ஶ்ரீ ஹரி வாயு ஸ்துதி
Vishnu · பாரம்பரிய பக்தி நூல்
অথ নখস্তুতিঃ পাংত্বস্মান্ পুরুহূতবৈরিবলবন্মাতংগমাদ্যদ্ঘটা- -কুংভোচ্চাদ্রিবিপাটনাধিকপটু প্রত্য়েক বজ্রায়িতাঃ । শ্রীমত্কংঠীরবাস্যপ্রততসুনখরা দারিতারাতিদূর- -প্রধ্বস্তধ্বাংতশাংতপ্রবিততমনসা ভাবিতা ভূরিভাগৈঃ ॥ 1 ॥
লক্ষ্মীকাংত সমংততোঽপি কলযন্ নৈবেশিতুস্তে সমং পশ্য়াম্য়ুত্তমবস্তু দূরতরতোপাস্তং রসো যোঽষ্টমঃ । যদ্রোষোত্কর দক্ষ নেত্র কুটিল প্রাংতোত্থিতাগ্নি স্ফুরত্ খদ্য়োতোপম বিস্ফুলিংগভসিতা ব্রহ্মেশশক্রোত্করাঃ ॥ 2 ॥
অথ বায়ুস্তুতিঃ শ্রীমদ্বিষ্ণ্বংঘ্রিনিষ্ঠাতিগুণগুরুতমশ্রীমদানংদতীর্থ- -ত্রৈলোক্য়াচার্যপাদোজ্জ্বলজলজলসত্পাংসবোঽস্মান্ পুনংতু । বাচাং যত্র প্রণেত্রী ত্রিভুবনমহিতা শারদা শারদেংদু- -জ্য়োত্স্নাভদ্রস্মিতশ্রীধবলিতককুভা প্রেমভারং বভার ॥ 1 ॥
উত্কংঠাকুংঠকোলাহলজববিজিতাজস্রসেবানুবৃদ্ধ- -প্রাজ্ঞাত্মজ্ঞানধূতাংধতমসসুমনোমৌলিরত্নাবলীনাম্ । ভক্ত্য়ুদ্রেকাবগাঢপ্রঘটনসধটাত্কারসংঘৃষ্যমাণ- প্রাংতপ্রাগ্র্য়াংঘ্রিপীঠোত্থিতকনকরজঃপিংজরারংজিতাশাঃ ॥ 2 ॥
জন্মাধিব্য়াধ্য়ুপাধিপ্রতিহতিবিরহপ্রাপকাণাং গুণানাং অগ্র্য়াণামর্পকাণাং চিরমুদিতচিদানংদসংদোহদানাম্ । এতেষামেষ দোষপ্রমুষিতমনসাং দ্বেষিণাং দূষকাণাং দৈত্য়ানামার্তিমংধে তমসি বিদধতাং সংস্তবে নাস্মি শক্তঃ ॥ 3 ॥
অস্য়াবিষ্কর্তুকামং কলিমলকলুষেঽস্মিন্ জনে জ্ঞানমার্গং বংদ্য়ং চংদ্রেংদ্ররুদ্রদ্য়ুমণিফণিবয়োনাযকাদ্য়ৈরিহাদ্য় । মধ্বাখ্য়ং মংত্রসিদ্ধং কিমুত কৃতবতো মারুতস্য়াবতারং পাতারং পারমেষ্ট্য়ং পদমপবিপদঃ প্রাপ্তুরাপন্নপুংসাম্ ॥ 4 ॥
উদ্যদ্বিদ্য়ুত্প্রচংডাং নিজরুচিনিকরব্য়াপ্তলোকাবকাশো বিভ্রদ্ভীমো ভুজে যোঽভ্য়ুদিতদিনকরাভাংগদাঢ্য় প্রকাংডে । বীর্য়োদ্ধার্য়াং গদাগ্র্য়ামযমিহ সুমতিং বায়ুদেবো বিদধ্য়াত্ অধ্য়াত্মজ্ঞাননেতা যতিবরমহিতো ভূমিভূষামণির্মে ॥ 5 ॥
সংসারোত্তাপনিত্য়োপশমদসদযস্নেহহাসাংবুপূর- -প্রোদ্যদ্বিদ্য়ানবদ্যদ্য়ুতিমণিকিরণশ্রেণিসংপূরিতাশঃ । শ্রীবত্সাংকাধিবাসোচিততরসরলশ্রীমদানংদতীর্থ- -ক্ষীরাংভোধির্বিভিংদ্য়াদ্ভবদনভিমতং ভূরি মে ভূতিহেতুঃ ॥ 6 ॥
মূর্ধন্য়েষোঽংজলির্মে দৃঢতরমিহ তে বধ্যতে বংধপাশ- -চ্ছেত্রে দাত্রে সুখানাং ভজতি ভুবি ভবিষ্যদ্বিধাত্রে দ্য়ুভর্ত্রে । অত্য়ংতং সংততং ত্বং প্রদিশ পদয়ুগে হংত সংতাপভাজা- -মস্মাকং ভক্তিমেকাং ভগবত উত তে মাধবস্য়াথ বায়োঃ ॥ 7 ॥
সাভ্রোষ্ণাভীশুশুভ্রপ্রভমভয় নভো ভূরিভূভৃদ্বিভূতি- -ভ্রাজিষ্ণুর্ভূরৃভূণাং ভবনমপি বিভোঽভেদি বভ্রে বভূবে । যেন ভ্রূবিভ্রমস্তে ভ্রমযতু সুভৃশং বভ্রুবদ্দুর্ভৃতাশান্ ভ্রাংতির্ভেদাবভাসস্ত্বিতি ভযমভিভূর্ভোক্ষ্যতো মায়িভিক্ষূন্ ॥ 8 ॥
যেঽমুং ভাবং ভজংতে সুরমুখসুজনারাধিতং তে তৃতীয়ং ভাসংতে ভাসুরৈস্তে সহচরচলিতৈশ্চামরৈশ্চারুবেষাঃ । বৈকুংঠে কংঠলগ্নস্থিরশুচিবিলসত্কাংতিতারুণ্যলীলা- লাবণ্য়াপূর্ণকাংতাকুচভরসুলভাশ্লেষসম্মোদসাংদ্রাঃ ॥ 9 ॥
আনংদান্মংদমংদা দদতি হি মরুতঃ কুংদমংদারনংদ্য়া- -বর্তামোদান্ দধানা মৃদুপদমুদিতোদ্গীতকৈঃ সুংদরীণাম্ । বৃংদৈরাবংদ্যমুক্তেংদ্বহিমগুমদনাহীংদ্রদেবেংদ্রসেব্য়ে মৌকুংদে মংদিরেঽস্মিন্নবিরতমুদযন্মোদিনাং দেবদেব ॥ 10 ॥
উত্তপ্তাঽত্য়ুত্কটত্বিট্ প্রকটকটকটধ্বানসংঘট্টনোদ্য়- -দ্বিদ্য়ুদ্ব্য়ূঢস্ফুলিংগপ্রকরবিকিরণোত্ক্বাথিতে বাধিতাংগান্ । উদ্গাঢং পাত্যমানা তমসি তত ইতঃ কিংকরৈঃ পংকিলে তে পংক্তির্গ্রাব্ণাং গরিম্ণা গ্লপযতি হি ভবদ্বেষিণো বিদ্বদাদ্য় ॥ 11 ॥
অস্মিন্নস্মদ্গুরূণাং হরিচরণচিরধ্য়ানসন্মংগলানাং যুষ্মাকং পার্শ্বভূমিং ধৃতরণরণিকস্বর্গিসেব্য়াং প্রপন্নঃ । যস্তূদাস্তে স আস্তেঽধিভবমসুলভক্লেশনির্মূকমস্ত- -প্রায়ানংদং কথংচিন্ন বসতি সততং পংচকষ্টেঽতিকষ্টে ॥ 12 ॥
ক্ষুত্ ক্ষামান্ রূক্ষরক্ষোরদখরনখরক্ষুণ্ণবিক্ষোভিতাক্ষা- -নামগ্নানাংধকূপে ক্ষুরমুখমুখরৈঃ পক্ষিভির্বিক্ষতাংগান্ । পূয়াসৃঙ্মূত্রবিষ্ঠাকৃমিকুলকলিলে তত্ক্ষণক্ষিপ্তশক্ত্য়া- -দ্যস্ত্রব্রাতার্দিতাংস্ত্বদ্দ্বিষ উপজিহতে বজ্রকল্পা জলূকাঃ ॥ 13 ॥
মাতর্মে মাতরিশ্বন্ পিতরতুলগুরো ভ্রাতরিষ্টাপ্তবংধো স্বামিন্ সর্বাংতরাত্মন্নজর জরয়িতর্জন্মমৃত্য়াময়ানাম্ । গোবিংদে দেহি ভক্তিং ভবতি চ ভগবন্নূর্জিতাং নির্নিমিত্তাং নির্ব্য়াজাং নিশ্চলাং সদ্গুণগণবৃহতীং শাশ্বতীমাশু দেব ॥ 14 ॥
বিষ্ণোরত্ত্য়ুত্তমত্বাদখিলগুণগণৈস্তত্র ভক্তিং গরিষ্ঠাং আশ্লিষ্টে শ্রীধরাভ্য়ামমুমথ পরিবারাত্মনা সেবকেষু । যঃ সংধত্তে বিরিংচশ্বসনবিহগপানংতরুদ্রেংদ্রপূর্বে- -ষ্বাধ্য়ায়ংস্তারতম্য়ং স্ফুটমবতি সদা বায়ুরস্মদ্গুরুস্তম্ ॥ 15 ॥
তত্ত্বজ্ঞান্ মুক্তিভাজঃ সুখয়িসি হি গুরো যোগ্যতাতারতম্য়া- -দাধত্সে মিশ্রবুদ্ধিংস্ত্রিদিবনিরযভূগোচরান্ নিত্যবদ্ধান্ । তামিস্রাংধাদিকাখ্য়ে তমসি সুবহুলং দুঃখযস্যন্যথাজ্ঞান্ বিষ্ণোরাজ্ঞাভিরিত্থং শৃতিশতমিতিহাসাদি চাকর্ণয়ামঃ ॥ 16 ॥
বংদেঽহং তং হনূমানিতি মহিতমহাপৌরুষো বাহুশালী খ্য়াতস্তেঽগ্র্য়োঽবতারঃ সহিত ইহ বহুব্রহ্মচর্য়াদিধর্মৈঃ । সস্নেহানাং সহস্বানহরহরহিতং নির্দহন্ দেহভাজাং অংহোমোহাপহো যঃ স্পৃহযতি মহতীং ভক্তিমদ্য়াপি রামে ॥ 17 ॥
প্রাক্পংচাশত্সহস্রৈর্ব্যবহিতমহিতং যোজনৈঃ পর্বতং ত্বং যাবত্সংজীবনাদ্য়ৌষধনিধিমধিকপ্রাণ লংকামনৈষিঃ । অদ্রাক্ষীদুত্পতংতং তত উত গিরিমুত্পাটয়ংতং গৃহীত্বা যাংতং খে রাঘবাংঘ্রৌ প্রণতমপি তদৈকক্ষণে ত্বাং হি লোকঃ ॥ 18 ॥
ক্ষিপ্তঃ পশ্চাত্সত্সলীলং শতমতুলমতে যোজনানাং স উচ্চ- -স্তাবদ্বিস্তারবংশ্চাপ্য়ুপললব ইব ব্যগ্রবুদ্ধ্য়া ত্বয়াঽতঃ । স্বস্বস্থানস্থিতাতিস্থিরশকলশিলাজালসংশ্লেষনষ্ট- -ছ্ছেদাংকঃ প্রাগিবাভূত্ কপিবরবপুষস্তে নমঃ কৌশলায় ॥ 19 ॥
দৃষ্ট্বা দুষ্টাধিপোরঃ স্ফুটিতকনকসদ্বর্ম ঘৃষ্টাস্থিকূটং নিষ্পিষ্টং হাটকাদ্রিপ্রকটতটতটাকাতিশংকো জনোঽভূত্ । যেনাঽজৌ রাবণারিপ্রিযনটনপটুর্মুষ্টিরিষ্টং প্রদেষ্টুং কিং নেষ্টে মে স তেঽষ্টাপদকটকতটিত্কোটিভামৃষ্টকাষ্ঠঃ ॥ 20 ॥
দেব্য়াদেশপ্রণীতিদৃহিণহরবরাবধ্যরক্ষোবিঘাতা- -দ্য়াসেবোদ্যদ্দয়ার্দ্রঃ সহভুজমকরোদ্রামনামা মুকুংদঃ । দুষ্প্রাপে পারমেষ্ঠ্য়ে করতলমতুলং মূর্ধিবিন্যস্য় ধন্য়ং তন্বন্ভূয়ঃ প্রভূতপ্রণযবিকসিতাব্জেক্ষণস্ত্বেক্ষমাণঃ ॥ 21 ॥
জঘ্নে নিঘ্নেন বিঘ্নো বহুলবলবকধ্বংসনাদ্য়েন শোচ- -দ্বিপ্রানুক্রোশপাশৈরসুবিধৃতিসুখস্য়ৈকচক্রাজনানাম্ । তস্মৈ তে দেব কুর্মঃ কুরুকুলপতয়ে কর্মণা চ প্রণামান্ কির্মীরং দুর্মতীনাং প্রথমমথ চ যো নর্মণা নির্মমাথ ॥ 22 ॥
নির্মৃদ্নন্নত্যযত্নং বিজরবর জরাসংধকায়াস্থিসংধীন্ যুদ্ধে ত্বং স্বধ্বরে বা পশুমিব দমযন্ বিষ্ণুপক্ষদ্বিডীশম্ । যাবত্প্রত্যক্ষভূতং নিখিলমখভুজং তর্পয়ামাসিথাসৌ তাবত্য়াঽয়োজি তৃপ্ত্য়া কিমু বদ ভগবন্ রাজসূয়াশ্বমেধে ॥ 23 ॥
ক্ষ্বেলাক্ষীণাট্টহাসং তব রণমরিহন্নুদ্গদোদ্দামবাহোঃ বহ্বক্ষৌহিণ্যনীকক্ষপণসুনিপুণং যস্য় সর্বোত্তমস্য় । শুশ্রূষার্থং চকর্থ স্বযমযমথ সংবক্তুমানংদতীর্থ- -শ্রীমন্নামন্সমর্থস্ত্বমপি হি যুবয়োঃ পাদপদ্মং প্রপদ্য়ে ॥ 24 ॥
দৃহ্য়ংতীং হৃদৃহং মাং দৃতমনিল বলাদ্দ্রাবয়ংতীমবিদ্য়া- -নিদ্রাং বিদ্রাব্য় সদ্য়োরচনপটুমথাঽপাদ্য় বিদ্য়াসমুদ্র । বাগ্দেবী সা সুবিদ্য়াদ্রবিণদ বিদিতা দ্রৌপদী রুদ্রপত্ন্য়া- -দুদ্রিক্তা দ্রাগভদ্রাদ্রহযতু দয়িতা পূর্বভীমাঽজ্ঞয়া তে ॥ 25 ॥
যাভ্য়াং শুশ্রূষুরাসীঃ কুরুকুলজননে ক্ষত্রবিপ্রোদিতাভ্য়াং ব্রহ্মভ্য়াং বৃংহিতাভ্য়াং চিতসুখবপুষা কৃষ্ণনামাস্পদাভ্য়াম্ । নির্ভেদাভ্য়াং বিশেষাদ্বিবচনবিষয়াভ্য়ামমূভ্য়ামুভাভ্য়াং তুভ্য়ং চ ক্ষেমদেভ্য়ঃ সরিসিজবিলসল্লোচনেভ্য়ো নমোঽস্তু ॥ 26 ॥
গচ্ছন্ সৌগংধিকার্থং পথি স হনুমতঃ পুচ্ছমচ্ছস্য় ভীমঃ প্রোদ্ধর্তুং নাশকত্স ত্বমুমুরুবপুষা ভীষয়ামাস চেতি । পূর্ণজ্ঞানৌজসোস্তে গুরুতম বপুষোঃ শ্রীমদানংদতীর্থ ক্রীডামাত্রং তদেতত্ প্রমদদ সুধিয়াং মোহক দ্বেষভাজাম্ ॥ 27 ॥
বহ্বীঃ কোটীরটীকঃ কুটলকটুমতীনুত্কটাটোপকোপান্ দ্রাক্চ ত্বং সত্বরত্বাচ্চরণদ গদয়া পোথয়ামাসিথারীন্ । উন্মথ্য়াতথ্যমিথ্য়াত্ববচনবচনানুত্পথস্থাংস্তথাঽন্য়ান্ প্রাযচ্ছঃ স্বপ্রিয়ায়ৈ প্রিযতমকুসুমং প্রাণ তস্মৈ নমস্তে ॥ 28 ॥
দেহাদুত্ক্রামিতানামধিপতিরসতামক্রমাদ্বক্রবুদ্ধিঃ ক্রুদ্ধঃ ক্রোধৈকবশ্য়ঃ ক্রিমিরিব মণিমান্ দুষ্কৃতী নিষ্ক্রিয়ার্থম্ । চক্রে ভূচক্রমেত্য় ক্রকচমিব সতাং চেতসঃ কষ্টশাস্ত্রং দুস্তর্কং চক্রপাণের্গুণগণবিরহং জীবতাং চাধিকৃত্য় ॥ 29 ॥
তদ্দুষ্প্রেক্ষানুসারাত্কতিপযকুনরৈরাদৃতোঽন্য়ৈর্বিসৃষ্টো ব্রহ্মাঽহং নির্গুণোঽহং বিতথমিদমিতি হ্য়েষ পাষংডবাদঃ । তদ্য়ুক্ত্য়াভাসজালপ্রসরবিষতরূদ্দাহদক্ষপ্রমাণ- -জ্বালামালাধরাগ্নিঃ পবন বিজযতে তেঽবতারস্তৃতীয়ঃ ॥ 30 ॥
আক্রোশংতো নিরাশা ভযভরবিবশস্বাশয়াশ্ছিন্নদর্পা বাশংতো দেশনাশস্বিতি বত কুধিয়াং নাশমাশাদশাঽশু । ধাবংতোঽশ্লীলশীলা বিতথশপথশাপাশিবাঃ শাংতশৌর্য়া- -স্ত্বদ্ব্য়াখ্য়াসিংহনাদে সপদি দদৃশিরে মায়িগোমাযবস্তে ॥ 31 ॥
ত্রিষ্বপ্য়েবাবতারেষ্বরিভিরপঘৃণং হিংসিতো নির্বিকারঃ সর্বজ্ঞঃ সর্বশক্তিঃ সকলগুণগণাপূর্ণরূপপ্রগল্ভঃ । স্বচ্ছঃ স্বচ্ছংদমৃত্য়ুঃ সুখযসি সুজনং দেব কিং চিত্রমত্র ত্রাতা যস্য় ত্রিধামা জগদুত বশগং কিংকরাঃ শংকরাদ্য়াঃ ॥ 32 ॥
উদ্যন্মংদস্মিতশ্রীমৃদু মধুমধুরালাপপীয়ূষধারা- -পূরাসেকোপশাংতাসুখসুজনমনোলোচনাপীযমানম্ । সংদ্রক্ষ্য়ে সুংদরং সংদুহদিহ মহদানংদমানংদতীর্থ শ্রীমদ্বক্ত্রেংদুবিংবং দুরতনুদুদিতং নিত্যদাঽহং কদা নু ॥ 33 ॥
প্রাচীনাচীর্ণপুণ্য়োচ্চযচতুরতরাচারতশ্চারুচিত্তা- -নত্য়ুচ্চাং রোচয়ংতীং শ্রুতিচিতবচনাং শ্রাবকাংশ্চোদ্যচুংচূন্ । ব্য়াখ্য়ামুত্খাতদুঃখাং চিরমুচিতমহাচার্য় চিংতারতাংস্তে চিত্রাং সচ্ছাস্ত্রকর্তাশ্চরণপরিচরাংছ্রাবয়াস্মাংশ্চ কিংচিত্ ॥ 34 ॥
পীঠে রত্নোকপক্লৃপ্তে রুচিররুচিমণিজ্য়োতিষা সন্নিষণ্ণং ব্রহ্মাণং ভাবিনং ত্বাং জ্বলতি নিজপদে বৈদিকাদ্য়া হি বিদ্য়াঃ । সেবংতে মূর্তিমত্য়ঃ সুচরিত চরিতং ভাতি গংধর্ব গীতং প্রত্য়েকং দেবসংসত্স্বপি তব ভগবন্নর্তিতদ্য়োবধূষু ॥ 35 ॥
সানুক্রোশৈরজস্রং জনিমৃতিনিরয়াদ্য়ূর্মিমালাবিলেঽস্মিন্ সংসারাব্ধৌ নিমগ্নান্ শরণমশরণানিচ্ছতো বীক্ষ্য় জংতূন্ । যুষ্মাভিঃ প্রার্থিতঃ সন্ জলনিধিশযনঃ সত্যবত্য়াং মহর্ষে- -র্ব্যক্তশ্চিন্মাত্রমূর্তির্ন খলু ভগবতঃ প্রাকৃতো জাতু দেহঃ ॥ 36 ॥
অস্তব্যস্তং সমস্তশ্রুতিগতমধমৈ রত্নপূগং যথাঽংধৈ- -রর্থং লোকোপকৃত্য়ৈ গুণগণনিলয়ঃ সূত্রয়ামাস কৃত্স্নম্ । যোঽসৌ ব্য়াসাভিধানস্তমহমহরহর্ভক্তিতস্ত্বত্প্রসাদাত্ সদ্য়ো বিদ্য়োপলব্ধ্য়ৈ গুরুতমমগুরুং দেবদেবং নমামি ॥ 37 ॥
আজ্ঞামন্য়ৈরধার্য়াং শিরসি পরিসরদ্রশ্মিকোটীরকোটৌ কৃষ্ণস্য়াক্লিষ্টকর্মা দধদনুসরাণাদর্থিতো দেবসংঘৈঃ । ভূমাবাগত্য় ভূমন্নসুকরমকরোর্ব্রহ্মসূত্রস্য় ভাষ্য়ং দুর্ভাষ্য়ং ব্যস্য় দস্য়োর্মণিমত উদিতং বেদসদ্য়ুক্তিভিস্ত্বম্ ॥ 38 ॥
ভূত্বা ক্ষেত্রে বিশুদ্ধে দ্বিজগণনিলয়ে রৌপ্যপীঠাভিধানে তত্রাপি ব্রহ্মজাতিস্ত্রিভুবনবিশদে মধ্যগেহাখ্যগেহে । পারিব্রাজ্য়াধিরাজঃ পুনরপি বদরীং প্রাপ্য় কৃষ্ণং চ নত্বা কৃত্বা ভাষ্য়াণি সম্যগ্ ব্যতনুত চ ভবান্ ভারতার্থপ্রকাশম্ ॥ 39 ॥
বংদে তং ত্বাং সুপূর্ণপ্রমতিমনুদিনাসেবিতং দেববৃংদৈঃ বংদে বংদারুমীশে শ্রিয় উত নিযতং শ্রীমদানংদতীর্থম্ । বংদে মংদাকিনীসত্সরিদমলজলাসেকসাধিক্যসংগং বংদেঽহং দেব ভক্ত্য়া ভবভযদহনং সজ্জনান্মোদয়ংতম্ ॥ 40 ॥
সুব্রহ্মণ্য়াখ্যসূরেঃ সুত ইতি সুভৃশং কেশবানংদতীর্থ- শ্রীমত্পাদাব্জভক্তঃ স্তুতিমকৃত হরের্বায়ুদেবস্য় চাস্য় । তত্পাদার্চাদরেণ গ্রথিতপদলসন্মালয়া ত্বেতয়া যে সংরাধ্য়ামূ নমংতি প্রততমতিগুণা মুক্তিমেতে ব্রজংতি ॥ 41 ॥
অথ শ্রীনখস্তুতিঃ পাংত্বস্মান্ পুরুহূতবৈরিবলবন্মাতংগমাদ্যদ্ঘটা কুংভোচ্চাদ্রিবিপাটনাধিকপটুপ্রত্য়েকবজ্রায়িতাঃ । শ্রীমত্কংঠীরবাস্য় প্রতত সুনখরা দারিতারাতিদূর- প্রধ্বস্তধ্বাংতশাংতপ্রবিততমনসা ভাবিতা নাকিবৃংদৈঃ ॥ 1 ॥
লক্ষ্মীকাংত সমংততোঽবিকলযন্ নৈবেশিতুস্তে সমং পশ্য়াম্য়ুত্তমবস্তু দূরতরতোঽপাস্তং রসো যোঽষ্টমঃ । যদ্রোষোত্করদক্ষনেত্রকুটিলপ্রাংতোত্থিতাগ্নিস্ফুরত্ খদ্য়োতোপমবিস্ফুলিংগভসিতা ব্রহ্মেশশক্রোত্করাঃ ॥ 2 ॥
ইতি শ্রীত্রিবিক্রমপংডিতাচার্য় বিরচিতা বায়ুস্তুতিঃ সমাপ্তা ॥
ஶ்ரீ ஹரி வாயு ஸ்துதி பற்றி
The Hari Vayu Stuti is the most important hymn of the Madhva tradition, composed by Trivikrama Panditacharya. It begins with the Nakha Stuti, praise of the nails of Lord Narasimha, which tore apart the demon Hiranyakashipu like a thunderbolt splitting the temples of a mighty elephant. The main hymn then praises Vayu, the wind god, in his three avatars as Hanuman, Bhima and Madhvacharya, always devoted to Hari, and the glory of Hari himself.
இயற்றியவர்: Trivikrama Panditacharya, as its colophon states
எப்போது பாராயணம் செய்வது: Daily in Madhva homes and mathas, at Udupi, and on Madhva Navami.
உங்களுக்குத் தெரியுமா?
- Its colophon names Trivikrama Panditacharya, who became a disciple of Madhvacharya after debating with him.
- The opening Nakha Stuti is traditionally credited to Madhvacharya himself.
- It is recited daily in many Madhva families and mathas, and is often taught to children early.
அடிக்கடி கேட்கப்படும் கேள்விகள்
Who wrote the Hari Vayu Stuti?
Trivikrama Panditacharya, as its colophon states.
What are Vayu's three avatars in it?
Hanuman, Bhima and Madhvacharya.
What is the Nakha Stuti?
The opening praise of Lord Narasimha's nails.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்