ஸரஸ்வதீ ஸூக்தம்
Vedic · பாரம்பரிய பக்தி நூல்
-(ಋ.ವೇ.6.61) ಇ॒ಯಂ॑ದದಾದ್ರಭ॒ಸಮೃ॑ಣ॒ಚ್ಯುತಂ॒ ದಿವೋ᳚ದಾಸಂ-ವಁದ್ರ್ಯ॒ಶ್ವಾಯ॑ ದಾ॒ಶುಷೇ᳚ । ಯಾ ಶಶ್ವಂ᳚ತಮಾಚ॒ಖಶದಾ᳚ವ॒ಸಂ ಪ॒ಣಿಂ ತಾ ತೇ᳚ ದಾ॒ತ್ರಾಣಿ॑ ತವಿ॒ಷಾ ಸ॑ರಸ್ವತಿ ॥ 1 ॥
ಇ॒ಯಂ ಶುಷ್ಮೇ᳚ಭಿರ್ಬಿಸ॒ಖಾ ಇ॑ವಾರುಜ॒ತ್ಸಾನು॑ ಗಿರೀ॒ಣಾಂ ತ॑ವಿ॒ಷೇಭಿ॑ರೂ॒ರ್ಮಿಭಿಃ॑ । ಪಾ॒ರಾ॒ವ॒ತ॒ಘ್ನೀಮವ॑ಸೇ ಸುವೃ॒ಕ್ತಿಭಿ॑ಸ್ಸರ॑ಸ್ವತೀ॒ ಮಾ ವಿ॑ವಾಸೇಮ ಧೀ॒ತಿಭಿಃ॑ ॥ 2 ॥
ಸರ॑ಸ್ವತಿ ದೇವ॒ನಿದೋ॒ ನಿ ಬ॑ರ್ಹಯ ಪ್ರ॒ಜಾಂ-ವಿಁಶ್ವ॑ಸ್ಯ॒ ಬೃಸ॑ಯಸ್ಯ ಮಾ॒ಯಿನಃ॑ । ಉ॒ತ ಕ್ಷಿ॒ತಿಭ್ಯೋ॒ಽವನೀ᳚ರವಿಂದೋ ವಿ॒ಷಮೇ᳚ಭ್ಯೋ ಅಸ್ರವೋ ವಾಜಿನೀವತಿ ॥ 3 ॥
ಪ್ರಣೋ᳚ ದೇ॒ವೀ ಸರ॑ಸ್ವತೀ॒ ವಾಜೇ᳚ಭಿರ್ವಾ॒ಜಿನೀ᳚ವತೀ । ಧೀ॒ನಾಮ॑ವಿ॒ತ್ರ್ಯ॑ವತು ॥ 4 ॥
ಯಸ್ತ್ವಾ᳚ ದೇವಿ ಸರಸ್ವತ್ಯುಪಬ್ರೂ॒ತೇ ಧನೇ᳚ ಹಿ॒ತೇ । ಇಂದ್ರಂ॒ ನ ವೃ॑ತ್ರ॒ತೂರ್ಯೇ᳚ ॥ 5 ॥
ತ್ವಂ ದೇ᳚ವಿ ಸರಸ್ವ॒ತ್ಯವಾ॒ ವಾಜೇ᳚ಷು ವಾಜಿನಿ । ರದಾ᳚ ಪೂ॒ಷೇವ॑ ನಃ ಸ॒ನಿಮ್ ॥ 6 ॥
ಉ॒ತ ಸ್ಯಾ ನಃ॒ ಸರ॑ಸ್ವತೀ ಘೋ॒ರಾ ಹಿರ᳚ಣ್ಯವರ್ತನಿಃ । ವೃ॒ತ್ರ॒ಘ್ನೀ ವ॑ಷ್ಟಿ ಸುಷ್ಟು॒ತಿಮ್ ॥ 7 ॥
ಯಸ್ಯಾ᳚ ಅನಂ॒ತೋ ಅಹ್ರು॑ತಸ್ತ್ವೇ॒ಷಶ್ಚ॑ರಿ॒ಷ್ಣುರ᳚ರ್ಣ॒ವಃ । ಅಮ॒ಶ್ಚರ॑ತಿ॒ ರೋರು॑ವತ್ ॥ 8 ॥
ಸಾ ನೋ॒ ವಿಶ್ವಾ॒ ಅತಿ॒ ದ್ವಿಷಃ॒ ಸ್ವಸೄ᳚ರ॒ನ್ಯಾ ಋ॒ತಾವ॑ರೀ । ಅತ॒ನ್ನಹೇ᳚ವ॒ ಸೂರ್ಯಃ॑ ॥ 9 ॥
ಉ॒ತ ನಃ॑ ಪ್ರಿ॒ಯಾ ಪ್ರಿ॒ಯಾಸು॑ ಸ॒ಪ್ತಸ್ವ॑ಸಾ॒ ಸುಜು॑ಷ್ಟಾ । ಸರ॑ಸ್ವತೀ॒ ಸ್ತೋಮ್ಯಾ᳚ ಭೂತ್ ॥ 10 ॥
ಆ॒ಪ॒ಪ್ರುಷೀ॒ ಪಾರ್ಥಿ॑ವಾನ್ಯು॒ರು ರಜೋ᳚ ಅಂ॒ತರಿ॑ಕ್ಷಮ್ । ಸರ॑ಸ್ವತೀ ನಿ॒ದಸ್ಪಾ᳚ತು ॥ 11 ॥
ತ್ರಿ॒ಷ॒ಧಸ್ಥಾ᳚ ಸ॒ಪ್ತಧಾ᳚ತುಃ॒ ಪಂಚ॑ ಜಾ॒ತಾ ವ॒ರ್ಧಯಂ᳚ತೀ । ವಾಜೇ᳚ವಾಜೇ॒ ಹವ್ಯಾ᳚ ಭೂತ್ ॥ 12 ॥
ಪ್ರ ಯಾ ಮ॑ಹಿ॒ಮ್ನಾ ಮ॒ಹಿನಾ᳚ಸು॒ ಚೇಕಿ॑ತೇ ದ್ಯು॒ಮ್ನೇಭಿ॑ರ॒ನ್ಯಾ ಅ॒ಪಸಾ᳚ಮ॒ಪಸ್ತ॑ಮಾ । ರಥ॑ ಇವ ಬೃಹ॒ತೀ ವಿ॒ಭ್ವನೇ᳚ ಕೃ॒ತೋಪ॒ಸ್ತುತ್ಯಾ᳚ ಚಿಕಿ॒ತುಷಾ॒ ಸರ॑ಸ್ವತೀ ॥ 13 ॥
ಸರ॑ಸ್ವತ್ಯ॒ಭಿ ನೋ᳚ ನೇಷಿ॒ ವಸ್ಯೋ॒ ಮಾಪ॑ ಸ್ಫರೀಃ॒ ಪಯ॑ಸಾ॒ ಮಾ ನ॒ ಆ ಧ॑ಕ್ । ಜು॒ಷಸ್ವ॑ ನಃ ಸ॒ಖ್ಯಾ ವೇ॒ಶ್ಯಾ᳚ ಚ॒ ಮಾ ತ್ವತ್ ಕ್ಷೇತ್ರಾ॒ಣ್ಯರ॑ಣಾನಿ ಗನ್ಮ ॥ 14 ॥
–(ಋ.ವೇ.7.95) ಪ್ರ ಕ್ಷೋದ॑ಸಾ॒ ಧಾಯ॑ಸಾ ಸಸ್ರ ಏ॒ಷಾ ಸರ॑ಸ್ವತೀ ಧ॒ರುಣ॒ಮಾಯ॑ಸೀ॒ ಪೂಃ । ಪ್ರ॒ಬಾಬ॑ಧಾನಾ ರ॒ಥ್ಯೇ᳚ವ ಯಾತಿ॒ ವಿಶ್ವಾ᳚ ಅ॒ಪೋ ಮ॑ಹಿ॒ನಾ ಸಿಂಧು॑ರ॒ನ್ಯಾಃ ॥ 15 ॥
ಏಕಾ᳚ಚೇತ॒ತ್ಸರ॑ಸ್ವತೀ ನ॒ದೀನಾಂ॒ ಶುಚಿ᳚ರ್ಯ॒ತೀ ಗಿ॒ರಿಭ್ಯ॒ ಆ ಸ॑ಮು॒ದ್ರಾತ್ । ರಾ॒ಯಶ್ಚೇತಂ᳚ತೀ॒ ಭುವ॑ನಸ್ಯ॒ ಭೂರೇ᳚ರ್ಘೃ॒ತಂ ಪಯೋ᳚ ದುದುಹೇ॒ ನಾಹು॑ಷಾಯ ॥ 16 ॥
ಸ ವಾ᳚ವೃಧೇ॒ ನರ್ಯೋ॒ ಯೋಷ॑ಣಾಸು॒ ವೃಷಾ॒ ಶಿಶು᳚ರ್ವೃಷ॒ಭೋ ಯ॒ಜ್ಞಿಯಾ᳚ಸು । ಸ ವಾ॒ಜಿನಂ᳚ ಮ॒ಘವ॑ದ್ಭ್ಯೋ ದಧಾತಿ॒ ವಿ ಸಾ॒ತಯೇ᳚ ತ॒ನ್ವಂ᳚ ಮಾಮೃಜೀತ ॥ 17 ॥
ಉ॒ತ ಸ್ಯಾ ನಃ॒ ಸರ॑ಸ್ವತೀ ಜುಷಾ॒ಣೋಪ॑ ಶ್ರವತ್ಸು॒ಭಗಾ᳚ ಯ॒ಜ್ಞೇ ಅ॒ಸ್ಮಿನ್ನ್ । ಮಿ॒ತಜ್ಞು॑ಭಿರ್ನಮ॒ಸ್ಯೈ᳚ರಿಯಾ॒ನಾ ರಾ॒ಯಾ ಯು॒ಜಾ ಚಿ॒ದುತ್ತ॑ರಾ॒ ಸಖಿ॑ಭ್ಯಃ ॥ 18 ॥
ಇ॒ಮಾ ಜುಹ್ವಾ᳚ನಾ ಯು॒ಷ್ಮದಾ ನಮೋ᳚ಭಿಃ॒ ಪ್ರತಿ॒ ಸ್ತೋಮಂ᳚ ಸರಸ್ವತಿ ಜುಷಸ್ವ । ತವ॒ ಶರ್ಮ᳚ನ್ಪ್ರಿ॒ಯತ॑ಮೇ॒ ದಧಾ᳚ನಾ॒ ಉಪ॑ ಸ್ಥೇಯಾಮ ಶರ॒ಣಂ ನ ವೃ॒ಕ್ಷಮ್ ॥ 19 ॥
ಅ॒ಯಮು॑ ತೇ ಸರಸ್ವತಿ॒ ವಸಿ॑ಷ್ಠೋ॒ ದ್ವಾರಾ᳚ವೃ॒ತಸ್ಯ॑ ಸುಭಗೇ॒ ವ್ಯಾ᳚ವಃ । ವರ್ಧ॑ ಶುಭ್ರೇ ಸ್ತುವ॒ತೇ ರಾ᳚ಸಿ॒ ವಾಜಾ॑ನ್ಯೂ॒ಯಂ ಪಾ᳚ತ ಸ್ವ॒ಸ್ತಿಭಿಃ॒ ಸದಾ᳚ ನಃ ॥ 20 ॥
(ಋ.ವೇ.7.96) ಬೃ॒ಹದು॑ ಗಾಯಿಷೇ॒ ವಚೋ᳚ಽಸು॒ರ್ಯಾ᳚ ನ॒ದೀನಾ᳚ಮ್ । ಸರ॑ಸ್ವತೀ॒ಮಿನ್ಮ॑ಹಯಾ ಸುವೃ॒ಕ್ತಿಭಿ॒ಸ್ಸ್ತೋಮೈ᳚ರ್ವಸಿಷ್ಠ॒ ರೋದ॑ಸೀ ॥ 21 ॥
ಉ॒ಭೇ ಯತ್ತೇ᳚ ಮಹಿ॒ನಾ ಶು॑ಭ್ರೇ॒ ಅಂಧ॑ಸೀ ಅಧಿಕ್ಷಿ॒ಯಂತಿ॑ ಪೂ॒ರವಃ॑ । ಸಾ ನೋ᳚ ಬೋಧ್ಯವಿ॒ತ್ರೀ ಮ॒ರುತ್ಸ॑ಖಾ॒ ಚೋದ॒ ರಾಧೋ᳚ ಮ॒ಘೋನಾ᳚ಮ್ ॥ 22 ॥
ಭ॒ದ್ರಮಿದ್ಭ॒ದ್ರಾ ಕೃ॑ಣವ॒ತ್ಸರ॑ಸ್ವ॒ತ್ಯಕ॑ವಾರೀ ಚೇತತಿ ವಾ॒ಜಿನೀ᳚ವತೀ । ಗೃ॒ಣಾ॒ನಾ ಜ॑ಮದಗ್ನಿ॒ವತ್ಸ್ತು॑ವಾ॒ನಾ ಚ॑ ವಸಿಷ್ಠ॒ವತ್ ॥ 23 ॥
ಜ॒ನೀ॒ಯಂತೋ॒ ನ್ವಗ್ರ॑ವಃ ಪುತ್ರೀ॒ಯಂತಃ॑ ಸು॒ದಾನ॑ವಃ । ಸರ॑ಸ್ವಂತಂ ಹವಾಮಹೇ ॥ 24 ॥
ಯೇ ತೇ᳚ ಸರಸ್ವ ಊ॒ರ್ಮಯೋ॒ ಮಧು॑ಮಂತೋ ಘೃತ॒ಶ್ಚುತಃ॑ । ತೇಭಿ᳚ರ್ನೋಽವಿ॒ತಾ ಭ॒ವ ॥ 25 ॥
ಪೀ॒ಪಿ॒ವಾಂಸಂ॒ ಸರ॑ಸ್ವತಃ॒ ಸ್ತನಂ॒-ಯೋಁ ವಿ॒ಶ್ವದ॑ರ್ಶತಃ । ಭ॒ಕ್ಷೀ॒ಮಹಿ॑ ಪ್ರ॒ಜಾಮಿಷಂ᳚ ॥ 26 ॥
(ಋ.ವೇ.2.41.16) ಅಂಬಿ॑ತಮೇ॒ ನದೀ᳚ತಮೇ॒ ದೇವಿ॑ತಮೇ॒ ಸರ॑ಸ್ವತಿ । ಅ॒ಪ್ರ॒ಶ॒ಸ್ತಾ ಇ॑ವ ಸ್ಮಸಿ॒ ಪ್ರಶ॑ಸ್ತಿಮಂಬ ನಸ್ಕೃಧಿ ॥ 27 ॥
ತ್ವೇ ವಿಶ್ವಾ᳚ ಸರಸ್ವತಿ ಶ್ರಿ॒ತಾಯೂಂ᳚ಷಿ ದೇ॒ವ್ಯಾಮ್ । ಶು॒ನಹೋ᳚ತ್ರೇಷು ಮತ್ಸ್ವ ಪ್ರ॒ಜಾಂ ದೇ᳚ವಿ ದಿದಿಡ್ಢಿ ನಃ ॥ 28 ॥
ಇ॒ಮಾ ಬ್ರಹ್ಮ॑ ಸರಸ್ವತಿ ಜು॒ಷಸ್ವ॑ ವಾಜಿನೀವತಿ । ಯಾ ತೇ॒ ಮನ್ಮ॑ ಗೃತ್ಸಮ॒ದಾ ಋ॑ತಾವರಿ ಪ್ರಿ॒ಯಾ ದೇ॒ವೇಷು॒ ಜುಹ್ವ॑ತಿ ॥ 29 ॥
(ಋ.ವೇ.1.3.10) ಪಾ॒ವ॒ಕಾ ನಃ॒ ಸರ॑ಸ್ವತೀ॒ ವಾಜೇ᳚ಭಿರ್ವಾ॒ಜಿನೀ᳚ವತೀ । ಯ॒ಜ್ಞಂ-ವಁ॑ಷ್ಟು ಧಿ॒ಯಾವ॑ಸುಃ ॥ 30 ॥
ಚೋ॒ದ॒ಯಿ॒ತ್ರೀ ಸೂ॒ನೃತಾ᳚ನಾಂ॒ ಚೇತಂ᳚ತೀ ಸುಮತೀ॒ನಾಮ್ । ಯ॒ಜ್ಞಂ ದ॑ಧೇ॒ ಸರ॑ಸ್ವತೀ ॥ 31 ॥
ಮ॒ಹೋ ಅರ್ಣಃ॒ ಸರ॑ಸ್ವತೀ॒ ಪ್ರ ಚೇ᳚ತಯತಿ ಕೇ॒ತುನಾ᳚ । ಧಿಯೋ॒ ವಿಶ್ವಾ॒ ವಿ ರಾ᳚ಜತಿ ॥ 32 ॥
(ಋ.ವೇ.10.17.7) ಸರ॑ಸ್ವತೀಂ ದೇವ॒ಯಂತೋ᳚ ಹವಂತೇ॒ ಸರ॑ಸ್ವತೀಮಧ್ವ॒ರೇ ತಾ॒ಯಮಾ᳚ನೇ । ಸರ॑ಸ್ವತೀಂ ಸು॒ಕೃತೋ᳚ ಅಹ್ವಯಂತ॒ ಸರ॑ಸ್ವತೀ ದಾ॒ಶುಷೇ॒ ವಾರ್ಯಂ᳚ ದಾತ್ ॥ 33 ॥
ಸರ॑ಸ್ವತಿ॒ ಯಾ ಸ॒ರಥಂ᳚-ಯಁ॒ಯಾಥ॑ ಸ್ವ॒ಧಾಭಿ॑ರ್ದೇವಿ ಪಿ॒ತೃಭಿ॒ರ್ಮದಂ᳚ತೀ । ಆ॒ಸದ್ಯಾ॒ಸ್ಮಿನ್ಬ॒ರ್ಹಿಷಿ॑ ಮಾದಯಸ್ವಾನಮೀ॒ವಾ ಇಷ॒ ಆ ಧೇ᳚ಹ್ಯ॒ಸ್ಮೇ ॥ 34 ॥
ಸರ॑ಸ್ವತೀಂ॒-ಯಾಂಁ ಪಿ॒ತರೋ॒ ಹವಂ᳚ತೇ ದಕ್ಷಿ॒ಣಾ ಯ॒ಜ್ಞಮ॑ಭಿ॒ನಕ್ಷ॑ಮಾಣಾಃ । ಸ॒ಹ॒ಸ್ರಾ॒ರ್ಘಮಿ॒ಳೋ ಅತ್ರ॑ ಭಾ॒ಗಂ ರಾ॒ಯಸ್ಪೋಷಂ॒-ಯಁಜ॑ಮಾನೇಷು ಧೇಹಿ ॥ 35 ॥
(ಋ.ವೇ.5.43.11) ಆ ನೋ᳚ ದಿ॒ವೋ ಬೃ॑ಹ॒ತಃ ಪರ್ವ॑ತಾ॒ದಾ ಸರ॑ಸ್ವತೀ ಯಜ॒ತಾ ಗಂ᳚ತು ಯ॒ಜ್ಞಮ್ । ಹವಂ᳚ ದೇ॒ವೀ ಜು॑ಜುಷಾ॒ಣಾ ಘೃ॒ತಾಚೀ᳚ ಶ॒ಗ್ಮಾಂ ನೋ॒ ವಾಚ॑ಮುಶ॒ತೀ ಶೃ॑ಣೋತು ॥ 36 ॥
(ಋ.ವೇ.2.32.4) ರಾ॒ಕಾಮ॒ಹಂ ಸು॒ಹವಾಂ᳚ ಸುಷ್ಟು॒ತೀ ಹು॑ವೇ ಶೃ॒ಣೋತು॑ ನಃ ಸು॒ಭಗಾ॒ ಬೋಧ॑ತು॒ ತ್ಮನಾ᳚ । ಸೀವ್ಯ॒ತ್ವಪಃ॑ ಸೂ॒ಚ್ಯಾಚ್ಛಿ॑ದ್ಯಮಾನಯಾ॒ ದದಾ᳚ತು ವೀ॒ರಂ ಶ॒ತದಾ᳚ಯಮು॒ಕ್ಥ್ಯಂ᳚ ॥ 37 ॥
ಯಾಸ್ತೇ᳚ ರಾಕೇ ಸುಮ॒ತಯಃ॑ ಸು॒ಪೇಶ॑ಸೋ॒ ಯಾಭಿ॒ರ್ದದಾ᳚ಸಿ ದಾ॒ಶುಷೇ॒ ವಸೂ᳚ನಿ । ತಾಭಿ᳚ರ್ನೋ ಅ॒ದ್ಯ ಸು॒ಮನಾ᳚ ಉ॒ಪಾಗ॑ಹಿ ಸಹಸ್ರಪೋ॒ಷಂ ಸು॑ಭಗೇ॒ ರರಾ᳚ಣಾ ॥ 38 ॥
ಸಿನೀ᳚ವಾಲಿ॒ ಪೃಥು॑ಷ್ಟುಕೇ॒ ಯಾ ದೇ॒ವಾನಾ॒ಮಸಿ॒ ಸ್ವಸಾ᳚ । ಜು॒ಷಸ್ವ॑ ಹ॒ವ್ಯಮಾಹು॑ತಂ ಪ್ರ॒ಜಾಂ ದೇ᳚ವಿ ದಿದಿಡ್ಢಿ ನಃ ॥ 39 ॥
ಯಾ ಸು॑ಬಾ॒ಹುಃ ಸ್ವಂ᳚ಗು॒ರಿಃ ಸು॒ಷೂಮಾ᳚ ಬಹು॒ಸೂವ॑ರೀ । ತಸ್ಯೈ᳚ ವಿ॒ಶ್ಪತ್ನ್ಯೈ᳚ ಹ॒ವಿಃ ಸಿ॑ನೀವಾ॒ಲ್ಯೈ ಜು॑ಹೋತನ ॥ 40 ॥
ಯಾ ಗು॒ಙ್ಗೂರ್ಯಾ ಸಿ॑ನೀವಾ॒ಲೀ ಯಾ ರಾ॒ಕಾ ಯಾ ಸರ॑ಸ್ವತೀ । ಇಂ॒ದ್ರಾ॒ಣೀಮ॑ಹ್ವ ಊ॒ತಯೇ᳚ ವರುಣಾ॒ನೀಂ ಸ್ವ॒ಸ್ತಯೇ᳚ ॥ 41 ॥
ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥
ஸரஸ்வதீ ஸூக்தம் பற்றி
The Saraswati Suktam gathers Rig Vedic hymns to Saraswati, first praised as a mighty river that breaks the mountain ridges with her waves, and as the goddess who blesses those who worship her with wealth, strength and inspired thought. Its first hymn is Rig Veda 6.61, and the closing verse invokes her with Sinivali, Raka and the consorts of Indra and Varuna.
மூலம்: Rig Veda, beginning with hymn 6.61
எப்போது பாராயணம் செய்வது: On Vasanta Panchami and Saraswati Puja, and in Vedic recitation.
உங்களுக்குத் தெரியுமா?
- In the Rig Veda Saraswati is first of all a river, "best of mothers, best of rivers, best of goddesses" (2.41.16).
- The first verse recalls how Saraswati gave the son Divodasa to the generous Vadhryashva.
- Her later form as goddess of learning and speech grows from these hymns, where she inspires thought (dhi).
இந்தப் பண்டிகைகளில் பாராயணம் செய்யப்படுகிறது
அடிக்கடி கேட்கப்படும் கேள்விகள்
Where do these verses come from?
The Rig Veda, starting with hymn 6.61 to Saraswati.
Is Saraswati a river or a goddess in the Rig Veda?
Both: a great river and a goddess who inspires thought.
When is it chanted?
On Vasanta Panchami, during Saraswati Puja and in Vedic recitation.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.