MuhurtaNow

நாராயணீயம் த³ஶக 2 - ப⁴க³வத: ஸ்வரூபமாது⁴ர்யம் ததா² ப⁴க்திமஹத்த்வம்

Vishnu · பாரம்பரிய பக்தி நூல்

সূর্যস্পর্ধিকিরীটমূর্ধ্বতিলকপ্রোদ্ভাসিফালাংতরং কারুণ্য়াকুলনেত্রমার্দ্রহসিতোল্লাসং সুনাসাপুটম্। গংডোদ্যন্মকরাভকুংডলয়ুগং কংঠোজ্বলত্কৌস্তুভং ত্বদ্রূপং বনমাল্যহারপটলশ্রীবত্সদীপ্রং ভজে॥1॥

কেয়ূরাংগদকংকণোত্তমমহারত্নাংগুলীয়াংকিত- শ্রীমদ্বাহুচতুষ্কসংগতগদাশংখারিপংকেরুহাম্ । কাংচিত্ কাংচনকাংচিলাংচ্ছিতলসত্পীতাংবরালংবিনী- মালংবে বিমলাংবুজদ্য়ুতিপদাং মূর্তিং তবার্তিচ্ছিদম্ ॥2॥

যত্ত্ত্রৈলোক্যমহীযসোঽপি মহিতং সম্মোহনং মোহনাত্ কাংতং কাংতিনিধানতোঽপি মধুরং মাধুর্যধুর্য়াদপি । সৌংদর্য়োত্তরতোঽপি সুংদরতরং ত্বদ্রূপমাশ্চর্যতোঽ- প্য়াশ্চর্য়ং ভুবনে ন কস্য় কুতুকং পুষ্ণাতি বিষ্ণো বিভো ॥3॥

তত্তাদৃঙ্মধুরাত্মকং তব বপুঃ সংপ্রাপ্য় সংপন্ময়ী সা দেবী পরমোত্সুকা চিরতরং নাস্তে স্বভক্তেষ্বপি । তেনাস্য়া বত কষ্টমচ্য়ুত বিভো ত্বদ্রূপমানোজ্ঞক - প্রেমস্থৈর্যময়াদচাপলবলাচ্চাপল্যবার্তোদভূত্ ॥4॥

লক্ষ্মীস্তাবকরামণীযকহৃতৈবেয়ং পরেষ্বস্থিরে- ত্যস্মিন্নন্যদপি প্রমাণমধুনা বক্ষ্য়ামি লক্ষ্মীপতে । যে ত্বদ্ধ্য়ানগুণানুকীর্তনরসাসক্তা হি ভক্তা জনা- স্তেষ্বেষা বসতি স্থিরৈব দয়িতপ্রস্তাবদত্তাদরা ॥5॥

এবংভূতমনোজ্ঞতানবসুধানিষ্য়ংদসংদোহনং ত্বদ্রূপং পরচিদ্রসাযনময়ং চেতোহরং শৃণ্বতাম্ । সদ্য়ঃ প্রেরযতে মতিং মদযতে রোমাংচযত্য়ংগকং ব্য়াসিংচত্যপি শীতবাষ্পবিসরৈরানংদমূর্ছোদ্ভবৈঃ ॥6॥

এবংভূততয়া হি ভক্ত্যভিহিতো যোগস্স যোগদ্বয়াত্ কর্মজ্ঞানময়াত্ ভৃশোত্তমতরো যোগীশ্বরৈর্গীযতে । সৌংদর্য়ৈকরসাত্মকে ত্বয়ি খলু প্রেমপ্রকর্ষাত্মিকা ভক্তির্নিশ্রমমেব বিশ্বপুরুষৈর্লভ্য়া রমাবল্লভ ॥7॥

নিষ্কামং নিযতস্বধর্মচরণং যত্ কর্ময়োগাভিধং তদ্দূরেত্যফলং যদৌপনিষদজ্ঞানোপলভ্য়ং পুনঃ । তত্ত্বব্যক্ততয়া সুদুর্গমতরং চিত্তস্য় তস্মাদ্বিভো ত্বত্প্রেমাত্মকভক্তিরেব সততং স্বাদীযসী শ্রেযসী ॥8॥

অত্য়ায়াসকরাণি কর্মপটলান্য়াচর্য় নির্যন্মলা বোধে ভক্তিপথেঽথবাঽপ্য়ুচিততামায়াংতি কিং তাবতা । ক্লিষ্ট্বা তর্কপথে পরং তব বপুর্ব্রহ্মাখ্যমন্য়ে পুন- শ্চিত্তার্দ্রত্বমৃতে বিচিংত্য় বহুভিস্সিদ্ধ্য়ংতি জন্মাংতরৈঃ ॥9॥

ত্বদ্ভক্তিস্তু কথারসামৃতঝরীনির্মজ্জনেন স্বয়ং সিদ্ধ্য়ংতী বিমলপ্রবোধপদবীমক্লেশতস্তন্বতী । সদ্যস্সিদ্ধিকরী জযত্যয়ি বিভো সৈবাস্তু মে ত্বত্পদ- প্রেমপ্রৌঢিরসার্দ্রতা দ্রুততরং বাতালয়াধীশ্বর ॥10॥

நாராயணீயம் த³ஶக 2 - ப⁴க³வத: ஸ்வரூபமாது⁴ர்யம் ததா² ப⁴க்திமஹத்த்வம் பற்றி

The second dashaka of the Narayaneeyam describes the beautiful form of the Lord of Guruvayur and the sweetness of devotion. Bhattathiri pictures the crown that rivals the sun, the shining tilaka on the forehead, eyes full of compassion and a gentle smile, makara earrings, the Kaustubha gem and four arms bearing mace, conch, discus and lotus. He then says that devotion, nourished by bathing in the nectar of the Lord's stories, brings pure wisdom without strain, and prays for deep love for the Lord's feet.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • This dashaka is a "dhyana" of the full form of Vishnu, from crown to feet.
  • It praises bhakti as easier than the hard paths of knowledge and yoga, a theme the poet returns to often.

அடிக்கடி கேட்கப்படும் கேள்விகள்

What does this dashaka describe?

The beautiful form of the Lord and the sweetness of devotion.

What does the Lord hold?

Mace, conch, discus and lotus in four arms.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.