MuhurtaNow

நாராயணீயம் த³ஶக 38 - ஶ்ரீக்ருஷ்ணாவதாரம்

Vishnu · பாரம்பரிய பக்தி நூல்

आनंदरूप भगवन्नयि तेऽवतारे प्राप्ते प्रदीप्तभवदंगनिरीयमाणैः । कांतिव्रजैरिव घनाघनमंडलैर्द्या- मावृण्वती विरुरुचे किल वर्षवेला ॥1॥

आशासु शीतलतरासु पयोदतोयै- राशासिताप्तिविवशेषु च सज्जनेषु । नैशाकरोदयविधौ निशि मध्यमायां क्लेशापहस्त्रिजगतां त्वमिहाविरासीः ॥2॥

बाल्यस्पृशाऽपि वपुषा दधुषा विभूती- रुद्यत्किरीटकटकांगदहारभासा । शंखारिवारिजगदापरिभासितेन मेघासितेन परिलेसिथ सूतिगेहे ॥3॥

वक्षःस्थलीसुखनिलीनविलासिलक्ष्मी- मंदाक्षलक्षितकटाक्षविमोक्षभेदैः । तन्मंदिरस्य खलकंसकृतामलक्ष्मी- मुन्मार्जयन्निव विरेजिथ वासुदेव ॥4॥

शौरिस्तु धीरमुनिमंडलचेतसोऽपि दूरस्थितं वपुरुदीक्ष्य निजेक्षणाभ्याम् ॥ आनंदवाष्पपुलकोद्गमगद्गदार्द्र- स्तुष्टाव दृष्टिमकरंदरसं भवंतम् ॥5॥

देव प्रसीद परपूरुष तापवल्ली- निर्लूनदात्रसमनेत्रकलाविलासिन् । खेदानपाकुरु कृपागुरुभिः कटाक्षै- रित्यादि तेन मुदितेन चिरं नुतोऽभूः ॥6॥

मात्रा च नेत्रसलिलास्तृतगात्रवल्या स्तोत्रैरभिष्टुतगुणः करुणालयस्त्वम् । प्राचीनजन्मयुगलं प्रतिबोध्य ताभ्यां मातुर्गिरा दधिथ मानुषबालवेषम् ॥7॥

त्वत्प्रेरितस्तदनु नंदतनूजया ते व्यत्यासमारचयितुं स हि शूरसूनुः । त्वां हस्तयोरधृत चित्तविधार्यमार्यै- रंभोरुहस्थकलहंसकिशोररम्यम् ॥8॥

जाता तदा पशुपसद्मनि योगनिद्रा । निद्राविमुद्रितमथाकृत पौरलोकम् । त्वत्प्रेरणात् किमिव चित्रमचेतनैर्यद्- द्वारैः स्वयं व्यघटि संघटितैः सुगाढम् ॥9॥

शेषेण भूरिफणवारितवारिणाऽथ स्वैरं प्रदर्शितपथो मणिदीपितेन । त्वां धारयन् स खलु धन्यतमः प्रतस्थे सोऽयं त्वमीश मम नाशय रोगवेगान् ॥10॥

நாராயணீயம் த³ஶக 38 - ஶ்ரீக்ருஷ்ணாவதாரம் பற்றி

The thirty-eighth dashaka of the Narayaneeyam tells of the birth of Krishna. When the Lord, whose form is bliss, comes down, the sky is covered with dark rain clouds as if by the radiance of his body; the directions grow cool, good people feel their hopes fulfilled, and at midnight, as the moon rises, he appears in the prison before Vasudeva and Devaki in his four-armed form, then becomes a human child at their prayer. At his word Vasudeva carries him to Gokula; the prison doors open, the guards sleep, and as he crosses the Yamuna, the serpent Shesha shelters them with his many hoods, his jewels lighting the way.

இயற்றியவர்: Melpathur Narayana Bhattathiri (1560 to 1646)

எப்போது பாராயணம் செய்வது: In daily Narayaneeyam parayana and at Guruvayur.

உங்களுக்குத் தெரியுமா?

  • Krishna was born at midnight on the eighth day (Ashtami) of the dark fortnight, under the Rohini nakshatra, celebrated as Janmashtami.
  • The image of Shesha shielding the infant from the rain with his hoods is one of the best-loved scenes of Krishna's birth.

அடிக்கடி கேட்கப்படும் கேள்விகள்

When was Krishna born?

At midnight on Ashtami, as the moon rose.

Who sheltered the child crossing the Yamuna?

The serpent Shesha, with his hoods.

Who wrote the Narayaneeyam?

Melpathur Narayana Bhattathiri, in 1586.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.