ஶ்ரீ ருத்³ர கவசம்
Shiva · பாரம்பரிய பக்தி நூல்
ওং অস্য় শ্রী রুদ্র কবচস্তোত্র মহামংত্রস্য় দূর্বাসৃষিঃ অনুষ্ঠুপ্ ছংদঃ ত্র্য়ংবক রুদ্রো দেবতা হ্রাং বীজং শ্রীং শক্তিঃ হ্রীং কীলকং মম মনসোঽভীষ্টসিদ্ধ্যর্থে জপে বিনিয়োগঃ । হ্রামিত্য়াদি ষড্বীজৈঃ ষডংগন্য়াসঃ ॥
ধ্য়ানম্ । শাংতং পদ্মাসনস্থং শশিধরমকুটং পংচবক্ত্রং ত্রিনেত্রং শূলং বজ্রং চ খড্গং পরশুমভযদং দক্ষভাগে বহংতম্ । নাগং পাশং চ ঘংটাং প্রলয় হুতবহং সাংকুশং বামভাগে নানালংকারয়ুক্তং স্ফটিকমণিনিভং পার্বতীশং নমামি ॥
দূর্বাস উবাচ
প্রণম্য় শিরসা দেবং স্বয়ংভুং পরমেশ্বরম্ । একং সর্বগতং দেবং সর্বদেবময়ং বিভুম্ ॥ 1
রুদ্র বর্ম প্রবক্ষ্য়ামি অংগ প্রাণস্য় রক্ষয়ে । অহোরাত্রময়ং দেবং রক্ষার্থং নির্মিতং পুরা ॥ 2 ॥
রুদ্রো মে চাগ্রতঃ পাতু পাতু পার্শ্বৌ হরস্তথা । শিরো মে ঈশ্বরঃ পাতু ললাটং নীললোহিতঃ ॥ 3 ॥
নেত্রয়োস্ত্র্য়ংবকঃ পাতু মুখং পাতু মহেশ্বরঃ । কর্ণয়োঃ পাতু মে শংভুঃ নাসিকায়াং সদাশিবঃ ॥ 4 ॥
বাগীশঃ পাতু মে জিহ্বাং ওষ্ঠৌ পাত্বংবিকাপতিঃ । শ্রীকংঠঃ পাতু মে গ্রীবাং বাহূংশ্চৈব পিনাকধৃত্ ॥ 5 ॥
হৃদয়ং মে মহাদেবঃ ঈশ্বরোব্য়াত্ স্তনাংতরম্ । নাভিং কটিং চ বক্ষশ্চ পাতু সর্বং উমাপতিঃ ॥ 6 ॥
বাহুমধ্য়াংতরং চৈব সূক্ষ্মরূপঃ সদাশিবঃ । স্বরং রক্ষতু সর্বেশো গাত্রাণি চ যথা ক্রমম্ ॥ 7 ॥
বজ্রশক্তিধরং চৈব পাশাংকুশধরং তথা । গংডশূলধরং নিত্য়ং রক্ষতু ত্রিদশেশ্বরঃ ॥ 8 ॥
প্রস্থানেষু পদে চৈব বৃক্ষমূলে নদীতটে । সংধ্য়ায়াং রাজভবনে বিরূপাক্ষস্তু পাতু মাম্ ॥ 9 ॥
শীতোষ্ণাদথ কালেষু তুহি ন দ্রুমকংটকে । নির্মনুষ্য়েঽসমে মার্গে ত্রাহি মাং বৃষভধ্বজ ॥ 10 ॥
ইত্য়েতদ্রুদ্রকবচং পবিত্রং পাপনাশনম্ । মহাদেবপ্রসাদেন দূর্বাসো মুনিকল্পিতম্ ॥ 11 ॥
মমাখ্য়াতং সমাসেন ন ভয়ং বিংদতি ক্বচিত্ । প্রাপ্নোতি পরমারোগ্য়ং পুণ্যমায়ুষ্যবর্ধনম্ ॥ 12 ॥
বিদ্য়ার্থী লভতে বিদ্য়াং ধনার্থী লভতে ধনম্ । কন্য়ার্থী লভতে কন্য়াং ন ভয়ং বিংদতে ক্বচিত্ ॥ 13 ॥
অপুত্রো লভতে পুত্রং মোক্ষার্থী মোক্ষমাপ্নুয়াত্ । ত্রাহি ত্রাহি মহাদেব ত্রাহি ত্রাহি ত্রয়ীময় ॥ 14 ॥
ত্রাহি মাং পার্বতীনাথ ত্রাহি মাং ত্রিপুরংতক । পাশং খট্বাংগ দিব্য়াস্ত্রং ত্রিশূলং রুদ্রমেব চ ॥ 15 ॥
নমস্করোমি দেবেশ ত্রাহি মাং জগদীশ্বর । শত্রুমধ্য়ে সভামধ্য়ে গ্রামমধ্য়ে গৃহাংতরে ॥ 16 ॥
গমনাগমনে চৈব ত্রাহি মাং ভক্তবত্সল । ত্বং চিত্তং ত্বং মানসং চ ত্বং বুদ্ধিস্ত্বং পরাযণম্ ॥ 17 ॥
কর্মণা মনসা চৈব ত্বং বুদ্ধিশ্চ যথা সদা । জ্বরভয়ং ছিংদি সর্বজ্বরভয়ং ছিংদি গ্রহভয়ং ছিংদি ॥ 18 ॥
সর্বশত্রূন্নিবর্ত্য়াপি সর্বব্য়াধিনিবারণম্ । রুদ্রলোকং স গচ্ছতি রুদ্রলোকং সগচ্ছত্য়োন্নম ইতি ॥ 19 ॥
ইতি স্কংদপুরাণে দূর্বাস প্রোক্তং শ্রী রুদ্রকবচম্ ॥
ஶ்ரீ ருத்³ர கவசம் பற்றி
The Rudra Kavacham is a protective "armour" hymn to Lord Shiva as Rudra, taught by the sage Durvasa. After the nyasa naming Durvasa as its seer and Tryambaka Rudra as its deity, its meditation verse pictures Shiva calm, seated in lotus posture, crowned with the moon, five-faced and three-eyed, holding trident, thunderbolt, sword and axe and showing the gesture of fearlessness. The verses then ask Rudra to guard every part of the body.
மூலம்: Skanda Purana, as its colophon states
எப்போது பாராயணம் செய்வது: On Mondays, Pradosham and Maha Shivaratri, and in times of fear or danger.
உங்களுக்குத் தெரியுமா?
- Its colophon places it in the Skanda Purana, as taught by Durvasa.
- Durvasa, famous for his temper, is himself regarded as a partial incarnation of Shiva.
அடிக்கடி கேட்கப்படும் கேள்விகள்
Who taught the Rudra Kavacham?
The sage Durvasa, as its colophon states.
Where is it from?
The Skanda Purana.
When is it recited?
On Mondays, Pradosham and Shivaratri.
வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.
மேலும் பக்தி நூல்கள்