ஶத ருத்³ரீயம்
Shiva · பாரம்பரிய பக்தி நூல்
വ്യാസ ഉവാച
പ്രജാ പതീനാം പ്രഥമം തേജസാം പുരുഷം പ്രഭുമ് । ഭുവനം ഭൂര്ഭുവം ദേവം സർവലോകേശ്വരം പ്രഭുമ്॥ 1
ഈശാനാം വരദം പാര്ഥ ദൃഷ്ണവാനസി ശംകരമ് । തം ഗച്ച ശരണം ദേവം വരദം ഭവനേശ്വരമ് ॥ 2
മഹാദേവം മഹാത്മാന മീശാനം ജടിലം ശിവമ് । ത്യ്രക്ഷം മഹാഭുജം രുദ്രം ശിഖിനം ചീരവാസനമ് ॥ 3
മഹാദേവം ഹരം സ്ഥാണും വരദം ഭവനേശ്വരമ് । ജഗത്ര്പാധാനമധികം ജഗത്പ്രീതമധീശ്വരമ് ॥ 4
ജഗദ്യോനിം ജഗദ്ദ്വീപം ജയനം ജഗതോ ഗതിമ് । വിശ്വാത്മാനം വിശ്വസൃജം വിശ്വമൂര്തിം യശസ്വിനമ് ॥ 5
വിശ്വേശ്വരം വിശ്വവരം കര്മാണാമീശ്വരം പ്രഭുമ് । ശംഭും സ്വയംഭും ഭൂതേശം ഭൂതഭവ്യഭവോദ്ഭവമ് ॥ 6
യോഗം യോഗേശ്വരം ശർവം സർവലോകേശ്വരേശ്വരമ് । സർവശ്രേഷ്ടം ജഗച്ഛ്രേഷ്ടം വരിഷ്ടം പരമേഷ്ഠിനമ് ॥ 7
ലോകത്രയ വിധാതാരമേകം ലോകത്രയാശ്രയമ് । സുദുര്ജയം ജഗന്നാഥം ജന്മമൃത്യു ജരാതിഗമ് ॥ 8
ജ്ഞാനാത്മാനാം ജ്ഞാനഗമ്യം ജ്ഞാനശ്രേഷ്ഠം സുദർവിദമ് । ദാതാരം ചൈവ ഭക്താനാം പ്രസാദവിഹിതാന് വരാന് ॥ 9
തസ്യ പാരിഷദാ ദിവ്യാരൂപൈ ര്നാനാവിധൈ ർവിഭോഃ । വാമനാ ജടിലാ മുംഡാ ഹ്രസ്വഗ്രീവ മഹോദരാഃ ॥ 10
മഹാകായാ മഹോത്സാഹാ മഹാകര്ണാസ്തദാ പരേ । ആനനൈർവികൃതൈഃ പാദൈഃ പാര്ഥവേഷൈശ്ച വൈകൃതൈഃ ॥ 11
ഈദൃശൈസ്സ മഹാദേവഃ പൂജ്യമാനോ മഹേശ്വരഃ । സശിവസ്താത തേജസ്വീ പ്രസാദാദ്യാതി തേഽഗ്രതഃ ॥ 12
തസ്മിന് ഘോരേ സദാ പാര്ഥ സംഗ്രാമേ രോമഹര്ഷിണേ । ദ്രൌണികര്ണ കൃപൈര്ഗുപ്താം മഹേഷ്വാസൈഃ പ്രഹാരിഭിഃ ॥ 13
കസ്താം സേനാം തദാ പാര്ധ മനസാപി പ്രധര്ഷയേത് । ഋതേ ദേവാന്മഹേഷ്വാസാദ്ബഹുരൂപാന്മഹേശ്വരാത് ॥ 14
പ്ഥാതുമുത്സഹതേ കശ്ചിന്നതസ്മിന്നഗ്രതഃ സ്ഥിതേ । ന ഹി ഭൂതം സമം തേന ത്രിഷു ലോകേഷു വിദ്യതേ ॥ 15
ഗംധേ നാപി ഹി സംഗ്രാമേ തസ്യ കൃദ്ദസ്യ ശത്രവഃ । വിസംജ്ഞാ ഹത ഭൂയിഷ്ടാ വേപംതിച പതംതി ച ॥ 16
തസ്മൈ നമസ്തു കുർവംതോ ദേവാ സ്തിഷ്ഠംതി വൈദിവി । യേ ചാന്യേ മാനവാ ലോകേ യേച സ്വര്ഗജിതോ നരാഃ ॥ 17
യേ ഭക്താ വരദം ദേവം ശിവം രുദ്രമുമാപതിമ് । ഇഹ ലോകേ സുഖം പ്രാപ്യതേ യാംതി പരമാം ഗതിമ് ॥ 18
നമസ്കുരുഷ്വ കൌംതേയ തസ്മൈ ശാംതായ വൈ സദാ । രുദ്രായ ശിതികംഠായ കനിഷ്ഠായ സുവര്ചസേ ॥ 19
കപര്ദിനേ കരളായ ഹര്യക്ഷവരദായച । യാമ്യായരക്തകേശായ സദ്വൃത്തേ ശംകരായച ॥ 20
കാമ്യായ ഹരിനേത്രായ സ്ഥാണുവേ പുരുഷായച । ഹരികേശായ മുംഡായ കനിഷ്ഠായ സുവര്ചസേ ॥ 21
ഭാസ്കരായ സുതീര്ഥായ ദേവദേവായ രംഹസേ । ബഹുരൂപായ പ്രിയായ പ്രിയവാസസേ ॥ 22
ഉഷ്ണീഷിണേ സുവക്ത്രായ സഹസ്രാക്ഷായ മീഡുഷേ । ഗിരീശീയ സുശാംതായ പതയേ ചീരവാസസേ ॥ 23
ഹിരണ്യബാഹവേ രാജന്നുഗ്രായ പതയേദിശാമ് । പര്ജന്യപതയേചൈവ ഭൂതാനാം പതയേ നമഃ ॥ 24
വൃക്ഷാണാം പതയേചൈവ ഗവാം ച പതയേ തഥാ । വൃക്ഷൈരാവൃത്തകായായ സേനാന്യേ മധ്യമായച ॥ 25
സ്രുവഹസ്തായ ദേവായ ധന്വിനേ ഭാര്ഗവായ ച । ബഹുരൂപായ വിശ്വസ്യ പതയേ മുംജവാസസേ ॥ 26
സഹസ്രശിരസേ ചൈവ സഹസ്ര നയനായച । സഹസ്രബാഹവേ ചൈവ സഹസ്ര ചരണായ ച ॥ 27
ശരണം ഗച്ഛ കൌംതേയ വരദം ഭുവനേശ്വരമ് । ഉമാപതിം വിരൂപാക്ഷം ദക്ഷം യജ്ഞനിബര്ഹണമ് ॥ 28
പ്രജാനാം പതിമവ്യഗ്രം ഭൂതാനാം പതിമവ്യയമ് । കപര്ദിനം വൃഷാവര്തം വൃഷനാഭം വൃഷധ്വജമ് ॥ 29
വൃഷദര്പം വൃഷപതിം വൃഷശൃംഗം വൃഷര്ഷഭമ് । വൃഷാകം വൃഷഭോദാരം വൃഷഭം വൃഷഭേക്ഷണമ് ॥ 30
വൃഷായുധം വൃഷശരം വൃഷഭൂതം മഹേശ്വരമ് । മഹോദരം മഹാകായം ദ്വീപചര്മനിവാസിനമ് ॥ 31
ലോകേശം വരദം മുംഡം ബ്രാഹ്മണ്യം ബ്രാഹ്മണപ്രിയമ് । ത്രിശൂലപാണിം വരദം ഖഡ്ഗചര്മധരം ശുഭമ് ॥ 32
പിനാകിനം ഖഡ്ഗധരം ലോകാനാം പതിമീശ്വരമ് । പ്രപദ്യേ ശരണം ദേവം ശരണ്യം ചീരവാസനമ് ॥ 33
നമസ്തസ്മൈ സുരേശായ യസ്യ വൈശ്രവണസ്സഖാ । സുവാസസേ നമോ നിത്യം സുവ്രതായ സുധന്വിനേ ॥ 34
ധനുര്ധരായ ദേവായ പ്രിയധന്വായ ധന്വിനേ । ധന്വംതരായ ധനുഷേ ധന്വാചാര്യായ തേ നമഃ ॥ 35
ഉഗ്രായുധായ ദേവായ നമസ്സുരവരായ ച । നമോഽസ്തു ബഹുരൂപായ നമസ്തേ ബഹുദന്വിനേ ॥ 36
നമോഽസ്തു സ്ഥാണവേ നിത്യംനമസ്തസ്മൈ സുധന്വിനേ । നമോഽസ്തു ത്രിപുരഘ്നായ ഭവഘ്നായ ച വൈ നമഃ ॥ 37
വനസ്പതീനാം പതയേ നരാണാം പതയേ നമഃ । മാതൄണാം പതയേ ചൈവ ഗണാനാം പതയേ നമഃ ॥ 38
ഗവാം ച പതയേ നിത്യം യജ്ഞാനാം പതയേ നമഃ । അപാം ച പതയേ നിത്യം ദേവാനാം പതയേ നമഃ ॥ 39
പൂഷ്ണോ ദംതവിനാശായ ത്ര്യക്ഷായ വരദായച । ഹരായ നീലകംഠായ സ്വര്ണകേശായ വൈ നമഃ ॥ 40
ഓം ശാംതിഃ ഓം ശാംതിഃ ഓം ശാംതിഃ
ஶத ருத்³ரீயம் பற்றி
This Shata Rudriyam is the hymn to Shiva told by the sage Vyasa to Arjuna in the Mahabharata. After the battle, Arjuna asks about a radiant figure he saw walking ahead of him with a trident, destroying his enemies; Vyasa tells him it was Shankara himself, and urges him to take refuge in that god: the first of the lords of creatures, the Lord of all the worlds, the giver of boons, the great god with matted hair, three eyes and mighty arms, Rudra, Hara, Sthanu. He then praises Shiva's many names and deeds.
மூலம்: Mahabharata, Drona Parva
எப்போது பாராயணம் செய்வது: On Mondays, Pradosham and Maha Shivaratri, and in Shiva worship.
உங்களுக்குத் தெரியுமா?
- This hymn is found in the Drona Parva of the Mahabharata, where Vyasa reveals Shiva's presence in the war.
- It shares its name with the Vedic Shatarudriya, the Sri Rudram of the Yajurveda.
அடிக்கடி கேட்கப்படும் கேள்விகள்
Who tells this hymn?
The sage Vyasa, to Arjuna.
Whom did Arjuna see walking ahead of him?
Lord Shiva, with a trident.
Where is it from?
The Mahabharata, Drona Parva.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்