MuhurtaNow

ஶ்ரீ மஹா காலபை⁴ரவ கவசம்

Shiva · பாரம்பரிய பக்தி நூல்

ಶ್ರೀದೇವ್ಯುವಾಚ

ದೇವದೇವ ಮಹಾಬಾಹೋ ಭಕ್ತಾನಾಂ ಸುಖವರ್ಧನ । ಕೇನ ಸಿದ್ಧಿಂ ದದಾತ್ಯಾಶು ಕಾಲೀ ತ್ರೈಲೋಕ್ಯಮೋಹನ ॥ 1

ತನ್ಮೇ ವದ ದಯಾಽಽಧಾರ ಸಾಧಕಾಭೀಷ್ಟಸಿದ್ಧಯೇ । ಕೃಪಾಂ ಕುರು ಜಗನ್ನಾಥ ವದ ವೇದವಿದಾಂ ವರ ॥ 2॥

ಶ್ರೀಭೈರವ ಉವಾಚ

ಗೋಪನೀಯಂ ಪ್ರಯತ್ನೇನ ತತ್ತ್ವಾತ್ ತತ್ತ್ವಂ ಪರಾತ್ಪರಮ್ । ಏಷ ಸಿದ್ಧಿಕರಃ ಸಮ್ಯಕ್ ಕಿಮಥೋ ಕಥಯಾಮ್ಯಹಮ್ ॥ 3

ಮಹಾಕಾಲಮಹಂ ವಂದೇ ಸರ್ವಸಿದ್ಧಿಪ್ರದಾಯಕಮ್ । ದೇವದಾನವಗಂಧರ್ವಕಿನ್ನರಪರಿಸೇವಿತಮ್ ॥ 4॥

ಕವಚಂ ತತ್ತ್ವದೇವಸ್ಯ ಪಠನಾದ್ ಘೋರದರ್ಶನೇ । ಸತ್ಯಂ ಭವತಿ ಸಾನ್ನಿಧ್ಯಂ ಕವಚಸ್ತವನಾಂತರಾತ್ ॥ 5॥

ಸಿದ್ಧಿಂ ದದಾತಿ ಸಾ ತುಷ್ಟಾ ಕೃತ್ವಾ ಕವಚಮುತ್ತಮಮ್ । ಸಾಮ್ರಾಜ್ಯತ್ವಂ ಪ್ರಿಯಂ ದತ್ವಾ ಪುತ್ರವತ್ ಪರಿಪಾಲಯೇತ್ ॥ 6॥

ಕವಚಸ್ಯ ಋಷಿರ್ದೇವೀ ಕಾಲಿಕಾ ದಕ್ಷಿಣಾ ತಥಾ ವಿರಾಟ್ಛಂದಃ ಸುವಿಜ್ಞೇಯಂ ಮಹಾಕಾಲಸ್ತು ದೇವತಾ । ಕಾಲಿಕಾ ಸಾಧನೇ ಚೈವ ವಿನಿಯೋಗಃ ಪ್ರಕೀರ್ತ್ತಿತಃ ॥ 7॥

ಓಂ ಶ್ಮಶಾನಸ್ಥೋ ಮಹಾರುದ್ರೋ ಮಹಾಕಾಲೋ ದಿಗಂಬರಃ । ಕಪಾಲಕರ್ತೃಕಾ ವಾಮೇ ಶೂಲಂ ಖಟ್ವಾಂಗಂ ದಕ್ಷಿಣೇ ॥ 8॥

ಭುಜಂಗಭೂಷಿತೇ ದೇವಿ ಭಸ್ಮಾಸ್ಥಿಮಣಿಮಂಡಿತಃ । ಜ್ವಲತ್ಪಾವಕಮಧ್ಯಸ್ಥೋ ಭಸ್ಮಶಯ್ಯಾವ್ಯವಸ್ಥಿತಃ ॥ 9॥

ವಿಪರೀತರತಾಂ ತತ್ರ ಕಾಲಿಕಾಂ ಹೃದಯೋಪರಿ । ಪೇಯಂ ಖಾದ್ಯಂ ಚ ಚೋಷ್ಯಂ ಚ ತೌ ಕೃತ್ವಾ ತು ಪರಸ್ಪರಮ್ । ಏವಂ ಭಕ್ತ್ಯಾ ಯಜೇದ್ ದೇವಂ ಸರ್ವಸಿದ್ಧಿಃ ಪ್ರಜಾಯತೇ ॥ 10॥

ಪ್ರಣವಂ ಪೂರ್ವಮುಚ್ಚಾರ್ಯ ಮಹಾಕಾಲಾಯ ತತ್ಪದಮ್ । ನಮಃ ಪಾತು ಮಹಾಮಂತ್ರಃ ಸರ್ವಶಾಸ್ತ್ರಾರ್ಥಪಾರಗಃ ॥ 11॥

ಅಷ್ಟಕ್ಷರೋ ಮಹಾ ಮಂತ್ರಃ ಸರ್ವಾಶಾಪರಿಪೂರಕಃ । ಸರ್ವಪಾಪಕ್ಷಯಂ ಯಾತಿ ಗ್ರಹಣೇ ಭಕ್ತವತ್ಸಲೇ ॥ 12॥

ಕೂರ್ಚದ್ವಂದ್ವಂ ಮಹಾಕಾಲ ಪ್ರಸೀದೇತಿ ಪದದ್ವಯಮ್ । ಲಜ್ಜಾಯುಗ್ಮಂ ವಹ್ನಿಜಾಯಾ ಸ ತು ರಾಜೇಶ್ವರೋ ಮಹಾನ್ ॥ 13॥

ಮಂತ್ರಗ್ರಹಣಮಾತ್ರೇಣ ಭವೇತ ಸತ್ಯಂ ಮಹಾಕವಿಃ । ಗದ್ಯಪದ್ಯಮಯೀ ವಾಣೀ ಗಂಗಾನಿರ್ಝರಿತಾ ತಥಾ ॥ 14॥

ತಸ್ಯ ನಾಮ ತು ದೇವೇಶಿ ದೇವಾ ಗಾಯಂತಿ ಭಾವುಕಾಃ । ಶಕ್ತಿಬೀಜದ್ವಯಂ ದತ್ವಾ ಕೂರ್ಚಂ ಸ್ಯಾತ್ ತದನಂತರಮ್ ॥ 15॥

ಮಹಾಕಾಲಪದಂ ದತ್ವಾ ಮಾಯಾಬೀಜಯುಗಂ ತಥಾ । ಕೂರ್ಚಮೇಕಂ ಸಮುದ್ಧೃತ್ಯ ಮಹಾಮಂತ್ರೋ ದಶಾಕ್ಷರಃ ॥ 16॥

ರಾಜಸ್ಥಾನೇ ದುರ್ಗಮೇ ಚ ಪಾತು ಮಾಂ ಸರ್ವತೋ ಮುದಾ । ವೇದಾದಿಬೀಜಮಾದಾಯ ಭಗಮಾನ್ ತದನಂತರಮ್ ॥ 17॥

ಮಹಾಕಾಲಾಯ ಸಂಪ್ರೋಚ್ಯ ಕೂರ್ಚಂ ದತ್ವಾ ಚ ಠದ್ವಯಮ್ । ಹ್ರೀಂಕಾರಪೂರ್ವಮುದ್ಧೃತ್ಯ ವೇದಾದಿಸ್ತದನಂತರಮ್ ॥ 18॥

ಮಹಾಕಾಲಸ್ಯಾಂತಭಾಗೇ ಸ್ವಾಹಾಂತಮನುಮುತ್ತಮಮ್ । ಧನಂ ಪುತ್ರಂ ಸದಾ ಪಾತು ಬಂಧುದಾರಾನಿಕೇತನಮ್ ॥ 19॥

ಪಿಂಗಲಾಕ್ಷೋ ಮಂಜುಯುದ್ಧೇ ಯುದ್ಧೇ ನಿತ್ಯಂ ಜಯಪ್ರದಃ । ಸಂಭಾವ್ಯಃ ಸರ್ವದುಷ್ಟಘ್ನಃ ಪಾತು ಸ್ವಸ್ಥಾನವಲ್ಲಭಃ ॥ 20॥

ಇತಿ ತೇ ಕಥಿತಂ ತುಭ್ಯಂ ದೇವಾನಾಮಪಿ ದುರ್ಲಭಮ್ । ಅನೇನ ಪಠನಾದ್ ದೇವಿ ವಿಘ್ನನಾಶೋ ಯಥಾ ಭವೇತ್ ॥ 21॥

ಸಂಪೂಜಕಃ ಶುಚಿಸ್ನಾತಃ ಭಕ್ತಿಯುಕ್ತಃ ಸಮಾಹಿತಃ । ಸರ್ವವ್ಯಾಧಿವಿನಿರ್ಮುಕ್ತಃ ವೈರಿಮಧ್ಯೇ ವಿಶೇಷತಃ ॥ 22॥

ಮಹಾಭೀಮಃ ಸದಾ ಪಾತು ಸರ್ವಸ್ಥಾನ ವಲ್ಲಭಮ್ । ? ಕಾಲೀಪಾರ್ಶ್ವಸ್ಥಿತೋ ದೇವಃ ಸರ್ವದಾ ಪಾತು ಮೇ ಮುಖೇ ॥ 23॥

॥ ಫಲ ಶ್ರುತಿ॥

ಪಠನಾತ್ ಕಾಲಿಕಾದೇವೀ ಪಠೇತ್ ಕವಚಮುತ್ತಮಮ್ । ಶ್ರುಣುಯಾದ್ ವಾ ಪ್ರಯತ್ನೇನ ಸದಾಽಽನಂದಮಯೋ ಭವೇತ್ ॥ 1॥

ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ಯತ್ । ಸರ್ವಸಿದ್ಧಿಮವಾಪ್ನೋತಿ ಯದ್ಯನ್ಮನಸಿ ವರ್ತತೇ ॥ 2॥

ಬಿಲ್ವಮೂಲೇ ಪಠೇದ್ ಯಸ್ತು ಪಠನಾದ್ ಕವಚಸ್ಯ ಯತ್ । ತ್ರಿಸಂಧ್ಯಂ ಪಠನಾದ್ ದೇವಿ ಭವೇನ್ನಿತ್ಯಂ ಮಹಾಕವಿಃ ॥ 3॥

ಕುಮಾರೀಂ ಪೂಜಯಿತ್ವಾ ತು ಯಃ ಪಠೇದ್ ಭಾವತತ್ಪರಃ । ನ ಕಿಂಚಿದ್ ದುರ್ಲಭಂ ತಸ್ಯ ದಿವಿ ವಾ ಭುವಿ ಮೋದತೇ ॥ 4॥

ದುರ್ಭಿಕ್ಷೇ ರಾಜಪೀಡಾಯಾಂ ಗ್ರಾಮೇ ವಾ ವೈರಿಮಧ್ಯಕೇ । ಯತ್ರ ಯತ್ರ ಭಯಂ ಪ್ರಾಪ್ತಃ ಸರ್ವತ್ರ ಪ್ರಪಠೇನ್ನರಃ ॥ 5॥

ತತ್ರ ತತ್ರಾಭಯಂ ತಸ್ಯ ಭವತ್ಯೇವ ನ ಸಂಶಯಃ । ವಾಮಪಾರ್ಶ್ವೇ ಸಮಾನೀಯ ಶೋಭಿತಾಂ ವರಕಾಮಿನೀಮ್ ॥ 6॥

ಶ್ರದ್ಧಯಾಽಶ್ರದ್ಧಯಾ ವಾಪಿ ಪಠನಾತ್ ಕವಚಸ್ಯ ತು । ಪ್ರಯತ್ನತಃ ಪಠೇದ್ ಯಸ್ತು ತಸ್ಯ ಸಿದ್ಧಿಃ ಕರೇ ಸ್ಥಿತಾ ॥ 7॥

ಇದಂ ಕವಚಮಜ್ಞಾತ್ವಾ ಕಾಲಂ ಯೋ ಭಜತೇ ನರಃ । ನೈವ ಸಿದ್ಧಿರ್ಭವೇತ್ ತಸ್ಯ ವಿಘ್ನಸ್ತಸ್ಯ ಪದೇ ಪದೇ । ಆದೌ ವರ್ಮ ಪಠಿತ್ವಾ ತು ತಸ್ಯ ಸಿದ್ಧಿರ್ಭವಿಷ್ಯತಿ ॥ 8॥

॥ ಇತಿ ರುದ್ರಯಾಮಲೇ ಮಹಾತಂತ್ರೇ ಮಹಾಕಾಲಭೈರವಕವಚಂ ಸಂಪೂರ್ಣಂ॥

ஶ்ரீ மஹா காலபை⁴ரவ கவசம் பற்றி

The Maha Kalabhairava Kavacham is a protective "armour" prayer to Kala Bhairava, the fierce form of Shiva who is the lord of time and guardian of sacred places. The Devi asks Shiva how a devotee can quickly gain success, and Shiva answers with this kavacham, which places Bhairava's forms over each part of the body for protection.

மூலம்: Rudrayamala Tantra, as its closing line states

எப்போது பாராயணம் செய்வது: On Kalashtami (the eighth day of the waning moon), on Kala Bhairava Jayanti, and on Sundays and Tuesdays.

உங்களுக்குத் தெரியுமா?

  • Its colophon places it in the Rudrayamala Tantra.
  • Kala Bhairava is the guardian (kshetrapala) of Varanasi, and devotees visit him to ask his leave before staying in the city.

அடிக்கடி கேட்கப்படும் கேள்விகள்

Who is Kala Bhairava?

A fierce form of Shiva, lord of time and protector of sacred places such as Varanasi.

Where does this kavacham come from?

The Rudrayamala Tantra, as its colophon states.

When is it recited?

On Kalashtami, Kala Bhairava Jayanti, Sundays and Tuesdays.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.