MuhurtaNow

ஶ்ரீ காமாக்ஷீ ஸ்தோத்ரம்

Devi · பாரம்பரிய பக்தி நூல்

ಕಲ್ಪಾನೋಕಹಪುಷ್ಪಜಾಲವಿಲಸನ್ನೀಲಾಲಕಾಂ ಮಾತೃಕಾಂ ಕಾಂತಾಂ ಕಂಜದಳೇಕ್ಷಣಾಂ ಕಲಿಮಲಪ್ರಧ್ವಂಸಿನೀಂ ಕಾಳಿಕಾಮ್ । ಕಾಂಚೀನೂಪುರಹಾರದಾಮಸುಭಗಾಂ ಕಾಂಚೀಪುರೀನಾಯಿಕಾಂ ಕಾಮಾಕ್ಷೀಂ ಕರಿಕುಂಭಸನ್ನಿಭಕುಚಾಂ ವಂದೇ ಮಹೇಶಪ್ರಿಯಾಮ್ ॥ 1 ॥

ಕಾಶಾಭಾಂ ಶುಕಭಾಸುರಾಂ ಪ್ರವಿಲಸತ್ಕೋಶಾತಕೀ ಸನ್ನಿಭಾಂ ಚಂದ್ರಾರ್ಕಾನಲಲೋಚನಾಂ ಸುರುಚಿರಾಲಂಕಾರಭೂಷೋಜ್ಜ್ವಲಾಮ್ । ಬ್ರಹ್ಮಶ್ರೀಪತಿವಾಸವಾದಿಮುನಿಭಿಃ ಸಂಸೇವಿತಾಂಘ್ರಿದ್ವಯಾಂ ಕಾಮಾಕ್ಷೀಂ ಗಜರಾಜಮಂದಗಮನಾಂ ವಂದೇ ಮಹೇಶಪ್ರಿಯಾಮ್ ॥ 2 ॥

ಐಂ ಕ್ಲೀಂ ಸೌರಿತಿ ಯಾಂ ವದಂತಿ ಮುನಯಸ್ತತ್ತ್ವಾರ್ಥರೂಪಾಂ ಪರಾಂ ವಾಚಾಮಾದಿಮಕಾರಣಂ ಹೃದಿ ಸದಾ ಧ್ಯಾಯಂತಿ ಯಾಂ ಯೋಗಿನಃ । ಬಾಲಾಂ ಫಾಲವಿಲೋಚನಾಂ ನವಜಪಾವರ್ಣಾಂ ಸುಷುಮ್ನಾಶ್ರಿತಾಂ ಕಾಮಾಕ್ಷೀಂ ಕಲಿತಾವತಂಸಸುಭಗಾಂ ವಂದೇ ಮಹೇಶಪ್ರಿಯಾಮ್ ॥ 3 ॥

ಯತ್ಪಾದಾಂಬುಜರೇಣುಲೇಶಮನಿಶಂ ಲಬ್ಧ್ವಾ ವಿಧತ್ತೇ ವಿಧಿ- -ರ್ವಿಶ್ವಂ ತತ್ಪರಿಪಾತಿ ವಿಷ್ಣುರಖಿಲಂ ಯಸ್ಯಾಃ ಪ್ರಸಾದಾಚ್ಚಿರಮ್ । ರುದ್ರಃ ಸಂಹರತಿ ಕ್ಷಣಾತ್ತದಖಿಲಂ ಯನ್ಮಾಯಯಾ ಮೋಹಿತಃ ಕಾಮಾಕ್ಷೀಮತಿಚಿತ್ರಚಾರುಚರಿತಾಂ ವಂದೇ ಮಹೇಶಪ್ರಿಯಾಮ್ ॥ 4 ॥

ಸೂಕ್ಷ್ಮಾತ್ಸೂಕ್ಷ್ಮತರಾಂ ಸುಲಕ್ಷಿತತನುಂ ಕ್ಷಾಂತಾಕ್ಷರೈರ್ಲಕ್ಷಿತಾಂ ವೀಕ್ಷಾಶಿಕ್ಷಿತರಾಕ್ಷಸಾಂ ತ್ರಿಭುವನಕ್ಷೇಮಂಕರೀಮಕ್ಷಯಾಮ್ । ಸಾಕ್ಷಾಲ್ಲಕ್ಷಣಲಕ್ಷಿತಾಕ್ಷರಮಯೀಂ ದಾಕ್ಷಾಯಣೀಂ ಸಾಕ್ಷಿಣೀಂ ಕಾಮಾಕ್ಷೀಂ ಶುಭಲಕ್ಷಣೈಃ ಸುಲಲಿತಾಂ ವಂದೇ ಮಹೇಶಪ್ರಿಯಾಮ್ ॥ 5 ॥

ಓಂಕಾರಾಂಗಣದೀಪಿಕಾಮುಪನಿಷತ್ಪ್ರಾಸಾದಪಾರಾವತೀಂ ಆಮ್ನಾಯಾಂಬುಧಿಚಂದ್ರಿಕಾಮಘತಮಃಪ್ರಧ್ವಂಸಹಂಸಪ್ರಭಾಮ್ । ಕಾಂಚೀಪಟ್ಟಣಪಂಜರಾಂತರಶುಕೀಂ ಕಾರುಣ್ಯಕಲ್ಲೋಲಿನೀಂ ಕಾಮಾಕ್ಷೀಂ ಶಿವಕಾಮರಾಜಮಹಿಷೀಂ ವಂದೇ ಮಹೇಶಪ್ರಿಯಾಮ್ ॥ 6 ॥

ಹ್ರೀಂಕಾರಾತ್ಮಕವರ್ಣಮಾತ್ರಪಠನಾದೈಂದ್ರೀಂ ಶ್ರಿಯಂ ತನ್ವತೀಂ ಚಿನ್ಮಾತ್ರಾಂ ಭುವನೇಶ್ವರೀಮನುದಿನಂ ಭಿಕ್ಷಾಪ್ರದಾನಕ್ಷಮಾಮ್ । ವಿಶ್ವಾಘೌಘನಿವಾರಿಣೀಂ ವಿಮಲಿನೀಂ ವಿಶ್ವಂಭರಾಂ ಮಾತೃಕಾಂ ಕಾಮಾಕ್ಷೀಂ ಪರಿಪೂರ್ಣಚಂದ್ರವದನಾಂ ವಂದೇ ಮಹೇಶಪ್ರಿಯಾಮ್ ॥ 7 ॥

ವಾಗ್ದೇವೀತಿ ಚ ಯಾಂ ವದಂತಿ ಮುನಯಃ ಕ್ಷೀರಾಬ್ಧಿಕನ್ಯೇತಿ ಚ ಕ್ಷೋಣೀಭೃತ್ತನಯೇತಿ ಚ ಶ್ರುತಿಗಿರೋ ಯಾಂ ಆಮನಂತಿ ಸ್ಫುಟಮ್ । ಏಕಾನೇಕಫಲಪ್ರದಾಂ ಬಹುವಿಧಾಽಽಕಾರಾಸ್ತನೂಸ್ತನ್ವತೀಂ ಕಾಮಾಕ್ಷೀಂ ಸಕಲಾರ್ತಿಭಂಜನಪರಾಂ ವಂದೇ ಮಹೇಶಪ್ರಿಯಾಮ್ ॥ 8 ॥

ಮಾಯಾಮಾದಿಮಕಾರಣಂ ತ್ರಿಜಗತಾಮಾರಾಧಿತಾಂಘ್ರಿದ್ವಯಾಂ ಆನಂದಾಮೃತವಾರಿರಾಶಿನಿಲಯಾಂ ವಿದ್ಯಾಂ ವಿಪಶ್ಚಿದ್ಧಿಯಾಮ್ । ಮಾಯಾಮಾನುಷರೂಪಿಣೀಂ ಮಣಿಲಸನ್ಮಧ್ಯಾಂ ಮಹಾಮಾತೃಕಾಂ ಕಾಮಾಕ್ಷೀಂ ಕರಿರಾಜಮಂದಗಮನಾಂ ವಂದೇ ಮಹೇಶಪ್ರಿಯಾಮ್ ॥ 9 ॥

ಕಾಂತಾ ಕಾಮದುಘಾ ಕರೀಂದ್ರಗಮನಾ ಕಾಮಾರಿವಾಮಾಂಕಗಾ ಕಲ್ಯಾಣೀ ಕಲಿತಾವತಾರಸುಭಗಾ ಕಸ್ತೂರಿಕಾಚರ್ಚಿತಾ ಕಂಪಾತೀರರಸಾಲಮೂಲನಿಲಯಾ ಕಾರುಣ್ಯಕಲ್ಲೋಲಿನೀ ಕಲ್ಯಾಣಾನಿ ಕರೋತು ಮೇ ಭಗವತೀ ಕಾಂಚೀಪುರೀದೇವತಾ ॥ 10 ॥

ಇತಿ ಶ್ರೀ ಕಾಮಾಕ್ಷೀ ಸ್ತೋತ್ರಮ್ ।

ஶ்ரீ காமாக்ஷீ ஸ்தோத்ரம் பற்றி

The Sri Kamakshi Stotram praises Goddess Kamakshi of Kanchipuram, the mother whose dark curls are adorned with wish-granting flowers and who destroys the impurities of the age of Kali. Its rich, flowing verses describe her beauty, compassion and power, and ask her to bless the devotee with all that is auspicious.

எப்போது பாராயணம் செய்வது: On Fridays, during Navaratri, and on the Kamakshi temple festivals of Kanchipuram.

உங்களுக்குத் தெரியுமா?

  • One verse places her "at the foot of the mango tree on the banks of the Kampa river", the sacred mango tree of Kanchipuram, where Parvati is said to have worshipped Shiva as a sand linga.
  • Kanchipuram's Kamakshi temple is one of the most important seats of the goddess in South India and is closely linked with the Kanchi Kamakoti Peetham.
  • "Kamakshi" is understood as "she whose eyes fulfil desires", or "she whose eyes are Saraswati (ka) and Lakshmi (ma)".

அடிக்கடி கேட்கப்படும் கேள்விகள்

Who is Kamakshi?

The form of the Divine Mother worshipped at Kanchipuram in Tamil Nadu, seen as Parvati and Lalita Tripurasundari.

What does Kamakshi mean?

Commonly, "she whose eyes grant wishes"; another reading is "she whose two eyes are Saraswati and Lakshmi".

When is this stotra recited?

On Fridays, during Navaratri and at Kamakshi temple festivals.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.