ஶ்ரீ மாதங்கீ³ அஷ்டோத்தர ஶத நாமா ஸ்தோத்ரம்
Devi · பாரம்பரிய பக்தி நூல்
ശ്രീഭൈരവ്യുവാച
ഭഗവന് ശ്രോതുമിച്ഛാമി മാതംഗ്യാഃ ശതനാമകമ് । യദ്ഗുഹ്യം സർവതംത്രേഷു കേനാപി ന പ്രകാശിതമ് ॥ 1
ശ്രീഭൈരവ ഉവാച
ശൃണു ദേവി പ്രവക്ഷ്യാമി രഹസ്യാതിരഹസ്യകമ് । നാഖ്യേയം യത്ര കുത്രാപി പഠനീയം പരാത്പരമ് ॥ 2
യസ്യൈകവാരപഠനാത്സർവേ വിഘ്നാ ഉപദ്രവാഃ । നശ്യംതി തത്ക്ഷണാദ്ദേവി വഹ്നിനാ തൂലരാശിവത് ॥ 3 ॥
പ്രസന്നാ ജായതേ ദേവീ മാതംഗീ ചാസ്യ പാഠതഃ । സഹസ്രനാമപഠനേ യത്ഫലം പരികീര്തിതമ് । തത്കോടിഗുണിതം ദേവീനാമാഷ്ടശതകം ശുഭമ് ॥ 4 ॥
അസ്യ ശ്രീമാതംഗ്യഷ്ടോത്തരശതനാമസ്തോത്രസ്യ ഭഗവാന്മതംഗ ഋഷിഃ അനുഷ്ടുപ്ഛംദഃ ശ്രീമാതംഗീ ദേവതാ ശ്രീമാതംഗീ പ്രീതയേ ജപേ വിനിയോഗഃ ।
മഹാമത്തമാതംഗിനീ സിദ്ധിരൂപാ തഥാ യോഗിനീ ഭദ്രകാളീ രമാ ച । ഭവാനീ ഭവപ്രീതിദാ ഭൂതിയുക്താ ഭവാരാധിതാ ഭൂതിസംപത്കരീ ച ॥ 1 ॥
ധനാധീശമാതാ ധനാഗാരദൃഷ്ടി- -ര്ധനേശാര്ചിതാ ധീരവാപീ വരാംഗീ । പ്രകൃഷ്ടാ പ്രഭാരൂപിണീ കാമരൂപാ പ്രഹൃഷ്ടാ മഹാകീര്തിദാ കര്ണനാലീ ॥ 2 ॥
കരാളീ ഭഗാ ഘോരരൂപാ ഭഗാംഗീ ഭഗാഹ്വാ ഭഗപ്രീതിദാ ഭീമരൂപാ । ഭവാനീ മഹാകൌശികീ കോശപൂര്ണാ കിശോരീ കിശോരപ്രിയാ നംദീഹാ ॥ 3 ॥
മഹാകാരണാഽകാരണാ കര്മശീലാ കപാലീ പ്രസിദ്ധാ മഹാസിദ്ധഖംഡാ । മകാരപ്രിയാ മാനരൂപാ മഹേശീ മലോല്ലാസിനീ ലാസ്യലീലാലയാംഗീ ॥ 4 ॥
ക്ഷമാ ക്ഷേമശീലാ ക്ഷപാകാരിണീ ചാ- -ഽക്ഷയപ്രീതിദാ ഭൂതിയുക്താ ഭവാനീ । ഭവാരാധിതാ ഭൂതിസത്യാത്മികാ ച പ്രഭോദ്ഭാസിതാ ഭാനുഭാസ്വത്കരാ ച ॥ 5 ॥
ധരാധീശമാതാ ധരാഗാരദൃഷ്ടി- -ര്ധരേശാര്ചിതാ ധീവരാ ധീവരാംഗീ । പ്രകൃഷ്ടാ പ്രഭാരൂപിണീ പ്രാണരൂപാ പ്രകൃഷ്ടസ്വരൂപാ സ്വരൂപപ്രിയാ ച ॥ 6 ॥
ചലത്കുംഡലാ കാമിനീ കാംതയുക്താ കപാലാഽചലാ കാലകോദ്ധാരിണീ ച । കദംബപ്രിയാ കോടരീ കോടദേഹാ ക്രമാ കീര്തിദാ കര്ണരൂപാ ച കാക്ഷ്മീഃ ॥ 7 ॥
ക്ഷമാംഗീ ക്ഷയപ്രേമരൂപാ ക്ഷയാ ച ക്ഷയാക്ഷാ ക്ഷയാഹ്വാ ക്ഷയപ്രാംതരാ ച । ക്ഷവത്കാമിനീ ക്ഷാരിണീ ക്ഷീരപൂര്ണാ ശിവാംഗീ ച ശാകംഭരീ ശാകദേഹാ ॥ 8 ॥
മഹാശാകയജ്ഞാ ഫലപ്രാശകാ ച ശകാഹ്വാഽശകാഹ്വാ ശകാഖ്യാ ശകാ ച । ശകാക്ഷാംതരോഷാ സുരോഷാ സുരേഖാ മഹാശേഷയജ്ഞോപവീതപ്രിയാ ച ॥ 9 ॥
ജയംതീ ജയാ ജാഗ്രതീ യോഗ്യരൂപാ ജയാംഗാ ജപധ്യാനസംതുഷ്ടസംജ്ഞാ । ജയപ്രാണരൂപാ ജയസ്വര്ണദേഹാ ജയജ്വാലിനീ യാമിനീ യാമ്യരൂപാ ॥ 10 ॥
ജഗന്മാതൃരൂപാ ജഗദ്രക്ഷണാ ച സ്വധാവൌഷഡംതാ വിലംബാഽവിലംബാ । ഷഡംഗാ മഹാലംബരൂപാസിഹസ്താ- പദാഹാരിണീഹാരിണീ ഹാരിണീ ച ॥ 11 ॥
മഹാമംഗളാ മംഗളപ്രേമകീര്തി- -ര്നിശുംഭച്ഛിദാ ശുംഭദര്പാപഹാ ച । തഥാഽഽനംദബീജാദിമുക്തിസ്വരൂപാ തഥാ ചംഡമുംഡാപദാ മുഖ്യചംഡാ ॥ 12 ॥
പ്രചംഡാഽപ്രചംഡാ മഹാചംഡവേഗാ ചലച്ചാമരാ ചാമരാ ചംദ്രകീര്തിഃ । സുചാമീകരാ ചിത്രഭൂഷോജ്ജ്വലാംഗീ സുസംഗീതഗീതാ ച പായാദപായാത് ॥ 13 ॥
ഇതി തേ കഥിതം ദേവി നാമ്നാമഷ്ടോത്തരം ശതമ് । ഗോപ്യം ച സർവതംത്രേഷു ഗോപനീയം ച സർവദാ ॥ 14 ॥
ഏതസ്യ സതതാഭ്യാസാത്സാക്ഷാദ്ദേവോ മഹേശ്വരഃ । ത്രിസംധ്യം ച മഹാഭക്ത്യാ പഠനീയം സുഖോദയമ് ॥ 15 ॥
ന തസ്യ ദുഷ്കരം കിംചിജ്ജായതേ സ്പര്ശതഃ ക്ഷണാത് । സുകൃതം യത്തദേവാപ്തം തസ്മാദാവര്തയേത്സദാ ॥ 16 ॥
സദൈവ സന്നിധൌ തസ്യ ദേവീ വസതി സാദരമ് । അയോഗാ യേ ത ഏവാഗ്രേ സുയോഗാശ്ച ഭവംതി വൈ ॥ 17 ॥
ത ഏവ മിത്രഭൂതാശ്ച ഭവംതി തത്പ്രസാദതഃ । വിഷാണി നോപസര്പംതി വ്യാധയോ ന സ്പൃശംതി താന് ॥ 18 ॥
ലൂതാവിസ്ഫോടകാഃ സർവേ ശമം യാംതി ച തത്ക്ഷണാത് । ജരാപലിതനിര്മുക്തഃ കല്പജീവീ ഭവേന്നരഃ ॥ 19 ॥
അപി കിം ബഹുനോക്തേന സാന്നിധ്യം ഫലമാപ്നുയാത് । യാവന്മയാ പുരാ പ്രോക്തം ഫലം സാഹസ്രനാമകമ് । തത്സർവം ലഭതേ മര്ത്യോ മഹാമായാപ്രസാദതഃ ॥ 20 ॥
ഇതി ശ്രീരുദ്രയാമലേ ശ്രീമാതംഗീശതനാമസ്തോത്രമ് ।
ஶ்ரீ மாதங்கீ³ அஷ்டோத்தர ஶத நாமா ஸ்தோத்ரம் பற்றி
The Matangi Ashtottara Shatanama Stotram gives 108 names of Goddess Matangi, one of the ten Mahavidyas. It opens with the Goddess asking Shiva: Lord, I wish to hear the hundred names of Matangi, a secret in all the tantras that no one has revealed; Shiva replies, "Listen, Devi, I will tell you this secret of secrets, not to be told just anywhere, the highest of hymns."
மூலம்: Rudra Yamala, as its colophon states
எப்போது பாராயணம் செய்வது: In Mahavidya worship, during Gupta Navaratri, and before learning music and the arts, usually under a teacher's guidance.
உங்களுக்குத் தெரியுமா?
- Its colophon places it in the Rudra Yamala.
- Matangi, the ninth Mahavidya, is the goddess of speech, music and the arts, often called the Tantric form of Saraswati.
- She is pictured dark green, playing the vina, with a parrot.
அடிக்கடி கேட்கப்படும் கேள்விகள்
Who is Matangi?
The ninth Mahavidya, goddess of speech, music and the arts.
Who teaches the names?
Shiva, at the Goddess's request.
Where is it from?
The Rudra Yamala, as its colophon states.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்