MuhurtaNow

நாராயண உபனிஷத்³

Vedic · பாரம்பரிய பக்தி நூல்

ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥ ഓം ശാംതിഃ॒ ശാംതിഃ॒ ശാംതിഃ॑ ॥

ഓം അഥ പുരുഷോ ഹ വൈ നാരായണോഽകാമയത പ്രജാഃ സൃ॑ജേയേ॒തി । നാ॒രാ॒യ॒ണാത്പ്രാ॑ണോ ജാ॒യതേ । മനഃ സർവേംദ്രി॑യാണി॒ ച । ഖം-വാഁയുര്ജ്യോതിരാപഃ പൃഥിവീ വിശ്വ॑സ്യ ധാ॒രിണീ । നാ॒രാ॒യ॒ണാദ്ബ്ര॑ഹ്മാ ജാ॒യതേ । നാ॒രാ॒യ॒ണാദ്രു॑ദ്രോ ജാ॒യതേ । നാ॒രാ॒യ॒ണാദിം॑ദ്രോ ജാ॒യതേ । നാ॒രാ॒യ॒ണാത്പ്രജാപതയഃ പ്ര॑ജായം॒തേ । നാ॒രാ॒യ॒ണാദ്ദ്വാദശാദിത്യാ രുദ്രാ വസവസ്സർവാണി ച ഛം॑ദാഗ്മ്॒സി । നാ॒രാ॒യ॒ണാദേവ സമു॑ത്പദ്യം॒തേ । നാ॒രാ॒യ॒ണേ പ്ര॑വര്തം॒തേ । നാ॒രാ॒യ॒ണേ പ്ര॑ലീയം॒തേ ॥

ഓമ് । അഥ നിത്യോ നാ॑രായ॒ണഃ । ബ്ര॒ഹ്മാ നാ॑രായ॒ണഃ । ശി॒വശ്ച॑ നാരായ॒ണഃ । ശ॒ക്രശ്ച॑ നാരായ॒ണഃ । ദ്യാ॒വാ॒പൃ॒ഥി॒വ്യൌ ച॑ നാരായ॒ണഃ । കാ॒ലശ്ച॑ നാരായ॒ണഃ । ദി॒ശശ്ച॑ നാരായ॒ണഃ । ഊ॒ര്ധ്വശ്ച॑ നാരായ॒ണഃ । അ॒ധശ്ച॑ നാരായ॒ണഃ । അം॒ത॒ര്ബ॒ഹിശ്ച॑ നാരായ॒ണഃ । നാരായണ ഏവേ॑ദഗ്മ് സ॒ർവമ് । യദ്ഭൂ॒തം-യഁച്ച॒ ഭവ്യമ്᳚ । നിഷ്കലോ നിരംജനോ നിർവികല്പോ നിരാഖ്യാതഃ ശുദ്ധോ ദേവ ഏകോ॑ നാരായ॒ണഃ । ന ദ്വി॒തീയോ᳚സ്തി॒ കശ്ചി॑ത് । യ ഏ॑വം-വേഁ॒ദ । സ വിഷ്ണുരേവ ഭവതി സ വിഷ്ണുരേ॑വ ഭ॒വതി ॥

ഓമിത്യ॑ഗ്രേ വ്യാ॒ഹരേത് । നമ ഇ॑തി പ॒ശ്ചാത് । നാ॒രാ॒യ॒ണായേത്യു॑പരി॒ഷ്ടാത് । ഓമി॑ത്യേകാ॒ക്ഷരമ് । നമ ഇതി॑ ദ്വേ അ॒ക്ഷരേ । നാ॒രാ॒യ॒ണായേതി പംചാ᳚ക്ഷരാ॒ണി । ഏതദ്വൈ നാരായണസ്യാഷ്ടാക്ഷ॑രം പ॒ദമ് । യോ ഹ വൈ നാരായണസ്യാഷ്ടാക്ഷരം പദ॑മധ്യേ॒തി । അനപബ്രവസ്സർവമാ॑യുരേ॒തി । വിംദതേ പ്രാ॑ജാപ॒ത്യഗ്മ് രായസ്പോഷം॑ ഗൌപ॒ത്യമ് । തതോഽമൃതത്വമശ്നുതേ തതോഽമൃതത്വമശ്നു॑ത ഇ॒തി । യ ഏ॑വം-വേഁ॒ദ ॥

പ്രത്യഗാനംദം ബ്രഹ്മ പുരുഷം പ്രണവ॑സ്വരൂ॒പമ് । അകാര ഉകാര മകാ॑ര ഇ॒തി । താനേകധാ സമഭരത്തദേത॑ദോമി॒തി । യമുക്ത്വാ॑ മുച്യ॑തേ യോ॒ഗീ॒ ജ॒ന്മ॒സംസാ॑രബം॒ധനാത് । ഓം നമോ നാരായണായേതി മം॑ത്രോപാ॒സകഃ । വൈകുംഠഭുവനലോകം॑ ഗമി॒ഷ്യതി । തദിദം പരം പുംഡരീകം-വിഁ ॑ജ്ഞാന॒ഘനമ് । തസ്മാത്തദിദാ॑വന്മാ॒ത്രമ് । ബ്രഹ്മണ്യോ ദേവ॑കീപു॒ത്രോ॒ ബ്രഹ്മണ്യോ മ॑ധുസൂ॒ദനോമ് । സർവഭൂതസ്ഥമേകം॑ നാരാ॒യണമ് । കാരണരൂപമകാര പ॑രബ്ര॒ഹ്മോമ് । ഏതദഥർവ ശിരോ॑യോഽധീ॒തേ പ്രാ॒തര॑ധീയാ॒നോ॒ രാത്രികൃതം പാപം॑ നാശ॒യതി । സാ॒യമ॑ധീയാ॒നോ॒ ദിവസകൃതം പാപം॑ നാശ॒യതി । മാധ്യംദിനമാദിത്യാഭിമുഖോ॑ഽധീയാ॒നഃ॒ പംചപാതകോപപാതകാ᳚ത്പ്രമു॒ച്യതേ । സർവ വേദ പാരായണ പു॑ണ്യം-ലഁ॒ഭതേ । നാരായണസായുജ്യമ॑വാപ്നോ॒തി॒ നാരായണ സായുജ്യമ॑വാപ്നോ॒തി । യ ഏ॑വം-വേഁ॒ദ । ഇത്യു॑പ॒നിഷ॑ത് ॥

ഓം സ॒ഹ നാ॑വവതു । സ॒ഹ നൌ॑ ഭുനക്തു । സ॒ഹ വീ॒ര്യം॑ കരവാവഹൈ । തേ॒ജ॒സ്വിനാ॒വധീ॑തമസ്തു॒ മാ വി॑ദ്വിഷാ॒വഹൈ᳚ ॥ ഓം ശാംതിഃ॒ ശാംതിഃ॒ ശാംതിഃ॑ ॥

நாராயண உபனிஷத்³ பற்றி

The Narayana Upanishad is a short Upanishad declaring Narayana as the source of everything: from Narayana arise life, mind, the senses, the elements and all the gods, and into Narayana they return. It teaches the eight-syllable mantra "Om Namo Narayanaya" and ends with the meaning of Om as a, u and m.

மூலம்: Krishna Yajurveda

எப்போது பாராயணம் செய்வது: In daily Vishnu worship, on Ekadashi and Vaikuntha Ekadashi, and as part of Vedic recitation.

உங்களுக்குத் தெரியுமா?

  • It is the classic source of the ashtakshara mantra "Om Namo Narayanaya", central to Sri Vaishnava practice.
  • It opens and closes with the "Saha navavatu" peace chant, a prayer that teacher and student study together without discord.
  • Its closing passage says that by uttering Om, the yogi is freed from the bondage of birth and worldly life.

அடிக்கடி கேட்கப்படும் கேள்விகள்

What does the Narayana Upanishad teach?

That Narayana is the source and end of all beings, and it gives the mantra "Om Namo Narayanaya".

Which Veda does it belong to?

The Krishna Yajurveda.

What is the ashtakshara mantra?

"Om Namo Narayanaya", the eight-syllable mantra of Narayana.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.