MuhurtaNow

ஶ்ரீ ஸூர்ய ஶதகம்

Surya Bhagavan · பாரம்பரிய பக்தி நூல்

॥ sooryashatakam ॥ mahaakavishreemayoorapraneetam

॥ shree ganeshaaya namah ॥

jambhaaraateebhakumbhodbhavamiva dadhatah saandrasindoorarenum raktaah siktaa ivaughairudayagiritateedhaatudhaaraadravasya । var saktaih aayaantyaa tulyakaalam kamalavanaruchevaarunaa vo vibhootyai bhooyaasurbhaasayanto bhuvanamabhinavaa bhaanavo bhaanaveeyaah ॥ 1 ॥

bhaktiprahvaaya daatum mukulaputakuteekotarakrodaleenaam lakshmeemaakrashtukaamaa iva kamalavanoddhaatanam kurvate ye । kaalaakaaraandhakaaraananapatitajagatsaadhvasadhvamsakalyaah kalyaanam vah kriyaasuh kisalayaruchayaste karaa bhaaskarasya ॥ 2 ॥

garbheshvambhoruhaanaam shikharishu cha shitaagreshu tulyam patantah praarambhe vaasarasya vyuparatisamaye chaikaroopaastathaiva । nishparyaayam pravrittaastribhuvanabhavanapraangane paantu yushmaa- nooshmaanam santataadhvashramajamiva bhrisham bibhrato bradhnapaadaah ॥ 3 ॥

prabhrashyatyuttareeyatvishi tamasi samuddeekshya veetaavriteenpraa- gjantoomstantoonyathaa yaanatanu vitanute tigmarochirmareecheen । te saandreebhooya sadyah kramavishadadashaashaadashaaleevishaalam shashvatsampaadayanto'mbaramamalamalam mangalam vo dishantu ॥ 4 ॥

nyakkurvannoshadheeshe mushitaruchi shuchevaushadheeh proshitaabhaa bhaasvadgraavodgatena prathamamiva kritaabhyudgatih paavakena । pakshachchedavranaasriksruta iva drishado darshayanpraataradre- raataamrasteevrabhaanoranabhimatanude staadgabhastyudgamo vah ॥ 5 ॥

sheernaghraanaanghripaaneenvranibhirapaghanairghargharaavyaktaghoshaan deerghaaghraataanaghaughai punarapi ghatayatyeka ullaaghayan yah । gharmaamshostasya vo'ntardvigunaghanaghrinaanighnanirvighnavritte- rdattaarghaah siddhasanghairvidadhatu ghrinayah sheeghramamhovidhaatam ॥ 6 ॥

bibhraanaa vaamanatvam prathamamatha tathaivaamshavah praamshavo vah kraantaakaashaantaraalaastadanu dashadishah poorayantastato'pi । dhvaantaadaachchidya devadvisha iva balito vishvamaashvashnuvaanaah var devadruha krichchraanyuchchraayahelopahasitaharayo haaridashvaa harantu ॥ 7 ॥

udgaadhenaarunimnaa vidadhati bahulam ye'runasyaarunatvam moordhoddhootau khaleenakshatarudhirarucho ye rathaashvaananeshu । shailaanaam shekharatvam shritashikharishikhaastanvate ye dishantu var shikharashikhaah prenkhantah khe kharaamshoh khachitadinamukhaaste mayookhaah sukham vah ॥ 8 ॥

dattaanandaah prajaanaam samuchitasamayaakrishtasrishtaih payobhih var aklishtasrishtaih poorvaahne viprakeernaa dishi dishi viramatyahni samhaarabhaajah । deeptaamshordeerghaduhkhaprabhavabhavabhayodanvaduttaaranaavo gaavo vah paavanaanaam paramaparimitaam preetimutpaadayantu ॥ 9 ॥

bandhadhvamsaikahetum shirasi natirasaabaddhasandhyaanjaleenaam lokaanaam ye prabodham vidadhati vipulaambhojakhandaashayeva । yushmaakam te svachittaprathitaprithutarapraarthanaakalpavrikshaah var prathima kalpantaam nirvikalpam dinakarakiranaah ketavah kalmashasya ॥ 10 ॥

dhaaraa raayo dhanaayaapadi sapadi karaalambabhootaah prapaate tattvaalokaikadeepaastridashapatipuraprasthitau veethya eva । nirvaanodyogiyogipragamanijatanudvaari vetraayamaanaa- straayantaam teevrabhaanordivasamukhasukhaa rashmayah kalmashaadvah ॥ 11 ॥

var teevrabhaasah var kashmalaadvah

praachi praagaacharantyo'natichiramachale chaaruchoodaamanitvam munchantyo rochanaambhah prachuramiva dishaamuchchakaishcharchanaaya । chaatootkaishchakranaamnaam chaturamavichalairlochanairarchyamaanaa- var suchiram shcheshtantaam chintitaanaamuchitamacharamaashchandarocheerucho vah ॥ 12 ॥

ekam jyotirdrishau dve trijagati gaditaanyabjajaasyaishchaturbhi- rbhootaanaam panchamam yaanyalamritushu tathaa shatsu naanaavidhaani । yushmaakam taani saptatridashamuninutaanyashtadigbhaanji bhaano- ryaanti praahne navatvam dasha dadhatu shivam deedhiteenaam shataani ॥ 13 ॥ var dadatu

aavrittibhraantavishvaah shramamiva dadhatah shoshinah svoshmaneva greeshme daavaagnitaptaa iva rasamasakridye dharitryaa dhayanti । te praavrishyaattapaanaatishayaruja ivodvaantatoyaa himartau maartandasyaaprachandaashchiramashubhabhide'bheeshavo vo bhavantu ॥ 14 ॥

tanvaanaa digvadhoonaam samadhikamadhuraalokaramyaamavasthaa- maarudhapraudhileshotkalitakapilimaalankritih kevalaiva । ujjrimbhaambhojanetradyutini dinamukhe kinchidudbhidyamaanaa shmashrushreneeva bhaasaam dishatu dashashatee sharma gharmatvisho vah ॥ 15 ॥

mauleendormaisha mosheeddyutimiti vrishabhaankena yah shankineva pratyagrodghaatitaambhoruhakuharaguhaasusthiteneva dhaatraa । krishnena dhvaantakrishnasvatanuparibhavatrasnuneva stuto'lam traanaaya staattaneeyaanapi timiraripoh sa tvishaamudgamo vah ॥ 16 ॥

visteernam vyoma deerghaah sapadi dasha disho vyastavelaambhaso'bdheen kurvadbhirdrishyanaanaanaganagaranagaabhogaprithveem cha prithveem । padminyuchchvaasyate yairushasi jagadapi dhvamsayitvaa tamisraa- musraa visramsayantu drutamanabhimatam te sahasratvisho vah ॥ 17 ॥ var visraavayantu

astavyastatvashoonyo nijaruchiranishaanashvarah kartumeesho vishvam veshmeva deepah pratihatatimiram yah pradeshasthito'pi । dikkaalaapekshayaasau tribhuvanamatatastigmabhaanornavaakhyaam yaatah shaatakratavyaam dishi dishatu shivam so'rchishaamudgamo vah ॥ 18 ॥

maagaanmlaanim mrinaalee mriduriti dayayevaapravishto'hilokam lokaalokasya paarshvam pratapati na param yastadaakhyaarthameva । oordhvam brahmaandakhandasphutanabhayaparityaktadairghyo dyuseemni svechaavashyaavakaashaavadhiravatu sa vastaapano rochiroghah ॥ 19 ॥

ashyaamah kaala eko na bhavati bhuvanaanto'pi veete'ndhakaare var veetaandhakaarah sadyah praaleyapaado na vilayamachalashchandramaa apyupaiti । bandhah siddhaanjaleenaam na hi kumudavanasyaapi yatrojjihaane tatpraatah prekshaneeyam dishatu dinapaterdhaama kaamaadhikam vah ॥ 20 ॥

yatkaantim pankajaanaam na harati kurute pratyutaadhikyaramyaam var pratyutaateeva ramyaam no dhatte taarakaabhaam tirayati nitaraamaashu yannityameva । var naadhatte kartum naalam nimesham divasamapi param yattadekam trilokyaa- shchakshuh saamaanyachakshurvisadrishamaghabhidbhaasvatastaanmaho vah ॥ 21 ॥

kshmaam kshepeeyah kshapaambhahshishiratarajalasparshatarshaadriteva draagaashaa netumaashaadviradakarasarahpushkaraaneeva bodham । praatah prollanghya vishnoh padamapi ghrinayevaativegaaddaveeya- syuddaama dyotamaanaa dahatu dinapaterdurnimittam dyutirvah ॥ 22 ॥

no kalpaapaayavaayoradayarayadalatkshmaadharasyaapi gamyaa var shamyaa gaadhodgeernojjvalashreerahani na rahitaa no tamahkajjalena । praaptotpattih patangaanna punarupagataa moshamushnatvisho vo vartih saivaanyaroopaa sukhayatu nikhiladveepadeepasya deeptih ॥ 23 ॥

nihsheshaashaavapoorapravanagurugunashlaaghaneeyasvaroopaa paryaaptam nodayaadau dinagamasamayopaplave'pyunnataiva । atyantam yaanabhijnaa kshanamapi tamasaa saakamekatra vastum bradhnasyeddhaa ruchirvo ruchiriva ruchitasyaaptaye vastunostu ॥ 24 ॥ var chirurasya, ruchirasya

vibhraanah shaktimaashu prashamitabalavattaarakaurjityagurveem kurvaano leelayaadhah shikhinamapi lasachchandrakaantaavabhaasam । aadadhyaadandhakaare ratimatishayineemaavahanveekshanaanaam var aadeyaadeekshanaanaam baalo lakshmeemapaaraamapara iva guho'harpateraatapo vah ॥ 25 ॥

jyotsnaamshaakarshapaandudyuti timiramasheesheshakalmaashameesha- jjrimbhodbhootena pingam sarasijarajasaa sandhyayaa shonashochih । praatahpraarambhakaale sakalamapi jagachchitramunmeelayantee kaantisteekshnatvisho'kshnaam mudamupanayataattoolikevaatulaam vah ॥ 26 ॥

aayaantee kim sumeroh saranirarunitaa paadmaraagaih paraagai- raahosvitsvasya maahaarajanavirachitaa vaijayantee rathasya । maanjishthee prashthavaahaavalividhutashirashchaamaraalee nu lokai- var chaamaraaleeva raashankyaalokitaivam savituraghanude staatprabhaataprabhaa vah ॥ 27 ॥

dhvaantadhvamsam vidhatte na tapati ruchimannaatiroopam vyanakti nyaktvam neetvaapi naktam na vitaratitaraam taavadahnastvisham yah । var nyaktaamahni sa praatarmaa viramseedasakalapatimaa poorayanyushmadaashaa- maashaakaashaavakaashaavataranatarunaprakramo'rkaprakaashah ॥ 28 ॥

teevram nirvaanaheturyadapi cha vipulam yatprakarshena chaanu pratyaksham yatparoksham yadiha yadaparam nashvaram shaashvatam cha । yatsarvasya prasiddham jagati katipaye yogino yadvidanti jyotistaddviprakaaram savituravatu vo baahyamaabhyantaram cha ॥ 29 ॥

ratnaanaam mandanaaya prabhavati niyatoddeshalabdhaavakaasham vahnerdaarvaadi dagdhum nijajadimatayaa kartumaanandamindoh । yachcha trailokyabhooshaavidhiraghadahanam hlaadi vrishtyaashu tadvo var yattu baahulyotpaadyakaaryaadhikataramavataadekamevaarkatejah ॥ 30 ॥

meelachchakshurvijihmashruti jadarasanam nighnitaghraanavritti svavyaapaaraakshamatvakparimushitamanah shvaasamaatraavashesham । visrastaangam patitvaa svapadapaharataadashriyam vo'rkajanmaa var apriyam kaalavyaalaavaleedham jagadagada ivotthaapayanpraakprataapah ॥ 31 ॥

nihshesham naishamambhah prasabhamapanudannashruleshaanukaari stokastokaapaneetaarunaruchirachiraadastadoshaanushangah । daataa drishtim prasannaam tribhuvananayanasyaashu yushmadviruddham vadhyaadbradhnasya siddhaanjanavidhiraparah praaktano'rchihprachaarah ॥ 32 ॥

bhootvaa jambhasya bhettuh kakubhi paribhavaarambhabhooh shubhrabhaano- var sthitvaa rbibhraanaa babhrubhaavam prasabhamabhinavaambhojajrimbhaapragalbhaa । bhooshaa bhooyishthashobhaa tribhuvanabhavanasyaasya vaibhaakaree praag- vibhraantaa bhraajamaanaa vibhavatu vibhavodbhootaye saa vibhaa vah ॥ 33 ॥ var nirbhaanti, vibhraanti

samsaktam siktamoolaadabhinavabhuvanodyaanakautoohalinyaa yaaminyaa kanyayevaamritakarakalashaavarjitenaamritena । arkaalokah kriyaadvo mudamudayashirashchakravaalaalavaalaa- dudyanbaalapravaalapratimaruchirahahpaadapapraakprarohah ॥ 34 ॥

bhinnam bhaasaarunasya kvachidabhinavayaa vidrumaanaam tvisheva tvannnakshatraratnadyutinikarakaraalaantaraalam kvachichcha । naantarnihsheshakrishnashriyamudadhimiva dhvaantaraashim pibanstaa- daurvah poorvo'pyapoorvo'gniriva bhavadaghaplushtaye'rkaavabhaasah ॥ 35 ॥

gandharvairgadyapadyavyatikaritavachohridyamaatodyavaadyai- raadyairyo naaradaadyairmunibhirabhinuto vedavedyairvibhidya । var veetavedyairvividya, vedavidbhirvibhidya aasaadyaapadyate yam punarapi cha jagadyauvanam sadya udya- nnuddyoto dyotitadyaurdyatu divasakrito'saavavadyaani vo'dya ॥ 36 ॥

aavaanaishchandrakaantaishchyutatimiratayaa taanavaattaarakaanaa- var aavaantaih menaankaalokalopaadupahatamahasaamoshadheenaam layena । aaraadutprekshyamaanaa kshanamudayatataantarhitasyaahimaamsho- raabhaa praabhaatikee vo'vatu na tu nitaraam taavadaavirbhavantee ॥ 37 ॥

saanau saa naudaye naarunitadalapunaryauvanaanaam vanaanaa- var lasadyauvanaanaam maaleemaaleedhapoorvaa parihritakuharopaantanimnaa tanimnaa । bhaa vo'bhaavopashaantim dishatu dinapaterbhaasamaanaa samaanaa- raajee raajeevarenoh samasamayamudeteeva yasyaa vayasyaa ॥ 38 ॥

ujjrimbhaambhoruhaanaam prabhavati payasaam yaa shriye noshnataayai pushnaatyaalokamaatram na tu dishati drishaam drishyamaanaa vidhaatam । poorvaadrereva poorvam divamanu cha punah paavanee dinmukhaanaa- var tatah menaamsyainee vibhaasau nudatu nutipadaikaaspadam praaktanee vah ॥ 39 ॥

vaachaam vaachaspaterapyachalabhiduchitaachaaryakaanaam prapanchai- rvairanchaanaam tathochchaaritachaturrichaam chaananaanaam chaturnaam । var ruchira uchyetaarchaasu vaachyachyutishuchicharitam yasya nochchairvivichya var archaasvavaachya praachyam varchashchakaasachchiramupachinutaattasya chandaarchisho vah ॥ 40 ॥ var shriyam

moordhnyadrerdhaaturaagastarushu kisalayo vidrumaughah samudre var – kisalayaadvidrumaughaatsamudre dinmaatangottamaangeshvabhinavanihitah saandrasindoorarenuh । var vihitah, nihitaatsandrasindoorarenoh seemni vyomnashcha hemnah surashikharibhuvo jaayate yah prakaashah shonimnaasau kharaamshorushasi dishatu vah sharma shobhaikadeshah ॥ 41 ॥

astaadreeshottamaange shritashashini tamahkaalakoote nipeete yaati vyaktim purastaadarunakisalaye pratyushahpaarijaate । udyantyaaraktapeetaambaravishadatarodveekshitaa teekshnabhaano- var ruchiratarodveekshitaa var teevrabhaasah rlakshmeerlakshmeerivaastu sphutakamalaputaapaashrayaa shreyase vah ॥ 42 ॥ var putopaashraya

nodanvaanjanmabhoomirna tadudarabhuvo baandhavaah kaustubhaadyaa yasyaah padmam na paanau na cha narakaripoorahsthalee vaasaveshma । tejoroopaaparaiva trishu bhuvanataleshvaadadhaanaa vyavasthaam var tribhuvanabhavane saa shreeh shreyaamsi dishyaadashishiramahaso mandalaagrodgataa vah ॥ 43 ॥

॥ iti dyutivarnanam ॥ var tejovarnanam

॥ atha ashvavarnanam ॥

rakshantvakshunnahemopalapatalamalam laaghavaadutpatantah paatangaah pangvavajnaajitapavanajavaa vaajinaste jaganti । yeshaam veetaanyachihnonnayamapi vahataam maargamaakhyaati meraa- vudyannuddaamadeeptirdyumanimanishilaavedikaajaatavedaah ॥ 44 ॥

plushtaah prishthem'shupaatairatinikatatayaa dattadaahaatirekai- rekaahaakraantakritsnatridivapathaprithushvaasashoshaah shramena । teevrodanyaastvarantaamahitavihataye saptayah saptasapte- rabhyaashaakaashagangaajalasaralagalaavaannataagraananaa vah ॥ 45 ॥ var galavarjitaagraananaah

matvaanyaanpaarshvato'shvaan sphatikatatadrishaddrishtadehaa dravantee vyaste'hanyastasandhyeyamiti mridupadaa padmaraagopaleshu । saadrishyaadrishyamoortirmarakatakatake klishtasootaa sumero- rmoordhanyaavrittilabdhadhruvagatiravatu bradhnavaahaavalirvah ॥ 46 ॥ var druta

helaalolam vahantee vishadharadamanasyaagrajenaavakrishtaa svarvaahinyaah sudooram janitajavajayaa syandanasya syadena । nirvyaajam taayamaane haritimani nije spheetaphenaahitashree- var spheetaphenaasmitashreeh rashreyaamsyashvapanktih shamayatu yamunevaaparaa taapanee vah ॥ 47 ॥

maargopaante sumerornuvati kritanatau naakadhaamnaam nikaaye veekshya vreedaanataanaam pratikuharamukham kinnareenaam mukhaani । soote'sooyatyapeeshajjadagati vahataam kandharaardhairvaladbhi- var kandharaagraih rvaahaanaam vyasyataadvah samamasamaharerheshitam kalmashaani ॥ 48 ॥

dhunvanto neeradaaleernijaruchiharitaah paarshvayoh pakshatulyaa- staaloottaanaih khaleenaih khachitamukharuchashchyotataa lohitena । uddeeyeva vrajanto viyati gativashaadarkavaahaah kriyaasuh kshemam hemaadrihridyadrumashikharashirahshrenishaakhaashukaa vah ॥ 49 ॥

॥ ityashvavarnanam ॥

॥ atha arunavarnanam ॥

praatah shailaagrarange rajanijavanikaapaayasamlakshyalakshmee- rvikshiptaapoorvapushpaanjalimudunikaram sootradhaaraayamaanah । yaameshvankeshvivaahnah kritaruchishu chaturshveva jaatapratishthaa- var yaatah pratishthaam mavyaatprastaavayanvo jagadatanamahaanaatikaam sooryasootah ॥ 50 ॥

aakraantyaa vaahyamaanam pashumiva harinaa vaahako'gryo hareenaam bhraamyantam pakshapaataajjagati samaruchih sarvakarmaikasaakshee । shatrum netrashruteenaamavajayati vayojyeshthabhaave same'pi sthaamnaam dhaamnaam nidhiryah sa bhavadaghanude nootanah staadanooruh ॥ 51 ॥

dattaarghairdooranamrairviyati vinayato veekshitah siddhasaarthaih var siddhasaadhyaih saanaathyam saarathirvah sa dashashatarucheh saatirekam karotu । aapeeya praatareva pratatahimapayahsyandineerindubhaaso yah kaashthaadeepano'gre jadita iva bhrisham sevate prishthato'rkam ॥ 52 ॥

munchanrashmeendinaadau dinagamasamaye samharamshcha svatantra- stotraprakhyaataveeryo'virataharipadaakraantibaddhaabhiyogah । var vitata kaalotkarshaallaghutvam prasabhamadhipatau yojayanyo dvijaanaam sevaapreetena pooshnaatmasama iva kritastraayataam so'runo vah ॥ 53 ॥ var svasama

shaatah shyaamaalataayaah parashuriva tamo'ranyavahnerivaarchih var daahe davaabhah praachyevaagre graheetum grahakumudavanam praagudasto'grahastah । var praacheevaagre, grahakumudaruchim aikyam bhindandyubhoomyoravadhiriva vidhaateva vishvaprabodhe vaahaanaam vo vinetaa vyapanayatu vipannaama dhaamaadhipasya ॥ 54 ॥

paurastyastoyadartoh pavana iva patatpaavakasyeva dhoomo var patan vishvasyevaadisargah pranava iva param paavano vedaraasheh sandhyaanrityotsavechchoriva madanaripornandinaandeeninaadah saurasyaagre sukham vo vitaratu vinataanandanah syandanasya ॥ 55 ॥ var syandano vah

paryaaptam taptachaameekarakatakatate shlishtasheetetaraamshaa- vaaseedatsyandanaashvaanukritimarakate padmaraagaayamaanah । var ashvaanukritamarakate yah sotkarshaam vibhooshaam kuruta iva kulakshmaabhrideeshasya mero- renaamsyahnaaya dooram gamayatu sa guruh kaadraveyadvisho vah ॥ 56 ॥

neetvaashvaansapta kakshaa iva niyamavasham vetrakalpapratoda- var kakshyaa stoornam dhvaantasya raashaavitarajana ivotsaarite doorabhaaji । poorvam prashtho rathasya kshitibhridadhipateendarshayamstraayataam va- strailokyaasthaanadaanodyatadivasapateh praakprateehaarapaalah ॥ 57 ॥

vajrinjaatam vikaaseekshanakamalavanam bhaasi naabhaasi vahne! var no bhaasi taatam natvaashvapaarshvaannaya yama! mahisham raakshasaa veekshitaah stha । sapteensincha prachetah! pavana! bhaja javam vittapaaveditastvam vande sharveti jalpanpratidishamadhipaanpaatu pooshno'graneervah ॥ 58 ॥

paashaanaashaantapaalaadaruna varunato maa graheeh pragrahaartham trishnaam krishnasya chakre jahihi nahi ratho yaati me naikachakrah । yoktum yugyam kimuchchaihshravasamabhilashasyashtamam vritrashatro- var tvaashtrashatroh styaktaanyaapekshavishvopakritiriva ravih shaasti yam so'vataadvah ॥ 59 ॥

no moorchchaachchinnavaanchah shramavivashavapurnaiva naapyaasyashoshee paanthah pathyetaraani kshapayatu bhavataam bhaasvato'gresarah sah । yah samshritya trilokeematati patutaraistaapyamaano mayookhai- raaraadaaraamalekhaamiva haritamanishyaamalaamashvapanktim ॥ 60 ॥ var haritatrina

seedanto'ntarnimajjajjadakhuramusalaah saikate naakanadyaah skandantah kandaraaleeh kanakashikharino mekhalaasu skhalantah । dooram doorvaasthalotkaa marakatadrishadi sthaasnavo yanna yaataah pooshno'shvaah poorayamstaistadavatu javanairhunkritenaagrago vah ॥ 61 ॥ var prerayan hunkritairagraneeh

॥ ityarunavarnanam ॥ var sootavarnanam

॥ atha rathavarnanam ॥

peenorahpreritaabhraishcharamakhuraputaagrasthitaih praataradraa- vaadeerghaangairudasto haribhirapagataasanganihshabdachakrah । uttaanaanoorumoordhaavanatihathabhavadviprateepapranaamah praahne shreyo vidhattaam savituravataranvyomaveetheem ratho vah ॥ 62 ॥ var preyo

dhvaantaughadhvamsadeekshaavidhipatu vahataa praaksahasram karaanaa- var vidhiguru draaksahasram maryamnaa yo garimnah padamatulamupaaneeyataadhyaasanena । sa shraantaanaam nitaantam bharamiva marutaamakshamaanaam visodhum skandhaatskandham vrajanvo vrijinavijitaye bhaasvatah syandano'stu ॥ 63 ॥

yoktreebhootaanyugasya grasitumiva puro dandashookaandadhaano dvedhaavyastaambuvaahaavalivihitabrihatpakshavikshepashobhah । saavitrah syandano'sau niratishayarayapreenitaanoorurenah- kshepeeyo vo garutmaaniva haratu hareechchaavidheyaprachaarah ॥ 64 ॥

ekaahenaiva deerghaam tribhuvanapadaveem langhayan yo laghishthah var kristnaam prishthe merorgareeyaan dalitamanidrishattvimshi pimshanshiraamsi । sarvasyaivoparishtaadatha cha punaradhastaadivaastaadrimoorndhi bradhnasyaavyaatsa evam duradhigamaparispandanah syandano vah ॥ 65 ॥

dhoordhvastaagryagrahaani dhvajapatapavanaandolitendooni dooram var dooraat raahau graasaabhilaashaadanusarati punardattachakravyathaani । shraantaashvashvaasahelaadhutavibudhadhuneenirjharaambhaamsi bhadram deyaasurvo daveeyo divi divasapateh syandanaprasthitaani ॥ 66 ॥

akshe rakshaam nibadhya pratisaravalayairyojayantyo yugaagram dhoohstambhe dagdhadhoopaah prahitasumanaso gochare koobarasya । charchaashchakre charantyo malayajapayasaa siddhavadhvastrisandhyam var charchaam vandante yam dyumaarge sa nudatu duritaanyamshumatsyandano vah ॥ 67 ॥

utkeernasvarnarenudrutakhuradalitaa paarshvayoh shashvadashvai- var renurdruta rashraantabhraantachakrakramanikhilamilanneminimnaa bharena । merormoordhanyagham vo vighatayatu raverekaveethee rathasya svoshmodaktaamburiktaprakatitapulinoddhoosaraa svardhuneeva ॥ 68 ॥ var svoshmodastaambu

nantum naakaalayaanaamanishamanuyataam paddhatih panktireva var upayataam kshodo nakshatraraasheradayarayamilachchakrapishtasya dhoolih । heshahlaado hareenaam surashikharidareeh poorayanneminaado var naado yasyaavyaatteevrabhaanoh sa divi bhuvi yathaa vyaktachihno ratho vah ॥ 69 ॥

nihspandaanaam vimaanaavalivitatadivaam devavrindaarakaanaam var valitadishaa vrindairaanandasaandrodyamamapi vahataam vindataam vanditum no । mandaakinyaamamandah pulinabhriti mridurmandare mandiraabhe var mandaraabhe mandaarairmanditaaram dadhadari dinakritsyandanah staanmude vah ॥ 70 ॥

chakree chakraarapanktim harirapi cha hareen dhoorjatirdhoordhvajaantaa- naksham nakshatranaatho'runamapi varunah koobaraagram kuberah । ramhah sanghah suraanaam jagadupakritaye nityayuktasya yasya stauti preetiprasanno'nvahamahimarucheh so'vataatsyandano vah ॥ 71 ॥ var rucha

netraaheenena moole vihitaparikarah siddhasaadhyairmarudbhih paadopaante stuto'lam baliharirabhasaakarshanaabaddhavegah । bhraamyanvyomaamburaashaavashishirakiranasyandanah santatam vo dishyaallakshmeemapaaraamatulitamahimevaaparo mandaraadrih ॥ 72 ॥ var atulyaam

॥ iti rathavarnanam ॥

॥ atha mandalavarnanam ॥

yajjyaayo beejamahnaamapahatatimiram chakshushaamanjanam ya- var jyaayo yadbeejamahnaamapahrita ddvaaram yanmuktibhaajaam yadakhilabhuvanajyotishaamekamokah । yadvrishtyambhonidhaanam dharanirasasudhaapaanapaatram mahadya- ddishyaadeeshasya bhaasaam tadadheekalamalam mangalam mandalam vah ॥ 73 ॥ var devasya bhaanoh tadadhikamamalam mandalam mangalam

velaavardhishnu sindhoh paya iva khamivaardhodgataagyragrahodu stokodbhinnasvachihnaprasavamiva madhoraasyamasyanmanaamsi । var mahaamsi praatah pooshno'shubhaani prashamayatu shirahshekhareebhootamadreh paurastyasyodgabhastistimitatamatamahkhandanam mandalam vah ॥ 74 ॥

pratyuptastaptahemojjvalaruchirachalah padmaraagena yena jyaayah kinjalkapunjo yadalikulashiterambarendeevarasya । kaalavyaalasya chihnam mahitatamamahomoorndhi ratnam mahadya- ddeeptaamshoh praataravyaattadavikalajaganmandanam mandalam vah ॥ 75 ॥

kastraataa taarakaanaam patati tanuravashyaayabinduryathendu- rvidraanaa driksmaraarerurasi muraripoh kaustubho nodgabhastih । vahneh saapahnaveva dyutirudayagate yatra tanmandalam vo maartandeeyam puneetaaddivi bhuvi cha tamaamseeva mrishnanmahaamsi ॥ 76 ॥

yatpraachyaam praakchakaasti prabhavati cha yatah praachyasaavujjihaanaa- diddham madhye yadahno bhavati tataruchaa yena chotpaadyate'hah । yatparyaayena lokaanavati cha jagataam jeevitam yachcha tadvo vishvaanugraahi vishvam srijadapi cha ravermandalam muktaye'stu ॥ 77 ॥

shushyantyoodhaanukaaraa makaravasatayo maaraveenaam sthaleenaam yenottaptaah sphutantastaditi tilatulaam yaantyagendraa yugaante । var chatiti tachchandaamshorakaandatribhuvanadahanaashankayaa dhaama krichchaat var kritsnam samhrityaalokamaatram pralaghu vidadhatah staanmude mandalam vah ॥ 78 ॥ var aahrityaalokamaatram pratanu

udyaddyoodyaanavaapyaam bahulatamatamahpankapooram vidaarya var bahala prodbhinnam patrapaarshveshvaviralamarunachchaayayaa visphurantyaa । kalyaanaani kriyaadvah kamalamiva mahanmandalam chandabhaano- var chandarashmeh ranveetam triptihetorasakridalikulaakaarinaa raahunaa yat ॥ 79 ॥

chakshurdakshadvisho yanna tu dahati purah poorayatyeva kaamam var na dahati nitaraam punah naastam jushtam marudbhiryadiha niyaminaam yaanapaatram bhavaabdhau । yadveetashraanti shashvadbhramadapi jagataam bhraantimabhraanti hanti bradhnasyaakhyaadviruddhakriyamatha cha hitaadhaayi tanmandalam vah ॥ 80 ॥

॥ iti mandalavarnanam ॥

॥ atha sooryavarnanam ।

siddhaih siddhaantamishram shritavidhi vibudhaishchaaranaishchaatugarbham geetyaa gandharvamukhyairmuhurahipatibhiryaatudhaanairyataatma । saardham saadhyairmuneendrairmuditamatamano mokshibhih pakshapaataa- var mokshubhih tpraatah praarabhyamaanastutiravatu ravirvishvavandyodayo vah ॥ 81 ॥

bhaasaamaasannabhaavaadadhikatarapatoshchakravaalasya taapaa- chchedaadachchinnagachchatturagakhuraputanyaasanihshankatankaih । var nyasta nihsangasyandanaangabhramananikashanaatpaatu vastriprakaaram var triprakaaraih taptaamshustatpareekshaapara iva paritah paryatanhaatakaadrim ॥ 82 ॥

no shushkam naakanadyaa vikasitakanakaambhojayaa bhraajitam tu var kanakaambhoruhaa plushtaa naivopabhogyaa bhavati bhrishataram nandanodyaanalakshmeeh । no shringaani drutaani drutamamaragireh kaaladhautaani dhautaa- needdham dhaama dyumaarge mradayati dayayaa yatra so'rko'vataadvah ॥ 83 ॥

dhvaantasyaivaantaheturna bhavati malinaikaatmanah paapmano'pi praakpaadopaantabhaajaam janayati na param pankajaanaam prabodham । kartaa nihshreyasaanaamapi na tu khalu yah kevalam vaasaraanaam so'vyaadekodyamechchaavihitabahubrihadvishvakaaryo'ryamaa vah ॥ 84 ॥

lotamlloshtaavicheshtah shritashayanatalo nihsaheebhootadehah sandehee praanitavye sapadi dasha dishah prekshamaano'ndhakaaraah । nihshvaasaayaasanishthah paramaparavasho jaayate jeevalokah var chirataravasho shokenevaanyalokaanudayakriti gate yatra so'rko'vataadvah ॥ 85 ॥ var lokaabhyudaya

kraamamllolo'pi lokaamstadupakritikritaavaashritah sthairyakotim nreenaam drishtim vijihmaam vidadhadapi karotyantaratyantabhadraam । yastaapasyaapi heturbhavati niyaminaamekanirvaanadaayee bhooyaatsa praagavasthaadhikataraparinaamodayo'rkah shriye vah ॥ 86 ॥

vyaapannarturna kaalo vyabhicharati phalam naushadheervrishtirishtaa naishtaistripyanti devaa na hi vahati marunnirmalaabhaani bhaani । aashaah shaantaa na bhindantyavadhimudadhayo bibhrati kshmaabhritah kshmaam yasmimstrailokyamevam na chalati tapati staatsa sooryah shriye vah ॥ 87 ॥

kailaase krittivaasaa viharati virahatraasadehodhakaantah shraantah shete mahaahaavadhijaladhi vinaa chhadmanaa padmanaabhah । yogodyogaikataano gamayati sakalam vaasaram svam svayambhoo- rbhooritrailokyaachintaabhriti bhuvanavibhau yatra bhaasvaansa vo'vyaat ॥ 88 ॥

etadyanmandalam khe tapati dinakritastaa richo'rcheemshi yaani dyotante taani saamaanyayamapi purusho mandale'nuryajoomshi । evam yam veda vedatritayamayamayam vedavedee samagro vargah svargaapavargaprakritiravikritih so'stu sooryah shriye vah ॥ 89 ॥

naakaukahpratyaneekakshatipatumahasaam vaasavaagresaraanaam sarveshaam saadhu paataam jagadidamaditeraatmajatve same'pi । yenaadityaabhidhaanam niratishayagunairaatmani nyastamastu var gunenaatmani stutyastrailokyavandyaistridashamuniganaih som'shumaan shreyase vah ॥ 90 ॥

bhoomim dhaamno'bhivrishtyaa jagati jalamayeem paavaneem samsmritaava- var dhaamno'tha pyaagneyeem daahashaktyaa muhurapi yajamaanaam yathaapraarthitaarthaih । var yajamaanaatmikaam leenaamaakaasha evaamritakaraghatitaam dhvaantapakshasya parva- nvevam sooryo'shtabhedaam bhava iva bhavatah paatu bibhratsvamoortim ॥ 91 ॥

praakkaalonnidrapadmaakaraparimalanaavirbhavatpaadashobho bhaktyaa tyaktorukhedodgati divi vinataasoonunaa neeyamaanah । saptaashvaaptaaparaantaanyadhikamadharayanyo jaganti stuto'lam devairdevah sa paayaadapara iva muraaraatirahnaam patirvah ॥ 92 ॥

yah srashtaa'paam purastaadachalavarasamabhyunnaterhetureko lokaanaam yastrayaanaam sthita upari param durvilanghyena dhaamnaa । var cha trayaanaam sadyah siddhyai prasannadyutishubhachaturaashaamukhah staadvibhakto var shuchi dvedhaa vedhaa ivaavishkritakamalaruchih so'rchishaamaakaro vah ॥ 93 ॥

saadridyoorveenadeeshaa dishati dasha disho darshayanpraagdrisho yah var draak drisho saadrishyam drishyate no sadashashatadrishi traidashe yasya deshe । deeptaamshurvah sa dishyaadashivayugadashaadarshitadvaadashaatmaa sham shaastyashvaamshcha yasyaashayavidatishayaaddandashookaashanaadyah ॥ 94 ॥

teerthaani vyarthakaani hridanadasaraseenirjharaambhojineenaam nodanvanto nudanti pratibhayamashubhashvabhrapaataanubandhi । aapo naakaapagaayaa api kalushamusho majjataam naiva yatra var svargaapagaayaah traatum yaate'nyalokaan sa dishatu divasasyaikaheturhitam vah ॥ 95 ॥ var lokam

etatpaataalapankaplutamiva tamasaivaikamudgaadhamaasee- daprajnaataapratarkyam niravagati tathaalakshanam suptamantah । yaadriksrishteh purastaannishi nishi sakalam jaayate taadrigeva trailokyam yadviyogaadavatu ravirasau sargatulyodayo vah ॥ 96 ॥

dveepe yo'staachalo'sminbhavati khalu sa evaaparatrodayaadri- ryaa yaaminyujjvalendudyutiriha divaso'nyatra teevraatapah saa । yadvashyau deshakaalaaviti niyamayato no tu yam deshakaalaa- var nu vavyaatsa svaprabhutvaahitabhuvanahito heturahnaamino vah ॥ 97 ॥

vyagrairagryagrahendugrasanaguru bharairno samagrairudagraih var gurutaraih pratyagraireeshadugrairudayagirigato goganairgaurayan gaam । udgaadhaarchirvileenaamaranagaranagagraavagarbhaamivaahnaa- magre shreyo vidhatte glapayatu gahanam sa grahagraamaneervah ॥ 98 ॥

yonih saamnaam vidhaataa madhuripurajito dhoorjatih shankaro'sau mrityuh kaalo'lakaayaah patirapi dhanadah paavako jaatavedaah । ittham sanjnaa davitthaadivadamritabhujaam yaa yadrichchaapravrittaa- staasaameko'bhidheyastadanugunagunairyah sa sooryo'vataadvah ॥ 99 ॥ var ganaih

devah kim baandhavah syaatpriyasuhridathavaa''chaarya aahosvidaryo var aaryah rakshaa chakshurnu deepo gururuta janako jeevitam beejamojah । evam nirneeyate yah ka iva na jagataam sarvathaa sarvadaa'sau var sarvadaah sarvaakaaropakaaree dishatu dashashataabheeshurabhyarthitam vah ॥ 100 ॥

shlokaa lokasya bhootyai shatamiti rachitaah shreemayoorena bhaktyaa yuktashchaitaanpathedyah sakridapi purushah sarvapaapairvimuktah । aarogyam satkavitvam matimatulabalam kaantimaayuhprakarsham vidyaamaishvaryamartham sutamapi labhate so'tra sooryaprasaadaat ॥ 101 ॥

iti shreemayoorakavipraneetam sooryashatakam samaaptam ।

ஶ்ரீ ஸூர்ய ஶதகம் பற்றி

The Surya Shatakam is a hymn of a hundred verses to the Sun god by the poet Mayura. In the long, majestic sragdhara metre it praises in turn the Sun's rays, his seven horses, his charioteer Aruna, his chariot and his radiant disc, and the Sun himself as the source of light, life and protection for the world, the dispeller of darkness and the eye of the gods.

இயற்றியவர்: Mayura (7th century), as its colophon states

எப்போது பாராயணம் செய்வது: At sunrise, especially on Sundays, and on Ratha Saptami.

உங்களுக்குத் தெரியுமா?

  • Its colophon names Mayura, a 7th-century poet at the court of King Harshavardhana, as its author.
  • Tradition makes Mayura a relative of the poet Bana, author of the Kadambari.
  • It is admired as a masterpiece of classical Sanskrit poetry as well as a hymn.

அடிக்கடி கேட்கப்படும் கேள்விகள்

Who wrote the Surya Shatakam?

The poet Mayura, at the court of King Harsha (7th century).

What does it describe?

The Sun's rays, horses, charioteer Aruna, chariot and disc, and the Sun himself.

How many verses does it have?

About a hundred.

வழிபாட்டிற்கும் கற்றலுக்குமாக வழங்கப்படுகிறது, கணிப்பாக அல்ல. வணிக நோக்கமற்றது.