പം തസ്മിന്മല്ലീകുസുമസുഷമാം തത്ര വീണാനിനാദമ് । വ്യാവൃന്വാനാ സുകൃതലഹരീ കാപി കാംചിനഗര്യാമ് ഐശാനീ സാ കലയതിതരാമൈംദ്രജാലം വിലാസമ് ॥69॥
ആഹാരാംശം ത്രിദശസദസാമാശ്രയേ ചാതകാനാമ് ആകാശോപര്യപി ച കലയന്നാലയം തുംഗമേഷാമ് । കംപാതീരേ വിഹരതിതരാം കാമധേനുഃ കവീനാം മംദസ്മേരോ മദനനിഗമപ്രക്രിയാസംപ്രദായഃ ॥70॥
ആര്ദ്രീഭൂതൈരവിരലകൃപൈരാത്തലീലാവിലാസൈഃ ആസ്ഥാപൂര്ണൈരധികചപലൈരംചിതാംഭോജശില്പൈഃ । കാംതൈര്ലക്ഷ്മീലലിതഭവനൈഃ കാംതികൈവല്യസാരൈഃ കാശ്മല്യം നഃ കബലയതു സാ കാമകോടീ കടാക്ഷൈഃ ॥71॥
ആധൂന്വംത്യൈ തരലനയനൈരാംഗജീം വൈജയംതീമ് ആനംദിന്യൈ നിജപദജുഷാമാത്തകാംചീപുരായൈ । ആസ്മാകീനം ഹൃദയമഖിലൈരാഗമാനാം പ്രപംചൈഃ ആരാധ്യായൈ സ്പൃഹയതിതരാമദിമായൈ ജനന്യൈ ॥72॥
ദൂരം വാചാം ത്രിദശസദസാം ദുഃഖസിംധോസ്തരിത്രം മോഹക്ഷ്വേലക്ഷിതിരുഹവനേ ക്രൂരധാരം കുഠാരമ് । കംപാതീരപ്രണയി കവിഭിർവര്ണിതോദ്യച്ചരിത്രം ശാംത്യൈ സേവേ സകലവിപദാം ശാംകരം തത്കലത്രമ് ॥73॥
ഖംഡീകൃത്യ പ്രകൃതികുടിലം കല്മഷം പ്രാതിഭശ്രീ- ശുംഡീരത്വം നിജപദജുഷാം ശൂന്യതംദ്രം ദിശംതീ । തുംഡീരാഖ്യൈ മഹതി വിഷയേ സ്വര്ണവൃഷ്ടിപ്രദാത്രീ ചംഡീ ദേവീ കലയതി രതിം ചംദ്രചൂഡാലചൂഡേ ॥74॥
യേന ഖ്യാതോ ഭവതി സ ഗൃഹീ പൂരുഷോ മേരുധന്വാ യദ്ദൃക്കോണേ മദനനിഗമപ്രാഭവം ബോഭവീതി । യത്പ്രീത്യൈവ ത്രിജഗദധിപോ ജൃംഭതേ കിംപചാനഃ കംപാതീരേ സ ജയതി മഹാന്കശ്ചിദോജോവിശേഷഃ ॥75॥
ധന്യാ ധന്യാ ഗതിരിഹ ഗിരാം ദേവി കാമാക്ഷി യന്മേ നിംദ്യാം ഭിംദ്യാത്സപദി ജഡതാം കല്മഷാദുന്മിഷംതീമ് । സാധ്വീ മാധ്വീരസമധുരതാഭംജിനീ മംജുരീതിഃ വാണീവേണീ ഝടിതി വൃണുതാത്സ്വര്ധുനീസ്പര്ധിനീ മാമ് ॥76॥
യസ്യാ വാടീ ഹൃദയകമലം കൌസുമീ യോഗഭാജാം യസ്യാഃ പീഠീ സതതശിശിരാ ശീകരൈര്മാകരംദൈഃ । യസ്യാഃ പേടീ ശ്രുതിപരിചലന്മൌലിരത്നസ്യ കാംചീ സാ മേ സോമാഭരണമഹിഷീ സാധയേത്കാംക്ഷിതാനി ॥77॥
ഏകാ മാതാ സകലജഗതാമീയുഷീ ധ്യാനമുദ്രാമ് ഏകാമ്രാധീശ്വരചരണയോരേകതാനാം സമിംധേ । താടംകോദ്യന്മണിഗണരുചാ താമ്രകര്ണപ്രദേശാ താരുണ്യശ്രീസ്തബകിതതനുസ്താപസീ കാപി ബാലാ ॥78॥
ദംതാദംതിപ്രകടനകരീ ദംതിഭിര്മംദയാനൈഃ മംദാരാണാം മദപരിണതിം മഥ്നതീ മംദഹാസൈഃ । അംകൂരാഭ്യാം മനസിജതരോരംകിതോരാഃ കുചാഭ്യാ- മംതഃകാംചി സ്ഫുരതി ജഗതാമാദിമാ കാപി മാതാ ॥79॥
ത്രിയംബകകുടുംബിനീം ത്രിപുരസുംദരീമിംദിരാം പുലിംദപതിസുംദരീം ത്രിപുരഭൈരവീം ഭാരതീമ് । മതംഗകുലനായികാം മഹിഷമര്ദനീം മാതൃകാം ഭണംതി വിബുധോത്തമാ വിഹൃതിമേവ കാമാക്ഷി തേ ॥80॥
മഹാമുനിമനോനടീ മഹിതരമ്യകംപാതടീ- കുടീരകവിഹാരിണീ കുടിലബോധസംഹാരിണീ । സദാ ഭവതു കാമിനീ സകലദേഹിനാം സ്വാമിനീ കൃപാതിശയകിംകരീ മമ വിഭൂതയേ ശാംകരീ ॥81॥
ജഡാഃ പ്രകൃതിനിര്ധനാ ജനവിലോചനാരുംതുദാ നരാ ജനനി വീക്ഷണം ക്ഷണമവാപ്യ കാമാക്ഷി തേ । വചസ്സു മധുമാധുരീം പ്രകടയംതി പൌരംദരീ- വിഭൂതിഷു വിഡംബനാം വപുഷി മാന്മഥീം പ്രക്രിയാമ് ॥82॥
ഘന്സതനതടസ്ഫുടസ്ഫുരിതകംചുലീചംചലീ- കൃതത്രിപുരശാസനാ സുജനശീലിതോപാസനാ । ദൃശോഃ സരണിമശ്നുതേ മമ കദാ നു കാംചീപുരേ പരാ പരമയോഗിനാം മനസി ചിത്കുലാ പുഷ്കലാ ॥83॥
കവീംദ്രഹൃദയേചരീ പരിഗൃഹീതകാംചീപുരീ നിരൂഢകരുണാഝരീ നിഖിലലോകരക്ഷാകരീ । മനഃപഥദവീയസീ മദനശാസനപ്രേയസീ മഹാഗുണഗരീയസീ മമ ദൃശോഽസ്തു നേദീയസീ ॥84॥
ധനേന ന രമാമഹേ ഖലജനാന്ന സേവാമഹേ ന ചാപലമയാമഹേ ഭവഭയാന്ന ദൂയാമഹേ । സ്ഥിരാം തനുമഹേതരാം മനസി കിം ച കാംചീരത- സ്മരാംതകകുടുംബിനീചരണപല്ലവോപാസനാമ് ॥85॥
സുരാഃ പരിജനാ വപുര്മനസിജായ വൈരായതേ ത്രിവിഷ്ടപനിതംബിനീകുചതടീ ച കേലീഗിരിഃ । ഗിരഃ സുരഭയോ വയസ്തരുണിമാ ദരിദ്രസ്യ വാ കടാക്ഷസരണൌ ക്ഷണം നിപതിതസ്യ കാമാക്ഷി തേ ॥86॥
പവിത്രയ ജഗത്ത്രയീവിബുധബോധജീവാതുഭിഃ പുരത്രയവിമര്ദിനഃ പുലകകംചുലീദായിഭിഃ । ഭവക്ഷയവിചക്ഷണൈർവ്യസനമോക്ഷണൈർവീക്ഷണൈഃ നിരക്ഷരശിരോമണിം കരുണയൈവ കാമാക്ഷി മാമ് ॥87॥
കദാ കലിതഖേലനാഃ കരുണയൈവ കാംചീപുരേ കലായമുകുലത്വിഷഃ ശുഭകദംബപൂര്ണാംകുരാഃ । പയോധരഭരാലസാഃ കവിജനേഷു തേ ബംധുരാഃ പചേലിമകൃപാരസാ പരിപതംതി മാര്ഗേ ദൃശോഃ ॥88॥
അശോധ്യമചലോദ്ഭവം ഹൃദയനംദനം ദേഹിനാമ് അനര്ഘമധികാംചി തത്കിമപി രത്നമുദ്ദ്യോതതേ । അനേന സമലംകൃതാ ജയതി ശംകരാംകസ്ഥലീ കദാസ്യ മമ മാനസം വ്രജതി പേടികാവിഭ്രമമ് ॥89॥
പരാമൃതഝരീപ്ലുതാ ജയതി നിത്യമംതശ്ചരീ ഭുവാമപി ബഹിശ്ചരീ പരമസംവിദേകാത്മികാ । മഹദ്ഭിരപരോക്ഷിതാ സതതമേവ കാംചീപുരേ മമാന്വഹമഹംമതിര്മനസി ഭാതു മാഹേശ്വരീ ॥90॥
തമോവിപിനധാവിനം സതതമേവ കാംചീപുരേ വിഹാരരസികാ പരാ പരമസംവിദുർവീരുഹേ । കടാക്ഷനിഗലൈര്ദൃഢം ഹൃദയദുഷ്ടദംതാവലം ചിരം നയതു മാമകം ത്രിപുരവൈരിസീമംതിനീ ॥91॥
ത്വമേവ സതി ചംഡികാ ത്വമസി ദേവി ചാമുംഡികാ ത്വമേവ പരമാതൃകാ ത്വമപി യോഗിനീരൂപിണീ । ത്വമേവ കില ശാംഭവീ ത്വമസി കാമകോടീ ജയാ ത്വമേവ വിജയാ ത്വയി ത്രിജഗദംബ കിം ബ്രൂമഹേ ॥92॥
പരേ ജനനി പാർവതി പ്രണതപാലിനി പ്രാതിഭ- പ്രദാത്രി പരമേശ്വരി ത്രിജഗദാശ്രിതേ ശാശ്വതേ । ത്രിയംബകകുടുംബിനി ത്രിപദസംഗിനി ത്രീക്ഷണേ ത്രിശക്തിമയി വീക്ഷണം മയി നിധേഹി കാമാക്ഷി തേ ॥93॥
മനോമധുകരോത്സവം വിദധതീ മനീഷാജുഷാം സ്വയംപ്രഭവവൈഖരീവിപിനവീഥികാലംബിനീ । അഹോ ശിശിരിതാ കൃപാമധുരസേന കംപാതടേ ചരാചരവിധായിനീ ചലതി കാപി ചിന്മംജരീ ॥94॥
കലാവതി കലാഭൃതോ മുകുടസീമ്നി ലീലാവതി സ്പൃഹാവതി മഹേശ്വരേ ഭുവനമോഹനേ ഭാസ്വതി । പ്രഭാവതി രമേ സദാ മഹിതരൂപശോഭാവതി ത്വരാവതി പരേ സതാം ഗുരുകൃപാംബുധാരാവതി ॥95॥
ത്വയൈവ ജഗദംബയാ ഭുവനമംഡലം സൂയതേ ത്വയൈവ കരുണാര്ദ്രയാ തദപി രക്ഷണം നീയതേ । ത്വയൈവ ഖരകോപയാ നയനപാവകേ ഹൂയതേ ത്വയൈവ കില നിത്യയാ ജഗതി സംതതം സ്ഥീയതേ ॥96॥
ചരാചരജഗന്മയീം സകലഹൃന്മയീം ചിന്മയീം ഗുണത്രയമയീം ജഗത്ത്രയമയീം ത്രിധാമാമയീമ് । പരാപരമയീം സദാ ദശദിശാം നിശാഹര്മയീം പരാം സതതസന്മയീം മനസി ചിന്മയീം ശീലയേ ॥97॥
ജയ ജഗദംബികേ ഹരകുടുംബിനി വക്ത്രരുചാ ജിതശരദംബുജേ ഘനവിഡംബിനി കേശരുചാ । പരമവലംബനം കുരു സദാ പരരൂപധരേ മമ ഗതസംവിദോ ജഡിമഡംബരതാംഡവിനഃ ॥98॥
ഭുവനജനനി ഭൂഷാഭൂതചംദ്രേ നമസ്തേ കലുഷശമനി കംപാതീരഗേഹേ നമസ്തേ । നിഖിലനിഗമവേദ്യേ നിത്യരൂപേ നമസ്തേ പരശിവമയി പാശച്ഛേദഹസ്തേ നമസ്തേ ॥99॥
ക്വണത്കാംചീ കാംചീപുരമണിവിപംചീലയഝരീ- ശിരഃകംപാ കംപാവസതിരനുകംപാജലനിധിഃ । ഘനശ്യാമാ ശ്യാമാ കഠിനകുചസീമാ മനസി മേ മൃഗാക്ഷീ കാമാക്ഷീ ഹരനടനസാക്ഷീ വിഹരതാത് ॥100॥
സമരവിജയകോടീ സാധകാനംദധാടീ മൃദുഗുണപരിപേടീ മുഖ്യകാദംബവാടീ । മുനിനുതപരിപാടീ മോഹിതാജാംഡകോടീ പരമശിവവധൂടീ പാതു മാം കാമകോടീ ॥101॥
ഇമം പരവരപ്രദം പ്രകൃതിപേശലം പാവനം പരാപരചിദാകൃതിപ്രകടനപ്രദീപായിതമ് । സ്തവം പഠതി നിത്യദാ മനസി ഭാവയന്നംബികാം ജപൈരലമലം മഖൈരധികദേഹസംശോഷണൈഃ ॥102॥
॥ ഇതി സ്തുതിശതകം സംപൂര്ണമ് ॥
மூக பஞ்ச ஶதி 3 - ஸ்துதி ஶதகம் பற்றி
The Stuti Shatakam is the third of the five hundred-verse poems of the Mooka Pancha Shati, all in praise of Goddess Kamakshi of Kanchipuram. It opens by confessing that even the poetry of Brahma falls silent before her, and that only her grace makes the poet speak; each verse then praises Kamakshi, the dark-lotus-eyed consort of Shiva on the banks of the Kampa river.
இயற்றியவர்: Mooka Kavi, traditionally
எப்போது பாராயணம் செய்வது: On Fridays, during Navaratri, and in Kamakshi worship.
உங்களுக்குத் தெரியுமா?
- Mooka means "mute": tradition says the poet could not speak until Kamakshi's grace touched him, and then poured out five hundred verses.
- The five shatakas are the Arya, Padaravinda, Stuti, Kataksha and Mandasmita Shatakas, the last two on her glance and her smile.
- The closing verse says that reciting this hymn with the Mother in mind is better than many rituals and austerities.
அடிக்கடி கேட்கப்படும் கேள்விகள்
What is the Mooka Pancha Shati?
Five hundred verses in praise of Goddess Kamakshi of Kanchipuram, in five shatakas of one hundred each.
Which shataka is this?
The third, the Stuti Shatakam, a hymn of praise.
Who is Kamakshi?
The presiding goddess of Kanchipuram, a form of Parvati and Lalita Tripurasundari.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.