ஶ்ரீ து³ர்கா³ நக்ஷத்ர மாலிகா ஸ்துதி
Devi · பாரம்பரிய பக்தி நூல்
বিরাটনগরং রম্য়ং গচ্ছমানো যুধিষ্ঠিরঃ । অস্তুবন্মনসা দেবীং দুর্গাং ত্রিভুবনেশ্বরীম্ ॥ 1 ॥
যশোদাগর্ভসংভূতাং নারাযণবরপ্রিয়াম্ । নংদগোপকুলেজাতাং মংগল্য়াং কুলবর্ধনীম্ ॥ 2 ॥
কংসবিদ্রাবণকরীং অসুরাণাং ক্ষয়ংকরীম্ । শিলাতটবিনিক্ষিপ্তাং আকাশং প্রতিগামিনীম্ ॥ 3 ॥
বাসুদেবস্য় ভগিনীং দিব্যমাল্য় বিভূষিতাম্ । দিব্য়াংবরধরাং দেবীং খড্গখেটকধারিণীম্ ॥ 4 ॥
ভারাবতরণে পুণ্য়ে যে স্মরংতি সদাশিবাম্ । তান্বৈ তারযতে পাপাত্ পংকেগামিব দুর্বলাম্ ॥ 5 ॥
স্তোতুং প্রচক্রমে ভূয়ো বিবিধৈঃ স্তোত্রসংভবৈঃ । আমংত্র্য় দর্শনাকাংক্ষী রাজা দেবীং সহানুজঃ ॥ 6 ॥
নমোঽস্তু বরদে কৃষ্ণে কুমারি ব্রহ্মচারিণি । বালার্ক সদৃশাকারে পূর্ণচংদ্রনিভাননে ॥ 7 ॥
চতুর্ভুজে চতুর্বক্ত্রে পীনশ্রোণিপয়োধরে । ময়ূরপিংছবলয়ে কেয়ূরাংগদধারিণি ॥ 8 ॥
ভাসি দেবি যদা পদ্মা নারাযণপরিগ্রহঃ । স্বরূপং ব্রহ্মচর্য়ং চ বিশদং তব খেচরি ॥ 9 ॥
কৃষ্ণচ্ছবিসমা কৃষ্ণা সংকর্ষণসমাননা । বিভ্রতী বিপুলৌ বাহূ শক্রধ্বজসমুচ্ছ্রয়ৌ ॥ 10 ॥
পাত্রী চ পংকজী কংঠী স্ত্রী বিশুদ্ধা চ যা ভুবি । পাশং ধনুর্মহাচক্রং বিবিধান্য়ায়ুধানি চ ॥ 11 ॥
কুংডলাভ্য়াং সুপূর্ণাভ্য়াং কর্ণাভ্য়াং চ বিভূষিতা । চংদ্রবিস্পার্ধিনা দেবি মুখেন ত্বং বিরাজসে ॥ 12 ॥
মুকুটেন বিচিত্রেণ কেশবংধেন শোভিনা । ভুজংগাঽভোগবাসেন শ্রোণিসূত্রেণ রাজতা ॥ 13 ॥
ভ্রাজসে চাববদ্ধেন ভোগেনেবেহ মংদরঃ । ধ্বজেন শিখিপিংছানাং উচ্ছ্রিতেন বিরাজসে ॥ 14 ॥
কৌমারং ব্রতমাস্থায় ত্রিদিবং পাবিতং ত্বয়া । তেন ত্বং স্তূযসে দেবি ত্রিদশৈঃ পূজ্যসেঽপি চ ॥ 15 ॥
ত্রৈলোক্য় রক্ষণার্থায় মহিষাসুরনাশিনি । প্রসন্না মে সুরশ্রেষ্ঠে দয়াং কুরু শিবা ভব ॥ 16 ॥
জয়া ত্বং বিজয়া চৈব সংগ্রামে চ জযপ্রদা । মমাঽপি বিজয়ং দেহি বরদা ত্বং চ সাংপ্রতম্ ॥ 17 ॥
বিংধ্য়ে চৈব নগশ্রেষ্টে তব স্থানং হি শাশ্বতম্ । কালি কালি মহাকালি সীধুমাংস পশুপ্রিয়ে ॥ 18 ॥
কৃতানুয়াত্রা ভূতৈস্ত্বং বরদা কামচারিণি । ভারাবতারে যে চ ত্বাং সংস্মরিষ্য়ংতি মানবাঃ ॥ 19 ॥
প্রণমংতি চ যে ত্বাং হি প্রভাতে তু নরা ভুবি । ন তেষাং দুর্লভং কিংচিত্ পুত্রতো ধনতোঽপি বা ॥ 20 ॥
দুর্গাত্তারযসে দুর্গে তত্বং দুর্গা স্মৃতা জনৈঃ । কাংতারেষ্ববপন্নানাং মগ্নানাং চ মহার্ণবে ॥ 21 ॥ (দস্য়ুভির্বা নিরুদ্ধানাং ত্বং গতিঃ পরমা নৃণাম)
জলপ্রতরণে চৈব কাংতারেষ্বটবীষু চ । যে স্মরংতি মহাদেবীং ন চ সীদংতি তে নরাঃ ॥ 22 ॥
ত্বং কীর্তিঃ শ্রীর্ধৃতিঃ সিদ্ধিঃ হ্রীর্বিদ্য়া সংততির্মতিঃ । সংধ্য়া রাত্রিঃ প্রভা নিদ্রা জ্য়োত্স্না কাংতিঃ ক্ষমা দয়া ॥ 23 ॥
নৃণাং চ বংধনং মোহং পুত্রনাশং ধনক্ষযম্ । ব্য়াধিং মৃত্য়ুং ভয়ং চৈব পূজিতা নাশয়িষ্যসি ॥ 24 ॥
সোঽহং রাজ্য়াত্পরিভ্রষ্টঃ শরণং ত্বাং প্রপন্নবান্ । প্রণতশ্চ যথা মূর্ধ্না তব দেবি সুরেশ্বরি ॥ 25 ॥
ত্রাহি মাং পদ্মপত্রাক্ষি সত্য়ে সত্য়া ভবস্ব নঃ । শরণং ভব মে দুর্গে শরণ্য়ে ভক্তবত্সলে ॥ 26 ॥
এবং স্তুতা হি সা দেবী দর্শয়ামাস পাংডবম্ । উপগম্য় তু রাজানমিদং বচনমব্রবীত্ ॥ 27 ॥
শৃণু রাজন্ মহাবাহো মদীয়ং বচনং প্রভো । ভবিষ্যত্যচিরাদেব সংগ্রামে বিজযস্তব ॥ 28 ॥
মম প্রসাদান্নির্জিত্য় হত্বা কৌরব বাহিনীম্ । রাজ্য়ং নিষ্কংটকং কৃত্বা ভোক্ষ্যসে মেদিনীং পুনঃ ॥ 29 ॥
ভ্রাতৃভিঃ সহিতো রাজন্ প্রীতিং প্রাপ্স্যসি পুষ্কলাম্ । মত্প্রসাদাচ্চ তে সৌখ্য়ং আরোগ্য়ং চ ভবিষ্যতি ॥ 30 ॥
যে চ সংকীর্তয়িষ্য়ংতি লোকে বিগতকল্মষাঃ । তেষাং তুষ্টা প্রদাস্য়ামি রাজ্যমায়ুর্বপুস্সুতম্ ॥ 31 ॥
প্রবাসে নগরে চাপি সংগ্রামে শত্রুসংকটে । অটব্য়াং দুর্গকাংতারে সাগরে গহনে গিরৌ ॥ 32 ॥
যে স্মরিষ্য়ংতি মাং রাজন্ যথাহং ভবতা স্মৃতা । ন তেষাং দুর্লভং কিংচিদস্মিন্ লোকে ভবিষ্যতি ॥ 33 ॥
য ইদং পরমস্তোত্রং ভক্ত্য়া শৃণুয়াদ্বা পঠেত বা । তস্য় সর্বাণি কার্য়াণি সিধ্ধিং যাস্য়ংতি পাংডবাঃ ॥ 34 ॥
মত্প্রসাদাচ্চ বস্সর্বান্ বিরাটনগরে স্থিতান্ । ন প্রজ্ঞাস্য়ংতি কুরবঃ নরা বা তন্নিবাসিনঃ ॥ 35 ॥
ইত্য়ুক্ত্বা বরদা দেবী যুধিষ্ঠিরমরিংদমম্ । রক্ষাং কৃত্বা চ পাংডূনাং তত্রৈবাংতরধীযত ॥ 38 ॥
ஶ்ரீ து³ர்கா³ நக்ஷத்ர மாலிகா ஸ்துதி பற்றி
The Durga Nakshatra Malika Stuti is the hymn King Yudhishthira offered to Durga as the Pandavas entered King Virata's city to spend their year in disguise. He praises her as born of Yashoda, dear to Narayana, born in Nandagopa's family, the bringer of good fortune; pleased, the Devi appears, promises the Pandavas victory and protection, and vanishes.
மூலம்: Mahabharata, Virata Parva
எப்போது பாராயணம் செய்வது: During Navaratri, on Durga Ashtami, on Tuesdays and Fridays, and before a difficult undertaking.
உங்களுக்குத் தெரியுமா?
- It comes from the Virata Parva of the Mahabharata, at the start of the Pandavas' thirteenth year in exile.
- "Nakshatra malika" means a garland of stars: the hymn has about as many verses as there are nakshatras.
- It names the Devi as Yogamaya, born to Yashoda on the night Krishna was born to Devaki.
அடிக்கடி கேட்கப்படும் கேள்விகள்
Who sang this hymn?
Yudhishthira, the eldest Pandava, on entering Virata's city.
Where is it found?
The Virata Parva of the Mahabharata.
What did the Devi promise?
Victory and protection for the Pandavas.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்