நாராயணீயம் த³ஶக 92 - கர்மமிஶ்ரப⁴க்தி:
Vishnu · பாரம்பரிய பக்தி நூல்
వేదైస్సర్వాణి కర్మాణ్యఫలపరతయా వర్ణితానీతి బుధ్వా తాని త్వయ్యర్పితాన్యేవ హి సమనుచరన్ యాని నైష్కర్మ్యమీశ । మా భూద్వేదైర్నిషిద్ధే కుహచిదపి మనఃకర్మవాచాం ప్రవృత్తి- ర్దుర్వర్జం చేదవాప్తం తదపి ఖలు భవత్యర్పయే చిత్ప్రకాశే ॥1॥
యస్త్వన్యః కర్మయోగస్తవ భజనమయస్తత్ర చాభీష్టమూర్తిం హృద్యాం సత్త్వైకరూపాం దృషది హృది మృది క్వాపి వా భావయిత్వా । పుష్పైర్గంధైర్నివేద్యైరపి చ విరచితైః శక్తితో భక్తిపూతై- ర్నిత్యం వర్యాం సపర్యాం విదధదయి విభో త్వత్ప్రసాదం భజేయమ్ ॥2॥
స్త్రీశూద్రాస్త్వత్కథాదిశ్రవణవిరహితా ఆసతాం తే దయార్హా- స్త్వత్పాదాసన్నయాతాన్ ద్విజకులజనుషో హంత శోచామ్యశాంతాన్ । వృత్త్యర్థం తే యజంతో బహుకథితమపి త్వామనాకర్ణయంతో దృప్తా విద్యాభిజాత్యైః కిము న విదధతే తాదృశం మా కృథా మామ్ ॥3॥
పాపోఽయం కృష్ణరామేత్యభిలపతి నిజం గూహితుం దుశ్చరిత్రం నిర్లజ్జస్యాస్య వాచా బహుతరకథనీయాని మే విఘ్నితాని । భ్రాతా మే వంధ్యశీలో భజతి కిల సదా విష్ణుమిత్థం బుధాంస్తే నిందంత్యుచ్చైర్హసంతి త్వయి నిహితమతీంస్తాదృశం మా కృథా మామ్ ॥4॥
శ్వేతచ్ఛాయం కృతే త్వాం మునివరవపుషం ప్రీణయంతే తపోభి- స్త్రేతాయాం స్రుక్స్రువాద్యంకితమరుణతనుం యజ్ఞరూపం యజంతే । సేవంతే తంత్రమార్గైర్విలసదరిగదం ద్వాపరే శ్యామలాంగం నీలం సంకీర్తనాద్యైరిహ కలిసమయే మానుషాస్త్వాం భజంతే ॥5॥
సోఽయం కాలేయకాలో జయతి మురరిపో యత్ర సంకీర్తనాద్యై- ర్నిర్యత్నైరేవ మార్గైరఖిలద న చిరాత్త్వత్ప్రసాదం భజంతే । జాతాస్త్రేతాకృతాదావపి హి కిల కలౌ సంభవం కామయంతే దైవాత్తత్రైవ జాతాన్ విషయవిషరసైర్మా విభో వంచయాస్మాన్ ॥6॥
భక్తాస్తావత్కలౌ స్యుర్ద్రమిలభువి తతో భూరిశస్తత్ర చోచ్చై: కావేరీం తామ్రపర్ణీమను కిల కృతమాలాం చ పుణ్యాం ప్రతీచీమ్ । హా మామప్యేతదంతర్భవమపి చ విభో కించిదంచద్రసం త్వ- య్యాశాపాశైర్నిబధ్య భ్రమయ న భగవన్ పూరయ త్వన్నిషేవామ్ ॥7॥
దృష్ట్వా ధర్మద్రుహం తం కలిమపకరుణం ప్రాఙ్మహీక్షిత్ పరీక్షిత్ హంతుం వ్యాకృష్టఖడ్గోఽపి న వినిహతవాన్ సారవేదీ గుణాంశాత్ । త్వత్సేవాద్యాశు సిద్ధ్యేదసదిహ న తథా త్వత్పరే చైష భీరు- ర్యత్తు ప్రాగేవ రోగాదిభిరపహరతే తత్ర హా శిక్షయైనమ్ ॥8॥
గంగా గీతా చ గాయత్ర్యపి చ తులసికా గోపికాచందనం తత్ సాలగ్రామాభిపూజా పరపురుష తథైకాదశీ నామవర్ణాః । ఏతాన్యష్టాప్యయత్నాన్యపి కలిసమయే త్వత్ప్రసాదప్రవృద్ధ్యా క్షిప్రం ముక్తిప్రదానీత్యభిదధుః ఋషయస్తేషు మాం సజ్జయేథాః ॥9॥
దేవర్షీణాం పితృణామపి న పునః ఋణీ కింకరో వా స భూమన్ । యోఽసౌ సర్వాత్మనా త్వాం శరణముపగతస్సర్వకృత్యాని హిత్వా । తస్యోత్పన్నం వికర్మాప్యఖిలమపనుదస్యేవ చిత్తస్థితస్త్వం తన్మే పాపోత్థతాపాన్ పవనపురపతే రుంధి భక్తిం ప్రణీయాః ॥10॥
நாராயணீயம் த³ஶக 92 - கர்மமிஶ்ரப⁴க்தி: பற்றி
Dashaka 92 of the Narayaneeyam is on offering all action to the Lord. Knowing that the Vedas describe actions whose fruit should not be sought, the devotee performs them as offerings to the Lord and never turns mind, word or deed to what is forbidden. It ends with the teaching that one who takes refuge in the Lord with the whole heart is no longer bound by debts to the gods, sages or ancestors.
இயற்றியவர்: Melpathur Narayana Bhattathiri (1560 to 1646)
எப்போது பாராயணம் செய்வது: In daily Narayaneeyam parayana and at Guruvayur.
உங்களுக்குத் தெரியுமா?
- Each dashaka ends with a prayer to the Lord of Guruvayur (Vatalayesha, Marutpuresha).
- The Narayaneeyam retells the Bhagavata Purana in 100 dashakas (cantos) of about ten verses each, addressed to Krishna of Guruvayur.
அடிக்கடி கேட்கப்படும் கேள்விகள்
What is the theme of dashaka 92?
Offering all actions to the Lord without seeking their fruit.
What does the last verse teach?
One who fully surrenders to the Lord owes nothing to gods, sages or ancestors.
Who wrote the Narayaneeyam?
Melpathur Narayana Bhattathiri, in 1586.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்