MuhurtaNow

ஶ்ரீ ஸித்³த⁴லக்ஷ்மீ ஸ்தோத்ரம்

Devi · பாரம்பரிய பக்தி நூல்

അസ്യ ശ്രീസിദ്ധലക്ഷ്മീസ്തോത്രമംത്രസ്യ ഹിരണ്യഗര്ഭ ഋഷിഃ അനുഷ്ടുപ് ഛംദഃ, ശ്രീമഹാകാളീമഹാലക്ഷ്മീമഹാസരസ്വത്യോ ദേവതാഃ ശ്രീം ബീജം ഹ്രീം ശക്തിഃ ക്ലീം കീലകം മമ സർവക്ലേശപീഡാപരിഹാരാര്ഥം സർവദുഃഖദാരിദ്ര്യനാശനാര്ഥം സർവകാര്യസിദ്ധ്യര്ഥം ശ്രീസിദ്ധിലക്ഷ്മീസ്തോത്ര പാഠേ വിനിയോഗഃ ॥

ഋഷ്യാദിന്യാസഃ ഓം ഹിരണ്യഗര്ഭ ഋഷയേ നമഃ ശിരസി । അനുഷ്ടുപ്ഛംദസേ നമോ മുഖേ । ശ്രീമഹാകാളീമഹാലക്ഷ്മീമഹാസരസ്വതീദേവതാഭ്യോ നമോ ഹൃദിഃ । ശ്രീം ബീജായ നമോ ഗുഹ്യേ । ഹ്രീം ശക്തയേ നമഃ പാദയോഃ । ക്ലീം കീലകായ നമോ നാഭൌ । വിനിയോഗായ നമഃ സർവാംഗേഷു ॥

കരന്യാസഃ ഓം ശ്രീം സിദ്ധലക്ഷ്മ്യൈ അംഗുഷ്ഠാഭ്യാം നമഃ । ഓം ഹ്രീം വിഷ്ണുതേജസേ തര്ജനീഭ്യാം നമഃ । ഓം ക്ലീം അമൃതാനംദായൈ മധ്യമാഭ്യാം നമഃ । ഓം ശ്രീം ദൈത്യമാലിന്യൈ അനാമികാഭ്യാം നമഃ । ഓം ഹ്രീം തേജഃ പ്രകാശിന്യൈ കനിഷ്ഠികാഭ്യാം നമഃ । ഓം ക്ലീം ബ്രാഹ്മ്യൈ വൈഷ്ണവ്യൈ രുദ്രാണ്യൈ കരതല കരപൃഷ്ഠാഭ്യാം നമഃ ॥

അംഗന്യാസഃ ഓം ശ്രീം സിദ്ധലക്ഷ്മ്യൈ ഹൃദയായ നമഃ । ഓം ഹ്രീം വിഷ്ണുതേജസേ ശിരസേ സ്വാഹാ । ഓം ക്ലീം അമൃതാനംദായൈ ശിഖായൈ വഷട് । ഓം ശ്രീം ദൈത്യമാലിന്യൈ കവചായ ഹുമ് । ഓം ഹ്രീം തേജഃ പ്രകാശിന്യൈ നേത്രത്രയായ വൌഷട് । ഓം ക്ലീം ബ്രാഹ്മ്യൈ വൈഷ്ണവ്യൈ രുദ്രാണ്യൈ അസ്ത്രായ ഫട് ॥ ഓം ശ്രീം ഹ്രീം ക്ലീം ശ്രീം സിദ്ധലക്ഷ്മ്യൈ നമഃ ഇതി ദിഗ്ബംധഃ ॥

അഥ ധ്യാനമ് ബ്രാഹ്മീം ച വൈഷ്ണവീം ഭദ്രാം ഷഡ്ഭുജാം ച ചതുര്മുഖീമ് । ത്രിനേത്രാം ഖഡ്ഗത്രിശൂലപദ്മചക്രഗദാധരാമ് ॥ 1 ॥

പീതാംബരധരാം ദേവീം നാനാലംകാരഭൂഷിതാമ് । തേജഃപുംജധരീം ശ്രേഷ്ഠാം ധ്യായേദ്ബാലകുമാരികാമ് ॥ 2 ॥

അഥ സ്തോത്രമ് ഓംകാരം ലക്ഷ്മീരൂപം തു വിഷ്ണും വാഗ്ഭവമവ്യയമ് । വിഷ്ണുമാനംദമവ്യക്തം ഹ്രീംകാരം ബീജരൂപിണീമ് ॥ 3 ॥

ക്ലീം അമൃതാനംദിനീം ഭദ്രാം സത്യാനംദദായിനീമ് । ശ്രീം ദൈത്യശമനീം ശക്തിം മാലിനീം ശത്രുമര്ദിനീമ് ॥ 4 ॥

തേജഃ പ്രകാശിനീം ദേവീം വരദാം ശുഭകാരിണീമ് । ബ്രാഹ്മീം ച വൈഷ്ണവീം രൌദ്രീം കാലികാരൂപശോഭിനീമ് ॥ 5 ॥

അകാരേ ലക്ഷ്മീരൂപം തു ഉകാരേ വിഷ്ണുമവ്യയമ് । മകാരഃ പുരുഷോഽവ്യക്തോ ദേവീ പ്രണവ ഉച്യതേ ॥ 6 ॥

സൂര്യകോടിപ്രതീകാശം ചംദ്രകോടിസമപ്രഭമ് । തന്മധ്യേ നികരം സൂക്ഷ്മം ബ്രഹ്മരുപം വ്യവസ്ഥിതമ് ॥ 7 ॥

ഓംകാരം പരമാനംദം സദൈവ സുരസുംദരീമ് । സിദ്ധലക്ഷ്മീ മോക്ഷലക്ഷ്മീ ആദ്യലക്ഷ്മീ നമോഽസ്തു തേ ॥ 8 ॥

ശ്രീംകാരം പരമം സിദ്ധം സർവബുദ്ധിപ്രദായകമ് । സൌഭാഗ്യാഽമൃതാ കമലാ സത്യലക്ഷ്മീ നമോഽസ്തു തേ ॥ 9 ॥

ഹ്രീംകാരം പരമം ശുദ്ധം പരമൈശ്വര്യദായകമ് । കമലാ ധനദാ ലക്ഷ്മീ ഭോഗലക്ഷ്മീ നമോഽസ്തു തേ ॥ 10 ॥

ക്ലീംകാരം കാമരൂപിണ്യം കാമനാപരിപൂര്തിദമ് । ചപലാ ചംചലാ ലക്ഷ്മീ കാത്യായനീ നമോഽസ്തു തേ ॥ 11 ॥

ശ്രീംകാരം സിദ്ധിരൂപിണ്യം സർവസിദ്ധിപ്രദായകമ് । പദ്മാനനാം ജഗന്മാത്രേ അഷ്ടലക്ഷ്മീം നമോഽസ്തു തേ ॥ 12 ॥

സർവമംഗളമാംഗള്യേ ശിവേ സർവാര്ഥസാധികേ । ശരണ്യേ ത്ര്യംബകേ ഗൌരി നാരായണീ നമോഽസ്തു തേ ॥ 13 ॥

പ്രഥമം ത്ര്യംബകാ ഗൌരീ ദ്വിതീയം വൈഷ്ണവീ തഥാ । തൃതീയം കമലാ പ്രോക്താ ചതുര്ഥം സുംദരീ തഥാ ॥ 14 ॥

പംചമം വിഷ്ണുശക്തിശ്ച ഷഷ്ഠം കാത്യായനീ തഥാ । വാരാഹീ സപ്തമം ചൈവ ഹ്യഷ്ടമം ഹരിവല്ലഭാ ॥ 15 ॥

നവമം ഖഡ്ഗിനീ പ്രോക്താ ദശമം ചൈവ ദേവികാ । ഏകാദശം സിദ്ധലക്ഷ്മീര്ദ്വാദശം ഹംസവാഹിനീ ॥ 16 ॥

ഉത്തരന്യാസഃ ഓം ശ്രീം സിദ്ധലക്ഷ്മ്യൈ ഹൃദയായ നമഃ । ഓം ഹ്രീം വിഷ്ണുതേജസേ ശിരസേ സ്വാഹാ । ഓം ക്ലീം അമൃതാനംദായൈ ശിഖായൈ വഷട് । ഓം ശ്രീം ദൈത്യമാലിന്യൈ കവചായ ഹുമ് । ഓം ഹ്രീം തേജഃ പ്രകാശിന്യൈ നേത്രത്രയായ വൌഷട് । ഓം ക്ലീം ബ്രാഹ്മ്യൈ വൈഷ്ണവ്യൈ രുദ്രാണ്യൈ അസ്ത്രായ ഫട് ॥ ഓം ശ്രീം ഹ്രീം ക്ലീം ശ്രീം സിദ്ധലക്ഷ്മ്യൈ നമഃ ഇതി ദിഗ്വിമോകഃ ॥

അഥ ഫലശൃതിഃ ഏതത് സ്തോത്രവരം ദേവ്യാ യേ പഠംതി സദാ നരാഃ । സർവാപദ്ഭ്യോ വിമുച്യംതേ നാത്ര കാര്യാ വിചാരണാ ॥ 17 ॥

ഏകമാസം ദ്വിമാസം ച ത്രിമാസം ച ചതുസ്ഥഥാ । പംചമാസം ച ഷണ്മാസം ത്രികാലം യഃ സദാ പഠേത് ॥ 18 ॥

ബ്രാഹ്മണഃ ക്ലേശിതോ ദുഃഖീ ദാരിദ്ര്യഭയപീഡിതഃ । ജന്മാംതര സഹസ്രോത്ഥൈര്മുച്യതേ സർവകില്ബഷൈഃ ॥ 19 ॥

ദരിദ്രോ ലഭതേ ലക്ഷ്മീമപുത്രഃ പുത്രവാന് ഭവേത് । ധന്യോ യശസ്വീ ശത്രുഘ്നോ വഹ്നിചൌരഭയേഷു ച ॥ 20 ॥

ശാകിനീ ഭൂത വേതാല സര്പ വ്യാഘ്ര നിപാതനേ । രാജദ്വാരേ സഭാസ്ഥാനേ കാരാഗൃഹനിബംധനേ ॥ 21 ॥

ഈശ്വരേണ കൃതം സ്തോത്രം പ്രാണിനാം ഹിതകാരകമ് । സ്തുവംതു ബ്രാഹ്മണാഃ നിത്യം ദാരിദ്ര്യം ന ച ബാധതേ ॥ 22 ॥

സർവപാപഹരാ ലക്ഷ്മീഃ സർവസിദ്ധിപ്രദായിനീമ് । സാധകാഃ ലഭതേ സർവം പഠേത് സ്തോത്രം നിരംതരമ് ॥ 23 ॥

പ്രാര്ഥനാ യാ ശ്രീഃ പദ്മവനേ കദംബശിഖരേ രാജഗൃഹേ കുംജരേ ശ്വേതേ ചാശ്വയുതേ വൃഷേ ച യുഗലേ യജ്ഞേ ച യൂപസ്ഥിതേ । ശംഖേ ദൈവകുലേ നരേംദ്രഭവനേ ഗംഗാതടേ ഗോകുലേ സാ ശ്രീസ്തിഷ്ഠതു സർവദാ മമ ഗൃഹേ ഭൂയാത് സദാ നിശ്ചലാ ॥

യാ സാ പദ്മാസനസ്ഥാ വിപുലകടിതടീ പദ്മപത്രായതാക്ഷീ ഗംഭീരാവര്തനാഭിഃ സ്തനഭരനമിതാ ശുദ്ധവസ്ത്രോത്തരീയാ । ലക്ഷ്മീര്ദിവ്യൈര്ഗജേംദ്രൈര്മണിഗണഖചിതൈഃ സ്നാപിതാ ഹേമകുംഭൈഃ നിത്യം സാ പദ്മഹസ്താ മമ വസതു ഗൃഹേ സർവമാംഗള്യയുക്താ ॥

ഇതി ശ്രീബ്രഹ്മപുരാണേ ഈശ്വരവിഷ്ണുസംവാദേ ശ്രീ സിദ്ധലക്ഷ്മീ സ്തോത്രമ് ॥

ஶ்ரீ ஸித்³த⁴லக்ஷ்மீ ஸ்தோத்ரம் பற்றி

The Siddha Lakshmi Stotram is a hymn to Goddess Siddha Lakshmi, the Lakshmi who grants spiritual and worldly fulfilment (siddhi). Its viniyoga names Hiranyagarbha as its seer and the three great goddesses, Mahakali, Mahalakshmi and Mahasaraswati, as its deities, with "Shrim" as its seed. After the nyasas and meditation, it praises the Goddess as the one in whom all three powers are united.

மூலம்: Brahma Purana, as its colophon states

எப்போது பாராயணம் செய்வது: On Fridays, during Navaratri and Diwali, and in Devi worship.

உங்களுக்குத் தெரியுமா?

  • Its colophon places it in the Brahma Purana, in a dialogue between Ishvara and Vishnu.
  • Joining Mahakali, Mahalakshmi and Mahasaraswati as its deities, it sees Lakshmi as the whole power of the Goddess, not only as wealth.

அடிக்கடி கேட்கப்படும் கேள்விகள்

Who is Siddha Lakshmi?

Lakshmi as the giver of fulfilment, uniting the three great goddesses.

Who is its seer?

Hiranyagarbha, as its viniyoga states.

Where is it from?

The Brahma Purana, as its colophon states.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.