MuhurtaNow

நாராயணீயம் த³ஶக 23 - த³க்ஷசரிதம் ததா² சித்ரகேதூபாக்²யானம்

Vishnu · பாரம்பரிய பக்தி நூல்

ప్రాచేతసస్తు భగవన్నపరో హి దక్ష- స్త్వత్సేవనం వ్యధిత సర్గవివృద్ధికామః । ఆవిర్బభూవిథ తదా లసదష్టబాహు- స్తస్మై వరం దదిథ తాం చ వధూమసిక్నీమ్ ॥1॥

తస్యాత్మజాస్త్వయుతమీశ పునస్సహస్రం శ్రీనారదస్య వచసా తవ మార్గమాపుః । నైకత్రవాసమృషయే స ముమోచ శాపం భక్తోత్తమస్త్వృషిరనుగ్రహమేవ మేనే ॥2॥

షష్ట్యా తతో దుహితృభిః సృజతః కులౌఘాన్ దౌహిత్రసూనురథ తస్య స విశ్వరూపః । త్వత్స్తోత్రవర్మితమజాపయదింద్రమాజౌ దేవ త్వదీయమహిమా ఖలు సర్వజైత్రః ॥3॥

ప్రాక్శూరసేనవిషయే కిల చిత్రకేతుః పుత్రాగ్రహీ నృపతిరంగిరసః ప్రభావాత్ । లబ్ధ్వైకపుత్రమథ తత్ర హతే సపత్నీ- సంఘైరముహ్యదవశస్తవ మాయయాసౌ ॥4॥

తం నారదస్తు సమమంగిరసా దయాలుః సంప్రాప్య తావదుపదర్శ్య సుతస్య జీవమ్ । కస్యాస్మి పుత్ర ఇతి తస్య గిరా విమోహం త్యక్త్వా త్వదర్చనవిధౌ నృపతిం న్యయుంక్త ॥5॥

స్తోత్రం చ మంత్రమపి నారదతోఽథ లబ్ధ్వా తోషాయ శేషవపుషో నను తే తపస్యన్ । విద్యాధరాధిపతితాం స హి సప్తరాత్రే లబ్ధ్వాప్యకుంఠమతిరన్వభజద్భవంతమ్ ॥6॥

తస్మై మృణాలధవలేన సహస్రశీర్ష్ణా రూపేణ బద్ధనుతిసిద్ధగణావృతేన । ప్రాదుర్భవన్నచిరతో నుతిభిః ప్రసన్నో దత్వాఽఽత్మతత్త్వమనుగృహ్య తిరోదధాథ ॥7॥

త్వద్భక్తమౌలిరథ సోఽపి చ లక్షలక్షం వర్షాణి హర్షులమనా భువనేషు కామమ్ । సంగాపయన్ గుణగణం తవ సుందరీభిః సంగాతిరేకరహితో లలితం చచార ॥8॥

అత్యంతసంగవిలయాయ భవత్ప్రణున్నో నూనం స రూప్యగిరిమాప్య మహత్సమాజే । నిశ్శంకమంకకృతవల్లభమంగజారిం తం శంకరం పరిహసన్నుమయాభిశేపే ॥9॥

నిస్సంభ్రమస్త్వయమయాచితశాపమోక్షో వృత్రాసురత్వముపగమ్య సురేంద్రయోధీ । భక్త్యాత్మతత్త్వకథనైః సమరే విచిత్రం శత్రోరపి భ్రమమపాస్య గతః పదం తే ॥10॥

త్వత్సేవనేన దితిరింద్రవధోద్యతాఽపి తాన్ప్రత్యుతేంద్రసుహృదో మరుతోఽభిలేభే । దుష్టాశయేఽపి శుభదైవ భవన్నిషేవా తత్తాదృశస్త్వమవ మాం పవనాలయేశ ॥11॥

நாராயணீயம் த³ஶக 23 - த³க்ஷசரிதம் ததா² சித்ரகேதூபாக்²யானம் பற்றி

The twenty-third dashaka of the Narayaneeyam tells the stories of Daksha, son of the Prachetas, and of Diti. Daksha worships the Lord to increase creation, and the Lord appears to him with eight shining arms and grants his wish. When Daksha's sons are led by Narada to renunciation, Daksha curses Narada. The dashaka ends with Diti, who sought a son to kill Indra, yet by worshipping the Lord gained the Maruts, who became Indra's friends.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • Its last verse draws the lesson: worship of the Lord brings good even to one whose intent is bad.
  • Like every dashaka, it closes with a prayer to Guruvayurappan, "Pavanalayesha", lord of the temple of the Wind god.

அடிக்கடி கேட்கப்படும் கேள்விகள்

Whose stories does this dashaka tell?

Daksha, son of the Prachetas, and Diti, mother of the Maruts.

What lesson does it end with?

That worship of the Lord brings good even to one with bad intent.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.