MuhurtaNow

நாராயணீயம் த³ஶக 24 - ப்ரஹ்லாத³சரிதம்

Vishnu · பாரம்பரிய பக்தி நூல்

ഹിരണ്യാക്ഷേ പോത്രിപ്രവരവപുഷാ ദേവ ഭവതാ ഹതേ ശോകക്രോധഗ്ലപിതധൃതിരേതസ്യ സഹജഃ । ഹിരണ്യപ്രാരംഭഃ കശിപുരമരാരാതിസദസി പ്രതിജ്ഞമാതേനേ തവ കില വധാര്ഥം മധുരിപോ ॥1॥

വിധാതാരം ഘോരം സ ഖലു തപസിത്വാ നചിരതഃ പുരഃ സാക്ഷാത്കുർവന് സുരനരമൃഗാദ്യൈരനിധനമ് । വരം ലബ്ധ്വാ ദൃപ്തോ ജഗദിഹ ഭവന്നായകമിദം പരിക്ഷുംദന്നിംദ്രാദഹരത ദിവം ത്വാമഗണയന് ॥2॥

നിഹംതും ത്വാം ഭൂയസ്തവ പദമവാപ്തസ്യ ച രിപോ- ര്ബഹിര്ദൃഷ്ടേരംതര്ദധിഥ ഹൃദയേ സൂക്ഷ്മവപുഷാ । നദന്നുച്ചൈസ്തത്രാപ്യഖിലഭുവനാംതേ ച മൃഗയന് ഭിയാ യാതം മത്വാ സ ഖലു ജിതകാശീ നിവവൃതേ ॥3॥

തതോഽസ്യ പ്രഹ്ലാദഃ സമജനി സുതോ ഗര്ഭവസതൌ മുനേർവീണാപാണേരധിഗതഭവദ്ഭക്തിമഹിമാ । സ വൈ ജാത്യാ ദൈത്യഃ ശിശുരപി സമേത്യ ത്വയി രതിം ഗതസ്ത്വദ്ഭക്താനാം വരദ പരമോദാഹരണതാമ് ॥4॥

സുരാരീണാം ഹാസ്യം തവ ചരണദാസ്യം നിജസുതേ സ ദൃഷ്ട്വാ ദുഷ്ടാത്മാ ഗുരുഭിരശിശിക്ഷച്ചിരമമുമ് । ഗുരുപ്രോക്തം ചാസാവിദമിദമഭദ്രായ ദൃഢമി- ത്യപാകുർവന് സർവം തവ ചരണഭക്ത്യൈവ വവൃധേ ॥ 5 ॥

അധീതേഷു ശ്രേഷ്ഠം കിമിതി പരിപൃഷ്ടേഽഥ തനയേ ഭവദ്ഭക്തിം വര്യാമഭിഗദതി പര്യാകുലധൃതിഃ । ഗുരുഭ്യോ രോഷിത്വാ സഹജമതിരസ്യേത്യഭിവിദന് വധോപായാനസ്മിന് വ്യതനുത ഭവത്പാദശരണേ ॥6॥

സ ശൂലൈരാവിദ്ധഃ സുബഹു മഥിതോ ദിഗ്ഗജഗണൈ- ര്മഹാസര്പൈര്ദഷ്ടോഽപ്യനശനഗരാഹാരവിധുതഃ । ഗിരീംദ്രവക്ഷിപ്തോഽപ്യഹഹ! പരമാത്മന്നയി വിഭോ ത്വയി ന്യസ്താത്മത്വാത് കിമപി ന നിപീഡാമഭജത ॥7॥

തതഃ ശംകാവിഷ്ടഃ സ പുനരതിദുഷ്ടോഽസ്യ ജനകോ ഗുരൂക്ത്യാ തദ്ഗേഹേ കില വരുണപാശൈസ്തമരുണത് । ഗുരോശ്ചാസാന്നിധ്യേ സ പുനരനുഗാന് ദൈത്യതനയാന് ഭവദ്ഭക്തേസ്തത്ത്വം പരമമപി വിജ്ഞാനമശിഷത് ॥8॥

പിതാ ശൃണ്വന് ബാലപ്രകരമഖിലം ത്വത്സ്തുതിപരം രുഷാംധഃ പ്രാഹൈനം കുലഹതക കസ്തേ ബലമിതി । ബലം മേ വൈകുംഠസ്തവ ച ജഗതാം ചാപി സ ബലം സ ഏവ ത്രൈലോക്യം സകലമിതി ധീരോഽയമഗദീത് ॥9॥

അരേ ക്വാസൌ ക്വാസൌ സകലജഗദാത്മാ ഹരിരിതി പ്രഭിംതേ സ്മ സ്തംഭം ചലിതകരവാലോ ദിതിസുതഃ । അതഃ പശ്ചാദ്വിഷ്ണോ ന ഹി വദിതുമീശോഽസ്മി സഹസാ കൃപാത്മന് വിശ്വാത്മന് പവനപുരവാസിന് മൃഡയ മാമ് ॥10॥

நாராயணீயம் த³ஶக 24 - ப்ரஹ்லாத³சரிதம் பற்றி

The twenty-fourth dashaka of the Narayaneeyam tells of Hiranyakashipu and Prahlada. Grieving and enraged at Hiranyaksha's death at the hands of Varaha, his brother Hiranyakashipu vows revenge, performs fierce austerities and wins from Brahma the boon that he cannot be killed by god, man or beast. He conquers the worlds, but his son Prahlada, taught by Narada in the womb, is devoted to the Lord. The father tries to turn him with teachers, then with poison, elephants and serpents, but nothing harms the boy. At last, sword in hand, he cries, "Where is this Hari, the Self of all?" and strikes the pillar.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • Prahlada learned devotion from Narada while still in his mother's womb, as the Bhagavatam tells.
  • Prahlada is honoured as one of the greatest devotees, untouched by every danger his father sent.

அடிக்கடி கேட்கப்படும் கேள்விகள்

What boon did Hiranyakashipu win?

That no god, man or beast could kill him.

Who taught Prahlada devotion?

The sage Narada, while he was in the womb.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.